Javoblar:

10. Xikkikomori
20. Ikebana
30. Jiu-Jitsu
40. Inemuri
50. Kirigami

Mavzu: Gormonlar/Neyrotransmitterlar

10. U–buyrak usti bezlari ishlab chiqaradigan, stressga javob beruvchi, metabolizm va immunitetni boshqaruvchi gormon.

20. U kayfiyat, uyqu, ishtaha va hissiy barqarorlikni tartibga soluvchi, asosan ichak hamda miyada ishlab chiqariladigan neyrotransmitter.

30. U stressga javobni xususan diqqat va hushyorlikni, qon bosimini boshqaruvchi, gormon hamda neyrotransmitter vazifasini bajaruvchi modda.

40. U—ijtimoiy bogʻlanish, ishonch, ayollarda tugʻruq jarayonini boshqaruvchi, gipotalamusda sintezlanib gipofizdan ajraladigan gormon.

50. U mushak qisqarishi, xotira, o‘rganish va nerv impulslarini uzatishni ta’minlovchi asosiy neyrotransmitterdir.

Javoblar:

10. Kortizol
20. Serotonin
30. Noradrenalin
40. Oksitatsin
50. Asetilxolin

Mavzu: Skandinaviya mifologiyasi
10. Skandinaviya mifologiyasidagi ulkan, qonli ko‘krakli qo‘riqchi it. U Xel saltanatiga kirishni qo‘riqlaydi, Ragnaryokda kishanidan qutulib, xudo Tir bilan jang qilib, ikkalasi ham halok bo‘ladi. Uni ayting.

20. Afsonalarga koʻra U dunyo daraxti Iggdrasil tanasi bo‘ylab yugurib, tepada yashovchi burgut bilan pastdagi ajdar Nidxyogg o‘rtasida haqoratli xabarlarni tashiydi.

30. U miflarda tasvirlangan ochko‘z ajdar. Avval mitti bo‘lgan, la'natlangan xazinani qo‘riqlash uchun ajdarga aylangan va qahramon Zigfird tomonidan o‘ldirilgan.

40. U tug‘ilgach tashlab yuborilgan yoki o‘ldirilgan chaqaloq ruhi sifatida ifodalanadi; kechalari odamlarni adashtirib, baxtsizlik va o‘limga yetaklaydi deb ishoniladi. U?

50. Ular Skandinaviya mifologiyasidagi oʻrmon parilari va tabiat himoyachilaridir. Ular sehrli kuchga ega, yovvoyi tabiatni asrovchi hamda ovchilik bilan shugʻullanuvchi erkin ruhlar sifatida tasvirlanadi. Ularni ayting.

Javoblar:

10. Garm
20. Ratatosk
30. Fafnir
40. Utburd
50. Zeligenslar

Mavzu: Mifologik buyumlar

10. Skandinaviya mifologiyasida momaqaldiroq xudosi Torning sehrli bolg‘asi. Tog‘larni ham parchalash qudratiga ega, uloqtirilgach egasiga qaytadi hamda himoya, baraka va muqaddaslik ramzi hisoblanadi.

20. Yunon mifologiyasidagi ilohiy qalqon yoki ko‘krak sovuti. Asosan Afina va Zevsga tegishli bo‘lib, Meduza boshi bilan bezatilgan, dushmanlarga dahshat soluvchi qudratli himoya ramzidir.

30. Skandinaviya mifologiyasida Odinning sehrli nayzasi. Mittilar tomonidan yasalgan, hech qachon nishondan adashmaydi, egasiga qaytadi hamda hokimiyat, donolik va ilohiy qudrat timsoli hisoblanadi.

40. Yunon mifologiyasida Germesning ramziy hassasi. Atrofini ikki ilon o‘rab turadi, tepasida qanotlari bor; tinchlik, savdo, muzokara va elchilik timsoli hisoblanadi.

50. Hind mifologiyasida Shivaning muqaddas uch tigʻli quroli. U yaratilish, saqlash va vayron qilish kuchlarini ifodalaydi, yovuzlikni yengish ramzi hisoblanadi.

