سوال نمبر: 16

السلام علیکم و رحمۃ اللہ

سوال: مہر کی ہندوستانی رقم کم سے کم کتنی ہونی چاہیے. ؟؟

-------------------------------

وعلیکم السلام و رحمۃ اللہ

بسم اللہ الرحمن الرحیم
الجواب بعون اللہ تعالٰی: مہر کی کم سے کم مقدار دس درہم ہے, اور زیادہ کی کوئی مقدار متعین نہیں, میاں, بیوی آپسی رضامندی سے جتنا چاہیں مقرر کر لیں.

ھدایہ اولین میں ہے
*"و أقل المهر عشرة دراهم."*

(ھدایہ اولین, ص:٣۰۴ ,باب المھر, مجلس برکات)

_اور دس درہم کا وزن موجودہ دور کے اعتبار سے ٣۲ /گرام, ٦٦۰/ ملی گرام چاندی بنتی ہے. (32.660 گرام, چاندی)_

چوں کہ چاندی کی قیمت گھٹتی بڑھتی رہتی ہے, اس لیے مہر کی قیمت بتا پانا مشکل ہے.

*جب بھی آپ کو معلوم کرنا ہو کہ آج کے دن کم سے کم مہر کی قیمت کتنی ہے, تو اپنے علاقے میں ایک گرام چاندی کی قیمت معلوم کر کے اسے ٣۲/ گرام, ٦٦۰ / ملی گرام میں ضرب دے دیں, تو ضرب کے بعد جتنا حاصل ہوگا, اتنا ہی کم سے کم مہر کی رقم ہے*. واللہ تعالی اعلم بالصواب.

کتبہ محمد اشرف رضا مصباحی

۸ / شعبان المعظم ١۴۴۲ھ

۲۲/ مارچ ۲۰۲١ ء ( یوم الاثنین)

جوائن واٹس اپ :
https://chat.whatsapp.com/KLpsnmqFGcOAocDV3zfMHo

جوائن ٹیلی گرام :
https://t.me/joinchat/SFLyzqyyyYEXhCH7

مزید دینی مسائل جاننے کے لیے اس سائٹ پر جائیں. www.misbahidarulifta.com

★ وَ اِذَا قُرِئَ الۡقُرۡاٰنُ فَاسۡتَمِعُوۡا لَهٗ
وَ اَنۡصِتُوۡا لَعَلَّكُمۡ تُرۡحَمُوۡنَ (۲۰۴)
Pãrah 9 Soorah 7 Aayat ²⁰⁴
☆Kanzul Iman Translation:
◆ اور جب قرآن پڑھا جائے
تو اسے کان لگا کر سنو اور
خاموش رہو کہ تم پر رحم ہو
_________________
عرض یہ ہے کہ :
تلاوتِ قرآن کے دوران سُبۡحَانَ اللہۡ
اور مَاشَآءَ اللہۡ کہنا کیسا ہے ؟🌹🌹🌹🌹🌹🌹🌹🌹🌹
وعلیکم السلام و رحمتہ اللہ و برکاتہ

الجواب

قرآن مجید میں رب تبارک و تعالی ارشاد فرماتا ہے
واذا قری القران فاستمعوا لہ وانصتو لعلکم ترحمون
ترجمہ
جب قرآن پڑھا جائے تو اسے کان لگا کر سنو اور خاموش رہو کہ تم پر رحم ہو
اس آیت کے تحت حضور صدرالافاضل فخرالاماثل علامہ سید نعیم الدین مراد آبادی علیہ الرحمہ تحریر فرماتے ہیں کہ
اس آیت سے ثابت ہوا کہ جس وقت قرآن پڑھا جائے چاہے نماز میں ہو یا خارج نمازہو اس وقت سامعین پر خاموش رہنا واجب ہے

)کنز الایمان مع خزائن العرفان پارہ ۹ سورۃ الاعراف آیت ۲۰۴)

اور فتاوی ہندیہ میں ہے
رفع الصوت عند سماع القران والوعظ مکروہ ومایفعلہ الذین الوجد والمحبۃ لا اصل لہ و یمنع الصوفیہ من رفع الصوت وتخریق الثیاب
ترجمہ
(اور قرآن و وعظ سننے کے وقت آواز بلند کرنا مکروہ ہے اور جو لوگ وجد و محبت کا دعوی کرکے ایسا کرتے ہیں اس کا کچھ اصل نہیں اور صوفیہ کو آواز بلند کرنے سے اور کپڑا پھاڑ نے سے منع کیا گیا ہے

