16 April 2026 ထွက်မည့်ဘတ် ၆ သန်း ထိုင်းထီလက်မှတ်များရပါပြီရှင့်

🍀
                                                           
🍃 ထီ 1 စောင်ကို မြန်မာငွေ 14,500 ကျပ်။  ထိုင်းဘတ် 100 ပါ။ 🌿     

မိမိနှစ်သက်ရာ ထီနံပါတ်များရွေးချယ်ရန်လင့် -
https://hlaing.info/lottery/                                        
                                               
🎁 ရရှိနိုင်သောထီနံပါတ်များ 🎁                                         

363500
054802
197303
635505
561006
535007
682708
853409

026511
390812
877313
249014
884615
511116

350346
976047
126049

046350
868151
016952
400054
593857
242958
544559

543760
025661
831062
631563
590066
827768
753169

306170
854472
020873
268174
091675
220877
497678
698779

072381
643582
513184
706385
984087
297589

547790
013791
038292
757693
166294
351895
652896
635097
148698

662300
409101
015102
165403
418604
671905
821507
568208
009209

034210
428511
834912
169413
905814
357615
646716
616817
029718
875919

006120
507223
991624
523925
099626
912927
349829

214431
768632
146933
670534
453235
523436
610539

390040
381042
853343
820144
066145
415946
952647
014948
855649

119650
361251
954753
625954
320855
440256
862358
808759

019060
959361
949462
939563
280466
138267
044069

126970
029972
049774
103776
903677
157678
849779

326680
772681
781282
335283
379584
825585
728386
282387
432488
878489

056890
736793
059294
825496
000397
533698

📱  ဆက်သွယ်ဝယ်ယူရန်  📱                                            
                                               
- https://t.me/pyithuaungpwel                                               
- https://t.me/infoAthlaing                                               
Viber   ☎️    +66930839386

#ThaiLottery                                               
#HlaingInfo

မွန်မှာ အစိုးရအပြောင်းအလဲဖြစ်ပေမယ့် လောင်းကစားဝိုင်းတွေ ဆက်ရှိမယ်

ဧပြီလ ၉ ရက်

မွန်ပြည်နယ်မှာ အစိုးရအဖွဲ့ အပြောင်းအလဲ ဖြစ်လာပေမယ့် ဒေသတွင်းမှာတော့ လောင်းကစားဝိုင်းတွေကို ဆက်လက်ပြုလုပ်သွားဖို့ ရှိနေတယ်လို့ စစ်ကော်မရှင်နဲ့နီးစပ်သူတွေက သံလွင်တိုင်းမ်ကို ပြောပါတယ်။

စစ်တပ်ဦးဆောင်တဲ့ ရွေးကောက်ပွဲကနေ ပေါ်ထွက်လာတဲ့ မွန်ပြည်နယ် အစိုးရအဖွဲ့ရဲ့ ဝန်ကြီးချုပ်နဲ့ ဝန်ကြီးတွေကို ပြီးခဲ့တဲ့ ဧပြီ ၇ ရက်နေ့က ကျင်းပတဲ့ မွန်ပြည်နယ် လွှတ်တော် အစည်းအဝေးမှာ ကန့်ကွက်သူမရှိ အတည်ပြုခန့်အပ်ထားပါတယ်။

အဲဒီဝန်ကြီးတွေဟာ လာမယ့် မွန်ပြည်နယ် လွှတ်တော် အစည်းအဝေးမှာ ကျမ်းသစ္စာ ကျိန်ဆိုပြီး အစိုးရ တာဝန်တွေကို ထမ်းဆောင်ရတော့မှာ ဖြစ်ပါတယ်။

စစ်ကော်မရှင်နဲ့ နီးစပ်သူတွေရဲ့ ပြောပြချက်အရ မွန်ပြည်နယ် အစိုးရအဖွဲ့ အပြောင်းအလဲ ဖြစ်လာပေမယ့် ဒေသတွင်းမှာတော့ လောင်းကစားဝိုင်းတွေကို ဆက်လက်ပြုလုပ်သွားဖို့ အစီအစဉ် ရှိတယ်လို့ သိရပါတယ်။

လောင်းကစားဝိုင်းတွေက ရရှိလာတဲ့ ဝင်ငွေတွေဟာ စစ်ကော်မရှင် ဖွဲ့စည်းထားတဲ့ ပြည်သူ့စစ်အဖွဲ့အပါအဝင် ရပ်ရွာ ပြည်သူ့လုံခြုံရေးနဲ့အကြမ်းဖက်နှိမ်နင်းရေးအဖွဲ့တွေကို ထောက်ပံ့ပေးနေရတာကြောင့်လို့ ဆိုပါတယ်။

မော်လမြိုင် ဒေသခံ တစ်ဦးကတော့ လက်ရှိအချိန်ထိ ဒေသတွင်း နေရာအနှံ့မှာ လောင်းကစားဝိုင်းတွေ ဆက်ရှိနေသလို ဒေသတွင်းမှာ ရိုးရာတစ်ခုလိုတောင် ဖြစ်လာပြီလို့ ဝေဖန်ပါတယ်။

“လောင်းကစားဝိုင်းက ရှိနေတယ်။အခုက လုပ်နေတာပဲ။ ရွှေပြည်အေးမှာ ရှိတယ်။ဇေယျာသီရိမှာလည်း ဖြစ်နေတယ်။သာယာအေးမှာလည်း ဖြစ်နေတယ်။ လောင်းကစားဝိုင်းတွေကတော့ နေရာတိုင်းမှာရှိနေတယ်။ ပွဲကတော့ ကြည့်မယ့် လူတောင်မရှိဘူး။ လောင်းကစားက မပျောက်ဘူး။ ဒါက ရိုးရာလို ဖြစ်သွားပြီ”လို့ ဆိုပါတယ်။

လောင်းကစားဝိုင်းတွေဟာ စစ်တပ်အာဏာသိမ်းပြီးနောက် ဒေသတွင်းမှာ ကျယ်ကျယ်ပြန့်ပြန့် ရှိလာပြီး ဦးအောင်ကြည်သိန်း ဦးဆောင်တဲ့ အစိုးရလက်ထက်မှာ တရားဝင်သဖွယ် ပွဲပါမစ်တွေ ချပေးပြီး လုပ်ကိုင်ခွင့်တွေ ပေးအပ်ခဲ့တာပါ။

ဒေသတွင်းမှာ လောင်းကစားဝိုင်းတွေကြောင့် အရွယ်မရောက်သေးတဲ့ ကလေးသူငယ်တွေကအစ အကျင့် စာရိတ္တပိုင်း ဆိုင်ရာ ပျက်စီးမှုတွေ ရှိလာပေမယ့် မွန်ပြည်နယ်စစ်ကော်မရှင်ကတော့ လျစ် လျူရှုထားတာ ဖြစ်ပါတယ်။

မွန်ပြည်နယ်မှာတော့ လောင်းကစားဝိုင်းတွေကြောင့် မကြာခဏဆိုသလို ဆိုင်ကယ် ခိုးမှုတွေ၊ ခိုးဆိုးလုနှိုက်မှုတွေ၊ လိမ်လည်မှုတွေ ဆက်တိုက် ဖြစ်ပွားနေပေမယ့် စစ်ကော်မရှင်ကတော့ လောင်းကစားဝိုင်းတွေကို ဆက်လက်ခွင့်ပြုထားဆဲ ဖြစ်ပါတယ်။

ဓာတ်ပုံ-CJ
#TLT
#HlaingInfo

ပုဏ္ဏားကျွန်းမြို့နယ် ကန်ပူးရွာမှာလည်း ရေရှားပါးနေ

ဧပြီလ ၉ ရက်

ပုဏ္ဏားကျွန်းမြို့နယ်၊ ကန်ပူးရပ်ရွာမှာ ရေကန် ၄ ကန်ရှိတဲ့အနက် ၃ ကန်က ရေခမ်းခြောက်သွားပြီ ဖြစ်တဲ့အတွက် ရေအခက်အခဲနဲ့ စတင် ကြုံတွေ့ နေရပြီဖြစ်တယ်လို့ ဆိုပါတယ်။

“ရွာမှာ ရေကန် ၄ကန် ရှိပါတယ်။ အရင်ကဆို ရွာမှာ ရေအခက်အခဲမရှိပါ။ အခုက စစ်ဘေးရှောင် လူဦးရေ ပိုများလာတဲ့ အတွက် ရေကန် ၄ ကန်နဲ့တောင် မလောက်မငှဖြစ်နေပါတယ်” လို့ သတင်းပေးပို့လာတဲ့ ကျေးရွာသားတစ်ဦးက ပြောပါတယ်။

လက်ရှိ ကန်ပူးရွာ လူဦးရေထက် စစ်ဘေးရှောင် လူဦးရေက ပိုများနေတဲ့အတွက် သောက်ရေ သုံးရေကို နှစ်ရက်ခြားတစ်ခါ ချိန်ဆပြီး ခွဲဝေသုံးစွဲနေရတယ်လို့ ပြောပါတယ်။

ရေကန် ၄ ကန်အထဲမှာ အခုဆို ရေကန် ၁ ကန်မှာသာ ရေကျန်ရှိတော့ပြီး ဒီကျန်နေတဲ့ ရေကန်မှာလည်း အသုံးပြုသူများနေတာကြောင့် ရေခမ်းခြောက်လာတဲ့အတွက် ဒီနှစ် နွေရာသီအတွက် ရေမလုံလောက် နိုင်တော့လို့ သိရပါတယ်။

ယခင်နှစ်တွေကလည်း ရေကြောင့်အခက်အခဲတွေ ရှိခဲ့တဲ့အတွက် ဒီနှစ်မှာ ပိုပြီး အခက်အခဲ ကြုံလာနိုင်တဲ့ အခြေအနေ ရှိနေတယ်လို့ ပြောပါတယ်။

#KTM
#HlaingInfo

အင်ဒိုနီးရှားတွင် မင်းအောင်လှိုင်အပေါ် တိုင်ကြားသည့်အမှုအပေါ် ရှေ့နေချုပ်ရုံးက စတင်ကိုင်တွယ်သည့်အနေဖြင့် ကြီးလေးသော ရာဇဝတ်မှုများ စစ်ဆေးသည့်ဌာနသို့ လွှဲပြောင်း

ဧပြီလ ၉ ရက်

မြန်မာစစ်ခေါင်းဆောင်အပေါ် တရားစွဲဆိုထားသည့် အမှုကို အင်ဒိုနီးရှား ရှေ့နေချုပ်ရုံးက တရားဝင်လက်ခံလိုက်ပြီ ဖြစ်ပြီး ယင်းအမှုကို ကြီးလေးသော ရာဇဝတ်မှုများကို အထူးပြုစစ်ဆေးသည့် ဌာနခွဲသို့ လွှဲပြောင်းပေးကာ စတင်ကိုင်တွယ်နေပြီဖြစ်ကြောင်း ရှေ့နေချုပ်ရုံး ပြောရေးဆိုခွင့်ရှိသူက AFP သတင်းဌာနထံသို့ အတည်ပြု ပြောကြားသည်။

ဧပြီလ ၆ ရက်နေ့ မင်းအောင်လှိုင်ကို ရိုဟင်ဂျာ လူမျိုးတုံးသတ်ဖြတ်မှုဖြင့် အရေးယူပေးရန် ရိုဟင်ဂျာ ၁ ဦး နှင့် အင်ဒိုနီးရှားနိုင်ငံမှ ထင်ရှားကျော်ကြားသူလူပုဂ္ဂိုလ် ၁၀ ဦးတို့က အင်ဒိုနီးရှားနိုင်ငံ၏ ရာဇဝတ်ကျင့်ထုံးဥပဒေသစ်အရ တရားဝင်ဖိုင်တွဲ တင်သွင်းတိုင်ကြားခဲ့သည်။

လက်ရှိတွင် အင်ဒိုနီးရှား ရှေ့နေချုပ်ရုံးမှ ပြောရေးဆိုခွင့်ရှိသူက အဆိုပါ တိုင်ကြားချက်ကို ကြီးလေးသော ရာဇဝတ်မှုများဆိုင်ရာ ဌာနခွဲသို့ လွှဲပြောင်းပေးပြီဖြစ်ကြောင်း အတည်ပြုထားသည်။

အင်ဒိုနီးရှားနိုင်ငံတွင် ရိုဟင်ဂျာလူမျိုးတုံးသတ်ဖြတ်မှုဖြင့် အမှုဖွင့်ခံထားရသည့် မင်းအောင်လှိုင်နှင့် စစ်တပ်ကို မွတ်စလင်ကမ္ဘာက ဝိုင်းဝန်းဆန့်ကျင်ကြရန် အမှုဖွင့်တိုင်ကြားခဲ့သူ ရိုဟင်ဂျာအရေး တက်ကြွလှုပ်ရှားသူ ယာစမင်းအူလား (Yasmin Ullah) က တိုက်တွန်းလိုက်သည်။

ယာစမင်းအူလားသည် မြန်မာနိုင်ငံ၏ ရွေးကောက်ခံသမ္မတ ဖြစ်လာမည့် မင်းအောင်လှိုင်အား အနည်းစု မွတ်စလင်ရိုဟင်ဂျာများအပေါ် လူ့အခွင့်အရေး ချိုးဖောက်မှုများ ကျူးလွန်ခဲ့သည်ဟု စွပ်စွဲကာ အင်ဒိုနီးရှား ရှေ့နေချုပ်ရုံးထံ တိုင်ကြားခဲ့သည့် တရားလို ၁၁ ဦးအနက် တစ်ဦးဖြစ်သည်။

