*🌹___________🌸🌼🌸___________🌹*
*🌹اعتکاف کے مسائل اور ان کا حل🌹*
*🌹___________🌸🌼🌸___________🌹*
*🌹قسط اول (1)-سوال 1 تا 10 🌹*

*📝الســــــــــوال نمبــــــر(1)👇*
*رمضان المبارک کے آخری عشرے کے اعتکاف کے کیا فضائل ہیں؟*

*📝الجـــــــــــــواب: بعون الملک الوھاب👇*
*رمضان المبارک کے آخری عشرے (یعنی آخری دس دنوں) کے اعتکاف کے بہت فضائل ہیں. چنانچہ حدیث مبارکہ میں ہے کہ :*
*جس نے رمضان المبارک میں دس دن کا اعتکاف کرلیا وہ ایسا ہے جیسے دو حج اور دو عمرے کیے."*

*(📕👈شعب الایمان جلد 3 صفحہ 425 رقم الحدیث: 3966 دارالکتب العلمیہ بیروت)*

*امام حسن بصری رضی اللہ عنہ فرماتے ہیں :*
*"مُعْتَکِفْ کو ہر روز ایک حج کا ثواب ملتا ہے.*

*(📕👈شُعَبُ الْاِیْمَان جلد 3 صفحہ 425 رقم الحدیث: 3968 دارالکتب العلمیہ بیروت)*
*🌹___________🌸🌼🌸___________🌹*
*📝الســــــــــوال نمبــــــر(2)👇*
*رمضان المبارک کے آخری عشرے کے اعتکاف کا کیا شرعی حکم ہے ؟*

*📝الجـــــــــــــواب: بعون الملک الوھاب👇*
*رمضان المبارک کے آخری عشرے کا اعتکاف سُنَّتِ مُؤَکَّدَہْ عَلَی الْکِفَایَہ*
*ہے یعنی اگر پورے شہر میں سے کسی ایک نے بھی یہ اعتکاف کر لیا تو سب بَرِیُ الذِّمَّہ ہو جائیں گے اور اگر کسی ایک نے بھی نہ کیا تو سب گنہگار ہوں گے.*

*(📚👈ردالمحتار علی الدرالمختار، کتاب الصوم، باب الاعتکاف، جلد 3، صفحہ 495 مکتبہ رشیدیہ کوئٹہ، بہارشریعت جلد اول حصہ پنجم صفحہ 1021 مکتبۃ المدینہ کراچی)*
*🌹___________🌸🌼🌸___________🌹*
*📝الســــــــــوال نمبــــــر(3)👇*
*رمضان المبارک کے آخری عشرے کے اعتکاف کی نیت کس طرح کی جائے گی؟*

*📝الجـــــــــــــواب: بعون الملک الوھاب👇*
*اس اعتکاف کی نیت اس طرح کی جائے گی :*
"*میں اللہ پاک کی رِضا کے لیے رمضان المبارک کے آخری عشرے کے سنتِ* *اعتکاف کی نیت کرتا ہوں (یا نیت کرتی* ہوں)👇*

*نوٹ:* *یاد رکھیے کہ دل میں نیت ہونا شرط ہے، دل میں نیت حاضر ہوتے ہوئے زبان سے بھی کہہ لینا بہتر ہے.*

*(📕👈فیضانِ رمضان مرمم صفحہ 235 مکتبۃ المدینہ کراچی)*
*🌹___________🌸🌼🌸___________🌹*
*📝الســــــــــوال نمبــــــر(4)👇*
*رمضان المبارک کے آخری عشرے کا اعتکاف کس دن اور کس وقت شروع کیا جائے گا ؟*

*📝الجـــــــــــــواب: بعون الملک الوھاب👇*
*اس اعتکاف کے لیے ضروری ہے کہ رمضان المبارک کی بیسویں تاریخ (بیسویں روزے) کو غروبِ آفتاب سے پہلے پہلے مسجد کے اندر اعتکاف کی نیتِ کے ساتھ موجود ہوں.*

*(📕👈فیضانِ رمضان مرمم صفحہ 235 مکتبۃ المدینہ کراچی)*
*🌹___________🌸🌼🌸___________🌹*
*📝الســــــــــوال نمبــــــر(5)👇*
*رمضان المبارک کے آخری عشرے کا اعتکاف کس دن اور کس وقت مکمل ہوگا ؟*

*📝الجـــــــــــــواب: بعون الملک الوھاب👇*
*اگر 29 رمضان المبارک کو عید الفطر کا چاند نظر آگیا تو چاند کے نظر آنے کے بعد یہ اعتکاف مکمل ہو جائے گا اور اگر 29 رمضان المبارک کو چاند نظر نہ آیا تو پھر 30 رمضان المبارک کے غروبِ آفتاب کے بعد یہ اعتکاف مکمل ہو جائے گا.*

*(📕👈بہارِ شریعت جلد اول حصہ پنجم صفحہ 1021 مکتبۃ المدینہ کراچی)*
*🌹___________🌸🌼🌸___________🌹*
*📝الســــــــــوال نمبــــــر(6)👇*
*کیا سنتِ اعتکاف ایسی مساجد میں ہو سکتا ہے کہ جہاں پر جمعہ کی نماز ادا نہ کی جاتی ہو؟*

*📝الجـــــــــــــواب: بعون الملک الوھاب👇*
*جی ہاں:* *سنتِ اعتکاف ایسی مساجد میں ہو سکتا ہے کہ جہاں پر جمعہ کی نماز ادا نہ کی جاتی ہو، کیونکہ سنتِ اعتکاف کے لیے جامع مسجد ہونا شرط نہیں ہے.*

*(📕👈ردالمحتار علی الدالمختار، کتاب الصوم، باب الاعتکاف، جلد 3 صفحہ 493 مکتبہ رشیدیہ کوئٹہ)*
*🌹___________🌸🌼🌸___________🌹*
*📝الســــــــــوال نمبــــــر(7)👇*
*ایسی مساجد جہاں پر پانچوں وقت کی نماز جماعت کے ساتھ ادا نہ کی جاتی ہو تو کیا وہاں پر سنتِ اعتکاف ادا ہو جائے گا؟*

