*حضرت سیدہ فاطمۃ الزہراء.... مثالی و پاکیزہ زندگی*
"خواتینِ اسلام کے لیے اسوۂ فاطمی نمونۂ عمل ہے...پاکیزہ زندگی کی اقدار کی تشکیل کے لیے شفاف آئینہ ہے..."
https://m.facebook.com/story.php?story_fbid=182044750417387&id=107640804524449
غلام مصطفیٰ رضوی
نوری مشن مالیگاؤں

    اسلام کے کامل ترین نظام کا یہ حصہ ہے کہ طبقۂ نسواں کے لیے بھی زندگی کی تعمیر و تشکیل کا مکمل نظام اور قانون موجود ہے۔ اُم المؤمنین سیدہ عائشہ صدیقہ رضی اللہ تعالیٰ عنہا کی حیاتِ طیبہ اس کی مثال ہے۔ آپ نے بارگاہِ نبوت سے جو فیض حاصل کیا؛ اُس کی اشاعت مدتوں کی۔ صحابیات کو مسائل سے آگاہ کرتیں، ان کی باقاعدہ تربیت کا انتظام کیا ہے اُم المؤمنین نے۔ اسلام کے حقوقِ نسواں کے نظام کی ترسیل مؤثر طریقے سے اُم المؤمنین نے کی؛ اوران تمام پہلوؤں کو بھی اُجاگر کیا جن کے ذریعے ایک خاتون اپنی زندگی کو مقاصد تخلیق کے ضابطوں کی تکمیل کے ساتھ گزار سکے۔ اس طرح اسلام کے فطری نظام کی ترویج کا رول ماڈل پیش کیا ہے اُم المؤمنین حضرت سیدہ عائشہ صدیقہ رضی اللہ عنہا نے... یوں ہی خاتونِ جنت سیدہ فاطمۃالزہراء رضی اللہ عنہا کی حیاتِ طیبہ بھی کئی جہتوں سے ممتاز، نمایاں، بے مثل، عدیم النظیر ہے؛ جن سے درس پا کر طبقۂ نسواں کا وقار بحال ہو سکتا ہے، حقوقِ نسواں کے تحفظ کے لیے آپ کی ذات مشعلِ راہ بھی ہے اور نشانِ منزل بھی۔

