လေးကေစခန်းက ဂျန်ဘာတွေ အဖျက်ဆီးမခံရမီ စစ်သားတွေကဒရုန်းလာတာကိုကပြ

■ဂျန်ဘာ ဖျက်ဆီးပြီးနောက် ဒရုန်းဗုံးသီး နှစ်ရာနီးပါးကြဲခံရ

ဧပြီလ ၁၃ ရက်

မွန်ပြည်နယ်၊ဘီးလင်းမြို့နယ်၊လေးကေတပ်စခန်းကိုPDF တွေနဲ့ မဟာမိတ်တပ်တွေကထိုးစစ်ဆင် တိုက်ခိုက်ခဲ့ရာ စခန်းမကျမီ စစ်သားတွေက တော်လှန်ရေးရဲဘော်တွေရဲ့ ဒရုန်းလာတာကို ကပြခဲ့တဲ့ ရုပ်သံကို စစ်ဆင်ရေးမှာ ပါတဲ့ ဒရုန်းတပ်ဖွဲ့ Rebel Bees - UAV Forceက ဒီကနေ့ ထုတ်ပြန်ပြသခဲ့ပါတယ်။

လေးကေစခန်းကို ဧပြီ ၇ရက်မှာ စတင်ထိုးစစ်ဆင်ခဲ့ရာ ဧပြီ ၁၂ရက်မနက်မှာ အပြီးသတ်သိမ်းနိုင်ခဲ့တာလို့ အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနကထုတ်ပြန်ထားပါတယ်။

လေးကေတပ်စခန်းကို ဒရုန်းနဲ့ ထိုးစစ်ဆင် တိုက်ခိုက်စဉ် စစ်တပ်ရဲ့ ဂျန်ဘာတွေကို ပူးပေါင်းတပ်က ရှာဖွေ ဖျက်ဆီးခြင်းမပြုမီ စစ်သားတွေက ကပြခဲ့တာကို Rebel Bees - UAV Forceက ဧပြီ ၁၃ ရက်မှာ ရုပ်သံနဲ့တကွထုတ်ပြန်တာပါ။ ထုတ်ပြန်တဲ့ ရုပ်သံမှာကတုတ်ကျင်းထဲက စစ်သား ၃ဦးအနက် ၂ဦးက ကပြတာ၊ ကပြနေတဲ့ အထဲက စစ်သား ၁ဦးက အနီးရှိ တပ်သားဆီက လက်နက်ယူပြီး ဒရုန်းကို ပစ်ခတ်တာ တွေ့ရပါတယ်။

အဲဒီလို ကပြတဲ့ မြင်ကွင်းနောက်ပိုင်းမှာတော့ တော်လှန်ရေးတပ်တွေရဲ့ ဒရုန်းတိုက်ခိုက်မှုကြောင့် တပ်စခန်းတွင်း နေရာ၊ အဆောက်အအုံတွေ ဒရုန်းဗုံးထိမှန်ပျက်စီးတာ၊ ဒရုန်းထိမှန်ပြီး ဒဏ်ရာရပြီး ကိုယ်တုံးလုံးနဲ့ အဖမ်းခံရတဲ့ဒုတပ်ရင်းမှူး အပါ
အဝင် စစ်သား ၂ဦးကို အရှင်ဖမ်းမိတာ တွေကိုလည်းရုပ်သံမှာဖော်ပြထားပါတယ်။

တော်လှန်ရေးပူးပေါင်းတပ်အနေနဲ့ လေးကေစခန်းက ဂျန်ဘာတွေကို ဖျက်ဆီးပြီးနောက် ဒရုန်းဗုံးသီး ၂၀၀ခန့် ကြဲခဲ့ကြောင်းလည်းထုတ်ပြန်ပါတယ်။

စစ်ဆင်ရေးကို Rebel Bees အပါအ၀င် PDF, KNLA,KNDO, ABSDF, FFD နဲ့ BPLA အပါအ၀င် ပူးပေါင်းတပ်များ စုစည်း ဆင်နွှဲခဲ့ကြတာဖြစ်ကြောင်း အသိပေးထားပါတယ်။

NUG ကာကွယ်ရေးဝန်ကြီးဌာနရဲ့ ထုတ်ပြန်ချက်အရ စခန်းသိမ်းတိုက်ပွဲအတွင်းစစ်တပ်မှ ဒုတပ်
ရင်းမှူး အောင်သော် နဲ့ အခြားအဆင့် ၁ ဦးအပါအဝင် (၂)ဦးက်ို စစ်သုံ့ပန်းအဖြစ် ဖမ်းဆီးရရှိခဲ့ပြီးစစ်တပ်မှ ၁၃‌ ယောက်ထက်မနည်း သေဆုံးခဲ့တယ်လို့ ဖော်ပြတယ်။ ဒါအပြင်စစ်တပ်ကစစ်သား
၄၀ ဦးခန့် ထိခိုက်ဒဏ်ရာရရှိပြီး‌နောက် စခန်းစွန့်ခွာ ထွက်ပြေးသွားခဲ့သည်။

တိုက်ပွဲအတွင်းငါကြင်းမြီး (၁) လက်၊ MA2 (၁) လက်၊ ၆၀မမ (၁) လက်၊ ၆၀မမသီး (၂၉) လုံး၊ ၄၀မမသီး (၇၅) လုံး၊ ၅.၅၆ကျည် (၄၀၀၀)တောင့်၊ ဂျန်မာစက် (၃) လုံး၊ ဆက်သွယ်ရေးအထိုင်စက် (၄) လုံး၊ မီးစက် (၁) လုံးနဲ့ စစ်သုံးပစ္စည်းတွေသီမ်းဆည်းရရှိတယ်လို့ အထူးတိုင်းစစ်ဒေသကအသိပေးပါတယ် ။

လေးကေစခန်းသိမ်းတိုက်ပွဲကိုပြည်သူ့ကာကွယ်
ရေးတပ်မတော်၊ အထူးတိုင်းစစ်ဌာန၊ နည်းဗျူဟာ (၃၇) ကွပ်ကဲမှုအောက်ရှိ တပ်ရင်းများ၊ နည်း
ဗျူဟာ (၂၇) ကွပ်ကဲမှုအောက်ရှိ တပ်ရင်းများ၊ အထူးစစ်ဆင်ရေးတပ်ဖွဲ့-SOF၊ ရန်ကုန်တိုင်း ပကဖ တိုက်ခိုက်ရေးစစ်ကြောင်း၊ UOC စစ်ကြောင်း၊ FFD ဒရုန်းတပ်ဖွဲ့၊ ရောင်နီဒရုန်းတပ်ဖွဲ့၊ Cloud Wings ဒရုန်းတပ်ဖွဲ့၊ KRF ဒရုန်းတပ်ဖွဲ့၊ KNU တပ်မဟာ (၁) ရှိ KNLA တပ်
ရင်းများ၊ ABSDF တပ်တို့ ပူးပေါင်း တိုက်ခိုက်သိမ်းပိုက်ခဲ့ခြင်းဖြစ်ကြောင်းဖော်ပြထားပါတယ်။

ဒါအပြင်ထွက်ပြေးသွားတဲ့ စစ်သားတွေကို လိုက်
လံတိုက်ခိုက်ခဲ့ရာ ၇ဦးသေ၊ ၂ဦး အရှင်ဖမ်းမိပြီး လက်နက်ခဲယမ်းတွေ သိမ်းရခဲ့ကြောင်းပြည်သူ့ကာကွယ်ရေးတပ်မတော်၊ အမှတ် (၁) စစ်ဆင်ရေးနယ်မြေ၊ အထူးတိုင်းစစ်ဌာနက ဒီကနေ့ (ဧပြီ ၁၃) မှာ သတင်းထုတ်ပြန်ပါတယ်။

MA4 ပူးတွဲ (၁) လက်၊ MA2စက်လက် (၁) လက်၊ MA3 (၄) လက်၊ MA1 (၃) လက်၊ ၅ဒသမ ၅၆ ကျည် (၁၂၀၀) တောင့်၊ ငါကြင်းမြီးကျည် (၂၀၀) တောင့်၊ လက်ပစ်ဗုံး (၅) လုံး၊ ကျည်ဘောက် (၁၀) ခု၊ စကားပြောစက် ၁လုံး နဲ့ စစ်သုံးပစ္စည်းအချို့ ဖြစ်ကြောင်း ဖော်ပြထားပါတယ်။

ရုပ်သံ- Rebel Bees - UAV Force
#LNO
#HlaingInfo

အိန္ဒိယ-မြန်မာနယ်စပ်မှာ ကူကီးအမျိုးသားတပ်မတော်၊မြန်မာပြည် ( KNA-B) တပ်ဖွဲ့ဝင် ၄ ဦးသတ်ဖြတ်ခံရ

ဧပြီလ ၁၃ ရက်

အိန္ဒိယနိုင်ငံ၊ မဏိပူရ်ပြည်နယ်နဲ့ မြန်မာနယ်စပ်မှာ ကူကီးအမျိုးသားတပ်မတော်၊မြန်မာပြည် ( KNA-B) တပ်ဖွဲ့ဝင် ၄ ဦးသတ်ဖြတ်ခံရတယ်လို့ ဒေသတွင်းသတင်းမှာဖော်ပြထားပါတယ်။

အိန္ဒိယ-မြန်မာနယ်စပ်မှာ နာဂလင်အမျိုးသားဆိုရှယ်လစ်ကောင်စီ (NSCN-IM) လို့ ယူဆရတဲ့ သံသယရှိ ဖွယ်အဖွဲ့ဝင်များနဲ့ ကူကီးအမျိုးသားတပ်မတော်၊ မြန်မာပြည် (KNA-B) တို့ကြား ဒီကနေ့မှာ ထိတွေ့တိုက်ပွဲဖြစ်ပွား ခဲ့ပြီး KNA-B တပ်ဖွဲ့ဝင် ၄ ဦးသေဆုံးခဲ့တာလို့ သတင်းများထွက်ပေါ်လာခြင်းဖြစ်ပါတယ်။

Kuki National Army–Burma (KNA-B) ဟာ မြန်မာနိုင်ငံအတွင်းရှိ ကူကီး (Kuki) လူမျိုးကို ကိုယ်စားပြုတဲ့ လက်နက်ကိုင် အဖွဲ့အစည်းတစ်ခုဖြစ်ပြီး ကူကီးလူမျိုးရဲ့ အခွင့်အရေး၊ လုံခြုံရေးနဲ့ ကိုယ်ပိုင်အုပ်ချုပ်ခွင့် ကို ကာကွယ်ဖို့ ရည်ရွယ်ထားတဲ့ လက်နက်ကိုင်အဖွဲ့တစ်ခုဖြစ်ကြောင်းသိရပြီး အိန္ဒိယနိုင်ငံ၊ မဏိပူရ်ပြည်နယ်နဲ့ မြန်မာ နယ်စပ် ၊ စစ်ကိုင်းတိုင်းထဲမှာ အဓိက အခြချလှုပ်ရှားတဲ့အဖွဲ့အစည်းလို့သိရပါတယ်။

