قبلہ استادِ محترم حفظہ اللہ فرماتے ہیں:

ایک شخص کی سیدنا خضر علیہ السلام سے ملاقات ہوا کرتی تھی ، ایک دن آپ نے اس سے فرمایا:
جو چاہتے ہو بتاؤ تاکہ میں تمھارے لیے اللہ سے دعا کردوں ۔
وہ کہنے لگا: میرے لیے دعا کریں کہ زندگی بھر مجھے کوئی پریشانی لاحق نہ ہو ۔

آپ نے فرمایا یہ تو ناممکن ہے ( دکھ اور پریشانیاں زندگی کا حصہ ہوتی ہیں ، اور یہ بندۂ مومن کے درجات بلند کرتی ہیں ) ۔

چلو تم ایسا کرو کہ جس سُکھی بندے کی طرح ہونا چاہتے ہو بتادو ، میں دعا کردوں گا ، تمھارا حال بھی اسی جیسا ہوجائے گا ۔
وہ بندہ اس پر راضی ہوگیا اور اس نے دنیا کے سکھی انسان کی تلاش شروع کردی ۔

وہ جس خوش و خرم شخص سے بھی ملتا اور اس جیسا ہونے کی تمنا کرتا ، تو اسے معلوم ہوتا کہ یہ تو فلاں فلاں پریشانی میں بھی مںبتلا ہے ۔
آخر بڑی جستجو کے بعد اسے ایک ایسا شخص مل ہی گیا جو بڑا خوش وخرم نظر آتا تھا ، اس کے باغات اور محلات تھے ، نوکر چاکر ، مال اولاد سب کچھ تھا ۔
اس نے ارادہ کیا کہ میں اس جیساہونے کی دعا کرواتا ہوں ، لیکن سوچا کہ کیوں نہ پہلے اسے تنہائی میں مل کے پوچھ لوں کہ تجھے کوئی ٹینشین تو نہیں ۔

جب اس سے ملا اوراپنی خواہش کااظہار کیا کہ میں تیرے جیسا خوش قسمت ہونے کی تمنا رکھتاہوں ، تو اس نے کہا:

شالا میرے جیسا بدقسمت کوئی نہ ہو !

اس نے کہا کیوں ؟ تیرے پاس تو دنیا جہان کی نعمتیں ہیں ۔
وہ کہنے لگا:
مجھے اپنی بیوی سے بے انتہا محبت تھی ، وہ اچانک بیمار ہوگئی حتیٰ کہ میں اس کی زندگی سے مایوس ہوگیا ۔
ایک دن میں اس کے سرہانے بیٹھا رورہا تھا کہ اس نے کہا:
تجھے میرے ساتھ کوئی محبت نہیں تُو جھوٹے رونے روتا ہے ، میرے مرتے ہی تُو نے کسی اور کو بیاہ کے گھر لے آناہے ۔
جب بیوی کا یہ شکوہ سنا تو میں نے اپنی مردانہ صلاحیت ہی ختم کردی اور اسے کہا کہ اب تو میری محبت پر یقین کرلو !
تم نے زندہ نہیں رہنا ، تو میں بھی کسی اور کا نہیں ہوں گا ۔

خدا کا کرنا ایسا ہوا کہ بیوی کچھ دنوں بعد صحت یاب ہوگئی ۔

اب میں تو اُس کے قابل نہ رہا تھا ، اس نے کچھ دن صبر کیا پھر اپنا رخ کسی اور طرف پھیر لیا اور منھ کالا کرنا شروع کردیا ۔ ( معاذاللہ ثم معاذاللہ ! )

میں سب کچھ دیکھ کر بھی خاموش رہا ، اور روزانہ زہر کے گھونٹ پیتا رہا ۔
یہ جو تُو جوان بچے دیکھ رہاہے یہ لوگوں کی نظروں میں میرے ہیں ، لیکن حقیقت میں میرے نہیں ؛ تَو اب بتا کہ مجھ سے بڑھ کر بھی کوئی بدنصیب ہے ؟؟ !!

۔۔۔۔۔۔۔۔۔۔۔۔۔

🌸 آپ کو اللہ کریم نے جس حال میں رکھاہے اس پر دل و جان سے راضی رہیں ۔

🌸 کسی کا مال ومنال اور راحت و آرام دیکھ کر اس جیسا بننے کی کبھی تمنا نہ کریں ۔
آپ جس کا ظاہری حال دیکھ کر رشک کررہے ہوتے ہیں کیا معلوم وہ اندرونی طور پر کس اذیت سے گزر رہا ہوتا ہے ، بس اپنے رب سے ہمیشہ خیر کا سوال کرتے رہا کریں ۔

🌸 عورت کی عقل موسم کی طرح ہوتی ہے جس میں تبدیلی آتی رہتی ہے ۔
اس لیے عورت کی محبت میں کبھی بھی حد سےنہ بڑھیں ، اپنے آپ کو ہمیشہ قابو میں رکھیں ۔
بعض لوگ میں نے دیکھے ہیں جنھوں نے جلد بازی میں اپنا سارا کچھ ( مال ، جائیداد ، کاروبار ) عورتوں پر قربان کردیا اور عورتوں نے انھیں تگنی کا وہ ناچ نچایا کہ زمانہ دیکھتا رہ گیا ۔

