*🌹 ”اَلحمدُ لِلّٰه رَبّ العٰلَمِین“ 🌹*
*ڪے سترہ ١٧ حروف ڪی نسبت سے چھینک ڪے متعلق 17 سُنّتیں اور آداب‎*

*💚دو فرامینِ مُصطفٰیﷺ💚*

*۱ ≽* اللّٰه پاک کو چھینک پسند ہے اور جماہی ناپسند

*۲ ≽* جب کسی کو چِھینک آئے اور وہ *اَلحَمدُلِلّٰهِ* کہے تو فِرِشتے کہتے ہیں: *رَبّ العٰلَمِین* اور اگر وہ *رَبّ العٰلَمِین* کہتا ہے تو فرشتے کہتے ہیں *یَرحَمُكَ اللّٰه* یعنی اللّٰه تجھ پر رَحم فرمائے

*۳ ≽* چِھینک کے وَقت سَر جھکائیے، منہ چھپائیے اور آواز آہستہ نکالئے، چِھینک کی آواز بُلند کرنا حَماقت ہے

*٤ ≽* چِھینک آنے پر *اَلحَمدُلِلّٰه* کہنا چاہئے (خزائن العرفان ص۳ طحطاوی کے حوالے سے چِھینک آنے پر حمدِ الہٰی کو سُنَّتِ مُؤکَّدہ لکھا ہے) بہتر یہ ہے کہ *اَلحَمدُلِلّٰهِ رَبّ العٰلَمِین* یا *اَلحَمدُلِلّٰهِ عَلٰی کُلّ ِ حَال* کہے

*٥ ≽* سننے والے پر واجِب ہے کہ فوراً *یَرحَمُكَ اللّٰه* (یعنی اللّٰه تجھ پر رَحم فرمائے) کہے اور اتنی آواز سے کہے کہ چھینکنے والا خود سُن لے

*٦ ≽* جواب سن کر چھینکنے والا کہے *یَغفِراللّٰهُ لَنَاوَلَکُم* (یعنی اللّٰه پاک ہماری اور تمھاری مغفرت فرمائے) یا یہ کہے *یَھدِیکُمُ اللّٰهُ وَیُصلِحُ بَالَکُم* (یعنی اللّٰه پاک تمہیں ہدایت دے اور تمہارا حال دُرُست کرے)

*٧ ≽* جو کوئی چھینک آنے پر *اَلحَمدُلِلّٰهِ عَلٰی کُلّ ِ حَال* کہے اور اپنی زَبَان سارے دانتوں پر پھیر لیا کرے تو *اِن شاءَاللّٰهُ الکریم* دانتوں کی بیماریوں سے محفوظ رہے گا

*٨ ≽ حضرت مولائے کائنات، علی المُرتَضٰی رضی اللّٰه عنہ فرماتے ہیں:* جو کوئی چھینک آنے پر *اَلحَمدُلِلّٰهِ عَلٰی کُلّ ِ حَال* کہے تو وہ داڑھ اور کان کے درد میں کبھی مُبتلا نہیں ہوگا

*٩ ≽* چھینکنے والے کو چاہئے کہ زور سے *حَمَد* کہے تاکہ کوئی سُنے اور جواب دے

*١٠ ≽* چھینک کا جواب ایک بار واجِب ہے دوسری بار چھینک آئے اور وہ *اَلحَمدُلِلّٰه* کہے تو دو بارہ جواب واجِب نہیں بلکہ مُستَحب ہے

*١١ ≽* جواب اس صورت میں واجِب ہوگا جب چھینکنے والا *اَلحَمدُلِلّٰه* کہے اور حمد نا کرے تو جواب نہیں

*١٢ ≽* خطبے کے وقت کسی کو چھینک آئی تو سننے والا اُس کو جواب نا دے

*١٣ ≽* کئی اسلامی بھائی ماجود ہوں تو بعض حاضرین نے جواب دے دیا تو سب کی طرف سے جواب ہوگیا مگر بہتر یہی ہے سب جواب دیں

*١٤ ≽* دیوار کے پیچھے کسی کو چھینک آئی اور اُس نے *اَلحَمدُلِلّٰه* کہا تو سننے والا اُس کا جواب دے

*١٥ ≽* نماز میں چھینک آئے تو سکوت کرے (یعنی خاموش رہے) اور *اَلحَمدُلِلّٰه* کہہ لیا تو بھی حرج نہیں اور اگر اس وقت حمد نہ کی تو فارِغ ہوکر کہے

*١٦ ≽* آپ نماز پڑھ رہے ہیں اور کسی کو چھینک آئی اور آپ نے جواب کی نیت سے *اَلحَمدُلِلّٰه* کہا تو آپ کی نماز ٹوٹ گئی

