«Кох- ота » жомеъ масжидида ўқиладиган Намоз вақтилари.

24.02.2022

🕌 БОМДОД 06:20
🕌 ПЕШИН 13:00
🕌 АСР 16:30
🕌 ШОМ 18:20
🕌 ХУФТОН 19:40

♻️ Тарқатинг👉 @irshooduz

#Ҳадис_94

ОТА ОНАГА ЯХШИЛИК ҚИЛИШ ВА СИЛАИ РАҲМ ҲАҚИДА

عَنْ أَبِي عَبْدِ الرَّحْمَنِ عَبْدِ اللهِ بْنِ مَسْعُودٍ رَضِيَ اللهُ عَنْهُ قَالَ: سَأَلتُ النَّبِيَّ صَلَّى اللهُ عَلَيهِ وَسَلَّمَ: أَيُّ الْعَمَلِ أَحَبُّ إِلَى اللهِ تَعَالَى؟ قَالَ: «الصَّلاَةُ عَلَى وَقْتِهَا» قُلْتُ: ثُمَّ أَيُّ؟ قَالَ: «بِرُّ الْوَالِدَيْنِ» قُلْتُ: ثُمَّ أَيُّ؟ قَالَ: «الجِهَادُ فِي سَبِيْلِ اللهِ». مُتَّفَقٌ عَلَيهِ.

Абу Абдураҳмон Абдуллоҳ ибн Масъуд розияллоҳу анҳудан ривоят қилинади:

«Набий соллаллоҳу алайҳи васалламдан: «Аллоҳ учун қайси амал севимлироқ?» деб сўрадим. «Вақтида ўқилган намоз», дедилар. «Кейин қайсиси?» дедим. «Ота-онага яхшилик қилиш», дедилар. «Кейин қайсиси?» дедим. «Аллоҳ йўлида жиҳод қилиш», дедилар.

✍️ Муттафақун алайҳ.


📜Шарҳ: Ушбу ҳадис мусулмонлар ўзлари билмаган фойдали нарсаларни сўрашга тарғиб қилмоқда. Ундан кейин, Набий саллаллоҳу алайҳи васаллам "Намоз ибодатларнинг бошидир", деган сўзлари, кейин эса ота онага яхшилик қилиш, сўнгра динга қайғуриб, Аллоҳ йўлида жидду жаҳд қилиш ҳақидаги жавоблари келмоқда. Бу ўринда ота онага яхшилик қилиш қай даражада муҳимлиги келиб чиқади. Аллоҳ таоло ота онага яхшилик қилишни Ўзига ибодат қилишдан кейинги ўринга қўймоқда. "(Эй инсон), Парвардигоринг наздида, сизларга ёлғиз унинг ўзига ибодат қилишларинингизни ҳамда ота-онага яхшилик қилишларингизни амр этди" (Исро сураси, 23 оят).

☝️Ҳадисдан ўрганганларимиз:
1. Мусулмон одам Аллоҳ таоло яхши кўрадиган амални ўрганишга ошиқади.
2. Намоз- Аллоҳ ҳузуридаги амалларнинг энг бошида туради.
3. Мусулмон одамнинг энг афзал амали -намозларни ўз вақтида адо қиллишидир.
4. Ота онага яхшилик қилиш Аллоҳнинг ҳаққидан кейинги ўринда туради.
5. Ота онага яхшилик қилиш, сўз ва амални уйғунлаштириш билан бўлади.


📚 Kунлик Ҳадис | Манба: islom.uz ("Болалар учун риёзус солиҳин шарҳи" китобидан)

#ҳадис

Усома ибн Зайд розийаллоҳу анҳумо айтадилар:
"Расулуллоҳ соллаллоҳу алайҳи ва саллам бир куни асҳобларига: "Жаннатга кириш учун енг шимарувчилар борми? Чунки у таърифга ожиз. Каъбанинг Раббига қасамки, жаннат чарақлаган нур, тебраниб турган райҳонлар, тикланган қасрлар, тўлиб оқувчи анҳорлар, пишиб етилган турли хил мевалар, гўзал ва чиройли жуфтлар, софлиги ва тиниқлиги абадий бўлган кўпдан-кўп зеб-зийнатлар диёридир. У олий, ажойиб, тинч ва осойиштадир", дедилар. Асҳоб: "Биз жаннат учун енг шимарувчилармиз, эй Расулуллоҳ!" дейишди. Ул зот: "Иншааллоҳ, денглар", дедилар..."

Ибн Можа ривоят қилган.

🌐 Улашинг: @irshooduz

📌 Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир.
Имом Табароний келтирган ривоятда Расулуллоҳ соллаллоҳу алайҳи васаллам шундай дедилар:

📌 “Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади.

🌸🌸 Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн!

🌸🌸 Бу маълумотни яқинларингизга ҳам улашинг, кўп саловот ва салом айтилишига сабабчи бўлинг.
👉Эслатиш мўъминларга манфаат берур.

