أحد أسباب فشل الإنسان بحياتة و تحطمها
هو العامل النفسي ، عندي صديق (مصطفى جلال) جوارين من بدايتنا في المنطقة مالتنا كبرنا و لعبنا و فعلنا هواي أمور سوية تعرفت على اهلة و تعرف على اهلي شاءت الاقدار مصطفى شال لغير منطقة و كان كل شهر يزورني و جنت دوم اسأل بيت جدة علية لان قريب علية بعدها مصطفى نقطعت اخبارة و كذالك عن بيت جدة لان ما يعرفون عنة شي ما يزورهم شاء الله و توفى جدة مريت من الفاتحة سألت علية گال يم الخباز رحت متلهف الة صديق الطفولة لكن رد بارد كلش وصلني منة و شفت بعينة هو ما مسرور نفسي عديت الموقف اخذت حسابة على الانستا تواصلت ويا رد جاف جداً ، اليوم وشاء الله وگلبت بلفيس شفت منشور لشخص أستاذ يدرس في المعهد التقني و محادثة بينة و بين شخص يحمل اسم مصطفى جلال و خطاب عتب كان فا اني هنا استغربت كلش و اشوف التعليقات كلها تترحم ليش؟ شنو السبب ؟ شكو على شنو؟ بحثت أكثر و اتفاجئ أنا لله وأنا الية راجعون مصطفى منـ/ـتـ/ـحر فحيل نصدمت من هل شي و هواي أمور تلخبطت عندي ، الله يرحمة برحمتة الواسعة كان صديق حقيقي (في الطفولة فقط) لكن لا نعرف الأسباب اكثر من ذالك

ملخص الكلام احتمال الولد بسبب الاهل او الاصدقاء او موقف بلمعهد أدى إلى تراكم الأمور علية وسبب هل شي البشع آلة فا الرجاء منكم مراعاة مشاعر الآخرين

اذكر الكم موقف وياي أن شاء الله شوي يفيدكم بلدراسة
الي ميعرفني اسمي علي عمري حدخل بل 22 سنة كملت سادس اعدادي بعدها ضليت اشتغل بسبب الظروف الي صارت وياي ما كدرت أكمل كلية ليومكم هذا ، بلسادس اني سنتين الأولى بسبب التسخيت و الاصدقاء ما دخلت وزاري بلسنة الثانية هم كذالك أصدقاء نفسهم رسبوا وياي و تسخيت بس دخلت وزاري مدري اشون خلال شهرين ونص علما اذكر كعدت هي فترة مراجعة اني بهل فترة يلا بديت اقرأ و الحمدلله تسهيل من الله نجحت بمعدل 59 نقهرت و ضجت بهل معدل بس دقيقة غير من أيدي هل شي؟ على الرغم جنت اكول لو اطلع معدل 50 راضي بس فعلياً ما راضي ، ردت أقدم كلية شفت نفسي مو گد هل شي و مصاريف وكذا عفت السالفة رحت اشتغل خلال أربع سنين ربي رزقني مهنة الصيانة و السوفت وير الي حالياً يمكن بلملاين الناس يتمنون عدهم هل صنعة ، لكن باقية غصة الدراسة و شهادة التخرج بگلبي ، الي اريدة من طلاب السادس و الثالث اقرأ هي هاي مرحلة تحولك مرحلة فشلك أو نجاحك لا تخلون الاصدقاء تلهيكم بالله اسوء فترة هل فترة من ناحية النفسية و الفكرية من الاهل و الاقارب و الاحساس بلفشل ، فا الي عليك يا بطل تسوي ولا تهتم للنتيجة اني نتيجة مالتي ما راغبها بس هي من فضل ربك و لو مطلع نتيجة أعلى يمكن هسه اني ما عندي الصنعة الي عندي حالياً و هي صارت مصدر رزقي جان تبهذلت من الممكن فا خليك راضي بقضاء الله وقدرة