*١٧ ≽* کافر کو چھینک آئی اور اس نے *اَلحَمدُلِلّٰه* کہا تو جواب میں *یَھدِیکُمُ اللّٰهُ* (یعنی اللّٰه تجھے ہدایت کرے) کہا جائے

✪کتاب الصمت مع موسوعۃ الامام ابن الدنیا ٢٠٤/٧،رقم:۳۲۵

✪احیاءالعلوم ۱۵۱/۳

✪ بخاری ١٦٣/٤ حدیث: ٦٢٢٦

✪ معجم کبیر ٣٥٨/١١ حدیث: ١٢٢٨٤

✪ ردالمحتار ٦٨٤/٩

✪ حاشیۃ الطحطاوی علی المراقی ص۷

✪ بہارِ شریعت ٤٧٦.٤٧٧/٣ ملحضاً

✪ عالمگیری ٣٢٦/٥

✪ مراٰۃ المناجیح ٣٩٦/٦

✪ مرقاۃ المفاتیح ٤٩٩/٨ تحت الحدیث:٤٧٣٩

✪ ردالمحتار ٦٨٤/٩

✪ عالمگیری ٣٢٦/٥ - بہارِ شریعت ٤٧٦/٣

✪ بہارِ شریعت ٤٧٧/٣

✪ فتاویٰ قاضی خان ٣٧٧/٣

✪ ردالمحتار ٦٨٤/٩

✪ عالمگیری ٩٨/١

✪ ١٢٦ سُنَّتیں اور آداب ص ٧/٨

*صَلُّوا عَلَی الْحَبِیْب ✿✿✿ صَلَّی اللہُ عَلٰی مُحَمَّد*
*صَلَّى اللّٰهُ عَلَيْهِ وٙآلہِ وَسَلَّم*
╰━━━━━━━━━━━━━━━━━━━━━━╯ 
*خود بھی عمل کیجئے اور یہ اہم تحریر زیادہ سے زیادہ شیئر بھی کریں۔*

کثیر کتابیں لکھنے والے علمائے کرام
پیشکش: شب و روز دعوتِ اسلامی

حافظِ ملّت حضرت مفتی جلال الدین امجدی رحمۃ اللّٰہ علیہ اپنی " علم و علماء " میں تصنیف کی فضیلت کے حوالے سے نقل کرتے ہیں کہ حضرت ابو ہریرہ رضی الله عنہ سے روایت ہے کہ سرکار اقدس صلی اللہ علیہ وسلم نے ارشاد فرمایا :
ان مما یلحق المؤمن من عملہ و حسناتہ بعد موتہ علما علمہ و نشرہ وولدا صالحا ترکہ او مصحفا ورثہ او مسجدا بناہ او بیتا لابن السبیل او نھرا اجراہ او صدقۃ اخرجہ من مالہ فی صحتہ و حیاتہ تلحقہ من بعد موتہ رواہ ابن ماجہ و البیہقی
جو اعمال و نیکیاں مؤمن کو بعدموت بھی پہنچتی رہتی ہیں ان میں سے وہ علم ہے جسے سیکھا گیا اور پھیلایا گیا ، اور نیک اولاد جو چھوڑ گیا ،یا قرآن شریف جس کا وارث بنا گیا،یا مسجد یا مسافر خانہ جو بنا گیا ،یا نہر جو جاری کرگیا یا خیرات جسے اپنے مال سے اپنی تندرستی و زندگی میں نکال گیا، کہ یہ چیزیں اسے مرنے کے بعد بھی پہنچتی رہتی ہیں۔ (ابن ماجہ،بیہقی فی شعب الایمان)

فائدہ: ان تمام چیزوں کا اور اسی طرح دینی کتابیں وراثت میں چھوڑنے، ان کو وقف کرنے اور مدرسہ و خانقاہیں بنوانے کا ثواب بھی مؤمن کو قبر میں ملتا رہے گا جب تک کہ وہ دنیا میں باقی رہیں گی۔ ان میں تعلیم دینے کا ثواب زیادہ دنوں تک ملتا رہے گا بشرطیکہ شاگردوں کو قابل بنائے اور ان سے درس و تدریس کا سلسلہ چل پڑے اور سب سے زیادہ ثواب بہترین دینی کتابوں کی تصنیفات کا ملے گا کہ وہ پوری دنیا میں پھیل جاتی ہیں اور قیامت تک باقی رہیں گی جن سے مسلمان اپنے ایمان و عمل سنوارتے رہیں گے ۔ ( فضائلِ علم و عُلماء ص 88 )

٭ حضرت امام عبد الرحمن الجوزی رحمۃ الله علیہ نے ابو الوفاء بن عقیل رحمۃ اللہ علیہ کے بارے میں لکھا ہے کہ انہوں نے " الفنون " نامی ایک کتاب لکھی جو آٹھ سو (800) جلدوں میں ہے۔ کہا جاتا ہے کہ دنیا میں لکھی جانے والی کتابوں میں یہ سب سے بڑی کتاب ہے۔ ( المنتظم ج 9 ص 96 )

