"နိုင်ငံရေးပရိယာယ်၊ 
နိုင်ငံရေးပရိယာယ်ဆိုပြီး
ပြောတဲ့ဟာလေးတွေ ရှိ  တယ်။

နိုင်ငံရေးပရိယာယ်ဆိုတာ  တကယ်သေသေချာချာ
ပြန်ကြည့်လိုက်တော့
ကလိမ်ကကျစ်လုပ်တာ  ချည်းပဲ။

ဒီနိုင်ငံရေးပရိယာယ်ဆိုတာ
လည်း အထင်မကြီးနဲ့။
ပရိယာယ်ဆိုတဲ့စကားလုံးကို 
ကျမ မကြိုက်ဘူး။

မှန်မှန်ကန်ကန်လုပ်နိုင်ရ မယ်။

မှန်တာကိုလုပ်တယ်ဆိုရင်
ဘာကိုမဆို ရင်ဆိုင်ရဲရမယ်။   

ဘယ်လိုပြဿနာကိုမဆို
ရင်ဆိုင်ရဲရမယ်။
ကိုယ့်ကိုထိပါးလာရင်လည်း
ခံနိုင်ရည်ရှိရမယ်။

မှန်မှန်ကန်ကန်ပဲ လုပ်ပါ။

နိုင်ငံရေးဆိုတာဟာ တကယ်တော့ အများအကျိုးအတွက် လုပ်တဲ့ကိစ္စပဲ


     ဒေါ်အောင်ဆန်းစုကြည်

နေ့စဉ် 11:11 AM အချိန်တိုင်း
အမေစု၏ ဆိုဆုံးမစကားများကို
https://t.me/infohlaing အဖွဲ့သားများမှ တင်ပေးလျှက်ရှိပါသည်ရှင့်။

#HlaingInfo

မင်းပြား ပုလဲတောင် အနီးတစ်ဝိုက် ဗုံးကြဲခံရ၊ ထိခိုက်မှုကို မသိရသေး

ဧပြီလ ၈ ရက်

ရခိုင်ပြည် မင်းပြားမြို့နယ် ပုလဲတောင်ကျေးရွာနှင့် အနီးတစ်ဝိုက်ကို အကြမ်းဖက် စစ်ကောင်စီက ယနေ့ ဧပြီလ ၈ ရက် နံနက်ပိုင်းတွင် လေကြောင်းဗုံးကြဲတိုက်ခိုက်ခဲ့ကြောင်း ဒေသခံများထံမှ ကနဦး သတင်းရရှိသည်။

ယနေ့ နံနက် ၈ နာရီခွဲ အချိန်ခန့်တွင် အကြမ်းဖက် စစ်ကောင်စီက ဂျက်ဖိုက်တာ လေယာဉ်နှင့် Y12 လေယာဉ် အနည်းဆုံး ၄ စီးဖြင့် ဗုံးအလုံး ၃၀ ထက်မနည်း ကြဲချခဲ့ကြောင်း မင်းပြားဒေသခံတစ်ဦးက ပြောသည်။

"ကျနော်တို့ ကြားတာက မင်းပြား ပုလဲတောင်ဘက်လို့ သိရပါတယ်။ အနည်းဆုံး လေယာဉ် ၄ စီးလောက်နဲ့ ဗုံးအလုံး ၃၀ ထက်နမည်း ကြဲချသွားတယ်လို့ သိရတယ်။ ဒီနေ့ မနက် ၈ နာရီခွဲလောက်ကပါ။ ပေါက်ကွဲသံတွေကို မင်းပြား၊ မြောက်ဦးမြို့ဘက်တွေကပါ ကြားရတယ်။ တော်တော် ပြင်းထန်ပါတယ်။ ထိခိုက်မှုတွေတော့ ရှိနိုင်ပါတယ်။ အတိအကျ အသေးစိတ်အခြေအနေကိုတော့ မသိရသေးပါ” ဟု ပြောသည်။

အာရက္ခတပ်တော် AA ဗိုလ်မှူးကြီး ဒေါင်းရံကလည်း မင်းပြားဘက်ကို အကြမ်းဖက် စစ်ကောင်စီက ဂျက်ဖိုက်တာနှင့် Y12 လေယာဉ်တို့ဖြင့် ဗုံးကြဲခဲ့ကြောင်း အတည်ပြုထားပြီး မြို့/ရွာအားလုံး လေကြောင်းသတိပြုကြရန် အသိပေး တိုက်တွန်းထားသည်။

နောက်ထပ် မင်းပြားဒေသခံတစ်ဦးက "လေကြောင်းတိုက်ခိုက်မှုတွေ ရှိနေတယ်လို့ ကြားလို့ လေးမြို့မြစ်ကမ်းဘက်မှ ရွာတွေက ပြည်သူတွေဟာ အရမ်းစိုးရိမ်နေကြပါတယ်။ ဘေးလွတ်ကင်းရာကို ထွက်ပြေးပုန်းရှောင်နေရသလို ဗုံးခိုကျင်းတွေမှာ ပုန်းနေရပါတယ်” ဟု ပြောသည်။

အကြမ်းဖက် စစ်ကောင်စီသည် ရခိုင်ပြည်အတွင်း လေကြောင်းတိုက်ခိုက်မှု ဆက်တိုက်လုပ်ဆောင်နေပြီး အရပ်သားပြည်သူများ နေထိုင်ရာ မြို့ရွာများကို ဦးတည်တိုက်ခိုက်နေကြောင်း ဒေသခံများက ပြောဆိုကြသည်။

"အကြမ်းဖက် စစ်ကောင်စီရဲ့ ယုတ်မာချက်ကို ပြောစရာ စကားမရှိလောက်အောင် ရွံရှာဖို့ ကောင်းပါတယ်။ စစ်ပွဲမရှိတဲ့ မြို့ရွာတွေကို လေကြောင်းဗုံးကြဲတယ်။ အပြစ်မဲ့တဲ့ ပြည်သူတွေကို သတ်ဖြတ်နေတာဟာ မဟာ စစ်ရာဇဝတ်မှုကို ကျူးလွန်နေတာပါ။ ဒါကို ကမ္ဘာကြီးက လက်ပစ်ကြည့်နေကြတယ်။ အကြမ်းဖက် ရာဇဝတ်ကောင်တွေကို အမြန်ဆုံး နှိမ်နင်းပေးဖို့ တောင်းဆိုပါတယ်” ဟု ရခိုင်ပြည်သူတစ်ဦးက ပြောသည်။

အကြမ်းဖက် စစ်ခေါင်းဆောင် မင်းအောင်လှိုင် လွှဲအပ်ခဲ့သော တပ်ချုပ်သစ် အကြမ်းဖက် ခေါင်းဆောင် ရဲဝင်းဦးက ပထမဆုံးသော အစုလိုက်အပြုံလိုက်၊ မိသားစုလိုက် သတ်ဖြတ်မှုကို ရခိုင်ပြည်တွင် ကျူးလွန်ထားသည်။