*📝الجـــــــــــــواب: بعون الملک الوھاب👇*
*جی ہاں:* *ایسی مساجد جہاں پانچوں وقت کی نماز جماعت کے ساتھ ادا نہ کی جاتی ہو وہاں پر سنتِ اعتکاف ہوجائے گا، کیونکہ سنتِ اعتکاف کے لیے ایسی مساجد ضروری نہیں ہیں کہ جن میں پانچوں وقت کی نماز جماعت کے ساتھ ادا ہوتی ہو.*

*(📕👈ردالمحتار علی الدالمختار، کتاب الصوم، باب الاعتکاف، جلد 3 صفحہ 493 مکتبہ رشیدیہ کوئٹہ)*
*🌹____________🌸🌼🌸___________🌹*
*📝الســــــــــوال نمبــــــر(8)👇*
*کس مسجد میں اعتکاف کرنا سب سے افضل ہے؟*

*📝الجـــــــــــــواب: بعون الملک الوھاب👇*
*سب سے افضل اعتکاف مَکَّۃُالْمُکَرَّمَہ کی مسجدِ حرام میں ہے، پھر مَدِیْنَۃُ الْمُنَوَّرَہ کی مسجدِ نبوی شریف (عَلٰی صَاحِبِھَا الصَّلوٰۃُ وَالسَّلامُ) میں ہے، پھر مسجدِ اقصیٰ (یعنی بَیْتُ الْمَقْدِسْ) میں ہے پھر اس مسجد میں جہاں بڑی جماعت ہوتی ہو.*

*(📕👈الجوھرۃ النیرۃ شرح مختص

ر قدوری جلد اول صفحہ 352 مکتبہ رحمانیہ)*
*🌹___________🌸🌼🌸___________🌹*
*📝الســــــــــوال نمبــــــر(9)👇*
*سنتِ اعتکاف کے لئے کتنی اور کون کون سی شرائط ہیں ؟*

*📝الجـــــــــــــواب: بعون الملک الوھاب👇*
*سنتِ اعتکاف کے لئے درج ذیل چھ (6) شرائط ہیں :*
*1-مسلمان ہونا*
*2-عاقل ہونا*
*3-جنابت (یعنی بےغسلی) سے پاک ہونا*
*4- عورت کا حیض و نفاس سے پاک ہونا*
*5-نیت کرنا*
*6-روزہ رکھنا۔*

*(📚👈فتاوی عالمگیری، کتاب الصوم، الباب السابع في الاعتکاف، جلد اول صفحہ 211 مطبوعہ دارالفکر بیروت، ردالمحتار علی الدالمختار، کتاب الصوم، باب الاعتکاف، جلد 3 صفحہ 492، 493، 494 مکتبہ رشیدیہ کوئٹہ)*
*🌹___________🌸🌼🌸___________🌹*
*📝الســــــــــوال نمبــــــر(10)👇*
*کیا اعتکاف کے لیے مسجد میں پردے لگانا ضروری ہے ؟*

*📝الجـــــــــــــواب: بعون الملک الوھاب👇*
*اعتکاف کے لئے مسجد میں پردے لگانا ضروری نہیں ہے بلکہ بغیر پردے کے بھی اعتکاف درست ہے لیکن اگر کوئی رکاوٹ نہ ہو اور ضرورت ہو تو پردے لگا لینا بہت عمدہ ہے کہ سرکارِ مدینہ صلی اللہ علیہ وسلم سے اعتکاف کے لئے خیمہ لگانا ثابت ہے.*

*(📕👈مشکوۃ المصابیح جلد اول صفحہ 392 رقم الحدیث: 2086 دارالکتب العلمیہ بیروت)*

*🌹واللہ اعلم ورسولہ اعلم عزوجل وصلی اللہ علیہ والہ وسلم🌹*
*🌹___________🌸🌼🌸___________🌹*
*✒کتبــــــــــــــــــــــہ*👇
*ابواسید عبید رضا مدنی*
*(مــــــورخــــــہ:👈 12/5/2020/*
*رابطہ نمبر👇*
*📲03068209672🪀*
*🌹___________🌸🌼🌸___________🌹*
*📝🖍المرتب📝👇*
*محمد عاطف رضا قادری پاکستان کراچی*
*رابطہ نمبر 👇*
*📲03067585406🥏*

@faizanealahazrat

#اعتکاف_کے_مسائل_اور_انکاحل
سوال نمبر 01 تا 10 📜 قِسط ❶
✍مولانا ابواسید عبید رضا مدنی

قسط نمبر دو 2 نہیں ملی
ملنے پر اپڈیٹ کر دیا جائےگا.

إِنۡ شَآءَ الـلّٰـه تَـبَـارَڪَ وَ تَـعَـالیٰ عَــزَّوَجَـلَّ

#اعتکاف_کے_مسائل_اور_انکاحل
سوال نمبر 11 تا 20 📜 قِسط ❷
✍مولانا ابواسید عبید رضا مدنی

*☘___________🎋☘🎋___________☘*
*☘اعتکاف کے مسائل اور ان کا حل☘*
*☘___________🎋☘🎋___________☘*
*☘قسط سوم (3)- سوال 21 تا 30☘*
*📝الســــــــــوال نمبــــــر(21)👇*
*معتکف کن حاجات کی بنا پر مسجد سے باہر نکل سکتا ہے؟*

*📝الجـــــــــــــواب: بعون الملک الوھاب👇*
*معتکف درج ذیل دو 2⃣ حاجات کی بنا پر مسجد سے باہر نکل سکتا ہے :*

*1⃣ حاجتِ شرعی :*
*یعنی وہ حاجت جس کا تقاضہ شریعت کی جانب سے ہو، جیسے نمازِ جمعہ ادا کرنے کے لئے جانا یا اذان کہنے کے لئے جانا وغیرہ.*

*2⃣ حاجتِ طبعی :*
*یعنی وہ حاجت جس کا تقاضہ طبیعت کی طرف سے ہو، اور وہ حاجت مسجد میں پوری نہ ہو سکتی ہو، جیسے پیشاب یا پاخانہ اور وضو کرنے کے لیے جانا، احتلام کی صورت میں فرض غسل کے لیے جانا وغیرہ.👇*