အင်ဒိုနီးရှားဥပဒေတွင် “Universal Jurisdiction” (ကမ္ဘာလုံးဆိုင်ရာ တရားစီရင်ပိုင်ခွင့်) ပြဋ္ဌာန်းချက် ပါရှိသဖြင့် မည်သည့်နေရာတွင်မဆို ကျူးလွန်ခဲ့သည့် ဆိုးရွားသော ရာဇဝတ်မှုများအတွက် တစ်ဦးတစ်ယောက်ချင်းစီကို တရားစွဲဆိုခွင့်ရှိသည်။

ရိုဟင်ဂျာတက်ကြွလှုပ်ရှားသူများသည် ယခင်ကလည်း အလားတူဥပဒေမျိုးရှိသည့် အာဂျင်တီးနားနိုင်ငံရှိ တရားရုံးတစ်ခုတွင် အမှုဖွင့်လှစ်ခဲ့ဖူးသည်။

အသက် ၃၄ နှစ်အရွယ်ရှိ အူလားသည် မြန်မာနိုင်ငံမှ အသက် ၃ နှစ်အရွယ်တွင် ထွက်ခွာခဲ့ပြီးနောက် ကနေဒါနိုင်ငံတွင် အခြေချနေထိုင်ကာ Rohingya Maiyafuinor Collaborative Network အမည်ရှိ လှုပ်ရှားမှုအဖွဲ့ကို တည်ထောင်ခဲ့သူဖြစ်သည်။

သူမက အင်ဒိုနီးရှားနိုင်ငံကို ရွေးချယ်ခဲ့ရခြင်းနှင့် ပတ်သက်၍ "ဒီနိုင်ငံဟာ ကမ္ဘာပေါ်မှာ မွတ်စလင်ဦးရေ အများဆုံးရှိတဲ့ နိုင်ငံဖြစ်သလို၊ အစ္စလာမ်ဘာသာဟာ တာဝန်ယူမှု တာဝန်ခံမှုဆိုတဲ့ အခြေခံမူပေါ်မှာ တည်ဆောက်ထားတာကြောင့် ဖြစ်ပါတယ်" ဟု ဧပြီလ ၈ ရက်နေ့က AFP သတင်းဌာနသို့ ပြောကြားခဲ့သည်။

၎င်းက ဆက်လက်၍ "ကျွန်မအနေနဲ့ အင်ဒိုနီးရှား ခေါင်းဆောင်ပိုင်းနဲ့ အာဆီယံခေါင်း ဆောင်တွေကို ကျွန်မတို့ လိုလားတဲ့ အနာဂတ်အကြောင်း သေချာစဉ်းစားပေးကြဖို့ တောင်းဆိုချင်ပါတယ်။ အကယ်၍ ကျွန်မတို့ဟာ စီးပွားရေး ဖွံ့ဖြိုးတိုးတက်မှုနဲ့ အာဆီယံပြည်သူတွေအကြောင်းကို စဉ်းစားနေတယ်ဆိုရင် ဒီဒေသ မတည်ငြိမ်မှုရဲ့ အရင်းခံအကြောင်းတရားဖြစ်တဲ့ မြန်မာစစ်တပ်ကို အဆုံးသတ်ဖို့ ပိုပြီး စဉ်းစားဖို့ လိုပါလိမ့်မယ်" ဟု ဆိုသည်။

မြန်မာစစ်ကောင်စီသည် ၂၀၂၁ ခုနှစ်တွင် အာဏာသိမ်းယူခဲ့ပြီး ဆယ်စုနှစ်ပေါင်းများစွာအတွင်း အထူးသဖြင့် ရိုဟင်ဂျာကဲ့သို့သော တိုင်းရင်းသားလူနည်းစုများအပေါ် လူ့အခွင့်အရေး ချိုးဖောက်မှုများ ပြုလုပ်ခဲ့ကြောင်း တက်ကြွလှုပ်ရှားသူများက ဝေဖန်ထောက်ပြကြသည်။

"တစ်နေ့မှာ မင်းအောင်လှိုင်ကို တရားရုံးမှာ ရင်ဆိုင်ပြီး သူကျူးလွန်ခဲ့တဲ့ ဒုက္ခသည်တွေနဲ့ တကယ် မျက်နှာချင်းဆိုင်ပေးနိုင်ဖို့ မျှော်လင့်ပါတယ်။ အဲဒီ ဒုက္ခသည်တချို့ဟာ အခု အင်ဒိုနီးရှားမြေပေါ်မှာ ရှိနေပါတယ်" ဟု အူလားက ပြောကြားသည်။

မြန်မာစစ်ခေါင်းဆောင်များကမူ အင်ဒိုနီးရှားရှိ အမှုနှင့်ပတ်သက်၍ တစ်စုံတစ်ရာ မှတ်ချက်ပေးခြင်း မရှိသေးသော်လည်း ရိုဟင်ဂျာများသည် ဘင်္ဂလားဒေ့ရှ်မှ ဝင်ရောက်လာသူများသာဖြစ်ကြောင်းနှင့် ၂၀၁၇ ခုနှစ်အတွင်း နှိမ်နင်းမှုမှာ အကြမ်းဖက်သောင်းကျန်းသူများကိုသာ ပစ်မှတ်ထားခြင်းဖြစ်ကြောင်း ယခင်က ငြင်းဆိုထားလေ့ရှိသည်။

ဆက်လက်ဖတ်ရှုပါရန် - ⤵️⤵️

မင်းပြားတွင် စစ်တပ်က လေကြောင်းဖြင့် ဗုံးကျဲမှုကြောင့် ပြည်သူ ၁ ဦး သေဆုံး၊ လေ ကြောင်း ရန်ကြောင့် သင်္ကြန်ကာလ လိုက်နာရမည့် စည်းကမ်းချက်များကို အာရက္ခအစိုးရ ထုတ်ပြန်

ဧပြီလ ၉ ရက်

အာရက္ခပြည်နယ်အတွင်း စစ်ရေးအရ ရှုံးနိမ့်နေသည့် စစ်ကောင်စီသည် အရပ်သားများရှိရာ နေရာများကို ပစ်မှတ်ထားတိုက်ခိုက်နေပြီး မင်းပြားမြို့နယ်တွင် လေကြောင်းဗုံးကြဲမှုကြောင့် ပြည်သူတစ်ဦး သေဆုံးကာ တစ်ဦး ဒဏ်ရာရရှိခဲ့ကြောင်း ရခိုင်ဒေသသတင်းရင်းမြစ် APM သတင်းအရ သိရှိရသည်။

ယမန်နေ့ ဧပြီလ ၈ ရက် နံနက် ၈ နာရီခန့်အချိန် စစ်တပ်က မင်းပြားမြို့နယ်၊ ပုလဲတောင် (ကပ္ပဲ့) ရွာသို့ ဂျက်တိုက်လေယာဉ်ဖြင့် ဗုံး ၃ လုံး ကြဲချတိုက်ခိုက်ခဲ့ပြီး ကျေးရွာအတွင်း ကျရောက်ပေါက်ကွဲမှုကြောင့် အသက် ၃၅ နှစ်အရွယ် ဦးမျိုးချစ် (ခ) အမဲမှာ ခန္ဓာ ကိုယ်အနှံ့ ဗုံးစထိမှန်ကာ နေရာတွင်ပင် ပွဲချင်းပြီး သေဆုံးသွားခဲ့သည်။

အလားတူ အသက် ၁၅ နှစ်အရွယ် မောင်သန်းဝင်းမောင်မှာလည်း ဗုံးစထိမှန်ကာ ဒဏ်ရာရရှိခဲ့ပြီး ဗုံးဒဏ်ကြောင့် ကျေးရွာအတွင်းရှိ စာသင်ကျောင်းနှင့် လူနေအိမ်တစ်လုံး ပျက်စီးသွားခဲ့ကာ ဒဏ်ရာရရှိသူမှာ လက်ရှိတွင် အရေးပေါ်ဆေးကုသမှု ခံယူနေရသည်။

အခြားတစ်ဖက်တွင်လည်း စစ်တပ်၏ လေကြောင်းနှင့် လက်နက်ကြီး အန္တရာယ်များရှိနေသဖြင့် အာရက္ခပြည်သူ့တော်လှန်ရေးအစိုးရက လာမည့်သင်္ကြန်ကာလအတွက် ပြည်သူများလိုက်နာရမည့် စည်းကမ်းချက်များကို ယနေ့ ထုတ်ပြန်သည်။

အဆိုပါ စည်းကမ်းချက်များတွင် မြို့ပေါ်များတွင် ကားများဖြင့် လှည့်လည်ရေကစားခြင်း မပြုရန်၊ မြို့ရွာအချင်းချင်း ကားများဖြင့် ကခုန်လှည့်လည် သွားလာခြင်း မပြုရန်၊ လူစုလူဝေးဖြစ်စေသည့် သင်္ကြန်မဏ္ဍပ်များ ပြုလုပ်၍ ရေကစားခြင်း မပြုရန်၊ လူစုလူဝေးဖြစ်စေသည့် ဖျော်ဖြေရေး (Show) ပွဲများ ကျင်းပခြင်း မပြုရန်၊ ဘုန်းကြီးကျောင်းများတွင် ဥပုသ်သီလဆောက်တည်ခြင်းနှင့် အလှူအတန်းများကို လူစုလူဝေးဖြင့် မပြုလုပ်ရန်၊ ဆောင်းဘောက် (Speaker) များ ဆူညံစွာဖွင့်ခြင်းနှင့် ပတ်ဝန်းကျင်ကို အနှောင့်အယှက်ဖြစ်စေမည့် အပြုအမူများ မပြုလုပ်ရန် တို့ပါဝင်သည်။

အဆိုပါ စည်းကမ်းချက်များကို ဌာနဆိုင်ရာ တာဝန်ရှိသူများ ကိုယ်တိုင် တိကျစွာ လိုက်နာရမည်ဖြစ်ပြီး ပြည်သူများကိုလည်း အခြေအနေအရပ်ရပ်ကို ထောက်ရှုကာ သည်းခံစိတ်ရှည်စွာဖြင့် နားလည်အောင် ရှင်းပြရမည်ဖြစ်ကြောင်း၊ တာဝန်ရှိသူများအနေဖြင့် ပြည်သူများ လိုက်နာမှု ရှိ၊ မရှိကိုလည်း စောင့်ကြည့်ကြပ်မတ်သွားရန် အာရက္ခပြည်သူ့တော်လှန်ရေးအစိုးရက ညွှန်ကြားချက် ထုတ်ပြန်ထားသည်။

ဓာတ်ပုံ- APM ။
#KTM
#HlaingInfo

စိတ်ဓာတ်စစ်ဆင်ရေးကို အရှိန်မြှင့်တင်ရန် တပ်ချုပ်သစ် ရဲဝင်းဦးပြောလာ

ဧပြီလ ၉ ရက်

တပ်ချုပ်သစ်ရဲဝင်းဦးက စိတ်ဓာတ်စစ်ဆင်ရေးကို အရှိန်မြှင့်တင်ရန် ယမန်နေ့( ဧပြီ ၈ရက်)က ကျရောက်သည့် ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေးညွှန်ကြားရေးမှူးရုံး (PRPW) ၏ (၇၉) နှစ်မြောက် နှစ်ပတ်လည်နေ့တွင် ပြောကြားခဲ့သည်။

တပ်ချုပ်သစ် ရဲဝင်းဦးက စိတ်ဓာတ်စစ်ဆင်ရေးသည် တပ်မတော်တစ်ရပ်လုံးကို စိတ်ဓာတ်ဖြင့် တည်ဆောက်ရန်နှင့် ပြည်သူနှင့် တပ်မတော် တစ်သားတည်းဖြစ်စေရန် ဖော်ဆောင်ရမည့် အဓိကဗျူဟာဖြစ်ကြောင်း အလေးပေးပြောကြားခဲ့သည်။

ဤဗျူဟာကို အကောင်အထည်ဖော်ရန်အတွက် မြဝတီ (MWD) ရုပ်မြင်သံကြားစတူဒီယိုများတွင် ခေတ်မီနည်းပညာများ အသုံးပြုကာ ဝါဒဖြန့်ချိရေးလုပ်ငန်းများကို အရှိန်မြှင့်ရန် ပြင်ဆင်နေမှုအပေါ် နိုင်ငံရေးလေ့လာသူတစ်ဦးက "ဒါဟာ မြေပြင်စစ်ရှုံးနေတာကို မီဒီယာဝါဒဖြန့်မှုနဲ့ ဖုံးကွယ်ဖို့ ကြိုးစားတာဖြစ်သလို၊ ပြည်သူတွေရဲ့ စိတ်ဓာတ်ကို သတင်းတု၊ သတင်းမှားတွေနဲ့ ဝေဝါးအောင်လုပ်မယ့် စိတ်ဓာတ်စစ်ဆင်ရေး အခင်းအကျင်းသစ်ပဲ ဖြစ်တယ်" ဟု သုံးသပ်သည်။

ထို့ပြင် ရဲဝင်းဦးက တပ်တွင်းစည်းလုံးမှုအတွက် ၂၀၂၆-၂၀၂၇ ပညာသင်နှစ်တွင် တပ်မတော်လူငယ်ပညာရေးကျောင်းများ ဖွင့်လှစ်ပြီး နည်းပညာသင်ကြားပေးမည်ဟု ပြောကြားခဲ့သည်။

"အရင်ကလည်း ဒီလိုကျောင်းတွေ ရှိခဲ့တာပဲ၊ ဒါပေမဲ့ အခုမှ အထူးတလည် လုပ်ပြနေတာက တပ်တွင်းမှာ စိတ်ဓာတ်တွေ ပြိုကွဲနေပြီး အောက်ခြေစစ်သည်တွေက ခေါင်းဆောင်ပိုင်းကို မယုံကြည်တော့လို့ ဖြစ်တယ်၊ ဒါကြောင့် မိသားစုတွေကို ပညာရေးနဲ့ မျှားပြီး တပ်တွင်းစည်းရုံးရေး ပြန်လုပ်နေရတာ" CDM စစ်သား တစ်ဦးက ပြောသည်။