ပြီးခဲ့သည့် ဧပြီလ ၁ ရက်နေ့ နံနက်ပိုင်းတွင် ရခိုင်ပြည် သံတွဲမြို့နယ် ငပလီကမ်းခြေရှိ စစ်ကောင်စီတပ်ရင်းဟောင်း ခလရ ၅၅ တပ်ရင်းကို အကြမ်းဖက် မြန်မာစစ်တပ်က လေကြောင်းဗုံးကြဲ တိုက်ခိုက်ခဲ့သည်။

ယင်းတိုက်ခိုက်မှုတွင် ခလရ ၅၅ တပ်ရင်းအနီး နေထိုင်နေသော ကလေးငယ်များ အပါအဝင် ၄ ဦး စစ်ဘေးရှောင်မိသားစု တစ်စုလုံး နေရာမှာပင် သေဆုံးသွားခဲ့ရသည်။

အကြမ်းဖက် မြန်မာစစ်တပ်၏ ကာကွယ်ရေးဦးစီးချုပ်သစ် ရဲဝင်းဦး၏ ပထမဆုံး ကျူးလွန်သော အစုလိုက်အပြုံလိုက် မိသားစုလိုက် သတ်ဖြတ်မှုဖြစ်ကြောင်း အာရက္ခတပ်တော် AA က ထုတ်ပြန်ထားသည်။

အကြမ်းဖက်သမား ရဲဝင်းဦးကြောင့် အပြစ်မဲ့အရပ်သား မိသားစု တစ်စုလုံးမှာ နေရာမှာပင် သေဆုံးခဲ့ကြသည့်အပြင် နောက်ထပ်ကလေး ၂ ဦးနှင့် ကိုယ်ဝန်ဆောင်အမျိုးသမီး ၁ ဦးလည်း ထိခိုက်ဒဏ်ရာများ ရရှိခဲ့ကြသည်။

အကြမ်းဖက် စစ်တပ်မှ သူရဲဘောကြောင်၊ အောက်တန်းကျစွာ ပြင်းပြင်းထန်ထန် လေကြောင်းတိုက်ခိုက်မှု ပိုလုပ်လာသောကြောင့် ရခိုင်ပြည်သူများအနေဖြင့် လေကြောင်းအန္တရာယ်ကို အထူးသတိရှိကြရန် AA က အသိပေးထားသည်။

#WN
#HlaingInfo

စစ်အာဏာသိမ်း (၁၈၉၂)ရက်အတွင်း သတ်ဖြတ်ခံရသူ (၇၉၆၆) ဦးအထိရှိလာ

ဧပြီလ ၈ ရက်

AAPP ရဲ့ ဧပြီ၇ရက်နေ့အထိ ထုတ်ပြန်ချက်အရ မြန်မာနိုင်ငံတဝှမ်းလုံးမှာ စစ်အာဏာသိမ်းမှုကာလ (၁၈၉၂) ရက်အတွင်း ပြည်သူ (၇၉၆၆) ဦးအထိ အကြမ်းဖက်သတ်ဖြတ်ခံခဲ့ရကြောင်း သိရပါတယ်။

ဖမ်းဆီးခံရသူဦးရေကတော့ စုစုပေါင်း (၃၀၈၂၀) ဦးရှိလာခဲ့ပြီးဖြစ်ပါတယ်။

ပြန်လည်လွတ်မြောက်လာသူကတော့ (၈၅၉၇)ဦး ဖြစ်ပါတယ်။

အာဏာသိမ်းစစ်အုပ်စုရဲ့ အကြမ်းဖက်သတ်ဖြတ်မှုကြောင့် ရန်ကုန်မြို့မှ ကျဆုံးသူအများဆုံး ရှိခဲ့တာပါ။ မွန်ပြည်နယ်မှာတော့ကျဆုံးသူ(၇၂) ဦးအထိရှိလာခဲ့ပြီး ဖမ်းဆီးခံရသူ (၈၀၀) ကျော်ရှိပြီဖြစ်ကာ ပြီးခဲ့တဲ့ရက်မှာတော့ (၂၀၀) ကျော်ပြန်လည်လွတ်မြောက်လာခဲ့ပြီဖြစ်ပါတယ်။

ကိုးကား - AAPP
#TLT
#HlaingInfo

လူထုခေါင်းဆောင်ဒေါ်အောင်ဆန်းစုကြည်ရဲ့ လုံခြုံရေးတာဝန်ထမ်းဆောင်ခဲ့သူ နိုင်ကျဉ်းဟောင်း ကိုဘိုဘို ကွယ်လွန်

ဧပြီလ ၈ ရက်

လူထုခေါင်းဆောင် ဒေါ်အောင်ဆန်းစုကြည်ရဲ့ လုံခြုံရေးတာဝန်ထမ်းဆောင်ခဲ့သူ နိုင်ငံရေးအကျဉ်းသားဟောင်း ကိုမျိုးဇော်သိန်း (ခ)ကိုဘိုဘို (ခ)ကိုဘီလားဟာ ဧပြီ ၇ရက် ညနေပိုင်းက ကွယ်လွန်သွားခဲ့ပါတယ်။

လူထုခေါင်းဆောင်ရဲ့လုံခြုံရေးတာဝန်နဲ့ အဖွဲ့ချုပ် သတင်းဓါတ်ပုံများစွာရိုက်ကူးခဲ့တဲ့ နိုင်ကျဥ်းဟောင်း အသက်(၅၇)နှစ်အရွယ် ကိုမျိုးဇော်သိန်းဟာ မနေ့က ဧပြီ ၇ ရက် ညနေ ၆ နာရီ ၇မိနစ်မှာ ရန်ကုန်မြို့၊ မြောက်ဥက္ကလာပဆေးရုံမှာ အသည်းရောဂါကြောင့် ဆေးကုသနေရင်း ကွယ်လွန်သွားခဲ့တာဖြစ်ကြောင်း နိုင်ငံရေးအသိုင်းအဝိုင်းက ပြောပါတယ်။

ကိုမျိုးဇော်သိန်းဟာ အမျိုးသားဒီမိုကရေစီအဖွဲ့ချုပ်ရဲ့ ပထမအကြိမ် ပါတီညီလာခံမှာ ဗဟိုသတင်းနဲ့ ပြန်ကြားရေးအဖွဲ့ရဲ့ ရုံးအဖွဲ့ဝင်အဖြစ် တာဝန်ယူခဲ့သလို၊ ပါတီရဲ့ သမိုင်းဝင် သတင်းဓာတ်ပုံများစွာကိုလည်း မှတ်တမ်းတင် ရိုက်ကူးခဲ့သူတစ်ဦး ဖြစ်တယ်လို့ သိရပါတယ်။

ကိုမျိုးဇော်သိန်းဟာ ဒီမိုကရေစီရေး လှုပ်ရှားမှုတွေမှာ ပါဝင်ခဲ့သူဖြစ်ပြီး ၉၀ ပြည့်လွန်နှစ်များအတွင်း အကျဉ်းထောင်အတွင်း ခက်ခဲကြမ်းတမ်းတဲ့ ဘဝကို ဖြတ်သန်းခဲ့ရတဲ့ နိုင်ကျဉ်းဟောင်းတစ်ဦးလည်း ဖြစ်ကြောင်း နိုင်ငံရေးအသိုင်းအဝိုင်းက ပြောပါတယ်။