*چند خصوصیات:*
[۱] سیدہ فاطمۃالزہراء رضی اللہ عنہا کی ذات ممتاز ہے؛ اس لیے کہ بنتِ رسول ہیں، صاحب زادیِ رسول صلی اللہ علیہ وسلم ہیں۔
[۲] تاج دارِ کونین صلی اللہ علیہ وسلم نے آپ کو اپنی آغوشِ تربیت میں رکھ کر مثالی خاتون بنایا۔ جن کی ذات پاک قیامت تک کے لیے وقارِ نسواں کی تابندگی کا مظہر بن گئی ۔
[۳] جب بھی تقدسِ نسواں اور عفتِ بنت حوا کی بات کی جائے گی تو سیرتِ فاطمۃ الزہراء مثال میں پیش کی جائے گی۔
[۴] خواتین کے لیے کامیاب زندگی کا سب سے نمایاں باب ہے سیرتِ فاطمۃ الزہراء۔ طبقۂ نسواں کے لیے عزم و یقیں کے بلند مینار کا نام ہے سیدۂ کائنات۔
[۵] باب العلم خلیفۂ چہارم شیر خدا حضرت علی رضی اللہ عنہ کی زوجہ جیسی عظیم نسبت بھی سیدہ فاطمۃ الزہراء کو حاصل ہے۔
[٦] اسلام کی شرعی سرحدوں کی پاس بانی کے لیے اپنے خون کا نذرانہ پیش کرنے والی ذات "حضرت امام حسین رضی اللہ عنہ" کی تربیت جس والدہ کی گود میں ہوئی؛ اسی کا نام حضرت سیدہ فاطمۃ الزہراء ہے۔ گویا صبر و استقامت کا درس رسول کریم صلی اللہ علیہ وسلم کی عنایت سے دو دو نسبتوں سے امام حسین کو حاصل ہے۔ اس لیے کہ حضرت علی و حضرت فاطمہ نے ریگزارِ کربلا میں دین کی اساس کے لیے صبر و استقامت کے ساتھ اسلام پر جاں نثاری کا جو درس دیا تھا؛ امام حسین نے اس کی مکمل پاسداری کی۔ سیدنا امام حسن رضی اللہ عنہ کا ایثار، فکرو تدبر اور مثالی زندگی بھی سیدہ فاطمہ کی عظمت کا نقشِ جمیل ہے۔
[۷] جنتی خواتین کی سردار ہیں سیدہ فاطمۃ الزہراء؛ جن کے فیضانِ کرم سے طبقۂ نسواں اِس قدر نوازا گیا کہ جب بھی کسی خاتون کی دین کے لیے شجاعت و قربانی کا ذکر کیا جائے گا؛ اُس کی حیات کی تشکیل؛ اور فکر کی تعمیر میں درسِ فاطمی نمایاں دکھائی دے گا۔
[۸] بارگاہِ نبوی سے نسبت و قرب کے سبب جس قدر عظیم اختیارات و سربلندیوں سے آراستہ تھیں؛ اس کا اندازا ہماری معمولی عقلیں نہیں لگا سکتیں؛ ان سب کے باوجود سادہ زندگی، اور رضائے الٰہی کے لیے قناعت و صبر کا جو نمونہ آپ نے پیش کیا وہ مثالی بھی ہے؛ اور دُنیا میں بسنے والی ہر خاتون کی زندگی کو پاکیزہ بنانے کے لیے رول ماڈل بھی،
[۹] آپ کی ذات تمام ظاہری و باطنی خوبیوں سے آراستہ تھی؛ اسی کا نتیجہ ہے کہ آپ کے مقام تقدس اور خوبیوں کے بیان کو دفتر بھی ناکافی ہیں-
[۱۰] اسلام کے قوانین برائے نسواں کو چیلنج کرنے والے حیاتِ سیدہ فاطمۃ الزہراء کا مطالعہ کریں تو معلوم ہوگا کہ کس قدر پاکیزہ و مطہر و عظیم مقام؛ اسلام نے خواتین کو دیا؛ اس کی مثال کسی بھی مذہب یا ازم یا نظریے میں نہیں پیش کی جا سکتی۔ تاریخ انسانی ایسی کم ہی مثالیں پیش کر سکتی ہے جن کے سرے پر کسی خاتون کی انقلاب بداماں زندگی نے تعمیر فکر ونظر کا فریضہ انجام دیا ہو! انقلاب آفریں ذات ہے سیدہ فاطمہ کی۔

    سیدہ فاطمۃ الزہراء رضی اللہ عنہا کے مناقب و شان میں یہ پیاری روایت ہے: حضرت انس بن مالک رضی اللہ عنہ فرماتے ہیں کہ حضور صلی اللہ علیہ وسلم نے فرمایا: کہ میں نے اپنی بیٹی کا نام فاطمہ اس لیے رکھا ہے کہ اللہ نے اس کو اور اس کے محبوبوں کو دوزخ سے جدا کیا ہے۔ (صواعق محرقہ،ص۱۵۱)

    حضرت عبداللہ بن مسعود رضی اللہ تعالیٰ عنہ فرماتے ہیں کہ حضور صلی اللہ علیہ وسلم نے فرمایا: کہ بے شک فاطمہ پاک دامن ہے اور اللہ نے اس کی اولاد پر دوزخ کو حرام فرمایا ہے۔ (ابونعیم المستدرک حاکم،ص۱۵۳)

    پیکر صبر و حیا، استقامت و تقویٰ کی مظہر، نبوی آغوشِ تربیت کی پروردہ سیدہ طیبہ زاہدہ عابدہ ح