"သမိုင်းမှာ ပြည်သူနဲ့ တစ်သားတည်းရှိခဲ့တယ်ဆိုတာက အတိတ်ကပုံရိပ်ကို အလွဲသုံးစားလုပ်နေတာပါ၊ လက်ရှိမှာ ပြည်သူ့အိုးအိမ်တွေကို မီးရှို့နေတဲ့ တပ်မတော်က ပြည်သူနဲ့ တစ်သားတည်းဖြစ်ဖို့ဆိုတာ ဘယ်လိုမှ မဖြစ်နိုင်တဲ့ ကိစ္စပဲ" ဟု တက်ကြွလှုပ်ရှားသူတစ်ဦးက ပြင်းပြင်းထန်ထန် ဝေဖန်ခဲ့သည်။

တပ်ချုပ်သစ်အနေဖြင့် တပ်၏ပုံရိပ်ကို နည်းမျိုးစုံဖြင့် ပြန်လည်တည်ဆောက်ရန် ကြိုးစားနေသော်လည်း မြေပြင်အခြေအနေနှင့် ကွာဟနေကြောင်း ၎င်းက ဆက်လက်ပြောကြားသည်။

စစ်ဘက်ရေးရာ လေ့လာသူများ၏ အဆိုအရ ရဲဝင်းဦး၏ ညွှန်ကြားချက်များသည် လက်နက်အားကိုးဖြင့်သာမကဘဲ နည်းပညာနှင့် စိတ်ဓာတ်စစ်ဆင်ရေး နည်းလမ်းများကို အသုံးပြု၍ ပြည်သူ့စိတ်ဓာတ်ကို လွှမ်းမိုးရန် ကြိုးပမ်းလာခြင်း ဖြစ်သည်။

နေပြည်တော်နှင့် ရန်ကုန်ရှိ တပ်မတော်လူငယ်ကျောင်းများမှတစ်ဆင့် နည်းပညာကျွမ်းကျင်သည့် စစ်သည်များကို မွေးထုတ်ကာ ဆိုရှယ်မီဒီယာများပေါ်တွင် ဝါဒဖြန့်စစ်ဆင်ရေးများ ပိုမိုပြုလုပ်လာနိုင်သည်ဟု နိုင်ငံရေးလေ့လာသူများက ခန့်မှန်းသည်။

သို့သော်လည်း စစ်သား CDM များကမူ စိတ်ဓာတ်စစ်ဆင်ရေးဆိုသည်မှာ အတင်းအဓမ္မ စည်းရုံး၍မရဘဲ အပြုအမူနှင့် လက်တွေ့ဆောင်ရွက်ချက်ပေါ်တွင်သာ မူတည်ကြောင်း ထောက်ပြကြသည်။

"တပ်ချုပ်သစ်က ဘယ်လောက်ပဲ စိတ်ဓာတ်စစ်ဆင်ရေးလုပ်ဖို့ ပြောပြော၊ အောက်ခြေမှာတော့ စစ်သားတွေက ရှေ့တန်းမှာ အသေခံနေရပြီး အရာရှိကြီးတွေကပဲ ကောင်းစားနေတာကို မြင်နေရတော့ ဘယ်လိုမှ စိတ်ဓာတ်တက်လာမှာ မဟုတ်ဘူး" ဟု CDM စစ်သား တစ်ဦးက ပြောသည်။

နိုင်ငံရေးတက်ကြွလှုပ်ရှားသူများကလည်း စစ်ကော်မရှင်၏ စိတ်ဓာတ်စစ်ဆင်ရေးဗျူဟာကို တန်ပြန်ရန်အတွက် ပြည်သူများအနေဖြင့် သတင်းအချက်အလက်များကို ဝေဖန်ပိုင်းခြားနိုင်ရန် လိုအပ်ကြောင်း တိုက်တွန်းထားသည်။

အထူးသဖြင့် မြဝတီကဲ့သို့သော လိုင်းများမှတစ်ဆင့် ထုတ်လွှင့်မည့် သတင်းများကို သတိထားစောင့်ကြည့်ရန်နှင့် စစ်ကော်မရှင်၏ စိတ်ဓာတ်ပိုင်းဆိုင်ရာ ထိုးစစ်ကို သတင်းအမှန်များဖြင့် တုံ့ပြန်ရန် အရေးကြီးကြောင်း ဆိုကြသည်။

တပ်ချုပ်သစ် ရဲဝင်းဦး၏ လမ်းညွှန်ချက်တွင် ပါဝင်သော "ပြည်သူနှင့် တစ်သားတည်းဖြစ်ရေး" ဆိုသည့်အချက်သည် လက်တွေ့တွင် ပြည်သူ့အပေါ် ဖိနှိပ်မှုများ ရှိနေသရွေ့ အောင်မြင်ရန် ခဲယဉ်းကြောင်း လေ့လာသူများက တညီတညွတ်တည်း ရှုမြင်ကြသည်။

CDM စစ်သည်များ၏ အမြင်အရ တပ်တွင်းနည်းပညာသင်တန်းများနှင့် ပညာရေးကျောင်းများသည် စစ်သည်များ၏ ဘဝတိုးတက်ရေးထက် စစ်အာဏာရှင်စနစ် သက်ဆိုးရှည်ရေးအတွက် အသုံးချရန်သာ ဖြစ်သည်ဟု ယူဆကြသည်။

"စစ်ပညာထက် နည်းပညာကို ဦးစားပေးလာတာက မြေပြင်မှာ လူကိုယ်တိုင် တိုက်ဖို့ထက် မီဒီယာကနေ တိုက်ခိုက်ဖို့ ပိုပြီး အားသန်လာတာကို ပြနေတာ" ဟု CDM စစ်သား တစ်ဦးက ပြောသည်။

ဆက်လက်ဖတ်ရှုပါရန် - ⤵️⤵️

စစ်ကော်မရှင်၏ အကြမ်းဖက်မှုများကြောင့် မတ်လအတွင်း အမျိုးသမီး ၈၈ ဦးသေဆုံး

ဧပြီလ ၉ ရက်

အာဏာသိမ်းစစ်ကော်မရှင်သည် တစ်ဖက်တွင် ၎င်းတို့အစိုးရအဖြစ် အသိအမှတ်ပြုခံရရေးအတွက် တရားမဝင်ရွေးကောက်ပွဲပြုလုပ်ခြင်း၊ သမ္မတအသစ်တင်မြှောက်ခြင်းများ ပြုလုပ်နေသော်လည်း မြေပြင်တွင် အကြမ်းဖက်လုပ်ရပ်များကို ပြုလုပ်နေပြီး အကြမ်းဖက်ဖြစ်စဉ်များကြောင့် မတ်လအတွင်း အမျိုးသမီး ၈၈ ဦးအထိသေဆုံးခဲ့ကြောင်း မြန်မာ့အမျိုးသမီးသမဂ္ဂ(BWU) ထံက သိရသည်။

စစ်တပ်၏ အကြမ်းဖက်မှုဖြစ်စဉ်များတွင် လေကြောင်းမှ ဗုံးကြဲတိုက်ခိုက်ခြင်း၊ မတရားသတ်ဖြတ်ခံရခြင်း၊ မီးရှို့သတ်ဖြတ်ခံရခြင်း၊ လက်နက်ကြီးဖြင့်ပစ်ခတ်ခံရခြင်း၊ လိင်ပိုင်းဆိုင်ရာအကြမ်းဖက်ခံရခြင်း၊ မြေမြှုပ်မိုင်းပေါက်ကွဲခြင်း၊ ‌အကျဉ်းထောင်တွင်း ဆေးကုသမှုလုံလောက်စွာ မရရှိခြင်းတို့ ပါဝင်နေကြောင်း သိရသည်။

သေဆုံးခဲ့သည့် အမျိုးသမီး ၈၈ ဦးတွင် အသက်မပြည့်သေးသည့် မိန်းကလေးငယ် ၂၀ ဦးအထိပါဝင်နေပြီး ကိုယ်ဝန်ဆောင်အမျိုးသမီး သုံး ဦးပါဝင်ကာ ထိခိုက်ဒဏ်ရာရရှိသူပေါင်း ၅၄ ဦးအထိရှိကြောင်းလည်း သိရသည်။

ပြီးခဲ့သည့် မတ် ၅ ရက်နေ့တွင်ဖြစ်ပွားခဲ့သည့် ညောင်လေးပင်မြို့နယ်အတွင်း အစုလိုက် အပြုံလိုက်သတ်ဖြတ်ခံရမှုဖြစ်စဉ်တွင် အမျိုးသမီး ၁၇ ဦးအထိပါဝင်ခဲ့သည်။

စစ်တပ်၏ အကြမ်းဖက်သတ်ဖြတ်မှုကြောင့် စစ်ကိုင်းတိုင်းမှ အမျိုးသမီး ၃၇ ဦးအထိသေဆုံးကာ အများဆုံးဖြစ်ပြီး ပဲခူးတိုင်းမှ ၂၈ ဦး ဖြင့်ဒုတိယအများဆုံး သေဆုံးကာ မကွေး၊ မန္တလေး၊ ကရင်၊ ကရင်နီ၊ တနင်္သာရီ၊ ရှမ်း၊ ရခိုင် တို့မှလည်း သေဆုံးသူများ ရှိခဲ့ကြောင်းသိရသည်။

ဓာတ်ပုံ - KNU
#AYAT
#HlaingInfo

လူ့အခွင့်အရေးဆိုင်ရာဝန်ကြီးဌာန က ပြည်ထောင်စုလူ့အခွင့်အရေးကော်မရှင်ဥပဒေကြမ်း (မူကြမ်း) နဲ့ ပတ်သက်ပြီး CRPH ဥပဒေရေးရာကော်မတီ နဲ့ ညှိနှိုင်းဆွေးနွေး

ဧပြီလ ၉ ရက်

အမျိုးသားညီညွတ်ရေးအစိုးရ ၊ လူ့အခွင့်အရေးဆိုင်ရာဝန်ကြီးဌာန က ပြည်ထောင်စုလူ့အခွင့်အရေး ကော်မရှင်ဥပဒေကြမ်း (မူကြမ်း) နဲ့ ပတ်သက်ပြီး ပြည်ထောင်စုလွှတ်တော်ကိုယ်စားပြုကော်မတီ (CRPH) ရဲ့ ဥပဒေရေးရာကော်မတီ နဲ့ ဧပြီ ၈ ရက်မှာ ညှိနှိုင်းဆွေးနွေးမှုတွေ ပြုလုပ်ခဲ့တယ်လို့ သိရပါတယ်။

တွေ့ဆုံမှုအတွင်းမှာ ဒုတိယဝန်ကြီး ဦးအောင်ကျော်မိုးနဲ့ CRPH ဥပဒေရေးရာကော်မတီ ဥက္ကဋ္ဌ တို့ ဦးဆောင်ပြီး ဥပဒေကြမ်းရဲ့ လက်ရှိအခြေအနေတွေ ရှေ့ဆက်လုပ်ဆောင်သွားမယ့် Timeline အခြေအနေတွေကို အသေးစိတ် တိုင်ပင်နိုင်ခဲ့တယ်လို့ သိရပါတယ်။

အဓိကအားဖြင့် ဧပြီလ (၁၅) ရက်နေ့အထိ ဥပဒေကြမ်းအတွက် အကြံပြုချက်များကို ဆက်လက်ရယူသွားမှာဖြစ်ပြီး သင်္ကြန်ကာလအပြီးမှာ NUCC နဲ့ တွေ့ဆုံပြီး မေလအတွင်း CRPH ဆီ တရားဝင်လမ်းကြောင်းမှတဆင့် ပေးပို့အတည်ပြုချက် ရယူသွားဖို့ စီစဉ်ထားမှုအားလည်း အသေးစိတ် ရှင်းလင်းပြောကြားခဲ့တယ်လို့ သိရပါတယ်။

လာမယ့် ဇွန်လအတွင်း ပြည်ထောင်စုလူ့အခွင့်အရေးကော်မရှင်ဥပဒေကို အပြီးသတ် အတည်ပြုနိုင်ရေး မျှော်မှန်းထားသလို အားလုံးပါဝင်တဲ့ "ပြည်သူ့ဥပဒေ" တရပ် ဖြစ်လာဖို့ CRPH ဘက်ကလည်း အစွမ်းကုန် ပူးပေါင်းဆောင်ရွက်သွားမှာဖြစ်ကြောင်း နဲ့ ဝန်ကြီးဌာနအနေဖြင့်လည်း ဒေသအသီးသီးရှိ တော်လှန်ရေးအင်အားစုများ၊ အုပ်ချုပ်ရေးယူနစ်များရဲ့ အမြင်များကို ထည့်သွင်းပေါင်းစပ်နိုင်ဖို့အတွက် တခြားသော ဒေသဆိုင်ရာ ယူနစ်များ နဲ့လည်း ဆက်လက်တွေ့ဆုံဆွေးနွေးမှုများ ပြုလုပ်သွားမှာဖြစ်တယ်လို့ အသိပေး ထုတ်ပြန်ထားပါတယ်။

လူ့အခွင့်အရေးဆိုင်ရာဝန်ကြီးဌာနအနေဖြင့် ပြည်ထောင်စုလူ့အခွင့်အရေးကော်မရှင်ဥပဒေကြမ်း (မူကြမ်း) နဲ့ ပတ်သက်တဲ့ ဆွေးနွေးညှိနှိုင်းမှုတွေကို ဖက်ဒရယ်ယူနစ်များအပြင် တရားဥပဒေပြုရေး မဏ္ဍိုင်ဖြစ်တဲ့ ပြည်ထောင်စုလွှတ်တော်ကိုယ်စားပြုကော်မတီ (CRPH) ရဲ့ ဥပဒေရေးရာ ကော်မတီနဲ့လည်း အနီးကပ် ညှိနှိုင်းဆွေးနွေးမှုများကို ဆက်လက် လုပ်ဆောင်နေတာပါ။

