شیخ الاسلام ابو الفتح حضرت شیخ رکن الدین سہروردی شاہ رکن عالم ملتانی  رحمۃ اللہ علیہ

نام ونسب:
نام: رکن الدین ۔
کنیت: ابوالفتح ۔
لقب: رکنِ عالم اور فضل اللہ ہیں ۔

سلسلہ نسب اس طرح ہے:
ابوالفتح شیخ رکن الدین ، بن عارفِ کامل شیخ صدرالدین عارف، بن شیخ الاسلام والمسلمین حضرت غوث بہاؤ الدین زکریا ملتانی (علیہم الرحمہ)

تاریخِ ولادت:
بروز جمعۃ المبارک 9 / رمضان المبارک 649ھ ، بمطابق 1251ء میں پیدا ہوئے۔

تحصیلِ علم:
آپ کی ابتدائی تعلیم سے لےکر تکمیل  تک ، اور پھر تعلیم کے ساتھ تربیت ، آپکے والدِ گرامی شیخ صدر الدین عارف اور  شیخ الاسلام والمسلمین حضرت بہاؤ الدین زکریا ملتانی (علیہم الرحمہ) کی زیرِ نگرانی ہوئی۔

بیعت وخلافت:
آپ کو اپنے والدِ گرامی اور حضرت بہاؤ الدین زکریا ملتانی دونوں بزرگوں سے اجازت و خلافت حاصل ہے۔

سیرت و خصائص:
مخزن مشہود ِالہیٰ ، منبع جودِنا متناہی ، ادریس ِخلوت وحدت، برجیس ِبرج معرفت ،گوہرِ معدن ،صفات لا ریب ،لولوئے دریائے غیب ، زبدۃ المشائخ ، مفتاح قفل حق الیقین، سراجِ مشائخِ سہروردیہ شیخ الاسلام ابوالفتح حضرت شیخ رکن الدین سہروردی رحمۃ اللہ علیہ ۔

"خاندانِ غوثیہ" کا فانوس اس سراج مِنیر کی روشنی سے جگمگا اٹھا اور اس نو مولودِ مسعود کی خوشی میں حضرت شیخ الاسلام بہاؤالدین زکریا علیہ الرحمہ نے ملتان کے غربا اور مساکین کے دامن زر و جواہر سے بھر دئیے تھے ۔

آپ کی والدہ محترمہ بی بی راستی علیہا الرحمہ حافظہ تھیں ، اور روزانہ قرآن ِ مجید کا ختم کیا کرتی تھیں ۔ اس لیے لوری کے بجائے قرآن پاک کی تلاوت فرمایا کرتیں ، اسی حالت میں اگر اذان کی آواز سنائی دیتی تو حضرت رکن الدین والعالم دودھ پینا چھوڑ دیتے اور غور سے آذان سننے لگتے۔ رات کو بی بی صاحبہ جب تہجد کے لیے بیدار ہوتیں تو حضرت رکن الدین بھی جاگ پڑتے۔ جب قطب الاقطاب بولنے کی قابل  ہوئے تو سب سے پہلےجو لفط زبانِ مبارک سے ادا ہوا  وہ "اللہ جل جلالہ" کا اسم گرامی تھا۔ سات سال کی عمر سے نماز اور روزہ کے پابند ہو گئے تھے۔ رمضان کے علاوہ عاشورہ محرم میں بھی روزے رکھتے تھے۔ ذکر خفی و جلی و مراقبہ محاسبہ آپ کے معمولات میں سے تھے۔ریاضت، عبادت اور مجاہدہ میں مشغول رہتے تھے۔ کشف ِقلوب، طے ارض ، وطے لسان ، دس سال کی عمر سے عطاء ہو گئے تھے ۔ جو حاجت مند آپ کے پاس آتا خالی ہاتھ نہ جاتا، چونکہ آپ لوگوں کی حاجت پوری کرتے تھے۔ اس واسطے لوگوں میں آپ "قبلۂ حاجات" مشہور ہوئے، جو نذرانہ آتا، آپ اس کو خرچ کر دیتے تھے۔ علم ، تواضع ، شفقت ، حلم و عفو، حیاء و وقار، عبادت و ریاضت، زہد و تقویٰ، عفو و وفا، جود و سخا، نصیحت و شفقت، الفت و مروت، بردباری، کسر نفسی اور اخلاقِ حسنہ ، الغرض جملہ صفاتِ عالیہ ان میں بدرجہ اتم پائی جاتی تھیں۔ آپ نے  مکاشفہ ومحاسبہ میں اتنے مدارج طے  کر لیئے تھے کہ آپ کو " ابوالفتح " کے لقب سے یاد کیا جاتا ہے ۔ آپ علماء، فضلاء اور درویشوں کا بہت خیال کرتےتھے۔ ان کی بہت عزت کرتے تھے اور ان کی خاطر مدارت میں کوئی کسر باقی نہیں رکھتے تھے۔ کسرِ نفسی کا یہ عالم تھا کہ جب پالکی میں بیٹھتے تو آپ  کے دونوں ہاتھ اکثر باہر نکلے ہوئے ہوتے، اور اس کی وجہ بیان کرتے ہوئے فرماتے ہیں: کہ شاید کسی بخشے ہوئے کا ہاتھ میرے ہاتھ سے لگ جائے اور میں بھی بخشا جاؤں۔

