مولا علی پاک کو حدیث میں ازہد الناس ( لوگوں میں نیک ترین ہستی ) فرمایا گیا ہے ۔۔۔۔۔۔۔ اور آپ کی نو بیویاں ، متعدد باندیاں اور اٹھائیس بیٹیاں ، بیٹے تھے ۔

ہمارےزمانے کے زُہَّاد دوسرے تیسرے نکاح اور کثرت اولاد سے پتا نہیں کیوں وحشت کھاتے ہیں ۔ ؎

لذت میں خودی کی کھو گیا ہے زاہد
دور ، دور خدا سے ہو گیا ہے زاہد

سنتا نہیں اب شکستہ مسجد کی صدا
سجدے میں کچھ ایسا سو گیا ہے زاہد

https://m.facebook.com/story.php?story_fbid=3400258393587659&id=100008105947430

معراج کی رات پچاس نمازیں لے کر جب حضور ہماری پاس آرہے تھے تو راستے میں حضرت موسی علیہ السلام سے ملاقات ہوگئی ۔۔۔۔۔۔۔ وہ کہنے لگے:
اپنے رب کی طرف جائیں اور نمازیں کم کروا کے آئیں ۔
حضور ﷺ واپس گئے تو نمازیں کم ہوگئیں ، لیکن واپسی پر موسی علیہ السلام پھر یہی کہنے لگے کہ واپس جائیں اور مزید کم کروا کے آئیں ، اور بار باریہی کہتے رہے ۔۔۔۔۔۔

سیدنا موسی علیہ السلام نے ایسے کیوں کہا ؟

اس بارے میں شارحین کے بہت سارے اقوال ہیں ۔

ایک‌ بات جوبعض اہلِ دل کہتے ہیں ، وہ یہ بھی ہے کہ:

حضور اپنے رب کا دیدار کرکے آئے تھے ، اس لیے جناب موسیٰ چاہتے تھے میں بار بار اُس ذات کو دیکھوں جو میرے رب کو دیکھ کے آئی ہے ؛ اس لیے بار بار واپس جانے کا کہتے رہے ۔

اللہ اللہ ، جس ذات پاک کا بار بار جلوہ دیکھنے کے موسی علیہ السلام بھی متمنی رہے ۔۔۔۔۔ صحابہ کرام نے اُسی ذات کے جی بھر کے جلوے دیکھے ؎

اُن صحابہ کی خوش اطوار نگاہوں کو سلام !
جن کا مسلک تھا طوافِ رخِ زیبا کرنا

✍️ لقمان شاہد
11-3-2022 ء

https://m.facebook.com/story.php?story_fbid=3401216353491863&id=100008105947430

ایک وہ لوگ ہوتے ہیں جو رسول اللہ ﷺ کی زیارت کےلیے دعا مانگتے رہتے ہیں ، اور اِسی نیت سے مدینے پاک کا سفر کرتے ہیں اور اُن دعا قبول ہوجاتی ہیں ۔

اور

دوسرے وہ ہیں جو مدینہ منورہ جاتے ہیں ، بار بار جاتے ہیں لیکن رسول‌اللہ کا مسکن ( روضہ انور ) دیکھ کر لوٹ آتے ہیں ، اور اسی طرح اُن کی عمر بِیت جاتی ہے ۔
زیارت کرنے والوں کا مقام بہت بلند ہے ، ان کے قدموں کی خاک بھی ہماری آنکھوں کا سرمہ ۔۔۔۔۔۔۔ لیکن اُن عاشقوں کے کیا کہنے جو بن دیکھے محبوب پر فدا ہوتے رہتے ہیں ۔۔۔۔۔۔۔۔۔ !!

https://m.facebook.com/story.php?story_fbid=3401919166754915&id=100008105947430

گاؤں میں ایک ماں جی تھیں جو ساری زندگی مدینے شریف کی تڑپ میں یہ نعت پڑھتی رہیں ، لیکن اس دنیاوی زندگی میں مدینہ پاک کی حاضری نصیب نہ ہوسکی ۔

رب تعالیٰ ان کی تربت تاجدار مدینہ کے جلووں سے بسائے !

