حضرت ابو الخیر حمصی رحمۃ اللہ تعالیٰ علیہ

بڑے بزرگ تھے عابد زاہد اور متقی عام طور پر بیابانوں میں بسر اوقات کرتے ـ

آپ علیہ الرحمہ کئی بار تنِ تنہا یا پیادہ مکہ مکرمہ پہنچے زیارت کعبہ سے مشرف ہوئے ـ

یوم وفات:
آپ ۳۱۲ھ میں فوت ہوئے ۔

شیخ بو الخیر خیر ہر دو جہاں
سالِ وصلش چو از خرد جستم

آنکہ از اولیا بُردہ سبق
گفت والی جود قطب بحق  ۳۱۰

( خزینۃ الاصفیاء )

https://scholars.pk/ur/scholar/hazrat-abul-khair-himsi

#یوم_وصال_ماہ_رمضان_المبارک
https://t.me/islaamic_Knowledge/48123

حضرت علامہ مولانا غلام رسول ہاشم چشتی رحمۃ اللہ تعالیٰ علیہ

ولادت:
مولانا غلام رسول بن خلیفہ پیر محمد ۳، مارچ ۱۸۶۳ء کو شکار پور سندھ میں تولد ہوئے ۔

آپ رئیس العارفین حضرت خواجہ امین شاہ چشتی علیہ الرحمہ کے بڑے خلیفہ مولانا حافظ صاحبڈ نہ چشتی کے پڑ پوتے ( یعنی پوتے کے بیٹے ) تھے ۔

تعلیم و تربیت:
ابتدا میں محلہ کی مسجد شریف میں قرآن مجید کی تعلیم حاصل کی اس کے بعد حضرت مولانا قاضی سید بہادر علی شاہ چشتی ( جو کہ حضرت خواجہ سید محمد گیسودراز چشتی قدس سرہ متوفی ۸۲۵ھ مدفون حیدر آباد دکن کی اولاد میں سے تھے ) سے تعلیم و تربیت حاصل کی۔

بیعت:
اپنے والد ماجد خلیفہ پیر محمد سے سلسلہ عالیہ چشتیہ صابر یہ میں دست بیعت ہوئے اور بعد میں خلافت سے نوازے گئے۔

عادات و خصائل:
بعدفراغت علمی نواب سخی مدد خان مرحوم کی مشہور جامع مسجد کے امام و خطیب مقرر ہوئے ۔ آپ کا وعظ اثر انداز پر تاثیر تھا۔ شیرین گفتار کے مالک کے ، اس کے علاوہ نامور حکیم بھی تھے۔ پوری زندگی بندگی و معرفت خداوندی اور حب مصطفیٰ ﷺ سے عبارت تھی ۔ ذکر الٰہی ، درود شریف ، تلاوت قرآن مجید اور درس و تدریس آپ کا روز کا معمول تھا۔

شادی و اولاد:
آپ نے تین شادیاں کیں، جن سے پانچ بیٹے تولد ہوئے ۔ بڑے بیٹے میاں شہاب الدین چشتی نے شکار پور سے ہفت روز ہ سندھی اخبار ’’شہباز ‘‘ جاری کیا تھا۔

شاعری:
موصوف بلند پایہ کے شاعر تھے ، علم عروض کے ماہر اور فارسی زبان پر مکمل دسترس رکھتے تھے۔ ’’ہاشم ‘‘ تخلص تھا۔ نمونہ کلام :

چوں شوی فارغ از مناسک او
زاہد روضہ نبی می

روضہ دیدہ بگو تو اے احمد
سرورا دستگیر من می

تصنیف و تالیف:
آپ نے تلقین وارشاد، وعظ و نصیحت ، حلقہ ذکر، شعر و شاعری کے ساتھ تصنیف و تالیف کاکام بھی جاری رکھا۔ آپ کی بعض تصانیف کا علم ہو سکا جو کہ درج ذیل ہیں :

٭ میلاد نامہ ( سندھی ) حضور اکرم ﷺ کے میلاد شریف کا بیان

٭ معراج نامہ ( سندھی ) حضور اکرم ﷺ کے معراج شریف کا بیان

٭ تنبیہ المسلمین ( سندھی )

٭ دیوان ہاشم اس میں سندھی سرائیکی اور فارسی کلام درج ہے۔

وصال:
مولانا غلام رسول ہاشم چشتی نے ۲۷، جون ۱۹۲۶ئ؍۱۳۴۴ھ کو ۶۳ سال کی عمر میں انتقال کیا۔ آپ کی آخری آرامگاہ شکار پور کے قبرستان میں واقع ہے۔ ( ماخوذ: مہران مطبوعہ ۱۹۵۷ء )


( انوارِ علماءِ اہلسنت )

https://scholars.pk/ur/scholar/hazrat-allama-molana-ghulam-rasool-hashim-chishti