ضرت فاطمہ رضی اللہ عنہا کا کردار اپنا کر حقوقِ نسواں کا تحفظ بھی کیا جا سکتا ہے اور خواتین کی عصمتوں، عظمتوں، آبروؤں کو موجودہ جدیدیت کی وحشی تہذیب کا لقمۂ تر بننے سے بچایا جا سکتا ہے۔ ایسی باوقار خاتون کے کردار کو اُجاگر کر کے مغرب کے بے حیا کرداروں کی قلعی کھولی جا سکتی ہے؛ بکتی حیا، لٹتی عصمت کو بچایا جا سکتا ہے۔ ضرورت ہے کہ سیدہ فاطمۃ الزہراء کے کردار کو موجودہ عہد کی خواتین میں نمایاں کیا جائے۔ خلافِ شرع کاموں سے بچ کر اسلام کے حکم پردہ کی پاس داری کی جائے۔ آج کا اَلمیہ یہ بھی ہے کہ پردے کی بات کرنے والے پیشہ وَر واعظین بھی اسکرینوں کے ذریعے خواتین میں خود کو نمایاں کر کے بے پردگی کی تعلیم دے رہے ہیں؛ انھیں فاطمی درسِ حیا و پاس داریِ پردہ سے سبق لینا چاہیے اور حضرات حسنین کریمین کی تعلیمات کی دعوت و تبلیغ کو مطمح نظر بنانا چاہیے تا کہ نبوی انقلاب کی تازہ ہواؤں سے دلوں کی کلیاں کھل اُٹھیں اور گلشنِ حیات مہک مہک اُٹھے   ؎

کیا بات رضاؔ اُس چمنستانِ کرم کی
زہرا ہے کلی جس میں حسین اور حسن پھول
٭٭٭
٣ رمضان المبارک ١٤٤١ھ

*تحفظِ ناموسِ رسالت ﷺ*
*اور کردار و عمل کا امتحاں*

"تحفظِ ناموس رسالت ﷺ کے لیے بریلی سے اُٹھنے والی آواز پوری دنیا میں گونج رہی ہے... ہمیں یقین ہے کہ علامہ محمد عسجد رضاخان قادری کی نوائے سحر عشاقِ رسول ﷺ کو عزمِ جواں عطا کرے گی..."
https://m.facebook.com/story.php?story_fbid=179010804054115&id=107640804524449

غلام مصطفٰی رضوی
(نوری مشن مالیگاؤں)

جماعت رضائے مصطفیٰ کے مرکزی قائد جانشین حضور تاج الشریعہ علامہ مفتی محمد عسجد رضاخان قادری صاحب نے بریلی شریف میں ناموسِ رسالت ﷺ کے تحفظ کے لیے آواز دی... سَروں کا سمندر اَمنڈ پڑا... 9 اپریل 2021ء جمعہ کا دن تاریخی بن گیا... رسول اللہ ﷺ کے فدائی؛ دو ٹوک موقف کے ساتھ گستاخ نرسنگھانند کی گستاخی کے خلاف بیداری کا پیام دے گئے... اس بیداری کی آواز سے ان شاء اللہ ناموسِ رسالت ﷺ کے لیے حرارتِ ایمانی تیز ہوگی... فدا کاری کے قافلے تازہ دَم ہوں گے... غیرت و حمیت کے اسباق تازہ ہوں گے... اس پیغام کی بازِ گشت بریلی سے ساری دنیا میں سُنائی دے گی...

کروں تیرے نام پہ جاں فدا، نہ بس ایک جاں دوجہاں فدا
دوجہاں سے بھی نہیں جی بھرا، کروں کیا کروڑوں جہاں نہیں

جمعہ کو پوری فضا میں یہ نعرہ گونج اُٹھا... لبیک لبیک لبیک یا رسول اللہ ﷺ... مشرکین/شاتمین نے یہ سمجھ لیا تھا... کہ مسلمانوں کے بازو شل ہو گئے... ان کی غیرت رُخصت ہو گئی... بریلی شریف کے مظاہرے میں مسلمانوں کی بیداری... بیباکی و سرفروشانہ شرکت اور پرعزم مظاہرہ نے گستاخ طبقوں کا سکون غارت کر دیا.... ہاں! ابھی غیرتوں کے قافلے تازہ دَم ہیں... جو گستاخی کے پنجے مروڑ سکتے ہیں... عزیمتوں کے چراغ فصیلِ محبتِ رسول ﷺ پر روشن ہیں...

