شب برات

گناہوں پر نادم وشرمندہ ہوکر توبہ کرنے والوں کے لیے عفو و کرم کی خاص رات "شبِ برات"

کرم کی آ تی ہے ایسی بَہار توبہ سے
کہ پھول بنتے ہیں فطرت کے خار توبہ سے

ضیاے عفو سے ذرے بھی جگمگاتے ہیں
عروج دیتا ہے پروردگار توبہ سے

خدا نے خود کو"غفورُُ رَّحیم" فرمایا
کہ مجرموں کو نہ ہو، کوئ عار توبہ سے

عنایت ایسی کہ "التائبُ کَمَن لاذنبْ"
خدا کو بندوں پہ آتا ہے پیار توبہ سے

رضاے مولٰی کا ملتا ہے اس کو پروانہ
کہ جس کی آنکھ ہوئ اشکبار توبہ سے

سنبھال لیتی ہے آغوشِ مغفرت اُس کو
جو ہے معافی کا امیدوار توبہ سے

ندامتوں سے ، سزا بھی جزا میں ڈھلتی ہے
بہشت پاتے ہیں عصیاں شعار، توبہ سے

اگر ارادۂ ترکِ گنہ ، نہیں پختہ
تو فائدہ نہیں ایسی ہزار توبہ سے

چلو چلیں درِمولٰی پہ صدقِ دل سے ہم
دلِ حزیں کو ملے گا قرار توبہ سے

نہ جانے کتنوں کو اللہ نے رہائ دی
لگی ہے کشتئ اعمال پار ، توبہ سے

کریم مولٰی نے بخشش کے باب کھول دییے
رہِ نجات ہوئ سازگار توبہ سے

درِ کریم پہ پتھر بھی بن گیے گوہر
بسے ہیں ٹوٹے دلوں کے دیار توبہ سے

جبیں پہ خاک ندامت لگائیے تو سہی
بڑھے گا فکر و عمل کا وقار توبہ سے

پہن کـے بیٹھیے پوشاک انکساری کی
اُتر ہی جائے گا عصیاں کا بار توبہ سے

اِسی سے رب کی رضا پا گیے "سِری سقطی"
ہوا ہے ولیوں میں ان کا شمار توبہ سے

سُرور ایسا ہے"لاتقنطوا" کے مُژدے میں
کہ دل کو سَیر نہیں ، بار بار توبہ سے

ہو عاجزی کی زمیں پر سدا جبیں میری
لباسِ روح رہے تار تار توبہ سے

غرور سے ہو فریدی کی زندگی محفوظ
ہو خاکساری کا دل پر حصار توبہ

از فریدی صدیقی مصباحی مسقط عمان

جسم وجاں کو ہلا دینے والا ایک عربی نعتیہ قصیدہ
روح کو چھونے والا۔

عبد العزیز جویدہ کے شاہکار قصیدے کا اردو ترجمہ
از : فیضان فیصل
تشکر : خطاط تنویر شمسی عطاری

یہ بات سچ ہے
کہ میں نے آپ کے رخِ انور کا دیدار نہیں کیا
آپ کی شیریں آواز میرے کانوں میں نہیں گھلی
کسی سفر میں آپ کا ہمراہ نہیں بن سکا

اور یہ بھی سچ ہے
کہ میں احد میں سپردِ خاک و خوں نہ ہوا
بدر میں اربابِ کفر سے گتھم گتھا نہ ہوا
نہ ہجرت کی راہوں میں نکلا
نہ انصار کی صف میں شامل ہو سکا
یہ نوبت بھی نہیں آ سکی
کہ میں حرا کے باہر آپ کو زادِ راہ پہنچا آتا

مگر اے اللّٰہ کے رسول!
اللّٰہ کی قسم! مجھے آپ سے محبت ہے
محبت کے شعلے میرے دل کو راکھ راکھ کیے دیتے ہیں
کیا اس بے ڈھنگی محبت کے قبول ہونے کا کوئی راستہ ہے؟!

اللّٰہ کے رسول!
یقیناً مجھ سے تاخیر ہوئی ہے
مگر معاملہ میرے بس میں نہیں تھا
ہاں مجھے اختیار ہوتا تو شاید میں جلدی کرتا
لیکن ایک چیز کھٹک جاتی ہے
کیا میں آپ کے صحابہ کے سامنے ٹِک پاتا؟!