#PVTV
#HlaingInfo

မြင်းခြံ၊ ဖက်ပင်အိုင်ရွာတွင် စစ်တပ်က ပြည်သူနှင့် PDF ၁၁ ဦးကို သတ်ဖြတ်ပြီး  မိခင်အလောင်းလာသယ်သော သားဖြစ်သူကိုပါ ဒရုန်းဖြင့် ထပ်မံဗုံးကျဲ သတ်ဖြတ်

ဧပြီလ ၉ ရက်

မန္တလေးတိုင်း၊ မြင်းခြံမြို့နယ်၊ ဖက်ပင်အိုင်ကျေးရွာတွင် စစ်ကောင်စီတပ်က ကျေးရွာနေပြည်သူများနှင့် ကာကွယ်ပေးနေသည့် PDF ရဲဘော် စုစုပေါင်း ၁၁ ဦးကို အစုလိုက် အပြုံလိုက် ရက်စက်စွာ သတ်ဖြတ်ခဲ့ကြောင်း အမျိုးသားညီညွတ်ရေးအစိုးရ (NUG)၊ လူ့အခွင့်အရေးဝန်ကြီးဌာနက ထုတ်ပြန်လိုက်သည်။

ဧပြီလ ၁ ရက်နေ့ ညနေပိုင်း အကြမ်းဖက်စစ်တပ် လက်အောက်ခံ တပ်မ ၉၉ မှ အင် အား ၁၀၀ ကျော်က ဖက်ပင်အိုင်ကျေးရွာအတွင်းသို့ သေနတ်များ ပစ်ခတ်ဝင်ရောက်ခဲ့ပြီး ဘုန်းကြီးကျောင်းနှင့် စာသင်ကျောင်းတို့တွင် တပ်စွဲခဲ့ကြောင်း၊ ဧပြီလ ၂ ရက် နံနက်ပိုင်းတွင် ဆုံရွာရှိ စစ်တပ်နှင့် ပျူစောထီး အင်အား ၁၀၀ ကျော် ထပ်မံရောက်ရှိလာပြီးနောက် နံနက် ၈ နာရီမှစတင်ကာ ပြည်သူ့နေအိမ်များကို မီးရှို့ဖျက်ဆီးခဲ့ကြကြောင်း သိရှိရသည်။

ယင်းနောက် စစ်တပ်ပြန်လည်ဆုတ်ခွာသွားချိန် ဧပြီလ ၂ ရက်နေ့ နံနက် ၁၀ နာရီခန့် နေအိမ်များ မီးငြှိမ်းသတ်ရန် ရွာအတွင်းသို့ ပြန်ဝင်လာသည့် ပြည်သူများကို စစ်တပ်က ဒရုန်းဖြင့် ဗုံးကျဲတိုက်ခိုက်ခဲ့​ကြောင်း၊ ထို့ပြင် ကျေးရွာအနီး သစ်ပင်များအောက်၌ ခိုလှုံနေသူများကိုလည်း ထပ်မံတိုက်ခိုက်ခဲ့ကြောင်း၊ ယင်းတိုက်ခိုက်မှုကြောင့် ပြည်သူများကို ကယ်ထုတ် ပေးနေသည့် PDF ရဲဘော် ၃ ဦး သေဆုံးခဲ့ကြောင်း၊ အသက် ၆၃ နှစ်အရွယ် အမျိုး သမီးတစ်ဦးမှာ ဦးခေါင်းပွင့်ထွက်ဒဏ်ရာဖြင့် နေရာတင် သေဆုံးခဲ့ကြောင်း သိရှိရသည်။

စစ်တပ်က သေဆုံးသူများ၏ ရုပ်အလောင်းများကို မိသားစုထံ ပြန်မပေးသည့်အပြင် မိခင်ဖြစ်သူ၏ အလောင်းကို သယ်ဆောင်လာသည့် သားဖြစ်သူကိုပါ ဒရုန်းဖြင့် ထပ်မံဗုံးကျဲ သတ်ဖြတ်ခဲ့သည့်အထိ လူသားချင်းစာနာမှုကင်းမဲ့စွာ ကျူးလွန်ခဲ့ကြောင်း သိရှိရသည်။

သေဆုံးသွားသော အသက် ၆၃ နှစ်အရွယ် မိခင်ဖြစ်သူ၏ ရုပ်အလောင်းကို သယ်ဆောင်လာသည့် မိသားစုဝင်များကို စစ်တပ်က ဒရုန်းဖြင့် ထပ်မံဗုံးကျဲခဲ့ရာ အသက် ၃၇ နှစ်အရွယ် သားဖြစ်သူမှာ နောက်ကျောပွင့်ထွက်ကာ ထပ်မံသေဆုံးခဲ့ပြီး၊ အသက် ၆၅ နှစ်အရွယ် ခင်ပွန်းဖြစ်သူလည်း ဒဏ်ရာရရှိခဲ့သည်။

ယင်းအပြင် အသက် ၆၀ အရွယ် အမျိုးသမီးတစ်ဦးနှင့် အမျိုးသားတစ်ဦးတို့ကိုလည်း စစ်တပ်က သေနတ်ဖြင့် ပစ်ခတ်သတ်ဖြတ်ခဲ့ကြောင်း၊ သေဆုံးသူများ၏ ရုပ်အလောင်းများကို သင်္ဂြိုဟ်ခွင့်ပေးရန် မိသားစုဝင်များနှင့် ရွာသားများက တောင်းဆိုခဲ့သော်လည်း စစ်တပ်က "၎င်းတို့ဘာသာ သင်္ဂြိုဟ်ပေးမည်" ဟုဆိုကာ မိသားစုထံ ပြန်မပေးဘဲ မီးပုံရှို့ဖျက်ဆီးခဲ့ကြောင်း၊ ပြည်သူများမှာ မီးပြာကျနေသည့် အရိုးစုများကိုသာ ပြန်လည်တွေ့ရှိခဲ့ရကြောင်း သိရှိရသည်။

ဧပြီလ ၄ ရက်နေ့တွင်လည်း စစ်တပ်က ကျေးရွာအတွင်း ထပ်မံဝင်ရောက်ကာ ကျန်ရှိနေသည့် နေအိမ်များကို မီးရှို့ခဲ့ရာ နေအိမ်ပေါင်း ၂၁၀ လုံးနှင့် ဆေးရွက်ကြီးသိုလှောင်ရုံများ ပျက်စီးခဲ့ပြီး စုစုပေါင်း ကျပ်သိန်းပေါင်း ၈ သောင်းခန့် ဆုံးရှုံးခဲ့ကြောင်း သိရှိရသည်။

NUG လူ့အခွင့်အရေးဝန်ကြီးဌာနက ဤလုပ်ရပ်သည် စစ်ရေးပစ်မှတ်မဟုတ်သည့် အရပ် သားများကို ပစ်မှတ်ထားကာ လူသားချင်းစာနာမှု ကင်းမဲ့စွာ ကျူးလွန်သည့် "ဗြောင်ကျကျ စစ်ရာဇဝတ်မှု" ဖြစ်ကြောင်း ထုတ်ပြန်ထားပြီး၊ ကျူးလွန်သူများကို ထိရောက်စွာ အရေး ယူနိုင်ရေး အစွမ်းကုန် တာဝန်ယူဆောင်ရွက်သွားမည်ဖြစ်ကြောင်း ကြေညာထားသည်။

#KTM
#HlaingInfo

အရာတော်မှာ စစ်တပ်က ဘုန်းကြီးကျောင်း ၃ကျောင်းကို အသေခံဒရုန်းနဲ့ ဗုံးကြဲတိုက်ခိုက်လို့ သံဃာတော် ၂ပါး ဒဏ်ရာရ၊ သာသနိက အဆောက်အအုံတွေ ပျက်စီး

ဧပြီလ ၉ ရက်

​စစ်ကိုင်းတိုင်း၊ အရာတော်မြို့နယ်က ကမ်းပြူကျေးရွာမှာ စစ်တပ်က အသေခံဒရုန်းတွေနဲ့ ဘုန်းကြီးကျောင်း ၃ကျောင်းကို ဗုံးကြဲတိုက်ခိုက်လို့ သံဃာတော် ၂ ပါး ဒဏ်ရာရရှိပြီး သာသနိကအဆောက်အအုံတွေ ပျက်စီးခဲ့ပါတယ်။

မနေ့က ဧပြီ ၈ ရက် ညနေ ၄ နာရီ ၁၇မိနစ်ခန့်က အရာတော်မြို့နယ် ကမ်းပြူကျေးရွာက ဘုန်းတော်ကြီးကျောင်း ၃ကျောင်းကို ဗုံးသီးချတိုက်ခိုက်ခဲ့တာလို့ ဒေသခံများက ပြောပါတယ်။

အဲဒီတိုက်ခိုက်မှုကြောင့် ကျောင်းတိုက်အတွင်းရှိ သံဃာတော် (၂)ပါး ထိခိုက်ဒဏ်ရာများ ရရှိခဲ့ပြီးဘုန်းတော်ကြီးကျောင်းဝန်းအတွင်းရှိ ရှေးဟောင်းအဆောက်အအုံတွေနဲ့ သာသနာ့နယ်မြေအတွင်းရှိ အဆောက်အဦးတချို့ ထိခိုက်ပျက်စီးမှုများ ရှိခဲ့ကြောင်း ဒေသခံများက ပြောပါတယ်။

"တိုက်ပွဲဖြစ်ပွားခြင်းမရှိဘဲ နမခတပ်ကနေ  အသေခံဒရုန်း (၃)စင်းနဲ့ လေကြောင်းတိုက်ခိုက်သွားတာပါ"လို့ ဒေသခံတစ်ဦးက ပြောပါတယ်။

ဧပြီ ၇ရက်ကလည်း အသေခံဒရုန်းနှစ်စင်းနဲ့ ဒီပဲယင်းမြို့နယ် တနေရာကို လေကြောင်းတိုက်ခိုက်ခဲ့ပါသေးတယ်။

ဧပြီ ၆ ရက်ကတော့ ရွှေဘိုမြို့နယ်အနောက်ခြမ်းက ကျေးရွာတစ်ရွာမှာရှိတဲ့ စစ်ဘေးရှောင်စာသင်ကျောင်းကို စစ်တပ်က ဂျက်ဖိုက်တာနှစ်စီးနဲ့ လေကြောင်းတိုက်ခိုက်ရာ စာသင်ပေးတဲ့ ဆရာတော်တစ်ပါး ပျံလွန်တော်မူပြီး ကလေးငယ်တွေပါ ထိခိုက်မှုရှိခဲ့ပါတယ်။

လက်ရှိမှာ စစ်ကောင်စီတပ်ဟာ စစ်ရေးနဲ့ မသက်ဆိုင်တဲ့ ဘာသာရေးအဆောက်အအုံတွေနဲ့ လူနေကျေးရွာတွေကို ဒရုန်းတွေ အသုံးပြုကာ ဆက်တိုက်တိုက်ခိုက်နေခြင်းကြောင့် တော်လှန်ပြည်သူများအနေနဲ့ စစ်ရေးအသိ၊ စစ်ရေးသတိဖြင့် အမြဲမပြတ် ဂရုပြုနေထိုင်ကြဖို့ တော်လှန်ရေး အင်အားစုတွေက တိုက်တွန်းနှိုးဆော်ထားပါတယ်။

(ကမ်းပြူကျေးရွာရှိ ဘုန်းတော်ကြီးကျောင်းတစ်ကျောင်း လေကြောင်းတိုက်ခိုက်ခံရပြီးနောက် တွေ့ရစဥ်။ ဓါတ်ပုံ-Thu Thu)
#LNO
#HlaingInfo

တိုင်းပြည်အတွက် လုပ်ပေးတဲ့အခါ

လုပ်ပေးကြောင်းကိုမေ့ပြီး

လုပ်ပေးကြပါ။

လုပ်ပေးနိုင်တဲ့ အခွင့်အရေးအတွက်

ကျေးဇူးတင်ပါတယ်။

ငါလုပ်ပေးတယ်ဆိုပြီးတော့

မာန မကြီးကြပါနဲ့။


       ဒေါ်အောင်ဆန်းစုကြည်

နေ့စဉ် 11:11 AM အချိန်တိုင်း
အမေစု၏ ဆိုဆုံးမစကားများကို
https://t.me/infohlaing အဖွဲ့သားများမှ တင်ပေးလျှက်ရှိပါသည်ရှင့်။

#HlaingInfo

နတ်မောက်တွင် စစ်ကြောင်းထိုးလာသည့် စစ်တပ်ကို ကြားဖြတ်တိုက်ခိုက်မှု စစ်သားများ ထိခိုက်သေဆုံးမှုရှိနိုင်

ဧပြီလ ၉ ရက်

မကွေးတိုင်း၊ နတ်မောက်မြို့နယ်ရှိ ကျေးရွာများကို စစ်ကြောင်းထိုးရန် ထွက်လာသော စစ်ကောင်စီတပ်ကို တော်လှန်ရေးတပ်ဖွဲ့များက ကြားဖြတ်တိုက်ခိုက်ခဲ့ရာ စစ်တပ်ဘက်မှ ထိ ခိုက်သေဆုံးမှုများရှိကြောင်း အမှတ် ၉၀၂ တပ်ရင်း (People's Defense Force - Natmauk) ထံမှ သိရသည်။

