#سلسلہ_مطلع_القمرین 14

سورہ زمر آیت 33 کی تفسیر میں فرماتے ہیں
🖋️جو سچ لایا اور جس نے اس کی تصدیق کی وہ لوگ پرہیزگار ہیں (کنزالایمان)
🌹مولیٰ علی اس آیت کی تفسیر میں فرماتے ہیں
جو حق لائے وہ محمد ﷺ ہیں
اور جس نے اس کی تصدیق کی وہ ابو بکر صدیق ہیں
🌼اب نظر باریک بیں کو اجازت غور تعمق دیا جائے کہ اس آیہ کریمہ سے صدیق کا فضل تقویٰ میں تمام امت سے اکمل ہونا کیسے روشن طور پر ثابت جس میں سوا منکر مکابر کے کسی کو مجال نہیں
🌿اول تو وہی تخصیص کہ صحابہ کرام سب خیارواصفیا و اربابِ دیانت و اتقا تھے مگر صدیق سا تقویٰ کس کا تھا ۔تو اس کا ذکر کیوں نہ ہوا اور رب العالمین کی اس خاص گواہی سے اسے کیوں نہ بہرہ ملا
🌹دوسرے
رسول اللہ کے نام پاک کے ساتھ ان کا ذکر کرنا، اور یوں فرمانا کہ محمد ﷺ اور ابو بکر متقی ہیں ، اس کلمہ کی قدر وہی جانے جو رسول اللہ ﷺ کی عظمت شان و رفعت مکان سے آگاہ ہے
خیال تو کر کس کے ساتھ ذکر ہوتا ہے اور ایک وصف میں جمع کیا جاتا ہے -

🌹انصاف شاہد ہے کہ جب تک تقوائے صدیق اتقائےرسول ﷺ سے دوسرے درجہ میں نہ کہا ایسا ہرگز ارشاد نہ کیا
اور آیت اولیٰ میں گزار کہ مزیت تقویٰ موجبِ افضلیت ہے ، اسی طرح انہیں صفتِ تصدیق سے یادکرنا بھی یہی بتا رہا ہے کہ یہ وصف ان کی ذات سے خصوصیت خاصہ رکھتا ہے-

🌺گویا ارشاد ہوتا ہے کہ صدیق کو عملاً و اعتقادا دونوں طرح سب پر تفضیل ہے
ناھیک بالقرآن حکماً

https://www.facebook.com/104955781414791/posts/419721486604884/

#سلسلہ_مطلع_القمرین قسط 15

مجدد دین و ملت الشاہ امام احمد رضا خان قادری برکاتی رحمۃ اللہ تعالی علیہ
اپنی مبارک کتاب مطلع القمرین شریف میں
سورہ حدید کی آیت نمبر 10کی تفسیر میں لکھتے ہیں
🖋️برابر نہیں تم میں جس نے راہ خدا میں خرچ کیا فتح مکہ سے پہلے اور لڑا وہ درجہ میں بڑے ان سے جنہوں نے صرف کیا بعد فتح کے اور لڑے
ترجمہ کنزالایمان
🌹آیتِ کریمہ منادی کہ جنہوں نے ابتدائے اسلام میں جو زمانہ ضعف و غربت تھا اپنی جان و مال سے اس کی امداد و اعانت کی 🌹وہ عنداللہ ان سے افضل جنہوں نے بعد اس کے
غنا و شوکت و ظہور و قوت ثبات و قرار و امن و انتشار کے قتال و انفاق مال کیا ۔ اب جسے تاریخ وقائع اسلام اور اس کے حالات ابتدائیہ پر وقوف ہے وہ بالیقیں جانتا ہے کہ
جیسے نازک اوقات میں اور جس حسن و خوبی کے ساتھ جناب صدیق نے اسلام پر جانثاری و سپرداری و پروانہ واری کی داد دی کسی سے نہ بن پڑی
پھر بشہادت قرآن کریم کون ان سے ہمسری کرسکتا ہے