وہ لوگ بھی کتنے پیارے تھے جو مدینہ شریف کو یاد کرتے کرتے دنیا سے چلے جاتے ۔
اور ہم‌ بھی کتنے خوش قسمت ہے کہ اللہ پاک ہمیں بار بار اپنے حبیب ﷺ کا دیار دکھاتاہے ۔

https://m.facebook.com/story.php?story_fbid=3402933203320178&id=100008105947430

تاجدار مدینہ ﷺ کا ارشاد مبارک ہے:

جو میری قبر کے پاس مجھ پر درود پڑھتا ہے میں اس کا درود خود سنتا ہوں ۔

( مجموعۃ رسائل العلامۃ الملا علی القاری ، الدرۃ المضیۃ فی الزیارۃ المصطفویۃ الرضیۃ ، ص 28 ۔
ملاعلی قاری رحمہ اللہ کہتے ہیں: اس حدیث کی سند جید ہے ۔ )

اللہ اللہ ہمارے نصیب ۔۔۔۔۔۔۔۔۔ کلام الہی سننے والے کان مبارک ہم گناہ گاروں کا سلام سنیں 😥

اگر حضور ہمارا سلام خود سنتے ہیں تو ضرور ہماری التجائیں بھی سنیں گے اور اللہ کی عطا سے انھیں شرف قبولیت فرمائیں گے ۔

واللہ وہ سُن لیں گے فریاد کو پہنچیں گے
اِتنا بھی تو ہو کوئی جو آہ کرے دل سے

دریا ہے چڑھا تیرا ، کتنی ہی اُڑائیں خاک
اُتریں گے کہاں مجرم ، اے عفو ترے دل سے !

✍️ لقمان شاہد
15-3-2022 ء

https://m.facebook.com/story.php?story_fbid=3403821716564660&id=100008105947430

مجھے صحابہ کرام‌ علیھم الرضوان میں سے سیدنا عبداللہ بن عمر رضی اللہ عنہ سے خاص محبت ہے ( اللہ پاک یہ محبت سلامت رکھے ) ۔۔۔۔۔۔ جب آپ کا کوئی عمل مبارک نظر سے گزرتاہے تو کوشش ہوتی ہے ، پورے ذوق شوق سے اس کی پیروی کی جائے ۔

آپ رضی اللہ عنہ بہت نیک سیرت اور متبع سنت تھے ، آپ کی نیکی کی اس سے بڑی گواہی کیا ہوگی کہ رسول اللہ ﷺ نے آپ کو رجل صالح ( نیک آدمی ) فرمایا ۔


سیدنا عبداللہ بن عمر نے روضہ رسول کی حاضری کا یہ طریقہ ارشاد فرمایا ہے‌ کہ:

سنت ( صحابہ ) یہ ہے کہ رسول اللہ ﷺ کی قبرِ انور پر قبلہ کی طرف سے آیا جائے‌ ، پھر قبلہ کی طرف پیٹھ اور روضہ انور کی طرف منھ کرکے عرض کیا جائے:

السلام علیک ایھاالنبی ورحمۃ اللہ وبرکاتہ !

( مسند الامام الاعظم ، کتاب الحج ، ھیئۃ زیارۃ قبرالنبیﷺ ، ص 367 ، ر 255 )

اللہ آپ کو مدینہ طیبہ کی حاضری نصیب کرے ، آپ جب روضہ انور پہ آئیں تو اسی طریقے سے حاضری دیں ، جو صحابہ کرام کی سنت ہے ۔۔۔۔۔۔ یہاں حضور کی طرف پیٹھ کرکے قبلہ شریف کی طرف منھ کرنے سے حتی الامکان پرہیز کریں ۔

امام مالک فرماتے تھے:

( روضہ رسول پر دعا کے وقت قبلہ کی طرف منھ کرکے ، حضور کی‌طرف پیٹھ نہ کرو ) حضور تمھارا ہی نہیں ، تمھارے باپ سیدنا آدم علیہ السلام کا بھی وسیلہ ہیں ۔

✍️ لقمان شاہد
15-3-2022 ء

https://m.facebook.com/story.php?story_fbid=3404166156530216&id=100008105947430

آج مسجد نبوی شریف کی لائبریری میں جانا ہوا ، وہاں احناف کی کتب میں امام احمد رضا حنفی رحمہ اللہ کی جدالممتار دیکھ کر بہت خوشی ہوئی ۔

فقہائے احناف میں آپ جیسا فقیہ ڈھونڈے سے نہیں ملتا ۔۔۔۔۔۔۔ ہمارے علماےکرام آپ کی کتابوں کے مختلف زبانوں میں ترجمے کرکے دنیا بھر کے احناف تک پہنچائیں تو یہ ایک عظیم نیکی ہوگی ۔

https://m.facebook.com/story.php?story_fbid=3406684086278423&id=100008105947430