🌹 اسلامی معلومات عامہ 🌹

آدھے ہندو باراتی بھی ہوں گے مثلاً ایک سو،دوسو۔ ان کا بھی الگ سے انتظام کرنا پڑے گا ۔ہمارے تعلقات ہندو وں سے بھی ہیں ۔ ہم ان کو نہیں چھوڑ سکتے ۔لہٰذا آپ ان کا بھی انتظام کیجیے گا ۔اور یہ سارا بوجھ لڑکی والے پر ڈال دیتے ہیں۔ یہ شرعاًکہاں تک درست ہے؟شریعت اس کی کہاں تک اجازت دیتی ہے ؟ یعنی شریعت اس کی ہرگز اجازت نہیں دیتی،کہ یہ بلاوجہ کسی پر بوجھ ڈالناہوا۔جوعقلاًاورشرعاً کسی طرح درست نہیں۔
میں کہتا ہوں کہ آپ کے لوگوں سے تعلقات ہیں ،آپ کے ملاقاتی غیر مسلم ہیں تو ان کو اپنے گھر بلا کر خوب کھلائیے ، خوب ان کی دعوتیں کیجیے۔ طرح طرح کے پکوان کھلائیے ۔لیکن یہ کہاں کا انصاف ہے کہ اپنے تعلقات کا سارا بوجھ لڑکی والوں پر ڈال دیا جائے۔ اس غیر اسلامی اور غیر اخلاقی کام میں بےشمار لوگ ملوث ہیں ان کو اپنی روش بدلنی اوراپنی اصلاح کرلینی چاہیے ۔
بنارس کا ایک واقعہ ہےتقریباً ڈیڑھ سو باراتیوں کی بات طے پائی اور بارات رات میں آنے والی تھی ،جب آئی تو باراتی دو گنا یعنی تین سو آگئے ،اب جو رات میں فوری طور پر انتظامات کرنے میں پریشانی ہوئی وہ بیان نہیں کی جا سکتی۔اس کا احساس اسی کو ہوگا جس پر یہ مصیبت آئی ہو ۔لڑکی والے اپنی عزت اور بیٹی کی خاطر سب جھیل جاتے ہیں ۔اس لیے لوگوں کو ایسا کرنے سے سخت پرہیز کرنا چاہیے ۔ایسا کرنا دھوکا اور ایک مسلمان کی عزت نفس کو ٹھیس پہنچانا ہے ۔اس سے باز آنا ضرورچاہیے۔
ایسا ہی ایک واقعہ جھارکھنڈ دیوگھر کے اسہنا گاوں کا ہے ۔سردیوں کی رات تھی ۔دیہات کا جنگلی علاقہ تھااوپر سے رات کی شادی ۔یہاں بھی ایسا ہی ہوا کہ تقریباًآٹھ سو باراتی لے آئے ۔گاوں کی شادی تھی تو بارات میں پورا گاوں ہی امنڈ پڑا تھا ۔رات ۱۰ بجے نکاح ہونا تھا جو ۲ بجے رات کو ہوا ۔کیوں کہ فوری طور پر انتظامات کرنا وہ بھی دیہات کے علاقے میں ۔نہ جانے کیسے کیا ہوگا؟ ۔ایسے ایسے واقعات بہت پیش آتے ہیں ۔لڑکے والوں کو کم از کم یہ تو سوچنا چاہیے کہ ان کے پاس بھی بیٹیاں ہیں یا ان کےقریبی رشتے میں تو ضرور ہوں گی ۔کل ان کے ساتھ ایسا ہوتو کیسا لگے گا ؟
اسی ضمن میں ایک واقعہ اور پیش ہے ۔ایک زمین دار صاحب کی بیٹی کی شادی تھی ،یہاں معاملہ الٹا تھا ۔دو سوباراتیوں کا مطالبہ تھا ۔تو لڑکے والوں نے کہا کہ ٹھیک ہم اس سے زیادہ ہی لائیں گے۔پھر کہتے ہیں کہ میں فلاں فلاں مدرسے کے بچوں کو بارات میں لے آؤں گا تو لڑکی والے کہتے ہیں کہ ان کو نہیں بلکہ رشتے داروں کو لے آئیں تو ان کو پتے کا جواب ملا ۔