Javoblar:

10. Myolnir
20. Egida
30. Gungnir
40. Kadutsey
50. Trishula

Mavzu: Film posterlari

10. Filmga ishlangan posterda granata halqasi brilliant koʻzli uzuk shaklida tasvirlangan. Qaysi film?

20. Film posterida qizil orqa fon bilan piska(lezviya) ustida yurib ketayotgan shilliqurt tasviri bor. Film?

30. Filmga ishlangan posterda erkaklar kostyumi soyabon shaklida oʻralganini koʻrasiz. Qaysi film?

40. Film posterida stakandagi suvning titrayotgani tasvirlangan. Qaysi film?

50. Film posterida oq fonda qonli oyoq izlari tasvirlangan. Qaysi film?

Javoblar:

10. Janob Smit va Smit xonim
20. Apokalipsis bugun
30. Kingsman
40. Yura davri parki
50. Oʻtda yonmas (Die hard)

Mavzu: Shoiralar

10. U rus adabiyotining Kumush asriga mansub shoira. Muhabbat, urush, qatagʻon va inson iztiroblarini chuqur tasvirlagan; "Rekviyem" dostoni bilan alohida mashhur

20. U shoira, yozuvchi va e'tirofiy she'riyatning yetakchi vakilidir. "Ariel" she'riy toʻplami hamda "The Bell Jar" romani bilan mashhur; ruhiy kechinmalarni chuqur badiiy ifodalagani eʼtirofga sazovor.

30. U oʻzbek sheʼriyatiga samimiy insoniy tuygʻu va fazilatlar — sevgi va sadoqat, mehr va muruvvatni tarannum etuvchi shoira, oʻzbek xotinqizlari orzu va armonlarining kuychisi sifatida kirib keldi. Uni shunchaki shoira deb atash balki ranjitgan boʻlardi.

40. U qadimgi yunon lirik she'riyatining eng buyuk vakillaridan biri boʻlib U ishq, goʻzallik va inson tuygʻularini kuylagan.

50. U eronlik shoira, yozuvchi va kinorejissyor. U zamonaviy fors sheʼriyatini yangilagan. Ayol erkinligi, muhabbat, yolgʻizlik va inson ruhiyatini dadil, falsafiy ohangda yoritgan.

Javoblar:

10. Anna Axmatova
20. Silvia Plat
30. Halima Xudoyberdiyeva
40. Sapfo
50. Furugʻ Farruxzod

Mavzu: Bayroqlar
Izoh: Bayroqqa taʼrif beriladi, formada davlat nomi

10. Oq fonda markazni egallagan katta qizil xoch, to‘rt chorakning har birida bittadan kichik qizil Bolnisi xochi tasvirlangan.

20. Oq fon ustida toʻqqiz gorizontal koʻk chiziq, chap yuqori burchakdagi oq kvadratda oltin rangli Quyosh tasvirlangan.

30. Bayroq sariq, ko‘k va qizil gorizontal uch rangdan iborat, markazdagi ko‘k tasma ustida yarim doira shaklida sakkiz oq yulduz joylashgan.

40. Bayroq diagonal bo‘ylab sariq va qizil ranglarga bo‘lingan, markazda oq ajdarho to‘rt panjasida qimmatbaho javohirlarni ushlab turadi.

50. Qizil fonda chap yuqoridan o‘ng pastga yo‘nalgan oq hoshiyali keng qora diagonal tasma bayroqni kesib o‘tadi.

Javoblar:

10. Gruziya
20. Urugvay
30. Venesuela
40. Butan
50. Trinidad va Tobago

Yengil mavzucha: Film posterlari
Izoh: Posterga taʼrif va film chiqarilgan yil beriladi. Formada film nomi

10. Ushbu filmga bagʻishlangan posterda uzun, yoʻl-yoʻl paypoqlarni koʻrasiz. 2016-yil.

20. Ushbu film posterida yashil gulli och pushti galstuk, uning ostida mayoq shaklidagi minora tasvirlangan. 2010-yil.

30. Film posterida erkaklar bosh kiyimi, qafasdagi qush va tabletkani koʻrish mumkin. 1975-yil.

40. Filmga bagʻishlangan minimalistik posterda qizil hushtak tasvirini koʻrasiz. 2013-yil.

50. Filmga ishlangan posterlardan birida turli rangdagi oltita galstuk rasmini koʻrish mumkin. 1992-yil.

Javoblar:

10. To seni topgunimcha
20. Laʼnatlanganlar oroli
30. Kakku uyasi uzra parvoz
40. Asiralar
50. Quturgan itlar

Mavzu: Javobda lotincha so'zlar

10.Yo'lga chiqish,yurish,deya tarjima qilinadi.Muayyan maqsad (ilmiy tadqiqot, arxeologik qidiruv, sayohat yoki harbiy vazifa)ni amalga oshirish uchun uyushtirilgan safar yoki guruhdir.

