❗️❗️❗️Erməni bloqer İşxan Verdyan İlham Əliyevdən sığınacaq istəyib

Erməni bloqer İşxan Verdyan Azərbaycan Prezidenti İlham Əliyevə müraciət edərək siyasi sığınacaq istədiyini açıqlayıb.

O, Qarabağı Azərbaycanın ərazisi kimi tanıdığına görə Ermənistanda ona qarşı cinayət işi açıldığını və ömrülük həbs cəzası ilə təhdid edildiyini bildirib. Verdyanın sözlərinə görə, Ermənistana qayıdışı qaçılmaz olaraq həbsinə səbəb olacaq və barəsində beynəlxalq axtarış elan edildiyi üçün başqa ölkələrdə də sərbəst hərəkət edə bilmir.

Bu səbəbdən o, mövcud reallıqları nəzərə alaraq Azərbaycandan siyasi sığınacaq verilməsini xahiş edib.

@insanoidcom

⚡️⚡️⚡️Ağadadaş Ağayevə hökm oxunub

Binəqədi Rayon Məhkəməsində hakim Vüsal Tağıyevin sədrliyi ilə keçirilən prosesdə hökm oxunub.

Hökmə əsasən, Ağadadaş Ağayevə 2 il müddətə azadlıqdan məhrumetmə cəzası təyin edilib. Cinayət Məcəlləsinin 70-ci (şərti məhkum etmə) maddəsi tətbiq edilməklə Ağadadaş Ağayevə təyin edilən cəza şərti hesab edilib. Ona 1 il sınaq müddəti təyin edilib.

@insanoidcom

🔥🔥 Sumqayıtda tikilidə yanğın başlayıb

Sumqayit24.аz xəbər verir ki, hadisə 2 nömrəli Şəhər Xəstəxanası yaxınlığındakı tikilidə qeydə alınıb. Hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğınsöndürənləri və texnikası cəlb olunub.

Bildirilib ki, hazırda yanğının söndürülməsi istiqamətində tədbirlər davam etdirilir.

@insanoidcom

🔴Direktor müəllimləri təhqir etdi: “Hinduşkabaşlar”

Paytaxtın Biləcəri qəsəbəsində yerləşən 301 nömrəli tam orta məktəbin müəllimləri direktor Sevda Sarıyevanın dərs saatlarını rüşvətlə bölüşdürdüyünü iddia edirlər.

@insanoidcom

🔥❌🚒 Sumqayıtda Reabilitasiya Mərkəzində baş verən yanğın söndürülüb

@insanoidcom

🚨🚨🚨 Azərbaycanda iki ay əvvəl itkin düşən balıqçının meyiti tapılıb

Cenublu.аz xəbər verir ki, İranda sosial şəbəkələrdə balıqçı meyitinin tapılması barədə xəbər paylaşılıb. Ehtimal olunur ki, həmin şəxs Lənkəranda itkin düşən balıqçıdır.

Bir neçə saat öncə İranın sosial şəbəkələrində Ənzəli limanında balıqçı meyiti tapılması barədə şəkil paylaşılıb. Həmin meyitin Lənkəranda itkin düşmüş hesab edilən balıqçılardan biri - Mahmud İbayevin cəsədi olduğu ehtimal olunur. Belə ki, M.İbayevin qardaşı Rəşad İbayev şəkildə qardaşının cəsədinin əks olunduğunu təsdiq edib:

"Mən şəklə baxdıqda meyitin üzərindəki kombinezon, qara köynək və əlcəklərdən onun qardaşım olduğunu anladım. Dövlətimizdən qardaşımın meyitinin İran tərəfdən təhvil alınması üçün kömək istəyirik. Nə qədər orada cəsədi dəfn etməyiblər biz təhvil ala bilək ki, özümüz dəfn edək."

Qeyd edək ki, Lənkəranda balıqçılar, Siyavar kənd sakinləri - 1984-cü il təvəllüdlü Mahmud Əbdüləli oğlu İbayev və 1968-ci il təvəllüdlü Nazim Səməd oğlu Abbasov bu ilin yanvar ayında Xəzərin Lənkəran sularında itkin düşmüşdülər.

@insanoidcom

🇦🇿🇹🇷 Azərbaycan Prezidenti İlham Əliyevin Türkiyəyə işgüzar səfəri başa çatıb

Ankaranın Esenboğa Hava Limanında dövlət başçısının şərəfinə fəxri qarovul dəstəsi düzülüb.

Prezident İlham Əliyevi Türkiyənin maliyyə naziri Mehmet Şimşek və digər rəsmi şəxslər yola salıblar.

@insanoidcom

🚛⛓️Avtosisternlərin arxasındakı zəncir nəyə xidmət edir?

Yanacaqdaşıyan sisternlərin arxasında yerlə təmas edən zənciri yəqin çoxları görüb. Lakin çox adam bu detalın necə vacib funksiya daşıdığını bilmir.
Yanacaqdaşıyan avtomobil hərəkət etdikdə çəndəki tezalışan maddənin hərəkəti statik elektrik yaradır. Bu elektrik toplanaraq qığılcım əmələ gətirə və dəhşətli yanğın törəyə bilər. Lakin yerlə sürünən zəncir bu elektriki tədricən torpağa ötürür və yanğının qarşısını alır.

Bu zəncirin olmaması qayda pozuntusudur.

@insanoidcom

⚡️⚡️⚡️⚡️⚡️Ölkəyə narkotik gətirən PUA zərərsizləşdirildi

Dövlət sərhədində müşahidə edilən uçuş aparatı zərərsizləşdirilib.

Insanoid.com xəbər verir ki, bu barədə Dövlət Sərhəd Xidmətinin Mətbuat Mərkəzi məlumat yayıb.

Bildirilib ki, mart ayının 4-də Dövlət Sərhəd Xidmətinin Sərhəd Qoşunları Komandanlığının “Göytəpə” sərhəd dəstəsinin xidməti ərazisindən ümumi çəkisi 515 qram narkotik vasitə heroinin kiçik həcmli PUA vasitəsilə ölkə ərazisinə keçirilməsinin qarşısı alınıb.

Faktla bağlı əməliyyat-istintaq tədbirləri davam etdirilir.

@insanoidcom

🇰🇿🌊Qazaxıstanlı bloger Azamat Sarsenbayev Xəzərin Aktau sahilinin 2018 və 2025-ci illərdə çəkilən videogörüntülərini paylaşıb

Görüntülərdə Xəzər dənizinin suyunun sürətlə azalması əyani şəkildə əks olunub.

@insanoidcom

🇦🇲🇦🇿Ermənistan silahlı qüvvələrinin generalı Azərbaycana qarşı döyüşdüyünü məhkəmədə etiraf edib - FOTO

@insanoidcom