*نوٹ :*
*اگر وضو و غسل کے لئے مسجد میں جگہ بنی ہوئی ہو تو پھر باہر جانے کی اجازت نہیں ہے۔*

*(📚👈ردالمحتار علی الدالمختار، کتاب الصوم، باب الاعتکاف، جلد 3 صفحہ 502 مکتبہ رشیدیہ کوئٹہ، فیضان رمضان مرمم صفحہ 265، 266 مکتبۃ المدینہ کراچی)*
*☘___________🎋☘🎋___________☘*
*📝الســــــــــوال نمبــــــر(22)👇*
*کیا معتکف مسجد کی محراب میں جا سکتا ہے؟*

*📝الجـــــــــــــواب: بعون الملک الوھاب👇*
*جی ہاں:* *معتکف مسجد کی محراب میں جا سکتا ہے کیونکہ محراب مسجد کا حصہ ہے لہذا مسجد کے حکم میں داخل ہے.*

*(📚👈حبیب الفتاویٰ صفحہ 345 شبیر برادرز لاہور بحوالہ ردالمحتار علی الدرالمختار، تفہیم المسائل جلد 3 صفحہ 163 ضیاء القرآن پبلی کیشنز)*
*☘___________🎋☘🎋___________☘*
*📝الســــــــــوال نمبــــــر(23)👇*
*کیا تعداد کی زیادتی کی وجہ سے مرد میدان میں اعتکاف کر سکتے ہیں؟*

*📝الجـــــــــــــواب: بعون الملک الوھاب👇*
*تعداد کی زیادتی کی وجہ سے مرد میدان میں اعتکاف نہیں کرسکتے کیونکہ مردوں کے اعتکاف کے لئے مسجد شرط ہے.*

*(📚👈ردالمحتار علی الدالمختار، کتاب الصوم، باب الاعتکاف، جلد 3 صفحہ 493 مکتبہ رشیدیہ کوئٹہ، تفسیر خزائن العرفان صفحہ 53 ضیاء القرآن پبلی کیشنز، احکام تراویح و اعتکاف صفحہ 120، 121)*
*☘___________🎋☘🎋___________☘*
*📝الســــــــــوال نمبــــــر(24)👇*
*اگر اذان کی جگہ مسجد کے احاطہ سے باہر ہو تو کیا غیرِ مؤذن بھی اس جگہ پر اذان دینے کے لئے جا سکتا ہے؟*

*📝الجـــــــــــــواب: بعون الملک الوھاب👇*
*اگر اذان کی جگہ مسجد کے احاطہ سے باہر ہو تو غیر مؤذن بھی اس جگہ پر اذان دینے کے لئے جا سکتا ہے کیونکہ اذان دینے کیلئے مسجد سے نکلنا حاجتِ شرعی میں داخل ہے.*

*(📗👈ردالمحتار علی الدالمختار، کتاب الصوم، باب الاعتکاف، جلد 3 صفحہ 502 مکتبہ رشیدیہ کوئٹہ بحوالہ بحرالرائق، فتح القدیر)*
*☘___________🎋☘🎋___________☘*
*📝الســــــــــوال نمبــــــر(25)👇*
*کیا اعتکاف کے لیے باوضو ہونا شرط ہے؟*

*📝الجـــــــــــــواب: بعون الملک الوھاب👇*
*اعتکاف کے لیے باوضو ہونا شرط نہیں ہے.*

*(📗👈فتاوی رضویہ جلد 10 صفحہ 564 رضا فاؤنڈیشن لاہور)*
*☘___________🎋☘🎋___________☘*
*📝الســــــــــوال نمبــــــر(26)👇*
*کیا معتکف کھانے، پینے اور سونے کے لئے مسجد سے باہر جا سکتا ہے ؟*

*📝الجـــــــــــــواب: بعون الملک الوھاب👇*
*معتکف کھانے، پینے اور سونے کے لئے مسجد سے باہر نہیں جا سکتا، اگر جائے گا تو اعتکاف ٹوٹ جائے گا، کیونکہ یہ سب کام مسجد میں ممکن ہیں.*

*(📚👈البحر الرائق جلد 2 صفحہ 530 مطبوعہ کوئٹہ،ردالمحتار علی الدالمختار، کتاب الصوم، باب الاعتکاف، جلد 3 صفحہ 506 مکتبہ رشیدیہ کوئٹہ)*

*نوٹ :*
*مگر کھانے پینے میں یہ احتیاط کرنا لازم ہے کہ مسجد آلودہ نہ ہو۔*

*(📗👈بہارِ شریعت جلد اول حصہ پنجم صفحہ 1026 مکتبۃ المدینہ کراچی)*
*☘___________🎋☘🎋__________☘*
*📝الســــــــــوال نمبــــــر(27)👇*
*اگر کوئی مسجد میں کھانا لانے والا نہ ہو تو کیا معتکف اپنا کھانا لینے کے لئے گھر پر جا سکتا ہے؟*

*📝الجـــــــــــــواب: بعون الملک الوھاب👇*
*اگر معتکف کیلئے مسجد میں کھانا لانے والا کوئی نہ ہو تو وہ کھانا لینے کے لئے گھر پر جا سکتا ہے۔*

*(📗👈اعتکاف کے مسائل صفحہ 16، 17 مکتبہ اعلیٰ حضرت بحوالہ البحرالرائق، باب الاعتکاف، جلد دوم، فیضان رمضان مرمم صفحہ 268 مکتبۃ المدینہ کراچی)*
*☘___________🎋☘🎋___________☘*
*📝الســــــــــوال نمبــــــر(28)👇*
*اگر معتکف گھر سے کھانا لانے کیلئے گیا اور وہیں بیٹھ کر کھانا کھالیا تو کیا اعتکاف ٹوٹ جائے گا؟*

*📝الجـــــــــــــواب: بعون الملک الوھاب👇*
*اگر معتکف گھر سے کھانا لانے کے لئے گیا اور گھر پر ہی بیٹھ کر کھانا کھا لیا تو اس کا اعتکاف ٹوٹ جائے گا.*

