Дзӕуджыхъӕуы йӕ куыст райдыдта ӕртыккаг медиафорум «PRO Кавказ»

🔻Ацы аз йӕ сӕйраг темӕ у «Трансформация медиасферы: вызовы и возможности». Дзӕуджыхъӕумӕ ссыдысты Цӕгат Кавказы республикӕты уацхӕсджытӕ. Хӕстӕгдӕр дыууӕ боны ныхас кӕндзысты, дзыллон информацийы фӕрӕзты цы ивддзинӕдтӕ фӕзынд ӕмӕ куыстыл куыд ахадынц, ууыл. Се 'мкусджытимӕ фембӕлынмӕ, семӕ аныхас кӕнынмӕ ӕмӕ сын дӕсныйадӕвдисӕг ахуыртӕ саразынӕн форуммӕ фӕхуыдтой федералон информацийы фӕрӕзты минӕвӕртты. Се 'хсӕн: ӕфсӕддон уацхӕссӕг Александр Сладков, фыццаг каналы амонӕг Александр Смол, RTVI-йы сӕрмагонд уацхӕссӕг Алексей Сочнев, театр ӕмӕ кинойы актер Михаил Пореченков.

💬 «Медиахызӕджы цы фарстатыл ныхас цӕуы, уыдон ахсджиаг сты. Арӕх сыл биноныгӕй ахъуыды кӕнын ӕмӕ бакусын фӕхъӕуы. Бирӕ зын темӕтӕ ӕмӕ тӕссаг уавæртӕ дзы ис. Ӕппӕт уыдæттыл ныхас кӕндзыстӕм форумы архайджытимӕ», — радзырдта Михаил Пореченков.

Форумы эксперттӕ бацамондзысты ӕрхъуыдыгонд зондæй пайда кæныны, уацхӕссӕджы куыст социалон хызӕгты парахат кӕныны ӕмӕ адӕмимӕ архайыны сусӕгдзинӕдтӕ. Хицӕнӕй ныхас кӕндзысты журналистикӕйы факультетты студенттимӕ.

💬 «Сӕ куысты цӕимӕ сӕмбӕлдзысты ӕмӕ сӕм цавӕр зындзинӕдтӕ ӕнхъӕлмӕ кӕсы, уый сын радзурдзыстӕм. Уацхӕссӕджы куыст бирӕтӕм ӕнцон кӕсы, фӕлӕ зын, ахсджиаг ӕмӕ хъӕугӕ у. Уымӕн ӕмӕ информаци хъæуы алкӕйдæр æмæ кӕдфӕндыдӕр. Фидӕны специалисттӕ ныртӕккӕ цас фылдӕр базоной равзӕрст дӕсныйады тыххӕй, уыйбӕрц хуыздӕр», — радзырдта форумы эксперт Алексей Сочнев.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — уацхӕссӕг.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ

Сокаты Мараты сфидар кодтой республикӕйы экономикон рӕзты министрӕй

🔻Уый тыххӕй уынаффӕ бафыста Цӕгат Ирыстоны сӕргълӕууӕг Сергей Меняйло. Документ мыхуыргонд ӕрцыд йӕ официалон сайты. Уый размӕ Сокаты Марат уыд Цӕгат Ирыстоны Равдыстыты ӕмӕ презентациты фонды хицау.

⚫️ Дæхи «СапÆ»-йыл бафысс

Йӕ къӕхтӕ саст кӕмӕн уыдысты, уыцы домбайы лӕппын йӕ къӕхтыл слӕууыд  

🔻Цӕрӕгой нырма ис парк «Земля прайда»-йы, ветеринартӕ йӕм сӕ цӕст дарынц. Йӕ къӕхтыл слӕууыд ӕмӕ уал сындӕггай цӕуын райдыдта. Знон та фыццаг хатт ӕнӕ искӕй ӕххуысӕй бахордта.

💬 «Цалынмӕ реабилитацийы уыдис, уӕдмӕ йын хӕринаг мах лӕвӕрдтам. Ахӕм ӕвзӕр уыд, ӕмӕ йын тынг тарстыстӕм, алы ӕхсӕв дӕр мӕт кодтам. Фӕлӕ знон хӕринагмӕ куы бацыд, уӕд нӕ цинӕн кӕрон нал уыд, йæ къӕхтыл куы слӕууыд, уӕд та бынтондӕр», — радзырдтой нын парчы специалисттӕ.

