🌹 اسلامی معلومات عامہ 🌹

حضرت شیخ محمد اسمٰعیل مدرس عرف میاں وڈا سہروردی رحمۃ اللہ تعالیٰ علیہ
ابتدائی حالات

آپ کا اصلی نام حافظ محمد اسماعیل تھا والد کا اسم گرامی فتح اللہ اور دادا کا نام عبد اللہ ولد سرفراز خاں تھا، قوم کے کھو کھر تھے، از موضع تڑ گڑ علاقہ پوٹھو ہار میں ۹۹۵ھ بمطابق ۱۵۸۶ء میں پیدا ہوئے، بچپن میں ہی آپ کے والدین ترک سکونت کرکے دریائے چنا ب کے پاس موضع لنگر میں اقامت گزین ہوگئے تھے،ابتدائی تعلیم مخدوم عبد الکریم سے حاصل کی جو ایک متشرع فاضل اور عارف کا مل تھے،آپ کے چار بھائی تھے،۱حضرت میاں اسماعیل۲میاں محمد طفیل۳محمد ابراہیم۴محمد حسین۔

خزینتھ الا صفیا جلد دوم صفحہ ۱۰۵ پر آپ کے متعلق لکھا ہے،از بزرگان دین و مشائخ اہل یقین صاحب مقامات بلند و کرامات ار جمند صاحب تدریس قرآنی جامع علوم ہمہ دانی بو دو در سلسلہ عالیہ سہرور دیہ مریدو شاگر دو شیخ عبد الکریم است۔

آپ علم فقہ میں بڑی دستر س رکھتے تھے اور علمی مسائل نہایت خوبی سے بیان فرماتے تھے، مرشدی شجرہ اس طرح ہے حضرت محمد اسماعیل مرید مخدوم عبد الکریم رحمتہ اللہ علیہ کے،وہ مرید طیب رحمتہ اللہ علیہ کے،وہ مخدوم برہان الدین رحمتہ اللہ علیہ کے ،وہ مرید چنن رحمتہ اللہ علیہ کے ، وہ شیخ میلون رحمتہ اللہ علیہ کے ،وہ شیخ حسان الدین متقی رحمتہ اللہ علیہ کے ،وہ سید شاہ عالم رحمتہ اللہ علیہ کے ،وہ سید برہان الدین قطب رحمتہ اللہ علیہ کے ، وہ سید ناصر الدین رحمتہ اللہ علیہ کے ،وہ سید جلال الدین رحمتہ اللہ علیہ کے ،وہ شیخ حسام الدین ابو الفتح ملتانی رحمتہ اللہ علیہ کے ،وہ شیخ صد ر الدین رحمتہ اللہ علیہ کے ،وہ صد ر الدین عارف ملتانی رحمتہ اللہ علیہ کے، وہ شیخ بہاء الدین زکریا ملتانی رحمتہ اللہ علیہ کے۔

لاہور میں آمد

۴۵سال کی عمر میں آپ لاہور تشریف لائے تو چالیس دن مخدوم سید علی ہجو یری المعروف حضرت داتا گنج بخش رحمتہ اللہ علیہ کے مزار اقدس پر اعتکاف کے بعد محلہ تیلی واڑہ یا تیل پورہ میں قیام فرمایا اور ایک مدرسہ قائم کیا جس نے آہستہ آہستہ ایک عظیم مدرسہ کی حثییت اختیار کرلی جہاں پر قرآن و حدیث اور فقہ کی تعلیم دی جاتی تھی، ۱۰۰۸ھ بمطابق ۱۵۹۹ء میں آپ نے یہاں ایک مسجد بھی تعمیر کرائی، اور نگزیب عالمگیر نے اخر اجات مدرسہ کےلیئے سات چاہ بمعہ اراضی مز روعہ عنایت کیئے، تحقیقات چشتی میں لکھا ہے کہ آپ تنتا لیس سال کی عمر میں لاہور تشریف لائے تھے اور جہاں آپ نے رہائش اختیار کی وہاں گورستان تیلیاں تھا جو آج کل بھی موجود ہے، آپ کے مزار اقدس کی چار دیواری کے باہر کھٹیوں میں ایک روضہ سید محمود ہے،وہ اس وقت یہاں موجود تھے انہوں نے ہی آپ کو تلقین کی تھی کہ لاہور مقیم ہونے سے قبل حضرت سید علی ہجویری رحمتہ اللہ علیہ کے مزار پر انو ار پر چالیس دن اعتکاف کرو چنانچہ آپ نے ویسا ہی کیا اور تسکین کلی حاصل کی، حضرت سید محمود رحمتہ اللہ علیہ اس زمانہ میں اس محلہ کے رئیس تھے،نجابت اور تقویٰ میں اپنا خاص مقام رکھتے تھے۔

