میری سات سالہ بیٹی عاتکہ نے آج میرے لیے روٹی بنائی ہے ، اور کہا ہے:

بابا جی ! اس کی پکچر فیس بک پر لگائیں تاکہ آپ کے دوست اسے دیکھ کر اپنی بیٹیوں کو بتائیں ، اور وہ بھی میرے جیسی روٹی بنا کر اپنے بابا کو دیا کریں ۔

بابا جی ! اچھی بیٹیاں وہ نہیں ہوتیں جو گھومتی پھرتی رہتی ہیں ، اچھی بیٹیاں وہ ہوتی ہیں جو اللہ کویاد کرنے کے ساتھ ساتھ گھر کے کام کاج بھی کرتی ہیں ۔

✍️لقمان شاہد
14-1-2021 ء

https://m.facebook.com/story.php?story_fbid=3065357093744459&id=100008105947430

لائبریریاں ڈھونڈنے سے بھی نہیں ملتیں‌ـــ ہوٹل پہ ہوٹل کھلتے جا رہے ہیں‌ـــ اسی لئے دماغ سکڑتے اور پیٹ بڑھتے جا رہے ہیں‌ـــ

https://m.facebook.com/story.php?story_fbid=3064566880490147&id=100008105947430

_*🔥آتش زدگی سے متاثر بچوں میں نوری مشن کی جانب سے تعلیمی کٹس کی تقسیم💼🧳*_

*مالیگاؤں: سید اظہار اشرف نگر آگ سانحہ سے متاثرہ کنبوں کے بچوں (طلبہ) میں نوری مشن نے ۱۲؍ جنوری ۲۰۲۱ء کی شب ’’تعلیمی کٹ‘‘ کی تقسیم کی۔ تعلیمی لوازمات پر مشتمل سیٹ مع بستہ کو بالترتیب کے جی سے لے کر بی اے تک کے ٢٦؍ طلبا و طالبات میں تقسیم کیا گیا۔ اِس ضمن میں نوری مشن کے ذمہ داران نے یہ پیغام دیا کہ طلبۂ قوم کو حصولِ علم کے لیے مدد فراہم کرنا ہماری قومی ذمہ داری ہے۔مسلم معاشرے کا استحکام علم سے ہے۔ علم دین کے حصول کے ساتھ ہی معاصر علوم بھی سیکھے جائیں اور باقاعدہ تربیتی نظام کو روبعمل لایا جائے۔ درس گاہی نظام کو اسلامی اخلاق کی روشنی میں استوار کیا جائے تا کہ فکری اعتبار سے پختہ بچے قوم کو میسر آئیں۔ ایک طرف بچے علم دین کی روشنی پا کر عاشقِ رسول بنیں دوسری طرف مغربی فتنوں کا جواب بھی دے سکیں اور معاصر علوم میں مہارت و دسترس پیدا کریں۔ دین کی تقویت کے لیے حصول علم کی اہمیت کو اعلیٰ حضرت رحمۃ اللہ علیہ نے بھی اپنی پاکیزہ تعلیمات میں اُجاگر فرمایاہے؛ اِسی رُخ سے نوری مشن کا کارواں ابلاغِ علم میں مسلسل سرگرمِ عمل ہے۔ طلبہ میں تعلیمی اشیا پر مشتمل کٹ کو حافظ سراج احمد رضوی صاحب و ذمہ دارانِ نوری مشن کے ہاتھوں تقسیم کیا گیا۔ اس موقع پر غلام مصطفیٰ رضوی، فرید رضوی، معین پٹھان، یاسین رضوی، محسن رضوی، عارف رضا وغیرہ موجود تھے۔ایسی رپورٹ نوری مشن مالیگاؤں سے جاری کی گئی۔*
***
۱۳؍ جنوری ۲۰۲۱ء



https://m.facebook.com/story.php?story_fbid=126340802654449&id=107640804524449

*💎دینی و فلاحی، علمی اور اشاعتی خدمات کے ایک سال...!!*

*🕯📚 نوری مشن 2020ء میں...!!*

*✨[غریب پروری کے نظارے، علمی زاویے، ترجمۂ کنزالایمان کی اشاعت کے تابندہ نقوش💫]*

از: غلام مصطفیٰ رضوی

نوری مشن کے قیام کی دوسری دہائی جاری ہے۔ ہر سال اشاعتی، علمی، فلاحی اور تحقیقی کام مستقل طور پر انجام پا رہے ہیں۔ جن کے ریکارڈ باقاعدہ تیار کیے جاتے ہیں؛ تا کہ مستقبل میں مزید مینار تعمیر کیے جا سکیں، اور کام میں وسعت پیدا کی جا سکے، صحنِ حیات کو مہکایا جا سکے۔ ۲۰۲۰ء میں نوری مشن نے جن نشانات کو طے کیا؛ اُن کی اِجمالی جھلک پیشِ خدمت ہے۔