20.Shotlandiyalik Deniel Danglash Xyum Uni qilish qobiliyatiga ega edi.U-tortishish kuchini yengish, hech nimaga tayanmagan holda yer yuzasidan ko'tarilish demakdir.

30.Napaleon Bonapart,S.Dali,Eva Peron bu jarayonning qurbonlari sanaladi.Bu jarayon sabab Dalining mo‘ylovi hanuz saqlanib qolganmi,yo'qmi aniqlashgan,Bonapart Parijga ko'chirilgan,Eva Peron Italiya,so'ng Ispaniyaga ko'chirilgan,lekin keyin yana Argentinaga olib kelingan.

40.Tarjimasi: qarshi harakat.
Aka-uka Strugatskiylar tomonidan "Dushanba shanbada boshlanadi" asari uchun o'ylab topilgan va vaqt bo'ylab teskari yo'nalishdagi harakatni anglatuvchi tushuncha.

50.Tonga davlati bayrog'idagi qizil rang - Iso Masihning qurbon qilingandagi qon rangini, oq rang - poklik va tinchlikni, xoch belgisi - Tonga xalqining xristian diniga sodiqligini ifodalaydi. Bularni bilish va o'rganish Ushbu fanining vazifasidir.

Javoblar:

10. Ekspeditsiya
20. Levitatsiya
30. Eksgumatsiya
40. Kontramotsiya
50. Veksillologiya

41 ta xorijiy atamaning rasmiy o’zbekcha muqobili tasdiqlandi

Vazirlar Mahkamasi huzuridagi Atamalar komissiyasi tomonidan oʻzbek tili qoida va meʼyorlari asosida shakllantirilgan hamda rasmiy muomalaga kiritiladigan yangi soʻz va atamalarning ro’yxati e’lon qilindi.

Jumladan:

Антракт ➔ Tanaffus
Банкет ➔ Ziyofat
Брекеты ➔ Tishsim
Бренд ➔ Xosnom
Датчик ➔ Sezgich
Дедлайн ➔ So'ngmuddat
Декорация ➔ Sahnabezak
Миксер ➔ Qorg'ich
Палатка ➔ Chodir
Раковина ➔ Chanoq
Распродажа ➔ Arzonsotuv
Суфлёр ➔ Shivirchi
Фриланser ➔ Erkin ishchi
Эможи ➔ Hisbelgi
Хештег ➔ Kalitso'z
Хостел ➔ Qoʻnoquy


👉 @xushnudbek 👈

#quick_post

Idilliya–adabiy janr va tushuncha boʻlib, koʻpincha tabiat, qishloq hayoti bilan bogʻliq holda tinch, osoyishta hayot kechirishni anglatadi. Badiiy adabiyotda idilliya ideallashtirilgan osoyishta hayotni tasvirlovchi kichik sheʼriy asardir.

Karom – XVIII asrda Hindistonda vujudga kelgan, asosan Janubiy Osiyoda ommalashgan stol o‘yinidir. Tashqi ko‘rinishi va qoidalari jihatidan u bilyard hamda shashka elementlarini o‘zida birlashtiradi. Kvadrat shaklidagi yog‘och taxta burchaklarida to‘rtta teshik (luza) mavjud bo‘lib, o‘yinchilar maxsus og‘ir tosh (strayker) yordamida oq va qora disklarni turtib, shu teshiklarga tushirishga harakat qiladilar. O‘yindagi eng qimmatli qizil dona "qirolicha" deb ataladi.
Professional karomda eng yuqori mahorat koʻrsatkichi bu "slam" hisoblanadi. Agar oʻyinchi raqibiga biror marta ham navbat bermasdan, birinchi urishdayoq oʻzining barcha disklarini va qirolichani teshikka tushirsa — bu "Oq slam" deb ataladi. Agar raqibning birinchi xatosidan keyin stolga kelib, barcha disklarni xatosiz tushirsa — "Qora slam" deyiladi.
Baʼzida oʻyinda donalar harakatini osonlashtirish maqsadida doska ustiga kukun sepiladi.

📍 Intelligence