ကိုးကား - Ukhrul Times
#ZL
#HlaingInfo

မြန်မာနိုင်ငံတစ်ဝန်း စစ်ကောင်စီတပ်ဖွဲ့ဝင် ၈ ဦးသေဆုံး

ဧပြီလ ၁၃ ရက်

မြန်မာနိုင်ငံတစ်ဝန်း ဧပြီလ ၁၃ ရက်နေ့ ရရှိထားသော အချက်အလက်များအရ စစ်ကောင်စီ တပ်ဖွဲ့ဝင် ၈ ဦး သေဆုံးကြောင်း ပြည်သူ့ကာကွယ်ရေးတပ်ဖွဲ့များ၏ ထုတ်ပြန်ချက်နှင့်ပြောဆို ချက်များအရ သိရှိရသည်။

ရန်ကုန်ခေတ်သစ်အနေဖြင့် နေ့စဉ် စစ်သား သေဆုံးမှု စာရင်းများကို ထုတ်ပြန် ရာတွင် ဒေသကာ ကွယ်ရေးတပ်ဖွဲ့များ၏ ထုတ်ပြန်ချက်များနှင့် ပြောဆိုချက် များကို စုစည်းဖော် ပြရခြင်းဖြစ်ပြီး မြေပြင် အခြေအနေတွင် အမှန်တကယ် စစ်သားများ သေဆုံးမှု ရှိ၊ မရှိ ကွင်းဆင်း အတည်ပြုနိုင်ခြင်း မရှိသည်ကို သိစေအပ်ပါသည်။

#KTM
#HlaingInfo

‼️ ဧပြီလ ၁၃ ရက်နေ့ ၊ နေ့စဉ် သတင်းအကျဉ်းချုပ်‼️

01-အကြမ်းဖက် မင်းအောင်လှိုင် သမ္မတဖြစ်လာသည့် အထိမ်းအမှတ်အဖြစ် တစ်နိုင်ငံလုံးတွင် လမ်းလျှောက်  သင်္ကြန်ပွဲတော်များဖြင့် စည်စည်ကားကား နှစ်သစ်ကူးရန် ညွှန်ကြားထားကြောင်း နေပြည်တော်စစ်ဘက်သတင်းရင်းမြစ်ထံမှ သိရှိရသည်။

02-အိန္ဒိယနိုင်ငံ မူးယစ်ဆေးဝါးထိန်းချုပ်ရေးအဖွဲ့ (NCB) က မြန်မာနိုင်ငံအခြေစိုက် မူးယစ်ဆေးဝါးဖြန့်ချိသူ အဓိကတစ်ဦးဖြစ်တဲ့ Lalhmingsanga ကို ဖမ်းဆီးနိုင်ခဲ့ကြောင်း ထုတ်ပြန်ပါတယ်။

03-KNU အမှတ်၅တပ်မဟာ ထိန်းချုပ်နယ်မြေ ဘူးသိုမြို့နယ်အတွင်း ဧပြီလ ၁၀နှင့်၁၁ရက်နေ့တွင်အကြမ်းဖက်စစ်ကောင်စီမှဂျက်ဖိုက်တာဖြင့်ပေါင်၅၀၀ဗုံးသီး၄လုံးလာရောက်ကြဲချခဲ့တယ်လို့ KNUအမှတ်၅တပ်မဟာ ပြောရေးဆိုခွင့်ရှိသူ ဗိုလ်မှူးကြီးစောကလယ်ဒို့မှပြောသည်။

04-ရန်ကုန် နဲ့ မန္တလေးလို မြို့ကြီးတွေမှာခရမ်းလွန်ရောင်ခြည် အညွှန်းကိန်းပျမ်းမျှ (၁၁) ကို ရောက်ရှိ နေပြီး နေ့လယ်ပိုင်း အချိန်များအတွင်း နေရောင်အောက်မှာ လုပ်ဆောင်ရမယ့် လုပ်ငန်းတွေကို လျော့ချသင့်တယ်လို့ လူမှုရေးရာ၊အလုပ်သမားနှင့် လူသားချင်းစာနာထောက်ထားရေးဝန်ကြီးဌာနက ထုတ်ပြန်ပါတယ်။

05-အမျိုးသားညီညွတ်ရေးအစိုးရ ၊ လူ့အခွင့်အရေးဆိုင်ရာဝန်ကြီးဌာနက “အခြေခံ လူ့အခွင့်အရေး ချိုးဖောက်မှု မှတ်တမ်းတင်ခြင်းဆိုင်ရာ သင်တန်း” ကို ဧပြီလ ပထမအပတ်အတွင်းမှာ ၃ ရက်ကြာ ပြုလုပ်ခဲ့တယ်လို့ ထုတ်ပြန်ထားပါတယ်။

06-အကြမ်းဖက် မင်းအောင်လှိုင်က သမ္မတ ရာထူး အတင်းအကျပ် ရယူမှုအပေါ်   တရားဝင် အသိအမှတ်မပြုရန် အာဆီယံဥက္ကဋ္ဌ ဖိလစ်ပိုင်အစိုးရကို အာဆီယံပါလီမန်အမတ်များလူ့အခွင့်အရေးအဖွဲ့- APHRက  ယမန်နေ့ တိုက်တွန်းလိုက်သည်။

07-စစ်ကိုင်းတိုင်း၊ ယင်းမာပင်ခရိုင်၊ ဆားလင်းကြီးမြို့နယ် တရုတ်ပိုင် ယန်စီကြေးနီစက်ရုံကို လုံခြုံရေးယူ ဂိတ်စောင့်ပေးနေတဲ့ အဏာသိမ်း စစ်အုပ်စု လက်နက်ကိုင် အင်အား ၁၀၀ လောက်ဟာ ဆားလင်းကြီးနယ်ထဲ ရွာစဉ်ပတ်မွှေ စစ်ကြောင်းထိုးနေပြီး ဖမ်းမိတဲ့ပြည်သူတွေကို သတ်ဖြတ်၊ ငွေညှစ်တာ၊ နေအိမ်ဖောက်ထွင်း ခိုးယူမီးရှို့တာတွေ မလုပ်သေးဘဲ ရွာခံပြည်သူတွေ ထွက်မပြေးဘဲ အိမ်မှာပဲ နေကြဖို့ ချော့မော့စည်းရုံးနေတယ်လို့ ဒေသခံ သတင်းရင်းမြစ်တွေက MFP ကို ပြောပါတယ်။

08-အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် TRI ဗျူဟာ၊ ဗျူဟာအမှတ် (၉၃) နဲ့ မကွေးပြည်သူ့ကာကွယ်ရေးတပ်မတော် (MAGWAY PDF) တို့ ပူးပေါင်းပြီး ရဲဘော်တွေရဲ့စစ်ရေးစွမ်းရည်နဲ့ဦးဆောင်မှုကဏ္ဍ မြှင့်တင်နိုင်ဖို့ ရည်ရွယ်ဖွင့်လှစ်ခဲ့တဲ့ NCO (အကြပ်သင်တန်း) သင်တန်းဆင်းပွဲအခမ်းအနားကို ဧပြီ ၁၁ မှာ ပြုလုပ်ခဲ့ကြပါတယ်။

09-မြန်မာအကျပ်အတည်း အဆုံးသတ်စေရေးအတွက် ကူညီပံ့ပိုးပေးရန် အမေရိကန်ပြည်ထောင်စုက ဆက်လက်သံန္နိဋ္ဌာန်ချထားကြောင်းနိုင်ငံခြားရေးဝန်ကြီး မာကို ရူဘီယို ကဆိုသည်။

10-မကွေးတိုင်း၊ ပေါက်မြို့နယ်နှင့် ပဲခူးတိုင်း၊ ကျောက်ကြီးမြို့နယ်အတွင်းရှိ အရပ်သားပြည်သူများ နေထိုင်ရာ ကျေးရွာများကို စစ်ကောင်စီတပ်က လေကြောင်းမှတစ်ဆင့် ဗုံးကျဲတိုက်ခိုက်ခဲ့သဖြင့် နေအိမ်များ ပျက်စီးဆုံးရှုံးမှုများ ရှိခဲ့ကြောင်း ဒေသခံများ၏ ပြောဆိုချက်နှင့် KNU ဗဟို၏ ထုတ်ပြန်ချက်အရ သိရသည်။

11-ကချင်ပြည်နယ်၊ တနိုင်းမြို့နယ်အတွင်းရှိ တုံမဏီရွှေမှော်တွင် ဘာသာရေးကို အကြောင်းပြကာ လောင်းကစားပွဲများကို အကြီး အကျယ် ကျင်းပနေပြီး ယင်းသို့ကျင်းပနိုင်ရန်အတွက် ဒုရဲမှူးကြီး  ကျော်မြင့်ရွှေ၊ စစ်တပ်၊ ရဲတပ်ဖွဲ့ အပါအဝင် ဌာနဆိုင်ရာ တာဝန် ရှိသူများကို သိန်းရာချီ လိုင်းကြေးပေးဆောင်ထားရကြောင်း ဒေသသတင်းရင်းမြစ်က ရန်ကုန်ခေတ် သစ်သတင်းဌာနထံသို့ ပြောဆိုသည်။

12-မကွေးတိုင်း၊ ပခုက္ကူမြို့နယ်၊ မြောက်လူးကန်ရွာကို အကြမ်းဖက် စစ်တပ်က မီးရှို့ဖျက်ဆီးခြင်းကြောင့် စာသင်ကျောင်း အပါအဝင် ရွာလုံးကျွတ် နီးပါး မီးလောင်ပြာကျခဲ့ပြီး မီးသတ်ကို အကြောင်းကြားခဲ့သော်လည်း လာရောက် ငြိမ်းသတ်ခြင်းမရှိကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

13-တော်လှန်ရေးအဖွဲ့အစည်းများအတွက် ရရှိနေသော အခွင့်အရေးမှာ နည်းသမျှနည်းလာနေ၍ နွေဦးတော်လှန်ရေးအဖွဲ့အစည်းများ၊ တော်လှန်နေသူများအနေဖြင့် နေ့မအား၊ ညမအား ကြိုးစားကြရန် လိုအပ်ကြောင်း အာရက္ခတပ်တော် AA ဒုတိယ စစ်ဦးစီးချုပ် ဒေါက်တာညိုထွန်းအောင်က ပြောသည်။

