حضرات علماے کرام ، مبلغین ، مصلحین ، ناصحین !

آپ چاہے لاکھ حُسنِ اخلاق کے پیکر ہوں ، نیک اور پارسا ہوں ، نہ‌ کسی کا دل دکھائیں ، نہ کسی پر لعن طعن کریں ۔۔‌‌‌‌‌۔۔۔۔۔ پھر بھی سوشل میڈیا ایسی چیز ہے جس پر سارے لوگ آپ سے محبت کرنے والے نہیں ہوتے ، بُغض نکالنے والے بھی ہوتے ہیں ۔
وہ آپ کے کمزور پہلو ڈھونڈتے رہتے ہیں ، بلکہ‌آپ کے متعلق اپنے ذہن سے ہی باتیں گھڑتے رہتے ہیں اور وقت آنے پر خوب بھڑاس نکالتے ہیں ۔
بعض تو ایسے " حضرت " ہوتے ہیں کہ آپ کی طرف وہ وہ باتیں منسوب کردیتے ہیں جو آپ کے وہم و گمان میں بھی نہیں ہوتیں ۔

دراصل شیطان " اپنے دوستوں " کے دلوں میں کچھ نہ کچھ القا کرتاہی رہتا ہے‌ ، اور وہ جہاں موقع دیکھتے ہیں اس کا " فیض " عام کر دیتے ہیں ۔

ایک بار اس آیت مبارکہ کی تلاوت کرلیجیے:

اِنَّ الشَّیٰطِیْنَ لَیُوْحُوْنَ اِلٰۤى اَوْلِیٰٓـٕهِمْ لِیُجَادِلُوْكُمْۚ ۔

بے شک شیطان اپنے دوستوں کے دلوں میں ڈالتے ہیں کہ تم سے جھگڑیں ۔


اگر آپ سوشل میڈیا اچھے اور نیک کام کے لیے استعمال کررہے ہیں تو پھر " اولیاے شیطان " سے بالکل نہ گھبرائیں ، اپنا کام جاری رکھیں ۔

بزرگ فرماتے ہیں ریاکاری کی دوقسمیں ہیں:

اپنی تعریف پر نیکی کو بڑھا دینا اور اپنی مذمت پر نیکی کو ترک کردینا ۔

اللہ نہ کرے آپ ان دونوں میں سے کوئی کام کریں ۔

خاک راہِ حجاز
✍️لقمان شاہد
20-8-2022

https://m.facebook.com/story.php?story_fbid=pfbid0us5KEKqVpsCBnwbWTZk52257o3jg9iYKHZTjMPGTHwydNmN5r3TmDPnab7u22d9Fl&id=100008105947430