ဧပြီလ ၂ ရက်နေ့ နံနက် ၅ နာရီ ၃၀ မိနစ်ခန့်တွင် ကာကွယ်ရေးပစ္စည်းစက်ရုံ (ကပစ ၁၇) မှ ထွက်လာသော အင်အား ၁၀၀ ခန့်ပါ စစ်ကောင်စီစစ်ကြောင်းကို နတ်မောက်မြို့နယ်၊ လဲဘူးကျေးရွာနှင့် ဥသျှစ်ကုန်းကျေးရွာအကြားတွင် တော်လှန်ရေးပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ခြင်းဖြစ်သည်။

အဆိုပါ တိုက်ခိုက်မှုနှင့် ပတ်သက်၍ အမှတ် ၉၀၂ တပ်ရင်းမှ တာဝန်ရှိသူတစ်ဦးက "ကပစ ၁၇ မှ ထွက်လာတဲ့ စစ်ခွေး အင်အား ၁၀၀ ဝန်းကျင်ရှိတယ်။ စစ်ခွေး သေစာရင်းကတော့ မသိရသေးဘူး။ စစ်ခွေးဘက်က ထိခိုက်သေဆုံးမှု ရှိနိုင်တယ်။ စစ်ခွေး စစ်ကြောင်းက ဘယ် ကို ပြန်ဆုတ်သွားလဲဆိုတော့ လောလောဆယ်တော့ မြို့နယ်ထဲမှာ ပတ်ထိုးနေတုန်းပဲ။ မြို့သစ်မြို့နယ် အစပ်ရွာတွေကို စစ်ကြောင်း ပြန်ထိုးနေတယ်။ စစ်ခွေးတွေဘက်က လက်နက်ခဲယမ်းတွေ သိမ်းဆည်းရမိတာမျိုး မရှိဘူး။ ခွေးအင်အားများပြီး ကိုယ်ဘက်က ခဲယမ်းမပြည့်စုံတော့ ပျောက်ကြားတိုက်ခိုက်မှုပဲ လုပ်နိုင်တယ်"ဟု ရှင်းပြသည်။

ယင်းတိုက်ခိုက်မှုအတွင်း စစ်ကောင်စီဘက်မှ ထိခိုက်သေဆုံးသူ အရေအတွက်ကို အတည်မပြုနိုင်သေးသော်လည်း တော်လှန်ရေးရဲဘော်များမှာမူ အထိအခိုက်မရှိ ဆုတ်ခွာနိုင်ခဲ့ကြသည်။

သို့သော် အဆိုပါ စစ်ကောင်စီစစ်ကြောင်းက အမှတ် ၉၀၂ တပ်ရင်း၏ လုံခြုံရေးကင်းစခန်းတစ်ခုကို မီးရှို့ဖျက်ဆီးသွားခဲ့သဖြင့် ကာလတန်ဖိုး ကျပ်သိန်း ၁၀၀၀ ခန့် ပျက်စီးဆုံးရှုံးခဲ့ရကြောင်း သိရသည်။

စစ်တပ်ကို ကြားဖြတ်တိုက်ခိုက်မှုကို အမှတ် ၉၀၂ တပ်ရင်းနှင့် ဗျူဟာအမှတ် ၁၇ လှုပ်ရှားစစ်ကြောင်းတို့က ပူးပေါင်းဆောင်ရွက်ခဲ့ခြင်းဖြစ်ကြောင်း၊ People's Defense Force - Natmauk အဖွဲ့အနေဖြင့် စီမံမှုအားနည်းချက်များကြောင့် ဆုံးရှုံးခဲ့ရသည်များကို သင်ခန်း စာယူကာ ယခုဆုံးရှုံးမှုအတွက် အားပြန်ဖြည့်၍ ဆက်လက်တိုက်ပွဲဝင်သွားမည်ဖြစ် ကြောင်း အသိပေး ထုတ်ပြန်ထားသည်။

#KTM
#HlaingInfo

စစ်အာဏာသိမ်း (၁၈၉၃)ရက်အတွင်း သတ်ဖြတ်ခံရသူ (၇၉၆၆) ဦးအထိရှိလာ

ဧပြီလ ၉ ရက်

AAPP ရဲ့ ဧပြီ၈ရက်နေ့အထိ ထုတ်ပြန်ချက်အရ မြန်မာနိုင်ငံတဝှမ်းလုံးမှာ စစ်အာဏာသိမ်းမှုကာလ (၁၈၉၃) ရက်အတွင်း ပြည်သူ (၇၉၆၆) ဦးအထိ အကြမ်းဖက်သတ်ဖြတ်ခံခဲ့ရကြောင်း သိရပါတယ်။

ဖမ်းဆီးခံရသူဦးရေကတော့ စုစုပေါင်း (၃၀၈၃၇) ဦးရှိလာခဲ့ပြီးဖြစ်ပါတယ်။

ပြန်လည်လွတ်မြောက်လာသူကတော့ (၈၆၂၀)ဦး ဖြစ်ပါတယ်။

အာဏာသိမ်းစစ်အုပ်စုရဲ့ အကြမ်းဖက်သတ်ဖြတ်မှုကြောင့် ရန်ကုန်မြို့မှ ကျဆုံးသူအများဆုံး ရှိခဲ့တာပါ။ မွန်ပြည်နယ်မှာတော့ကျဆုံးသူ(၇၂) ဦးအထိရှိလာခဲ့ပြီး ဖမ်းဆီးခံရသူ (၈၀၀) ကျော်ရှိပြီဖြစ်ကာ ပြီးခဲ့တဲ့ရက်မှာတော့ (၂၀၀) ကျော်ပြန်လည်လွတ်မြောက်လာခဲ့ပြီဖြစ်ပါတယ်။

ကိုးကား - AAPP
#TLT
#HlaingInfo

မြန်မာနိုင်ငံတွင် လောင်စာဆီနှင့် မြေဩဇာ ပြတ်လပ်မှုများကြောင့် စိုက်ပျိုးရေးနှင့်စားနပ်ရိက္ခာ ထုတ်လုပ်မှု အကျပ်အတည်းဆိုက်ကာ  စီးပွားရေးကိုပါ ခြိမ်းခြောက်လာ

ဧပြီလ ၉ ရက်

အီရန်စစ်ပွဲနောက်ဆက်တွဲ ဟော်မုဇ်ရေလက်ကြား ပိတ်ဆို့ခံရမှုကြောင့် ဖြစ်ပေါ်လာသည့် လောင်စာဆီ အကျပ်အတည်းနှင့် မြေဩဇာ ပြတ်လပ်မှုဒဏ်ကို မြန်မာနိုင်ငံ၏ အားနည်းလှသော စီးပွားရေးက ဆိုးဆိုးရွားရွား ခံစားနေရသည်။

ယင်းအခြေအနေသည် စိုက်ပျိုးရာသီ စတင်ချိန်မှာပင် တောင်သူများအနေဖြင့် လယ်ထွန်စက်များအတွက် ဆီမဖြည့်နိုင်ခြင်းနှင့် မြေဩဇာမရရှိခြင်းတို့ကြောင့် စားနပ်ရိက္ခာလုံခြုံမှုကို ခြိမ်းခြောက်နေသည်။

ပြည်တွင်းစစ်နှင့် အဆမတန် ငွေကြေးဖောင်းပွမှုဒဏ်ကို ခံစားနေရသည့်အပြင် လူဦးရေ၏ လေးပုံတစ်ပုံမှာ စားနပ်ရိက္ခာ လုံလောက်မှုမရှိသည့် မြန်မာနိုင်ငံသည် ယခုကဲ့သို့ လောင်စာဆီစျေးနှုန်း ရိုက်ခတ်မှုဒဏ်ကို ခံနိုင်ရည်မရှိကြောင်း ပညာရှင်များက သတိပေးထားသည်။

အမေရိကန်နှင့် အီရန်တို့ကြား နှစ်ပတ်ကြာ အပစ်ရပ်စဲမှုကြောင့် ရေလက်ကြား ပြန်ပွင့်လာနိုင်သော်လည်း မြန်မာနိုင်ငံတွင် လောင်စာဆီစျေးနှုန်းများ ချက်ချင်းကျဆင်းလာရန် သို့မဟုတ် လိုအပ်နေသည့် မြေဩဇာများကို အလျင်အမြန် တင်သွင်းနိုင်ရန်မှာ မလွယ်ကူလှပေ။

အကြောင်းမှာ နိုင်ငံခြားငွေ အလွန်နည်းပါးနေသော မြန်မာနိုင်ငံသည် အရှေ့အလယ်ပိုင်းမှ စွမ်းအင်နှင့် မြေဩဇာ (ယူရီးယား) ဝယ်ယူရန် ကြိုးပမ်းနေသည့် အာရှနိုင်ငံများအကြားတွင် နောက်ဆုံးတန်း၌သာ ရှိနေသောကြောင့် ဖြစ်သည်။

ကမ္ဘာ့စားနပ်ရိက္ခာအစီအစဉ် (WFP) ၏ သတိပေးချက်အရ ယခုစိုက်ပျိုးရာသီတွင် မြေဩ ဇာသုံးစွဲမှု ၅၀ ရာခိုင်နှုန်း လျော့ကျသွားပါက စိုက်ပျိုးရေးထုတ်လုပ်မှု ၁၀ ရာခိုင်နှုန်းမှ ၁၅ ရာခိုင်နှုန်းအထိ ကျဆင်းသွားနိုင်သည်ဟု ဆိုသည်။

"စားနပ်ရိက္ခာစျေးနှုန်းတွေက ၂၀ ရာခိုင်နှုန်းလောက် ထပ်တက်လာတယ်၊ အထူးသဖြင့် ဆား၊ ဆန်နဲ့ စားအုန်းဆီစျေးတွေပါ။ အခြေအနေက ပိုဆိုးလာနေတယ်၊ လောင်စာဆီ ခွဲတမ်းစနစ်ကြောင့် ပြည်သူတွေအပေါ် ဖိအားတွေ အများကြီး ရှိနေတယ်။ ဆိုင်ကယ်တစ်စီးကို ၂ လီတာ၊ ထရပ်ကားတစ်စီးကို ၁၅ လီတာလောက်ပဲ ကန့်သတ်ပြီး ထည့်ပေးနေရတယ်" ဟု ကမ္ဘာ့စားနပ်ရိက္ခာအစီအစဉ်- WFP ၏ မြန်မာနိုင်ငံဆိုင်ရာ ညွှန်ကြားရေးမှူး Michael Dunford က ပြောသည်။

ကုန်သွယ်ရေးမြို့တော် ရန်ကုန်နှင့် ဝေးလေလေ အခြေအနေက ပိုဆိုးလေလေဖြစ်ပြီး တောင်သူများမှာ လယ်ယာပြင်ဆင်ချိန်တွင် ဆီဆိုင်များ၌ ၄ နာရီခန့် တန်းစီစောင့်ဆိုင်းနေရခြင်းက ကုန်ထုတ်လုပ်မှုကို ထိခိုက်စေသည်။

စစ်အာဏာသိမ်းပြီးနောက်ပိုင်း မြန်မာနိုင်ငံတွင် လူပေါင်း ၁၂.၄ သန်းမှာ နေ့စဉ် စားနပ် ရိက္ခာ လုံလောက်မှု မရှိဖြစ်နေပြီး၊ ၃.၅ သန်းမှာ ပြည်တွင်းနေရပ်စွန့်ခွာ တိမ်းရှောင်နေရကြောင်း WFP က ဆိုသည်။

ကမ္ဘာ့ဘဏ်ကမူ ယခင်က မြန်မာ့စီးပွားရေး ၃ ရာခိုင်နှုန်း တိုးတက်မည်ဟု ခန့်မှန်းခဲ့သော်လည်း လက်ရှိအကျပ်အတည်းများကြောင့် မရေမရာ ဖြစ်နေသည်။

သာမန်ပြည်သူများအတွက် လောင်စာဆီ ပြတ်လပ်နေချိန်တွင် စစ်ကောင်စီသည် လက်နက်ကိုင်တော်လှန်ရေး အဖွဲ့များကို တိုက်ခိုက်ရန်အတွက် ဆီများကို သိုလှောင်ထားပြီး ၎င်းတို့၏ လိုအပ်ချက်ကိုသာ ဦးစားပေးနေသည်ဟု စွပ်စွဲခံထားရသည်။

ဩစတေးလျနိုင်ငံ Curtin တက္ကသိုလ်မှ ပါမောက္ခ ထွေးထွေးသိန်းက "မြန်မာနိုင်ငံဟာ လောင်စာဆီ ၉၀ ရာခိုင်နှုန်းကျော်ကို ပြည်ပက တင်သွင်းနေရတာဖြစ်ပြီး ပြည်တွင်းမှာ ဆီချက်လုပ်နိုင်စွမ်း လုံးဝမရှိတာကြောင့် အခုအချိန်က အဆိုးဆုံးပါပဲ" ဟု ပြောသည်။

စစ်ကောင်စီသည် လေကြောင်းဆီ အပါအဝင် ရှိသမျှ လောင်စာဆီအရန်များကို စစ်ဆင်ရေးများအတွက် လမ်းကြောင်းလွှဲ အသုံးပြုနေပြီး ပြည်သူများမှာ ဆီရရန် နာရီပေါင်းများစွာ တန်းစီနေရချိန်တွင် အရပ်သားဒေသများကို လေကြောင်းတိုက်ခိုက်မှုများ အဆက်မပြတ် လုပ်ဆောင်နေသည်ဟု သူမက ထောက်ပြသည်။

လက်ရှိတွင် မြေဩဇာစျေးနှုန်းများမှာလည်း နှစ်ဆခန့် မြင့်တက်လာနိုင်ပြီး အလယ်ပိုင်းဒေသမှ ကြက်သွန်စိုက်တောင်သူအချို့မှာ စိုက်ပျိုးရေးကို စွန့်လွှတ်ရန်ပင် စဉ်းစားနေကြသည်။ ထို့ပြင် မီးစက်ကိုသာ အားကိုးနေရသည့် ဆေးရုံများမှာလည်း လောင်စာဆီအခက်အခဲကြောင့် ဝန်ဆောင်မှုပေးရန် ရုန်းကန်နေရသည်။