صلی اللہ تعالی علیہ وآلہ واصحابہ وسلم
رضی اللہ تعالی عنہ
15 جمادی الآخر 1443

https://www.facebook.com/104955781414791/posts/420323136544719/

#سلسلہ_مطلع_القمرین قسط 16

مفکرِ اسلام امام احمد رضا حنفی ماتریدی رحمۃ اللہ تعالی علیہ سورہ فاتحہ کی آیت نمبر 6کی تفسیر میں لکھتے ہیں
🖋️اھدنا الصراط المستقیم
چلا ہمیں راہ سیدھی
ترجمہ کنزالایمان
🌹حضرت خواجہ حسن بصری و امام ابو العالیہ کہ دونوں اجلہ علماء تابعین سے ہیں
اس آیت کی تفسیر میں فرماتے ہیں
رسول اللہ و صاحباہ صراط مستقیم
یعنی رسول اللہ ﷺ اور ان کے دونوں یار صدیق و فاروق
رضی اللہ تعالی عنہما
🌺اس تفسیر پر آیت کریمہ میں صدیق و فاروق کو راہ راست اور انہیں اس وصف میں سرکارِ کائنات ﷺ کے ساتھ شریک کرنا ، پھر مسلمانوں کو عموماً اور صحابہ کرام کو جن میں مولیٰ علی بھی داخل حکم فرمایا جاتا ہے ، ہماری بارگاہ میں التجا کرو کہ الہیٰ ہمیں ان کی چال سکھا اور انہیں کی راہ چلا
🌿اور یہ بات متصور نہیں جب تک نفوس عالیہ شیخین اعلیٰ درجہ تقی و نقی میں خلق نہ کیے گئے ہوں، اطاعت و مرضیات و اجتناب مکروہات میں جناب رسول ﷺ کے بعد انہیں کا مرتبہ
🌹حتیٰ کہ کافہ امت کو ان کی تقليد کا حکم دیں اور نہایت مہربانی سے خود تعلیم کریں ۔ ہماری بارگاہ میں یوں التجا کرو کہ ہمیں محمد مصطفی اور ابو بکر و عمر کی روش پر چلنا نصیب کر

آیا اب بھی آیتِ کریمہ اپنی تفسیر پر صاف صاف نہیں کہہ رہی کہ شیخین بعد سیدالکونین کے امام متبوع و پیشواء و مقتداء و اطوع و اتقی و افضل و اکرم امت ہیں-

🌻اے عزیز اسی ارشاد کا اثر ہے کہ امیرالمومنین مولیٰ علی نے صدیق اکبر کی نعش اقدس پر فرمایا میں ان سے زیادہ کسی کی نسبت یہ نہیں چاہتا کہ ان جیسے عمل کر کے خدا سے ملوں
جل جلالہ و صلی اللہ تعالی علیہ وآلہ واصحابہ وسلم و رضی اللہ تعالی عنہما
16جمادی الآخر 1443
صبح 9 بجے
محمد شرافت علی قادری رضوی
جامعہ حنیفہ رضا اسلامک ریسرچ سنٹر 437گ ب کرول سمندری

https://www.facebook.com/104955781414791/posts/420925226484510/

#سلسلہ_مطلع_القمرین قسط 17

شیخ الاسلام مجدد اعظم امام احمد رضا خان حنفی ماتریدی رحمہ
اپنی مشہور کتاب مطلع القمرین شریف میں سورہ زمر آیت نمبر 9اور سورہ مجادلہ آیت نمبر 11کی تفسیر میں لکھتے ہیں
🖋️تو کہہ کیا برابر ہیں وہ جو جانتے ہیں اور نہیں جانتے
ترجمہ کنزالایمان زمر 9
اور سورہ مجادلہ میں
بلند کرے گا اللہ تم میں سے ایمان والوں کو اور انہیں جو علم دیےگئے درجوں میں
ترجمہ کنزالایمان مجادلہ 11
🌹اب امام اہلِ سنت کا انداز دیکھیں
🌿اقول واللہ یغفرلی
ان آیات طیبات سے ثابت کہ علم باعثِ فضل اور مثل ایمان موجبِ رفع درجات ہے ، اور پھر ظاہر ہے کہ زیادت سبب زیادت مسبب ، پس جس قدر علم بیش فضیلت افزوں ، اور احادیث و آثار سے ثابت کہ جناب شیخین رضی اللہ تعالی عنہما کے برابر صحابہ کرام میں کسی کو علم نہ تھا
🌹بلکہ اعلمیت صدیق تو قرآن عزیز سے ثابت
صحیح بخاری کی حضرت ابو بکر صدیق کی امامت والی حدیث مبارک کےلیے جو امام بخاری نے باب باندھا وہ بھی بڑا کمال ہے
باب اھلِ العلم والفضل احق الامامة