*(📗👈اعتکاف کے مسائل صفحہ 17 مکتبہ اعلیٰ حضرت)*
*☘___________🎋☘🎋___________☘*
*📝الســــــــــوال نمبــــــر(29)👇*
*اگر کسی وجہ سے معتکف کا روزہ ٹوٹ گیا تو کیا اس کا اعتکاف ٹوٹ ج

ائے گا؟*

*📝الجـــــــــــــواب: بعون الملک الوھاب👇*
*اگر کسی وجہ سے معتکف کا روزہ ٹوٹ گیا تو اس کا اعتکاف بھی ٹوٹ جائے گا.*

*(📗👈فیضان رمضان مرمم صفحہ 268 مکتبۃ المدینہ کراچی)*
*☘___________🎋☘🎋___________☘*
*📝الســــــــــوال نمبــــــر(30)👇*
*کیا بیہوش ہونے سے اعتکاف ٹوٹ جاتا ہے ؟*

*📝الجـــــــــــــواب: بعون الملک الوھاب👇*
*اگر اس طرح بے ہوش ہوا کہ بے ہوشی لمبی ہو گئی جس کی وجہ سے روزہ نہیں رکھ پایا یا بیہوشی کی وجہ سے روزہ ٹوٹ گیا تو پھر اعتکاف بھی ٹوٹ جائے گا اور اگر بیہوشی کی وجہ سے روزہ نہیں ٹوٹا یا روزہ نہیں چھوٹا تو پھر اعتکاف نہیں ٹوٹے گا.*

*(📚👈ماخوذ از فتاوی عالمگیری، کتاب الصوم، الباب السابع فيز الاعتکاف، جلد اول صفحہ 213 مطبوعہ دارالفکر بیروت، بہارِ شریعت جلد اول حصہ پنجم صفحہ 1026 مکتبۃ المدینہ کراچی)*

*☘️واللہ اعلم ورسولہ اعلم عزوجل وصلی اللہ علیہ والہ وسلم☘️*
*☘___________🎋☘🎋___________☘*
*✒کتبــــــــــــــــــــــہ*👇
*ابواسید عبید رضا مدنی*
*(مــــــورخــــــہ: 13/5/2020*
*رابطہ نمبر👇*
*📲03068209672🥏*
*☘___________🎋☘🎋___________☘
*📝🖍المرتب📝👇*
*محمد عاطف رضا قادری*
*رابطہ نمبر 👇*
*📲03067585406🥏*
*☘___________🎋☘🎋___________☘*

#اعتکاف_کے_مسائل_اور_انکاحل
سوال نمبر 21 تا 30 📜 قِسط ❸
✍مولانا ابواسید عبید رضا مدنی

*🌹اعتکاف کے مسائل اور ان کا حل 🌹*
*🌺قسط چہارم (4)- سوال 31 تا 40🌺*
*سوال 31 :*
کیا معتکف اپنی مسجد سے نکل کر دوسری مسجد کی محفلِ نعت میں شرکت کر سکتا ہے ؟
*جواب:*
معتکف اپنی مسجد سے نکل کر دوسری مسجد کی محفلِ نعت میں شرکت نہیں کر سکتا، اگر وہ دوسری مسجد کی محفلِ نعت میں شرکت کرے گا تو اُس کا اعتکاف ٹوٹ جائے گا .
*(فتاوی فقیہ ملت، جلد 1، صفحہ 348، شبیر برادرز لاہور)*
*سوال 32:*
اگر معتکف کو احتلام ہو جائے تو کیا اس کا اعتکاف ٹوٹ جائے گا؟
*جواب:*
اگر معتکف کو احتلام ہو جائے تو اس کا اعتکاف نہیں ٹوٹے گا.
*(ماخوذ از فتاویٰ رضویہ، جلد 3، صفحہ 479 تا 484، رضا فاؤنڈیشن لاہور)*
*سوال 33:*
اگر معتکف کو اعتکاف کے دوران احتلام ہو جائے تو وہ کیا کرے ؟
*جواب:*
اگر معتکف کو احتلام ہو جائے تو جیسے اس کی آنکھ کھلے، فوراً تیمم کر کے مسجد سے باہر نکل جائے اور غسل کر کے مسجد میں واپس آئے۔
*نوٹ :*
اس کے لیے تَیَمُّمْ کر کے مسجد سے باہر نکلنا مستحب ہے یا واجب، اس میں فقہائے کرام رحمۃ اللہ علیھم کا اختلاف ہے، زیادہ احتیاط اسی میں ہے کہ تیمم کر کے ہی مسجد سے باہر نکلے۔
*(ماخوذ از فتاویٰ رضویہ، جلد 3 صفحہ 479 تا 492، رضا فاؤنڈیشن لاہور)*
*سوال 34:*
کیا معتکف خوشبو، سرمہ اور تیل وغیرہ لگا سکتا ہے ؟
*جواب:*
معتکف خوشبو، سرمہ اور تیل وغیرہ لگا سکتا ہے.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 213، دارالکتب العلمیہ بیروت)*
*سوال 35:*
اگر معتکف رات کے وقت نشہ آور چیزوں کو استعمال کر لے تو کیا اس کا اعتکاف ٹوٹ جاتا ہے ؟
*جواب:*
اگر معتکف رات کے وقت نشہ آور چیزوں کو استعمال کر لے تو اس کا اعتکاف نہیں ٹوٹتا لیکن یہ نشہ آور چیزیں معتکف کے لئے حرام و ناجائز ہیں.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 213، دارالکتب العلمیہ بیروت)*
*سوال 36:*
کیا معتکف نمازِ جنازہ ادا کرنے کے لیے سنتِ اعتکاف میں مسجد سے باہر نکل سکتا ہے ؟
*جواب:*
معتکف، نمازِ جنازہ ادا کرنے کے لیے سنتِ اعتکاف میں مسجد سے باہر نہیں نکل سکتا، اگر نماز جنازہ ادا کرنے کے لیے مسجد سے باہر نکلے گا تو اس کا اعتکاف ٹوٹ جائے گا.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 212، دارالکتب العلمیہ بیروت، فتح القدیر، باب الاعتکاف جلد دوم صفحہ 111)*
*سوال 37:*
کیا معتکف مریض کی عیادت کرنے کے لئے سنتِ اعتکاف میں مسجد سے باہر نکل سکتا ہے؟
*جواب:*
معتکف، مریض کی عیادت کرنے کے لئے سنتِ اعتکاف میں مسجد سے باہر نہیں نکل سکتا، اگر عیادت کے لئے مسجد سے باہر جائے گا تو اس کا اعتکاف ٹوٹ جائے گا.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 212، دارالکتب العلمیہ بیروت، فتح القدیر، باب الاعتکاف جلد دوم صفحہ 111)*
*سوال 38:*
اگر معتکف بیمار ہو گیا تو کیا علاج کے لیے مسجد سے باہر جا سکتا ہے ؟
*جواب:*
اگر معتکف بیمار ہو گیا تو علاج کے لیے مسجد سے باہر نہیں جا سکتا، اگر جائے گا تو اس کا اعتکاف ٹوٹ جائے گا، لہٰذا معتکف مسجد میں ہی علاج کروائے.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 213، دارالکتب العلمیہ بیروت، فیضان رمضان مرمم، صفحہ 268، مکتبۃ المدینہ کراچی)*
*سوال 39:*
اگر مسجد میں معتکف کا علاج ممکن نہ تھا اور وہ مسجد سے باہر نکل گیا تو کیا حکم ہے؟
*جواب:*
اگر معتکف کا علاج مسجد میں ممکن نہ تھا اور وہ علاج کے لیے مسجد سے باہر نکل گیا تو اس کا اعتکاف ٹوٹ جائے گا لیکن اس صورت میں گناہگار نہیں ہوگا.
*(فتح القدیر، باب الاعتکاف جلد 2، صفحہ 111، فیضان رمضان مرمم، صفحہ 268، مکتبۃ المدینہ کراچی)*
*سوال 40:*
اگر کسی معتکف کو نیند میں چلنے کی بیماری ہو اور وہ نیند میں چلتے چلتے مسجد سے باہر نکل گیا تو کیا اس کا اعتکاف ٹوٹ جائے گا ؟
*جواب:*
اگر کسی معتکف کو نیند میں چلنے کی بیماری ہو اور وہ نیند میں چلتے چلتے مسجد سے باہر نکل گیا تو اس کا اعتکاف ٹوٹ جائے گا.
*(فیضان رمضان مرمم، صفحہ 268، مکتبۃ المدینہ کراچی)*
واللہ اعلم ورسولہ اعلم عزوجل وصلی اللہ علیہ والہ وسلم
کتبہ
*ابواسیدعبیدرضامدنی*
14/05/2020
03068209672