ကိုမျိုးဇော်သိန်းအား ဒီမိုကရေစီအရေး တိုက်ပွဲဝင်ခဲ့တဲ့ ၎င်းရဲ့ လုပ်ဖော်ကိုင်ဖက်များနဲ့ မိတ်ဆွေများက နှမြောတသဖြစ်လျက် ရှိကြပါတယ်။

၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ခေါင်းဆောင်တစ်ဦးဖြစ်သူ ကိုမြအေးက "အရမ်းကိုခက်ခဲကြမ်းတမ်းတဲ့၉၀လွန်နှစ်တွေကထောင်တွင်းနေထိုင်မှုဘဝကို ရယ်မောနောက်ပြောင်ရင်း ကျော်ဖြတ်ခဲ့တာတွေကိုပြန်အမှတ်ရမိပါတယ်။စိတ်မကောင်းဘူးဗျာ။ကိုဘိုဘိုတစ်ယောက်ကောင်းရာမွန်ရာဘဝမှာအေးချမ်းစွာနားခိုပါစေ။"လို့ လူမှုကွန်ရက်မှာ ရေးသားကာ ဝမ်းနည်းစကားဆိုထားပါတယ်။

ကိုမျိုးဇော်သိန်းရဲ့ ရုပ်အလောင်းကို လာမယ့် ဧပြီ ၁၁ ရက် စနေနေ့မှာ ရေဝေးသုသာန်၌ သင်္ဂြိုဟ်သွားမည်ဖြစ်ကြောင်း မိသားစုနှင့် နီးစပ်သူများထံမှ သိရပါတယ်။

(ကွယ်လွန်သူ ကိုမျိုးဇော်သိန်းအား လူထုခေါင်းဆောင် ဒေါ်အောင်ဆန်းစုကြည်နှင့်အတူ တွေ့ရစဥ်။ ဓာတ်ပုံ-Cj)
#LNO
#HlaingInfo

နိုင်ငံတစ်ဝန်းမှ မြို့နယ်အုပ်ချုပ်ရေးအဖွဲ့ဝင် ဗိုလ်မှူးများကို သက်ဆိုင်ရာမြို့နယ်ဥက္ကဋ္ဌ ထွေ/အုပ်မှ အုပ်ချုပ်ရေးမှူး အရာရှိများက မလွန်ဆန်ရဲဘဲ ကြောက်နေရ

ဧပြီလ ၈ ရက်

မြန်မာနိုင်ငံတစ်ဝန်းရှိ မြို့နယ်အုပ်ချုပ်ရေးအဖွဲ့များတွင် အဖွဲ့ဝင်များ အဖြစ် တာဝန်ယူထားသည့် စစ်တပ်မှ ဗိုလ်မှူးများက သက်ဆိုင်ရာ မြို့နယ်လုံခြုံရေးနှင့်အုပ်ချုပ်ရေးခေါင်းဆောင် များဖြစ်လာပြီး သက်ဆိုင်ရာမြို့နယ်ဥက္ကဋ္ဌ ထွေ/အုပ်အုပ်ချုပ်ရေးမှူးအရာရှိများက မလွန် ဆန်ရဲဘဲ ကြောက်နေရကြောင်း ပြည်ထဲရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

မြို့နယ်အုပ်ချုပ်ရေးအဖွဲ့များတွင် ဥက္ကဋ္ဌအဖြစ် အထွေထွေအုပ်ချုပ်ရေးဦးစီးဌာနမှ အရာရှိများက အုပ်ချုပ်ရေးမှူးများအဖြစ် တာဝန်ယူပြီး စစ်တပ်ဘက်မှ ဗိုလ်မှူးများက အဖွဲ့ဝင်များ အဖြစ် ပါဝင်ရကြောင်း ၊ သို့ရာတွင် ထွေ/အုပ် အရာရှိများက မြို့နယ်အုပ်ချုပ်ရေးအဖွဲ့၏ ဥက္ကဋ္ဌများဖြစ်သော်လည်း စစ်တပ်ဘက်မှ ဗိုလ်မှူးများကို အရာရာ အသိပေးကာ ကြောက်လန့်နေရခြင်းဖြစ်သည်ဟု သိရှိရသည်။

ယင်းအပြင် အုပ်ချုပ်ရေးအဖွဲ့ဝင် ဗိုလ်မှူးများက မြို့နယ် စစ်မှုထမ်းဆင့်ခေါ်ရေးအဖွဲ့များ၏ Focal ခေါင်းဆောင်များအဖြစ် တရားဝင်အာဏာရယူလာကြောင်း၊ စစ်မှုထမ်းဆင့်ခေါ်ရေးတွင် ဗိုလ်မှူးများ ရှေ့တန်းရောက်လာကြောင်း၊ ယခင်က မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူးများက စစ်မှုထမ်းဆင့်ခေါ်ရေးအဖွဲ့များတွင် ဥက္ကဋ္ဌအဖြစ် ဦးဆောင်ခဲ့သော်လည်း၊ ယခုအခါတွင်မူ စစ်တပ်မှခန့်အပ်ထားသည့် အဖွဲ့ဝင် ဗိုလ်မှူးများသာ စစ်မှုထမ်းဆင့်ခေါ်ရေးအဖွဲ့များ၏ အဓိကခေါင်းဆောင်များအဖြစ် တာဝန်ယူလာခြင်းဖြစ်ကြောင်း သိရှိရသည်။

"ထွေ/အုပ်အုပ်ချုပ်ရေးမှူးတွေက မြို့နယ်အုပ်ချုပ်ရေးအဖွဲ့မှာ ဥက္ကဋ္ဌဆိုပေမယ့် တကယ် တမ်း လုံခြုံရေးနဲ့ စစ်မှုထမ်းကိစ္စတွေမှာ ဗိုလ်မှူးတွေကို ကျော်လွန်လို့မရဘူး။ ဗိုလ်မှူးတွေက Focal ခေါင်းဆောင်တွေ ဖြစ်ကုန်တာကြောင့် ထွေ/အုပ်အရာရှိတွေက သူတို့ကို မလွန် ဆန်ရဲဘဲ ကြောက်နေရတဲ့ အခြေအနေဖြစ်နေတာ" ဟု ပြည်ထဲရေးဝန်ကြီးဌာန သတင်းရင်းမြစ်က ပြောဆိုသည်။

၂၀၂၅ ခုနှစ်၊ ဇူလိုင်လ ၂၀ ရက်နေ့တွင် ထုတ်ပြန်ခဲ့သည့် စစ်ကောင်စီ၏ ညွှန်ကြားချက်အမှတ် (၄/၂၀၂၅) အရ မြို့နယ်အုပ်ချုပ်ရေးအဖွဲ့များအားလုံးတွင် စစ်တပ်ကိုယ်စားလှယ် (၁) ဦးကို မဖြစ်မနေ ထည့်သွင်းဖွဲ့စည်းရမည်ဟု ပြဋ္ဌာန်းထားသည်။