واعلم انتَ أو انتِ الي تقرا هل كلام تدري قرايتك بيها حسنات تدري لو متدري؟
بسم الله الرحمن الرحيم
﴿يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ﴾ صدق الله العلي العظيم
هواي ايآت تبين عظيم الثواب في الدراسة

- ملخص الكلام الدراسة الك مو لغيرك كذالك نجاحك مشروط بتعبك و الباقي خلي على ربك
بسم الله الرحمن الرحيم (وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ) صدق الله العلي العظيم

فليكن هذا اليوم منطلق ليوم جديد تبدي بي نجاحك لا تخلي اهلك او صديق الك او غريب يخرب طموحك و لا تهتم ماكو تعين وهل خرابيط ربك يريد منك العمل و الباقي هو يرتبة الك وعد من ربك هذا ومن اصدق من الله يا ترى؟؟ و أن شاء الله تسهيل عليكم من الله💗

تخيل عزيزي المشاهد الإنسان شگد عدائي و هو العدو الأكبر لنفسة و للغير ، الي مأشر عليهم (ابو السيارة - الشخص الثاني - و التانكي{برميل} الماء )
ابو السيارة دعم برميل الماء بلغلط وصل صاحب المطعم ليش دعمت البرميل؟! صاحب السيارة گال المفروض تگول الحمدلله على السلامة و تخيل هل موقف البسيط صار غلط و عركة شكبرها متخيلين!! بعدها ابو الطعم بعد هاي العركة كلها يگول اله سلمتك بيد أبو عبد الله الحسين لان هذا الماي اله بعد ما راح الرجال سبة و سب اهلة،

تخيل انسان بأقل فعل ممكن يجر نفسة لفعل يتندم علية من الممكن سنين ، لذالك اوصى الرسول الاعظم محمد صلى الله عليه وعلى آله بالتحكم بالغضب و شدد علية جداً لما يسبب من مشاكل كبيرة و خطيرة ، فهنا اليوم اوصيك و نفسي بالتحكم بالغضب وضبط النفس وأن كان الحق معك لا تغضب فأعلم مقامك و رفعتك بين الناس وربك تقاس بأفعالك ، جعلنا الله وأياكم ممن يحمل هذا الخصال الكريمة .

إنهُ الليل أيها السادة الكرام حان موعد الفوضى الداخلية . . .

قناة كلشش لطيفة بمعنى الكلمة

هنا الي يحب يدخل ويشوف بنفسة

خلي احجي الكم شغلات يمكن هي مالها قيمة بس خلونا نفكر بيها شوي ونعرف هل فعلاً مالها قيمة؟؟

- الانشغال نعمة بس اشون؟ دائماً حتكون مركز بهدف و فعل لازم تخلص منة بأقرب وقت وهل شي راح يمنعك من الكسل و الانخراط في الأمور التافها و التي ليس لها فائدة

- قلة الاصدقاء بس اشون؟ راح تعرف قيمة نفسك من تقلل مخالطة الناس وبشكل خاص الاصدقاء ومو كل صديق لازم يسمى صديق عن أمير المؤمنين علية السلام (لا يكون الصديق صديقاً حتى يحفظ أخاه في ثلاث: في نكبته، وغيبته، ووفاته) فكلما قلت علاقاتك كان حالك أفضل وتسلم من الغيبة و باقي الأمور

- الشغل و الدراسة بنفس الوقت بس اشون ؟ ربما شخص يسأل هيج جاي ادمر نفسي و وقتي، فعلاً صحيح هل شي بس على حساب شنو؟ على حساب مستقبلك تبني أفضل بناء من الناحية المهنية و التعليمية بهل حالة جاي تدرس حتى تحصل وظيفة تليق بيك و بنفس الوقت عندك مهنة تسترزق منها و تحافظ عليها بعد التخرج و راح تعلمك تكون مسؤول عن نفسك بشكل كامل

