💥زکوٰۃ کی رقم سے مسجد میں سامان لگانا کیسا ہے💥


کیا فرماتے ہیں مفتیان کرام مسئلہ ذیل کے بارے میں زکوٰۃ کی رقم سے مسجد میں موٹر لگا سکتے ہیں جبکہ اس کے علاوہ کوئی رقم موجود نہ ہو مدلل جواب عنایت فرمائیں حوالہ کے ساتھ فقط والسلام

✨✨✨✨✨✨✨✨✨✨✨

بسم اللہ الرحمٰن الرحیم

الجواب: نہیں لگا سکتے، کیونکہ زکوٰۃ کے مصارف فقرا و مساکین ہیں۔ قرآن کریم میں ہے: ﺇِﻧَّﻤَﺎ ﺍﻟﺼَّﺪَﻗَﺎﺕُ ﻟِﻠْﻔُﻘَﺮَﺍﺀِ ﻭَﺍﻟْﻤَﺴَﺎﻛِﻴﻦِ ﻭَﺍﻟْﻌَﺎﻣِﻠِﻴﻦَ ﻋَﻠَﻴْﻬَﺎ ﻭَﺍﻟْﻤُﺆَﻟَّﻔَﺔِ ﻗُﻠُﻮﺑُﻬُﻢْ ﻭَﻓِﻲ ﺍﻟﺮِّﻗَﺎﺏِ ﻭَﺍﻟْﻐَﺎﺭِﻣِﻴﻦَ ﻭَﻓِﻲ ﺳَﺒِﻴﻞِ ﺍﻟﻠَّﻪِ ﻭَﺍﺑْﻦِ ﺍﻟﺴَّﺒِﻴﻞِ ۖ ﻓَﺮِﻳﻀَﺔً ﻣِﻦَ ﺍﻟﻠَّﻪِ ۗ ﻭَﺍﻟﻠَّﻪُ ﻋَﻠِﻴﻢٌ ﺣَﻜِﻴﻢٌ (60 ﺍﻟﺘﻮﺑﺔ) ترجمہ: ﺯﮐﻮٰۃ ﺗﻮ ﺍﻧﮩﯿﮟ ﻟﻮﮔﻮﮞ ﮐﮯ ﻟﯿﮯ ﮨﮯ ﻣﺤﺘﺎﺝ ﺍﻭﺭ ﻧﺮﮮ ﻧﺎﺩﺍﺭ ﺍﻭﺭ ﺟﻮ ﺍﺳﮯ ﺗﺤﺼﯿﻞ ﮐﺮ ﮐﮯ ﻻﺋﯿﮟ ﺍﻭﺭ ﺟﻦ ﮐﮯ ﺩﻟﻮﮞ ﮐﻮ ﺍﺳﻼﻡ ﺳﮯ ﺍﻟﻔﺖ ﺩﯼ ﺟﺎﺋﮯ ﺍﻭﺭ ﮔﺮﺩﻧﯿﮟ ﭼﮭﮍﺍﻧﮯ ﻣﯿﮟ ﺍﻭﺭ ﻗﺮﺿﺪﺍﺭﻭﮞ ﮐﻮ ﺍﻭﺭ ﺍﻟﻠﮧ ﮐﯽ ﺭﺍﮦ ﻣﯿﮟ ﺍﻭﺭ ﻣﺴﺎﻓﺮ ﮐﻮ، ﯾﮧ ﭨﮭﮩﺮﺍﯾﺎ ﮨﻮﺍ ﮨﮯ ﺍﻟﻠﮧ ﮐﺎ، ﺍﻭﺭ ﺍﻟﻠﮧ ﻋﻠﻢ ﻭ ﺣﮑﻤﺖ ﻭﺍﻻ ﮨﮯ (کنز الایمان) لہذا زکوٰۃ کی رقم صرف انھیں لوگوں پر صرف کی جائے گی۔ رہا مسجد کا معاملہ تو اس میں چندہ آ جاتا ہے اور زیادہ دشواری بھی نہیں ہوتی ہے اس لئے مسجد میں جو بھی سامان لگانا ہے لوگوں سے اس کے لئے چندہ کیا جائے زکوٰۃ کی رقم کو ہرگز مسجد میں استعمال نہ کرے کہ یہ جائز نہیں ہے۔
واللہ تعالیٰ اعلم
کتبہ محمد التمش الانصاری المصباحی