#اعتکاف_کے_مسائل_اور_انکاحل
سوال نمبر 31 تا 40 📜 قِسط ❹
✍مولانا ابواسید عبید رضا مدنی

*🌹اعتکاف کے مسائل اور ان کا حل🌹*
*🌺قسط پنجم (5)- سوال 41 تا 50🌺*
*سوال 41:*
کھانے پینے کے لیے اعتکاف کرنا کیسا ہے ؟
*جواب:*
کھانے پینے کے لئے اعتکاف نہ کیا جائے بلکہ اعتکاف صرف ذکرِ الٰہی کے لیے کیا جائے بالتبع یعنی ضِمْناً اس کے منافع (جیسے کھانے پینے کا جواز وغیرہ) حاصل ہو ہی جائیں گے .
*(ملفوظاتِ اعلیٰ حضرت، حصہ اول، صفحہ 86، 87، مکتبۃ المدینہ کراچی)*
*سوال 42:*
مسجد میں سونا کیسا ہے ؟
*جواب:*
مسجد میں سونا جائز نہیں ہے مگر جو اعتکاف کی نیت کر لے پھر کچھ دیر کے لئے ذکر الٰہی میں مشغول ہوجائے پھر اس کے بعد سونا چاہیے تو سو سکتا ہے.
*(فتاویٰ عالمگیری، کتاب الکراھیۃ، باب اداب المسجد والقبلۃ ۔۔۔۔الخ، جلد 5، صفحہ 321، دارالکتب العلمیہ بیروت، ردالمحتار علی الدرالمختار، کتاب الصلوة، باب مایفسد الصلاة وما یکرہ فیھا، جلد 2، صفحہ 525، مکتبہ رشیدیہ کوئٹہ، صغیری، فصل فی احکام المسجد، صفحہ 302)*
*سوال 43:*
کیا معتکف اعتکاف کے دوران دینی مسائل بیان کر سکتا ہے ؟
*جواب:*
جی ہاں! معتکف اعتکاف کے دوران دینی مسائل بیان کر سکتا ہے، اس میں کوئی حرج نہیں ہے.
*(فتاوی نوریہ، جلد 2، صفحہ 283 تا 286، دارالعلوم حنفیہ فریدیہ بصیر پور ضلع اوکاڑہ، اعتکاف کے مسائل، صفحہ 24، مکتبہ اعلیٰ حضرت)*
*سوال 44:*
کیا معتکف اعتکاف کے دوران سگریٹ پی سکتا ہے ؟
*جواب:*
اس مسئلے کی چند صورتیں ہیں :
1- مُعْتَکِفْ کا عینِ مسجد میں سگریٹ پینا مسجد کی بےادبی اور ناجائز و گناہ ہے۔
2- معتکف کا فنائے مسجد میں اس طرح سگریٹ پینا کہ سگریٹ کا بدبودار دھواں عینِ مسجد (یعنی مسجد کے ہال اور صحن وغیرہ) تک پہنچے تو یہ بھی ناجائز و گناہ ہے۔
3- معتکف کا فنائے مسجد میں اس طرح سگریٹ پینا کہ سگریٹ کا بدبودار دھواں عینِ مسجد (یعنی مسجد کے ہال اور صحن وغیرہ) تک نہ پہنچتا ہو لیکن اس کے منہ میں سگریٹ کی بو باقی ہو اور وہ اسی حالت میں مسجد میں داخل ہوجائے تو یہ بھی ناجائز و گناہ ہے۔
4- معتکف کا فنائے مسجد میں اس جگہ سگریٹ پینا کہ جہاں نماز پڑھی جاتی ہو اور وہاں سے سگریٹ کا بدبودار دھواں عینِ مسجد (یعنی مسجد کے ہال اور صحن وغیرہ) تک نہ پہنچتا ہو اور وہ مسجد میں داخل ہونے سے پہلے منہ کو بھی اچھی طرح صاف کر لیتا ہو تو پھر اس کے لئے سگریٹ پینا اگرچہ جائز ہے لیکن بےادبی ضرور ہے، لہٰذا اس سے بھی بچے۔
5- معتکف کا فنائے مسجد میں اس طرح سگریٹ پینا کہ سگریٹ کا بدبودار دھواں عینِ مسجد (یعنی مسجد کے ہال اور صحن وغیرہ) تک نہ پہنچے اور مسجد میں داخل ہونے سے پہلے منہ کو اچھی طرح صاف کر لے تو پھر اس کے لئے سگریٹ پینا بالکل جائز ہے۔
*(فتاویٰ عبیدیہ، جلد 1، صفحہ 344، 345، 346، 347، ناشر تعلیم الاسلام فاؤنڈیشن پاکستان، فتاوی فیض رسول، جلد 1، صفحہ 535، شبیربرادرز لاہور، اعتکاف کے مسائل، صفحہ 23، مکتبہ اعلیٰ حضرت)*
*نوٹ:*
اگر معتکف سگریٹ پینے کے لئے مسجد کے احاطہ سے باہر نکلا تو اس کا اعتکاف ٹوٹ جائے گا.
*سوال 45:*
کیا معتکف، اعتکاف کے دوران منہ میں نسوار رکھ سکتا ہے ؟
*جواب:*