အဆိုပါ ညွှန်ကြားချက်ကြောင့် နိုင်ငံတစ်ဝန်းရှိ မြို့နယ်အုပ်ချုပ်ရေးယန္တရားများတွင် နယ် မြေခံ ဗိုလ်မှူးသစ်များက တရားဝင်အုပ်ချုပ်ရေးအရာရှိများအဖြစ် အဓိကအခရာကျသော နေရာများကို ရယူထားကြသည်။

လက်ရှိဖွဲ့စည်းထားသော မြို့နယ်စီမံခန့်ခွဲရေးနှင့် အုပ်ချုပ်ရေးအဖွဲ့များတွင် အဖွဲ့ဝင် (၇) ဦး ပါဝင်ပြီး ဥက္ကဋ္ဌအဖြစ် မြို့နယ်အုပ်ချုပ်ရေးမှူး (ထွေ/အုပ်)၊ အဖွဲ့ဝင် ၁ အဖြစ် စစ်တပ်ကိုယ်စားလှယ် ဗိုလ်မှူး ၁ ဦး၊ အဖွဲ့ဝင်များအဖြစ် စီမံကိန်းဦးစီးမှူး၊ မြို့နယ်ဥပဒေအရာရှိ၊ မြို့နယ်လ၀ကဦးစီးမှူးနှင့် ဥက္ကဋ္ဌမှ တာဝန်ပေးသူ တစ်ဦး၊ အတွင်းရေးမှူးအဖြစ် မြို့နယ်ရဲတပ်ဖွဲ့မှူးတို့က တာဝန်ယူရန် ညွှန်ကြားချက် ထုတ်ပြန်ထားခြင်းဖြစ်သည်။

မြို့နယ်အုပ်ချုပ်ရေးမှူးက ဥက္ကဋ္ဌအဖြစ် အမည်ခံထားသော်လည်း လက်တွေ့တွင် စစ်တပ်မှ စေလွှတ်ထားသည့် ဗိုလ်မှူးများကသာ အုပ်ချုပ်ရေးလုပ်ငန်းစဉ်များအားလုံးကို ခြယ်လှယ်အုပ်ချုပ်နေခြင်းဖြစ်သည်။

၂၀၂၁ ခုနှစ် အာဏာသိမ်းချိန်မှစတင်၍ ယနေ့အထိ စစ်တပ်သည် ဗိုလ်မှူးများကို မြို့နယ်စီမံအုပ်ချုပ်ရေးအဖွဲ့ဝင်များအဖြစ် ခန့်အပ်ကာ အုပ်ချုပ်ရေးအာဏာကို ချုပ်ကိုင်ထားခြင်းဖြစ်ကြောင်း သိရှိရသည်။

ဓာတ်ပုံ- လွှတ်တော်တက်ရောက်နေသည့် စစ်တပ်ဘက်မှ ဒုဗိုလ်မှူးကြီး၊ ဗိုလ်မှူးများအပါအဝင် စစ်အရာရှိများ။
#KTM
#HlaingInfo

မြစ်ကြီးနားတွင် ဆီဂိုဒေါင်ခြံဝန်းမီးလောင်မှုဖြစ်ပွား

ဧပြီလ ၈ ရက်

မြစ်ကြီးနားမြို့၊ ရွှေစက်ရပ်ကွက်ရှိ ဆီဂို‌ဒေါင်ရှိခြံဝန်းတစ်ခုတွင် ယနေ့နံနက် ၈ နာရီခန့် မီးလောင်မှုဖြစ်ပွားခဲ့ကြောင်း သိရသည်။

ရွှေစက်ရပ်ကွက်၊ ကမ်းနားလမ်းရှိ ဘုန်းကြီးကျောင်းအနီးတွင် မီးလောင်မှုဖြစ်ပွားခဲ့ခြင်းဖြစ်သည်ဟု မျက်မြင်တွေ့ရှိခဲ့သည့် အမျိုးသမီးတစ်ဦးက The 74 Media ကို ပြောသည်။

"ဘယ်လိုစလောင်လဲတော့မသိဘူး အခု (၁၀ နာရီခန့်) ချိန်ထိလောင်နေတယ်။ အဲ့နေရာ ဆီလှောင်ထားတာတော့သိတယ် ဆီဂိုဒေါင်လိုလုပ်ထားတာ" ဟု ပြောသည်။

နံနက် ဆယ်နာရီခန့်တွင် မီးငြိမ်းသတ်နိုင်ခဲ့ပြီး ပစ္စည်းသိုလှောင်ထားသည့် အဆောက်အဦးတစ်လုံးနှင့် ဆီဘောက်ဆာများအပါအဝင် ကားများမီးလောင်ပျက်စီးကြောင်း ကနဦးသိရသည်။

မီးလောင်မှုကြောင့် ပျက်စီးဆုံးရှုံးမှုအခြေအနေအသေးစိတ်ကို မသိရှိရသေးပါ။

ပြီးခဲ့သည့် မတ်လ ၂၄ ရက်နေ့တွင်လည်း အေးမြသာယာရပ်ကွက်တွင် သံနှင့် ဗူးခွံအဟောင်းများ ရောင်းဝယ်သည့်ဆိုင် မီးလောင်မှုဖြစ်ပွားခဲ့ကြောင်း သိရသည်။

ပုံ - ၂၀၂၆ ဧပြီ ၈ ရက်နေ့ မီးလောင်မှုဖြစ်ပွားခဲ့သည့်နေရာကိုတွေ့ရစဉ်
#T74M
#HlaingInfo

၀တပ်ဖွဲ့ ဌာနချုပ် ပန်ဆန်းမြို့ပြင်မှာ ယမ်းသို​လှောင်ထားတဲ့စက်ရုံ မီးလောင်ပေါက်ကွဲ သေဆုံးထိခိုက်များပြား

ဧပြီလ ၈ ရက်

၀ပြည်သွေးစည်းညီညွတ်ရေးပါတီ(UWSP/UWSA)ဌာနချုပ်ပန်ဆန်း(ပန်ခမ်း)မြို့အပြင် ၊​ယောင်းပတ်းရွာမှာ တရုတ်နိုင်ငံသားပိုင် ယမ်းချက်စက်ရုံ မီးလောင်ပေါက်ကွဲပြီး သေဆုံးထိခိုက်သူများပြားခဲ့တယ်လို့ ဒေသခံ သတင်းရင်းမြစ်က ပြောပါတယ်။

ပန်ဆန်းမြို့၊ယောင်းပန်းရွာ ကျေးရွာမှာရှိတဲ့  အဲဒီယမ်းချက်စက်ရုံဟာ မနေ့က ဧပြီ ၇ရက်နေ့ ညနေပိုင်း ၃နာရီခန့်မှာ ကျယ်လောင်တဲ့ပေါက်ကွဲသံတွေနဲ့အတူမီးလောင်တာလို့ ရှမ်းပြည်နယ်ရဲတပ်ဖွဲ့နဲ့ နီးစပ်သူကပြောပါတယ်။