وہ انس کہ جو سراپا خدمت بنے رہے
اسلام کی قوت کا باعث بننے والے عمر
تن تنہا آپ کی تصدیق کرنے والے ابو بکر
ہمہ وقت کے ناصر و وزیر، علی
بارہا مال لٹانے والے عثمان
وہ حمزہ، وہ سعد، وہ خالد
میں کون اور کیا ہوتا ان ہستیوں کے سامنے؟!
میرا اسلام تو مجھے والد سے ملا
بڑے شرف و آسائش کے ساتھ!

میں نے بلال کو صدائے تکبیر بلند کرتے نہیں سنا
میرے جسم کو گرم ریت پر بھونا نہیں گیا
میرے ہاتھوں سے کوئی بت پاش پاش نہیں ہوا
نہ ہی کفر کے لشکروں سے کبھی سامنا ہوا
کبھی کوئی تیر میرے سینے کے پار نہیں اترا

بس اے اللّٰہ کے رسول!
میں بے بضاعت و بے سلیقہ
ایک امتی ہوں کہ جس کے سینے میں ایک دل
آپ کی یاد میں مسلسل پھڑکتا ہے
اللہ کی قسم! مجھے آپ سے محبت ہے
یہی میری نجات ہے ...

https://www.facebook.com/190656494845261/posts/888440815066822/

*روشن مستقبل کی ٹویٹر ایکٹیوٹی*

ظلم کے خلاف، ایک قدم اور!!!

ٹویٹر پر، ابھی ہمارا ہیش ٹیگ : #تعلیمات_اسلام روزانہ کثرت سے استعمال ہورہا ہے۔ جس میں ہم ہندی، انگریزی اور دیگر علاقائی زبانوں میں تعلیمات اسلام پیش کررہے ہیں۔

در اصل ابھی تک ٹویٹر پر اسلام مخالف مواد ہی نظر آتا تھا، مگر *اس ہیش ٹیگ کا فائدہ یہ ہے کہ اسلام مخالف مواد کے ساتھ ساتھ اب کثرت کے ساتھ، اسلامی مواد بھی نظر آنے لگا ہے۔*

نیز جب کسی ہیش ٹیگ کے ساتھ کوئی مواد پیش کیا جاتا ہے تو وہ یکجا ہو جاتا ہے، جسے کبھی بھی بآسانی سرچ کرکے نکالا جاسکتا ہے۔ اور دیگر ضروری مقامات یا مواقع پر ری یوز کیا جاسکتا ہے۔

ہمارا ارادہ ہے کہ کچھ وقت کے بعد یہی مواد ہم کاپی کراکے ہندی اور انگریزی ہیش ٹیگ کے ساتھ بھی ٹویٹ کرائیں گے۔ تاکہ غیر مسلم بھی ان تعلیمات کو دیکھ اور پڑھ سکیں۔ اور درست اسلامی تعلیمات سے رو شناس ہو سکیں ۔ اور اس طرح ہم ان کی غلط فہمی دور کرنے کی کوشش کریں ۔

رام پال کے بھکتوں کے علاوہ ، دوسرے غیر مسلم بھکت بھی آئے دن مسلموں کے خلاف ٹرینڈ چلاتے تھے لیکن........... اب آئی ٹی سیل کے کمزور ہونے سے یہ معاملہ پہلے کی نسبت کم ہوگیا ہے۔

اب ہمیں ٹویٹر پر رام پالی بہت پریشان کرتے ہیں یہ ایک ساتھ پانچ یا سات ہیش ٹیگ اسلام کے خلاف ٹرینڈ کرانے میں کامیاب رہتے ہیں۔ کیوں کہ ان کی ٹیم بڑی ہونے کے ساتھ منظم اور ماہر ہے۔

اس کے جواب میں جہاں تعلیمات اسلام پیش کرنا ضروری ہیں وہیں ان کی حوصلہ شکنی بھی لازم ہے۔
اور اس کام کے لیے بڑی اور مضبوط ٹیم کی ضرورت ہے۔ جس کے لیے روشن مستقبل دہلی کی کوششیں جاری ہیں۔

کیوں کہ رام پال کے بھکت ایک یا دو گھنٹوں میں ایک لاکھ تک ٹویٹ کرتے ہیں۔ اور ہم پورے دن میں پچاس ہزار۔

تو ہمیں افراد سازی کی ضرورت ہے اور سب کا ایک گروپ میں ہونا بھی ضروری ہے۔

آپ حضرات روشن مستقبل کے ٹویٹر ٹرینڈ گروپ میں شامل ہونا چاہیں تو ہم سے رابطہ کریں۔

