للہ الحمد میں دنیا سے مسلمان گیا

شیخ الحدیث علامہ حافظ خادم حسین رضوی قضاۓ الھی سے رحلت فرماگۓ۔

انا للّٰہ وانا الیہ راجعون

وہ تو چلے گۓ لیکن اپنوں بیگانوں کو ناموس رسالت کی اہمیت سمجھا گۓ

انکے آئیڈیل علامہ فضل حق خیر آبادی تھے جنھوں نے 1857 میں انگریز کے خلاف فتویٰ جہاد دیا تھا۔
وہ سلسلہ نقشبندیہ میں حاجی پیر عبد الواحد صدیقی کے ہاتھ پر بیعت تھے اور اعلٰی حضرت امام احمد رضا بریلوی علیہ الرحمہ سے گہری عقیدت کی وجہ سے اپنے نام کے ساتھ ہمیشہ رضوی لکھتے اور کہلاتے رہے۔
عربی گرامر میں انکی زبردست مہارت کے پیش نظر انہیں
امام الصرف والنحو کے لقب سے پکارا جاتا رہا۔
وہ طویل عرصہ جامعہ نظامیہ رضویہ لاہور کی مسند تدریس پر بطور شیخ الحدیث فائز رہے۔ بلا مبالغہ انکے تلامذہ و مریدین کی تعداد ہزاروں میں ہے۔
ناموس رسالت پر کفار کی جانب سے یلغار کا مقابلہ آپ نے نہایت احسن انداز میں کیا۔اور عزت رسول کی اہمیت سے بچے بچے کو روشناس کروادیا ۔ انکی آواز پوری دنیا میں گونج رہی تھی

زمانہ بڑے غور سے سن رہا تھا
"تمھیں " سو گۓ داستان کہتے کہتے
انکی قیادت میں تحریک لبیک پاکستان انتخابات میں لیے گۓ ووٹوں کی بنیاد پر پانچویں بڑی جماعت قرار پائی۔ وہ علامہ اقبال کے فلسفۂ خودی کی مجسم تصویر تھے۔ انکا اعلان تھا کہ باطل انھیں تو کجا انکے جوتے کو خریدنے کی ہمت بھی نہیں رکھتا۔ چشم فلک نے انکے اس دعوے کو ثابت ہوتا بچشم خود دیکھا۔
انکی انہی ناقابل فراموش دینی خدمات کے پیش نظر
تاج الشریعہ مفتی اختر رضا خان الازہری اور نباض قوم ، ولئی کامل علامہ مفتی ابوداؤد محمد صادق قادری رضوی نے انہیں سلسلہ عالیہ قادریہ رضویہ کی خلافت سے نوازا تھا ۔
وہ سبھی اکابرین اہل سنت سے عقیدت رکھتے تھے لیکن اپنے اساتذہ مفتی اعظم پاکستان مولانا محمد عبد القیوم ہزاروی شرف ملت علامہ محمد عبد الحکیم شرف قادری ، علامہ حافظ محمد عبد الستار سعیدی سے محبت و الفت کا انداز نرالا تھا۔
بالخصوص حضرت نباض قوم مفتی ابوداؤد محمد صادق سے عقیدت کا ایک خاص انداز تھا
2015 میں جب وہ مسجد گلزار حبیب ای بلاک سبزہ زار لاہور تشریف لاۓ ، دوران محفل انہیں حضرت نباض قوم کی قمیص مبارک اور رومال شریف پیش کیا گیا تو انہوں نے عقیدت سے اپنے سر پر رکھ لیا۔
خلیفۂ اعلیٰ حضرت مفتی غلام جان ہزاروی کی سوانح عمری بنام حیات فقیہ زماں لکھنے کی انہوں نے راقم الحروف محمد عطاء الرحمٰن قادری رضوی کو بار بار تلقین فرمائی تھی۔ اصاغر نوازی کے پیش نظر وہ راقم الحروف کے لیے حوصلہ افزائی کے کلمات ارشاد فرماتے رہتے تھے۔
وصال پرملال سے تین دن قبل تیز بخار کے باوجود ناموس رسالت مارچ راولپنڈی میں شریک ہوۓ اورعلالت کے باوجود آخری خطاب فرمایا۔ بارش، سردی اور فیض آباد کی یخ بستہ ہواؤن نے بخار کی شدت میں اضافہ کردیا۔

آخر

شب جمعہ 4 ربیع الآخر کی رات، 19 نومبر کو تقریباً ساڑھے آٹھ بجے وہ دنیاۓ فانی سے رحلت فرماگۓ
انکا روشن، پر سکون، نورانی چہرہ دیکھ کر یوں محسوس ہوتا تھا کہ وہ زبان حال سے امام اہل سنت مولانا شاہ احمد رضا محدث بریلوی کاارشاد فرمودہ اور اپنا پسندیدہ شعر پڑھ رہے ہیں

انہیں جانا، انہیں مانا نہ رکھا غیر سے کام
للہ الحمد میں دنیا سے مسلمان گیا

اللہ تعالیٰ انکے لواحقین بالخصوص مولانا صاحب زادہ سعد حسین رضوی اور صاحب زادہ محمد انس رضوی اور تمام عاشقان رسول کو صبر جمیل عطا فرمائے۔

دعاگو و دعاجو
محمد عطاء الرحمٰن قادری رضوی
خطیب مسجد گلزار حبیب سبزہ زار لاہور

تجھے سلام....