آج عالَم یہ ہے کہ سمتوں سے ناموسِ رسالت ﷺ میں بے ادبی و توہین کی جا رہی ہے... یہ سب حادثاتی معاملات نہیں... بلکہ اسلام و پیغمبر اسلام ﷺ کے خلاف منظم سازش کا حصہ ہے... بولہبی حلقے ہیں؛ جو لگاتار گستاخی کا زہر گھول رہے ہیں... کفر و شرک اور یہود و انگریز باہم بغل گیر ہیں... گستاخ کے پشت پناہ ہیں...

میڈیا میں آزادیِ اظہار رائے کے نام پر جھوٹ، تہمت، دروغ اور کذب کو رواج دیا جا رہا ہے... سرور کونین ﷺ کے وجود اقدس کی برکت سے دنیا گہوارۂ امن بنی... انسانیت کی صبح قدمِ نازِ مصطفیٰ ﷺ سے طلوع ہوئی... تمدن انسانی کا سویرا ہوا... اللہ تعالیٰ کے محبوب ﷺ کی توہین کے لیے ہر جھوٹ اور تہمت کو بے دھڑک بولا جا رہا ہے... توہین رسالت ﷺ کے مرتکب دُنیا کے سب سے بڑے دہشت گرد ہیں... جو پیغمبر امن و محبت ﷺ کی بے ادبی کرتے ہیں... دہشت پھیلاتے ہیں...

حال ہی میں نرسنگھانند سرسوتی اور وسیم رِضوی کے گستاخانہ ریمارک سے اہلِ ایمان کے دل چھلنی ہیں... مشرکینِ ہند مسلم دُشمنی میں مسلسل زہر افشانی کر رہے ہیں... گستاخی کے مرتکب کو سپورٹ کر رہے ہیں... انھیں آسرا فراہم کر رہے ہیں... ایسے حالات میں اہلسنّت کے مرکز بریلی شریف سے تاریخ ساز پروٹسٹ اور احتجاج نے مسلم دُشمن مشنریز کی نیندیں اُڑا دی ہیں...

محافظینِ ناموسِ رسالتﷺ کی یہ بیداری و بیباکی اگر باقی رہ گئی تو صبح طلوع ہوگی... گستاخ کے لیے شامِ غم جلد وارد ہو گی... شرط ہے کہ ہم اپنے قائدین کے پیغام پر توجہ دیں...کردار و عمل کے امتحان میں کامیاب ہوں... گستاخِ بارگاہِ رسالت کے خلاف اُٹھ کر اپنی صفیں درست کر لیں... ہم جانشین تاج الشریعہ مفتی محمد عسجد رضا خان قادری کی بیباک قیادت کو سلام پیش کرتے ہیں... ان کے مطالبات پاکیزہ ہیں... ان کے اقدامات جمہوری ہیں... ان کے کردار و عمل امن و امان کے مظہر ہیں... ایسے قائدین کے مبارک جذبات کی قدر کی جانی چاہیے... یہی جذبات امریکہ و اسرائیل کو کھٹکتے ہیں... یہی عشاقِ رسول کی جماعت ہے... جو ناموسِ رسالت ﷺ کے لیے جب وقت آتا ہے؛ تو سروں سے کفن باندھ کر اُٹھ کھڑے ہوتے ہیں... اُنھیں عشاق نے قربانیوں سے محبتوں کے لالہ و گُل کھلائے... اور مسلم آبادیاں نغمہ ہاے درود و سلام سے گونج گونج اُٹھیں...ان کے ہاتھوں میں محبت کی کنجیاں ہیں... یہ بارود و بموں سے نفرت کرنے والے لوگ ہیں... اسی لیے اسرائیل و امریکہ اور مشرکین کے دُشمن ہیں... انھیں کے اکابر نے ملکِ ہند کو انگریزی استبداد سے آزاد کرایا... انھیں کے قائد علامہ فضل حق چشتی خبیر آبادی نے انگریز کا ناطقہ بند کر دیا... اعلیٰ حضرت نے انگریز و مشرکین کی قلعی کھول کر رکھ دی... جہاں بانی و جہاں بینی کا فریضہ انجام دیا... یہ دیوانے ہیں... جن کی جدوجہد میں اخلاص ہے... سعی پیہم ہے... ان کا مطالبہ بھی درست ہے...ان کی فکر بھی تعمیری ہے... اسی لیے ناموسِ رسالت صلی اللہ علیہ وسلم کے لیے اُٹھنے والی آواز کو ساری دنیا کے مسلمانوں نے تائید و حمایت سے نوازا...