گروپ میں ہماری ٹیم کے ماہرین روزانہ ایک دو گھنٹہ ٹویٹر کے متعلق سوالات کے جوابات دیتے ہیں اور لوگوں کو ٹویٹر چلانے کی ٹریننگ بھی دیتے ہیں۔
اس لیے آپ ہمارے گروپ سے جُڑیں۔ بقیہ کام وہاں ہو جائےگا۔

اس کے علاوہ موب لنچنگ کے خلاف اور مظلوموں کے سپورٹ میں بھی ہم ٹرینڈ چلا کر انتظامیہ پر کارروائی کا دباو بناتے ہیں۔

ہم اپنی قوم کو بیدار کرنے کے ساتھ مظلوموں کی آواز اٹھانے کا جذبہ بھی رکھتے ہیں اور اس پر عمل بھی پوری شدت سے کرتے ہیں۔

لہٰذا آپ بھی ہمارے ساتھ آئیں اور مل کر ظلم کو روکنے اور ظالموں کو ان کے انجام تک پہنچانے کی کوشش کریں۔

محمد شاہد علی مصباحی
روشن مستقبل دہلی

https://www.facebook.com/388280455075812/posts/886542661916253/

سکھر کے اُجڑے چمن کا رد بلیغ

ہر صحابی نبی جنتی جنتی، سیدنا علی و سیدنا معاویہ جنتی جنتی نعروں کے برحق ہونے کے دلائل و حوالہ جات اور شبہات اعتراضات کا ازالہ اور چمن زمان کو دعوتِ رجوع .................!!
.
چمن زمان صاحب لکھتے ہیں
صحابہ کرام رضی اللہ تعالی عنہم اجمعین میں سے بعض ہستیوں کے بارے میں *#غلو* سے کام لیا جارہا ہے... ان حضرات(چمن زمان بمع گروپ کے علاوہ جو ہیں مثلا دعوت اسلامی وغیرہ) نے گزشتہ چند ماہ پہلے باب نظریات میں اضافہ کرتے ہوئے چند نعرے اپنے نظریات و عقائد کا حصہ بنائے جیسے ہر صحابی نبی جنتی جنتی ، معاویہ و علی جنتی جنتی، ابوسفیان معاویہ جنتی جنتی
(دیکھیے جدید نعرے ص6,7)
مزہد کہتے ہیں
یہ نعرے ابن حزم بدمذہب سے پہلے کسی نے نہیں لگائے
(دیکھیے جدید نعرےص45)
.
جواب:اول بات تو یہ ہے کہ یہ نعرہ ابن حزم(وفات تقریبا456ھجری) سے پہلے ہی لگایا جا چکا تھا جیسے کہ ہم ان دلائل سے ظاہر کر رہے ہیں
①*صحابی سیدنا ابن عباس کا عقیدہ:*
مَّنْ أَنفَقَ مِن قَبْلِ الْفَتْح} فتح مَكَّة {وَقَاتل} الْعَدو مَعَ النبى صلى الله عَلَيْهِ وَسلم {أُولَئِكَ} أهل هَذِه الصّفة {أَعْظَمُ دَرَجَةً} فَضِيلَة ومنزلة عِنْد الله بِالطَّاعَةِ وَالثَّوَاب {مِّنَ الَّذين أَنفَقُواْ مِن بَعْدُ} من بعد فتح مَكَّة {وَقَاتَلُواْ} الْعَدو فِي سَبِيل الله مَعَ النبى صلى الله عَلَيْهِ وَسلم {وكلا} كلا لفريقين من أنْفق وَقَاتل من قبل الْفَتْح وَبعد الْفَتْح {وَعَدَ الله الْحسنى} الْجنَّة
یعنی
سیدنا ابن عباس رضی اللہ تعالی عنہ فرماتے ہیں کہ فتح مکہ سے پہلے جن صحابہ کرام نے خرچ کیا جہاد کیا اور فتح مکہ کے بعد جنہوں نے خرچ کیا جہاد کیا ان کے درجات میں اگرچہ تفاوت ہے لیکن سب صحابہ کرام سے اللہ تعالی نے جنت کا وعدہ کیا ہے
(تنوير المقباس من تفسير ابن عباس ص457)
.
*②امام القرظی تابعی( وفات180ھجری تقریبا) کا عقیدہ:*
وقال محمد بن كعب القرظي: أوجب الله لجميع الصحابة الجنة والرضوان
ترجمہ
محمد بن كعب القرظي علیہ الرحمہ فرماتے ہیں کہ اللہ تعالی نے تمام صحابہ کے لیے جنت اور رضامندی کو واجب کردیا ہے
(أنموذج اللبيب في خصائص الحبيب1/236)
.
*③امام مقاتل وفات تقرہبا150ھجری کا عقیدہ:*
لا يَسْتَوِي مِنْكُمْ فى الفضل والسابقة مَنْ أَنْفَقَ مِنْ ماله قَبْلِ الْفَتْحِ فتح مكة «وَقاتَلَ» «1» العدو أُولئِكَ أَعْظَمُ دَرَجَةً يعني جزاء مِنَ الَّذِينَ أَنْفَقُوا مِنْ بَعْدُ من بعد فتح مكة وَقاتَلُوا «2» العدو وَكُلًّا وَعَدَ اللَّهُ الْحُسْنى يعني الجنة، يعني كلا الفريقين وعد الله الجنة
یعنی
جن صحابہ نے فتح مکہ سے پہلے خرچ کیا قتال کیا اور جہاد کیا انکا درجہ زیادہ عظیم ہے ان صحابہ سے کہ جنہوں نے فتح مکہ کے بعد خرچ کیا جہاد کیا لیکن سب صحابہ کے لئے اللہ تعالی نے جنت کا وعدہ فرمایا ہے
(تفسير مقاتل بن سليمان4/239)
.
*④امام ابن وھب وفات تقریبا192ہجری کا عقیدہ:*
{لا يستوي منكم من أنفق من قبل الفتح}، قال: فتح مكة...فَالْحُسْنَى الْجَنَّةُ
یعنی
فتح مکہ سے پہلے جنہوں نے خرچ کیا وہ عظیم درجے والے ہیں ان کے برابر نہیں ہو سکتے وہ صحابہ کہ جنہوں نے فتح مکہ کے بعد خرچ کیا لیکن سب صحابہ کے لئے جنت کا وعدہ ہے
(تفسير القرآن من الجامع لابن وهب62 ,1/176)