معتکف فنائے مسجد میں جا کر منہ میں نسوار رکھ سکتا ہے، اس سے اس کا اعتکاف نہیں ٹوٹے گا لیکن مسجد میں داخل ہونے سے پہلے منہ کو اچھی طرح صاف کر لے کیونکہ جب تک اس کے منہ میں نسوار کی بو باقی ہوئی، اس کے لئے مسجد میں داخل ہونا جائز نہیں ہوگا.
*(موخوذ از فتاویٰ عبیدیہ، جلد 1، صفحہ 344، 345، 346، 347، ناشر تعلیم الاسلام فاؤنڈیشن پاکستان، فتاوی فیض رسول، جلد 1، صفحہ 535، شبیر برادرز لاہور)*
*نوٹ:*
اگر معتکف نسوار منہ میں رکھنے کے لئے مسجد کے احاطہ سے باہر نکلا تو اس کا اعتکاف ٹوٹ جائے گا.
*سوال 46:*
فنائے مسجد کسے کہتے ہیں؟
*جواب:*
مسجد سے ملی ہوئی وہ جگہ جو مسجد کی ضروریات کے لئے وقف کی گئی ہو وہ فنائے مسجد کہلاتی ہے جیسے وضو خانہ، استنجا خانہ، غسل خانہ، مسجد سے بالکل ملے ہوئے امام و مؤذن کے حُجرے (کمرے)، نمازیوں کے جوتے اتارنے کی جگہ وغیرہ یہ سب فناے مسجد کے حکم میں داخل ہیں.
*(فتاوی امجدیہ، جلد 1، صفحہ 399، مکتبہ رضویہ کراچی، فیضانِ رمضان مرمم، صفحہ 263، مکتبۃ المدینہ کراچی، فتاویٰ عبیدیہ، جلد 1، صفحہ 347، ناشر تعلیم الاسلام فاؤنڈیشن پاکستان)*
*سوال 47:*
کیا معتکف فنائے مسجد میں جا سکتا ہے ؟
*جواب:*
معتکف فنائے مسجد میں جا سکتا ہے، فنائے مسجد میں جانے سے معتکف کا اعتکاف نہیں ٹوٹتا اگرچہ بلاضرورت جائے.
*(فتاوی رضویہ، جلد 16، صفحہ 495، رضا فاؤنڈیشن لاہور، فتاوی امجدیہ، جلد 1، صفحہ 399، مکتبہ رضویہ کراچی، فتاویٰ عبیدیہ، جلد 1، صفحہ 347، ناشر تعلیم الاسلام فاؤنڈیشن پاکستان،)*

*سوال 48:*
کیا معتکف بغیر عذر (یعنی شرعی و طبعی حاجت کے علاوہ) بھول کر مسجد سے باہر نکل جائے تو اس کا اعتکاف ٹوٹ جائے گا ؟
*جواب:*
معتکف بغیر عذر کے مسجد سے بھول کر نکلے یا جان بوجھ کر نکلے دونوں صورتوں میں اس کا اعتکاف ٹوٹ جائے گا.
البتہ بلاعذر جان بوجھ کر مسجد سے نکلنے کی وجہ سے معتکف گنہگار بھی ہوگا.
*(فتاوی عالمگیری، کتاب الصوم، الباب السابع فی الاعتکاف، جلد 1، صفحہ 211، دارالکتب العلمیہ بیروت، ردالمحتار علی الدرالمختار، کتاب الصوم، باب الاعتکاف، جلد 3، صفحہ 501، مکتبہ رشیدیہ کوئٹہ)*
*سوال 49:*
اگر فنائے مسجد میں وضو خانہ، غسل خانہ اور استنجا خانہ موجود ہو تو کیا معتکف قضائے حاجت اور فرض غسل کے لئے مسجد سے باہر جا سکتا ہے؟
*جواب:*
اگر فنائے مسجد میں وضو خانہ، غسل خانہ اور استنجا خانہ موجود ہو تو معتکف قضائے حاجت اور فرض غسل کے لیے مسجد کے احاطہ سے باہر نہیں جا سکتا کیونکہ اب باہر جانے کے لئے ضرورت ثابت نہیں ہے، لہٰذا اگر اس صورت میں یہ مسجد سے باہر جائے گا تو اس کا اعتکاف ٹوٹ جائے گا.
*(ماخوذ از ردالمحتار علی الدرالمختار، کتاب الصوم، باب الاعتکاف، جلد 3، صفحہ 501، مکتبہ رشیدیہ کوئٹہ)*
*سوال 50:*
کیا معتکف مائک پر قرآن پاک یا نعت شریف پڑھ سکتا ہے یا مائک پر درس دے سکتا ہے ؟
*جواب:*
مسجد میں یا فنائے مسجد میں معتکف یہ سب کام کر سکتا ہے اس سے اعتکاف پر کوئی فرق نہیں پڑتا، لیکن اس میں یہ احتیاط لازم ہے کہ کسی کی عبادت یا آرام میں خَلَلْ (خرابی) واقع نہ ہو.
*(اعتکاف کے مسائل، صفحہ 24، مکتبہ اعلیٰ حضرت بحوالہ درمختار، فیضان رمضان مرمم، صفحہ 272، 277، مکتبۃ المدینہ کراچی)*
واللہ اعلم ورسولہ اعلم عزوجل وصلی اللہ علیہ والہ وسلم
کتبہ
*ابواسیدعبیدرضامدنی*
14/05/2020
03068209672

