سراج الدین حضرت عمر بن محمود رحمۃ اللہ تعالیٰ علیہ

عمر بن محمود بن عبد القاہر کا سراج الدین لقب تھا اور محمد معروف با بن السراج کے والد تھے ۔ بڑے عالم فاضل، جامع اصناف علوم تھے، علم اپنے باپ شہاب الدین محمود شاگرد جمال الدین محمود حصیری تلمیذ قاضی خان سے حاصل کیا ۔

پہلے اشرفیہ اور عاشوریہ کے مدارس کے مدرس رہے پھر منصر کی قضائ پر مامور ہوئے اور ۳؍ماہ رمضان ۷۱۷ ھ کو قاہرہ میں فوت ہوئے ۔

( حدائق الحنفیہ )

https://scholars.pk/ur/scholar/sirajuddin-hazrat-umar-bin-mahmood

#یوم_وصال_ماہ_رمضان_المبارک

حضرت شیخ حاجی رمضان چشتی لاہوری رحمۃ اللہ تعالیٰ علیہ

آپ خواجہ سلیمان تونسوی قدس سرہ کے مرید  ہیں بڑے زاہد ، عابد، صائم الدھر، اور قائم اللیل ہیں ۔ مخلوق سے دور اور اللہ کے قریب ہیں ۔

ہمیشہ خانۂ خدا میں قیام ہے اور عبادت میں مشغول ہیں ۔ مجالس سماع میں پوری ذمہ داری سے شریک ہوتے ہیں اور وجد و اضطراب میں رہتے ہیں آپ حج بیت اللہ پر بھی گئے تھے خلق خدا سے نیک خلقی اور محبت سے پیش آئے ہیں جو ضرورت در پیش ہو اللہ سے دُعا کرتے ہیں جو قبول ہو جاتی ہے غرض کہ اس زمانہ میں وہ مشہور صوفیاء میں ہیں لیکن گم نام رہنے کے لیے گوشہ نشین رہتے ہیں ۔

آپ رمضان المبارک ۱۲۰۲ھ میں پیدا ہوئے اور تین رمضان ۱۲۸۲ھ میں اسی (۸۰) سال کی عمر میں فوت ہوئے آپ کا مزار لاہور قبرستان میانی صاحب میں شیخ محمد طاہر لاہوری کے مزار کے قریب ہے ۔

حضرت رمضان کہ نام نامیش
بود متبرک چو رمضان بر زبان

آمد اندر ماہ رمضان بر زمین
ہم برمضان شد بر اوج آسمان

گو چراغ حلم سالِ رحلتش ۱۲۸۲ھ
نیز کامل زندہ دل رمضان بخواں ۱۲۸۲ھ

https://scholars.pk/ur/scholar/hazrat-sheikh-haji-ramazan-chishti-lahori

#یوم_ولادت_ماہ_رمضان_المبارک
#یوم_وصال_ماہ_رمضان_المبارک