وصال:
16 / رجب المرجب 735ھ ، بمطابق 1334ء کو آپ کا وصال ہوا ۔

مزار شریف:
مزار شریف قلعہ کہنہ قاسم باغ ملتان شریف میں مرکزِ انوار و تجلیات ہے۔

Read more at: https://scholars.pk/ur/scholar/hazrat-shah-rukn-e-alam-multani-soharwardi
Copyright © Zia-e-Taiba

ڈاڑھی منڈے کو اسٹیج پر عزت دینے کا شرعی حکم
ـــــــــــــــــــــــــــــــــــــــ

● داڑھی منڈانا اور کاٹ کر ایک مشت سے کم کرنا حرام ہے۔ ایسا ہی فتح القدیر، در مختار، ردالمحتار، بحر اور طحطاوی میں ہے ۔
واللفظ للطحطاوی "ﻭاﻷﺧﺬ ﻣﻦ اﻟﻠﺤﻴﺔ ﻭﻫﻮ ﺩﻭﻥ ﺫﻟﻚ ﻛﻤﺎ ﻳﻔﻌﻠﻪ ﺑﻌﺾ اﻟﻤﻐﺎﺭﺑﺔ ﻭﻣﺨﻨﺜﺔ اﻟﺮﺟﺎﻝ ﻟﻢ ﻳﺒﺤﻪ ﺃﺣﺪ ﻭﺃﺧﺬ ﻛﻠﻬﺎ ﻓﻌﻞ ﻳﻬﻮﺩ اﻟﻬﻨﺪ ﻭﻣﺠﻮﺱ الاﻋﺎﺟﻢ" (ج١،ص٦٨١،ش)

یعنی : داڑھی کو ایک مٹھی سے کم کرلینا؛ جیسا کہ بعض یورپین اور ہجڑے مرد کرتے ہیں ۔ اس کی کسی نے بھی اجازت نہیں دی ہے ۔ اور پوری کی پوری ڈاڑھی صاف کرلینا؛ یہ ہندوستانی یہودیوں کا طریقہ ہے ۔ اور عجمی آتش پرستوں کا طریقہ ہے ۔

● ہدایہ میں ہے:
"لأن حلق الشعر في حقها مثلة کحلق اللحیة في حق الرجال".
یعنی عورت کے سر کا بال منڈانا مثلہ ہے جس طرح مرد کا داڑھی منڈانا مثلہ ہے۔
(ہدایہ ١ / ۲۳۵ باب الاحرام، کتاب الحج) (ہکذا فی الجوہرۃ النیرۃ ج۱ ص١ /١٦٧، کتاب الحج)

● تفسیر روح البیان میں ہے :
"حلق اللحیة قبیح بل مثلة و حرام و کما أن حلق شعر الرأس في حق المرأة مثلة منهي عنه و تفویت للزینة کذلك حلق اللحیة مثلة في حق الرجال و تشبه بالنساء منهي عنه و تفویت للزینة، قال الفقهاء: اللحیة في وقتها جمال، وفي حلقها تفویت للزینة علی الکمال، ومن تسبیح الملائکة: سبحان من زین الرجال باللحی وزین النساء بالذوائب".
یعنی: داڑھی منڈانا قبیح ہے۔ بلکہ مثلہ اور حرام ہے، جس طرح عورت اگر اپنے سر کے بال منڈوائے تو یہ مثلہ ہے جو ممنوع ہے اور اس سے عورت کی زینت ختم ہوجاتی ہے ، اسی طرح مرد اگر داڑھی منڈا دے تو یہ بھی مثلہ ہے اور اس سے مردانہ شان ختم ہوجاتی ہے ۔ فقہاءِ کرام رحمہم اللہ فرماتے ہیں کہ داڑھی اپنے وقت میں جمال ہے اور اس کو منڈا دینا زینت کو ختم کرنا ہے اور ملائکہ کی تسبیح ہے ، سبحان … پاک ہے وہ ذات جس نے مردوں کو داڑھی سے زینت بخشی اور عورتوں کو لٹوں سے اور چوٹیوں سے (روح البیان ص ۲۲۲ تحت الآیۃ واذا بتلیٰ ابراھیم ربہ‘ بکلمات فاتمھن)

● فتاوی رضویہ میں ہے:
"داڑھی کرانا و منڈانا حرام ہے" (ج٧، ص١٩٣)

● بہار شریعت میں ہے :
"داڑھی بڑھانا سنن انبیاء سابقین سے ہے۔ مونڈانا یا ایک مشت سے کم کرنا حرام ہے۔ ہاں ایک مشت سے زائد ہو جائے تو جتنی زیادہ ہے اس کو کٹوا سکتے ہیں۔" (ح١٦، ص٥٨٥)۔

فاسق معلن کو اسٹیج پر عزت دینا
ــــــــــــــــــــــــــــــــ
فاسق معلن کو منبر پر بیٹھانا شرعا مکروہ تحریمی، گناہ ہے کیونکہ اس میں اس کی تعظیم ہے۔ فرمایا صلی الله تعالی عليه وآله وسلم نے: إذا مدح الفاسق غضب الرب عزوجل واھتز العرش.
(إتحاف الخیرۃ للبوصیری، م: ٥٣٩٧؛ مجموعة رسائل ابن أبي الدنيا، ١٥٦/٥؛)
جب فاسق کی مدحت کی جاتی ہے رب عزوجل غضب فرماتا ہے اور عرش الٰہی ہل جاتا ہے)۔ والله تعالی اعلم