حضرت خواجہ فریدالدین مسعود گنج شکر
یوم وصال 05 محرم الحرام 0664
یوم پیدائش 01 رمضان المبارک 0574

قطب العالم حضرت فریدالدین مسعود گنج شکر رحمۃ اللہ علیہ

نام و نسب:
اسمِ گرامی: مسعود ۔ لقب: فرید ، گنج شکر ، قطب العالم ، زہدالانبیاء ۔

والد کااسمِ گرامی: شیخ جمال الدین سلیمان ہے۔

آپ کاسلسلہ نسب کئی واسطوں سے حضرت فاروقِ اعظم﷜ سے جاکر ملتا ہے۔ " سیرالمصنفین " کے مطابق آپ کے والدِ گرامی سلطان محمود غزنوی کے بھانجے تھے ۔ (بہارِ چشت:87)

تاریخِ ولادت:
آپ کی والادت باسعادت 574ھ ، بمطابق 1179ء کو موضع کوتوال (موجودہ نام کوٹھے والا) ضلع ملتان میں ہوئی۔

تحصیلِ علم:
آپ نے تمام علوم میں کمال حاصل کیا۔ جب زمانۂ طالب علمی میں حضرت قطب الدین بختیار کاکی علیہ الرحمہ سے ملاقات ہوئی، اورعبادت وریاضت کی خواہش ظاہر کی تو حضرت نے فرمایا! "علم میں کمال حاصل کرو، بےعلم عابد مسخرہ ٔشیطان ہوتاہے" (اکابرینِ چشت:83)

بیعت و خلافت:
آپ حضرت خواجہ قطب الدین بختیار کاکی ﷫ کے دستِ حق پرست پر بیعت ہوئے، اور سلطان الہند حضرت خواجہ غریب نواز ﷫ کے حکم سے خلافت سے سرفراز کیے گئے۔ اس کے علاوہ آپ حضرت سلطان الہند اور حضرت شیخ شہاب الدین سہروردی کے فیوض سے بھی مستفید ہوئے۔

سیرتِ مبارکہ:
آپ ریاضت، عبادت، معاہدہ، فقر اور ترک و تجرید میں بے نظیر تھے۔ شہرت پسند نہ فرماتے تھے، آپ کو استغراق بہت  پسند تھا، تحمل، بردباری، قناعت، توکل، تقویٰ، ورع، عشق، ذوق و شوق کا مجسمہ تھے۔ آپ ہمیشہ حضرت شیخ شہاب الدین سہروردی کی کتاب "عوارف المعارف" کا درس دیا کرتے تھے ۔

طبیعت میں لطافت و پاکیزگی کا عنصر غالب تھا۔ رزق حلال کی پابندی پر ہمیشہ زور دیتے۔ بلکہ رزق حلال کر اسلام کا چھٹا رکن گردانتے تھے۔ عشق رسول ﷺ اور اتباع سنت رسول پاک علیہ الصلوۃو السلام میں مکمل طور پر مستغرق رہتے۔ ہمیشہ صوم و صلوۃ کے پابند رہتے اور مریدین کو اس کی تلقین کرتے اور فرماتے کہ شریعت مطہرہ کی اقتداٗ کے بغیر روحانی منازل طے نہیں ہو سکتیں ـ

جب کبھی رسالت مآب آقائے نا مدار سرور دو عالم ﷺ کا ذکر مبارک آتا تو زار و قطار روتے۔ ایک مرتبہ حضور پاک ﷺ کے وصال مبارک کا ذکر سناہی تھا کہ ایسی آہ بھری کے بے ہوشی کا عالم طاری ہو گیا۔ بڑی دیر کے بعد ہوش آیا کہ جب فخرِ انسانیت نبی بحر و بر ﷺ اس دارِ فانی سے تشریف لے گئے ہیں تو ہماری کیا حیثیت ہے؟ کہ زندگی کی خواہش بھی کریں۔ ہمیں غفلت کے پردے کو اٹھا دینا چاہیے۔ اور زادِ راہ کی فکر کرنی چاہیے۔

