اسلام امن کا درس دیتا ہے؟

سننے میں اچھا لگتا ہے کہ اسلام امن کا درس دیتا ہے اور ایک طرف سے دیکھا جائے تو یہ اچھا بھی ہے لیکن اب اس کا استعمال مسلمانوں کو بزدل بنانے کے لیے کیا جا رہا ہے۔

ایک بزرگ نے کیا خوب کہا تھا:
"اسلام امن کا درس اس وقت دیتا ہے جب بلال کعبے کی چھت پر ہوں"

کہنے والے نے یہ لاکھوں کروڑوں کی بات کَہ دی جس میں سمجھنے والوں کے لیے بہت کچھ ہے۔
جب ہماری حکومت ہو، ہماری ریاست ہو، ہماری سلطنت ہو تو امن کی بات کی جائے گی، یہ نہیں کہ ہمارے بھائیوں کا قتل عام ہو رہا ہو، ہماری بہنوں کی عزت پر حملہ کیا جا رہا ہو، ہمارا وجود مٹانے کی کوشش کی جا رہی ہو اور ہم امن کا درس دیتے رہیں۔

عبد مصطفی

اسلام تلوار سے نہیں پھیلا

یہ کہنے کا کیا مطلب ہے کہ اسلام تلوار سے نہیں پھیلا؟ کیوں ایسی باتوں سے امت مسلمہ کو بزدل اور ڈرپوک بنایا جا رہا ہے؟
اگر کہا جائے کہ اس کا مطلب ہے اسلام نے کسی پر ظلم نہیں کیا تب تو ٹھیک ہے لیکن اب اس سے جو سمجھا جا رہا ہے کہ اسلام پھیلانے کے لیے تلوار کی کوئی ضرورت ہی نہیں یا بغیر تلوار اٹھائے اسلام پھیل گیا تو یہ بالکل غلط ہے۔

ہم کہتے ہیں کہ بے شک اسلام تلوار سے پھیلا ہے۔ کسی کو حق نہیں ہے کہ تلوار کی نفی کرے۔ ہمت نہیں ہے تو گھر میں رہیں اور امن کے گیت ضرور گائیں لیکن تلوار کی نفی نہ کریں۔ اسلام کو پھیلانے کے لیے سب سے زیادہ ضروری ہے کہ تلوار سے کفر کو دبایا جائے۔ جب کفر کو دبایا جائے گا تو اسلام خود بہ خود پھیلے گا۔

عبد مصطفی

بغیر خون بہائے امن قائم نہیں ہو سکتا

کچھ لوگوں کو لگتا ہے کہ ایک کمرے میں دس بیس لوگوں کے بیٹھ کر بات کرنے سے امن قائم ہو جائے گا،
کچھ سمجھتے ہیں کہ ہندو، مسلم، سکھ ،عیسائی آپس میں ہیں بھائی بھائی کا جاپ جپنے سے امن آئے گا،
اور کچھ ایسے ہیں جو جلسے اور جلوس سے امن قائم کرنا چاہتے ہیں؛ لیکن

"بغیر خون بہائے امن قائم نہیں ہو سکتا"

جب تک ظالموں، قاتلوں، فسادیوں کا خون نہیں بہتا تب تک امن کی کوئی گنجائش نہیں ہے۔
یہ کیسے ممکن ہے کہ مظلوموں کے ساتھ انصاف کیے بغیر امن قائم کیا جائے؟
جب لوگوں کو کیڑے مکوڑوں کی طرح قتل کیا جا رہا ہو تو بغیر قاتلوں کا خون بہائے، کیسے امن قائم ہو سکتا ہے؟

"امن قائم کرنے کے لیے خون بہانا ضروری ہے"

عبد مصطفی

حضور غوث العالم | تارک السلطنت
اشرف الاولیاء 🌹 مـحـبوب یزدانی
حـضـرت سلطان سیدنا شیخ اشرف
جہانگیر سمنانی🌹ثم کچھوچھوی
رَضِیَ الــلّٰــهُ تَـبَـارَڪَ وَ تَـعَـالیٰ عَـنۡـہۡ
▬▬▬▬▬▬▬▬▬▬▬▬
منقبت / مولانا عبدالقادر نوری
➻═══════════➻
TTS AʜʟᴇSᴜɴɴᴀᴛKɴᴏᴡʟᴇᴅɢᴇ
Jᴏɪɴ @islaamic_Knowledge
➻═══════════➻

مظلوم مسلمانوں کی مدد

اللہ تعالی مظلوم مسلمانوں کی مدد کرنے کی ترغیب دیتے ہوئے ارشاد فرماتا ہے:

وَ مَا لَكُمْ لَا تُقَاتِلُوْنَ فِیْ سَبِیْلِ اللّٰهِ وَ الْمُسْتَضْعَفِیْنَ مِنَ الرِّجَالِ وَ النِّسَآءِ وَ الْوِلْدَانِ الَّذِیْنَ یَقُوْلُوْنَ رَبَّنَاۤ اَخْرِجْنَا مِنْ هٰذِهِ الْقَرْیَةِ الظَّالِمِ اَهْلُهَاۚ وَ اجْعَلْ لَّنَا مِنْ لَّدُنْكَ وَلِیًّا وَّ اجْعَلْ لَّنَا مِنْ لَّدُنْكَ نَصِیْرًاؕ