شاہجہان بادشاہ کو آپ سے بے حد عقیدت و ارادت تھی اور اس نے آپ کے درس اور مسجد کےلیئے خاصی زمین بھی عطا کی،شاہی خز انہ سے سالانہ وظیفہ مقرر کیا۔اس کی وفات کے بعد عالمگیر نے بھی درس کےلیئے سات آباد کنوئیں مخصوص کرائے اور طلباء کےلیئے ہوسٹل تعمیر کرائے جہاں سے ان کھانا بھی ملتا تھا، اس بادشاہ نے آپ کا مقبرہ بھی تعمیر کروایا تھا۔

برکت قرآن پاک

قرآن پاک سے آپ کا عشق کمال درجہ کا تھا۔فرمایا کرتے تھے کہ جو شخص میری قبر پر سے درخت کے پتےکھائے گا اس کو قرآن مجید حفظ کرنے میں آسانی ہوگی،چنا نچہ دور دراز مقامات سے لوگ قرآن مجید کا فیضان حاصل کرنے کےلیئے آپ کی خدمت میں حاضر ہونے لگے۔جس پر بھی آپ کی نظر ہوجاتی وہ حافظ قرآن ہوجاتا، غریب اور نا بینا افراد کےلیئے بھی حفظ قرآن کا انتظام تھا، فرمایا کرتے تھے کہ ہماری وفات کے بعد بھی قرآن پاک کا فیضان ہماری قبرسے جاری رہے گا، چنا نچہ آنجناب کی وفات کے بعد حافظ شیخ محمد صالح رحمتہ اللہ علیہ متوفی ۱۷۲۹ء پچپن سال تک، حافظ محمود بیالیس سال تک، متوفی ۱۷۷۹ء حافظ معز الدین رحمتہ اللہ علیہ پینتیس سال تک متوفی ۱۸۰۶ ء اور حافظ شرف الدین ساٹھ سال تک درس کلام پاک دیتے رہے، حافظ شرف الدین رحمتہ اللہ علیہ کی وفات ۱۸۰۳ء میں ہوئی، ان کے بعد حافظ احمد دین نے گدی سنبھالی اور ۱۸۸۸ء کو وصال فرمایا، ان کے بعد حاجی حافظ غلام محمد صاحب نے مسند سجادہ نشین کو زینت دی جنہوں نے ۱۸۹۴ء میں وصال فرمایا اور جانشین حافظ محمد شفیع ہوئے جنہوں نے سوانح عمری میاں وڈا صاحب رحمتہ اللہ علیہ تصنیف کی۔

سکھ گردی اور خانقاہ و مدرسہ

مہاراجہ رنجیت سنگھ اپنے زمانہ میں اس خا نقاہ کی بہت عزت کرتا تھا،نذ رانہ پیش کرتا تھا، مگر اس کے مرنے پر اس کی اولاد نے خا نقاہ کی عزت نہ کی،تاریخوں میں مذ کور ہے کہ ۱۸۰۴ء میں ج

❤1

118 viewsمحمد جمال الدين خان قادری, 20:08