بلنسبة للتحديث الجديد ios 13
وميزة الايموجيات الي بيه وطريقة تفعيلهن هي تفوت ع الرسائل بعد ما تحدث وتصمم الشخصية الي تحسها قريبة ع شكلك وبعد ما تخلص راح تنضاف للكيبورد وتكدر تعلق بيهن او تدزهن كرسائل لأصدقائك
واذا عندكم سؤال ع ميزة ثانيه فدزوها بلكروب مالتنه ❤️
ودمتم بخير
الكروب : @iphone_aleem_group
#عليم

شلونهم الطيبين ❤️
اكو موضوع حيل مهم ومن زمان اريد احجيلكم عنه وهو لمستخدمين الواتساب
اكو ميزة بلواتساب تخليك تفتح نفس حسابك ع غير جهاز تلفون جان او حاسبة والعملية ما تستغرق اكثر من ١٠ ثواني ووراها كل محادثاتك والصور البيهن والتسجيلات الصوتية وحتى جهات الاتصال ( الأسماء ) الي عندك حتكون ع جهاز الثاني
طبعاً ماكدر افوت بتفاصيل بس متاكد اكو ناس هنا تعرف هلميزة
ولمصلحة الكل ما انزل شلون طريقة استعمالها
لان قبل سنة شكو واحد اعرفه حتى لو مو معرفه قوية من جنت الزم تلفونه وانسخ الواتساب مالته ع تلفوني بدون ما يعرف شدا اسوي وارجع اشوفه بنفس اللحظة شلون ثواني قليله ممكن توكعه بمشاكل جبيره فشفت هوايه ناس ماتعرف هلشي ماعدا واحد من اصل ٢٠ تقريباً
المهم ديربالكم تنطون جهازكم لأي احد بدون ما تباوعون عليه شديسوي حتى لو جان احد قريب منكم لأن الخصوصية خصوصية ومو من حق اي احد يتطفل عليها الا اذا سمحله المقابل واكو شرح حنزله الكم للي ما يعرفوه هلأيام
من تنطي تلفونك لشخص ثاني تكدر تقلل من استعماله لجهازك يعني اذا راد يتصل تخلي ما يكدر يطلع من الاتصال اله برمز
ودمتم بخير ❤️
#عليم

شلونهم الشباب الطيبة ان شاءلله ربع ساعة وانزللكم شرح قفل التطبيقات والألعاب بدون جلبريك وبدون اي تطبيق خارجي وبطريقة سريعة ومبسطة
ومشتاقلكم وربي❤️
#عليم

شرح قفل التطبيقات برمز سري بدون جلبريك او تطبيق خارجي
بس الي ناقصه بلأخير وره ما يقفل التطبيق ويكلك ادخل رمز مدة الاستخدام او استعمله دقيقة اضافية
دوس دقيقة اضافية راح يفتح بدون رمز وره ما تخلص الدقيقة راح يبلش قفل التطبيق
ودمتم بخير ان شاءلله ❤️
#عليم

السلام عليكم
اليوم حاب اشرحلكم عن شي صارله اكثر من سنة موجود بلايفون بس شي حيل قوي ومهم
e-sim والي هو ميزة ال
او الشريحة المدمجة الألكترونية والي عن طريقها اذا جان جهازك xs وأصدار ios 13 فما فوق تكدر تفتح بكل جهاز 10 سيمكارتات وتستعمل 2 منهن وتبدل بيناتهن شوكت ما يعجبك وبدون ما يكون ايفونك انتاج الصين مثلاً من تسافر وتشتري خط ابدال متحير طبب سيمكارت وطلع سيمكارت تكدر تشتري شريحة الكترونية من شركة الأتصالات وهي عبارة عن كود تضيفه لجهازك من الأعدادت - خلوي - اضافة خطة
أو بس تفتح الكاميرا وتحطها ع كود وحيجيك اشعار أضافة و وراها تنزل تطبيق الشركة مال الأتصالات وتشترك بلي تحبه من نت او عروض
وطبعاً تكدر تتصل وادز رسايل حاله حال السيمكارت العادي
وهذا رابط الدول وشركات الأتصالات الي تدعم هلميزة وكالعادة الشركات العراقية اكبر من هلأمور وما تدعمها
بس الي يسافر او عايش خارج العراق حيل يفيده هلشي وان شاءلله تتوفر بلعراق قريباً مثل غير خدمات محرومين منها
https://support.apple.com/ar-ae/HT209096
#عليم