*امتحانِ عشق رسول صلی اللہ علیہ وسلم:*
یہ دور بڑے کرب و ابتلا کا ہے... چہار جانب سے رسول کریم صلی اللہ علیہ وسلم کی توہین میں آوازیں بلند کی جا رہی ہیں... ڈنمارک سے فرض

ی خاکوں کی اشاعت توہین کی غرض سے کی گئی تھی... پھر درجنوں اسیرانِ مغرب نے خاکے شائع کیے... مسلمانوں کے دلوں کو زخمی کیا... جذبات مجروح کیے گئے... پھر فرانس میں توہین کی گئی... ہند میں درجنوں گستاخوں کو پالا گیا... فرقہ پرستی نے انھیں حوصلہ دیا... اب ہمیں مکمل طور پر بیدار ہو لینا چاہیے... ظالموں کے روبرو عزم کا مظاہرہ کرنا چاہیے... جب دنیا کی کورٹیں انصاف کھو دیتی ہیں تو عقل ٹھہر جاتی ہے... عشق کا امتحان شروع ہوتا ہے... غازی علم الدین اور غازی ممتا ز قادری کے نقوش قدم ابھر کر سامنے آتے ہیں... تاج الشریعہ کا یہ شعر جاں نثاری کا تازہ پیغام دیتا ہے...

نبی سے جو ہو بیگانہ اسے دل سے جدا کر دیں
پدر، مادر، برادر، مال و جاں ان پر فدا کر دیں
***
11 اپریل 2021ء

*مسلمان کبھی بھی اپنے پیارے نبیﷺ کی گستاخی و توہین برداشت نہیں کر سکتا*

*گستاخ نرسنگھانند کو گرفتار کر کے کورٹ میں مقدمہ چلایا جائے، یہ شخص ملک کا اور امن کا دشمن ہے*

*گستاخ نرسنگھانند پر فوری کارروائی اور تحفظِ ناموس رسالت کی خاطر سنی تنظیموں نے مظاہرہ کیا اور گرفتاری دی*