ولهنا ذكرت بأختصار بعض النعم الي نحس بيها مؤذية

تريد الله يوفقك ويسهل عليك؟؟
شغلتين تسويها وبضمانتي

الأولى ترك الغناء أي سماع الغناء و الثانية ترك اعراض العالم بمعنى لا تحجي عليهم بلموزين اذا ما بدر منهم شي غلط وأن بدر حاول لا تحجي و مالك علاقة ولا تباوع(تنظر) الهم

مراح اطرق الهم من الناحية الشرعية لأن الكل يدري حرام هل أمور راح اطرق من الناحية العلمية المنطقية

- (الاغاني)

• أي بس اني ما اگدر اعوفهم، لا تاج راسي تگدر مثل ما تگدر تترك الجم إلي هو صحي الك و تترك بعض أنواع الأطعمة الي تحبهم من أجل صحتك و تترك التدخين وغيرها من الامثلة تگدر تترك الغناء لأجل صحتك ، شنو صحتي شدخلها؟؟ لا يعيني الها دخل و تگدر تتأكد من هل شي علمياً الي تسبب مشاكل سمعية و نفسية و سلوكية و تقليل التركيز و تشتت الذهن هاي كلها اضرار ما نحس بيها بس هي فعلياً موجودة مثل بحالة كتائب وتشغل أغاني حزينة هنا راح تزيد هم فوگ همك وهاي أبسط مثال على تأثير الحالة النفسية


- أعراض العالم لا تحجي بيهم لأن مو لعبة ، اي بس هي مو محتشمة؟ هي مو خوش انسانة وهي تسوي هيج حتى واحد يحجي عليها!!

• عذر اقبح من الفعل أخي أن كانت شريفة أو غيرها شراح يأثر من تحجي عليها تاخذ كلامك و تصلح ذاتها اذا كانت مو زينة؟
النصيحة خيراً من الكلام الجارح و ألف خير من طعن العرض
هنالك نص للأديب جبران خليل جبران (كل ساقي سيسقى بما سقى ولا يظلم ربك احدا)

أن كان هتك أعراض العالم عادي يمك فأبدي بنفسك و استر على عرض غيرك حتى الله يستر عرضك
انقلك على لسان ملك المنبر الحسيني باسم الكربلائي(عادة اليهتلكة ستر . . . صعبة يستر خواتة)

ذني الخطوات هي منطلق لبداية توفيق اللهي عظيم بأذن الله و من يبدي التوفيق أعتبر نفسك ماشي بلخط الصحيح في الدنيا و على نهج رسول الله و أمير المؤمنين علي

اقترح إلي موضوع تحب احجي بي

ان شاء الله اذا عجبني راح اقرأ علية و ادرس بي اكثر حتى اشرح الموضوع اسباب علاج صفات الخ وشكراً مقدماً💗

ما بيكم فايدة راح اشرح أني🗿💔
راح اشرح ليش جاي نمر باكتئاب وهل هنالك علاج لهل شي؟ من الناحية الدينية و العلمية و النفسية
راح اقرأ عن الموضوع و اسوي سكربت بسيط و سهل الفهم و أن شاء الله انشر بشكل صوت وليس كتابة حتى تشغل المقطع أو الصوت و تسمع وتفهم براحتك💗

ليتني كنت طيراً وأزور ضريحك نهاراً و ليلاً

معجزة ربانية، قادمة أليك تحمل كل ما رجوته🎀🤏

‏﴿وَمَا كَانَ اللَّهُ لِيُعْجِزَهُ مِن شَيْءٍ﴾

الصلاة ليست لأجل الله
الصلاة لأجلگ
الله لأ يحتاجگ إنت تحتاج الله.

﴿ ‏وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ﴾.

‏يُؤْتِكُمْ خَيْرًا مِّمَّا أُخِذَ مِنكُمْ🤍..

اللَّهُمَّ صَلِّ عَلَىٰ مُحَمَّدٍ وعَلىٰ آل مُحَمَّد🤍 .

﴿ تَوَفَنِي مُسْلِمًا وَأَلْحِقْنِي بِالصَالِحِينَ﴾.