14-စစ်ကိုင်းတိုင်း၊ တမူးခရိုင်အတွင်း  ခွင့်ပြုချက်မရှိဘဲ ဖွင့်လှစ်ထားတဲ့  စစ်ဆေးရေးဂိတ်နဲ့လုံခြုံရေးဂိတ်တွေကို ဧပြီ ၃၀ရက်နောက်ဆုံးထားပိတ်သိမ်းဖို့ ခရိုင်ကွပ်ကဲရေးရုံးက သတင်းထုတ်ပြန်ပါတယ်။

15-တောင်ကိုရီးယားနိုင်ငံတွင် ကျင်းပသော လူသားချင်းစာနာမှုကူညီရေးရန်ပုံငွေ ၂၀၂၆ မြန်မာသင်္ကြန် ပွဲတော်မှ ကျပ်သိန်း၂၇၀၀ ခန့် ရရှိခဲ့ကြောင်း သိရသည်။

ဆက်လက်ဖတ်ရှုပါရန် - ⤵️⤵️

ခိုင်မာသော စိတ်ဓာတ်များကို အခြေခံ၍ လွတ်လပ်ခြင်း၊ ငြိမ်းချမ်းခြင်း၊ တရားမျှတခြင်း နှင့် တန်းတူညီမျှခြင်းတို့အတွက် တိုင်းရင်းသား ပြည်သူလူထုအပေါင်းတို့နှင့်အတူ ဆက်လက်တိုက်ပွဲဝင်သွားမည်ဖြစ်ကြောင်း Hlaing Info ဝိုင်းတော်သားများမှ ကတိပြုပါသည်။

ခေတ်အဆက်ဆက် အာဏာရှင်တော်လှန်ရေးတို့တွင် အသက်သွေးချွေးများ စွန့်လွှတ်အနစ်နာခံ၍ ဘဝများ ရင်းနှီးပေးဆပ်ခဲ့ကြသည့် အာဇာနည် သူရဲကောင်းများ၏ ဝိညာဉ်များကို အောက်မေ့သတိရတိုင်တည်လျက်  လေးနက်စွားကတိသစ္စာပြုအပ်ပါသည်။

မိဘပြည်သူများ ရန်သူမျိုးငါးပါးမှ အမြန်ဆုံးကင်လွတ်နိုင်ကြပြီး အမြဲတစေ ကျန်းမာချမ်းသာကြပါစေဟု  Hlaing Info ဝိုင်းတော်သားများမှ ဆုတောင်းမေတ္တာပို့သအပ်ပါသည်။🙏🙏🙏

သတင်းတင်ဆက်မှုကို ဒီမှာတင်ရပ်နားပါမည်။

Good night ပါခင်ဗျာ။

#HlaingInfo

မင်္ဂလာနံနက်ခင်းပါ....
ကျန်းမာရွှင်လန်းကြပါစေ....

ပူပင်သောကတွေ ကင်းဝေးပီး
ပျော်ရွှင်ချမ်းမြေ့သော
နေ့ရက်လေး ဖြစ်ပါစေ....

စိတ်ဆင်းရဲခြင်း
ကိုယ်ဆင်းရဲခြင်းတို့မှ ကင်းဝေးပီး
ကိုယ်စိတ်နှစ်ဖြာ ကျန်းမာ ချမ်းသာစွာဖြင့်
မိမိတို့၏ ခန္ဓာ့ဝန်ကို လွယ်ကူစွာ
ရွက်ဆောင်နိုင်ကြပါစေ....

ဘေးရန် ရောဂါ ကင်းစင်ကွာ၍
လိုရာဆန္ဒတွေ ပြည့်ဝကြပါစေ....

Hlaing Info အဖွဲ့သားများမှ ဆုတောင်းမေတ္တာပို့သလိုက်ပါသည်။🙏🙏🙏

#HlaingInfo

ပန်းများ မြင်လျင်ပင် ကြောက်ရွံ့နေကြသူများ
*

နယူး ယောက် တိုင်းမ် သတင်းစာကြီး အတွက် ဆောင်းပါးရှင် ဟာနာ ဘိခ်ျ မှ နိုင်ငံ အနှံ့လှည့်လည်ပြီး မျက်မြင် ကိုယ်တွေ့ ရေးသားထားခြင်း ဖြစ်၍ စစ်အုပ်စု ၏ အလိမ်အညာများကို "Where Even Flowers Stoke Fear" ပန်းများ မြင်လျင်ပင် ကြောက်ရွံ့နေကြသူများ ခေါင်းစဉ် ဖြင့် ဖေါ်ထုတ် ဖွင့်ချလိုက်သည့် ဆောင်းပါးလည်း ဖြစ်သည်။

နယူးယောက် တိုင်းမ် သည် ကမ္ဘာတွင် ဩဇာ လွှမ်းမိုးမှု အရှိဆုံး ဖြစ်ပြီး အိမ်ဖြူတော်၊ အေလီ‌ဇေး နန်းတော်၊ ဒေါင်းနင်းလမ်း အိမ်အမှတ် ၁၀ ရှိ သမ္မတ၊ ဝန်ကြီးချုပ် ရုံး စားပွဲများ ပေါ်တွင် နေ့စဉ်လို မပျက်မကွက် ထားပေးရသည့် သတင်းစာကြီးလည်း ဖြစ်သည်။

"ပန်းများ မြင်လျင်ပင် ကြောက်ရွံ့နေကြသူများ"

စစ်တပ်၏ အမိန့်အာဏာဖြင့်သာ အုပ်ချုပ်ခြင်းကို ခံခဲ့ရသည့် စစ်တက္ကသိုလ် (DSA) အဓိကဝင်ပေါက် ကြီး တွင်ကား အနီနှင့် ရွှေရောင်ဆိုင်းဘုတ်တွင် “နောင်တစ်ခေတ်၏ အောင်စစ်သည်များ” ဟူသော စာသားကို ဂုဏ်ယူဝင့်ကြွားစွာ ဖော်ပြထားသည်။

သို့သော် ယခုအခါတွင်မူ မြို့ထဲ၌ ဟိတ်ဟန်ထုတ် လျှောက်သွားနေသည့် အောင်စစ်သည် ဆိုသူများ မရှိတော့။ ပြင်ဦးလွင်မြို့ရှိ အဆိုပါ စစ်တက္ကသိုလ် အပါအဝင် အခြားသော စစ်ဘက်ဆိုင်ရာ သင်တန်းကျောင်းများမှ ဗိုလ်လောင်းများသည် တောင်ကုန်းများပေါ်ရှိ တော်လှန်ရေးတပ်ဖွဲ့များ၏ ရံဖန်ရံခါ ဒုံးကျည်ဖြင့် ပစ်ခတ်တိုက်ခိုက်မှုများကြောင့် ကျောင်းဝင်းအတွင်း၌သာ ပုန်းအောင်းနေကြရသည်။ အခြေအနေမှာ အလွန်စိုးရိမ်စရာကောင်းနေသဖြင့် စစ်တက္ကသိုလ်များကို ပိုမိုဘေးကင်းရာနေရာများသို့ ပြောင်းရွှေ့ရန် စီစဉ်ရသည် အထိ ဖြစ်ခဲ့ဖူးသည်။

မြန်မာစစ်ဗိုလ်ချုပ်များသည် လွန်ခဲ့ သော ငါးနှစ်က အာဏာ ထပ်သိမ်းခဲ့ရာမှ ပြင်းထန်သော ပြည်တွင်းစစ်မီးကြီး တောက်‌ လောင်လာခဲ့ကြသည်။ ၎င်းတို့သည် တိုင်းပြည်ကို အစိတ်စိတ်အမွှာမွှာ ဖြစ် အောင် လုပ်ခဲ့ကြပြီး ကမ္ဘာပေါ်တွင် ပြိုကွဲ မှု အများဆုံး ပဋိပက္ခဆိုးကြီးကို အမွေပေးခဲ့ကြသည်။

သို့သော် အဆိုးဝါးဆုံးမှာ စစ်တပ်သည် ယခုအခါတွင် အရပ်သားအုပ်ချုပ်ရေးယောင်ဆောင်၍ ကြွားဝါနေသော်လည်း အမှန်စင်စစ်တွင်မူ #ကြောက်ရွံ့ခြင်းတရားကသာလမ်းညွှန်အုပ်ချုပ်ပြီးဝါးမြိုနေသည့်နိုင်ငံတစ်ခု ကို ဖန်တီးထားခြင်းပင် ဖြစ်သည်။

The New York Times မှ ဓာတ်ပုံဆရာ Daniel Berehulak နှင့် ကျမသည် မြန်မာနိုင်ငံ၏ အလယ်ပိုင်းဒေသတစ်ခွင် သုံးပတ်ကြာ သတင်းရယူခဲ့စဉ်အတွင်း ထိုကြောက်လန့်မှုများက လူတိုင်းအပေါ် မည်သို့သက်ရောက်နေသည်ကို မြင်တွေ့ခဲ့ရသည်။ လွန်ခဲ့သော ဆယ်စုနှစ်တစ်ခုခန့်က ကမ္ဘာတစ်ဝန်း အာဏာရှင်စနစ် ဒီရေမြင့်တက်လာမှုကြားတွင် ဆန့်ကျင်ဘက် အလားအလာကောင်းတစ်ခုအဖြစ် ထွက်ပေါ်လာခဲ့သော နိုင်ငံတနိုင်ငံမှာ ယခုအခါ မည်သို့မည်ပုံ ရုပ်ပျက်ဆင်းပျက် ပျက်စီးနေပြီဖြစ်ကြောင်းကိုလည်း မြင်တွေ့ခဲ့ရသည်။

ယခုအခါ အရပ်သားပြည်သူများသည် စစ်တပ်၏ မညှာမတာ ဗုံးကြဲတိုက်ခိုက်မှုနှင့် မီးရှို့ဖျက်ဆီးမှုများကြောင့် ထိတ်လန့်တုန်လှုပ်နေကြရသည်။ ပဋိပက္ခစောင့်ကြည့်လေ့လာရေးအဖွဲ့ (A.C.L.E.D) ၏ အဆိုအရ ပြီးခဲ့သည့်နှစ်တွင် မြန်မာသည် ပါလက်စတိုင်းနယ်မြေများပြီးလျှင် ကမ္ဘာပေါ်တွင် ပဋိပက္ခဒဏ် အပြင်းထန်ဆုံးခံရသည့် နိုင်ငံဖြစ်ခဲ့သည်။