فداے تاجدار ختم نبوت
و محافظِ ناموس رسالت
امیر المجاہدین علامہ خادم حسین رضوی کے وصال پر تعزیت
____

اسلام کے اے مَردِ مجاہد تجھے سلام
اے کاروانِ عشق کے مُرشِد تجھے سلام

خادم حسین رضوی امیر المجاھدین
اے مَہرِ انقلاب ، اے قائد تجھے سلام

آواز تیری شعلہ و شمشیر بن گئ
اے جانشینِ "طارق و خالد " تجھے سلام

تو دے گیا ہے عشقِ نبی کو نئ حیات
اعداد اور شمار سے زائد تجھے سلام

تاعمر کی حفاظتِ ناموسِ مصطفیٰ
اے سُنّیوں کے رہبرِ راشد تجھے سلام

نبضِ جہاں ٹھہر گئ تیری وفات پر
سب رو کے کہہ رہے ہیں اے قائد تجھے سلام

لکھّی ہوئ رہے گی دلوں پر تری حیات
تازہ رہیں گے تیرے شواہد ، تجھے سلام

جبر و ستم کی چھاؤں میں بھی تو ڈٹا رہا
رسمِ حُسَینیت کے مُجدّد تجھے سلام

میداں کو تو نے سجدہ گہِ عشق کر لیا
اے کربلاے وقت کے عابد تجھے سلام

پیغامِ حق سنایا بھی ، اُس پر چلایا بھی
اے عشقِ مصطفائ کے قاصد تجھے سلام

تجھ پر فدا اے ختم نبوت کے پہریدار
اے پاسبانِ باغِ عقائد تجھے سلام

کردار میں بھری تھیں عزیمت کی بجلیاں
تجھ کو جھکا سکے نہ شَدائد، تجھے سلام

ماں باپ سے بھی بڑھ کے ہمیں تو عزیز ہے
اے جلوۂ خودی کے مُشاہد تجھے سلام

اعزاز میں جبینِ جہاں ہے جھکی ہوئ
سب کر رہے ہیں غائب و شاہد، تجھے سلام

فکر رضا میں ڈھل گیا تیرا وجودِ ناز
محرابِ حق پرستی کے ساجد تجھے سلام

ملت میں روحِ عشق کو بیدار کردیا
ہیں سارے اہلِ حق ترے حامد ، تجھے
سلام

کرتا رہا تو آخری دم تک مقابلہ
اصحاب بدر کے اے مقلد تجھے سلام

اے سنیت کے شیر ، نہ بھولیں گے ہم تجھے
حاصل کریں گے تیرے مقاصد ، تجھے سلام

مشغول ہیں دعا میں فریدی کے جان و دل
فضلِ خدا ہو تیرا مُساعِد تجھے سلام

- - - - - - - - -
از فریدی صدیقی مصباحی
مسقط عمان
0096899633908

‏"عالم اسلام کے لیے عظیم سانحہ"
*تبدیلی وقت جنازہ*
*کروڑوں عاشقان رسول کے دل کی دھڑکن، محافظ ختم نبوت و ناموس رسالت، شیخ الحدیث والتفسیر امیر المجاہدین قائد عالم اسلام علامہ حافظ خادم حسین رضوی دنیا فانی سے وصال فرما گئے،*
*نماز جنازہ*
*بروز جمعہ بعد از نماز جمعہ سے تبدیل کر کے*
*آپ کی نماز جنازہ 21 نومبر بروز ہفتہ صبح 10 بجے "مینارِ پاکستان" ادا کی جائے گی*

#موت_العالم_موت_العالم
قبلہ امیر المجاھدین کے انتقال پر ملال کا سن کر بہت گہرا صدمہ پہنچا اللہ رب العزت انکی بے حساب و کتاب مغفرت فرمائے
ایک بات ذہن نشین رکھیں کہ ہم نے انکو کھویا ہے مگر کہیں ہم انکے مقصد کو نہ کھو بیٹھے ان شاء اللہ ہمیں رضوی صاحب کے مشن کو آگے لیکر چلنا ہے
مسئلہ چاہے حرمت رسول کا ہو یا ختم نبوت کا ہم ان شاء اللہ آج یہ نیت کر لیں کہ تعلیمات اعلی حضرت پر عمل درآمد کرتے ہوئے کسی کو اسکی خلاف ورزی کرنے نہیں دینگے
#دانیال_رضا_مدنی

افسوس ناک خبر

تحریکِ لبیک پاکستان کے سربراہ علامہ خادم حسین رضوی صاحب انتقال فرما گئے ہیں۔
سیدنا سعید بن جبیر رضی اللہ عنہ فرماتے ہیں :
"علماء کا دنیا سے جانا لوگوں کی ہلاکت کی علامت ہے۔"
اللہ پاک رضوی صاحب کے درجات بلند فرمائے، اور لواحقین کو صبرِجمیل عطا فرمائے، اور اہلسنت کو ان کا نعم البدل عطاء فرمائے۔

قرآنِ پاک میں ولی اللہ کی ایک نشانی " بے خوف " ہونا بھی بیان کی گئی ہے ۔
مرحوم (علامہ خادم حسین رضوی) واقعی بے خوف تھے ، انھیں محبت رسول نے بے خوف کردیا ہوا تھا ۔

رب تعالی ہمیں بھی ایسا کردے !

https://m.facebook.com/story.php?story_fbid=3019981998281969&id=100008105947430

یاد داری کہ وقت زادن تو ـــ ہمہ خنداں بدند تو گریاں ــــــــــــ آں چناں ذی کہ وقت مردن تو ـــ ہمہ گریاں شوند تو خنداں ـ

اے عزیز یاد رکھ کہ تیری پیدائش کے وقت سب خنداں تھے مگر تو تو گریاں تھا ـ ایسا جینا جی کہ تیری موت کے وقت سب گریاں ہوں اور تو خنداں ـ