مقدمہ المستند اردو صفحہ 3 تا 4
✍فقیر غلام رسول قاسمی قادِری

یہ کتاب مکمل pdf فائل میں ↶
https://t.me/Maslake_Aalaa_Hazrat/15349

بِسۡمِ الـلّٰـهِ الرَّحۡمٰنِ الرَّحِيۡمِ

اَلۡحَمۡدُ لِـلّٰـهِ رَبِّ الۡعَالَمِيۡنَ وَالصَّلوٰةُ وَالسَّلَامُ عَلَىٰ سَيِّدِنَا وَمَوۡلَانَا مُحَمَّدٍ وَّعَلىٰ آلِهٖ وَ أَصۡحَابِهٖ أَجۡمَعِيۡنَ أَمَّا بَعۡدُ

کافی عرصہ پہلے فقیر کو خیال آیا تھا کہ دنیا بھر سے تمام ذخیرہ احادیث کو یکجا کر کے ترتیب دے دیا جائے اور قرآن مجید کی طرح حدیث کی صرف ایک ہی کتاب تیار کر دی جائے۔ لیکن معایہ خیال بھی آ گیا کہ یہ کام مشقت طلب ہونے کے ساتھ ساتھ اتنا فائدہ مند بھی نہیں۔ کون اتنے بڑے ذخیرہ احادیث کو خریدےگا اور کون پڑھے گا؟ اور کسی عربی دان نے خرید کر پڑھ بھی لیا تو اردو خوانوں اور دیگر زبان والوں کے لیے ترجمہ ضروری ہوگا۔ اسکے باوجود اصل کتب بخاری مسلم صحاح ستہ وغیرہ سے کسی قیمت پر بے نیاز نہیں ہوا جا سکتا۔ ایسا کام کر کے محض ایک نام تو پیدا کیا جاسکتا ہے مگر یہ اس دور کی اہم ضرورت نہیں۔

بالآخر فقیر نے ترجیح اس بات کو دی کہ ایک نہایت مختصر ذخیر و احادیث تیار کر دیا جائے جس میں عصر حاضر کی ضروریات کے مطابق تمام تر اسلامی عقائد اور تمام تر خطی احکام کو یکجا کر دیا گیا ہو ۔ اہل سنت کے عقائد اس کتاب میں اس طرح یکجا کر دیے گئے ہوں کہ اس کتاب کو پڑھ لینے کے بعد کسی دوسری کتاب میں تلاش کرنے کی حاجت مندر ہے۔

اس کے علاوہ نماز روزہ ، زکوۃ ، حج ، نکاح ، طلاق ، معاشیات ، سیاسیات ، تصوف ، اخلاق ، معاشرت ، میراث اور طب وغیرہ پر جدید دور کے تقاضے مد نظر رکھے گئے ہوں اور دنیا میں آج تک ایسی جامع کتاب نہ لکھی گئی ہو ۔ جو شخص اس کتاب کو پڑھ کر سمجھ لے وہ اسلام سے آگاہ و آشنا ہو جائے اور اگر اسی کتاب کو اسلامی مدارس کے نصاب میں شامل کر لیا جائے تو یہ کتاب کسی لحاظ سے اپنے اندر کوئی کمی نہ رکھتی ہو ۔ جگہ جگہ اسی کتاب کے کورسز کرائے جائیں اور خصوصاً گرمی کی چھٹیوں میں یا رمضان شریف کے مہینے میں یہ کتاب سکولوں کالجوں کے طلباء کو پڑھا دی جائے تو اللہ کی مہربانی سے ان کی زندگیاں سنور جائیں ۔ جس بہن بیٹی کے پاس یہ کتاب موجود ہو وہ اس کتاب پر قرآن کے بعد سب سے زیادہ بھروسہ کر سکے ۔ کسی صاحب مسند دار شاد نے یہ کتاب پڑھ لی ہو تو وہ اپنے مریدین کو اچھی رہنمائی دے سکیں اور اس کتاب کو اپنے پاس رکھیں ۔

حنفی احکام کو ترجیح دینے کی وجہ یہ ہے کہ دنیا میں اکثریت احناف ہی کی ہے ۔ پورا پاکستان اور ہندوستان، بنگلا دیش اور ارد گرد کی ریاستیں ، انڈونیشیا، ملائشیا، افغانستان، روس سے آزاد ہونے والی تمام مسلم ریاستیں، ازبکستان وغیرہ سب حنفی ہیں حتی کہ ایران کے سنی اور عرب ممالک کے بے شمار مسلمان حنفی ہیں ۔ غیر مسلم ممالک چین، برطانیہ، امریکہ وغیرہ میں بھی مقدم احناف بلکہ بعض ممالک میں پاکستانیوں کی اکثریت ہے ۔ الغرض مسلمانوں میں ۸۰ فیصد سے زائد حنفی ہیں۔

