ائمہ کرام کے جنازے بھی حق کا فیصلہ کر دیتے ہیں...!!!
حافظ عبدالرحمن السلمی علیہ الرحمہ فرماتے ہیں:
" میں امام دارقطنی علیہ الرحمہ کے ساتھ حضرت ابوالفتح القواس (زاہد) علیہ الرحمہ کے جنازے پر حاضر تھا جب ان (امام دارقطنی علیہ الرحمہ) کی نظر (لوگوں کے کثیر) ہجوم پر پڑی تو فرمایا:
" میں نے ابوسہل بن زیاد سے سنا وہ کہتے ہیں کہ انہوں نے امام عبداللہ بن احمد حنبل علیہما الرحمہ سے سنا وہ کہتے ہیں کہ انہوں نے اپنے والد امام احمد بن حنبل سے سنا ہے کہ (انہوں نے) فرمایا:
"اہل بدعت سے کہہ دو کہ ہمارے اور تمہارے درمیان (حق پر فیصلہ کرنے کے لیے ) جنازوں کا دن ہے۔"
[سیر اعلام النبلاء للذہبی ج 11 ص 340]
[تہذیب الکمال للمزی ج 1 ص 467]
[تہذیب التہذیب لابن حجر ج 1 ص 65]
[سوالات السلمی للدارقطنی ص 37 رقم 457]
[تاریخ دمشق لابن عساکر ج 5 ص 332]
یہ قول مختلف الفاظوں سے کتب میں موجود ہے لیکن سب کا معنی اور مفہوم ایک جیسا ہے۔
واللہ اعلم
✍عسقلانی غفراللہ لہ
4 مئی 2020ء
[پرانی تحریر]
علامہ رضوی کے جنازے میں ہجوم کی تصویر۔
21 نومبر 2020

مجھے حضرت کا بیان میں روایات کو متن کے ساتھ روانی سے پڑھنا۔اشعار اقبال کو موضوع کی مناسبت سے پیش کرنا۔
اور ختم نبوت و عشق رسالت و اصحابِ رسالت کے ذکر و ادب کا تسلسل سے تذکرہ کرنا یاد رہے گا۔
اللہ ناموس رسالت کے اس عظیم سپاہی؛ نایاب خادم کے درجات بلند فرمائے۔
آمین بجاہ النبی الامین الاشرف الافضل النجیب صلی اللّٰہ تعالیٰ علیہ وآلہٖ وصحبہ وبارک وسلم

https://www.facebook.com/190656494845261/posts/814271432483761/

بڑے بڑے جنازے ہوئے ہیں ، لیکن ایسا عظیم جنازہ نہ زندگی میں دیکھا ، نہ کسی کتاب میں پڑھا ۔

محبت رسول سے سرشار لاتعداد عاشقانِ رسول ہر طرف پھیلے ہوئے ہیں ، تاحدِ نظر انھی کا ٹھاٹھیں مارتا سمندر نظر آرہا ہے ۔

اللہ پاک سے دعا ہے کہ :

اس جنازے میں شامل ہونے والے علما و صالحین کے طفیل ، اُن تمام احباب پر بھی کرم فرمائے جو کسی وجہ سے جنازے میں نہیں پہنچ سکے ۔

بالخصوص ہندستانی عاشقانِ رسول پر !

آج جس ہستی کا جنازہ ہے ، اُنھیں شہرِ بریلی کی گلیوں سے بھی ایسی والہانہ محبت تھی کہ اُنھیں چومنے کو ترستے رہے ۔ 😥😥😥

✍️لقمان شاہد
21-11-2020ء

https://www.facebook.com/100008105947430/posts/3020758608204308/

جہاں جیسے ہو کام کیجیے

آپ جہاں ہیں جس حالت میں ہیں اسی کو غنیمت جان کر کام کیجیے۔
جو نہیں ہے اس کے انتظار میں خالی بیٹھے رہنا درست نہیں ہے بلکہ آج سے آپ کام کریں گے تو پھر آپ کا انتظار وہ شے کرے گی جسے آپ حاصل کرنا چاہتے ہیں۔

ایک مضبوط نظام کے لیے ضروری ہے کہ اپنے اصولوں کو فراموش نہ کیا جائے اور ہر شخص اپنے حصے کا کام پوری لگن کے ساتھ کرے، اگر دو شعبوں میں کام کرنے والے اپنا شعبہ چھوڑ کر ایک دوسرے کی جگہ لینے کی کوشش میں لگے رہیں گے تو نہ یہ کام ہوگا اور نہ وہ لہٰذا اپنا کام جو آپ کو ملا ہے اسے اچھی طرح کیجیے۔

مثال کے طور پر تحریری کام کرنے والے پوری ایمانداری محنت اور لگن کے ساتھ لکھیں،
جنھیں بولنے کا موقع ملا ہے وہ حق بولیں،
جسے کسی اور جگہ جدوجہد کا موقع ملے تو وہ وہاں قربانی دے اور اسی طرح ایک نظام اچھی طرح برقرار رہتا ہے۔

ہر طرح کے لوگ کہ جن کی قوت ظاہر میں اپنے اپنے شعبوں میں الگ الگ جہت میں کام کرتی ہے پر اصل میں سب ایک دوسرے سے منسلک، ضروری اور ایک دوسرے کے حق میں معاون ہوتی ہیں۔
جس طرح جسم کے ہر حصے کا کام اور کام کرنے کا الگ الگ طریقہ ہے پر سب کی اہمیت جسم میں بالکل واضح ہے کہ ایک کمزور پڑے یا رک جائے تو باقی پر بھی فرق پڑتا ہے۔

علمی، عملی، فکری، فلاحی، اور معاشرتی اور ہر اعتبار سے کام کی ضرورت ہے، آپ کو جس میں جتنا کام کرنے یا مدد کرنے کا موقع ملے پیچھے نہ ہٹیں بلکہ جسم کے کسی ایک حصے کو ہی ٹھیک کرنے کا ذہن بنا لیں۔

اللہ تعالیٰ ہم سے اپنی رضا والے کام لے۔

عبد مصطفیٰ آفیشل

السلام علیکم ورحمۃ اللہ وبرکاتہٗ!

طرزِ رضا کی پیروی :
اعلیٰ حضرت کے ایک مصرعِ اولیٰ "جان دے دو وعدۂ دیدار پر" پر سعادتِ نعت :

خوف کیوں ہو فتنۂ اَشرار پر
ہے بھروسا سیّدِ اَخیار پر

وہ نمک آگیں ملاحت مرحبا
حُسن خود شیدا رُخِ اَنوار پر

حور و غلماں انبیا و مرسلیں
سارا عالم ہے فدا سرکار پر

پل میں جاکر عرش سے واپس ہوئے
خود فدا رفتار اُس رفتار پر

ڈوبتے بیڑوں کو وہ کردیں گے پار
کیوں ہو ڈر ٹوٹی ہوئی پتوار پر

ہیں وہی چارہ گرِ رنج و الم
لطف فرماتے ہیں وہ بیمار پر

روزِ محشر کے کڑے حالات میں
میرا تکیہ ہے اُسی غمخوار پر

حفظِ ناموسِ رسالت کے لیے
جان دیدو حُرمتِ سرکار پر

ہوں مُشاہد نام لیوائے رضا
فیض ہے جن کا مرے اشعار پر

عرض نمودہ : ڈاکٹر محمد حسین مشاہد رضوی
_20 نومبر 2020ء بروز جمعہ_

https://www.facebook.com/190656494845261/posts/814610035783234/