السلام علیکم و رحمۃ اللہ و۔برکاتہ
علمائے کرام کی بارگاہ میں ایک سوال ہے بیوی سے ہمبستری کرنے سے پہلے جو دعاء پڑھی جاتی ہے وہ پتا دیں ۔
المستفتی : حافظ مدثر پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وعلیکم السلام و رحمۃ اللّٰہ و برکاتہ
*جواب* جب اپنی بیوی سے ہمبستری کرنے کا ارادہ کرے تو اولاً بسم الله الرحمن الرحیم پڑھے اور یہ دعا پڑھے : اللَّھُمَّ جَنِّبْنَا الشَّیْطَانَ وَ جَنِّبِ الشَّیْطَانَ مَا رَزَقْتَنَا " بوقت صحبت قبلہ کی طرف رخ نہ کرے ، سر ڈھانک لے اور جتنا ہوسکے پردے کے ساتھ صحبت کرے کسی کے سامنے حتی کہ بالکل ناسمجھ بچے کے سامنے بھی صحبت نہ کرے اور بوقت صحبت بقدر ضرورت ستر کھولے ، اور انزال کے وقت دل میں یہ دعا پڑھے : اللَّھُمَّ لَا تَجْعَلْ لِلشَّیْطَانِ فِیمَا رَزَقْتنَا نَصِیبًا ۔ صحبت کے بعد یہ دعا پرھے: الْحَمْدُ لِلّٰه الَّذِى خَلَقَ مِنَ الْمَاءِ بَشَرًا فَجَعَلَه نَسَبًا وَ صِھْرًا ۔ شب زفاف اور صحبت کے سلسلے کی آپس کی جو باتیں پوشیدہ ہوں کسی سے ان کا تذکرہ نہ کرے یہ بے حیائی اور بے مروتی کی بات ہے " اھ ( غنیة الطالبین مترجم ص 98 تا 100 : فصل فی آداب النکاح ) اور تفسیر نعیمی میں ہے کہ " ہمبستری کے وقت بسم اللّه شریف پڑھنا سنّت ہے اور یہ دعا پڑھے " اللھم جنبنا الشیطان و جنب الشیطان ما رزقتنا " مگر یاد رہے کی ستر کھولنے سے پہلے پڑھے اور سب سے بہتر ہے کہ جب کمرے میں داخل ہو تب ہی بسم اللّه شریف پڑھ کر دایاں قدم اندر داخل کریں اگر ہمیشہ ایسا کرتا رہے گا تو شیطان کمرے سے باہر ہی ٹھر جائے گا ورنہ وہ بھی آپکے ساتھ شریک ہوگا " ( تفسیر نعیمی ج 2 ص 410 )

واللہ اعلم بالصواب
کریم اللہ رضوی
خادم التدریس دار العلوم مخدومیہ اوشیورہ برج جوگیشوری ممبئی موبائل نمبر 7666456313