🌹 اسلامی معلومات عامہ 🌹

حضرت مولانا سید ایوب علی
رضوی رحمۃ اللہ تعالیٰ علیہ :

نام و نسب :
فدائے رضویت مولانا سید ایوب رضوی ابن سید شجاعت علی ابن سید تراب علی ابن سید پیر علی ( قدست اسرارہم ) بریلی شریف ( صوبہ اتر پر دیش ، بھارت) میں پیدا ہوئے ،

تعلیم :
مڈل سکوم میں مڈل کرنے کے بعد فارسی کی تعلم حاصل کی ، کچھ عرصہ اسلامیہ سکول ، بریلی میں پڑھاتے رہے ،

پھر جب اعلیٰ حضر ت مولانا شاہ احمد رضا بریلوی قدس سرہ سے بیعت کا شرف حاصل ہوا تو اپنے آپ کو بارگاہ رضویت کے لئے وقف کر دیا ،

لکھائی کا جو کام آ پ کے سپر دکیا جاتا اسے حسن اہتمام سے انجام دیتے ، رمضان شریف میں سحری اور افطاری کے نقشے مرتب فرماتے ، دیگر علوم کے علاوہ حساب میں اعلیٰ حضرت قدس سرہ سے خوب خوب استفادہ کیا۔

مولانا سید ایوب علی رضوی ، ڈاکٹر ضیاء الدین ، وائس چانسلر مسلم یو نیورسٹی علی گڑھ کے بریلی شریف حاضر ہونے کا تذکرہ کرتے ہوئے فرماتے ہیں : –

’’ کسور اعشاریہ متوالیہ کی قوت کا تذکرہ آیا ، ڈاکٹر صاحب نے بھی وہی فرمایا کہ تیسری قوت تک ہے ، اس پر حضور ( اعلیٰ حضرت قدس سرہ ) نے میرے (مولانا سید ایوب علی رضوی ) اور قناعت [1] علی کی طرف اشارہ کر کے فرمایا کہ میرے یہ دو بچے بیٹھے ہیں ،انہیں جس قوت کا آپ سوال دے دیں یہ حل کر دیں گے ، ڈاکٹر صاحب متحیر ہو کر ہم دونوں کو دیکھنے لگے [2]

سید صاحب کربلائے معلی، بغداد شریف ، نجف اشرف اور بصرہ میں بزرگان دین کے مزارات پر حاضری سے مشرف ہوئے ، تین دفعہ حج و زیارت کی سعادت سے بہرہ ور ہوئے اڑھائی سال تک مدینہ طیبہ میں قیام پذیر رہے ۔

اعلیٰ حضرت قدس سرہ کے وصال کے دو سال بعد بریلی شریف میں رضوی کتب خانہ قائم کیا اور اعلیٰ حضرت کے متعدد رسائل شائع کئے ، امام احمد رضا بریلوی قدس سرہ کے وصال کے بعد ان کے سوانح حیات مرتب کرنے کی تحریک آپ ہی نے شروع کی تھی ، حیات اعلیٰ حضرت مؤلفہ ملک العلماء حضرت علامہ مولانا ظفر الدین بہاری قدس سرہ کے اکثر و بیشتر واقعات آپ ہی کی روایت پر مبنی ہیں ۔

مولانا ظفر الدین بہاری لکھتے ہیں :
’’ہم رضویوں کو جناب حاجی مولوی سید ایوب علی صاحب رضوی بریلوی کا شکر گزار ہونا چاہیے کہ اس کی طرف سب سے پہلے توجہ فرمائی اور بردران طریقت کو توجہ دلائی ، ان کی تحریک سے بعض احباب نے کچھ حالات ان کے پاس لکھ بھیجے اور زیادہ حصہ خود سید صاحب مو صوف نے لکھا ۔ جب ان کو میرے حیات اعلیٰ حضرت لکھنے کی خبر ہوئی تو کچھ موادان کیت پاس تھا ، سب مجھے عنایت فرمادیا ۔‘‘[3]

مولانا سید ایوب علی رضوی ، اعلیٰ حضرت مولانا شاہ احمد رضا بریلوی قدس سرہ کے فیض صحبت سے حد درجہ متاثر تھے ، تقویٰ و پرہیز گاری میں اپنی مثال آپ تھے، معاملات اس قدر محتاط تھے کہ جب تک ایک ایک پیسے کا حساب نہ چکا دیتے ، مطمئن نہ ہوتے۔

ہجرت ہندوستان سے پاکِستان :
۱۳۷۰ھ/۱۹۵۰ء میں پاکستان آکر لاہور میں ایام پذیر ہو گئے ، یہاں بھی رضوی کتب خانہ قائم کر کے متعدد رسائل شائع کئے ۔

مفتیٔ اعظم پاکستان حضرت مولانا سید ابو البرکات مدظلہ العالی اور محدث اعظم پاکستان مولانا سردار احمد لائسپوری میں گزارے۔

تصانیف :
قدرت نے آپ کو شعر و نشیں اداز میں اظہار خیال کیا کرتے تھے ، مجموعۂ کلام ” باغِ فردوس “ کے نام سے دو حصوں میں طبع ہو چکا ہے ، ایک حصے کا مزید مواد تھا جو شائع نہ ہو سکا ، اس کے علاوہ شقادۃ النجدیہ علیٰ دیار القدسیۃ العربیہ (۱۳۶۸ھ) منظوم اور رفیق زائرین ) حجاج اور زائرین کے لئے ہدایت کا مجموعہ ) وغیرہ رسائل شائع ہو چکے ہیں ، مؤ خر الذکر کر رسالے میں آپ نے اپنی ایک تصنیف زیارت الحرمین والعراق(۱۳۶۶ھ) کا بھی ذکر کیا ہے ۔ ہر سال عرس رضوی پر نئی منقبت لکھ کر پیش کیا کرتے تھے ،

ایک نعت کے دو بند ملاحظہ ہوں؎
ہوئی ختم دن راک کی آہ زاری نہ ہیں سرد آہیں نہ ہے اشکباری بہت کی ہے سرکار اختر شماری بس اب آپ ہی کے کرم کی ہے باری لحد میں تھپک کر سلادیجئے گا

شہا!میری تربت پہ اللہ آئیں نکیریں جس وقت تشریف لائیں شیبہ مبارک کے جلوے دکھائیں اور ایوبؔ رضوی کو جب آزمائیں تو کلمہ نبی کا پڑھا دیجئے گا

279 viewsمحمد جمال الدين خان قادری, 00:12