🌹 اسلامی معلومات عامہ 🌹

*محرم کے بغیر سفر کے لیے نکلنے والی عورت پر اللہ کی لعنت برستی ہے ،*

بغیر محرم کے حج کے لیے درخواستیں دینے والی خواتین، اپنا فارم واپس لے لیں،
اصلاح معاشرہ اور پیغام غوث اعظم کانفرنس سے مفتی اعظم مہاراشٹر مفتی محمد مجیب اشرف صاحب کا فکر انگیز خطاب
.............................................
مالیگاؤں / یکم جنوری ....

کون کتنی طاقت و قُدرت والا ہے اس کا اندازہ مقابلے کے بعد ہی کیا جا سکتا ہے ، سخت مٹی پتھر سے ٹکرا کر ریزہ ریزہ ہوجاتی ہے .... اور پتھر پر جب لوہے سے بنے گھن کی مار پڑتی ہے تب اس کا مضبوط دکھائی دینے والا وجود بکھر جاتا ہے ..... لوہا بہت مضبوط ہونے کے باوجود آگ کی تپش سے پگھل جاتا ہے .....
آگ کے خطرناک شعلے بھی پانی کے آگے سرد پڑ جاتے ہیں .....
پانی کی طاقت آگ سے زیادہ ہے لیکن اس کا یہ غرور بھی صحیح نہیں ہے اس لیے کہ روز لاکھوں ٹن پانی سورج اپنی طاقت سے بھاپ بنا کر کھینچ لیتا ہے، پروردگار عالم کا بنایا ہوا یہ نظام ہے کہ جس پانی نے آگ بجھائی تھی اسے سورج نے اپنی طاقت سے بھاپ بنا کر اڑا دیا ..... یہ بڑی عام سی مثالیں ہیں لیکن اس کی اپنی اہمیت ہے، سورج تو سورج ہے، اس سے آنکھ ملانا کس کی مجال ہے .......؟ مگر مولائے کائنات، شیر خدا، حضرت علی مرتضی کرم اللہ وجہ سے پوچھو کہ مقام صہبا میں جب ان کی نماز عصر قضا ہوئی تو ڈوبا ہوا سورج مصطفی جان رحمت صلی اللہ علیہ وسلم کے ایک اشارے پر کس طرح واپس چلا آیا ........... ؟
معلوم ہوا کہ اس جہان میں خالق کائنات نے سب سے زیادہ طاقت و قُدرت اپنے حبیب صلی اللہ علیہ وسلم کو عطا فرمائی ہے ،
اس تمہید کے ساتھ اپنے ایمان افروز خطاب کا آغاز مفتی اعظم مہاراشٹر اشرف الفقہاء مفتی محمد مجیب اشرف صاحب نے جیلانی چوک میں آل انڈیا سنی جمیعتہ العلماء کے زیر اہتمام منعقدہ عظیم الشان اور پر ہجوم کانفرنس میں کیا ، آپ نے فرمایا کہ اللہ تبارک و تعالٰی نے اپنے فضل و احسان سے انبیاء و اولیاء کو ایسی طاقت و قدرت عطا فرمائی جس سے خلق خدا کو راحت نصیب ہوتی ہے، حضور غوث اعظم شیخ عبدالقادر جیلانی علیہ الرحمہ کی کرامات کا تذکرہ کرتے ہوئے آپ نے بتایا کہ پیران پیر کے زمانے میں جب دریائے دجلہ کے خطرناک سیلاب نے ہر طرف تباہی اور بربادی مچادی اس وقت بغداد والوں نے غوث اعظم کے اشارے سے دجلہ کو سمٹتے ہوئے دیکھا ، اور اس پر بھی ان کی نظر پڑی کہ پیران پیر کس طرح سیلاب کے پانی پر چلتے ہوئے آگے بڑھے چلے جا رہے تھے لیکن پانی کے ایک قطرے کی مجال نہ تھی کہ آپ کے قدم مبارک کو گیلا کرتا ، اک خاص مقام پر پہنچ کر غوث پاک نے ایک لکڑی زمین میں گاڑ دی اور دجلہ سے مخاطب ہوکر فرمایا کہ ائے دجلہ سن لے اگر تو چاہتا ہے کہ رواں دواں رہے تو پھر اس نشان سے آگے نہیں بڑھنا،
تاریخ بتاتی ہے کہ سات سو برس گزر جانے کے بعد بھی دریائے دجلہ کا پانی کبھی اس مقام سے آگے نہیں بڑھا جس کی نشان دہی غوث پاک نے کی تھی، اس کرامت کا تذکرہ بہجتہ الاسرار شریف میں موجود ہے
ایک ساتھ تین طلاق دینے کو کم علمی اور جہالت قرار دیتے ہوئے آپ نے کہا کہ طلاق مسئلہ نہیں مسئلے کا حل ہے ......... اگر طلاق کی ضرورت پڑے تو پہلے ایک طلاق دو، اس کے بعد دوسری طلاق دو اور میاں بیوی میں مفاہمت کی کوئی صورت پیدا ہوجائے تو پھر اسے لوٹا لو، کیسا پیارا دستور قرآن نے ہمیں عطا کیا ..... لیکن افسوس کہ اس کے باوجود ایسے لوگ طلاق کے اس قانون پر تنقید کر رہے ہیں جن کے پاس اس سے بہتر کوئی اور قانون ہی موجود نہیں ہے ....
علامہ موصوف نے فرمایا کہ کتنے تعجب کی بات ہے جو اپنے گھر کا مسئلہ نہیں حل سکتے جو اپنی بیوی کو انصاف نہیں دے سکتے وہ مسلمانوں کی بہو بیٹیوں کے غم میں بیمار ہو رہے ہیں ، پہلے انہیں اپنے گھر کو سنبھالنا چاہیے پھر کسی اور کی بات کرنا چاہیے .......
آپ نے کہا کہ قرآن و حدیث اور شریعت سے ہٹ کر جو قانون بنایا جائے گا اسے مسلمان کبھی قبول نہیں کر سکتے ....
مفتی اعظم مہاراشٹر نے فرمایا کہ طلاق کا معاملہ طئے ہے اور یہ
قرآن وحدیث کا فیصلہ ہے، جسے دنیا کی کوئی طاقت بدل نہیں سکتی ، علامہ موصوف نے نامحرم عورتوں کو حج پر جانے کی اجازت دیے جانے کے معاملے میں
حج کمیٹی کے اراکین کو بھی اپنی سخت تنقید کا نشانہ بنایا اور فرمایا کہ اسلام اور شریعت کے خلاف بنائے جانے والے قانون پر حج کمیٹی کے جو لوگ اپنے منہ پر تالا لگائے بیٹھے رہے ہم ان کی سخت الفاظ میں مذمت کرتے ہیں ، بڑے ہی جذباتی اور درد بھرے انداز میں آپ نے اسلامی ماں بہنوں کو مخاطب کرتے ہوئے فرمایا کہ حج کوئی پکنک نہیں، ایک عظیم عبادت ہے اس لیے فریضہ ء حج کی ادائیگی قرآن و حدیث اور شرعی احکامات کے مطابق کی جائے اس سے ہٹ کر بنائے جانے والے قانون کے مکروفریب سے قوم کی بہو بیٹیاں قطعی طور پر متاثر نہ ہوں اس لیے کہ اللہ و رسول صلی اللہ علیہ وسلم کے بنائے ہوئے قانون کے بعد ایک مسلمان کو، کسی دوسرے قانون ک

507 viewsمحمد جمال الدين خان قادری, 01:49