این آر سی، سی اے بی، طلاق اور موب لینچنگ

پریشان ہونے کی کوئی ضرورت نہیں ہے۔ این آر سی اور سی اے بی کو لے کر تو بالکل پریشان نہ ہوں۔ نوجوانوں کو تو خاص طور پر پریشان ہونے کی ضرورت نہیں ہے کیوں کہ پریشان ہو کر آپ کر بھی کیا سکتے ہیں؟ تھوڑی دیر کے لیے آپ پریشان ہوں گے پھر موبائل نکال کر ٹک ٹاک دیکھنا شروع کر دیں گے۔ اگر آپ زیادہ پریشان ہوئے تو دماغ تھک جائے گا اور پھر اپنی تھکان کو دور کرنے کے لیے آپ گھنٹوں پب جی وغیرہ کھیلیں گے۔ اس سے بہتر ہے کہ آپ بالکل پریشان نہ ہوں۔ جب غفلت کی نیند سونا ہی ہے تو اچھے سے سو جائیں۔

کئی مسلمانوں کو ابھی تک کوئی خبر نہیں کہ این آر سی اور سی اے بی کس آدمی یا شہر کا نام ہے۔ ایسے لوگوں کو تو بالکل پریشان نہیں ہونا چاہیے کہ یہ سب کیا ہے، سسپنس کی موت مریں۔

کوئی تیری غفلت کی ہے انتہا بھی؟

عبد مصطفی