✍️لقمان شاہد
8-10-2021 ء

https://m.facebook.com/story.php?story_fbid=3276955405917959&id=100008105947430

سفرنامہ لقمان سے ۔۔۔۔۔۔۔۔۔ 🏎️

گذشتہ رات صحرائے تھل میں گزاری ، بعض اوراد و وظائف کے لیے صحرائی راتیں بڑی موزوں اور پرسکون ہوتی ہیں ۔

یہاں ایک خودرو بوٹی ہے جسے لُدْڑی ( یا لُدھڑی ) کہتے ہیں ، اس کا ایک نام " محبت بوٹی " بھی ہے ، اور یہ واقعی محبت کی طرح ظالم ہے ۔۔۔۔۔۔۔۔۔ پاس سے گزرو تو بدن سے چمٹ جاتی ہے ، اتارنے کی کوشش کرو تو کانٹے چُبھتے ہیں ؛ اور جب کانٹے چبھتے ہیں تو زبان پہ بے ساختہ جاری ہوجاتاہے ؎

اے محبت تِرے انجام پہ رونا آیا
جانے کیوں آج ترے نام پہ رونا آیا

جہاں صحرا کی گرمی ، سردی لاجواب ہوتی ہے ، وہیں صحرائی گیدڑ بھی تنگ کرنے میں اپنا ثانی نہیں رکھتے ۔
ان آفتوں سے نپٹنےکے لیے صحرا نشینوں نے کچھ کتے پال رکھے ہوتے ہیں ۔
ایک کتا جسے پَٹْھنِکا اور پَیوَندکا بولتے ہیں ، اس میں خوبی یہ ہے کہ سخت سردی‌میں بھی صحن‌ میں بیٹھ کر پہرا دیتا رہتا ہے ۔
نیز کچھ نر مادہ کتے بھی ہیں ، جب اُنھیں گیدڑوں کے غول کی بھنک پڑتی ہے تو مادہ " بادِ نسیم " کی طرح آواز نکالنا شروع کردیتی ہے ۔۔۔۔۔۔۔۔۔ گیڈر اِس " پرسکون " آواز کی طرف متوجہ ہوجاتے ہیں تو نر صاحب خاموشی سے انھیں جا دبوچتے ہیں ، اور منظر کچھ یوں بن جاتا ہے ؎

رات یوں دل میں تِری کھوئی ہوئی یاد آئی
جیسے ویرانے میں چپکے سے بہار آ جائے

جیسے صحراؤں میں ہولے سے چلے بادِ نسیم
جیسے بیمار کو بے وجہ قرار آ جائے

✍️لقمان شاہد
12-10-2021 ء

https://m.facebook.com/story.php?story_fbid=3280204605593039&id=100008105947430

فلمی اشتہاروں کی دیکھا دیکھی دینی اشتہاروں پر تصویریں لگانا چند ہی سال پہلے شروع ہوا تھا اور اب یہ بدعت مساجد میں بھی در آئی ہے ۔
نعت خوانوں اور خطیبوں کی تصویروں والے اشتہار لوگ مساجد میں آویزاں کرجاتے ہیں اور نمازیوں کی نماز خراب ہوتی ہے ۔
فقہاے کرام رحمھم اللہ نے لکھاہے:
جس کپڑے پر جاندار کی تصویر ہو ، اسے پہن کر نماز پڑھنا مکروہ تحریمی ہے ، اور نماز کے علاوہ بھی ایسا کپڑا پہننا ناجائز ہے ۔
اسی طرح نمازی کے پاس جاندار کی تصویر لگی ہونا بھی نماز کو مکروہ تحریمی کردیتا ہے ؛ اب تصویر چاہے نمازی کے آگے ہو ، دائیں ہو ، یا بائیں ۔۔۔۔۔۔ ہر صورت میں مکروہ تحریمی ہے ۔

اللہ پاک اس ماہِ میلاد کے طفیل تصویریں بنوانے والوں کو ہدایت دے اور اس بدعت سے بچنے کی توفیق عطا فرمائے !

✍️لقمان شاہد
14-10-2021 ء

https://m.facebook.com/story.php?story_fbid=3281820742098092&id=100008105947430

ایک صاحب تقریر کررہے تھے ، بعض بزرگوں کے ناموں سے پہلے لکھا ہوا لفظِ " الشاہ " ان کی زبان پر آیا تو کہنے لگے:

الشاہ دراصل شاۃ سے نکلا ہے اور عربی میں شاۃ بکری کو کہتے ہیں اب اس لفظ کا معنی ہوا نبی پاک کی بکری ۔

( یعنی جس بزرگ کے نام سے پہلے لفظ الشاہ آئے ، اسے سرکار کی بکری سمجھ لیں ۔ معاذاللہ ثم معاذاللہ ! )

ربیع الاول شریف میں ایسے کئی نکتہ دان پیدا ہوجاتے ہیں جو خواہ مخواہ نکتہ آفرینی کرتےہیں ۔
ان کا مقصد واہ واہ سمیٹنا ہوتا ہے ، لیکن درحقیقت وہ اپنی آخرت خراب کررہے ہوتے ہیں ۔

ربیع الاول شریف میں صرف اور صرف مستند اور محتاط علماے اہل سنت کی تقریریں سنیں ، چلتے پھرتے خطیبوں سے بچ کر رہیں ایسا نہ ہو کہ ثواب کے بجائے الٹا گناہ سمیٹ لیں ۔

✍️لقمان شاہد
14-10-2021 ء

https://m.facebook.com/story.php?story_fbid=3282016125411887&id=100008105947430