*مطبوعات:* جنوری تا دسمبر ۲۰۲۰ء: ایک سالہ مدت میں اِن مطبوعات کو منصۂ شہود پر لایا گیا، جن میں اعلیٰ حضرت کے مشن محبتِ رسول ﷺ کی اشاعت کو فائق رکھا گیا۔ جس کے ساتھ سلسلۂ اشاعت نمبر ١٢٦؍ تک جا پہنچا:
[۱]کنزالایمان فی ترجمۃ القرآن (ترجمہ: سیدی اعلیٰ حضرت)
[۲] لباسِ حضور ﷺ(پروفیسر ڈاکٹر محمد مسعود احمد نقشبندی)
[۳] آمدِ بہار (پروفیسر ڈاکٹر محمد مسعود احمد نقشبندی)
[۴] قبلہ(پروفیسر ڈاکٹر محمد مسعود احمد نقشبندی)
[۵] کرونا وائرس کی وَبا اور قومِ مسلم (علامہ قمرالزماں خان اعظمی)
[٦] ذکرِ حضور مفتی اعظم ہند (علامہ قمرالزماں خان اعظمی)
[۷] مضامینِ اشرفُ الفقہاء ( مفتی محمد مجیب اشرف، مرتب: مشاہدؔ رضوی)
[۸] وقفی اور غصبی زمین کا شرعی حکم (حجۃ الاسلام علامہ حامدر ضا خان بریلوی، مرتب: مفتی محمد ذوالفقار خان نعیمی)
[۹] افضلیتِ شیخین(بہ اشتراک ماتریدی ریسرچ سینٹر)(غلام رسول قاسمی قادری)
[۱۰] اعلیٰ حضرت-مجدد علمِ معاشیات (پروفیسر عبدالمجید صدیقی)
[۱۱]باتیں جو زندگی بدل دیں! (محمد افروز قادری چریا کوٹی)

علاوہ ازیں دیگر اداروں کی ٦؍ سے زائد مطبوعات؛ نوری مشن کی مذکورہ مطبوعات کے تقریباً ۲۰۰؍ سیٹ بذریعہ ڈاک؛ نیز دستی طور پر علما، لائبریریوں اور خانقاہوں نیز جامعات تک پہنچائے گئے۔
رضا اکیڈمی ممبئی کا سال نامہ یادگار رضا شمارہ ۲۷؍ کو ۱٦٠؍ صفحات میں احقر(غلام مصطفیٰ رضوی) نے مرتب کیا، جسےاہلِ علم تک پہنچایا گیا۔الحاج محمد سعید نوری صاحب (سربراہ رضا اکیڈمی ممبئی) کے حکم پر یہ کام انجام دیا گیا۔ سال نامہ ہر سال رضا اکیڈمی ممبئی سے شائع ہوتا ہے۔ علمی بزم میں اس کی دستک صاف سُنائی دیتی ہے-

*ضخیم کتابوں کی ترسیل:* درج ذیل اہم و بڑی کتابیں نصف سے بھی کم ہدیہ میں عام کی گئیں:
[۱] ’’سیرت النبی ﷺ‘‘ (۱۲؍ جلدیں)،[۲]فتاویٰ رضویہ(۳۲؍ جلدیں)،[۳]تفسیر نعیمی (۱۹؍جلدیں)[٤] بہارِ شریعت (۳؍جلدیں)[۵] تفسیر روح البیان (۱۵؍جلدیں)

ترجمۂ قرآن کنزالایمان کا نیا ایڈیشن اور ’’الفی‘‘ ایڈیشن بڑی تعداد میں مالیگاؤں و بیرونی مقامات تک عام کیا گیا۔ عرسِ خواجہ غریب نواز(مارچ ۲۰۲۰ء) پر ۱۴؍ مدارس میں’’تفویض کتبِ علمیہ‘‘ کے تحت ٤٤؍کتابوں کے سیٹ پیش کیے گئے، جو تاریخ،عقائد، توصیف، فضیلت، معلوماتِ عامہ پر محیط تھے۔

*فلاحی جہت:* لاک ڈاؤن میں مرحلہ وار(مارچ ۲۰۲۰ء تا مئی۲۰۲۰ء) ۱۰۲۷؍راشن کٹ مستحقین میں تقسیم کی گئیں۔ عید میلادالنبی ﷺ(اکتوبر ۲۰۲۰ء) پر ۲۵۰؍ راشن کٹ کی مستحق و غریب مسلمانوں میں تقسیم ہوئی۔ فلاحی مَد سے ۴۱؍ متاثرین کی نقد امداد کی گئی۔ماہِ رمضان (۱۴۴۱ھ) میں دینی خدمات سے مربوط مستحقین میں فوڈ پیکج نذر کیا گیا۔