https://m.facebook.com/story.php?story_fbid=180093307279198&id=107640804524449

مالیگاؤں : مملکت کا نظام قانون سے چلتا ہے۔ ہر چیز کیلئے قانون موجود ہے۔ پھر حیرت انگیز بات یہ ہے کہ نرسنگھانند نامی شخص دھڑلے سے پیغمبر اسلام ﷺ اور اسلام کی بے ادبی کرتا پھر رہا ہے، اس پر ملک بھر میں کتنی ہی ایف آئی آر درج کروائی جا چکی ہیں، لیکن اب تک وہ آزاد ہے، جب کہ حکومت کو چاہیے تھا کہ ایسا شخص جو ملک کے امن کا دُشمن ہے؛ اسے فوراً گرفتار کرکے جیل بھیجا جاتا۔ سخت ترین قانونی کارروائی اور سزادلوانے کی کوشش کی جاتی۔ بڑے افسوس سے کہنا پڑ رہا ہے کہ حکومت ایسے نازک معاملے میں خاموش تماشائی بنی ہوئی ہے۔اِس طرح کا اظہار سنی تنظیموں کے نمائندگان نے ۱۲؍اپریل ۲۰۲۱ء پیر کی شام میں نئے بس اسٹینڈ کے پاس احتجاجی مظاہرہ میں کیا۔ یہاں غلام مصطفیٰ رضوی نے کہا کہ: آپ غور کریں کہ آپ کے والد یا والدہ کو کوئی گالی دیدے تو کیا آپ خاموش رہو گے؟ بالکل نہیں! تو رسول اللہ صلی اللہ علیہ وسلم سے مسلمان اپنی جان و مال اور ہر قیمتی شے سے بڑھ کر محبت کرتا ہے؛ پھر کیوں کر ایک مسلمان اپنے رسولﷺ کی توہین و گستاخی برداشت کرے گا؟الحاج یوسف الیاس نے کہا کہ مسلمان کبھی بھی اپنے پیارے نبیﷺ کی گستاخی برداشت نہیں کر سکتا۔ نرسنگھانند کو فی الفور گرفتار کیا جائے۔ سخت ترین قانونی کارروائی کی جائے۔ ملک کو امن کا گہوارہ بنانے اور قانون کی بالادستی کیلئے اسے کورٹ کے ذریعے پھانسی کی سزا دی جائے ۔بریلی شریف میں جماعت رضائے مصطفیٰ کی طرف سے جانشین حضور تاج الشریعہ علامہ مفتی محمد عسجد رضا خان قادری قبلہ نے زبردست احتجاجی اقدام کیا، اس کی تائید میں ملک بھر میں گستاخِ رسول کے خلاف سنی مسلمان؛ گستاخ کی گرفتاری کا مطالبہ کر رہے ہیں۔
کوڈ۔۱۹؍کی حکومتی گائیڈ لائن کا خیال رکھتے ہوئے سنی ذمے داران کے ساتھ یہاں مسلمانوں کے جذبات کی نمائندگی کی گئی اور کہا گیا کہ اگر عام حالات ہوتے تو یہاں مجمع کثیر ہوتا۔بعدہٗ سنی تنظیموں کی طرف سے سٹی پولیس اسٹیشن میں ایڈیشنل ایس پی صاحب اورڈی وائے ایس پی میڈم صاحبہ کو مطالباتی مکتوب دیا گیا، اس میں درج ہے کہ نرسنگھانندنے پریس کلب دہلی میں اسلام و پیغمبر اسلام ﷺ کی شان میں گستاخانہ باتیں کہیں۔ جس کے خلاف پورے بھارت کے مسلمان غم و غصے میں مبتلا ہیں۔ کئی مقامات پر ایف آئی آر درج کروائی گئی۔ افسوس کی بات ہے کہ اب تک اس پر کوئی پیش رفت نہیں کی گئی۔ ہمارا مطالبہ ہے کہ مذکورہ گستاخ نرسنگھانند کو گرفتار کر کے کورٹ میں باقاعدہ مقدمہ چلایا جائے۔ یہ شخص ملک کا بھی دُشمن ہے جو یہاں کے امن و سکون کو غارت کررہا ہے۔ فوری گرفتاری کے ذریعے ہی ایسی منافرت کا سدِ باب کیا جا سکتا ہے۔مذکورہ افسران نے مثبت اقدام کا تیقن دیا۔ اسی کے ساتھ ۳؍اپریل کو پائیدھونی ممبئی میں تحفظ ناموس رسالت فاؤنڈیشن و رضا اکیڈمی ممبئی نے جو ایف آئی آر درج کروائی اس کی کاپی بھی منسلک کی گئی۔ جس میں 295(A), 153(A), 505(2)کے تحت اندراج ہے۔ اسی کے تحت فوری کارروائی کی مانگ نوری مشن کی تحریک پر مالیگاؤں کی ان تنظیموں نے کی،جن کے نام میمورنڈم پر مندرج ہیں: سنی جمعیۃ العلماء( حاجی یوسف الیاس)، نوری مشن( غلام مصطفیٰ رضوی)، رضا اکیڈمی( ڈاکٹر رئیس احمد رضوی)،سنی کونسل(محمد عمران رضوی)، غلامان عسجد رضا فاؤنڈیشن، غریب نواز اکیڈمی ( رئیس احمد رضوی)، سنی وارئیر( شیخ شاداب رضوی)، دارالعلوم سیدنا امیر حمزہ، ادارۂ اصحابِ صفہ ( مفتی نورالحسن مصباحی)، دارالعلوم عظمت مصطفیٰ( مفتی عارف اشرفی )، ادارۂ فیضان اشرف، انجمن بہار اشرفی ،ادارۂ سید اظہار اشرف(عبدالکریم بوستانی )، مدرسہ غریب نواز(عقیل احمد منصوری)، ادارۂ مخدوم العلماء ( حسنین اشرفی)، اعلیٰ حضرت فاؤنڈیشن(مدثر رضوی) ،علاوہ ازیں مفتی محمد عرفان مصباحی، عمران تابانی، حافظ نوید، حافظ توصیف، حافظ جاوید، حافظ آصف،عتیق الرحمن رضوی، ڈاکٹر محمد ارشد، شہزاد عامر سمیت سرکردہ شخصیات موجود تھیں۔اس مظاہرہ کے انعقاد میں فرید رضوی، معین پٹھان،محمد عمران رضوی، غلام مصطفیٰ رضوی، یاسین رضا، سعد رضوی، اظہر رضا، شیخ آصف رضوی وغیرہ شامل تھے۔ ایسی پریس ریلیز نوری مشن مالیگاؤں نے جاری کی۔
***
12 اپریل 2021ء