ဆက်လက်ဖတ်ရှုပါရန် - ⤵️⤵️

မင်းအောင်လှိုင် သမ္မတကျမ်းသစ္စာကျိန်ဆိုခဲ့ပြီးသော်လည်း ဧပြီလ ၁၃ ရက်နေ့ ထုတ်ပြန်သော ကုလသမဂ္ဂ၏ ကမ္ဘာ့ နိုင်ငံများ အကြီးအကဲများစာရင်းတွင် မြန်မာနိုင်ငံ အကြီးအကဲအဖြစ် သမ္မတ ဦးဝင်းမြင့်နှင့်နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုသာ ဆက်လက်ဖော်ပြထား၊ မင်းအောင်လှိုင်ကို သမ္မတအဖြစ် ကုလသမဂ္ဂက အသိအမှတ်မပြု

ဧပြီလ ၁၄ ရက်

အကြမ်းဖက် စစ်ခေါင်းဆောင် မင်းအောင်လှိုင်မှာ သမ္မတအဖြစ် ကျမ်းသစ္စာကျိန်ဆိုခဲ့ပြီးသော်လည်း ယမန်နေ့ ထုတ်ပြန်သော ကုလသမဂ္ဂ၏ ကမ္ဘာ့နိုင်ငံအကြီး အကဲများဆိုင်ရာ နောက်ဆုံးစာရင်းတွင် မြန်မာနိုင်ငံတော် အကြီးအကဲအဖြစ် သမ္မတ ဦးဝင်းမြင့်နှင့် နိုင်ငံတော် ၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုသာ ဆက်လက်ဖော်ပြထားသည်။

ယမန်နေ့ ဧပြီလ ၁၃ ရက်နေ့တွင် ကုလသမဂ္ဂက ကမ္ဘာတစ်ဝန်းမှ နိုင်ငံ့ခေါင်း ဆောင်များ၏ စာရင်းကို နောက်ဆုံး ထုတ်ပြန်ထားရာတွင် အကြမ်းဖက် စစ်ခေါင်းဆောင် မင်းအောင်လှိုင်ကို သမ္မတအဖြစ် လုံး၀ ဖော်ပြခြင်းမပြုခဲ့ပေ။

ကုလသမဂ္ဂ၏ နိုင်ငံအကြီးအကဲများစာရင်းတွင် မြန်မာနိုင်ငံတော်အကြီးအကဲအဖြစ် ၂၀၁၈ ခုနှစ်၊ မတ်လ ၃၀ ရက်နေ့ သမ္မတ ဖြစ်လာသော သမ္မတ ဦးဝင်းမြင့်၊ ၂၀၁၆ ခုနှစ် မတ်လ ၃၀ ရက်နေ့ နိုင်ငံတော်၏ အတိုင်ပင်ခံပုဂ္ဂိုလ်ဖြစ်လာသော ဒေါ်အောင်ဆန်းစုကြည်တို့၏ အမည်စာရင်းများကိုသာ ဆက်လက်ဖော် ပြထားခြင်းဖြစ်သည်။

အကြမ်းဖက် စစ်ခေါင်းဆောင် မင်းအောင်လှိုင်က ဧပြီလ ၁၀ ရက်နေ့ အကြမ်း ဖက် လွှတ် တော်တွင် အတင်းအကျပ် လုယူထားသော သမ္မတအဖြစ် ကျမ်း သစ္စာ ကျိန်ဆိုခဲ့ခြင်းဖြစ်သည်။ သို့ရာတွင် ကုလသမဂ္ဂ၏ ကမ္ဘာ့နိုင်ငံများ အကြီး အကဲစာရင်းတွင် မင်းအောင်လှိုင်ကို ဧပြီလ ၁၃ ရက်နေ့အထိ သမ္မတအဖြစ် လုံး၀ ဖော်ပြခြင်းမပြုခြင်းဖြစ်သည်။

ယင်းအပြင် မြန်မာနိုင်ငံ၏ ကုလသမဂ္ဂဆိုင်ရာ အမြဲတမ်းကိုယ်စားလှယ်နေရာတွင်လည်း သံအမတ်ကြီး ဦးကျော်မိုးထွန်းကိုသာ ကုလသမဂ္ဂက ဆက်လက် အတည်ပြု ဖော်ပြထားသည်ကို တွေ့ရှိရသည်။

အကြမ်းဖက်စစ်ခေါင်းဆောင် မင်းအောင်လှိုင်က ၂၀၂၅ ခုနှစ် နှစ်ကုန်ပိုင်းနှင့် ၂၀၂၆ ခုနှစ် နှစ် ဆန်းပိုင်းတွင် အတုအယောင် ရွေးကောက်ပွဲကို ၃ ကြိမ်ခွဲ၍ ကျင်းပခဲ့ပြီး ကြံ့ဖွတ်ပါတီက အများစု အနိုင်ရရှိသည်ဟု ကြေညာကာ မင်းအောင်လှိုင်က သမ္မတအဖြစ် တင်မြှောက်ခဲ့ကြခြင်းဖြစ်သည်။

အကြမ်းဖက် မင်းအောင်လှိုင်ကို တရုတ်၊ ဘယ်လာရုစ်၊ ရုရှား အပါအဝင် နိုင်ငံပေါင်း ၁၀ ခုကျော်ကသာ သမ္မတအဖြစ် အသိအမှတ်ပြုသော်လည်း ကုလ သမဂ္ဂကမူ မင်းအောင်လှိုင်ကို သမ္မတအဖြစ် လုံး၀ အသိအမှတ်ပြုခြင်းမရှိသေးပေ။

၂၀၂၆ ခုနှစ် ဧပြီလ ၁၃ ရက်နေ့ ကုလသမဂ္ဂက အသိအမှတ်ပြုထားသော ကမ္ဘာ့နိုင်ငံခေါင်းဆောင်များ၏ စာရင်းကို https://www.un.org/dgacm/sites/www.un.org.dgacm/files/Documents_Protocol/hspmfmlist.pdf?fbclid=IwY2xjawRJmHBleHRuA2FlbQIxMABicmlkETExR3g1TVptQkp1bzBqZVFWc3J0YwZhcHBfaWQQMjIyMDM5MTc4ODIwMDg5MgABHo60dyzQyhAvO8zojDIopcrF8grcFoWf0Tas7xvnRMiMyp_YZr1Q5seANVSW_aem_9uGpINdtZJPKy6ZNANhbNA တွင်သွားရောက်ကြည့်ရှုနိုင်ပါသည်။

#KTM
#HlaingInfo

ဝမ်းတွင်းနှင့် သရက်ချောင်းတွင် သင်္ကြန်ကာလအထိ စစ်တပ်က လူငယ် ၁၀၀ နီးပါးကို ပေါ်တာဆွဲဖမ်းဆီးနေပြီး နေအိမ်များထဲအထိ ဝင်ရောက်ဖမ်းဆီးနေ

ဧပြီလ ၁၄ ရက်

မန္တလေးတိုင်း၊ ဝမ်းတွင်းမြို့နယ်နှင့် တနင်္သာရီတိုင်း၊ သရက်ချောင်းမြို့နယ်တို့တွင် ဧပြီလဆန်းပိုင်းမှ သင်္ကြန်ကာလ ဧပြီလ ၁၃ ရက် နေ့အထိ စစ်တပ်က လူငယ်များကို ပေါ်တာဆွဲ ဖမ်းဆီးနေပြီး နေအိမ်များထဲအထိ ဝင်ရောက် ဖမ်းဆီးနေကြောင်း ဒေသသတင်းရင်းမြစ်များ၊ ဒေသပြည်သူများနှင့် ဖမ်းဆီးခံလူငယ်များ၏ မိဘဆွေမျိုးများက ရန်ကုန်ခေတ်သစ်သတင်းဌာနထံသို့ ပြော ဆိုသည်။

မန္တလေးတိုင်း၊ ဝမ်းတွင်းမြို့နယ်အတွင်းရှိ ကျေးရွာများတွင် အကြမ်းဖက်စစ်တပ်က ရွာနေလူငယ်များနှင့် လမ်းသွားလမ်းလာများကို ပေါ်တာဆွဲ ဖမ်းဆီးနေမှုကြောင့် အနည်းဆုံး လူငယ် ၁၇ ဦးခန့် ဖမ်းဆီးခံထားရကြောင်း Voice Of Wundwin အဖွဲ့ထံမှ သိရှိရသည်။

ဧပြီလ ၉ ရက်နှင့် ဧပြီလ ၁၁ ရက်နေ့များတွင် အကြမ်းဖက်စစ်သားများသည် Four Wheel ကားနှစ်စီးဖြင့် ဝမ်းတွင်းမြို့နယ်အတွင်းရှိ ကျေးရွာ ၆ ရွာနှင့် မိတ္ထီလာ-ပင်းတလဲ လမ်းတစ်လျှောက်တွင် လှည့်လည်ကာ လမ်းသွားလမ်းလာ လူငယ်များသာမက ဈေးကားပေါ်တွင် ပါလာသည့် လူငယ်များကိုပါ ပေါ်တာဆွဲ ဖမ်းဆီးခဲ့ခြင်း ဖြစ်သည်။

အဆိုပါ ဖမ်းဆီးမှုများကြောင့် ဝမ်းတွင်းမြို့နယ်အတွင်းရှိ ကျောင်းကုန်း၊ ရွာသစ်၊ ပြည်တော်သာ၊ သစ်ပလွေကန်၊ ဒါးလှနှင့် သီကုန်းကျေးရွာများမှ အမျိုးသားများသည် ရွာထဲတွင် မနေရဲကြတော့ဘဲ ဘေးလွတ်ရာသို့ ထွက်ပြေးပုန်းရှောင်နေကြရသည်။

Voice Of Wundwin အဖွဲ့မှ တာဝန်ရှိသူတစ်ဦးက "ဧပြီလ ၁၁ ရက်နေ့တုန်းက ရွာ ၆ ရွာက လူငယ်တွေကို စစ်တပ်က နေအိမ်ပေါ်အထိ တက်ဖမ်းတာပါ။ လမ်းပေါ်မှာလည်း တွေ့သမျှလူကို အကုန်ဖမ်းပါတယ်။ ဧပြီလ ၉ ရက်နေ့ကလည်း သီကုန်းရွာက လူငယ် ၂ ယောက် ပါသွားတယ်။ မနေ့ကတော့ မိဘတွေက လိုက်လံရွေးချယ်နေကြတယ်၊ ၂ ယောက်လောက် ပြန်လွတ်လာပေမဲ့ ငွေဘယ်လောက် ပေးလိုက်ရလဲဆိုတာတော့ အတည်မပြုနိုင်သေးဘူး" ဟု ပြောကြားသည်။

