حضرتِ خدیجہ کی یاد

جن سے پیار ہو ان کی یادیں جب آتی ہیں تو دل پہ گہرا اثر کرتی ہیں۔ حضرتِ خدیجہ سے حضور صلی اللہ علیہ وسلم کی محبت کو لفظوں سے بیان نہیں کیا جا سکتا۔

ایک مرتبہ حضرتِ خدیجہ کی بہن حضرتِ ہالہ نے حضور صل اللہ علیہ وسلم کی بارگاہ میں حاضر ہونے کی اجازت طلب کی تو ان کی آواز حضرتِ خدیجہ کی آواز سے بہت ملتی تھی، آپ صلی اللہ علیہ وسلم کو حضرتِ خدیجہ کا اجازت طلب کرنا یاد آگیا اور آپ نے جھرجھری لی (جسم میں ہلکی کپکپی)

(صحیح بخاری، کتاب المناقب، الحدیث 3821)

اس کے علاوہ حضور صلی اللہ علیہ وسلم حضرتِ خدیجہ کی سہیلیوں کا اکرام فرمایا کرتے تھے، ان کے پاس تحفے بھیجتے۔

(الادب المفرد)

اللہ تعالیٰ ہمیں بھی خلوص کے ساتھ محبت کی توفیق دے۔

عبد مصطفیٰ آفیشل