17جمادی الآخر 1443صبح 8بجکر 40منٹ
✍ محمد شرافت علی قادری رضوی

https://www.facebook.com/104955781414791/posts/421524579757908/

#سلسلہ_مطلع_القمرین قسط 18

سرکارِ اعلیٰ امام احمد رضا خان قادری برکاتی رحمۃ اللہ تعالی علیہ
حضور پر نور سرکارِ سیدنا صدیق اکبر رضی اللہ تعالی عنہ کی جان نثاری و پروانہ واری کے باب میں لکھتے ہیں
🖋️اللہ جل جلالہ و عم نوالہ نے حکمت کاملہ کے مطابق صحابہ کرام رضوان اللہ تعالی علیہم اجمعین کو دین متین کی تائید و اعانت اور سیدالمرسلین صلی اللہ تعالی علیہ وآلہ واصحابہ وسلم کی نصرت و حمایت کے لیے پیدا کیا
اور جنہیں زیادت فضل عطا کرنا منظور ہوا ان سے وہ کارہائے خطیر لیے کہ غیر سے نہ بن پڑے ، 🌸کسی کو سیاست بلاد، و تدبیرِ جہاد ، ورعایت رعایا ، ونکایت اعداء میں وہ سلیقہ کامل بخشا کہ جس کے زورِ بازو نے قاف سے قاف ، کفر سے صاف اور دین سے معمور کردیا ۔رعیت نے جو اس کے سایہ حمایت میں آرام پایا کبھی نہ پائے گی یہاں تک کہ (حتیٰ ضرب الناس بعطن )اس کے چہرۂ کمال کا غازہ جمال ہوا
🌻کسی کو تجہیز جیشِ العسرہ ، وقفِ بیر رومہ ، زیادت مسجدِ نبوی ، فقرا کی خبر گیری میں ممتاز کیا ،اور عطیہ ماعلی عثمان ماففعل بعد ھذہ صلہ میں دیا

🌺کسی کو جہادِ سنانی میں وہ کمال بخشا کہ صنادید کفار کو قتل کیا ، درخیبر سپر بنایا ، اسداللہ الغالب لقب پایا ۔ فصل قضا میں یدِ طولیٰ ملا اقضاھم علی کا تمغہ ملا ،

🌼کسی کو اصطلاح ذات بین ، حقن دمائے فریقین ، پر مامور کیا کہ ہزاروں مسلمانوں کی جانیں بچا کر خلعتِ سیادت لیا
💐💐💐💐💐💐💐مگر صدیق اکبر رضی اللہ تعالی عنہ کو شریف ترین کارہا یعنی سید المحبوبین ﷺ پر جان نثاری اور شمع جمال پر پروانہ واری سے مخصوص فرمایا کہ لوگوں کے اعمال ہزار سالہ ان کی خدمتِ یک ساعت کو نہیں پہنچے یہاں تک کہ امیرالمومنین فاروق اعظم فرماتے ہیں =
ابو بکر کا ایک دن رات عمر کی تمام عمر سے بہتر ۔۔ رات غارِ ثور کی رات اور دن وہ دن جب عرب مرتد ہوئے انکار زکوٰۃ کی وجہ سے ،
اب ہم اس دعویٰ کو کہ مصائب شدیدہ واحوال منیفہ میں حضرت ابو بکر ہی نے نصرت و حمایت کا کام کیا اور کسی نے ساتھ نہ دیا ،دس وجہ سے ثابت کرتے ہیں
صلی اللہ تعالی علیہ وآلہ واصحابہ وبارک وسلم
رضوان اللہ تعالی علیہم اجمعین
18جمادی الآخر 1443
محمد شرافت علی قادری رضوی
چئیرمین رشدالایمان فاؤنڈیشن سمندری

