Inson yoshlik yillarida juda taʼsirchan boʻladi. Otamdan eshitgan, uzoq vaqt xotiramda muhrlanib qolgan bir maslahatni sira unuta olmayman.
– Basharti, birdan birontasining ustidan hukm chiqarishni xohlab qolsang, – degan edi u, – dunyodagi hamma kishilar ham sen kabi ustunlikka ega emasligi yodingda boʻlsin

Buyuk Getsbi

Mazkur voqeanoma tagida yotgan gʻalatiroq hodisalar 194...-yili Oranda boʻlib oʻtgan. Koʻplarning fikricha, bunaqa voqealar mazkur shaharga sira mos kelmaydi, chunki maʼlum maʼnoda gʻalatiroq, quyushqonga sigʻmaydi. Va chindan ham, Oran, bir qaraganda, – rasmana shahar, Jazoir qirgʻoqlaridagi farang prefekturasining bir nusxasi, xolos.

Vabo?

Olov yonayotgan narsalarni oʻz domiga olib, ularni qoraytirib, kuydirishini va shaklini oʻzgartira borishini tomosha qilish zavqli edi. Ulkan ilon atrofga zaharli kerosin purkar, tomirlarida qon joʻsh urar, jez poynakni mahkam siqqan qoʻllari esa kultepaga aylangan juldur tarixni yondirib yoʻq qilish simfoniyasini ijro etayotgan dirijyor kabi harakatlanardi

Farangeyt boyicha 451 daraja

Oʻtgan asrning soʻnggi kuzi Qorabuloqqa ochiq chehra bilan keldi. Uning gulgun siymosidan uzoq vaqtlargacha nur arimadi. Axiri oktyabr oyi ham tugadi, oʻrik yaproqlari sovuqda oʻynagan yosh bolaning loʻppi yuziday qizardi, shunda ham osmonda biron parcha bulut koʻrinmadi. Kunduzlari quyosh saratondagiday qizdirib turdi. Dehqon osmonga qarab yaxshi havodan quvonsa, yerga qarab moʻl hosildan suyunadi. Dalalarda ish qaynaydi: kimlar paxta teradi, kimlar beda oʻradi, kimlar shudgor qiladi.

Farg'ona tong otguncha?

Arxangelsk yapon otryadini xushlamay kutib oldi. Bahor qariyb yarimlab qolgan boʻlsa-da, hali atrofda iliqlik va tabiat jonlanishi sezilmasdi. Oq dengizdan keskin, izgʻirin shamol esar, hatto issiq kiyimlar ham ayozdan qutqara olmayotgandi. Shimoliy Dvina suvining yuzasi koʻpiklanar va toʻlqinlar mavj urardi.

Yapon zobiti

Duxtr Shtraus bugun nmani bilsam va oʻylasam va nma esmda boʻlsa hammasini yozishm kerekligini aytti. Nmaga kerekligini bilmiman lekin uni aytishicha ularga togʻri kelamanmi yoʻqmi bilsh uchin muximakan. Ularga mos kelaman dep umid qlaman chunki Kinnian xonim meni aqilli qilshlarini aytti.

Eljernonga atalgan gullar

Oʻttiz toʻrt qavatdan iborat pastqam, kulrang bino. Asosiy darvozasiga “Markaziy London Inkubatoriysi va Moslashtirish Markazi” degan peshlavha osilgan, geraldik qalqon yuzida esa Butunjahon Mamlakati shiori – “Jamoa, Oʻxshashlik, Barqarorlik” aks etib turibdi.

Ajib yangi dunyo

Tehron osmoni nur bilan toʻyinadi. Shahar uzra olovrang tuman tushib, quyosh nurini sindiradi. Qalin va oʻynoqi zarrachalar har bir burchakka yetib borib, odamning burnini kuydirib, koʻzini qamashtiradi. Koʻchalar qora tutun burqsitib chiqarayotgan mashinalarga toʻla. Tutun mashinadan chiqqach havoga yengilgina koʻtariladi-yu, muallaq qoladi.

Pod:
Muallif jurnalist ayol

Shaharmi?

Yolgʻonlar shahri (Ramita Navai)

har qadamim pod edikan)

Odam bolasining ko‘zidan yosh chiqmasa qiyin ekan. Yurak bag‘rini o‘rtagan alamlar shu ko‘z yoshi bilan chiqib ketadi. Kimki faryod urib yigʻlay olmasa, ko‘zidan yosh chiqazolmasa, alamlarini ichiga yutsa – dardga chalinadi. Shuning uchun keksalar alam o‘rtagan kishiga, yigʻla, ko‘nglingni bo‘shat, deydilar. Bu gapda hikmat ko‘p.

Jimjitlik