"လောလောဆယ်ကျတော်တို့ဆီသတင်းရောက်တာ ၁၀၀ကျော်ပေါ့။ ဒါပေမယ့် များတယ်ဗျ။ ၁၇၀ မကဘူး။ ဝရဲတပ်ဖွဲ့ဘက်ကိုတော့ သေချာ မေးနေတယ်။ ဒီဖြစ်စဉ်က တော်တော်လေး အထိ
အခိုက်များတယ်"လို့ အဲဒီသတင်းမြစ်ကပြောပါတယ်။

ဒီကနေ့ (ဧပြီ ၈)အထိ ကယ်ဆယ်ရေး လုပ်နေရဆဲဖြစိတယ်လို့ အခြား​ဒေသခံတဦးကလည်း​ပြောပါတယ်။

“ယမ်းသိုလှောင်ထားတဲ့ စက်ရုံတခုလို့ သိရပါတယ်။ပန်ဆန်း မြို့ပြင်မှာဖြစ်ပွားခဲ့တာပါ။ မိုးတွေ
ရွာတော့ မီးလောင်တာ ကို ထိန်းနိုင်ခဲ့ပါတယ်။” လို့ အခြားဒေသခံတဦးကလည်းပြောပါတယ်။

မီးလောင်ပေါက်ကွဲမှုကြောင့် သေဆုံးသူ အရေ
အတွက် အသေးစိတ် မသိရသေးပေမယ့် ထိခိုက်သူ ၆၀ ကျော်ရှိတယ်လို့ သူကဆက်ပြောပါတယ်။

“လက်ရှိ အချိန်ထိတော့ ထိခိုက်သေဆုံးသူစာရင်း အတိအကျ မသိရသေးပါဘူး။ ထိခိုက်သူ ၆၀ ကျော် ဝန်းကျင်လို့တော့ သိထားရပါတယ်။ သေ
ဆုံးသူကတော့ မသိရသေးပါဘူး။ စက်ရုံတခုလုံးပျက်စီးသွားတာ တွေ့ရတယ်။ ဘာကြောင့် ဘယ်
လိုဆိုတာ မျိုးတော့ မသိရဘူး။ အခုတော့ ကယ်
ဆယ်ရေးတွေ လုပ်နေပါတယ်” လို့ အထက်ပါဒေသခံကပြောပါတယ်။

ပိုင်ရှင်က တရုတ်နိုင်ငံသားဖြစ်ပြီး စက်ရုံမန်နေဂျာဖြစ်တဲ့ တရုတ်နိုင်ငံသားတစ်ဦးကို ဝရဲတပ်ဖွဲ့က ဖမ်းဆီးထားတယ်လို့သိရပါတယ်။

ဒေသခံပြသတဲ့ရုပ်သံထဲမှာ ​အပျက်အစီးများလှတဲ့ပေါက်ကွဲမှုဖြစ်တဲ့နေရာနဲ့  ၀တပ်ဖွဲ့ တာဝန်ရှိသူအချို့သွား​ရောက်ကြည့်ရှူ​နေတာတွေကို တွေ့ရပါတယ်။

ယမ်းချက်စက်ရုံမီးလောင်ပေါက်ကွဲမှုမှာ သေဆုံးသူ ၁၆၀ခန့် ရှိနိုင်တယ်လို့ ရှမ်းမြောက်အခြေစိုက် ရွှေဖီမြေသတင်းဌာနက ဖော်ပြထားပြီး ဝဒေသတင်းတွေကို ရေးသားနေတဲ့ Wa Land Newsက‌တော့ သေဆုံးသူ၆၀ခန့်ရှိတယ်လို့ ဖော်ပြထားပါတယ်။

ဖြစ်စဉ်နဲ့ပတ်သက်ပြီး ၀တပ်ဖွဲ့ ပြင်ပဆက်ဆံရေးရုံးတာဝန်ရှိသူ တဦးဖြစ်တဲ့  ဦးညီးရန်းထံ ဆက်သွယ်မေးမြန်းထားဆဲဖြစ်ပါတယ်။

တရုတ်နိုင်ငံနဲ့နယ်မြေချင်းထိစပ်နေတဲ့ ဝကိုယ်ပိုင်အုပ်ချုပ်ခွင့်ရဒေသနဲ့ ရှမ်းပြည်နယ်မြောက်ပိုင်းဒေသတွေမှာ  တရုတ်နိုင်ငံသားတွေနဲ့ပတ်သက်နေတဲ့ ယမ်းချက်လုပ်ငန်းတွေ၊ သတ္တုတူးဖော် ရေးလုပ်ငန်းတွေအပြင် ကျားဖြန့်နဲ့ လောင်းကစားလုပ်ငန်းတွေလည်းရှိနေပါတယ်။

၀တပ်ဖွဲ့ အနေနဲ့ ကျားဖြန့်လုပ်ငန်းတွေနဲ့ ပတ်သက်ပြီး ဖမ်းဆီးတာ၊ တရုတ်နိုင်ငံသားတွေကို တရုတ်အာဏာပိုင်တွေဆီ လွှဲပြောင်းပေးတာ တွေလည်း ပြုလုပ်ခဲ့ကြောင်းသတင်းထုတ်ပြန်တာတွေလည်းရှိပါတယ်။

#LNO
#HlaingInfo

မြန်မာရွှေပြောင်းအခြေချသူ ၃၅ ဦးနဲ့
လက်ခံထားတဲ့ အိမ်ရှင်ကို ရဲတပ်ဖွဲ့ ဖမ်းဆီး

ဧပြီလ ၈ ရက်

တရားမဝင်ရွှေ့ပြောင်းဝင်ရောက်ခဲ့တယ်ဆိုတဲ့စွပ်စွဲချက်နဲ့ မြန်မာ ၃၅ဦးနဲ့သူတို့ကို လက်ခံထားတဲ့ မြန်မာအိမ်ရှင်ကိုဖမ်းဆီးခဲ့ကြောင်း ထိုင်းရဲတပ်ဖွဲ့က ထုတ်ပြန်ခဲ့ပါတယ်။

ဧပြီ ၅ ရက်နေ့က ထိုင်းရဲ့ အမှတ် ၆ အဝေးပြေးလမ်းမ ရဲတပ်ဖွဲ့ဟာ တိုင်ကြားချက်တွေအရ ကန်ချနာဘူရီ ပြည်နယ်ရဲ့ မွမ်ခရိုင်၊ ပက်ခ်ဖရာရက်ခ်မှာ ရှိနေတဲ့ အိမ်တစ်အိမ်ကို ဝင်ရောက်စီးနင်း ရှာ
ဖွေခဲ့ပါတယ်။အိမ်တစ်လုံးမှာတရားမဝင် ရွှေ့
ပြောင်း အခြေချ နိုင်ငံခြားသားတွေ အများအပြား စုဝေးပြီးပုန်းအောင်းနေတယ်ဆိုတဲ့တိုင်ကြားချက်တွေကိုလက်ခံရရှိခဲ့လို့အခုစစ်ဆင်ရေးကို အကောင်အထည် ဖော်ခဲ့တာလို့ ရဲတွေကပြောပါတယ်။

