ضروریات دین میں سے کسی شیئ کا منکر کافر ہے۔اس کی تاویل کی طرف التفات نہ ہو گا۔
(فتاوی رضویہ)

طریقت میں جو کچھ منکشف ہوتا ہے شریعت ہی کے اتباع کا صدقہ ہے ورنہ بے اتباعِ شرع بڑے بڑے کشف راہبوں،جوگیوں،سنیاسیوں کو دیئے جاتے ہیں پھر وہ کہاں تک لے جاتے ہیں،اسی نارِ جحیم وعذابِ اَلیم تک پہنچاتے ہیں۔

جسم کے حق میں کبھی کبھی ہلکا بخار، زکام، دردِ سر اور ان کے مثل ہلکے امراض بَلا نہیں نعمت ہیں بلکہ ان کا نہ ہونا بَلا ہے مردانِ خدا پر اگر چالیس دن گزریں کہ کوئی عِلّت وقِلّت نہ پہنچے (یعنی بیماری وپریشانی نہ آئے )تو اِستغفار واِنابت فرماتے ہیں (یعنی توبہ کرتے اوررجوع لاتے ہیں)کہ مَبادا باگ ڈھیلی نہ کردی گئی ہو(یعنی خدانخواستہ توجہ نہ ہٹالی گئی ہو)۔(احسن الوعا)

روح پر غم وفکرِ عُقبیٰ کے سوا (آخرت کی فکر کے علاوہ)اور ہر غم وپریشانی مطلقاً رنج وعَنا ہے (یعنی رنج وتکلیف ہے)(احسن الوعا)

جس نے قصداً (یعنی جان بوجھ کر) ایک وقت کی (نماز) چھوڑی ہزاروں برس جہنَّم میں رہنے کا مستحق ہوا، جب تک توبہ نہ کرے اور اس کی قضا نہ کر لے۔(فتاوی رضویہ،ج9 ص،158)

بے عقل اور شریر اور ناسمجھ جب طاقت و توانائی حاصل کر لیتے ہیں تو بوڑھے باپ پر ہی زور آزمائی کرتے ہیں اور اس کے حکم کی خلاف ورزی اختیار کرتے ہیں جلد نظر آجائے گا کہ جب خود بوڑھے ہوں گے تو اپنے کئے ہوئے کی جزا اپنے ہاتھ سے چکھیں گے۔(فتاوی رضویہ،جلد 24،ص 424)

بدمذہب سے دوستی و محبت ناجائز ہے، اس سے دین کو نقصان پہنچتا ہے۔(فتاوی رضویہ)

وہابی ہو یا رافضی جو مذہب عقائد کفریہ قطعیہ رکھتا ہو تو اس سےنکاح باجماع مسلمین بالقطع والیقین باطل محض و زنا صرف ہے۔(فتاوی رضویہ)

جس طرح ضروریات دین کا انکار کفر ہے اسی طرح ان کے منکر کو کافر نہ جاننا بھی کفر ہے۔
(فتاوی رضویہ)

معاملات انبیاء واولیاء سے متعلق ادنٰی ادنٰی باتوں پر ممنوع ومکروہ بلکہ مباحات ومستحبات پر جابجا حکمِ شرك لگادینا خاص اصل اصول وہابیت ہے۔
(فتاوی رضویہ)

گناہ کی نحوست فاعل کے غیر پر بھی ہوتی ہے۔
(فتاوی رضویہ)

مدعیان اسلام میں جو عقائد کفریہ رکھیں ان کا حکم مثل مرتد ہے۔
(فتاوی رضویہ)

قادیانی کی تصانیف میں کلمات کفریہ برساتی کیڑوں کی طرح بکھرے ہیں۔(فتاوی رضویہ)

الله تعالٰی روز محشر اولین وآخرین کو جمع کرکے حضور اقدس صلی الله تعالٰی علیہ وسلم سے فرمائے گا یہ سب میری رضا چاہتے ہیں اور اے محبوب! میں تمھاری رضا چاہتاہوں۔
(فتاوی رضویہ)

علماء فرماتے ہیں جو حرام مال سے تصدق کرکے اس پر ثواب کی امید رکھے کافرہو جائے۔
(فتاوی رضویہ)

نبی اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّم تمام عالم سے زیادہ ستھرے ہیں۔
(فتاوی رضویہ)

برے خیالات اگر آئیں اور انہیں جمایا نہ جائے، نہ بالقصد انہیں زبان سے ادا کیا جائے ، تو اس سے اسلام میں کچھ فرق نہیں آتا،برے وسوسے جب دل میں آئیں فوراً اللہ عزوجل کی طرف رجوع کرے۔
(1)امنا باللہ ورسولہ ترجمہ:میں اللہ اور اس کے رسول پر ایمان لایا۔
(2)هُوَ الْاَوَّلُ وَ الْاٰخِرُ وَ الظَّاهِرُ وَ الْبَاطِنُ وَ هُوَ بِكُلِّ شَیْءٍ عَلِیْمٌ
ترجمہ:وہی اول وہی آخر وہی ظاہر وہی باطن اور وہی سب کچھ جانتا ہے۔
(3)اور لاحول شریف پڑھے۔
(4)اور خشکی دماغ کا طبی معالجہ بھی چاہئے۔
(فتاوی رضویہ)

نماز سے اس طرح انکار کیا کہ میں نہیں پڑھتا یا نہیں پڑھوں گا تو اس سے کافر نہ ہوگا۔(جب تک نماز کی فرضیت سے انکار یا اس کا استخفاف نہ ہو)
(فتاوی رضویہ)

''حبُ الوطن من الایمان"نہ حدیث سے ثابت نہ ہرگز اس کے یہ معنی
وہ وطن جس کی محبت ایمان سے ہے وطن اصلی ہے جہاں سے آدمی آیا اور جہاں جانا ہے۔
(فتاوی رضویہ)

فحاشی اور عریانی کو پھیلا کر یا دیکھ کر ٹک ٹاک اور سنیک وڈیوز پہ پیسے کمانا اسلام جیسا مقدس دین اس کی ہرگز اجازت نہیں دیتا۔

مطالعہ کرتے اگر نیند آتی ہے تو آپ یوں کیا کریں کہ مطالعے سے پہلے یہ دیکھ لیں کہ آپ کی نیند پوری ہے کہ نہیں؟
دوسرا وضو کر لیں۔
تیسرا طبیعت میں نشاط لانے کے لیے ایسے موضوعات پڑھیں جن سے آپ کی طبیعت میں ایک دم یکسوئی آ جائے۔
اور پھر بھی نیند آئے تو تھوڑا چل پھر لیں ساتھ کچھ اوراد کر لیں درود پاک پڑھ لیں 112 بار،پھر جب نیند دور جائے تو بیٹھ کے پڑھیں۔