*مضامین کی اشاعت:* مختلف مواقع پر ترسیلِ علم کی غرض سے اخبارات و رسائل میں ۱۵۰؍ سے زائد مضامین کی اشاعت کروائی گئی۔ جب کہ مفید رپورٹس، اعلانات و مراسلے بھی سیکڑوں کی تعداد میں مطبوع ہیں۔ فکر انگیز نگارشات/رپورٹس کی اشاعت کے لیے مالیگاؤں کے اخبارات نیز بیرونی اخبارات کا تعاون لائق قدر ہے۔

اشرف الفقہاء مفتی محمد مجیب اشرف رحمۃ اللہ علیہ کا بھی احسان ہے کہ قدم قدم پر رہنمائی کی، مخلصانہ مشورے دیے، دُعائیں دیں۔ اللہ تعالیٰ ان کی تربت پر ہر آن بارانِ رحمت نازل فرمائے۔آمین

جن علما، مشائخ اور متحرکین نے دُعائیں دیں، حوصلوں کو توانائی بخشی؛ اُن میں بعض کا ذکر کیا جاتا ہے: حضور امینِ ملت ڈاکٹر سید امین میاں مارہروی، جانشین حضور تاج الشریعہ مفتی محمد عسجد رضا خان قادری، حضرت مولانا سید محمد فاروق میاں چشتی مصباحی، حضرت سید معین میاں اشرفی الجیلانی، حضرت سید عبدالقادر جیلانی میاں، حضرت سید فرقان علی چشتی اجمیری، حضرت سید محمد امان میاں مارہروی، حضرت سید ذکی میاں نقشبندی، حضرت مفتی سید رضوان شافعی ، علامہ قمرالزماں خان اعظمی، علامہ محمد ارشد مصباحی، علامہ محمد عبدالمبین نعمانی قادری، مولانا یٰسٓ اخترمصباحی، الحاج محمد سعید نوری، علامہ ابوزہرہ رضوی، علامہ فروغ القادری، مفتی محمد ذوالفقار خان نعیمی، مفتی حنیف خان رضوی بریلوی، محمد میاں مالیگ، نیاز احمد مالیگ، مفتی انوار احمد امجدی، مفتی فیاض احمد اویسی، صاحبزادہ محمد مسرور احمد بن پروفیسر محمد مسعود احمدنقشبندی، مولانا عبدالستار ہمدانی، پروفیسر فاروق احمد صدیقی، ڈاکٹ

ر سراج احمد بستوی، پروفیسر ڈاکٹر غلام یحییٰ انجم مصباحی، ڈاکٹر غلام جابر شمس مصباحی، ڈاکٹر محمد عاصم اعظمی، مولانا غلام مصطفیٰ برکاتی۔
۲۰۲۰ء کی ایک سالہ مسافرت میں نوری مشن کے فرید رضوی، معین پٹھان رضوی، شیخ شاداب رضوی، یاسین رضا، شہزاد برکاتی، ارشد رضا، سعد رضوی، زید رضا، شیخ آصف رضوی منزل بہ منزل متحرک رہے۔ یوں کارواں آگے بڑھتا گیا۔ جس کا اگلہ پڑاؤ ’’اعلیٰ حضرت ریسرچ سینٹر‘‘ کی تعمیر ہے، تا کہ مزید استحکام کے ساتھ کام کا دائرہ وسیع کیا جا سکے۔ اعلیٰ حضرت کے افکار کے کئی رُخ ایسے ہیں جن پر کام کی ضرورت ہے، ان شاء اللہ مرحلہ وار کام کیا جائے گا، تا کہ قومی اصلاح کا فریضہ انجام دیا جا سکے۔ بحمدہٖ تعالیٰ! ایک سالہ کام کی رفتار کو ٤؍ فائلوں میں اور١٣٣؍ صفحات میں سمیٹا گیا۔اخیر میں اپنے معاونین، محبین اور جملہ مشیرانِ گرامی کا شکریہ ادا کرتے ہیں جنھوں نے کام کو لائق اعتنا سمجھا۔ اللہ تعالیٰ! اخلاص، اخلاق اور عزم عطا فرمائے۔ آمین بجاہ حبیبہٖ سیدالمرسلین ﷺ۔
*
١١ جنوری ٢٠٢١ء
*✨📱رابطہ نوری مشن مالیگاؤں*


+91 9325028586
+91 9273574090
+91 7588815888
noorimission92@gmail.com
*