(فتاوی ہندیہ جلد ۵ کتاب الکراھیہ باب الرابع ۳۱۹)

مذکورہ عبارت سے واضح ہے کہ (جب قرآن مجید کی تلاوت کی جائے اس وقت( سبحان اللہ ماشااللہ الحمداللہ ) کہ کر داد دینا ناجائز و گناہ ہے تلاوت کے وقت سامعین پر لازم ہے کہ وہ ہمہ تن گو ش ہوکر قرآن پاک کی تلاوت سنیں اور کوئی ایسی حرکت نہ کریں جو کہ آداب تلاوت کے خلاف ہو)
ہاں اگر کوئ خدا کا کلام سن کر سبحان اللہ یا الحمدللہ کہنا چاہتا ہے تو وہ دل ہی دل میں کہہ سکتا ہے لیکن آواز سے نہیں کہ تلاوت کلام اللہ کے وقت خاموش رہنا واجب ہے

((واللہ تعالی اعلم))

احقر _محمد نعیم خان القادری خطیب و امام جامع مسجد نیسری کولھا پور مہاراشٹر

الجواب صحیح و المجیب نجیح
کریم اللہ رضوی
خادم التدریس دار العلوم مخدومیہ اوشیورہ برج جوگیشوری ممبئی موبائل نمبر 7666456313

السلام علیکم و رحمۃ اللہ و برکاتہ

اسلامی کلمے کتنے ہیں پانچ یا چھ پانچواں کلمہ استغفار ہے یا رد کفر ۔ پُرانی والی یسرنا القرآن ( چھوٹی سائز ) میں ہم نے پانچواں کلمہ استغفار پڑھا ہے اور چھٹا کلمہ رد کفر ۔ لیکن آج کل کے کتابوں میں مثلاً انوار شریعت میں پانچواں کلمہ رد کفر لکھا ہے اور چھٹا کلمہ ہے ہی نہیں، یعنی پانچواں کو چھٹا بنا دیا گیا ہے اور پانچواں غائب ہے، ایسا کیوں کیا گیا ہے؟ اس میں کیا حکمت ہے؟
تسلی بخش جواب عنایت فرمائیں؟
المستفتی : محمد احمد خان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وعلیکم السلام و رحمۃ اللّٰہ و برکاتہ
جواب تمام اسلامی کلموں کے مضامین احادیث طیبات سے ثابت اور اس میں وارد ہیں اور ان کے بارے میں کوئی متعین تعداد شرع میں وارد نہیں ہے کہ کم و بیش سے اس کی مخالفت اور حرج لازم آئے لہذا جمع و تالیف میں مصنفین و مؤلفین مختلف مقاصد کے تحت مختلف تعداد درج فرمائے ہیں اسی طرح مصنف " انوار شریعت " قاضی شریعت ، فقیہ ملت حضرت العلام الشاہ مفتی جلال الدین احمد امجدی علیہ الرحمہ نے بھی کچھ خاص وجوہ کے تحت پانچ کلمے درج فرمائے ہیں ان ایک وجہ یہ بھی ہوسکتی ہے کہ چونکہ اسلام کی بنیاد پانچ چیزوں پر ہے لہذا اسی مناسبت سے آپ نے اپنی مذکورہ کتاب میں پانچ کلمے درج فرمائے اور چونکہ کلمہ " رد کفر " کلمہ " استغفار " سے زیادہ اہم ہے لہذا استغفار نہ ذکر فرما کر " رد کفر " درج فرمایا جیسا کہ حدیث شریف میں ہے کہ " عن عمر قال قال رسول اللّٰه صلى الله تعالى عليه وسلم بنى الاسلام على خمس شهادة ان لا اله الا الله و ان محمدا عبده و رسوله و اقام الصلاة و ايتاء الزكوة و الحج و الصوم رمضان متفق عليه " اھ ( مشکوۃ المصابیح ص 12 بحوالہ فتاوی فقیہ ملت ج 2 ص 434 )

واللہ اعلم بالصواب
کریم اللہ رضوی
خادم التدریس دار العلوم مخدومیہ اوشیورہ برج جوگیشوری ممبئی موبائل نمبر 7666456313