.
*⑤امام سمرقندی وفات تقریبا 373ھجری کا عقیدہ:*
.من أنفق وقاتل مِنْ قَبْلِ الْفَتْحِ يعني: فتح مكة. ونزلت الآية في شأن أصحاب رسول الله صلّى الله عليه وسلم المهاجرين والأنصار. يعني: الذين أنفقوا أموالهم مع رسول الله صلّى الله عليه وسلم، وقاتلوا الكفار، لا يستوي حالهم وحال غيرهم. ويقال: هذا التفضيل لجميع أصحابه رضي الله عنهم أجمعين.
وعد الله كلا الحسني يعني الجنة
یعنی
یہ آیت مبارکہ صحابہ کرام کے بارے میں نازل ہوئی کہ جنہوں نے فتح مکہ سے پہلے خرچ کیا تھا جہاد کیا کہ یہ عظیم مرتبے والے ہیں ان کے مرتبے کو وہ صحابہ نہیں پہنچ سکتے کہ جو فتح مکہ کے بعد والے ہیں لیکن سب کے سب صحابہ کے لیے اللہ نے جنت کا وعدہ کیا ہے
(تفسير السمرقندي = بحر العلوم3/403ملتقطا)
.
*⑥امام ابن ابی زمنین وفات399ھجری کاعقیدہ:*
لا یَسْتَوِي من أنْفق مِنْكُم من قبل الْفَتْح وَقَاتل، وَهُوَ فتح مَكَّة.
(أُوْلَئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا وَكُلاًّ وَعَدَ اللَّهُ لْحُسْنَى} يَعْنِي: الْجنَّة؛ من أنْفق وَقَاتل قبل فتح مَكَّة وَبعده
یعنی
تم صحابہ کرام میں سے جنہوں نے فتح مکہ سے قبل خرچ کیا اور جہاد کیا ان کا درجہ ان صحابہ کرام سے زیادہ ہے جنہوں نے فتح مکہ کے بعد خرچ کیا اور جہاد کیا لیکن سب صحابہ سے اللہ نے جنت کا وعدہ کیا ہے، چاہے فتح مکہ سے پہلے والے ہوں یا فتح مکہ کے بعد والے