#اعتکاف_کے_مسائل_اور_انکاحل
سوال نمبر 41 تا 50 📜 قِسط ❺
✍مولانا ابواسید عبید رضا مدنی

*🌹اعتکاف کے مسائل اور ان کا حل🌹*
*🌺قسط ششم (6)- سوال 51 تا 60🌺*
*سوال 51:*
اگر تین روزہ اعتکاف کرنا ہو تو ستائیس (27) رمضان المبارک کو اعتکاف بیٹھنا ہوگا یا چھبیس (26) رمضان المبارک کو ؟
*جواب:*
اگر رمضان المبارک میں تین روزہ نفلی اعتکاف کرنا ہو تو رمضان المبارک کے کسی بھی تین دن میں کرسکتے ہیں، اس کے لئے رمضان المبارک کے آخری تین دن کی قید نہیں ہے، اور اگر آخری تین دن میں اعتکاف کرنا چاہیں تو چھبیس (26) رمضان المبارک کے غروبِ آفتاب سے پہلے پہلے مسجد میں اعتکاف کی نیت سے بیٹھ جائیں کہ اگر مہینہ انتیس (29) کا ہوا تو تین (3) دن کا اعتکاف مکمل ہوجائے گا، اور اگر عورت اعتکاف کرنا چاہے تو وہ 26 رمضان المبارک کو غروبِ آفتاب سے پہلے پہلے مسجدِ بیت میں بیٹھ جائے پھر انتیس (29) رمضان المبارک کو عیدالفطر کا چاند نظر آ جائے تو فَبِہَا (ٹھیک) اور چاند نظر نہ آئے تو اگر چاہیں تو اگلے دن کا بھی اعتکاف کر لیں اور چاہیں تو اعتکاف گاہ سے باہر نکل آئیں.
*(ماخوذ از فتاوی عالمگیری، کتاب الصوم، الباب السابع فی الاعتکاف، جلد 1، صفحہ 211، مطبوعہ دارالفکر بیروت، ردالمحتار علی الدالمختار، کتاب الصوم، باب الاعتکاف، جلد 3، صفحہ 495، مکتبہ رشیدیہ کوئٹہ، بہارِ شریعت، جلد 1، حصہ پنجم، صفحہ 1021، مکتبۃ المدینہ کراچی)*
*سوال 52 :*
اگر مسجد الحرام میں اعتکاف بیٹھے ہوں اور سحری و افطاری لانے والا کوئی نہ ہو تو کیا ہوٹل پر جا کر سحری و افطاری کر سکتے ہیں ؟
*جواب:*
اگر مسجد الحرام میں اعتکاف بیٹھے ہوں، تو اَوَّلاً سحری اور افطاری کا وسیع اہتمام وہاں پر ہوتا ہے، جس کی بنا پر باہر جانے کی حاجت ہی پیش نہیں آتی اور اگر بالفرض سحری و افطاری کا انتظام نہ ہو سکے اور سحری و افطاری لانے والا بھی کوئی نہ ہو تو ہوٹل پر جا کر سحری و افطاری نہیں کر سکتے بلکہ ہوٹل سے سحری و افطاری کا سامان لیکر مسجد الحرام میں واپس آ کر سحری و افطاری کریں گے.
*(تفہیم المسائل، جلد 1، صفحہ 202، ضیاء القرآن پبلی کیشنز، فیضانِ رمضان مرمم، صفحہ 268، مکتبۃ المدینہ کراچی)*
*سوال 53:*
اگر کوئی مسجدُ الحرام میں اعتکاف بیٹھا ہو تو کیا وہ اعتکاف کے دوران خانہ کعبہ کا طواف کر سکتا ہے ؟
*جواب:*
اگر کوئی مسجدُ الحرام میں اعتکاف بیٹھا ہو تو وہ اعتکاف کے دوران خانہ کعبہ کا طواف کر سکتا ہے کیونکہ خانہ کعبہ اور طواف کرنے کی جگہ مسجد الحرام میں داخل ہے.
*(تفہیم المسائل، جلد 1، صفحہ 202، ضیاء القرآن پبلی کیشنز)*
*سوال 54:*
کیا مُعْتَکِف (یعنی اعتکاف کرنے والا) اعتکاف کے دوران موبائل پر کال (Call) یا میسج (SMS) کے ذریعے گفتگو کر سکتا ہے؟
*جواب:*
جس طرح معتکف، بغیر موبائل کے مجبوری کے وقت صرف ضرورت کی جائز گفتگو مسجد میں کرسکتا ہے، اسی طرح موبائل پر بھی کال یا میسج کے ذریعے ضرورت کے وقت صرف جائز گفتگو کرسکتا ہے، بشرطیکہ اس سے کسی نمازی کی نماز اور دیگر عبادات میں خلل واقع نہ ہو اور موبائل کی رنگ ٹون (بیل) بھی ایسی ہو کہ کسی کی نماز و عبادت میں خلل واقع نہ ہو اور نہ ہی رنگ ٹیون گانے باجے پر مشتمل ہو، البتہ بہتر یہی ہے کہ جب تک سخت مجبوری نہ ہو موبائل کو ہرگز استعمال نہ کیا جائے کیونکہ جس طرح فی زمانہ ہمارے ہاں معتکفین موبائل استعمال کرتے ہیں کہ بلاضرورت دوستوں سے اور دیگر لوگوں سے گپ شپ کا سلسلہ ہوتا ہے یہ اعتکاف کی روحانیت کے خلاف بھی ہے اور شرعاً اس کی اجازت بھی نہیں، البتہ دینی کاموں کے لئے موبائل استعمال کرنے میں حرج نہیں ہے.
*(ردالمحتار علی الدالمختار، کتاب الصوم، باب الاعتکاف، جلد 3، صفحہ 507، مکتبہ رشیدیہ کوئٹہ، بہارِ شریعت، جلد 1، حصہ پنجم، صفحہ 1027، مکتبۃ المدینہ کراچی، فتاوی عبیدیہ، جلد 1، صفحہ 348، 349، ناشر تعلیم الاسلام فاؤنڈیشن پاکستان)*
*سوال 55:*
مُعْتَکِف (یعنی اعتکاف کرنیوالا) کون سی عبادت زیادہ کرے ؟
*جواب:*
معتکف وہ عبادت زیادہ کرے جس میں اس کا دل زیادہ لگے. مثلاً نوافل، قرآنِ پاک کی تلاوت، دینی کتابوں کا مطالعہ، ذکر و درود وغیرہ میں، جس کی طرف اس کی زیادہ رغبت ہو وہ زیادہ کرے.
*(مدنی مذاکرہ، 21 رمضان المبارک 1440ھ)*
*سوال 56:*
کیا معتکف فرض غسل کے علاوہ گرمی کی وجہ سے صرف ٹھنڈک حاصل کرنے کے لیے غسل کر سکتا ہے ؟
*جواب:*
معتکف فرض غسل کے علاوہ گرمی کی وجہ سے صرف ٹھنڈک حاصل کرنے کے لئے غسل کر سکتا ہے یا نہیں ؟ اس مسئلے کی کل تین صورتیں بنتی ہیں جو کہ درج ذیل ہیں :
1- اگر غسل خانہ فنائے مسجد میں ہو اور وہاں تک جانے کا راستہ بھی فنائے مسجد سے ہو کر جاتا ہو تو فرض غسل کے علاوہ صرف ٹھنڈک حاصل کرنے کے لیے غسل کیا جاسکتا ہے.