"ဒါဟာ စွမ်းအင်အကျပ်အတည်း မဟုတ်ပါဘူး၊ နိုင်ငံရေးအကျပ်အတည်း ဖြစ်ပါတယ်" ဟု ပါမောက္ခ ထွေးထွေးသိန်းက မှတ်ချက်ပြု ပြောကြားသည်။

စစ်တပ်နှင့် ၎င်းကို ထောက်တိုင်ပြုထားသော စနစ်သည်သာ ပြဿနာဖြစ်ပြီး လောင်စာဆီ မည်မျှတင်သွင်းပါစေ ယင်းစနစ်က ပြောင်းလဲသွားလိမ့်မည် မဟုတ်ကြောင်း သူမက ဝေဖန်ခဲ့သည်။

ဓာတ်ပုံ- စက်သုံးဆီရရှိရေးအတွက် ရေစုပ်စက်နှင့်ရေတင်စက် မော်တော်များကို သယ်ဆောင်ပြီး ဆီဆိုင်တွင် သွားရောက်တန်းစီ ဝယ်ယူနေရစဉ်။

Photo Credit- CJ။

( South China Morning Postတွင် ဖော်ပြထားသည့် Myanmar’s food security in crisis as fuel, fertilizer shortages threaten fragile economy ကို ဘာသာပြန်ဆိုထားပါသည်။)
#KTM
#HlaingInfo

ဘုရားသုံးဆူမြို့တွင် တရုတ်နိုင်ငံသား‌ ထောင်ချီဝင်လာပြီး DKBA ဗိုလ်အေဝမ်း ခြံများတွင် အဖမ်းအဆီးမရှိ ကျားဖြန့်လုပ်နေ

ဧပြီလ ၉ ရက်

ထိုင်း-မြန်မာနယ်စပ် ဘုရားသုံးဆူမြို့တွင် တရုတ်နိုင်ငံသားများ ဆက်တိုက်ဝင်လာနေပြီး ဒီမိုကရေစီအကျိုးပြု ကရင်တပ်မတော် DKBA ပိုင်သည့် ခြံများတွင် အွန်လိုင်းကျားဖြန့်လုပ်ငန်း တွင်တွင်ကျယ်ကျယ် လုပ်ကိုင်နေကြောင်း မြို့ခံများထံမှ သိရသည်။

ပြီးခဲ့သည့် ၂၀၂၅ နှစ်ကုန်ပိုင်းမှ စတင်ကာ ဘုရားသုံးဆူမြို့တွင်းသို့ တရုတ်နိုင်ငံသားများ စတင်ဝင်ရောက်လာခဲ့ပြီးနောက် ယခုနှစ်အစောပိုင်းတွင် အလုံးအရင်းဖြင့် အသုတ်လိုက် ဝင်ရောက်လာခဲ့သည်ဟု မျက်မြင်တွေ့ရှိခဲ့သော မြို့ခံများက ဆိုသည်။

အဆိုပါ ဝင်ရောက်လာသည့် တရုတ်နိုင်ငံသားများသည် ဒီမိုကရေစီအကျိုးပြု ကရင်တပ်မတော် DKBA ပိုင်ဆိုင်သော ဥယျာဉ်ခြံမြေများတွင် အဆောက်အဦသစ်များ ဆောက်လုပ်ပြီး ကျားဖြန့်လုပ်ငန်းများ လုပ်ကိုင်နေခြင်းဖြစ်ကြောင်း ဘုရားသုံးဆူမြို့ခံတစ်ဦးက MPA ကို ပြောသည်။

“ဒီတရုတ်တွေ စရောက်တုန်းကဆို မြို့ထဲမှာ သောင်းကျန်းနေကြတာပဲ၊ နောက်ပိုင်းကျ လူက (တရုတ်နိုင်ငံသား) များလာတယ်လေ၊ ထောင်ဂဏန်းလောက် ရှိတယ်လေ၊ မြို့ခံတွေပြောတာ များလာတော့ ဒီဇန်နဝါရီ၊ ဖေဖော်ဝါရီလထဲမှာ နည်းနည်းပျောက်သွားတယ်၊ အပြင်ထွက်တာမျိုး နည်းသွားတာပေါ့၊ အခု ထပ်များလာပြန်ပြီ” ဟု ၎င်းက ပြောသည်။

ပြီးခဲ့သည့် ၂၀၂၅ ခုနှစ်တွင် မြဝတီမြို့အခြေစိုက် ကျားဖြန့်အွန်လိုင်းငွေလိမ်လည်ဂိုဏ်းများကို တရုတ်၊ မြန်မာ၊ ထိုင်းတို့ ပူးပေါင်းပြီး အရှိန်မြှင့် နှိမ်နင်းခဲ့ချိန်တွင် ဘုရားသုံးဆူမြို့ရှိ DKBA အဖွဲ့ ဗိုလ်အေဝမ်း၏ ဥယျာဉ်ခြံမြေအတွင်း ကျားဖြန့်အဆောက်အဦသစ်များကို ဆောက်လုပ်ခဲ့သည်။

နယ်စပ်တစ်လျှောက် ကျားဖြန့်အွန်လိုင်းငွေလိမ်လည်ဂိုဏ်းများ နှိမ်နင်းနေချိန်တွင် ဘုရားသုံးဆူမြို့ရှိ ကျားဖြန့်လုပ်နေသည့် တရုတ်အပါအဝင် နိုင်ငံခြားသားများ အမြန်ဆုံးထွက်ခွာရန် DKBA က ဟန်ပြစာ ထုတ်ပြန်ခဲ့သည်။

သို့သော် ကျားဖြန့်ဂိုဏ်းမှ တရုတ်နိုင်ငံသားများသည် နယ်စပ်လမ်းအပါအဝင် တရားမဝင်လမ်းကြောင်းများမှတစ်ဆင့် ဘုရားသုံးဆူမြို့သို့ တဖြည်းဖြည်း ပြောင်းရွှေ့လာခဲ့ခြင်း ဖြစ်သည်။

ထိုင်းအာဏာပိုင်များ၏ ထုတ်ပြန်ပြောဆိုချက်အရ ကန်ချနဘူရီခရိုင်မှတစ်ဆင့် ဘုရားသုံးဆူမြို့သို့ တရားမဝင် ဝင်ရောက်ရန် ကြိုးစားခဲ့သည့် တရုတ်နိုင်ငံသားများကို မကြာခဏ ဖမ်းဆီးရမိခဲ့ပြီး ၎င်းတို့မှာ ကျားဖြန့်လုပ်ကိုင်သူများ ဖြစ်ကြောင်း ဝန်ခံထွက်ဆိုခဲ့ကြသည်။

လက်ရှိ ဘုရားသုံးဆူမြို့ပေါ် နေရာအချို့၊ ကြိမ်ချောင်းကျေးရွာနှင့် ဗိုလ်အေဝမ်း ပိုင်ဆိုင်သည့် ချောင်းဆုံ သဘာဝအပန်းဖြေရေတံခွန် (ထီးလောင်ယှူး) ခြံဝင်းအတွင်း ကျားဖြန့်အွန်လိုင်းငွေလိမ်လည်လုပ်ငန်းကို အဓိက လုပ်ကိုင်နေကြောင်း မြို့ခံအချို့က ပြောသည်။

“ချောင်းဆုံရေတံခွန်ခြံမှာ တော်တော်များတယ်၊ အဓိက အဲဒီနေရာမှာပဲ သူတို့တွေ ရိက္ခာတစ်ခါတခါ ထွက်ဝယ်ရင် မနည်းဘူးလေ၊ ပြီးတော့ ဒီအလုပ်ကို ဘယ်သူကမှ လာမစစ်ဆေးဘူး၊ သူတို့ခြံထဲမှာ အေးဆေးပဲ လုပ်နေကြတာ၊ ဘယ်သူမှ ဝင်မပြောရဲဘူး၊ အပြင်ထွက်ရင်တော့ DKBA ရဲဘော်က လုံခြုံရေးယူပေးထားတာလေ၊ ဘယ်လောက်ပိုင်လဲဆိုတာ စဉ်းစားကြည့်တော့” ဟု ဘုရားသုံးဆူမြို့ပေါ်တွင် ဆိုင်ကယ်တက္ကစီ ပြေးဆွဲနေသည့် အမျိုးသားတစ်ဦးက ပြောသည်။

အဆိုပါ တရုတ်နိုင်ငံသားများသည် ဘုရားသုံးဆူမြို့ပေါ်ရှိ အိမ်ခြံမြေများကို ဈေးအဆမတန်ပေးဝယ်ပြီး အပန်းဖြေနေရာများကဲ့သို့သော ဟိုတယ်၊ KTV၊ စားသောက်ဆိုင်များ အမည်ခံ ဖွင့်လှစ်ထားကြောင်း ၎င်းက ဆက်ပြောသည်။

၎င်းတို့ဖွင့်လှစ်ထားသည့် ဆိုင်များတွင် လောင်းကစားဝိုင်းအပါအဝင် မူးယစ်ဆေးဝါးများကို အလွယ် တကူ ဝယ်ယူသုံးစွဲသဖြင့် မြို့ခံပြည်သူများအကြား စိုးရိမ်မှုများ ရှိနေသည်။

“သူတို့ဆိုင်ထဲဝင်ဖို့တော့ မလွယ်ဘူးပေါ့၊ သူတို့မှာလည်း သူတို့အချိတ်အဆက်နဲ့ သွားကြတာလေ၊ သူဌေးတွေ၊ လောင်းကစားသမားတွေပဲ ဝင်လို့ရတာ၊ မူးယစ်ဆေးဝါး လွယ်လွယ်ကူကူ ဝယ်လို့ရနေတော့ မြို့ထဲမှာဆို ဈေးက ထောင်ဂဏန်းပဲ ရှိတယ်၊ လူငယ်တွေ ပျက်စီးလာတယ်၊ လူသတ်မှုတွေ၊ ခိုးမှုတွေ ခဏခဏဖြစ်လာတယ်၊ ခံရတာက ကိုယ့်မြို့ခံတွေပဲ၊ ရေရှည်ဆို မလွယ်ဘူး” ဟု အထက်ပါ ဘုရားသုံးဆူမြို့ခံက ပြောသည်။

အဆိုပါ ကျားဖြန့်လုပ်ငန်းများတွင် စစ်ကော်မရှင်တပ် အရာရှိပိုင်းများက ပါဝင်ပတ်သက်မှု ရှိနေကြပြီး DKBA တပ်နှင့် နီးစပ်သူအချို့ ပြောဆိုချက်အရ ကျားဖြန့်အဆောက်အဦဆောက်လုပ်ခအပါအဝင် လစဉ်ကြေးများကို အရှေ့တောင်တိုင်းစစ်ဌာနချုပ် တိုင်းမှူးနှင့် နယ်မြေခံအရာရှိများကို ပုံမှန်ပေးသွင်းနေရသည်။

ဆက်လက်ဖတ်ရှုပါရန် - ⤵️⤵️

သင်္ကြန်ကာလ လိုက်နာရမည့် စည်းကမ်းများ AA ထုတ်ပြန်

ဧပြီလ ၉ ရက်

ရခိုင်ပြည်သူများ သင်္ကြန်ကာလအတွင်း လိုက်နာရမည့် အချက် ၆ ချက်ပါသော စည်းကမ်းချက်များကို အာရက္ခတပ်တော် AA က ယမန်နေ့ ဧပြီလ ၈ ရက်တွင် ထုတ်ပြန်လိုက်ကြောင်း သိရသည်။

စည်းကမ်းချက်များမှာ - လူအရေအတွက် အများအပြား စီးနင်းလိုက်ပါပြီး ကားများဖြင့် မြို့ပေါ်များတွင် လှည့်ပတ်ခြင်း၊ ရေပတ်ကစားခြင်း မပြုလုပ်ရဟု ဆိုသည်။

တစ်မြို့နှင့် တစ်မြို့ တစ်ရွာနှင့် တစ်ရွာ ကားများဖြင့် ကခုန်လှည့်ပတ် သွားလာခြင်း၊ ရေပတ်ကစားခြင်းများ မပြုလုပ်ဟု ပြောသည်။

လူစုလူဝေးဖြစ်စေသော သင်္ကြန်မဏ္ဍများ ပြုလုပ်၍လည်း ရေပတ်ကစားခြင်း မပြုလုပ်ရ အပြင် လူစုလူဝေးဖြစ်စေသော သီချင်းဆိုပွဲ (Show ပွဲ) များ ကျင်းပခြင်း မပြုလုပ်ရဟု ဆိုသည်။

ဆက်လက်ပြီး ဘုန်းတော်ကြီးကျောင်းများ၌ ဥပုသ်သီလဆောက်တည်ခြင်း၊ အလှူအတန်းပွဲများ ပြုလုပ်ခြင်းကို လူစုလူဝေး အများအပြားဖြင့် မပြုလုပ်ရဟု ထုတ်ပြန်သည်။

ယင်းအပြင် ပြည်သူများ၏ လုံခြုံရေးကို လေးစားလိုက်နာသောအားဖြင့် မြို့ရွာများအတွင်း ဆောင်းဘောက်စ်ဖွင့် ဆူညံခြင်း မပြုလုပ်ရ၊ လူမှုပတ်ဝန်းကျင်ကို အသံ၊ အပြုအမူများဖြင့် အနှောင့်အယှက်ဖြစ်စေသည့် လုပ်ရပ်များ မပြုလုပ်ရ စသည့် စည်းကမ်းချက်များကို AA က အသိပေး ထုတ်ပြန်ထားသည်။