🌐 Улашинг: @irshooduz

ЖУМА ТОНГИДА ЎҚИЛАДИГАН ДУО

Анас розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Ким жума куни бомдод намозидан олдин:

أسْتَغْفِرُ اللهَ الَّذِي لاَ إِلَهَ إِلاَّ هُوَ الْحَيُّ القَيُّومُ وَأَتُوبُ إِلَيْهِ

«Астағфируллоҳаллазий ла илаҳа илла ҳувал ҳаййул қоййум ва атубу илайҳ», деб уч марта айтса, Аллоҳ таоло унинг гуноҳларини денгиз кўпигича бўлса ҳам, кечириб юборади», дедилар.
Ибн Сунний ривояти.

Маъноси: Ҳай ва қаййум сифатли Зотдан бошқа илоҳ йўқ ва Унга истиғфор айтаман, Унга тавба қиламан.

🌐 Улашинг: @irshooduz

Жума тонгидаги бомдод намоз мусулмон одам ҳафта давомида ўқийдиган энг яхши намоздир.

Абдуллоҳ ибн Умар розияллоҳу анҳудан ривоят қилинади:

Набий саллаллоҳу алайҳи васаллам:
"Аллоҳ ҳузуридаги энг афзал намоз жума куни тонгдаги намозни жамоат билан ўқиш", дедилар.

✍️ Имом Табароний ривояти.

🌐 Улашинг: @irshooduz

ИСТИҒФОРНИ КЎП АЙТИНГ

Абул Фараж Ғойс ибн Али айтади: «Қори Абул Ҳасан Оқулийни тушимда кўрдим. У жуда яхши ҳолатда эди. «Аҳволингиз қалай?» деб сўрадим, «Аҳволим яхши», деди.
Мен ундан сўрадим:
— Сиз вафот этмаганмидингиз?
— Вафот этгандим.
— Ўлим қанақа экан?
— Яхши, — деди у хурсанд бўлиб.
— Гуноҳингиз кечирилиб, жаннатга кирдингизми?
— Ҳа.
— Қайси амал манфаатлироқ экан?
— Ҳеч нарсанинг манфаати истиғфорчалик эмас экан.
Истиғфорни кўп айтинглар.

("Солиҳлар гулшани")

♻️ Дўстларингизга ҳам улашинг!!!
👉 t.me/irshooduz 👈

Зафар қозонмоқ учун икки шарт илгари қўйилади: биринчиси – сабр, иккинчиси – тақво.

Тақво – исломий тасаввуфнинг ғояси. Муҳаббат – исломий тасаввуфнинг ғояси. Гўзал ахлоқ – исломий тасаввуфнинг ғояси. Тасаввуф бўлмагунча, исломий юксалиш бўлмас, азиз биродарларим! Мумкин эмас. Инсон инсон бўла олмас, инсони комил бўла олмас. Комил бўлмаган инсонлардан эса комил иш чиқмас, ҳамиша ноқис иш чиқар, юзларни, кўзларни булғайлар.

«Ҳақиқий севги» китобидан.

♻️ Дўстларингизга ҳам улашинг!!!
👉 t.me/irshooduz 👈

#ҳикмат

Яҳё ибн Муоздан: "Банда қачон ихлосли бўлади?" дея сўрашди. "Хулқи эмизикли гўдакнинг хулқидек бўлса, яъни мақтаган ё ёмонлаганга парво қилмаса", дея жавоб қилдилар.

🌐 Улашинг: @irshooduz

“МАШААЛЛОҲ”, “ИНШААЛЛОҲ”, “СУБҲАНАЛЛОҲ”...

УШБУ ВА БОШҚА СЎЗЛАР МАЪНОСИНИ БИЛАМИЗМИ?

Келинг, сўзларнинг маъноси билан танишамиз.

“Бисмиллахир Роҳманир Роҳим” – мусулмон одам, нима қилишидан қатъий назар, амали ушбу сўзлар билан бошлайди. Маъноси:
“Меҳрибон ва Раҳимли Аллоҳ номи билан бошлайман”.


“СубҳанАллоҳ”(Фасубханаллоҳ) – бу ажабланиш, хайрат ифодасидир. Туйғуларини изҳор қилиш ёки эътибор жалб этиш. Маъноси: “Аллоҳ ҳар қандай нуқсонлардан покдир”.

Аллоҳу Акбар – Аллоҳ буюкдир.

“МашаАллоҳ” деб, одатда нимадандир ажабланганда ёки завқ олганда, қойил қолганда айтилади. “Вой-вўў” ва шу кабиларнинг ўрнига назарлантириб қўймаслик учун “МашаАллоҳ” дейилади. Маъноси: – “Аллоҳнинг иродаси билан”, “Аллоҳ ҳохлаганидек”...