کہتے ہیں کہ یہ سب بھی ہمارے دینی رشتے دار ہیں ۔بالآخر ۸۰ ،۸۵ لوگ بارات میں پہنچے اور کل ۸ لوگ کھانا کھا پائے ،بقیہ لوگ ناشتہ کرکے واپس آگئے کیوں کہ کھانا گھٹ گیا تھا ۔اسی کو کہتے ہیں جیسی نیت ویسی برکت۔کیوں کہ ان کو دینی مدارس کے طلبہ بارات میں پسند نہیں آئے ، ان کو ہائی فائی انگریز نما لباس پہنے ہوئے لوگ بارات میں چاہئیں ،تاکہ چاروں طرف خوب ان کی سخاوت کے قصیدے پڑھے جائیں۔ ان کی خاطر تواضع کی تعریف کے پل باندھے جائیں ۔ اس لیے ہمیں شادی بیاہ میں خصوصاًاور عام زندگیوں میں عموماً اعتدال کی راہ اختیار کرنی چاہیے ۔درمیانی راہ اختیار کرنے میں ہی دونوں جہان کی بھلائی ہے۔
بعض ایسی گھٹیا حرکت پر اُتر آتے ہیں کہ باراتیوں کے کھانے میں طرح طرح کے پکوان کی فرمائش کرتے ہیں ۔یہ فرائی ،وہ فرائی،یہ ٹھنڈا ،یہ میٹھا ،اور اس طرح کا بہترین چاول ہونا چاہیے ۔یہ نہایت درجے کی گری ہوئی حرکت ہے ۔مہمان کو میزبان پر اپنی پسند کا بوجھ ڈالناہرگز جائز نہیں،بلکہ جو ملے کھا لینا چاہیے۔غیر ت مند اور نبی آخر الزماں ﷺ کا کلمہ پڑھنے والے سے اس کی توقع نہیں کی جاتی ۔کیوں کہ نبی کریم ﷺ نے کبھی کھانے کو عیب نہیں لگایا ۔اگر خواہش ہوتی تو کھالیتے ورنہ چھوڑ دیتے ۔حدیث پاک ملاحظہ ہو:
عن أبي هريرةرضی اللہ تعالیٰ عنہ قال: ما عابَ النبيُّ ﷺ طَعامًا قَطُّ، إنِ اشْتَھاهُ أكَلَهُ وإلّا تَرَكَهُ.(صحیح البخاری،حدیث نمبر٣٥٦٣)
حضرت ابو ہریرہ رضی اللہ تعالیٰ عنہ راوی، فرماتے ہیں کہ نبی کریم ﷺ نے کھانے کو کبھی بھی عیب نہیں لگایا، اگر خواہش ہوتی (یعنی اچھا لگتا )تو کھا لیتے ورنہ چھوڑ دیتے ۔
نبی کریم ﷺ نے اس حدیث پاک سے ہمیں بہت بڑا درس دیا ہے ۔اگر اس پر عمل کر لیں تو گھریلو جھگڑوں کا خاتمہ ہی ہو جائےکیوں کہ زیادہ تر میاں بیوی میں ناراضگی نمک کم ہونے ، دال ،سالن پتلا ہونے سے ہی ہوتی ہے ، ہمیں ایسے حالات میں اپنے آپ پر قابو رکھنا چاہیے اور سرکار دوعالم ﷺ کی اس حدیث پاک کو یاد رکھنا چاہیے ۔اس سے آپ کے گھر میں خوشیاں آئیں گی۔
یہاں گفتگو چل رہی تھی شادیوں میں کھانے اور باراتیوں کے لیے فرمائش کرنے کی ۔ تو سن لیجیےہمیں فرمائش کرنے سے بالکل بچناچاہیے ۔میزبان کی طرف سے جو بھی آئےخوشی خوشی تناول کرلے ۔اگر کسی نے فرمائش کی اور میزبان نہ پوری کر سکا یا اس معیار کا انتظام نہ کرسکا تو اس کی دل شکنی ہوگی ، اس کا دل دکھے گا ۔ اسلام میں

372 viewsمحمد جمال الدين خان قادری, 03:46