အဆိုပါ စည်းကမ်းချက်များကို ရခိုင်ပြည်သူများအနေဖြင့် သေချာလိုက်နာရမည်ဖြစ်ပြီး အုပ်ချုပ်ရေးအဖွဲ့ဝင်များအနေဖြင့်လည်း ပြည်သူများ သဘောပေါက် နားလည်စေရန် စိတ်ရှည်စွာဖြင့် ရှင်းပြပေးရမည်ဟု ပြောသည်။

ထုတ်ပြန်ထားသော စည်းကမ်းချက်များကို ပြည်သူများ လိုက်နာမှု ရှိမရှိအပေါ် အုပ်ချုပ်ရေးအဖွဲ့ဝင်များအနေဖြင့် စောင့်ကြည့် ကြပ်မတ်ပေးရမည်ဟု AA က ညွှန်ကြားထားသည်။

သင်္ကြန်ကာလတွင်း တင်းကျပ်သော စည်းကမ်းချက်များ ထုတ်ပြန်ရခြင်းမှာ အကြမ်းဖက် စစ်ကောင်စီ၏ လေကြောင်းအန္တရာယ်နှင့် လက်နက်ကြီးအန္တရာယ်ကြောင့်ဖြစ်ပြီး ပြည်သူများ ဘေးဒုက္ခ မရောက်စေရန်နှင့် ဘေးကင်းလုံခြုံစေရန်အတွက်ဟု အုပ်ချုပ်ရေးတာဝန်ရှိသူများမှ ပြောဆိုထားကြသည်။

အကြမ်းဖက် စစ်ကောင်စီမှာ လက်ရှိတွင် ရခိုင်ပြည်ကို လေကြောင်းတိုက်ခိုက်ရာတွင် ယခင်ကကဲ့သို့ လေယာဉ် တစ်စီး၊ နှစ်စီးဖြင့် လာရောက် တိုက်ခိုက်ခြင်းမျိုး မဟုတ်ဘဲ အနည်းဆုံး ၄ စီးကနေ ၇ စီးအထိ အုပ်စုလိုက် လာရောက် ဗုံးကြဲတိုက်ခိုက်နေကြောင်း ဒေသခံပြည်သူများမှ ပြောဆိုကြသည်။

အာရက္ခတပ်တော် AA ထိန်းချုပ်ရာ ဒေသများကို လေယာဉ် အုပ်စုလိုက်ဖြင့် လာရောက် ဗုံးကြဲတိုက်ခိုက်ခြင်းမှာ အကြမ်းဖက် မင်းအောင်လှိုင် လွှဲပေးခဲ့သော တပ်ချုပ်သစ် အကြမ်းဖက် ရဲဝင်းဦး လက်ထက်တွင် ပိုမို လုပ်ဆောင်လာကြောင်း သိရသည်။

#WN
#HlaingInfo

နေပြည်တော်နှင့် ရေတာရှည်မြို့နယ် အစပ်သို့ စစ်တပ်က စစ်ကြောင်းထိုးလာ၍ တိုက်ပွဲဖြစ်ပွားနေပြီး စစ်တပ်စစ်ကြောင်းများတွင် စစ်မှုထမ်း တပ်သားသစ်အများအပြားပါဝင်

ဧပြီလ ၉ ရက်

နေပြည်တော်နှင့် ပဲခူးတိုင်း ရေတာရှည်မြို့နယ် အစပ်ကို အကြမ်းဖက် စစ်တပ်က စစ် ကြောင်းထိုးလာ၍ တိုက်ပွဲဖြစ်ပွားပြီး စစ်မှုထမ်း တပ်သားသစ်များကိုလည်း ထပ်မံ အင်အားဖြည့်တင်းထားနေကြောင်း ဒေသသတင်းရင်းမြစ်နှင့် ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလပိုင်းမှ စတင်ကာ အကြမ်းဖက် စစ်တပ်က နေပြည်တော်နှင့် ရေတာရှည်မြို့နယ် အစပ် ပဲခူးရိုးမဘက်ကို စစ်ကြောင်းထိုးလာသောကြောင့် ကုန်းသာရွာနှင့် ကျိုးအောင်းရွာမှ စတင်ပြီး ရိုးမအစပ် တောက်လျှောက်တွင် တိုက်ပွဲများ ပြင်းထန်ခဲ့ကြောင်း သိရသည်။

ထိုထိတွေ့ တိုက်ပွဲများအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှု များပြားခြင်းကြောင့် စစ်ကြောင်းများ ရှေ့ဆက် တိုးနိုင်ခြင်းမရှိကြောင်း၊ ထိုသို့ တိုက်ပွဲအတွင်း အထိနာခဲ့သော အကြမ်းဖက် စစ်တပ်သည် လက်ရှိချိန်တွင် စစ်မှုထမ်း တပ်သားသစ် အများအပြားကို အင်အားဖြည့်တင်းကာ စစ်ကြောင်းထိုးရန် ပြင်ဆင်နေကြောင်း သိရှိရသည်။

"အနောက်ဘက်ခြမ်း ရိုးမဘက်မှာတော့ ထိတွေ့မှု တောက်လျှောက်ဖြစ်နေတယ်။ ကုန်းသာနဲ့ ကျိုးအောင်းကနေ အပေါ်ဘက်ကြော နေပြည်တော်နဲ့ ရေတာရှည်အစပ်တွေမှာ တိုက်ပွဲဖြစ်နေတယ်။ စစ်ခွေးတွေ အထိနာတာက ပြီးခဲ့တဲ့ ၃ ရက်တည်းက အခုလည်း သူတို့ စစ်မှုထမ်း တပ်သားသစ်တွေကို အင်အားဖြည့်ပြီး တိုးမယ့် အခြေအနေရှိတယ်။ တိုက်ပွဲ ဖြစ်စဉ် အသေးစိတ်ကတော့ သက်ဆိုင်ရာ အဖွဲ့တွေ ထုတ်ပြန်မှပဲ သိရမှာပါ" ဟု ဒေသသတင်းရင်းမြစ်က ပြောဆိုသည်။

ထို့ပြင် မတ်လပိုင်းကလည်း ရန်ကုန်-မန္တလေးလမ်းဟောင်းရှိ နေပြည်တော်အဝင် စစ်တပ် စစ်ဆေးရေးဂိတ် တိုက်ခိုက်ခံရပြီးနောက် အကြမ်းဖက် စစ်တပ်၏ နေပြည်တော် အခြေ စိုက် ခလရ ၄၁၁ တပ်ရင်း၊ ခလရ ၄၁၂ တပ်ရင်းနှင့် ဆွာမြို့ အခြေစိုက် ခမရ ၁၉ တပ်ရင်း၊ ခလရ ၈၄ တပ်ရင်းတို့ ပူးပေါင်းထားသော စစ်ကြောင်းသည် ရေတာရှည်မြို့နယ်၊ ရေနီမြို့ အနီးရှိ ကျေးရွာများသို့ စစ်ကြောင်းထိုးလာပြီး ပြည်သူများကို ရွာထဲတွင် ဖမ်းဆီးစစ်ဆေးမှုများ လုပ်ဆောင်ခဲ့ကြောင်း သိရသည်။

ဓာတ်ပုံ- ရှေ့တန်းသို့ ပို့ဆောင်မည့် စစ်မှုထမ်းတပ်သားများကို မြင်တွေ့ရစဉ်။
#KTM
#HlaingInfo

သင်္ကြန်ပွဲ အကြောင်းပြပြီး ရခိုင်တွင် ငွေထုတ်ခဈေးနှုန်း ပြန်တက်

ဧပြီလ ၉ ရက်

မကြာမီ ရက်ပိုင်းအတွင်း သင်္ကြန်ကျတော့မည်ဖြစ်၍ ရခိုင်ပြည်တွင် ငွေထုတ်သူများပြားသည်ဟုဆိုကာ ငွေလွှဲငွေထုတ် အေးဂျင့်များမှ ငွေထုတ်ခနှုန်းထားကို မြှင့်တင်ထားကြကြောင်း စုံစမ်းသိရသည်။

ပြည်မနှင့် ပြည်ပရောက် ရခိုင်ပြည်သူများမှာ ပြည်တွင်းရှိ မိသားစုဝင်များအတွက် သင်္ကြန်ကာလ အသုံးပြုနိုင်ရန် ငွေလွှဲပြောင်းပေးမှုများ ရှိနေကြသည်။

ငွေလွှဲငွေထုတ် အေးဂျင့်ဆိုင်များက ငွေထုတ်သူများပြားလာ၍ ငွေသားရှားပါးနေသည်ဟုဆိုကာ ငွေထုတ်ခဈေးနှုန်းကို မြှင့်တင်ထားကြောင်း မြေပုံဒေသခံတစ်ဦးက ပြောသည်။

"မနေ့က သွားထုတ်တာ ကျပ် ၁ သိန်းမှာ ၅၀၀၀ ပေးရတယ်။ တချို့ဆိုင်ဆို ၅၅၀၀ တောင်းတယ်။ ငွေထုတ်သူ များပြီး ငွေသားရှားပါးလာလို့ ပြောတယ်။ ပြီးခဲ့တဲ့ နှစ်ရက်လောက်ကနေ ဈေးမြင့်တက်နေတာပါ။ အရင်ကဆို ကျပ် ၁ သိန်းမှာ ၁၀၀၀ နဲ့ ၁၅၀၀ လောက်ပဲ ပေးရပါတယ်။ သင်္ကြန်ကို အကြောင်းပြပြီး ဈေးမြှင့်လိုက်ကြတာပါ” ဟု ပြောသည်။

အာရက္ခတပ်တော် AA က မြို့များသိမ်းပြီး လပိုင်းအတွင်းမှာ ငွေထုတ်ခဈေးနှုန်းမှာ ကျပ် ၁ သိန်းကို ၁၀၀၀၀ ကနေ ၂၅၀၀၀ အထိ ၂၅ ရာခိုင်နှုန်း ပေးခဲ့ရကာ အုပ်ချုပ်ရေးအဖွဲ့ဝင်များ ကြပ်မတ်မှုကြောင့် ကျပ် ၁ သိန်းကို ၁၀၀၀, ၁၅၀၀ အောက်သို့ ကျဆင်းသွားခဲ့ခြင်းဖြစ်သည်။

ကျပ် ၁ သိန်း ထုတ်ယူလျှင် ၁၀၀၀, ၁၅၀၀ ပေးရသည့် နှုန်းထားခမှာ တစ်နှစ်နီးပါးအထိ တည်ငြိမ်မှု ရှိခဲ့ပြီးနောက် ယခုရက်ပိုင်းအတွင်းမှာ ငွေထုတ်ခဈေးနှုန်း ပြန်တက်လာခြင်းဖြစ်သည်။

"ကျနော်တို့ လူမျိုးမှာက သင်္ကြန်လို့မဟုတ်ဘူး ပွဲတစ်ခု ကျပြီဆိုရင် ကုန်ပစ္စည်းတွေကို ဈေးမြှင့်တင် ရောင်းချတာက ရိုးရာတစ်ခုလို ဖြစ်နေပါပြီ။ စီးပွားရေးသမားတွေရဲ့ လုပ်နေကျ လုပ်စားကွက်တွေပါ။ အခုလို အကျပ်အတည်းကာလမှာ ကုန်ဈေးနှုန်းမြှင့်တင်တာတော့၊ ငွေထုတ်ဈေးနှုန်း မြှင့်တင်တာတော့က မလုပ်သင့်ပါဘူး။ သက်ဆိုင်ရာ တာဝန်ရှိသူတွေအနေနဲ့ သေချာ ကြပ်မတ်ပေးရပါမယ်။ ကင်ဆာလို အမြစ်တွယ်နေနေတဲ့ စီးပွားရေးသမားတွေရဲ့ အကျင့်ပျက် လုပ်ရပ်တွေကို အမြန်ဆုံး တားဆီးပေးသင့်ပါတယ်” ဟု ပြောသည်။

ရခိုင်ပြည်အတွင်း စစ်တွေ၊ ကျောက်ဖြူ၊ မာန်အောင်မြို့တို့ကလွဲပြီး ကျန်မြို့နယ်များအားလုံးတွင် ဘဏ်လုပ်ငန်းများ ရပ်တန့်သွားပြီဖြစ်၍ ဒေသခံပြည်သူများမှာ ငွေလွှဲငွေထုတ် အေးဂျင့်ဆိုင်များကို အားကိုးနေကြရသည်။

ဘဏ်လုပ်ငန်းများ ရပ်တန့်ပြီးနောက် ရခိုင်ပြည်အတွင်းမှာ ငွေသားရှားပါးသည့် စိန်ခေါ်မှုကို ရင်ဆိုင်နေရပြီး အေးဂျင့်ဆိုင်များမှာလည်း အခက်အခဲရှိနေကြောင်း ငွေလွှဲငွေထုတ် အေးဂျင့်များက ပြောဆိုကြသည်။

"ကျနော်တို့မှာ ပြည်မကနေ ငွေသွားထုတ်ရတဲ့ စိန်ခေါ်မှုကြီး ရှိနေပါတယ်။ ပြီးခဲ့တဲ့ နှစ်တွေကဆို ရန်ကုန်တော့၊ ပြည်မ တခြားမြို့တွေကနေ ငွေအလုံးအရင်းနဲ့ သောင်းနဲ့ချီပြီး ထုတ်လာကြတယ်။ လမ်းမှာ လုယက်ခံရတာ၊ အဖမ်းခံလိုက်ရတာတွေ ရှိတယ်။ လမ်းစရိတ်ကလည်း ကြီးတယ်။ အခုတော့ အဲအခက်အခဲ နည်းသွားပေမယ့် ဆက်လက် ရှိနေဆဲဖြစ်ပါတယ်။ ကျနော်တို့မှာလည်း ငွေထုတ်စက် ရှိတာမဟုတ်ဘူး။ ငွေလွှဲငွေထုတ် ဆိုင်တွေမှာလည်း ပြည်မမြို့တွေကနေ သွားထုတ်ရတာပါပဲ။ ပြီးတော့ အခု စတားလင့် အင်တာနက်ဖိုးကလည်း ဈေးကြီးပေးပြီး တပ်ဆင်ထားရတာ။ အကုန်အကျတွေ များပါတယ်။ ဒါကို ပြည်သူတွေဘက်က နားလည်ပေးစေချင်ပါတယ်” ဟု မြောက်ဦးမြို့ရှိ ငွေလွှဲငွေထုတ် အေးဂျင့်ဆိုင် ပိုင်ရှင်တစ်ဦးက ပြောသည်။