ثغرتين ب ios بنفس الفترة !
اول شي رمضان كريم وياربي ينعاد عليكم و على الأهل بخير وسلامة
اول ثغرة هي ثغرة موجودة بتطبيق الـ mail البريد مال جهازك وحيل خطيرة تشتغل عن طريق ارسال رسالة لبريدك راح توصل ومكتوب منكدر نعرض محتويات هاي الرسالة او هاي الرسالة ما تحتوي ع شي وهلثغرة تنطي لمستعملها تحكم كامل لأي جهاز يدزها اله والثغرة موجودة من ios 6 فما فوق
اما الثغرة الثانية فأغلبكم جربتوها أعتقد وهي الرسالة الي تحتوي ع علم ايطاليا وبعض الرموز والي تسوي كراش لجهازك وتخلي يطفه او يعلك ومتكدر تسوي اي شي بيه
حل الأولى توكفون استعمال البريد لحد ما تنزل أبل تحديث يعالج هلثغرة وتكدرون تستعينون بتطبيقات البريد حسب كل شركة من اب ستور
وحل الثانية للأجهزة من الأيفون 7 فما فوق هو تضغط زر الباور + زر أخفاض الصوت بنفس الوقت ولحد ما يطفه الجهاز ويرجع يشتغل وتطلع علامة أبل
وللأجهزة الأقدم فتضغط زر الباور وزر الهوم هم لحد ما يطفه وترجع تطلع علامة أبل
وبخصوص ثاني ثغرة ياريت محد يدز الرسالة او يحاول يجيبها لأن شي ضار ومحد يعرف شنو من مشاكل ممكن تسبب غير الكراش
وربي يحفظكم وين ما تكونون ♥️
#عليم

شرح بسيط عن تشغيل اليوتيوب بلخلفية عن طريق متصفح سفاري
تفتح اليوتيوب بلسفاري وتحول الصفحة الى صفحة كمبيوتر وتطلع وحيشتغل عندك بلخلفية وهلشي جداً مفيد ويوفر وقت وشحن وأعرف اكو تطبيقات تنزيل فديوات وصوتيات وتشغيل بلخلفية بس هذا يفيد الماعنده ذاكرة ويكدر يسوي جدول اغاني ويستمع الهن وحده وره الثانية بدون ما يشتغل شي من خارج اللستة وهذا شرح سريع للمايعرف شلون يحول الصفحة الى صفحة كمبيوتر
#عليم

#ios14 !!
بعد 10 سنوات من استعمالي للأيفون هاي اول مرة من فترة طويلة يبهروني بلنظام الجديد وأحسه هسه يلا صار ينافس مميزات الأندرويد ( بلمظهر ) وغلبها هم و طبعاً مميزات هواية انعرضت بلمؤتمر أعتقد اغلبكم شافها من ضمنها تشغيل اي تطبيق بشكل مصغر من أيقونة التطبيق نفسها !
وواحد من امثلة هلخاصية هي تفتح فديو مثلاً خلال انتقالك بين التطبيقات (مثل ما موجود بلأندرويد )
ومميزات ثانية تخص الحماية جداً مهمة مثل اذا برنامج معين دا يتبع موقعك او يتبع بحثك بلسفاري او تصفحك للتطبيقات كبل يجيك اشعار تسمحله او لا
أما الي جذب انتباهي منهن ميزة #carkey والي تخليك تستغني عن مفتاح سيارتك عن طريق نسخة على تلفونك بأستخدام خاصية NFC وتكدر تشغل وتطفي وتفتح وتقفل وتحكم شبه كامل من التلفون لسيارتك بس الأحلا هو من تكون بعيد تكدر ادز مفتاح سيارتك برسالة من تلفونك لصديقك او لأحد من اهلك ويكدر يفتح السيارة !
طبعاً نزلت النسخة التجريبية للمطورين وهذا رابط تحميلها ( بس بعد بيها أخطاء طبعاً ولازم تسوي نسخة احتياطية على الحاسبة قبل ما تبلش ) :
نصبه بعدين نزله
https://drive.google.com/file/d/1Gfc1Jz9CxVwg8diLiETCRfs2E32G5tcs/view
وشهر الجاي تنزل النسخة التجريبية للكل
وشهر التاسع تنزل النسخة الرسمية ومن المتوقع تدعم الأجهزة الي بلصورة 👇👇🏻
#عليم

هواي ناس يسئلوني ع الي بلنت من بيجات ع الفيسبوك او انستا او تليغرام والي يدعون يفتحون #ايكلاود اذا قفل
وباسعار مرات رخيصه ومرات غاليه
90% منهم حراميه وشغلهم يضحكون ع العالم البسيطة
وخصوصاً اهل البيجات البي بيها اكثر من 100 الف متابع
هذوله راتبهم اليومي ميقل عن ال 350 الف وكلها بلضحك ع الناس البسيطة
فلتثقون ابد باحد متعرفوه
وطرق الفتح مال ايكلاود ياما بطريقه رسميه او غير رسمية .
الغير رسميه هي الي يستعملوها اكثر المحلات الي تفتح ايكلاود وخصوصاً بشارع الربيعي - زيونة - بغداد
والرسمية هي عن طريق مراسله الدعم مال ابل والاتصال بيهم عن طريق Apple Support
وحسويلكم شرح بسيط عليه
#عليم

