Urdu Aalim Course

Ab Jadeed Daur Hai, Jahan Har Kaam Ko Aasan Banane Ki Koshish Ki Jaa Rahi Hai Wahin Aalim Banane Ke Liye Bhi Aasan Tariqe Talaash Kiye Jaa Rahe Hain
Ye Bhi Dekhne Ko Mil Raha Hai Ke Sirf Urdu Ki Chand Kitabein Padh Kar "Aalim" Ki Sanad Baanti Jaa Rahi Hai,Ab Aap Hi Bataaein Ki Jise Arbi Nahin Aati Ho Wo Ummahatul Kutub Ki Taraf Rujoo Kaise Karega? Agar Nahi Kar Sakta To Phir Wo Mustaqil Kahaan Hua? Phir Kis Lihaaz Se Use "Aalim" Jaise Bade Mansab Par Zabardasti Faaiz Kiya Jaa Raha Hai?
Ummahatul Kutub To Door Ki Baat Hai, Agar Urdu Mein Hi Kutub-E-Fiqh Wa Fatawa Padhega To Jagah Jagah Arabi Ibaraat Milengi Jin Ka Tarjama Nahi Likha Jata, Aise Mein Wo Kisi Fatwe Ya Kisi Ibarat Ke Asal Mafhoom Ko Kaise Samjhega?

Ham To Kahte Hain Ki Arabi Jaan Lene Ke Baad Bhi Use Aalim Nahin Kaha Jaa Sakta Kyunki Zabaan Ke Ilm Ke Baad Bhi Ek Lamba Safar Hai Jis Ko Tay Karne Kar Ke Baad Hi Aalim Bana Jaa Sakta Hai Warna Har Arabi Jaanne Wala Dehaati Bhi Aalim Hota
Jab Baat Aisi Hai To Phir Wo Log Jo Universities Aur Colleges Mein Padhe, Urdu Bhi Achi Tarah Padh Nahi Paate, Arabi Se To Door Door Tak Ka Koi Taalluk Nahi Aur Usool-O-Furoo Mein Pakad Naam Ki Koi Cheez Nahi, Aise Logo Ko Urdu Aalim Course Karwa Kar Aalim Ka Laqab De Dena Bilkul Na Munasib Hai
Allah Taala Samajhne Ki Taufeeq Ata Farmaye

Abde Mustafa Official