Домбайы лӕппынӕн фӕзынд ном дӕр. Схуыдтой йӕ Назир.

💬 «Йӕ гыццыл уд бирӕ бавзӕрста. Нӕ специалисттӕ алцыдӕр аразынц, цӕмӕй сдзӕбӕх уа», — зӕгъынц «Земля прайда»-йы кусджытӕ.

Сӕ хъуыдымӕ гӕсгӕ, домбайы лӕппын цӕстӕй дӕр ӕвзӕр уыны. Хӕстӕгдӕр рӕстӕг ӕм офтальмологтӕ ӕркӕсдзысты.

➡️ «Сапӕ» куыд фыста, афтӕмӕй йӕ ӕрбацӕуджыты ирхӕфсынӕн дардтой Грознæйы кальян-бары. Уырдыгӕй йӕ раласта ӕмӕ йӕ домбайтӕн сӕрмагонд паркмӕ арвыста дзӕуджыхъӕуккаг волонтер.

⚫️ Дæхи «СапÆ»-йыл бафысс

Транспортон фарстатыл бакусынӕн Цӕгат Ирыстоны хъӕуы 160 автобусы

🔻Уыцы фарстайыл ныхас рацыд форум «PRO Кавказ»-ы Сергей Меняйло пресс-конференцийы. Фарста радта журнал «Ногдзау»-ы сӕйраг редактор Сӕлбиты Дианӕ. Дзуапп дӕтгӕйӕ, республикӕйы разамонӕг сразы, бӕлццӕттӕ ласджыты куысты бирӕ аиппытӕ кӕй ис, ууыл. Фӕлӕ бафиппайдта, иу боны фарстатӕ кӕй не сты ӕмӕ сыл бирӕ азты кӕй ничи куыста, уый. Бакусын хъӕуы трамвайты хӕдзарадимӕ дӕр.

Сергей Меняйло куыд радзырдта, афтӕмӕй, хи маршрутон такситыл чи кусы, уыдонӕй сӕ машинӕты валидатортӕ ӕмӕ ГЛОНАСС ӕвӕрын никӕй фӕнды, уымӕн ӕмӕ сӕ се 'фтиӕгтӕ ӕргом кӕнын нӕ фӕнды. Уавӕр аивынӕн республикӕ архайы транспорт балхӕныныл.

💬«Субсидитӕ райсыны фӕткӕвӕрд нырма кӕронмӕ конд нӕу. Хъӕуы ма нӕ 130 автобусы. Уый ууыл дзурӕг нӕу, ӕмӕ, хи машинӕтыл чи кусы, уыдоны айсдзыстӕм, фӕлӕ кусдзысты иумӕ», — загъта Сергей Меняйло.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — сызгъӕрин.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ

Йӕхи онкологон низӕй сдзӕбӕх кӕныны тыххӕй Цӕгат Ирыстоны цӕрӕг адавта йе 'фсины сызгъӕринтӕ

🔻Ивгъуыд сентябры дохтыртӕ Ч. Вероникӕйыл онкологийӕ фӕгуырысхо сты. Хъуыдис ӕй бӕстон медицинон иртӕстытӕ, анализтӕ ӕмӕ операци скӕнын. Уый нӕ, фӕлӕ ма маммологтимӕ алы фембӕлд дӕр лӕвар нӕу. Сылгоймаг йӕ сӕрӕн нал уыд, ӕхца кӕм ссара, уый нӕ зыдта. Афтӕмӕй йӕ зӕрдыл ӕрлӕууыд, йе 'фсин йӕ сызгъӕринтӕй ӕндӕр аивгӕнӕн дзаумӕттӕ кӕнынмӕ кӕй хъавыд, уый. Йӕ ныфс бахаста, йе 'фсины сызгъӕринтӕ райста ӕмӕ сӕ ломбарды ауӕй кодта. Бафыстой йын 45 мин сомы ӕмӕ сӕ Вероникӕ медицинон иртӕстытыл схардз кодта, стӕй йӕхи операцимӕ цӕттӕ кӕнын райдыдта.