ငွေထုတ်ခဈေးနှုန်း ပြန်တက်လာခြင်းအပေါ် သဘောမကျကြောင့် ရခိုင်ပြည်သူများက ပြောဆိုနေကြပြီး ငွေသားရှားပါးခြင်း ပြဿနာ အပါအဝင် ကုန်ဈေးနှုန်းများ မြင့်တက်နေခြင်းအပေါ် အာရက္ခတပ်တော် AA မှ ဖြေရှင်းပေးရန် လိုအပ်နေကြောင်း ထောက်ပြနေကြသည်။

လက်ရှိတွင် ရခိုင်ပြည်သည် အခြေခံစားသောက်ကုန်များအပါအဝင် လူသုံးကုန် ပစ္စည်းများအတွက် အိန္ဒိယနှင့် ပြည်မကို အားကိုးနေရဆဲဖြစ်သလို ငွေသားလည်ပတ်ရန်အတွက်လည်း ပြည်မမြို့များကို အားကိုးနေရဆဲဖြစ်ကြောင်း သိရသည်။

#WN
#HlaingInfo

BREAKING NEWS - မင်းပြား ပုလဲတောင်ကို လေယာဉ် နှစ်စီးဖြင့် ယနေ့ ထပ်မံ ဗုံးကြဲနေ

ဧပြီလ ၉ ရက်

ယမန့်နေ ဧပြီ ၈ ရက်နေ့က လေကြောင်းကနေ စစ်ကောင်စီ ဗုံးကြဲခဲ့သည့်နေရာကို ယနေ့ ဧပြီ ၉ ရက်နေ့ နေ့လယ်ပိုင်းက ထပ်မံပြီး ဗုံးကြဲတိုက်ခိုက်နေကြောင်း မင်းပြားမြို့နယ် ဒေသခံများက ပြောသည်။

မင်းပြားမြို့နယ် ပုလဲတောင်ကျေးရွာနှင့် အနီးတစ်ဝိုက်ကို စစ်ကောင်စီက ယနေ့ ဧပြီလ ၉ ရက် ၁၂ နာရီကျော်ခန့်တွင် လေကြောင်းက ဗုံးကြဲတိုက်ခိုက်ခဲ့ကြောင်း ဒေသခံများက Western News ကိုပြောသည်။

"၁၂ နာရီ ၁၀ မိနစ်လောက်က ဂျက်ဖိုက်တာ တစ်စီးရယ်၊ Y12 လေယာဉ် တစ်စီးနဲ့ လာကြဲပါတယ်။ ဗုံးလုံအရေအတွက် ၂၀ ကျော်လောက် ရှိပါတယ်။ ဒီနေ့ ပစ်တာမှာလည်း ထိခိုက်မှုတွေ ရှိတယ်လို့ သိရတယ်။ ထိခိုက်မှု အရေအတွက်ကိုတော့ မသိရသေးဘူး"ဟုပြောသည်။

ဧပြီလ ၈ ရက်နေ့က နံနက် ၈ နာရီခွဲ အချိန်ခန့်တွင် စစ်ကောင်စီက ဂျက်ဖိုက်တာ လေယာဉ်နှင့် Y12 လေယာဉ် အနည်းဆုံး ၄ စီးဖြင့် ဗုံးအလုံး ၃၀ ထက်မနည်း ကြဲချမှုကြောင့် အရပ်သားများ ထိခိုက် ဒဏ်ရာ ရရှိမှု ရှိခဲ့သည်။

#WN
#HlaingInfo

ဖားကန့်ဗျူဟာကုန်းမှ စစ်တပ်က လုံးခင်းကျေးရွာဘက်သို့ တပ်ဖြန့်နေရာယူလာသဖြင့် တိုက်ပွဲပြင်းထန်လာမည်ကို စိုးရိမ်ပြီး ပြည်သူများ စစ်ဘေးရှောင်

ဧပြီလ ၉ ရက်

ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာဘက်သို့ စစ်တပ်က တပ်ဖြန့်နေရာယူလာသဖြင့် တိုက်ပွဲပြင်းထန်လာမည်ကို စိုးရိမ်ပြီး ဒေသနေပြည်သူများ စစ်ဘေးရှောင်နေကြကြောင်း ဖားကန့် သတင်းရင်းမြစ်က ရန်ကုန်ခေတ်သစ်သတင်း ဌာနထံသို့ ပြောကြားသည်။

ဧပြီလ ၆ ရက်နေ့ ညနေပိုင်းမှ စတင်၍ ဖားကန့်မြို့နယ်၊ လုံးခင်းရွာတွင် KIA ပူးပေါင်းတပ်နှင့် အကြမ်းဖက် စစ်တပ်တို့ တိုက်ပွဲပြင်းထန်ပြီးနောက် ဖားကန့်ဗျူဟာကုန်းမှစစ်သားများ လုံးခင်း ကျေးရွာအတွင်း ဝင်ရောက်လာကာ လုံးခင်းကျောက်ဝိုင်းမိန်းလမ်းမပေါ်ရှိ မြင့်မားသော အ ဆောက်အအုံများပေါ်တွင် တပ်စွဲနေရာခဲ့ကြောင်း၊ ထို့အပြင်လုံးခင်း - မှော်စီဆာ - ဖားကန့် လမ်း ကြောပေါ်ရှိ လုံးခင်းနှင့် လယ်ပြင် ဆက်သွယ်ထားသော တံတား မှ ပြည်သူများကို ဖြတ်သန်းသွား လာ ခွင့်မပေးဘဲ ပိတ်ထားခဲ့ကြောင်း သိရသည်။

“ဗျူဟာကုန်းကို ဧပြီ ၇ ရက်နေ့ညနေပိုင်းလောက်ကတည်းက လုံးခင်း ယမ်းချက်ကနေ လမ်းကြောတလျှောက်ကင်းတွေချပြီး အင်အားဖြည့်ဝင်လာပြီးနောက်မှာ ဒေသခံတွေက စစ်ရေး ပိုဆိုးလာမှာကို စိုးရိမ်ကြတာရှိတယ်။ ဒါ ကြောင့် အချို့တော့ စစ်ဘေးရှောင်နေကြတာရှိပါတယ်” ဟု ဖားကန့်သတင်းရင်းမြစ်က ရန် ကုန်ခေတ်သစ်သတင်း ဌာနထံသို့ ပြောကြားသည်။

ယင်းအပြင် ဖားကန့်ဒေသတွင် တိုက်ပွဲများ ဆက်တိုက်ဖြစ်ပွားခဲ့ချိန် စစ်တပ်ကလေ ကြောင်း မှ ဗုံးကျဲခြင်းနှင့် လက်နက်ကြီးပစ်ခတ်ခြင်းတို့ကြောင့် မော်မောင်းဘုမ် (Maw Mau Bum) ကျေးရွာသားများမှာလည်း ဘေးလွတ်ရာသို့ စစ်ဘေးရှောင်ရန်အတွက် မြစ်ကြီးနားမြို့သို့ ဆင်းလာကြကြောင်း သိရှိရသည်။

လက်ရှိ ဖားကန့်ဒေသ၏ အခြေအနေမှာ တိုက်ပွဲများကြောင့် ပြည်သူများ၏ လုံခြုံရေးမှာ အလွန်စိုးရိမ်ရသည့် အခြေအနေတွင် ရှိနေကြောင်း သိရှိရသည်။

ဧပြီလ ၄ ရက်နေ့ နှင့်ဧပြီ ၃ ရက်နေ့တို့တွင် ဖားကန့်မြို့ရှိ အကြမ်းဖက် စစ်တပ် တပ်စွဲထားသော ဗျူဟာ ကုန်းကို KIA ပူးပေါင်းတပ်က ဒရုန်းဖြင့် ဗုံးကျဲ တိုက်ခိုက်ခဲ့သော ကြောင့် စစ်တပ်ဘက်မှ ထိခိုက်မှုရှိခဲ့ ပြီး လက်နက်ကြီးများဖြင့် ပြန်လည် ရမ်းသမ်းပစ်ခတ်ခဲ့ကြောင်း သိရသည်။

အလားတူ ဧပြီလ ၂ ရက်နေ့ကလည်း အကြမ်းဖက် စစ်တပ် တပ်စွဲထားသော ဖားကန့်မြို့ မှော်ဝမ်း အနီးရှိ စစ်စခန်းများကို KIA ပူးပေါင်းတပ်များက တပြိုင်တည်း ထိုးစစ်ဆင် တိုက်ခိုက်ခဲ့ခြင်းကြောင့် မှော်ဝမ်း သင်းချိုင်းအနီးရှိ ကာကင်းစခန်း ၃ ခုကို KIA ပူးပေါင်း တပ်က သိမ်းပိုက်ခဲ့သည်။

ဓာတ်ပုံ- CJ ။
#KTM
#HlaingInfo

အကြမ်းဖက်စစ်တပ်ရဲ့ စိတ်ဓာတ်စစ်ဆင်ရေး နဲ့ သတင်းအချက်အလက်စစ်ဆင်ရေး ယန္တရားများ

By နေဘုန်းလတ်

မင်းအောင်လှိုင်ဦးဆောင်တဲ့ အကြမ်းဖက်စစ်တပ်ဟာ ပြည်သူလူထုတရပ်လုံးနဲ့ တော် လှန်ရေး အင်အားစုတွေအားလုံးဆင်နွှဲနေကြတဲ့ ပြည်သူ့နွေဦးတော်လှန် ရေးကို ရင်ဆိုင်တုံ့ပြန်နိုင်ဖို့အတွက် စစ်လက်နက်ပစ္စည်းတွေ၊ စစ်အင်အားတွေ၊ နိုင်ငံ့ဘဏ္ဍာတွေ များစွာကို အသုံး ပြုပြီး ရုပ်ပိုင်းဆိုင်ရာစစ်ဆင်ရေး(Physical Warfare) တခုကို ဆင်နွှဲနေသလိုပဲ စိတ်ဓါတ်စစ်ဆင်ရေး(Psychological Warfare) နဲ့ သတင်းအချက်အလက်စစ်ဆင်ရေး (Information Warfare) တွေကိုလည်း အရှိန်အဟုန်နဲ့ ဆင်နွှဲလာနေတာကို တွေ့ရပါတယ်။

ဒီနေရာမှာ အကြမ်းဖက်စစ်တပ်ရဲ့ စိတ်ဓါတ်စစ်ဆင်ရေးနဲ့ သတင်းအချက် အလက် စစ်ဆင် ရေးတွေအတွက် အဓိက အသုံးပြုနေတဲ့ ယန္တရားတွေများစွာ ထူထောင်ထားပါတယ်။

ပြည်သူ့ဆက်ဆံရေးနှင့် စိတ်ဓါတ်စစ်ဆင်ရေးညွှန်ကြားရေးမှူးရုံး(ကကပြည်)
--------------------------------------------------------------------------

အကြမ်းဖက်စစ်တပ်ရဲ့ လက်အောက်မှာ ပြည်သူ့ဆက်ဆံရေးနဲ့ စိတ်ဓါတ်စစ်ဆင်ရေး ညွှန်ကြားရေးမှူးရုံး(ကကပြည်)ဆိုတာရှိပါတယ်။ အင်္ဂလိပ်လို the Directorate of Public Relations and Psychological Warfare(DPRPW) လို့ ခေါ်ပါတယ်။ အရင်က ဇော်မင်းထွန်းက အဲဒီ့တပ်ဖွဲ့ရဲ့ ညွှန်ကြားရေးမှူးဖြစ်ခဲ့ပြီး အခုတော့ အဂတိမှုကြောင့် ဖယ်ရှားခံရတာကြောင့် ရဲရင့်အောင်က ညွှန်ကြားရေးမှူးဖြစ်လာပါတယ်။

အဲဒီ့ ရုံးအောက်မှာ  မြဝတီအသံလွှင့်ဌာန၊ သဇင်အသံလွှင့်ဌာန၊ မြဝတီစာပေတိုက်၊  မြဝတီသတင်းစာတိုက်၊ ရတနာပုံသတင်းစာတိုက်၊ မြဝတီ၊ ငွေတာရီ၊ သုတအလင်း စတဲ့ မဂ္ဂဇင်းတွေနဲ့ နယ်လှည့် ပြည်သူ့ဆက်ဆံရေးတပ်ခွဲတွေရှိတယ်။

ပြောချင်တာက မြန်မာနိုင်ငံမှာ  အကြမ်းဖက်စစ်တပ်ဟာ စစ်ဝါဒကိုကာလရှည်ကြာထူ ထောင်ထားနိုင်ရေး လိုအပ်တဲ့ ဝါဒဖြန့်ချိရေးတွေလုပ်နိုင်ဖို့ ရုပ်သံ၊ FM၊ ပုံနှိပ်ထုတ်ဝေ စတဲ့ ကိုယ်ပိုင်သတင်း ထုတ်လုပ်ဖြန့်ချိမှုအားလုံးကို နိုင်ငံတော်ဘတ်ဂျက်နဲ့ တောက်လျောက် လုပ်နေခဲ့တယ် ဆိုတာပါ။

ဆက်လက်ဖတ်ရှုပါရန် - ⤵️⤵️