کسی عالمِ دین ، پیر صاحب ، ثنا خواں یا کسی بھی جاندار کی تصویر یا تصویر والا اشتہار اگر کسی کمرے میں سامنے ، یا دائیں بائیں لگا ہو تو وہاں نماز پڑھنا مکروہ تحریمی ہے ۔

جیساکہ: امام سرخسی ، علامہ شامی ، سیدی اعلی حضرت ، حضور صدرالشریعہ ، مفتی خلیل احمد برکاتی رحمھم اللہ کی عبارات سے واضح ہوتاہے ۔
اب چاہے پوری تصویر ہو ، یا صرف چہرے کی تصویر ؛ کیوں کہ " چہرہ ہی تصویرِ جاندار میں اصل ہے ۔ " ( فتاوی رضویہ شریف )

https://m.facebook.com/story.php?story_fbid=3282885095324990&id=100008105947430

ہمارے شہر کے ایک عالم صاحب نے تیسرا نکاح کیا تو ایک صاحب انھیں برابھلا کہنے لگے ۔

میں نے عرض کی:

جناب ! نکاح کی وجہ سے کسی کو برا بھلا کہنا بہت برا کام ہے ، جس چیز کو اللہ پاک نے حلال کیا ہے وہ بری نہیں ہوتی ، اس میں خیر ہی خیر ہوتی ہے ۔

برا کام زنا کرنا ہے ( معاذاللہ ) جسے رب تعالی نے برا قرار دیا ہے ، نکاح کرنا نہیں !

فقہ حنفی کی معتبر کتاب درمختار میں ہے:

" ایک مرد کی چار بیویاں اور ایک ہزار لونڈیاں ہوں ، اور وہ مزید ایک لونڈی خریدنے کا ارادہ کرے تو ایک آدمی ( اس کے اِس فعل کو برا سمجھتے ہوئے ) اُسے ملامت کرے ، تو اُس ملامت کرنے والے پر کفر کا خوف ہے ۔ "

( درمختار ، کتاب النکاح ، فصل فی المحرمات )

کوئی صاحب استطاعت مسلمان اگر دوسرا ، تیسرا نکاح کرتاہے تو ہمیں اس کے لیے دعاے خیر کرنی چاہیے نہ کہ اس کے فعل کو برا سمجھ کر اپنی آخرت خراب کر بیٹھیں ۔

✍️لقمان شاہد
16-10-2021 ء

https://m.facebook.com/story.php?story_fbid=3283762058570627&id=100008105947430