٭ خود امام ابن الجوزی رحمۃ الله علیہ نے دینی علوم و فنون میں سے تقریبا ہر فن پر کوئی نہ کوئی تصنیف چھوڑی ہے ۔
مشہور ہے کہ ان کےآخری غسل کے واسطے پانی گرم کرنے کے لئے قلم کا وہ تراشہ کافی ہوگیا جو صرف احادیث لکھتے ہوئے قلم کے تراشنے میں جمع ہوگیا تھا ۔( قیمۃ الزمن ص 21 )

٭ امام جوزی رحمۃ الله علیہ فرماتے ہیں کہ میں نے مدرسہ نظامیہ کے پورے کتب خانے کا مطالعہ کیا جس میں چھ ہزار (6000) کتابیں تھیں اسی طرح بغداد کے مشہور کتب خانے کتب خانہ الحنفیہ، کتب خانہ حمیدی ،کتب خانہ عبد الوھاب، کتب خانہ ابو محمد وغیرھا جتنے کتب خانے میری دسترس میں تھے، سب کا مطالعہ کرڈالا۔ ایک دفعہ برسر منبر فرمایا میں نے اپنے ہاتھ سے دو ہزار ( 2000 ) جلدیں تحریر کی ہیں۔ ( قیمۃ الزمن ص 21 )

٭حافظ الحدیث حضرت امام جلال الدین سیوطی رحمۃ الله علیہ نے چھ سو ( 600 ) سے زائد کتب تصنیف فرمائیں۔ جن میں تفسیر دُرِّ منثور، البدور السافرة اور شرح الصدور مشہور ہیں۔

٭ استاذ المحدثین حضرت یحییٰ بن مَعِیْن رحمۃ الله علیہ کا بیان ہے کہ انہوں نے اپنے ہاتھ سے دس لاکھ (1000000) احادیث مبارکہ تحریر کیں۔ ( سیر اعلام النبلاء ج 11 ص 85 )

٭ عظیم صوفی بزرگ حضرت امام محمد بن محمد غزالی رحمۃ الله علیہ نے اٹھتر (78) اصلاحی ، علمی اور تحقیقی کتابیں لکھیں جن میں صرف ”یاقوت التاویل “ چالیس (40) جلدوں میں ہے ۔( علم اور علماء اہمیت ص 20 )

٭ معروف محدث حضرت امام ابن شاہین رحمۃ الله علیہ نے صرف روشنائی اتنی استعمال کی کہ اس کی قیمت سات سو درھم بنتی تھی ۔ ( علم اور علماء کی اہمیت ص 21 )

٭ فقہ حنفی کے امام حضرت امام محمد رحمۃ الله علیہ کی تالیفات ایک ہزار (1000) کے قریب ہیں۔ ( علم اور علماء کی اہمیت ص 21 )

٭ حضرت ابن جریر طبری رحمۃ الله علیہ نے اپنی زندگی میں تین لاکھ اٹھاون ہزار (358000) اوراق لکھے جس میں تین ہزار (3000) اوراق تو آپ کی کتاب " تفسیر طبری " کی ہیں جو تیس (30) جلدوں پر ہے مزید آپ کی ایک کتاب " تاریخ الامم و الملوك " ہے جو اکیس (21 ) جلدوں پر ہے۔ ( تاریخ بغداد ج 2 ص 163 )

٭ حضرت علامہ باقلانی رحمۃ الله علیہ نے صرف معتزلہ کے رد میں ستر ہزار (70000) اوراق لکھے ۔( علم اور علماء اہمیت ص 20 )

٭ مشہور محدث حافظ ابن حجر عسقلانی رحمۃ الله علیہ نے
”فتح الباری “چودہ (14) جلدوں میں
”تہذیب التہذیب “ چار ( 4 )جلدوں میں
" الاصابہ فی تمییز الصحابہ " نو (9) جلدوں میں
" لسان المیزان " آٹھ( 8 ) جلدوں میں
" تغلیق التغلیق " پانچ ( 5 )جلدوں میں اور دیگر کتب ورسائل کی تعداد ڈیڑھ سو( 150 ) سے زائد ہیں ۔ ( علم اور علماء اہمیت ص 20 )

٭ حافظ الحدیث حضرت امام عساکر رحمۃ الله علیہ نے " تاریخ دمشق " اَسِّی ( 80 ) جلدوں میں لکھی۔

٭ حضرت امام شمس الدین ذھبی رحمۃ الله علیہ نے " تاریخ اسلام " پچاس (50) جلدوں اور " سیر اعلام النبلاء " تئیس (23) جلدوں " تذکرۃ الحفاظ " چار ( 4 ) جلدوں میں لکھیں۔