تطبيق ال Apple Support موجود بل اب ستور
وبلنسبة الي جداً مهم لان يخليك تتواصل بشكل مباشر ويه شركة ابل كتابه او مكالمه بحالة اذا عندك اي مشكلة بجهازك او بنظامك وبشكل سريع
تكدر تسئلهم عن اي شي يخطر ابالك وراح يجاوبوك مباشرة
طريقه استعماله اول شي تنزله وتسجل بيه بحسابك مال ابل ايدي وراها راح ينطيك خيارات المشكلة مثلاً اذا بلشحن او بلايكلاود او بلشاشه او بلحساب مالتك و الخ
وطبعاً تكدر تتصل عليهم اذا انطوك رقم الشركة الي بلولايات الامريكية عن طريق تطبيق Talktone لان هو ينطيك رقم امريكي وتكدر تتصل ع شركة ابل من داخل التطبيق مجاناً
📱
رابط Apple support
https://itunes.apple.com/us/app/apple-support/id1130498044?mt=8
📱
رابط Talkatone
https://itunes.apple.com/us/app/talkatone-wifi-text-calls/id397648381?mt=8
#عليم

نزول اصدار IOS 14 الأن وبشكل رسمي للجميع وللأجهزة من iPhone 6s فما فوق ! 😍
تكدرون تتأكدون من التحديث من الأعدادات - عام - تحديث الجهاز
وللأحتياط اخذوا نسخة احتياطية قبل ما تثبتوا ع أجهزتكم
ودمتم بخير
#عليم

خلل جديد في واتساب !!
حظر حسابك لمدة شهرين و بدون ما تكدر تستخدمه ابد خلال هلمدة ! بطريقة أي شخص ممكن يسويها الك
وهي عن طريق اضافتك لكروب والابلاغ عنك وطردك من الكروب وهلطريقة كاعدة تنتشر بشكل جبير ومؤذي
علاجها :
تفوت ع واتساب - اعدادات الواتساب( الي داخل التطبيق) - الحساب - الخصوصية - المجموعات - وتحط خيار جهات اتصالي
ودمتم بخير ❤️
#عليم

طريقة تنزيل أي فديو عن طريق الضغط مرتين ع الجهاز من الخلف فقط
اول تطبيق مال الأختصارات راح تلكاه بتلفونك موجود او نزله منا :
https://apps.apple.com/ae/app/shortcuts/id1462947752?l=ar

رابط الأختصار الي ينزلك الفديوات هو هذا (وأكو روابط ثانية هواية بس هذا الي لقيته أسرع شي) :
https://routinehub.co/shortcut/4448/
والتفاصيل الباقية موجودة بلفديو واذا اكو شي مو واضح دزو رسالة بلكروب او الي
@hussam_alrassam
وصار فترة ما مصور شروحات فيجوز تلكون بلفديو اخطاء بسيطة من ناحية التصوير♥️
والله ينطيكم الصحة والعافية وتدللون علينا🌹
#تعديل تم تحديث الاختصار لسبب توقف الأختصار القديم عند البعض
#عليم

شبابنا عيني الكل يدير باله بلنسبة للفيسبوك وخصوصاً بعد اخر تسريب الي صار لأكثر من 550 مليون مستخدم و 17 مليون من العراق والبيانات موجودة ودا تنباع
فالكل يغير رمزه ويفعل المصادقة الثنائية من الأعدادات الي داخل حسابك
الأعدادات - الأمان - التحقق بخطوتين - فعلوها وربطوها ع ارقامكم
لان صار يومين هواية ديجون وحساباتهم انسحبت والمشاكل بدت تزيد
فالله يرضى عليكم ديربالكم والما حيعرف او يريد تفاصيل بعد فهم موجودين بلكروب الشباب والبنات وكلش مدا يقصرون بلي يكدروله
والله يحفظكم أجمعين ❤️
#عليم

#زيادة_متابعين_انستا
شلون الطيبين مشتاقلكم والله 💜
اكو عروض انستا حلوة للي يحب
وكل الي احتاجه يوزرك
10k => 15 اسيا
50k => 65 اسيا
100k => 120 اسيا
ضمان نزول 30 يوم
اذا ينزل متابع واحد خلال هلشهر اعوضك
@hussam_alrassam
#العروض_مؤقتة
#عليم

عندك صورة لفلم وتريد تعرف اسمه او صورة ممثل ناسي اسمه
او اي صورة تريد تعرف اصلها
كل الي عليك تنزل هلبرنامج وتختار الصورة الي تريد تعرف عنها معلومات وهو حيبحثلك عنها
برنامج مفيد كلش

https://apps.apple.com/us/app/reversee/id875678494?_e_pi_=7%2CPAGE_ID10%2C2934522245
#عليم

مساء الخير
قناتي الثانية لكل الأمور الالكترونية من زيادة متابعين وترويج ويوزرات والخ وتقريباَ لكل التطبيقات والبرامج .. 💛
ويارب نكدر نرضيكم
معرف القناة = @aleem_store
#عليم

يمكن الميزة الوحيدة الي حسيتها عالمية من صدك بنظام IOS 15 وهي ميزة العثور ع الايفون حتى لو كان طافي ومو متصل بلأنترنت
#عليم

خلل عام يصيب كل خوادم الفيسبوك والانستا والواتساب
#عليم