مسائل قراءت بیرون نماز
بہار شریعت جلد¹ حصہ³
▬▬▬▬▬▬▬▬▬▬▬▬
مسئلہ ㊺ تلاوت کے شروع میں تعوذ یعنی اعوذ باللہ پڑھنا مستحب ہے - اور ابتدائے سورت میں تسمیہ یعنی بسم اللہ سنت ورنہ مستحب - مسئلہ ㊻ یہ جو مشہور ہے کہ سورۃ التوبہ ابتداً پڑھے، (یعنی سورۂ توبہ ہی سے تلاوت شروع کرے) جب بھی بسم اللہ نہ پڑھے یہ محض غلط ہے - مسئلہ ㊽ تین دن سے کم میں قرآن کا ختم خلاف اولیٰ ہے - مسئلہ ㊾ جب ختم ہو تو تین بار قل ھو اللہ احد پڑھنا بہتر ہے - مسئلہ ㊿ لیٹ کر قرآن پڑھنے میں حرج نہیں جب کہ پاؤں سِمٹے ہوں اور مُنھ کھلا ہو یوں ہی چلنے اور کام کرنے کی حالت میں بھی تلاوت جائز ہے جب کہ دل نہ بٹے ورنہ مکروہ ہے - مسئلہ⁵⁶ قرآن مجید سننا، تلاوت کرنے اور نفل پڑھنے سے افضل ہے - مسئلہ⁵⁹ قرآن پڑھ کر بھلا دینا گناہ ہے، جو قرآن پڑھ کر بھول جائے قیامت کے دن کوڑھی ہوکر آئےگا، اور قرآن مجید میں ہے کہ اندھا ہو کر اٹھےگا - مسئلہ⁶² قرآن مجید بلند آواز سے پڑھنا افضل ہے - مسئلہ⁶³ دیواروں اور محرابوں پر قرآن مجید لکھنا اچھا نہیں -
▬▬▬▬▬▬▬▬▬▬▬▬
#فیضان_رمضان_المبارک ⓫
#مسائل_تلاوت #مسائل_قرآن
قرآن میں حروف کلمات آیات
روزہ کے ضروری مسائل #روزہ

تراویح کا بیان | بہار شریعت
تراویح کے فضائل و مسائل 💐
▬▬▬▬▬▬▬▬▬▬▬▬
مسئلہ ❶ تراویح کی نماز مرد و عورت سب کے لئے بالاجماع سنت مؤکدہ ہے اس کا ترک جائز نہیں! مسئلہ ❷ جمہور کا مذہب یہ ہے کہ تراویح کی بیس رکعتیں ہیں! مسئلہ ❸ نماز تراویح کا وقت فرض عشاء کے بعد سے طلوع فجر تک ہے، وتر سے پہلے بھی ہو سکتی ہے اور بعد بھی! مسئلہ ❺ اگر فوت ہو جائیں تو ان کی قضا نہیں! مسئلہ ❻ تراویح کی بیس رکعتیں دس سلام سے پڑھے یعنی ہر دو رکعت پر سلام پھیرے! مسئلہ ❽ نماز تراویح میں ایک بار قرآن مجید ختم کرنا سنت مؤکدہ ہے! مسئلہ ⓰ تراویح میں جماعت سنت کفایہ ہے! مسئلہ ⓱ تراویح مسجد میں با جماعت پڑھنا افضل ہے! مسئلہ ㉔ نابالغ کے پیچھے بالغین کی تراویح نہ ہوگی! مسئلہ ㉕ رمضان میں وتر جماعت سے پڑھنا افضل ہے! مسئلہ ㊵ ایک بار بسم اللہ شریف جہر سے پڑھنا سنت ہے! مسئلہ ㊶ متاخرین نے ختم تراویح میں تین بار سورۃ الاخلاص یعنی قل ھو اللہ احد پڑھنا مستحب کہا
▬▬▬▬▬▬▬▬▬▬▬▬
#فیضان_رمضان_المبارک ⓬
#رمضان | مسائلِ #تراویح