“Алҳамдулиллаҳ” – “Аллоҳга хамдлар бўлсин!”
Ютуқлар, муваффақиятлар ҳақида гапирилганда, шунингдек, “ишлар қандай?”, “соғлиғинг қандай?” каби саволларга жавоб берилганда қўлланилади.

“Астағфируллоҳ” – “Аллоҳ мени кечирсин!”, “Аллоҳ сақласин” – “Аъузу биллаҳ – яъни Аллоҳ бизни бундан асрасин!”.

“ИншаАллоҳ” – “Агарда бунда Аллоҳнинг иродаси бўлса”, “Аллоҳ ҳохласа”... Бирон бир ишни бажаришга киришаётганда Яратганнинг изнисиз бўлмаслигини билдириш мақсадида айтилади.

“Ҳасбуналлоҳ” – “Аллоҳ бизга етарлидир”, “Аллоҳ бизга кифоя қилади”.

“Маъазаллоҳ” – Аллоҳ ҳимоя қилиши учун айтилади. “Аллоҳ ҳимоя қилсин”.

“Аъузу биллаҳ” – “Аллоҳнинг ҳимоясига қочаман”.

Мусулмон киши аксирганда “Алҳамдулиллаҳ”, дейиши керак, унинг олдида бошқа мусулмон бўлса – “Ярҳамукаллоҳ” деб жавоб қайтариши лозим, ўз навбатида аксирган одам бунга жавобан – “Яҳдикумуллоҳ”, дейди.

“СубҳанАллоҳ” – сўзма-сўз олганда “Аллоҳ покдир”. Ажабланганда айтилади.

“Субҳаноҳу ва таоло” – бу ибора Яратган номи айтилганда қўлланилади. Мисол учун, “Аллоҳ субҳоноҳу таоло” – “Аллоҳ Қудратлидир, У буюкдир”.

🌐 Улашинг: @irshooduz

🌐 Улашинг: @irshooduz

#Ҳикмат

Алий ибн Абу Толиб розияллоҳу анҳу айтдилар: Қалблар бир идиш бўлиб, унинг яхшиси яхшиликни ўзида сақлаганидир.

Одамлар бу хусусда уч турли бўлади:
1. Раббоний олим.
2. Нажотга эришиш йўлида таълим олувчи илм толиби.
3. Ҳар қандай ҳайқириқга эргашиб кетаверадиган авом.

Изоҳ: Раббоний олим дегани илмли, ҳаким, яъни барча ишларида ҳикмат ила иш юритувчи, ҳалим, яъни юмшоқлик билан таълим берувчи, инсонларга юқори босқич илмлардан олдин бошланғич илмларни таълим берувчи, илмларига амал қилувчи инсонлардир. Улар илм олишга ва унга амал қилишга, шунингдек, бахт-саодат омили бўлган ва уларни бой бериш ила нуқсон ва путур етадиган илмларни ўргатишга буюрадилар.

♻️ Дўстларингизга ҳам улашинг!!!
👉 @irshooduz 👈

#Эслатма

🔹Азиз зиёратчилар!

Эслатиб ўтамиз, Умра тадбири карантин даврида ташкил этилмоқда.

🔹Айни пайтда, Саудия Арабистони ҳудудида коронавирус пандемияси сабабли қатъий карантин чекловлари ўрнатилган.

🔹Жумладан, Масжиди Набавийда Равзаи шарифга киришга чекловлар ўрнатилган бўлиб, аёл зиёратчилар учун бундай чеклов 5 февралдан буён амалда.
✔️Ҳозирда эркакларни Равзаи шарифга киришида ҳам чекловлар кучайтирилмоқда.

🔹Пайғамбаримиз (с.а.в.)га салом бериш махсус рухсатнома асосида амалга оширилмоқда.

🔹Умра ибодати махсус рухсатнома асосида, белгиланган маълум соатларда амалга оширилмоқда.

🔹 Икки Муқаддас Масжидда намозларни адо этиш оралиқ масофани сақлаган ҳолда амалга оширилмоқда. Ушбу тартиб Саудия Арабистони ҳудудидаги барча масжидларда жорий этилган.

🔹Муҳтарам зиёратчилар, сабрли бўлинг!

❗️Ҳар қандай ҳолатда ҳам бошқа зиёратчилар билан урушманг, талашманг!

‼️Гуруҳ раҳбари ва ишчи гуруҳи тавсияларига қатъий амал қилинг!

📍Тиббий ниқобни тақиб юринг!

Диққат❗️Саудия Арабистони ҳудудида ниқоб тақмаганлик учун 1.000 дан 10.000 риёлгача (267-2670 АҚШ доллари) миқдорда жарима белгиланган.

🤲 Аллоҳ таоло умрага отланганларнинг сафарларини муборак қилсин, Байтуллоҳни тавоф қилишни барчамизга насиб этсин!

#hajumrauz

🌐 Улашинг: @irshooduz