مولانا بدرالدین اسحاق فرماتے ہیں: میں حضرت کا خادمِ خاص تھا، جو بات کہنا ہوتی مجھ سے  فرماتے تھے۔ میں نے ساری زندگی حضرت  کی خدمت میں گزاری، لیکن خلوت وجلوت ،ظاہر و باطن میں کوئی فرق نہیں دیکھا۔ (سیر الاولیاء:65)

وصال:
آپ کا وصال بروز منگل 5 محرم الحرام 664ھ، بمطابق اکتوبر 1265ء کو ہوا۔ آپ کا مزار پاکپتن میں مرجعِ خلائق ہے۔

ماخذ و مراجع:
اکابرینِ چشت ۔ بہارِ چشت ۔ سیر العارفین ۔

Read more at:
https://scholars.pk/ur/scholar/hazrat-baba-fareeduddin-ganj-shakar-history
Copyright © Zia-e-Taiba

یوم عرس ۵ محرم الحرام
خواجہ فرید الدین گنج شکر
آپکی‌مختصر سیرت پڑھنےکےلئے
نِیچے دِئے گئے لِنک پر کِلِک کریں!
https://t.me/islaamic_Knowledge/36504

سلطان العارفین، برہان العاشقین، شیخ الاسلام، حضرت بابا فرید الدین مسعود گنج شکر فاروقی حنفی چشتی رحمۃ اللہ تعالی علیہ کی ولادت 569ھ میں ملتان کے قصبہ کھتوال (کوٹھے وال) میں ہوئی۔ آپ مرید و خلیفۂ خواجہ قطب الدین بختیار کاکی، صحبت یافتہ شیخ شہاب الدین عمر سہروردی و شیخ فرید الدین عطار و شیخ بہاؤ الدین زکریا ملتانی، عالم باعمل، ولی کامل، سلسلہ نظامیہ اور سلسلہ صابریہ کے جد امجد ہیں۔ حصولِ علم اور تربیت نفس کے لیے دور دراز کا سفر فرمایا۔ راحت القلوب اور اسرار الاولیاء آپ کے ملفوظات کا مجموعہ ہے۔ 5 محرم الحرام 664ھ کو وصال فرمایا۔ آپ کا مزار پاک پتن شریف پنجاب پاکستان میں مشہور اور زیارت گاہ خاص و عام ہے۔ (سیر الاولیاء، مرآۃ الاسرار، خزینۃ الاصفیاء)

King of Gnostics, Shaykh al-Islam, Baba Fareeduddin Mas’ood Ganj Shakar Farooqi Hanafi Chishti (Alayhir Rahmah) was born in a small town of Multan called Kathwal (Kothewal) in 569 AH. He was a murid and khalifah of Khwajah Qutbuddin Bakhtiyar Kaaki; companion of Shaykh Shihabuddin Umar Suhrawardi, Shaykh Fariduddin Attar, and Shaykh Bahauddin Zakariyya Multani; pious practicing scholar; accomplished Wali; and distinguished ancestor of the spiritual chains of the Nizamiyah and Saabriyah Sufi Order. He traveled far and wide in search of sacred knowledge. Rahat al-Quloob and Asraar al-Awliya are the collections of his blessed sayings. He passed away on 5th Muharram 664 AH. His blessed mausoleum situated in Pakpattan Sharif, Punjab, Pakistan is quite famous and visited frequently by the devotees. [Sayr al-Awliya, Mirat al-Asraar, Khazinat al-Asfiya]

https://m.facebook.com/story.php?story_fbid=pfbid0k5wKK8vnHkSz22mkx1UQNht9jcDTALmY3RYGhEEMJiNVKQKGia48H6dJaskc825Fl&id=100050689590519