ရဲတွေနဲ့အတူ လူဝင်မှု ကြီးကြပ်ရေး၊လုံခြုံရေး၊ စစ်ထောက်လှမ်းရေး ဌာနတွေရဲ့ အရာရှိတွေပါ အဲဒီ စီးနင်းမှုမှာ ပါဝင်ခဲ့ကြပါတယ်။

အိမ်ထဲမှာတော့ နိုင်ငံခြားသား ၃၅ ဦးကို ရှာတွေ့ခဲ့ပြီး တစ်ယောက်မှထိုင်းလိုမပြောတတ်သလို ဘယ်သူကမှလည်းတရားဝင်စာရွက်စာတမ်း အထောက်
အထားတွေ မပြသနိုင်ခဲ့ဘူးလို့ ဆိုပါတယ်။

အိမ်ကိုထိန်းသိမ်းထားသူ အသက် ၄၅ နှစ်အရွယ် ဦးမင်းဦးကအဲဒီအဖွဲ့ဟာဧပြီ ၃ ရက်မှာ ဘန်
ကောက်ကို ရောက်လာပြီး မလေးရှားဆီ ခရီးဆက်ဖို့ ရည်ရွယ်ထားကြောင်း ရဲတွေဆီ ဝန်ခံခဲ့ပါတယ်။ Bangkok Post သတင်းစာကတော့ ဦးမင်းဦးကို ဒေသခံ တစ်ဦးလို့ ဖော်ပြထားခဲ့ပါတယ်။

အဲဒီဖြစ်စဉ်နဲ့ ပတ်သက်လို့ ဦးမင်းဦးဟာ တရားမဝင် ရွှေ့ပြောင်းဝင်ရောက်သူတွေကို လက်ခံထားမှု၊ တခြားသူတွေကတော့ တရားမဝင် ဝင်ရောက်လာမှုတွေအတွက် အသီးသီး စွဲချက်တင်ခံရမယ်လို့လည်း သိရပါတယ်။

ကိုးကား- Bangkok Post
ဓါတ်ပုံ-Bankok Post
#LNO
#HlaingInfo

မင်းပြားမြို့နယ်သို့ စစ်တပ်က တိုက်ပွဲဖြစ်ပွားခြင်းမရှိဘဲ စစ်လေယာဉ်များဖြင့် ဗုံးကျဲတိုက်ခိုက်

ဧပြီလ ၈ ရက်

ရခိုင်ပြည်နယ်၊ မင်းပြားမြို့နယ်အတွင်းကို အကြမ်းဖက် စစ်တပ်က စစ်လေယာဉ်များဖြင့် ဗုံးကျဲတိုက်ခိုက်ခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ပြောဆိုသည်။

ယနေ့ ဧပြီလ ၈ ရက်နေ့ နံနက်ပိုင်း မင်းပြားမြို့နယ်၊ လေးမြို့မြစ် အရှေ့ဘက် အခြမ်းရှိကျေးရွာများကို အကြမ်းဖက် စစ်တပ်က ဂျက်ဖိုက်တာ ၄ စီးဖြင့် တိုက်ပွဲဖြစ်ပွားခြင်းမရှိဘဲ ဗုံး ၁၀ လုံးကျော်ကျဲချတိုက်ခိုက်ခဲ့ကြောင်း၊ အဆိုပါ အကြမ်းဖက် စစ်တပ်၏ ဗုံးကျဲတိုက် ခိုက်မှုကြောင့် ပြည်သူများ ထိခိုက်ဒဏ်ရာရရှိမှုနှင့် နေအိမ်ပျက်စီးမှု အခြေအနေများကို အတည်ပြုနိုင်ခြင်းမရှိသေးကြောင်း သိရှိရသည်။

လက်ရှိချိန်တွင် အကြမ်းဖက် စစ်တပ်၏ လေယာဉ်များသည် ဆက်လက်ဝဲပျံနေဆဲဖြစ်သောကြောင့် ပြည်သူများ ထပ်မံဗုံးကျဲခံရမည့်ကို စိုးရိမ်ထိတ်လန့်နေကြရပြီး ဘေးလွတ်ရာထွက်ပြေးနေကြရကြောင်း သိရရှိသည်။

"စစ်ခွေးတွေ ဗုံးလာကျဲသွားတယ်။ အဖြစ်အပျက်က မှန်တယ်။ ထိခိုက်ဒဏ်ရာ ရတာတော့ မသိရသေးဘူး။ စစ်လေယာဉ်တွေက လေးမြို့မြစ် အရှေ့ဘက် အခြမ်းကို တောက်လျောက် ပစ်ခဲ့တယ်လို့ သိရတယ်။ ဘာစစ်ပွဲမှ မရှိဘူး"ဟု ဒေသပြည်သူတစ်ဦးက ပြောဆိုသည်။

ဧပြီလ ၁ ရက်နေ့ကလည်းစစ်တပ်က သံတွဲမြိုနယ်ကို တိုက်လေယာဉ် ၄ စီးဖြင့် ဗုံးကျဲချခဲ့ရာ ကလေး ၂ ဦးအပါအဝင် မိသားစုဝင် ၄ ဦးသေဆုံးခဲ့ရသည်။

ထို့အတူ မတ်လ ၂၉ ရက်နေ့၊ စစ်တပ်က ပလက်ဝမြို့နယ်အတွင်းရှိ "ကြောင်ချောင်းကျေး ရွာ" ကို တိုက်လေယာဉ် ၂ စီး ဖြင့် ဗုံးကျဲတိုက်ခိုက်ရာ ကြောင်ချောင်းကျေးရွာမှ အသက် ၁၆ နှစ်အောက် ကလေး ၄ ဦးအပါအဝင် အရပ်သားပြည်သူ စုစုပေါင်း ၇ ဦးသေဆုံးခဲ့ရသည်။