Сызгъӕринтӕ кӕй нал сты, уый ӕфсин базыдта йӕ лӕппуйы гуырӕн боны агъоммӕ. Йӕ зӕрды уыд йӕ фыртӕн къухдарӕн балӕвар кӕнын. Фӕлӕ нӕдӕр къухдарӕн, нæдæр зынаргъ дзаумӕттӕ сӕ бынаты нал уыдысты. Сӕ иумӕйаг аргъ уыд 286 мин сомы. Пъӕлицӕ хъуыддаг иртасын куы райдыдта, уӕд Вероникӕ йӕ мийыл басаст.

➡️ Горӕтгӕрон районы тӕрхондоны Вероникӕйӕн рахастой дзырдӕй дыууӕ азы ахӕстоны тӕрхон ӕмӕ афӕдз фӕлварӕн ӕмгъуыды тӕрхон.

⚫️ Дæхи «СапÆ»-йыл бафысс

Цхинвалы скъола-интернаты сывӕллӕттӕ сарӕзтой армукъа

🔻Ахуыргӕнджыты ӕххуысӕй сӕ сывӕллӕттӕ сӕхӕдӕг скодтой. 30 хъомылгӕнинаджы бацӕттӕ кодтой ӕмӕ дзы равӕрдтой алыхуызон сфӕлдыстадон куыстытӕ, аивгӕнӕн дзаумӕттӕ ӕмӕ хӕринӕгтӕ.

Мадзал аразӕг у интернаты специалист Беппиты Миланӕ. Куыд зӕгъы, афтӕмӕй, йе 'нӕниздзинад цудыд кӕмӕн у, уыцы сывӕллӕттӕн ахӕм мадзӕлтты архайын уӕлдай ахсджиаг у. Цы ӕхца сӕмбырд кӕной, уыдонӕй та сывӕллӕттӕн сараздзысты бӕрӕгбон.

💬 «Фӕнды мӕ сывӕллӕттӕн бӕрӕгбон саразын. Исты ирхӕфсӕн центрмӕ ацӕудзыстӕм. Мӕнмӕ гӕсгӕ, сӕ зӕрдӕмӕ фӕцӕудзӕн ӕмӕ сын хъӕлдзӕг уыдзӕн. Ацы сывӕллӕттыл узӕлын хъӕуы, буц дарын, цӕмӕй нын нӕ уарзондзинад банкъарой. Уӕд амондджын уыдзысты», — радзырдта Беппиты Миланӕ.

➡️ Ахӕм мадзӕлттӕ скъола-интернаты арӕх саразынц. Уалдзӕджы сбӕрӕг кодтой урсы къуыри, арӕх сӕ аласынц ӕрдзы хъӕбысмӕ ӕмӕ ӕндӕр рӕттӕм. Афтӕмӕй сывӕллӕттӕ алфӕмблай дунеимӕ хуыздӕр зонгӕ кӕнынц.

⚫️ Дæхи «СапÆ»-йыл бафысс

Белоруссийы ерысты цӕгатирыстойнаг теннисист Мӕргъиты Георгий рамбылдта дыууӕ сызгъӕрин майданы

🔻Кубок Солнечныйы рамбулыны ерыстæ цыдысты 22-ӕм октябрӕй 27-ӕм октябрмӕ. Архайдтой дзы, 17 азы онг кӕуыл цӕуы, уыцы спортсментӕ. Финалы Мӕргъиты Георгий рамбылдта Илья Крюковы Балашихӕйӕ.

3-ӕм ноябрӕй 10-ӕм ноябрмӕ та ерыс кодтой, 19 азы онг кӕуыл цӕуы, уыцы спортсментӕ. Ам дӕр ын ӕмбал нӕ уыд. Финалы фӕуӕлахиз мӕскуыйаг Александр Селивановыл.

Турниры архайджытӕй не 'мзӕххон уыд ӕппӕты ӕрыгондӕр спортсменты 'хсӕн. Ӕрӕджы йыл сӕххӕст 16 азы.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — знӕм.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