အလားတူပင် တနင်္သာရီတိုင်း၊ သရက်ချောင်းမြို့နယ် အောက်ပိုင်းတွင်လည်း ဧပြီလ ၉ ရက် နေ့မှစ၍ ဝင်းဝတံတားအနီးတွင် ဆိုင်ကယ်စီးလာသည့် လူငယ်များနှင့် ဆိုင်ကယ် အစီးရေ ၅၀ ကျော်ကို စစ်တပ်က ဖမ်းဆီးသွားခဲ့သည်။

ထိုသို့ ဖမ်းဆီးပြီးနောက် လူငယ်များကို ငွေဖြင့် ပြန်လည်ရွေးယူခိုင်းနေကြောင်း ဒေသခံများက ဆိုသည်။

ဖမ်းဆီးခံရသည့် လူငယ်များသည် ဝင်းဝ၊ သဲချောင်းသား၊ မင်းဒပ်၊ စုံစင်၊ ချောင်းဝပြင်၊ ရေချိုချောင်း အပါအဝင် ကျေးရွာပေါင်း ၁၇ ရွာခန့်မှ လမ်းသွားလမ်းလာများ ဖြစ်ကြသည်။

ဒေသခံပြည်သူတစ်ဦးက "ကျွန်တော်တို့ သိရသလောက်တော့ ဆိုင်ကယ်စီးလာတဲ့ လူငယ်တွေကို ဖမ်းသွားပြီး ပိုက်ဆံနဲ့ ပြန်ရွေးခိုင်းနေတာတွေ ရှိပါတယ်။ ဆိုင်ကယ် အစီးရေ ၅၀ ကျော်လောက် ရှိမယ်။ စစ်တပ်စစ်ကြောင်း သွားရာ လမ်းတစ်လျှောက်မှာ တွေ့သမျှ ဆိုင်ကယ်တွေကို ဖမ်းခေါ်သွားတာပါ" ဟု ပြောပြသည်။

အကြမ်းဖက်စစ်တပ်၏ ပေါ်တာဆွဲ ဖမ်းဆီးမှုများသည် ယမန်နေ့ ဧပြီလ ၁၃ ရက်နေ့ (သင်္ကြန်အကြိုနေ့) အထိ ဆက် တိုက် ဖြစ်ပွားနေသဖြင့် ဒေသခံလူငယ်များနှင့် ပြည်သူများမှာ အထူးစိုးရိမ်ထိတ်လန့်နေကြရကြောင်း သိရှိရသည်။

အကြမ်းဖက်စစ်တပ်က ယခု ဧပြီလအတွင်း စစ်မှုထမ်းအပတ်စဉ် ၂၄ ကို ဖွင့်လှစ်မည်ဖြစ်ကြောင်း သိရှိရသည်။

#KTM
#HlaingInfo

... "သင်္ကြန်ရောက်ပြီတဲ့" လူတွေ ပြော့နေကြတယ် • • • ငါတော့ အဲ့ဒီစကားကို ကြားရင် ဘာမှ မဖြစ်သလိုပဲ နားထောင်နေပေမယ့် နှလုံးသားထဲမှာတော့ ... တစ်ခုခု ကျိုးပဲ့သွားသလို ခံစားရတယ် • • •

သင်္ကြန်ဆိုတာ ရေလောင်းပြီး အပြစ်တွေ ဆေးကြောတဲ့ ပွဲတော်လို့ပြောကြတယ် ဒါပေမယ့် ငါတို့အတွက်တော့ အမှတ်တရတွေကို ပြန်လည်ဖွင့်လှစ်တဲ့ နာကျင်ကြေကွဲရတဲ့ ရာသီတစ်ခု• • •

အနာဂါတ်တွေမဲ့ ၊ ဘဝတွေဆုံးရှုံးပြီး နာကျင်ကြေကွဲစရာတွေနဲ့ မလွတ်လပ်သေးတဲ့ ဒီနှိုင်ငံမှာ ပျော်ရွှင်မှုဆိုတာ သရုပ်ပြဖို့လုပ်ထားတဲ့ မျက်နှာဖုံးတစ်ခုသာသာပဲရှီတယ် • • • ...

လူတွေ ပျော်နေကြမြင်တော့ ငါလည်း ရယ်ကြည့်ဖို့ ကြိုးစားတယ် ဒါပေမယ့် ရယ်သံထွက်မလာဘူး နှလုံးသားကဲ နာကျင်မှုတွေနဲ့အတူ မျက်ရည်ပဲ ကျဆင်းလာတယ် . .“.

အနာဂါတ်တွေကို ထမ်းပိုးပြီး မျှော်လင့်ချက်တွေအပြည့်နဲ့ ရှင်သန်နေရတဲ့ နေ့ရက်တိုင်းမှာ ငါတို့အတွက်တော့ ဒီသင်္ကြန်က ဘာကိုပျော်ရွှင်ရမှာလဲဗျာ ...

#ကောင်းထက်ပြည့်စုံ

16 April 2026 ထွက်မည့်ဘတ် ၆ သန်း ထိုင်းထီလက်မှတ်များရပါပြီရှင့်

🍀
                                                           
🍃 ထီ 1 စောင်ကို မြန်မာငွေ 14,500 ကျပ်။  ထိုင်းဘတ် 100 ပါ။ 🌿     

မိမိနှစ်သက်ရာ ထီနံပါတ်များရွေးချယ်ရန်လင့် -
https://hlaing.info/lottery/                                        
                                               
🎁 ရရှိနိုင်သောထီနံပါတ်များ 🎁         

662300
409101
015102
165403
671905
821507
009209                                
054802
635505
561006
535007
682708
853409

034210
905814
616817
875919

099626
912927
349829

214431
146933
453235
523436

381042
853343
952647
014948
855649

119650
361251
954753
625954
320855
808759
046350
016952
400054
242958
544559

019060
959361
949462
590066
827768
280466
044069

306170
126970
049774
903677
157678
497678

326680
513184
379584
984087
282387
432488

056890
013791
038292
351895
825496
652896
148698

📱  ဆက်သွယ်ဝယ်ယူရန်  📱                                            
                                               
- https://t.me/pyithuaungpwel                                               
- https://t.me/infoAthlaing                                               
Viber   ☎️    +66930839386

#ThaiLottery                                               
#HlaingInfo

16 April 2026 ထွက်မည့်ဘတ် ၆ သန်း ထိုင်းထီလက်မှတ်များရပါပြီရှင့်

🍀
                                                           
🍃 ထီ 1 တွဲ စောင်ကို မြန်မာငွေ 30,000 ကျပ်။  ထိုင်းငွေ 200 ဘတ် 🌿     

မိမိနှစ်သက်ရာ ထီနံပါတ်များရွေးချယ်ရန်လင့် -
https://hlaing.info/lottery/                                        
                                               
🎁 ရရှိနိုင်သော ဘတ် 12 သန်း ထီနံပါတ်များ 🎁                                         

784501
627502
163304
689205
846106
376507
328708

203910
476811
633812
790713
947714
895315
053017
028718

735320
892321
392022
793723
479925
836928
186029

403343 တစောင်ကျန်
158644
043545
513748 တစောင်ကျန်

827650
984651
172152
228255
615356
929258
913859

559963
716864
873865
812367

661471
867774

919980
403983
452284
864587
016488
170089

664690
495292
652293
098194
876996

📱  ဆက်သွယ်ဝယ်ယူရန်  📱                                            
                                               
- https://t.me/pyithuaungpwel                                               
- https://t.me/infoAthlaing                                               
Viber   ☎️    +66930839386

#ThaiLottery                                               
#HlaingInfo

ဖလမ်းမြို့ စစ်တပ်လက်အောက်သို့ ပြန်လည်မကျရောက်စေရန် မဟာမိတ်များနှင့်အတူ လက်တွဲကာ ရဲရဲဝံ့ဝံ့ ကြံ့ကြံ့ခံ တွန်းလှန်နေဟု ချင်းအမျိုးသားအဖွဲ့ချုပ် (CNO/CNDF) ပြော

ဧပြီလ ၁၄ ရက်

ချင်းပြည်နယ်တွင် ချင်းအမျိုးသားအဖွဲ့ချုပ်/ ချင်းအမျိုးသားကာကွယ်ရေးတပ်ဖွဲ့ (CNO/CNDF) အနေဖြင့် သိမ်းပိုက်ရရှိထားသော ဖလမ်းမြို့အား အကြမ်းဖက်စစ်ကောင် စီတပ်လက်သို့ ပြန်လည်မကျရောက်စေရန်အတွက် မဟာမိတ်အင်အားစုများနှင့်အတူ လက်တွဲ၍ ရဲရဲဝံ့ဝံ့ ကြံ့ကြံ့ခံကာ အဆုံးအဖြတ်တိုက်ပွဲ ဆင်နွှဲနေကြောင်း ယမန်နေ့တွင် ထုတ်ပြန်ပြောဆိုသည်။

ယမန်နေ့ ဧပြီလ ၁၃ ရက်နေ့တွင် ကျရောက်သော CNO/CNDF ဖွဲ့စည်းတည်ထောင်ခြင်း ၅ နှစ်ပြည့် အထိမ်းအမှတ် ထုတ်ပြန်ချက်၌ ဖလမ်းမြို့သိမ်းတိုက်ပွဲ အောင်မြင်မှုကို ဆက် လက်ထိန်းသိမ်းသွားမည့်အခြေအနေနှင့် ရှေ့ဆက်မည့် တော်လှန်ရေးလမ်း စဉ်များကို အခုလို ထည့်သွင်းဖော်ပြထားခြင်း ဖြစ်သည်။

အကြမ်းဖက်စစ်ကောင်စီ၏ မတရားအာဏာသိမ်းမှုကို တွန်းလှန်ရန် နွေဦးတော်လှန်ရေးနှင့်အတူ သန္ဓေတည်လာခဲ့သော CNO/CNDF သည် ယနေ့တွင် ၅ နှစ်တိုင်တိုင် ပြည့်မြောက်ခဲ့ပြီဖြစ်သည်။ ဤငါးနှစ်တာကာလအတွင်း စစ်ရေးနှင့် နိုင်ငံရေးစိန်ခေါ်မှုများစွာကို ကျော်ဖြတ်ခဲ့ရပြီး ချင်းညီနောင် (Chin Brotherhood) နှင့် မဟာမိတ်တပ်ပေါင်းစုများ၏ ခိုင်မာသော စည်းလုံးညီညွတ်မှုကြောင့် ဖလမ်းမြို့သိမ်းစစ်ဆင်ရေးကို အောင်မြင်စွာ ဆင်နွှဲနိုင်ခဲ့ခြင်းမှာ အမျိုးသားရေးအတွက် အကြီးမားဆုံးသော မှတ်ကျောက်တင် အောင်ပွဲတစ်ရပ်ဖြစ်ကြောင်း ဆိုသည်။

