Биазырты Димитр. Ирон таурæгътæ. 1966 аз

Уырны мæ ацы таурæгътæ аккаг бынат кæй æрцахсдзысты нæ ирон литературæйы æмæ мæ бафæнддзæн, цæмæй Биазырты Димитр ахæм зынаргъ хуынтæ тынг бирæ бахæсса ирон литературæйы сыгъзæрин хæзнадонмæ. (Гуыцымæзты Михаилы разныхасæй)

Зарӕггӕнӕг Суанты Ким.
Ныхӕстӕ Чеджемты А., муз. Хъупеты М.

МÆ АМОНД

Уалдзыгон райсом — сызгъæринбазыр,
Амонды цинæй мæ риуы хъазы.
Зæрдæйы зарæг фестад уæларвон,
Чызджыты хуыздæр — мæнæн мæ уарзон.
Йæ рухс цæсгомæй мæйтæ ’мæ хуртæ
Мæнмæ фæкæсынц мидбылты худгæ.
Сæууон дидинæг — йæ бакаст, йе ’нгас,
Бынтон æмбисонд — йæ фæлмæн ныхас.
Айнæджы сæрмæ — цæргæсты ахстон,
Æз ахæм уарзтæй никуыма уарзтон.
Уымæн бæлвырд у мæ рухс уынаффæ,
Мæн хурау тавы æмгæртты арфæ.
Мæ зæрдæ абон рæсугъд, бæрзонд у,
Чызгайы кæртмæ мæ фæндаг конд у.
Гъей, хæдзар, ракæс, бакæн дæ дуæрттæ,
— Фервитын абон мæ минæвæрттæ.
Уалдзыгон райсом — сызгъæринбазыр,
Амонды цинæй мæ риуы хъазы.
Айнæджы сæрмæ — цæргæсты ахстон,
Æз ахæм уарзтæй никуыма уарзтон.
Гъей, хæдзар, ракæс, бакæн дæ дуæрттæ,
— Фервитын абон мæ минæвæрттæ!

#иронзарӕг

Уважаемые коллеги!
7 мая 2022 г. в 11:00 состоится вебинар "Осетинская традиция: вчера, сегодня, завтра. Древо жизни осетин (предание и обряд)".
Вебинар проходит в рамках онлайн-проекта "Знаешь ли ты Осетию?", реализуемого СОРОО "Ассоциация педагогов-психологов" при поддержке Фонда президентских грантов.

Ведущий вебинара: Салбиев Тамерлан Казбекович, кандидат филологических наук, и.о. зав. научно-исследовательским отделом «Центр скифо-аланских исследований» ВНЦ РАН

Ссылка на вебинар: https://vk.com/video-132947960_456239088

ДЗӔНӔТЫ КЪУЫМ.
Хуыцау адӕмы куы сфӕлдыста, уӕд сӕ бынат дӕр хъуыдис, ӕмӕ сын йӕ зӕххытӕ байуӕрста. Иу дзӕбӕх, дзӕнӕты къуым ма ныууагъта йӕхицӕн ӕмӕ уым царды дзӕбӕхӕй ӕрвыста йӕ бонтӕ .
Фӕлӕ иу бон кӕсы, ӕмӕ йӕм ирон уӕздан зӕронд лӕгтӕ ӕрбацыдысты.
— Цы хабар уӕм ис? — фӕрсы сӕ Хуыцау.
— Max зӕхх та кӕм ис? — бафарстой йӕ ӕфсӕрмдзӕстыгӕй.
Хуыцау сӕ разы йӕхӕдӕг дӕр фӕкъӕмдзӕстыг:
— Алы хатт уе 'фсӕрмы тыххӕй фӕсте баззайут. Фӕлӕ уӕ афтӕмӕй ӕз сфӕлдыстон ӕмӕ ацы зӕхх ныууагътон мӕхицӕн, ныр сымах уӕд. Ӕз цӕуын уӕларвмӕ .
Уӕдӕй нырмӕ Хуыцауы дзӕнӕты зӕхх, Ирыстоны, цӕрӕм мах, ирӕттӕ , йӕхӕдӕг та нӕм кӕсы уӕларвӕй. Сызгъӕрин фестӕд.

Ныффыста йӕ Хъазиты Мелитон, Хъазиты Уанкъайы фырт Ресойы ныхасӕй 1984-ӕм азы Джеоргуыбайы мӕйы 7-ӕ м бон.

#таурӕгъ

⚡⚡⚡11 мая в Северной Осетии в 10-й раз состоится Глобальный диктант по осетинскому языку. Мероприятие проводится в рамках празднования Дня осетинского языка и литературы.

🔎Третий год Глобальный диктант по осетинскому языку пройдет на площадке национальной телекомпании «Осетия-Ирыстон».

📲Трансляция диктанта в прямом эфире начнется в 12.00 на телеканале, а также на ютуб-канале НТК «Осетия-Ирыстон» https://youtube.com/c/iRYSTONTV
➡️Вконтакте https://vk.com/irystontv
➡️Телеграм https://t.me/irystontv

✅В написании диктанта могут принять участие школьники, студенты, педагоги и все желающие.