https://www.facebook.com/104955781414791/posts/422193066357726/

#سلسلہ_مطلع_القمرین قسط 19

سیدی امام اہلسنت الشاہ امام احمد رضا خان حنفی ماتریدی رحمۃ اللہ تعالی علیہ
نبی کریم صلی اللہ تعالی علیہ وآلہ واصحابہ وسلم کے لیے مصائب برداشت کرنے کے باب میں لکھتے ہیں
🖋️امیرالمومنین علی کرم اللہ تعالی وجہہ فرماتے ہیں
اے ابو بکر خدا آپ پر رحمت کرے ، آپ رسول اللہ ﷺ کے دوست تھے اور ان کے مونس و مرجع کار ، معتمد علیہ محافظ سرور عالم ﷺ ہیں ، آپ کے برابر کوئی نہ تھا ، آپ نے ان کی تصديق کی جب لوگوں نے ان کو جھٹلایا ، اور غمخواری کی جب اوروں نے بخل کیا ، مکروہات میں ان کی خدمات پر قائم رہے جب لوگ انہیں چھوڑ گئے ، اور مصیبتوں میں ان کا ساتھ دیا
(اعلیٰ حضرت نے دس وجوہ بیان کی ہیں کہ حضرت صدیق اکبر نے کس طرح شدید مصائب میں حضور کی خدمت کی ان شاءاللہ تعالیٰ دس میں سے 9 بھی لکھی جائیں گی
صلی اللہ تعالی علیہ وآلہ واصحابہ وسلم و رضی اللہ تعالی عنہما

19جمادی الآخر 1443
محمد شرافت علی قادری رضوی
جامعہ حنیفہ رضا اسلامک ریسرچ سنٹر سمندری

https://www.facebook.com/104955781414791/posts/422793119631054/

#سلسلہ_مطلع_القمرین قسط 20

امام اہلسنت مجدد اعظم اعلیٰ حضرت امام احمد رضا خان قادری برکاتی رحمۃ اللہ تعالی علیہ اپنی شہرۂ آفاق کتاب مطلع القمرین میں دس وجوہات درج کرتے ہیں جن میں سرکارِ صدیق کو تفرد حاصل ہے لکھتے
🖋️وجہ دوم
ابتدائے اسلام میں جب کافروں کا نہایت غلبہ تھا اور وہ
سیدالعالمین ﷺ کو طرح طرح سے ایذاء پہنچاتے ، اس وقت سوا صدیق اکبر کے اور کون سپر ہوتا تھا ، ہر طرح حضور ﷺ کی حمایت کرتے ،
جب بوجہ تنہائی و بے کسی و کثرت اعداء کے کچھ قابو نہ چلتا ، تو ایسی باتیں کرتے کو وہ رسول اللہ ﷺ کو چھوڑ کر ان کی طرف متوجہ ہو جاتے ، اور آپ ان کی ضرب و ایذاء گوارہ کرتے اور محبوب ﷺ پر آنچ نہ آنے دیتے
💔 عقبہ بن ابی معیط نے رسول اللہ صلی اللہ تعالی علیہ وآلہ واصحابہ وبارک وسلم کے گلوئے اقدس میں نماز پڑھتے ہوئے چادر باندھ کر نہایت زور سے کھینچی ، ابو بکر نے آ کر اس شقی کو دفع کیا اور فرمایا : کیا مار ڈالتے ہو ایک مرد کو اس امر پر کہ وہ کہتا ہے ، رب میرا اللہ ہے ، حالانکہ وہ لایا تمہارے پاس کھلی نشانیاں اپنے رب سے

وجہ سوم
کفار نے ایک بار یہاں تک ایذاء دی کہ غش آ گیا
ابو بکر نے کھڑے ہو کر ندا دی خرابی ہو تمہارے لیے کیا مار ڈالتے ہو ایک مرد کو اس بات پر کہ وہ کہتا ہے رب میرا اللہ ہے
کافر آپس میں بولے یہ کون ہے ؟کہا ابو قحافہ کا بیٹا ہے دیوانہ

اللہ اکبر جل جلالہ

صلی اللہ تعالی علیہ وآلہ واصحابہ وسلم و رضی اللہ تعالی عنہ

20جمادی الآخر 1443
22جمادی الآخر کو بعد نمبر ظہر عرس مبارک سرکارِ صدیق پاک میں تشریف لائیں
محمد شرافت علی قادری رضوی
جامعہ حنیفہ رضا اسلامک ریسرچ سنٹر 437گ ب کرول نزد 177ماڑی موڑ سمندری فیصل آباد پاکستان

https://www.facebook.com/104955781414791/posts/423415686235464/