ယခုအချိန်သည် ရရှိထားသော အောင်ပွဲကို ထိန်းသိမ်းရုံသာမက ဖလမ်းမြို့အား ရန်သူ့လက်သို့ ပြန်လည်မကျရောက်စေရန် မဟာမိတ်များနှင့်အတူ လက်တွဲကာ အဆုံးအဖြတ်ပေးရမည့် ကာလဖြစ်ကြောင်း CNO/CNDF က အလေးအနက် ပြောကြားထားသည်။ မိမိတို့၏ ရဲဘော်များသည် အသက်၊ သွေး၊ ချွေးများ ပေးဆပ်ကာ ပြည်သူနှင့်အတူ နောက်ဆုံးပန်းတိုင်အထိ ဆက်လက်ချီတက်သွားမည်ဖြစ်ကြောင်းလည်း အတည်ပြုထားသည်။

ယခုကဲ့သို့ အောင်မြင်မှုများရရှိရန်အတွက် စစ်ရေး၊ နိုင်ငံရေးနှင့် နည်းပညာရပ်ပိုင်းဆိုင်ရာများတွင် အဘက်ဘက်မှ ပံ့ပိုးကူညီခဲ့ကြသော အာရကန်တပ်တော် (AA) အပါအဝင် ညီနောင်မဟာမိတ်များ၊ မိတ်ဖက်အဖွဲ့အစည်းများနှင့် ပြည်တွင်းပြည်ပရှိ ပံ့ပိုးကူညီသူများအားလုံးကိုလည်း အထူးပင် ကျေးဇူးတင်ရှိကြောင်း မှတ်တမ်းတင် ဂုဏ်ပြုထားသည်။

CNO/CNDF အနေဖြင့် စစ်အာဏာရှင်စနစ် အပါအဝင် အာဏာရှင်စနစ်ဟူသမျှကို အပြီးတိုင်ချေမှုန်းပြီး ချင်းပြည်သူများ လိုလားတောင့်တသော ကိုယ်ပိုင်ပြဋ္ဌာန်းခွင့်ရှိသည့် ချင်းပြည်တည်ဆောက်ရေးအတွက် ချင်းအမျိုးသားအတိုင်ပင်ခံကောင်စီ/ ချင်းညီနောင် (ICNCC/CB) ၏ လမ်းစဉ်အတိုင်း တော်လှန်ရေးမဟာမိတ်များနှင့်အတူ အဆုံးတိုင် ဆက်လက်တိုက်ပွဲဝင်သွားမည်ဖြစ်ကြောင်း လေးနက်စွာ သန္နိဌာန်ပြု ထုတ်ပြန်ထားသည်။

#KTM
#HlaingInfo

‎နတ်ရေကန်ကို စစ်ကူပို့ပြန်လာသည့် စစ်ယာဉ်တန်းများ ဒဏ်ရာပြင်းထန်လူနာများကို ပြန်တင်‌ခေါ်လာ
‎
‎ဧပြီလ ၁၄ ရက်
‎
‎မ‌ကွေးတိုင်း၊ ငဖဲမြို့နယ်၊ ပဒါန်းတပ်နယ်ရှိ နတ်ရေကန်ဗျူဟာကုန်းကို စစ်ကော်မရှင်က စစ်ကူများဆက်တိုက်ပို့ပေးနေပြီး လမ်းကြောင်းများကို စစ်ကြောင်းဖြန့်ရန်ကြိုးစားနေကြောင်း သိရသည်။
‎
‎ပြီးခဲ့သည့် ဧပြီ ၁၁ရက်နေ့က ပဇီနှင့်ဂုတ်ကြီးလမ်းပိုင်း နှစ်ခုလုံးကို အမြောက်စစ်ဆင်ရေး ကွပ်ကဲမှုဌာနချုပ် မစခ ၉၀၅အတွင်းမှ စစ်ယာဉ်တန်း လေးစီးသည် နှစ်စီးစီခွဲ၍ တက်သွားကြောင်း သတင်းရင်းမြစ်ထံမှ သိရသည်။
‎
‎"တက်သွားတဲ့ ယာဉ်တွေပြန်ဆင်းအလာမှာ စစ်သားလူနာတွေပြန်ပါလာတယ်ပြောတယ်။ ဆုံကုန်းပဲပို့မလား ငဖဲခေါ်သွားမလားတော့မသိသေးဘူး" ဟု သတင်းရင်းမြစ်က ဧရာဝတီတိုင်းမ်ကိုပြောသည်။
‎
‎ယင်းနေ့ နေ့လည်ပိုင်းတွင် စစ်ကား ၁၀စီးပါ ယာဉ်တန်းသည် ဇင်ပြွန်းဘက်သို့ ထပ်မံတက်သွားခဲ့ပြီး ပြန်ဆင်းလာသည့် စစ်ကား လေးစီးတွင် စစ်ဆင်ရေးလူနာ ၁၅ဦးထက်မနည်းကို ပြန်လည်သယ်ဆောင် လာကြောင်း သိရသည်။
‎
‎နတ်ရေကန်ဗျူဟာသို့သွားနိုင်သည့် လမ်းကြောင်းများတွင် စစ်ကော်မရှင်က အင်အားအလုံးအရင်းဖြင့် တပ်ဖြန့်နေရာယူနိုင်ရန် ကြိုးပမ်းလာပြီး လေကြောင်းနှင့် ဒရုန်းကင်းထောက်မှုများ အဆက်မပြတ်ပြုလုပ်နေသည်ဟုဆိုသည်။

‌‎AAနှင့်တော်လှန်ရေးတပ်ဖွဲ့များကလည်း အမြောက်တပ်များအနီးထိ တပ်ဖြန့်လာပြီး စစ်ကော်မရှင်စစ်ကြောင်းများကို ဆီးကြိုတိုက်ခိုက်မှုများ ပြုလုပ်နေခြင်းဖြစ်သည်။

‎ဧရာဝတီ၊ ပဲခူး၊ မကွေးနှင့် ကျောက်ဖြူတို့ကို စစ်ကော်မရှင်က စစ်ကူများပို့လွှတ်နေပြီး စစ်မှုထမ်းသင်တန်းဆင်း လူသစ်သင်တန်းသားအများစုကို အသုံးပြုနေသည်။
‎
‎#AYAT
#HlaingInfo

လားရှိုးဗဟိုမဏ္ဍပ်နှင့် လမ်းလျှောက်သင်္ကြန်တွင် လူ ၁ ဦးလျှင် ဝင်ကြေး ငွေကျပ် ၁၀၀၀၀ ကောက်ခံနေ

ဧပြီလ ၁၄ ရက်

ရှမ်းပြည်နယ်မြောက်ပိုင်း၊ လားရှိုးမြို့တွင် ဒေသဆိုင်ရာအာဏာပိုင်များက ဦးစီးကျင်းပသည့် မြန်မာ့ရိုးရာ မဟာသင်္ကြန် ဗဟိုမဏ္ဍပ်နှင့် လမ်းလျှောက်သင်္ကြန်ပွဲ၌ ယမန်နေ့ (ဧပြီလ ၁၃ ရက်) သင်္ကြန်အကြိုနေ့ ညပိုင်းမှစတင်ကာ ဂိတ်ဝင်ကြေးအဖြစ် လူတစ်ဦးလျှင် ငွေကျပ် ၁၀၀၀၀ ကောက်ခံနေကြောင်း သိရှိရသည်။

လားရှိုးမြို့ လွတ်လပ်ရေးပန်းခြံအတွင်းရှိ ဗဟိုမဏ္ဍပ် စတိတ်ရှိုးပွဲသို့ သွားရောက်ကြည့်ရှုသည့် ပြည်သူတစ်ဦးက "ဒါဟာ ဘယ်လိုမှ မဖြစ်သင့်တဲ့ကိစ္စပါ။ မြန်မာနိုင်ငံက တခြား ဘယ်မြို့မှာမဆို ရိုးရာသင်္ကြန်ဖျော်ဖြေပွဲကို အခကြေးငွေပေးရတယ်လို့ မကြားဖူးပါဘူး။ အခုဟာက အာဏာပိုင်တွေ ဦးစီးကျင်းပတဲ့ ရိုးရာပွဲဖြစ်နေပါလျက်နဲ့ တစ်ယောက်ကို ကျပ်တစ်သောင်း ကောက်နေတာဟာ လုံးဝ မဖြစ်သင့်ပါဘူး" ဟု ပြောကြားသည်။

အဆိုပါ ဝင်ကြေးကောက်ခံမှု၏ နောက်ကွယ်တွင် လားရှိုးစည်ပင်သာယာရေးဌာနမှ ဒုတိ ယညွှန်ကြားရေးမှူး ကျော်ဇင်က ကောက် ခိုင်းခြင်းဖြစ်ကြောင်း သိရှိရသည်။

ကျော်ဇင်သည် လွတ်လပ်ရေးပန်းခြံကို နှစ်ရှည်ငှားရမ်းထားသည့် လုပ်ငန်းရှင်ဖြစ်သူ တရုတ်လူမျိုး ကိုထွန်းနိုင်ကို သင်္ကြန်လေးရက် (အကြိုမှ အတက်အထိ) အတွက် ကန် ထရိုက်ပုံစံဖြင့် ငွေကျပ်သိန်း ၁၅၀ အား အတင်းအဓမ္မ ပေးသွင်းခိုင်းခဲ့ကြောင်း၊ ထိုသို့ ငွေအမြောက်အမြား ပေးသွင်းလိုက်ရသဖြင့် လုပ်ငန်းရှင်ဘက်က ပြည်သူများထံမှ ဝင်ကြေးပြန်လည်ကောက်ခံခြင်း ဖြစ်သည်ဟု သိရှိရသည်။

ယမန်နေ့ဧပြီလ ၁၃ ရက်နေ့ မွန်းလွဲ ၂ နာရီအချိန်တွင် လွတ်လပ်ရေးပန်းခြံအတွင်း၌ ပြုလုပ်သည့် လမ်းလျှောက်သင်္ကြန် ရေကစားပွဲကို အရှေ့မြောက်တိုင်းစစ်ဌာနချုပ် (ရမခ) တိုင်းမှူးက လာရောက် ဖဲကြိုးဖြတ် ဖွင့်လှစ်ပေးခဲ့သည်။

