#سلسلہ_مطلع_القمرین قسط 9
مجدد اعظم اعلیٰ حضرت امام احمد رضا خان قادری برکاتی اپنی مبارک کتاب مطلع القمرین شریف کے صفحہ نمبر 183پر سورہ فاطر کی آیت نمبر 32کے مبارک جملے سباق بالخیرات کی تفسیر میں مسندِ ابو یعلی کی روایت کردہ حدیث
🖋️لکھتے ہیں
حضرت سیدنا عبداللہ بن مسعود فرماتے ہیں میں مسجد میں نماز پڑھ رہا تھا کہ
🌹رسول اللہ ﷺ تشریف لائے اور حضور کے ہمراہ صدیق و فاروق تھے حضور نے مجھے دعا کرتے ہوئے پایا
فرمایا مانگ تجھے دیا جائے گا
پھر فرمایا جو شخص قرآن کو تروتازہ پڑھنا چاہے وہ ابن ام عبد یعنی عبداللہ بن مسعود کی قرات پر پڑھے بعدہ میں اپنے گھر لوٹ آیا
حضرت صدیق آئے اور اس دولتِ عظمیٰ کے حصول اور حضور کے ان کلمات ارشاد فرمانے پر خوشخبری دی
پھر حضرت فاروق آئے تو ابو بکر کو میرے گھر سے نکلتے پایا کہ پہلے ہی خوشخبری دے چکے ہیں
عمر نے صدیق سے کہا
بے شک آپ سباق بالخیر اور نیکیوں میں نہایت پیشی لے جانے والے ہیں

9جمادی الآخر 1443صبح 8 بجے
محمد شرافت علی قادری رضوی
جامعہ حنفیہ رضا اسلامک ریسرچ سنٹر 437گ ب سمندری

https://www.facebook.com/104955781414791/posts/416587733584926/

#سلسلہ_مطلع_القمرین قسط 10

گیارہویں مبارک ہو جمعہ مبارک ہو
مفکر اسلام مجدد اعظم امام احمد رضا حنفی ماتریدی رحمہ سورہ فاطر کی آیت نمبر 32کی مبارک تفسیر بیان کرتے ہوئے لکھتے ہیں
🖋️حضرت عمر فرماتے ہیں میں نے کسی بھلائی کا ارادہ نہ کیا مگر یہ کہ ابو بکر اس کی طرف مجھ سے سبقت لے گئے
🌹طبرانی نے سرکارِ امیر المؤمنین علی سے روایت کی فرماتے ہیں
قسم اس کی جس کے ہاتھ میں میری جان ہے ہم نے کبھی کسی خیر و نیکی کی طرف ایک دوسرے سے بڑھ جانا نہ چاہا
مگر ابو بکر ہم سے اس کی طرف سبقت و پیشی کر گئے
🌹🌸مولیٰ علی کا وہ خطبہ جو آپ نے حضرت ابو بکر کے وصال پر دیا
واللہ سبقا بعیدا واتبعت من بعدک اتعابا شدیدا وفزت بالخیر
🌼اللہ کی قسم آپ دین پر عمل کے اعتبار سے اتنا آگے بڑھ گئے کہ اپنے بعد والوں کو تھکا دیا
ﷻ ﷺ
جل جلالہ و صلی اللہ تعالی علیہ وآلہ واصحابہ وسلم
رضوان اللہ تعالی علیہم اجمعین
رحمۃ اللہ تعالی علیہ
10جمادی الآخر 1443
محمد شرافت علی قادری رضوی
جامعہ حنیفہ رضا اسلامک ریسرچ سنٹر سمندری

https://www.facebook.com/104955781414791/posts/417329623510737/