📍После окончания эфира скриншот диктанта необходимо отправить на электронную почту iron@mon.alania.gov.ru.
❗❗Работы будут приниматься в течение 30 минут.

https://vk.com/irystontv?z=video-198927276_456247106%2Fb1c6a89b599cd17780%2Fpl_wall_-198927276

Настроение!

Калоты Хазбийы ӕмдзӕвгӕ кӕсы Кодзаты Ӕхсар.

ЗӔХМӔ КУРДИАТ.

Гъей, ныхӕсты ныфс, мӕнӕй цӕй дард дӕ!
Гъей, цӕй тыхджын дӕ, зӕрдӕйы рад!
О нӕ зӕхх, цӕрынӕн мӕ ныййардтай
Ӕмӕ мын дӕ урс ӕхсырӕй ратт!

Мӕн дӕуыл дунейы уаг ныббаста.
Демӕ ахицӕн мӕ хъару нӕу.
Уарзын ӕз дӕ хӕхтӕ судзгӕ уарзтӕй,
Уарзын ӕз дӕ фӕйлаугӕ мӕнӕу.

Уарзын, о, фӕлӕ, зӕгъ-ма, нӕ дуджы
Ӕз нӕртон уӕйгуыты ’хсӕн цы дӕн!
Курын, бауадз фидар тых мӕ туджы.
Ма мӕ бамбӕхс де ’рттиваг тӕмӕн.

Мӕн хъӕуы дӕуӕй поэты хъару
Ӕмӕ ’ндон фӕттӕ ӕппӕт дзырдтӕн.
Гъей, кӕм дӕ, сӕрибар дуджы уари,
Рахӕсс-ма дӕ базыртӕ мӕнӕн!

1940 азы 29 июл. Елхот.
Калоты Хазби.

Мӕскуы 1945 аз. Цитатӕ Кочысаты Мухарбеджы ӕмдзӕвгӕйӕ «Мӕ хӕс».

#уӕлахизыбон
#кочысатымухарбег

Плиты Иссӕйы зарӕг. Зары Хъуыссӕты Хъылци.

Трогательные кадры последних мгновений Великой Отечественной

Батарея капитана РККА Ряжкина Николая встретила 9 мая 1945 года в австрийском Амштеттене.

Всё происходящее на этом видео понятно без слов

@kedmi

Цхуырбаты Б. мелоди, ныхӕстӕ Асаты Р.

Плиты Иссӕйы зарӕг.


О , манӕ та радио ног уац ӕрхаста;
Хӕххон ирон лӕг - Плиты Исса, гъей.
Советон Цадисы Хъайтары ном райста,
Айхъуыст нӕ райгуырӕн 6астыл йӕ ном.

Хор: Советон Цӕдисы Хъайтары ном...
С о л и с т : Хъайтары ном райста, гъей,
Айхъуыст на райгуырӕн 6ӕстыл йӕ ном.

Фыдӕлтӕй фӕстӕмӕ нӕ адӕмӕн баззад
Лӕгдзинад, 'хсардзинад, кардӕй хъазт, гъей,
Ӕмӕ дзы Иссӕ дӕр фӕстейы нӕ баззад,
Зоны фыдызнагӕй райсын йӕ маст.

Х о р : Ӕмӕ дзы Иссӕ дӕр фӕстейы нӕ баззад:
С о л и с т : Фӕстейы нӕ баззад, гъей,
Зоны фыдызнагӕй райсын йӕ маст.

Уый разӕй фӕтӕхы йа саулохыл фатау,
Цӕхӕртӕ калы йӕ фӕринк кард, гъей,
Йӕ бӕхджын хъазахъхъаг гӕрзарӕхст ӕфсадӕн
Нӕры йӕ фӕстӕ ӕрвнӕрӕджы зард.

Х о р : Йӕ бӕхджын хъазахъхъаг ӕфсадӕн...
С о л и с т: Гӕрзарӕхст ӕфсадӕн, гъей,
Нӕры йӕ фӕстӕ ӕрвнӕрӕджы зард.

Кавказаг хӕххон лӕг Германы быдырты
Ӕрзылд уӕлахизимӕ уӕндон, гъей,
Йӕ кадыл нӕ дзыллӕтӕ зарджытӕ зарынц,
Дунейы айхъуыст ирон лӕджы ном,

Х о р : Йӕ кадыл нӕ дзыллӕтӕ зарынц
С о л и с т: Нӕ дзыллӕтӕ зарынц, гъей,
Дунейыл айхъуыст ирон лӕджы ном.

Фӕнды нӕ дӕ фенын стырӕй, чысылӕй
Иссӕ Советон Цӕдисы Хъайтар.
Уӕлахизӕй сыздӕхтӕ тохы быдырӕй,
Не 'мбӕстаг сахъгуырд - ирон инӕлар.

Х о р: Уалахизӕй сыздӕхтӕ, гъей.
С о л и с т : Уӕлахизӕй сыздӕхтӕ
Кадима, сахъгуырд ирон инӕлар.