အဆိုပါ ဗဟိုမဏ္ဍပ်တွင် လားရှိုးဒေသခံ အဆိုဝါသနာရှင်များ၏ စတိတ်ရှိုး သီဆိုမှုများနှင့် ဌာနဆိုင်ရာ ယိမ်းအကအဖွဲ့များ၏ ကပြဖျော်ဖြေမှုများ ရှိနေသော်လည်း ယခုကဲ့သို့ ဝင် ကြေးကောက်ခံမှုကြောင့် ပွဲလာပြည်သူများအကြား စိတ်ပျက်မှုများ ဖြစ်ပေါ်နေကြောင်း သိရှိရသည်။

#KTM
#HlaingInfo

မော်ချီးဒေသထဲ ဝင်ရောက်နိုင်ရေး စစ်တပ်က ကြိုးပမ်းနေပြီး တိုက်ပွဲဆက်ဖြစ်

ဧပြီလ ၁၄ ရက်

ကရင်နီ(ကယား)ပြည်နယ်ထဲက၊ လမ်းမကြီးတွေကို ထိန်းချုပ်နိုင်ဖို့နဲ့ မော်ချီးဒေသထဲ ဝင်ရောက်နိုင်ရေး စစ်အာဏာရှင်တပ်တွေက ကြိုးပမ်းနေလို့  ဒေသခံ ကရင်နီ တော်လှန်ရေးတပ်တွေနဲ့ တိုက်ပွဲတွေ ဆက်ဖြစ်နေပါတယ်။

၂၀၂၆ ခုနှစ်ဆန်းပိုင်းမှာ စစ်အာဏာရှင်တပ်တွေ ဖားဆောင်းမြို့ထဲ ဝင်ရောက်နိုင်ခဲ့တဲ့နောက် လွိုင်ကော်-ဖားဆောင်းလမ်းတခုလုံးကို ပြန်ဖွင့်နိုင်တော့မယ်လို့ ဖေဖော်ဝါရီ ၁၅ ရက်မှာ ထုတ်ပြန်ခဲ့ပါတယ်။

အဲဒီနောက်ပိုင်း ဖားဆောင်းကနေတဆင့် မော်ချီးခဲသတ္တုတွင်းဒေသကို စစ်ရေးအရ ဖိအားပေးမှုတွေ ဆက်လက် လုပ်ဆောင်နေပြီး ကရင်နီတပ်ပေါင်းစုတွေက ခုခံနေလို့ တိုက်ပွဲတွေ ဆက်ဖြစ်နေတယ်လို့ တော်လှန်ရေးတပ်နဲ့ နီးစပ်သူက ပြောပါတယ်။

“တိုက်ပွဲကတော့ ဖြစ်နေတယ်။ ဒါပေမဲ့ လောလောဆယ် သတင်းတွေက မထွက်ကြဘူး။ နေ့တိုင်းကို တိုက်ပွဲရှိနေတယ်၊ အဲဒီဘက်ခြမ်းမှာက အဲဒီလို ပြောလို့ရတယ်။ နေ့တိုင်းနီးပါးပေါ့နော်။ အဲဒီ ဖားဆောင်းအကျော် ခဲမဖြူဘက်မှာကတော့။ မိန်းလမ်းအတိုင်း သူတို့ ထိုးသွားတာတော့၊ တော်တော်များများတော့ သူတို့ပြန်ရနေပြီ ပြောလို့ရတယ်။ မိန်းလမ်းကြီးပေါ့၊ ဘေးတွေတော့ မပါဘူး။ သူက လမ်းအတိုင်းပဲ ထိုးသွားတာ။”

စစ်တပ်က ဒီးမော့ဆို-ဖရူဆိုနဲ့ ဘောလခဲ-ဖားဆောင်းလမ်းတွေကို ချိတ်ဆက်နိုင်ဖို့ ကြိုးစားနေပြီး လမ်းတလျှောက်မှာလည်း နေရာယူတာရှိပေမဲ့ ခုချိန်ထိကတော့ မော်ချီးကို မဝင်နိုင်သေးဘူးလို့ တခြားစစ်ရေးရင်းမြစ်ကလည်း ပြောပါတယ်။

ဒေသခံစစ်ရေး သတင်းရင်းမြစ်က “မော်ချီးက တော်လှန်ရေးရဲ့ဝင်ငွေပေါက် ဖြစ်လို့ပါ။ ဒရုန်းတွေကတော့ နေ့တိုင်းဝဲပြီး ကင်းထောက်နေတာ။ ထိတွေ့တိုက်ပွဲက ရှိတယ်။ ဒါပေမဲ့ သင်္ကြန်ရက်တွေမှာတော့ လှုပ်ရှားမှုသိပ်မရှိဘူး၊ အဲဒီမှာရှိတဲ့ စစ်ကောင်စီတပ်သားတွေက ရိုးရာ သင်္ကြန်ပျော်ဖို့ လုပ်နေကြတယ်လို့ ကြားတယ်။ လောလောဆယ်လမ်းကြောင်းတွေ ပိတ်ထားတော့ ကုန်ဈေးနှုန်းတွေက တက်လာပြီး ခဲစျေးကတော့ ကျသွားတယ်။ လေကြောင်းကအမြဲ သတိထားရတယ်”လို့ ပြောပါတယ်။

ဒါပေမဲ့လည်း စားဝတ်နေရေးအတွက် စစ်မရှောင်ကြသေးဘဲ သတ္တုတွင်းတွေမှာ အလုပ်လုပ်ကိုင်နေကြရတဲ့ ဒေသခံတွေရှိနေတုန်း ဖြစ်ပြီး လေကြောင်းနဲ့ ဒရုန်းအန္တရာယ်ကိုတော့ အမြဲသတိထားနေကြရတယ်လို့ ပြောပါတယ်။

ဒါ့အပြင် ကရင်နီပြည်နယ်ထဲမှာ စက်သုံးဆီဈေးနှုန်း မြှင့်တက်မှုတွေကြောင့် ရေကား ၁ စီးကို ငွေကျပ် ၂ သိန်းခွဲအထိ ပေးနေရပြီး ကုန်စည်စီးဆင်းမှုအခက်အခဲနဲ့ အလှူရှင်နည်းပါးမှုတွေကြားက စစ်ရှောင်အသစ်တွေလည်း ထပ်တိုးနေတာကြောင့် အရေးပေါ်အကူအညီတွေ လိုအပ်နေကြပြီလို့ ကူညီနေသူတွေက ပြောပါတယ်။

#DVB
#HlaingInfo

မရှီကထောင်ဆုတောင်းကုန်းတိုက်ပွဲ ကျားထိုးတက်တဲ့ စစ်တပ်သေဆုံးသူများပြီးပြန်ဆုတ်

ဧပြီလ ၁၄ ရက်

စစ်မှုထမ်းသင်တန်းဆင်းတွေကို ကျားထိုးတက်ခိုင်းပြီး လေကြောင်းနဲ့ လက်နက်ကြီးပစ်ကူယူ စခန်းသိမ်းဖို့ ကြိုးစားတဲ့ ဖားကန့်၊ မရှီကထောင်ဆုတောင်းကုန်းတိုက်ပွဲမှာ စစ်တပ်ဘက်ကအများအပြားသေဆုံးပြီး ရုပ်အလောင်းတွေပြန်ဆွဲထုတ်သွားတယ်လို့ သတင်းရရှိပါတယ်။

KIA၊KPDF ထိန်းချုပ်ထားတဲ့မရှီက‌ထောင်ဆု
တောင်းကုန်းကို အာဏာသိမ်းစစ်တပ်က ယမန်နေ့ (ဧပြီလ ၁၃) မနက်ပိုင်းမှာ အနီးကပ်စစ်ကြောင်းထိုးလာပြီး တိုက်ပွဲပြင်းထန်ခဲ့တာပါ။

"ကျားထိုးပြီး တက်လာတာ။အဲ့အချိန်မှာလေ
ကြောင်းရောလက်နက်ကြီးပါ ပစ်ကူပေးပြီးတက်တာ။ KIA နဲ့ KPDFက ဆီးပစ်တော့ အသေများပြီး အလောင်းတွေကောက်ပြေးတယ်"လို့ စစ်ရေးသတင်းရင်းမြစ်တစ်ဦးကပြောပါတယ်။

လက်ရှိတိုက်ပွဲမှာ စစ်တပ်ဘက်က ဝါယာဇွပ်ပြည်
သူ့စစ်အဖွဲ့၊ရှမ်းနီတပ်ဖွဲ့(SNA)လည်းပါဝင်ပြီး စစ်
မှုထမ်းသင်တန်းဆင်းတွေကို ကျားထိုးတက်ခိုင်းတာလို့ သိရပါတယ်။ ဧပြီ ၁၃ ရက်နေ့ညပိုင်းမှာတော့ တိုက်ပွဲအခြေအနေ ငြိမ်သက်နေပြီး မနက်ပိုင်းနဲ့နေ့လယ်က တိုက်ပွဲအတွင်း ထိခိုက်သေဆုံးမှုအခြေအနေကိုအသေးစိတ်မသိရှိရသေးပါဘူး။

မရှီက‌ထောင်ရပ်ကွက်ထဲကဆုတောင်းကုန်းကို
KIAနဲ့KPDFက ထိန်းချုပ်ထားတာဖြစ်ပါတယ်။ စစ်တပ်က ၎င်းတို့ထိန်းချုပ်ထားတဲ့ဆန်းကြွယ်ရွာဘက်ကနေအင်အားတွေဖြည့်ပြီး စစ်ကြောင်းထိုးသိမ်းပိုက်ဖို့ကြိုးစာယနေတာဖြစ်ပါတယ်။

ဒါ့အပြင်ဧပြီ ၁၃ ရက်မနက်ပိုင်းကမရှိကတောင်ဆုတောင်းကုန်းအနီးတိုက်ပွဲဖြစ်ပွားနေချိန် ဖားကန့် ဗျူဟာကုန်းမှာ စစ်တပ်က သင်္ကြန်အကြိုပွဲလုပ်နေစဉ် KIA ၊KPDFကဒရုန်းနဲ့ဗုံးကြဲတိုက်လိုက်လို့ ထိခိုက်သေဆုံးမှုတွေရှိခဲ့ပါတယ်။ဒါကြောင့် ဒီနေ့တစ်နေ့တည်းမှာ စစ်တပ်က လေ
ကြောင်းကနေ ဗုံးလေးကြိမ်ကြဲသွားတယ်လို့စစ်ရေးသတင်းရင်းမြစ်တွေကပြောပါတယ်။