"اور تمھیں کیا ہو گیا ہے کہ تم اللہ کی راہ میں جنگ نہیں کرتے حالانکہ کئی بے بس مرد اور عورتیں اور بچے ایسے ہیں جو فریاد کرتے ہیں کہ اے ہمارے رب! ہمیں اس بستی سے نکال جس کے باشندے ظالم ہیں اور ہمارے لیے اپنے پاس سے کوئی حمایتی بنا دے اور ہمارے لیے اپنے پاس سے کوئی مددگار بنا دے"

(سورۃ النساء: 75)

کئی علاقوں میں مسلمانوں پر ظلم کے پہاڑ توڑے جا رہے ہیں لیکن امت مسلمہ خاموش کھڑی ہے۔
آج اپنے بھائیوں پر ظلم ہوتا دیکھ کر ہم اسے ان دیکھا کر رہے ہیں، آنے والے کل کو ہماری باری بھی ہو سکتی ہے۔

بڑے حیرت کی بات ہے کہ ابھی بھی کچھ مسلمانوں کو لگتا ہے کہ بغیر جنگ کیے سب کچھ ٹھیک ہو جائے گا، بنا کسی کو تکلیف پہنچائے امن قائم ہو جائے گا۔
ایسا سوچنے والے اصل میں نہیں چاہتے کہ ان کے بچے یتیم ہوں، ان کی بیویاں بیوہ ہو جائیں یا کسی پیارے کی جان چلی جائے، ایسی بزدلی بھری باتیں کرنے کا صاف یہی مطلب ہے۔

اللہ تعالی ہمیں اپنے مظلوم بھائیوں اور بہنوں کی مدد کرنے کی توفیق عطا فرمائے۔

عبد مصطفی

جہاد سے دوری

امام سیوطی لکھتے ہیں کہ امام طبرانی نے حضرت ابو بکر صدیق رضی اللہ تعالی عنہ سے روایت کیا ہے کہ جو قوم جہاد کو ترک کر دیتی ہے، اللہ اس پر عذاب بھیجتا ہے۔

امام بیہقی نے حضرت ابن عمر رضی اللہ تعالی عنھما سے روایت کیا ہے کہ رسول اللہ ﷺ نے فرمایا:
جب لوگ دنیاداری، مال اور کھیتی باڑی میں منہمک ہو جائیں اور اللہ کی راہ میں جہاد کو ترک کر دیں تو اللہ تعالی ان پر مصیبتیں نازل فرماتا ہے اور جب تک وہ اپنے دین کی طرف رجوع نہ کریں وہ مصیبتیں ان سے دور نہیں کرتا۔

(در منثور، ج1، ص249 بہ حوالہ تبیان القرآن، ج1، ص763)

عبد مصطفی

جہاد سے نفرت

غیر مسلموں کے پیٹ میں تو جہاد کے نام سے درد اٹھتا ہی ہے لیکن اب کچھ مسلمانوں کے سامنے بھی جہاد کا نام لینے سے ان کا چہرہ بدل جاتا ہے۔
جہاد کی بات کرنے والوں کو اس طرح دیکھا جاتا ہے کہ جیسے وہ کسی دوسری دنیا سے تشریف لائے ہوں۔

جہاد کو ناپسند کرنے والے شاید اپنے آپ کو خطرات سے بچانا چاہتے ہیں اور بہ ظاہر یہی نظر آتا ہے کہ جہاد کو چھوڑ کر اپنی جان و مال کو بچایا جا سکتا ہے لیکن یہ مزید نقصان کا باعث بنتا ہے۔ جب دشمنوں کو پتا چلتا ہے کہ مسلمان اب جہاد چھوڑ بیٹھے ہیں اور امن کے پجاری بن چکے ہیں تو وہ حملہ آور ہو جاتے ہیں، مسلمانوں کو بھیڑ بکریوں کی طرح ذبح کر دیتے ہیں، ان کے مال لوٹ لیتے ہیں، ان کے علاقے پر قبضہ کر لیتے ہیں۔

اللہ تعالی فرماتا ہے :

كُتِبَ عَلَیْكُمُ الْقِتَالُ وَ هُوَ كُرْهٌ لَّكُمْ وَ عَسٰۤى اَنْ تَكْرَهُوْا شَیْـــا وَّ هُوَ خَیْرٌ لَّكُمْ وَ عَسٰۤى اَنْ تُحِبُّوْا شَیْـــا وَّ هُوَ شَرٌّ لَّكُمْ وَ اللّٰهُ یَعْلَمُ وَ اَنْتُمْ لَا تَعْلَمُوْنَ۠

"تم پر فرض کیا گیا خدا کی راہ میں لڑنا اور وہ تمھیں ناگوار ہے اور قریب ہے کہ کوئی بات تمھیں بری لگے اور وہ تمھارے حق میں بہتر ہو اور قریب ہے کہ کوئی بات تمھیں پسند آئے اور وہ تمھارے حق میں بری ہو اور اللہ جانتا ہے اور تم نہیں جانتے"

(سورۃ البقرۃ : 216)

جہاد کسی کو پسند ہو یا ناپسند ہو لیکن حقیقت میں یہی ہمارے لیے بہتر ہے۔
کڑوی دوائی تھوڑی دیر کے لیے طبیعت پر گراں گزرتی ہے لیکن اسی میں شفا بھی ہوتی ہے۔ انجیکشن کے نام سے ہی کتنوں کے دل کی دھڑکنیں تیز ہو جاتی ہیں مگر بہتری کے لیے ہمت جمع کرنی پڑتی ہے۔

عبد مصطفی