فصیح العصر میرزا امجد رازی زیدت معالیھم اِن دنوں سلام رضا کی شرح فرما رہے ہیں ، جو کہ اپنی مثال آپ ہے ۔
گو یہ ایک ایسی شرح ہے جو خود " محتاجِ شرح " ہے ، لیکن ؏

" ہے اِس صدی کی انوکھی نرالی شرح "

میری کیا مجال میں حضرت رازی کی تعریف میں وہ الفاظ اور اصطلاحات زبان پر لاؤں جو جناب رازی نظم و نثر میں استعمال کرتے ہیں ؛ میں تو صرف اتنا عرض کر سکتاہوں کہ:

جناب رازی کا وجودِ گرامی مظہر بدیع ہے ۔
متتابع اور تصحیف و تزلزل اس وجود کا حسن ہیں ۔۔۔۔۔۔۔۔۔ کل ، بعض ، مستوی اور مکرر اس حسن کا نکھار ہیں ۔۔۔۔۔۔۔۔۔ ترافق و نثر ، توشیح و ترصیع اور لغز و معما اس حسن کو چار چاند لگاتے ہیں ۔
طباق ، تجرید ، مشاکلہ ، مزاوجہ ، مبالغہ ، استتباع ، ادماج ، موقوف ، تصلیف وغیرہ اسی حسن کا شاہکار ہیں ۔

رب تعالی ﷻ جناب رازی کے علم و عمل میں برکت دے ، اور نیت میں خلوص و للہیت عطا فرمائے !

امید ہے سلام رضا کی یہ شرح " مفاتیح الالہام " ماقبل شروحات پر فائق ہوگی ۔

✍️لقمان شاہد
28-6-2021 ء

https://m.facebook.com/story.php?story_fbid=3195443790735788&id=100008105947430

کچھ دن پہلے ایک شیخ حفظہ اللہ کی سالوں پرانی تصویریں وائرل ہوئیں ، جوکہ اُس دور کی تھیں جب وہ تصویر بنوانے کے قائل نہیں تھے ۔
خیر ان کا جو نقطہ نظر تھا وہ تو تھا ہی ۔۔۔۔۔۔‌ اُن کے بعض محبین یہاں تک بھی فرماتےتھے کہ:
حضرت صاحب کی تصویر آہی نہیں سکتی ، وہ ( گستاخ ) کیمرہ ہی جل جاتا ہے جو اُس پیکر دل ربا کی تصویر اتارنے کی کوشش کرتا ہے ۔
لیکن ایسا بالکل نہیں تھا ، نہ تصویریں رکیں نہ کیمرے جلے ۔

¹ اختلافی مسائل میں شدت روا نہیں ہوتی ، نہ کرنی چاہیے ؛ اور ایسے مسائل کو بنیاد بنا کر غیرمعقول کرامتیں بھی بیان نہیں کرنی چاہییں ۔

² جب علماے اہل سنت کی کسی مسئلے میں دو رائے ہوں تو اس میں شدت نہیں رہتی ۔
آپ اپنی رائے گرامی اپنے مشائخ ، اساتذہ اور پسندیدہ علما کے موافق رکھ سکتےہیں اور اس پر شدت سے کاربند بھی رہ سکتے ہیں ، لیکن اختلاف کرنے والے علما پر زبان طعن دراز نہیں کرسکتے ۔
( ہاں دلیلِ صحیح کے ساتھ ان کے موقف کی تردیدکرنا آپ کا علمی حق ہے )

³ ڈیجیٹل تصویر ، ویڈیو اور سپیکر میں نماز وغیرہ جیسے اختلافی مسائل کی بِنا پر اپنے مخالف کو مطعون نہ کریں ، اور نہ ان مسائل میں اپنے مشائخ کی کرامتیں سنائیں ۔

رب تعالی ﷻ ہمارے دل پاک کردے ، ہمارے اعمال صالح کردے ، اور ہمیں امت مرحومہ پر رحم کرنے والا بنادے !

✍️لقمان شاہد
1-7-2021 ء

https://m.facebook.com/story.php?story_fbid=3197784160501751&id=100008105947430