ဖားကန့်မှာ တိုက်ပွဲတ တကျော့ပြန်ဖြစ်ပွားတဲ့ ဧပြီ
လ၂ရက် နဲ့ ၃ရက်နေ့ကလည်း စစ်တပ်ကလေ
ကြောင်းကနေ ဗုံးကြဲခဲ့ပါတယ်။ဧပြီလ ၂ရက်ကတိုက်ပွဲအတွင်းစစ်တပ်ရှေ့တန်းစခန်း ၆ခုကို KIA၊KPDFကသိမ်းယူခဲ့ပါတယ်။  စစ်ကောင်စီတပ်က လေကြောင်းကနေဗုံးကြဲတဲ့အပြင် ဖားကန့်ဗျူဟာကုန်းနဲ့လက်နက်ကြီးတပ်ဆင်ထားတဲ့နေရာတွေကနေ ပစ်ခတ်လို့ ကလေးငယ်အချို့ပါဝင်ဒေသခံ ၆ဦးဒဏ်ရာရခဲ့ပါတယ်။

ဧပြီလ ၁၁ရက်က တိုက်ပွဲမှာစစ်ကောင်စီတပ်စွဲထားတဲ့ဖားကန့်ဗျူဟာကုန်းပေါ်ကို KIA ၊KPDF
ကဒရုန်းနဲ့ဗုံးကြဲလို့ ထိခိုက်သေဆုံးမှုတွေရှိခဲ့ပါတယ်။စစ်တပ်ကဘည်း  လေကြောင်းကနေ တိုက်လေယာဥ်နဲ့ဗုံး သုံးကြိမ်ကြဲခဲ့ပါတယ်။ ဧပြီ ၁၂ ရက်မှာလည်း  စစ်တပ်ဗုံးထပ်ကြဲခဲ့ပါသေးတယ်။

စစ်ရေးအခြေအနေတွေတင်းမာနေလို့လေကြောင်း
နဲ့ လက်နက်ကြီးအန္တရာယ်သတိပေးချက်တွေကို တော်လှန်ရေးအင်အားစုတွေက ထုတ်ပြန်ထားပါတယ်။

(ဖားကန်မှာ ဧပြီ ၁၃ ရက်က တိုက်ပွဲတွေပြင်းထန်နေတာ ၊စစ်တပ်ကဗုံးကြဲတာတွေကိုတွေ့ရစဥ်
ရုပ်သံ- Lung Jung La N)
#LNO
#HlaingInfo

"တော်လှန်မျိုးဆက် ရန်ကုန်သံချပ်"

အပိုင်း(၁)


#တော်လှန်မျိုးဆက်ရန်ကုန်သံချပ်
#စမ်းချောင်းပင်မသပိတ်
#CTUM
#yangon4brothers
#KyimyindaingNetworks
#LinnYaungNiYouthOrganization_LYNYO
#MayangoneDemocraticFront_MDF
#owlcommunity
#ရန်ကုန်သပိတ်အင်အားစု

အိန္ဒိယ-မြန်မာနယ်စပ် ချင်းပြည်နယ်တွင် အိန္ဒိယနိုင်ငံသား ၃ ဦး တိုက်ပွဲအတွင်း မြန်မာစစ်တပ်နှင့်ဆက်နွယ်နေသော လက်နက်ကိုင် တပ်ဖွဲ့၏ သတ်ဖြတ်မှုကြောင့် သေဆုံး

ဧပြီလ ၁၄ ရက်

အိန္ဒိယ-မြန်မာနယ်စပ် ချင်းပြည်နယ်တွင် အိန္ဒိယနိုင်ငံသား ၃ ဦးမှာ တိုက်ပွဲအတွင်း စစ် တပ်နှင့်ဆက်နွယ်နေသော လက်နက်ကိုင်တပ်ဖွဲ့၏ နှိပ်စက်သတ်ဖြတ်ခံရမှုကြောင့် သေ ဆုံးသွားကြောင်း The Diplomat က သတင်းဖော်ပြသည်။

အိန္ဒိယနိုင်ငံသား ၃ ဦးမှာ တော်လှန်ရေးအဖွဲ့ဖြစ်သော ပြည်သူ့ကာကွယ်ရေးတပ်မတော် က ဖမ်းဆီးခဲ့သော်လည်း နောက်ပိုင်းတွင် တိုက်ပွဲအတွင်း စစ်တပ်နှင့်ဆက်နွယ်နေသော လက်နက်ကိုင်အဖွဲ့တစ်ခု၏ နှိပ်စက်သတ်ဖြတ်ခြင်းကို ခံခဲ့ရခြင်းဖြစ်သည်။

အဆိုပါ အိန္ဒိယနိုင်ငံသား ၃ ဦးသည် မတ်လ ၁၇ ရက်နေ့က မြန်မာနိုင်ငံ၊ ချင်းပြည်နယ်၊ တီးတိန်မြို့တွင် မသင်္ကာဖွယ် လှည့်လည်သွားလာနေစဉ် ပြည်သူ့ကာကွယ်ရေးတပ်မတော် က ဖမ်းဆီးခဲ့သည်။

ချင်းပြည်နယ်၊ တီးတိန်မြို့သည် အိန္ဒိယနိုင်ငံ၊ မီဇိုရမ်ပြည်နယ်ရှိ နယ်စပ်မြို့ဖြစ်သော ဇိုခေါသာ (Zokhawthar) ၏ အရှေ့ဘက် ၈၀ ကီလိုမီတာခန့်အကွာတွင် တည်ရှိပြီး ဇိုမီးလူမျိုးများ နေထိုင်ရာ ဒေသဖြစ်သည်။

ပြည်သူ့ကာကွယ်ရေးတပ်မတော်မှ အဆင့်မြင့်တာဝန်ရှိသူတစ်ဦးက The Diplomat သို့ ပြောကြားရာတွင် အဆိုပါ အိန္ဒိယနိုင်ငံသား ၃ ဦးကို လုံခြုံစိတ်ချရသော အိမ်တစ်အိမ်သို့ ခေါ်ဆောင်သွားပြီး နာရီပေါင်းများစွာ စစ်ဆေးခဲ့ကြောင်း၊ ၎င်းတို့ထံမှ အိန္ဒိယမဲပေးသူ မှတ်ပုံတင်ကတ် ၃ ခုနှင့် မီဇိုရမ်ပြည်နယ်သို့ သွားရောက်ရာတွင် အိန္ဒိယနိုင်ငံသားတိုင်း ရယူရသည့် အတွင်းပိုင်းနယ်မြေ သွားလာခွင့်လက်မှတ် (Inner Line Permit) ၁ ခု အပါအဝင် စာရွက်စာတမ်းအားလုံးကို သိမ်းဆည်းရရှိခဲ့သည်။

ဖမ်းဆီးရရှိသော အိန္ဒိယနိုင်ငံသား ၃ ဦးမှာ Aftar Hussain Mazumder၊ Jahangir Mirza နှင့် Arfik Rahaman Khan တို့ ဖြစ်ကြသည်။ Mazumder နှင့် Mirza တို့သည် အိန္ဒိယအရှေ့မြောက်ပိုင်း အာသံပြည်နယ်၊ ကာချာ (Cachar) ဒေသမှ ဖြစ်ကြပြီး Khan သည် အနောက်ဘင်္ဂလားပြည်နယ်၊ မက်ဒီနီပူ (Medinipur) အနောက်ပိုင်းတွင် နေထိုင်သူဖြစ်သည်။

၎င်းတို့ ၃ ဦးနှင့်အတူ အနောက်ဘင်္ဂလား လိုင်စင်နံပါတ်ပါသည့် အဖြူရောင် SUV ကားတစ်စီးဖြင့် မီဇိုရမ်ပြည်နယ် နယ်စပ်မှတစ်ဆင့် တီးတိန်သို့ လာရောက်ခဲ့ကြခြင်းဖြစ်ပြီး အဆိုပါ မော်တော်ယာဉ်ကိုလည်း ပြည်သူ့ကာ ကွယ်ရေးတပ်မတော်က သိမ်းဆည်းရရှိခဲ့သည်။

ပြည်သူ့ကာကွယ်ရေးတပ်မတော်မှ တာဝန်ရှိသူက "သူတို့က မီဇိုဘာသာစကားရော၊ အင်္ဂလိပ်ဘာသာစကားရော မပြောတတ်ကြဘူး။ ဒီဒေသရဲ့ မြေမျက်နှာသွင်ပြင်နဲ့ မတည်ငြိမ်တဲ့ အခြေအနေတွေကိုလည်း ဘာမှမသိကြဘူး။ တော် လှန်ရေးအဖွဲ့တွေကို အကြောင်းမကြားဘဲ ဘယ်သူမှ၊ သတင်းထောက်တွေတောင် ဒီဒေသထဲကို မလာကြဘူး" ဟု ပြောကြားသည်။

အဆိုပါ အိန္ဒိယနိုင်ငံသား ၃ ဦးသည် ဘင်္ဂါလီစကားပြောသူများဖြစ်ကြောင်း သိရှိရသဖြင့် နောက်တစ်နေ့တွင် မီဇိုရမ်မှ စကားပြန်တစ်ဦးကို ခေါ်ယူကာ ထပ်မံစစ်ဆေးခဲ့သည်ဟု ဆိုသည်။

စစ်ဆေးမေးမြန်းမှုတွင် အိန္ဒိယနိုင်ငံသားများက ၎င်းတို့သည် ခေါင်းအုံးနှင့် မွေ့ရာများ ရောင်းချနိုင်ခြေ ရှိ၊ မရှိ ချင်းပြည်နယ်အတွင်းသို့ လာရောက်လေ့လာခြင်းဖြစ်ကြောင်း ဖြေကြားခဲ့ကြသည်။

"ကျွန်တော်တို့ ဇဝေဇဝါ ဖြစ်ခဲ့ပေမယ့် သူတို့ကားကို သိမ်းဆည်းထားပြီး သူတို့ကိုတော့ နောက်တစ်နေ့မှာ နယ်စပ်ကို ပြန်ပို့ပေးဖို့ ဆုံးဖြတ်ခဲ့ပါတယ်။ ဒါပေမယ့် နောက်တစ်နေ့ မနက်စောစောမှာပဲ ကြေကွဲစရာ ဖြစ်ရပ်က စခဲ့တာပါ" ဟု ပြည်သူ့ကာကွယ်ရေးတပ်မတော်မှ တာဝန်ရှိသူက ရှင်းပြသည်။

ဆက်လက်ဖတ်ရှုပါရန် - ⤵️⤵️