#KTM
#HlaingInfo

စစ်တွေတွင် AA ၏ တိုက်ခိုက်မှုများကြောင့် ခံစစ်ပြင်နေရသော်လည်း ဝါဒဖြန့်သင်္ကြန်ပွဲပြုလုပ်ရန် စစ်ကော်မရှင်ပြင်ဆင်နေ
‎
‎ဧပြီလ ၈ ရက်
‎
အာရက္ခတပ်တော် (AA) ၏ အနီးကပ်ထိုးစစ်နှင့် ပစ်ခတ်တိုက်ခိုက်မှုများကို ရင်ဆိုင်နေရသည့် စစ်ကော်မရှင်သည် ရခိုင်ပြည်နယ်မြို့တော် စစ်တွေတွင် မြို့အတွင်း တည်ငြိမ်စည်ကားနေသယောင် ပြသနိုင်ရန်အတွက် သင်္ကြန်ပွဲကို စည်ကားသိုက်မြိုက်စွာ ကျင်းပရန် ပြင်ဆင်နေကြောင်း သိရသည်။
‎
စစ်တွေမြို့ရှိ ဦးဥတ္တမပန်းခြံ၊ အစိုးရရုံးရှေ့နှင့် ကမ်းနားလမ်းတို့တွင် ဗဟိုမဏ္ဍပ်များ ဆောက်လုပ်နေပြီး လမ်းလျှောက်သင်္ကြန်ပြုလုပ်ရန်အတွက်လည်း စစ်ကော်မရှင်က စီစဉ်နေကြောင်း ဒေသခံသတင်းရင်း မြစ်များထံမှ သိရသည်။
‎
"ပစ်ခတ်တာတွေကတော့မြို့ပြင်မှာဆိုပေမယ့် မြို့ထဲအထိ လက်နက်ကြီးသံတွေ ကြားနေရတာပဲ။ စစ်တပ်ကလည်း ခံစစ်ပြင်ပြီး အင်အားတိုးချနေတာတွေရှိတော့ ပြည်သူတွေကတော့ လန့်နေ ကြတာပေါ့။ ဒါပေမဲ့ သင်္ကြန်ဖျော်ဖြေဖို့ ရပ်ကွက်တချို့မှာ အကတိုက်ခိုင်းတာတွေရှိသလို လမ်းလျှောက် သင်္ကြန်လုပ်မယ်လို့လည်း ပြောတယ်။ ဝါဒဖြန့်တာပေါ့" ဟု စစ်တွေဒေသခံတစ်ဦးက ဧရာဝတီတိုင်းမ်ကို ပြောသည်။
‎
စစ်တွေမြို့နယ်အတွင်းရှိ စစ်ကော်မရှင်၏ တပ်ရင်း၊ တပ်ဖွဲ့များကို ပြီးခဲ့သည့် မတ် ၂၆ ရက်နှင့် တပ်မတော်နေ့တို့တွင် AA က လက်နက်ကြီးများဖြင့် ပစ်ခတ်တိုက်ခိုက်ခဲ့သဖြင့် ကာကင်းစခန်းအချို့မှ စစ်ကော်မရှင်တပ်သားများ ထွက်ပြေးမှုများရှိခဲ့သည်။

ထို့ပြင် စစ်ကော်မရှင်သည် ၎င်းတို့၏ စစ်လက်နက်တပ်ခွဲမှ လက်နက်၊ ခဲယမ်း၊ ဗုံးသီး၊ ကျည်ဆံနှင့် ဆက်စပ်ပစ္စည်းများကို စစ်ကော်မရှင်က အရေးပေါ်ရွှေ့ပြောင်းမှုများပါ ပြုလုပ်ထားသည်။
‎
စစ်ကော်မရှင်သည် နိုင်ငံအတွင်း တည်ငြိမ်မှုရှိကြောင်း ပြသလို၍ စစ်တွေမြို့တွင်သာမက နိုင်ငံအနှံ့ရှိ မြို့ကြီးများတွင်ပါ သင်္ကြန်မဏ္ဍပ်များ ဆောက်လုပ်ကာ စိတ်ဓာတ်စစ်ဆင်ရေးကို အဓိကဦးတည် လုပ်ဆောင်လျက်ရှိသည်။

ဓာတ်ပုံ-လူမှုကွန်ရက်၊ စစ်တွေတွင်ဆောက်လုပ်နေသော သင်္ကြန်မဏ္ဍပ်များ
‎#AYAT
#HlaingInfo

CDM ကျောင်းဆရာတစ်ဦး အကြမ်းဖက်စစ်အာဏာရှင်ကို ရဲရင့်စွာတော်လှန်တိုက်ခိုက်ရင်း မြင့်မြတ်စွာကျဆုံ

ဧပြီလ ၈ ရက်

ဧရာဝတီတိုင်း၊ မအူပင်မြို့နယ် CDM ကျောင်းဆရာတစ်ဦး ဧပြီလ (၇) ရက်နေ့မှာ အကြမ်းဖက်စစ်အာဏာရှင်ကို ရဲရင့်စွာတော်လှန်တိုက်ခိုက်ရင်း မြင့်မြတ်စွာကျဆုံးသွားကြောင်း မအူပင်မြို့နယ် ပညာရေးလုပ်သားများသမဂ္ဂက ထုတ်ပြန်ပါတယ်။

ရဲဘော် ကျောင်းဆရာဟာ ၂၀၂၁ ခုနှစ်၊ နွေဦးတော်လှန်ရေးမှာ မအူပင်မြို့နယ်မှာ အကြမ်းမဖက် အာဏာဖီဆန်ရေး CDM လှုပ်ရှားမှု၊ သပိတ်နဲ့ ပညာရေးလုပ်သားများသမဂ္ဂလှုပ်ရှားမှု ၊ လက်နက်ကိုင်တော်လှန်ရေးလှုပ်ရှားမှု၊ ပြည်သူ့ပညာရေးလှုပ်ရှားမှုတွေမှာ နိုင်ရာတာဝန်တွေကို စွမ်းစွမ်းတမံကြိုးပမ်း ဆောင်ရွက်ခဲ့တဲ့ မြို့နယ်ပညာရေးဘုတ်အဖွဲ့ဝင်တစ်ဦးဖြစ်ပါတယ်။

ရဲဘော် ကျောင်းဆရာဟာ ကွယ်လွန်တဲ့အထိ CDM ပညာရေး ဝန်ထမ်းတဦးအဖြစ်လည်းကောင်း၊ မအူပင်မြို့နယ် အခြေခံပညာ ပညာရေးသမဂ္ဂအဖွဲ့ဝင်တဦးအဖြစ်လည်းကောင်း၊ လက်နက်ကိုင်တော်လှန်ရေး ရဲဘော်တဦးအဖြစ်လည်းကောင်း၊ အမျိုးသားညီညွတ်ရေးအစိုးရ၊ ပညာရေးဝန်ကြီးဌာနနှင့် ကာကွယ်ရေးဝန်ကြီးဌာနများ၏ တာဝန်များကို ဦးလှည့်မသုန်ထမ်းဆောင်ခဲ့တဲ့အတွက် နွေဦးတော်လှန်ရေး ပညာအာဇာနည်တစ်ဦးအဖြစ် လေးမြတ်စွာဖြင့် ဂုဏ်ပြုကြောင်း ထုတ်ပြန်ချက်မှာ ဖော်ပြထားပါတယ်။

ရဲဘော် ကျောင်းဆရာဟာ ၂ဝ၂၆ ခုနှစ်၊ ဧပြီလ (၇) ရက်နေ့မှာ အကြမ်းဖက်စစ်အာဏာရှင်ကို ရဲရင့်စွာ တော်လှန်တိုက်ခိုက်ရင်း မြင့်မြတ်စွာကျဆုံးသွားတဲ့အပေါ် မအူပင်မြို့နယ် ပညာ‌ရေးလုပ်သားများသမဂ္ဂမှ မိသားစုနဲ့ထပ်တူ ဝမ်းနည်းကြေကွဲရပါကြောင်း သဝဏ်လွှာပေးပို့ထားတယ်လို့ သိရပါတယ်။

