مجدد ملت سیدی اعلی حضرت امام احمد رضا خان حنفی متوفی ١٣٤٠ھ علیہ الرحمہ لکھتے ہیں :

بالوں کی نسبت شرع مطہر میں صرف دو طریقے آئے ہیں:
ایک یہ کہ سارے سر پر رکھیں اور مانگ نکالیں۔ یہ خاص سنت حضور سید المرسلین صلی اللہ تعالی علیہ وسلم کی ہے....
دوسرے یہ کہ سارا سر منڈائیں یہ حضرت سیدنا مولی علی کرم اللہ وجہہ الکریم کی عادت تھی وہ جناب بخوف جنابت کہ مبادا نہانے میں کوئی بال پانی بہنے سے باقی رہ جائے حلق فرمایا کرتے

ان کے سوا جتنے طریقے ہیں سب خلاف سنت اور یہ نئی نئی تراشیں ایک ایک انگل کے بال رکھنا جب اس سے بڑھیں کتروادینا یا آگے سے بڑے پیچھے سے کترے ہوئے یا وسط تالو سے پیشانی تک کھلوادینا یا گدی کے بال منڈانا یا پیشانی سے گدی تک سڑک نکالنا یامنڈے سرخواہ بالوں کی حالت میں یعنی چوڑی قلمیں بڑھا کر رخساروں پر جھکانا یا داڑھی میں ملا دینا، یہ باتیں مخالف سنت و خلاف وضع صلحائے مسلمین ہونے کے علاوہ ان میں اکثر اقوام کفار کی ایجاد ہیں جن کی مشابہت سے مسلمانوں کو بچنا چاہیے (فتاوی رضویہ، ج٢٢، ص٥٧٧، مسئلہ ٢٠٤)

اور لکھتے ہیں :
شانہ تک لمبے گیسووں کا ہونا کہ آگے اصلا نہ بڑھیں ضرور جائز بلکہ سنن زوائد سے ہے (فتاوی رضویہ، ج٦، ص٦١١، مسئلہ ٧٧٥)
اور لکھتے ہیں :
(مرد کو) شانوں سے نیچے ڈھلکے ہوئے عورتوں کے سے بال رکھنا حرام ہے (فتاوی رضویہ، ج٢١، ص٦٠٠، مسئلہ ١٩٠)


حضور صدر الشریعہ مفتی محمد امجد علی حنفی متوفی ١٣٦٨ھ علیہ الرحمہ لکھتے ہیں :
حضور اقدس صلَّی اللّٰہ تعالٰی علیہ وسلَّم کے موئے مبارک کبھی نصف کان تک، کبھی کان کی لو تک ہوتے اور جب بڑھ جاتے تو شانہ ٔ مبارک سے چھو جاتے اور حضور ( صلَّی اللّٰہ تعالٰی علیہ واٰلہٖ وسلَّم ) بیچ سر میں مانگ نکالتے۔

(بہار شریعت حصہ ١٦، مسئلہ ١٩، حجامت بنوانا اور ناخن ترشوانا)

سبحان اللہ ، حضرت مجدد الف ثانی رحمہ‌اللہ نے کیسی عمدہ بات ارشاد فرمائی کہ:

" سرورعالم ﷺ کا سایہ نہ تھا ، کیوں کہ عالمِ شہادت میں ہر شخص کا سایہ اُس سے لطیف تر ہوتا ہے ، اورحضور ﷺ سے لطیف تر عالم میں کوئی چیز نہیں ہوسکتی ۔ "

( البرہان الانظف فی لطافت سیدالالطف )

https://m.facebook.com/story.php?story_fbid=3386247991655366&id=100008105947430

پیارے پیارے دوست ، ہم راز و دم ساز حضرت مولانا بالفضل اولانا Shahbaz Ahmad دامت برکاتہم العالیہ نے اتوار تحریر کا سلسلہ شروع کیا ہے ، جو جاری رہا تو ان شاءاللہ مفید ثابت ہوگا ۔

ویسے صحیح حدیث میں ہےکہ:

خَلَقَ اللهُ عَزَّ وَجَلَّ التُّرْبَةَ يَوْمَ السَّبْتِ وَخَلَقَ فِيهَا الْجِبَالَ يَوْمَ الْأَحَدِ ۔
اللہ پاک نے ہفتے کے دن زمین کو پیدا کیا ، اور اتوار والے دن اس میں پہاڑوں کو بنایا۔( رواہ مسلم )

زمین میں پہاڑ بنانے کی وجہ یہ بھی تھی کہ زمین حرکت نہ کرے ، ایک جگہ جمی رہے ، اور لوگ سکون پائیں ؛ جیسا کہ قرآن پاک میں ہے:
وَجَعَلْنَا فِی الْاَرْضِ رَوَاسِیَ اَنْ تَمِیْدَ بِهِمْ ۔

بلاتمثیل و تشبیہ ، اتوار کو ہمارے ہاں چھٹی ہوتی‌ ہے ۔
چھٹی فراغت کی زمین ہے ، اِس پر اہلِ علم کو اچھی اچھی تحریروں کے پہاڑ رکھنے چاہییں ، تاکہ اس کی کسی اور طرف حرکت نہ ہو اور لوگ پرسکون رہ سکیں ۔

کیا ہی اچھا ہو ۔۔۔۔۔۔۔ فراغت کے دن اوٹ پٹانگ کی طرف رخ کرنے والوں کو رحمت والے رب کی طرف پھیرا جائے ۔

✍️ لقمان شاہد
20-2-2022 ء اتوار

https://m.facebook.com/story.php?story_fbid=3386603848286447&id=100008105947430

کچھ دن پہلے ہم‌ مدینے کے مسافر تھے ، کاش آج بھی وہیں ہوتے ؎

زندگانی وہیں کاش ہوتی بسر ، کاش بہزاؔد آتے نہ ہم لوٹ کر
اور پوری ہوئی ہر تمنا مگر ، یہ تمنائے قلبِ حَزیں رہ گئی 😢

آج جب باب المدینہ ( کراچی ) اتر رہا تھا تو ایئر پورٹ کی سیڑھیاں دیکھ کر مدینہ پاک کی ایسی یاد آئی کہ نڈھال کرگئی ۔

اللہ ، وہ کتنے خوش نصیب ہیں جن کارزق تو نے اپنے حبیب کے شہر میں لکھ رکھا ہے ۔ 😢

ہم مدینہ طیبہ صرف اور صرف رسول اللہ کے لیے جاتے ہیں ۔
اور یہ وہ محبت بھرا سفر ہوتاہے جو بار بار کیا ، ہزار بار کرنے کو جی چاہتاہے ۔

کہتے ہیں ایک محدث کو کسی سے محبت ہوگئی تھی تو وہ روزانہ اٹھارہ میل پیدل سفر کرکے اس کا صرف گھر دیکھنے جاتے تھے ۔

کاش ! یہ سرحدوں وغیرہ کے معاملات نہ ہوتے تو ہم پیدل درِ حضور کی طرف چلتے ۔۔۔۔۔۔ اور چلتے رہتے ، چلتے رہتے ، چلتے رہتے یہاں تک کہ دم نکل جاتا ۔

https://m.facebook.com/story.php?story_fbid=3386838961596269&id=100008105947430