*#ArrestNarsighanand*

السلام علیکم ورحمةاللّٰه وبرکاته
کیا فرماتے ہیں علمائے کرام اس مسئلہ کے بارے میں کہ سترہ پارہ کے آخری صفحہ پر جو سجدہ ہے جس پر عند الشافعی لکھا ہے کیا اس کو مسلک حنفی کر سکتے ہیں ؟ برائے کرم مدلل جواب عنایت فرما کر عنداللہ ماجور ہوں ۔
المستفتی : شیخ مزمل اڑیشہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وعلیکم السلام و رحمۃ اللّٰہ و برکاتہ
جواب احناف کے نزدیک سترہویں پارہ کے آخر پر جو سجدہ ہے جس پر عند الشافعی لکھا ہے اس آیت کو پڑھنے یا سننے سے سجدہ تلاوت واجب نہیں ہوتا ہے کیونکہ اس میں سجدے سے مراد نماز کا سجدہ ہے ، البتہ اگر کسی حنفی نے شافعی مذہب سے تعلق رکھنے والے امام کی اقتداء کی اور اُس نے اس موقع پر سجدہ کیا تو اُس کی پیروی میں مقتدی پر بھی واجب ہے جیسا کہ در مختار مع رد المحتار میں ہے کہ " ( منها أولى الحج ) أما ثانيته فصلاتية لاقترانها بالركوع ( و ص ) خلافاً للشافعي و أحمد ۔ ( قوله : لاقترانها بالركوع ) لأن السجدة متى قرنت بالركوع كانت عبارةً عن السجدة الصلاتية ، كما فی قوله تعالى : { و اسجدی واركعی } بدائع ( قوله : خلافاً للشافعي و أحمد ) حيث اعتبرا كلاً من سجدتي الحج ، و لم يعتبرا سجدة ص ، كما فی غرر الأفكار " اھ ( در مختار مع رد المحتار ج 2 ص 695 : کتاب الصلاۃ ، باب سجود التلاوۃ ، دار الکتب العلمیہ بیروت ) اور اسی میں ہے کہ " فثانية الحج ليست سجدة عندنا خلافا للشافعى لان السامع ليس بتابع للتالى تحقيقا حتى يلزمه العمل برايه لأنه لا شركة بينهما " اھ ( رد المحتار ج 2 ص 697 : دار الکتب العلمیہ بیروت ) اور بہار شریعت میں ہے کہ " سورۂ حج کی آخر آیت جس میں سجدہ کا ذکر ہے اس کے پڑھنے یا سننے سے سجدہ واجب نہیں کہ اس میں سجدے سے مراد نماز کا سجدہ ہے، البتہ اگر شافعی المذہب امام کی اقتدا کی اور اس نے اس موقع پر سجدہ کیا تو اس کی متابعت میں مقتدی پر بھی واجب ہے " اھ ( بہار شریعت ج 1 ص 729 : سجدہ تلاوت کا بیان )

واللہ اعلم بالصواب
کریم اللہ رضوی
خادم التدریس دار العلوم مخدومیہ اوشیورہ برج جوگیشوری ممبئی موبائل نمبر 7666456313

https://t.me/Makhdoomiya_Darulifta/2303

https://t.me/islaamic_Knowledge/13092
سترہ پارہ کے آخری صفحہ پر جو سجدہ ہے جس پر عند الشافعی لکھا ہے کیا اس کو مسلک حنفی کر سکتے ہیں ؟
https://t.me/Makhdoomiya_Darulifta/2303