2- غسل خانہ فنائے مسجد میں نہ ہو بلکہ مسجد کے احاطہ سے باہر ہو.
3- غسل خانہ تو فنائے مسجد میں ہو لیکن وہاں تک جانے کا راستہ مسجد کے باہر سے ہو کر جاتا ہو.
تو دوسری اور تیسری صورت میں فرض غسل کے علاوہ صرف ٹھنڈک حاصل کرنے کے لئے غسل نہیں کیا جا سکتا، اگر صرف ٹھنڈک حاصل کرنے کے لئے غسل کرنے جائے گا تو اس کا اعتکاف ٹوٹ جائے گا.
*(فتاوی رضویہ، جلد 7، صفحہ 453، رضا فاؤنڈیشن لاہور، فتاوی امجدیہ، جلد 1، صفحہ 399، مکتبہ رضویہ کراچی، فتاوی فیض رسول، جلد 1، صفحہ 535، شبیر برادرز لاہور)*
*سوال 57:*
اگر کسی نے معتکف کو زبردستی مسجد سے نکال دیا تو کیا وہ کسی دوسری مسجد میں اعتکاف کو مکمل کر سکتا ہے ؟
*جواب:*
اگر کسی نے معتکف کو زبردستی مسجد سے نکال دیا تو وہ فوراً کسی دوسری مسجد میں جا کر اعتکاف کو مکمل کر سکتا ہے.
*(فتاوی عالمگیری، کتاب الصوم، الباب السابع في الاعتکاف، جلد 1، صفحہ 212، مطبوعہ دارالفکر بیروت)*
*سوال 58:*
اگر معتکف نے کسی کو گالی دی یا لڑائی جھگڑا کیا تو کیا اس کا اعتکاف ٹوٹ جائے گا ؟
*جواب:*
اگر معتکف نے کسی کو گالی دی یا کسی سے لڑائی جھگڑا کیا تو اس کا اعتکاف نہیں ٹوٹے گا لیکن اعتکاف کی نورانیت ختم ہو جائے گی.
*(فتاوی عالمگیری، کتاب الصوم، الباب السابع في الاعتکاف، جلد 1، صفحہ 213، مطبوعہ دارالفکر بیروت)*
*سوال 59:*
اگر کوئی چور کسی کے جوتے چرا کر بھاگا تو کیا اس پکڑنے کے لئے معتکف مسجد سے باہر نکل سکتا ہے ؟
*جواب:*
اگر کوئی چور کسی کے جوتے چرا کر بھاگا تو اس کو پکڑنے کے لئے معتکف مسجد سے باہر نہیں نکل سکتا، اگر اس کو پکڑنے کے لئے مسجد سے باہر نکلے گا تو اس کا اعتکاف ٹوٹ جائے گا.
*(فیضانِ رمضان مرمم، صفحہ 277، مکتبۃ المدینہ کراچی)*
*سوال 60:*
معتکف کے لئے مسجد میں شور و غل اور ہنسی مذاق کرنا کیسا ہے ؟
*جواب:*
معتکف کے لئے مسجد میں شور و غل اور ہنسی مذاق کرنا گناہ ہے.
*(فیضانِ رمضان مرمم، صفحہ 277، مکتبۃ المدینہ کراچی)*
واللہ اعلم ورسولہ اعلم عزوجل وصلی اللہ علیہ والہ وسلم
کتبہ
*ابواسیدعبیدرضامدنی*
15/05/2020
03068209672