🌹 اسلامی معلومات عامہ 🌹

دوسری قسط

✨میرا بیٹا اورسیکس ایجوکیشن....... کیوں ؟؟ ✨

بیٹا ..................دیکھیں !

جب آپ چھوٹے تھے تو صرف آپ کے سر پر بال تھے پھر اللہ کے حکم سے آپ بڑے ہوتے گئے تو آپ کے جسم کے دیگر حصوں پر بھی بال آگئے -
پیارے بیٹے ایسا آپ کے ساتھ ہی نہیں ہوا ہرانسان کے ساتھ ہوتاہے -
بیٹا! میں آپ کو اچھا سا سیفٹی ریزر لاکر دیتا ہوں آپ نے ایسے کرنا ہے کہ جوبال آپ کی بغلوں کے نیچے ہیں اُنھیں بیس دن میں ایک بار صاف کرلینا ہے ، اسی طرح آپ کی ناف کے نیچے جو سیاہ بال ہیں انھیں بھی پندرہ بیس دن میں ایک بار صاف کرنا ہے -
جب آپ کی شادی ہوجائے گی تو پھر بھلے آپ ہرجمعہ کو صفائی کرلیجیے لیکن جب تک نکاح نہیں ہوتا پندرہ بیس دن بعد ایک دفعہ ہی کافی ہے -
بیٹا مجھے معلوم ہے کہ یہ بال صاف کرنے کا طریقہ آپ کو بالکل معلوم نہیں ؛ لیکن میں آپ کو صرف بغلوں کی صفائی کا طریقہ ہی بتا سکتا ہوں زیرِ ناف بالوں کی صفائی آپ نے ازخود کرنی ہے ، اس کا طریقہ صرف سمجھاؤں گا -

بیٹا ہم مسلمان ہیں ، اورمسلمان فطرتاً شرم وحیا والا ہوتا ہے -
آپ اگرچہ میرے لخت جگر ہو ، نورنظر ہو لیکن بڑے ہوگئے ہو ؛ اس لیے آپ کے سترِ عورت کی طرف باپ ہوکر بھی اب میں نظر نہیں کرسکتا -

اور ویسے بھی شرعی طور پر اس کی ممانعت ہے -

آپ کو معلوم ہوگا کہ جب آپ ساڑھے نو سال کے ہوئے تھے تو میں نے آپ سے کہا تھا کہ اب آپ اکیلے سویا کروگے !

تو آپ نے کہا تھا کہ بابا جی مجھے آپ کے بغیر نیند نہیں آئے گی -

میں نے آپ سے کہا تھا کہ بیٹا ہمارے پیارے نبی صلی اللہ علیہ وسلم فرماتے ہیں کہ جب بچے دس سال کے ہوجائیں تو انھیں سختی سے نماز پڑھاؤ

اور...........

ہاں بابا جی اور:

فرقوا بینھم فی المضاجع
ان کے بستر الگ کردو!

بابا ! یہی الفاظ تھے ناں جو آپ نے مجھے یاد کروائے تھے ؟؟؟

شاباش!

ماشاءاللہ! میرے بیٹے نے تو وہ الفاظ بھی یاد رکھے ہوئے ہیں...........

تو بیٹا آپ نے پھر آہستہ آہستہ اکیلے سونے کی عادت بنالی ، اور دس سال کی عمر سے آپ میرے پاس ، دوسری چارپائی پہ اکیلے سونے لگے!!

ہاں باباجی!

تو بیٹا یہ ہمارے پیارے دین کا شرم وحیا پر مبنی درس ہے ، اس لیے اب باپ ہونے کے باوجود میں آپ کے ستر کی طرف نظر نہیں کرسکتا -

ٹھیک ہے بابا جی ، لیکن بابا جی جب میں زیرِ ناف بال صاف کروں گا تو میری نظر پردے والی جگہ پرپڑے گی تو کیا اس طرح مجھے گناہ نہیں ملے گا ؟

آپ نے تو مجھے بتایا تھا کہ پردے کی جگہ کو نہیں دیکھتے -

بیٹا ! واقعی بلاضرورت نہ شرم گاہ کو دیکھتے اور نہ چھوتے ہیں ؛ لیکن ضرورت کے وقت رخصت ہے -

ہاں میرے پیارے بیٹے ! جب آپ ضرورت کے وقت بھی شرم گاہ کی طرف نظر کریں تو آپ کو

وہ...............

" پانچویں آیت " یاد ہونی چاہیے!

سمجھ گیا بابا جی ، سمجھ گیا !

بابا اگر آپ اجازت دیں تو میں آپ کو وہ دسوں آیتیں سُنا نہ دوں ؟؟

ہاں بیٹا ضرور سناؤ! اور فضائل کے ساتھ سناؤ -

اچھا باباجی سنیے !

ہاں ، مجھے یاد آیا........

میں آپ کو اُس طرح سناتا ہوں جیسے سکول میں اپنے دوستوں کو سناتا ہوں -

جی !

بسم اللہ والسلام علی رسول اللہ!

پیارے دوستو!

میرے بابا جی نے مجھے قران پاک کی دس آیتیں یاد کروائی ہیں اور ان کے متعلق ، جامع ترمذی شریف کی یہ حدیث بھی سنائی ہے کہ :

ہمارےپیارے آقا ومولاصلی اللہ علیہ وسلم نے فرمایا :

جس نے ان دس آیتوں کے احکام پر عمل کیا وہ جنت میں داخل ہو گا -

وہ دس آیتیں یہ ہیں.............

( جاری ہے ، بقیہ ان شاء اللہ اگلی قسط میں )

( محمد لقمان عفاعنہ الرحمٰن )

🌴 JOIN & SHARE 🌹
@FaizaneAlaHazrat

381 viewsمحمد جمال الدين خان قادری, edited 16:26