اللہ تعالیٰ دیگر کتب حدیث کے مصنفین کو بھی اجر عظیم عطا فرمائے اور ان کی کتب کو مزید ترقی دے اور مسلمانوں کی اتنی بھاری اکثریت کے لیے سنی عقائد اور حنفی احکام کو یکجا کر دینے کی ہماری اس چھوٹی سی کاوش کو بھی اپنی بارگاہ میں شرف قبول سے نوازے آمین۔

چنانچہ فقیر نے یہ سب کچھ سوچنے کے بعد مسنون طریقے سے اللہ کریم جل شانہ سے استخارہ کیا اور کتاب لکھنے کی اجازت ملنے کے بعد قلم اٹھایا اور الحمد للہ اس کتاب کے اصل نسخہ کو مرتب کرتے وقت فقیر ہر وقت با وضو رہا ۔

اس کتاب کی ترتیب اس طرح ہے کہ ہر باب یا فصل کا نام فقہی تحقیقات کا خلاصہ ہوتا ہے ۔ اس کے بعد متعلقہ آیات قرآنی لکھی گئی ہیں اس کے بعد احادیث لکھی گئی ہیں اور باب یا فصل کے آخر میں اگر ضروری سمجھا ہے تو روافض کی کتب سے احادیث ان کی تردید کی غرض سے لکھ دی ہیں ۔

یہ کتاب پہلی بار 2006ء میں صرف عربی متن کے ساتھ چھپی تھی ۔ الحمد للہ ملک کے طول و عرض میں اللہ تعالیٰ نے اسے خوب پذیرائی سے نوازا ۔ علماء کرام نے نہایت وسعت قلبی سے اسے خوب خراج تحسین پیش فرمایا ۔ حضرت شیخ الحدیث علامہ محمد اشرف صاحب سیالوی دامت برکاتہم نے اسے متعدد بار پڑھا اور لکھ کر دیا کہ میں نے اس سے قبل ایسی جامع کتاب نہیں دیکھی اور انہوں نے اسے اپنے مدرسہ میں شامل نصاب کیا ۔

حضرت پیر طریقت قبلہ پیر علاؤ الدین صاحب صدیقی دامت برکاتہم نے بھی اسے محی الدین اسلامی یونیورسٹی نیریاں شریف کے نصاب میں شامل فرمایا ۔ تقلیل عرصہ میں یہ کتاب متعدد مدارس میں رائج کر دی گئی ۔ بہت سے علماء نے اپنی مساجد میں نمازوں کے بعد اس کی تدریس شروع کر دی ۔

تنظیم المدارس کے سربراہ حضرت علامہ مفتی منیب الرحمن صاحب دامت برکاتہم نے اس کی تخریج کرنے کا پر زور مشورہ دیا اور بعض علماء نے اس کا ترجمہ کرنے کو فرمایا ۔

چنانچہ اس بار مکمل تخریج تحقیق اور اردو ترجمہ کے ساتھ نیا ایڈیشن پیش خدمت ہے ۔ تحقیق کرتے وقت بعض موضوع احادیث کو نکالنا پڑا اور بعض صحیح احادیث کو داخل کرنا پڑا ۔ اس کی تخریج میں فقیر کے ساتھ تعاون کرنے والے چند ساتھیوں کا ذکر خیر کرنا ضروری ہے ۔ محمد کاشف سلیم، محمد طارق سعید، اظہر عباس، محمد حسنین، مصطفیٰ حسین، محمد عدنان ۔

اللہ کریم ان سب نو جوانوں کو اجر عظیم عطا فرمائے اور دین متین کی خدمت کی توفیق بخشے ۔ آمین

✍ فقیر غلام رسول قاسمی قادِری
مقدمہ المستند اردو صفحہ 3 تا 4

ʸᵉʰ ᴹᵘᵏᵃᵐᵐᵃˡ ᴮᵒᵒᵏ ᵖᵈᶠ ᴹᵉⁿ↷
یہ مکمل کتاب pdf فائل میں ↶
https://t.me/islaamic_Knowledge/42091