#PVTV
#HlaingInfo

မန္တလေးမှာ ၁၅ ဘီလီယံကျော်တန်ဖိုးရှိ မူးယစ်ဆေးဝါးတွေ ဖမ်းဆီးရမိ

ဧပြီလ ၈ ရက်

မန္တလေးမြို့၊ ပြည်ကြီးတံခွန်မြို့နယ်မှာ မူးယစ်ဆေးဝါးဖြန့်ဖြူးရောင်းချနေတဲ့ လင်မယားနှစ်ဦးကိုဖမ်းဆီးရမိခဲ့ပြီး သူတို့ရဲ့နေအိမ်ကနေ ငွေကျပ် ၁၅ ဘီလီယံကျော်တန်ဖိုးရှိတဲ့ မူးယစ်ဆေးဝါးတွေကို သိမ်းဆည်းရမိခဲ့တယ်လို့ စစ်ကော်မရှင်ကထုတ်ပြန်ပါတယ်။

အဲဒီပြည်ကြီးတံခွန်မြို့နယ်မှာ ဧပြီ ၆ ရက်နေ့က အောင်ကျော်စိုးနဲ့ဇနီးဖြစ်သူ သူဇာသန်းတို့ကို အရင်ဆုံးဖမ်းဆီးရမိခဲ့တာဖြစ်ပြီး အမရပူရမြို့နယ်က သူတို့ရဲ့နေအိမ်ကို ဆက်လက်ရှာဖွေရာမှာ အခုလိုအမြောက်အမြားတွေ့ရှိခဲ့တာလို့ ဆိုပါတယ်။

အဲဒီသိမ်းဆည်းရမိတဲ့ မူးယစ်ဆေးဝါးတွေထဲမှာ စိတ်ကြွဆေးပြား ၉၉ သိန်းကျော်နဲ့ ဘိန်းဖြူ ၅ ဒသမ ၅ ကီလိုဂရမ်တို့ ပါဝင်ပြီး စုစုပေါင်းကာလတန်ဖိုး ကျပ် ၁၅ ဘီလီယံကျော် ရှိတယ်လို့ ဆိုပါတယ်။

အဲဒီမူးယစ်ဆေးဝါးတွေကို ရှမ်းမြောက်၊ကွတ်ခိုင်မြို့က အိုက်ချွမ်ဆိုသူကပို့ဆောင်ပေးခဲ့တာဖြစ်ပြီး ဖမ်းဆီးရမိသူလင်မယားက မန္တလေးမြို့အတွင်း ပြန်လည်ဖြန့်ဖြူးပေးနေတာလို့ဆိုပါတယ်။

အဲဒီဖမ်းဆီးရမိသူတွေကို ဥပဒေအရထိရောက်စွာအရေးယူထားပြီး ထွက်ပြေးလွတ်မြောက်နေတဲ့ အိုက်ချွမ်နဲ့ကျန်ရှိနေတဲ့ ဆက်စပ်တရားခံတွေကိုလည်း ဆက်လက်ဖော်ထုတ်နေတယ်လို့ဆိုပါတယ်။

ဓာတ်ပုံ-စစ်ကော်မရှင်
#BNA
#HlaingInfo

8 April 2026 Tokyo Japa
လူထုခေါင်းဆောင် ဒေါ်အောင်ဆန်းစုကြည် အမြန်ဆုံးလမှ တောင်းဆိုဆန္ဒထုတ်ဖော်ပွဲ
၁။ လက်ရှိမြန်မာနိုင်ငံတွင်စစ်ရေး၊ နိုင်ငံရေး၊ စီပွါးရေး၊ လူမှုရေး၊ ပြည်သူလူထုစားဝတ်နေရေး စတဲ့ အထွေထွေ အကြပ်အတည်းများ ရင်ဆိုင်နေရပါတယ်။
၂။ ဤအထွေထွေ အကြပ်အတည်းဖြေရှင်းပေးနိုင်သူသည် လူထုခေါင်းဆောင် ဒေါ်အောင်ဆန်းစုကြည် တစ်ဦးတည်းသာရှိပါသည်။
၃။ နွေဦးတော်လှန်ရေး အောင်မြင်ရေးအတွက် လက်နက်ကိုင်တော်လှန်ရေးသည် တစ်နည်း၊ သံတမန်ရေးသည် တစ်နည်း၊ အတုအယောင်ရွေးကောက်ပွဲကို ဆန့်ကျင်ကန့်ကွက်ခြင်းသည် တစ်နည်း စသည်ဖြင့် စစ်အာဏာရှင်ပြုတ်ကျရေးကို ဘက်ပေါင်းစုံမှ ကြိုးစားအားထုတ် ကြရ မည်ဖြစ်သည်။
၄။ ပြည်တွင်းပြည်သူလူထု၏ လုပ်ဆောင်ရ အခက်အခဲရှိသော လှုပ်ရှားမှုများကို ပြည်ပရောက် တော်လှန်ရေးအင်အားစုများက လုပ်ဆောင်ပါက နွေဦးတော်လှန်ရေး အတွက် ပိုမို ထိရောက်မည့် အထောက်အပံ့တစ်ခုဟု ယူဆမိပါသည်။
၅။ တိုင်းပြည်ငြိမ်းချမ်းရေးနှင့် ဖယ်ဒရယ်ပြည်ထောင်စု လျှင်မြန်စွာ တည်ဆောက်နိုင်ရေး လမ်းကြောင်းပေါ် ရောက်ရှိရန်နှင့် နွေဦးတော်လှန်ရေးကို အောင်မြင်စွာ အဆုံးသတ်နိုင်ရေးအတွက် အရေးကြီးဆုံးအချက်ဖြစ်သည့် လူထုခေါင်းဆောင် ဒေါ်အောင်ဆန်းစုကြည် နှင့် နိုင်ငံရေးအကျဉ်းသားများအားလုံး အမြန်ဆုံး လွတ်မြောက်ရေးသည် အဓိက ဖြစ်သည်ဟု မိမိတို့မှ ယူဆသည်။
၆။ ထို့ကြောင့် ဤတောင်းဆိုဆန္ဒဖော်ထုတ်ရေး လုပ်ငန်းစဉ်မှာ ပူးပေါင်း ပါဝင်ပေးနိုင်ကြပါရန် ဖိတ်ခေါ်ပါသည်။
အစီအစဉ်…..
- ဗုဒ္ဓဟူး နေ့စဉ်
- ညနေ ၁၅:၃၀ မှ ၁၆:၃၀ နာရီအထိ
- မြန်မာ ဖက်ဆစ် အခွန်ရုံးရှေ့
ကူညီစီစဉ်သူ
ကိုအောင်အေးဝင်း နှင့် တော်လှန်ရေးရဲဘော်များ-နာဂိုရာ

#HlaingInfo

တောင်ဥက္ကလာတွင် လူငယ်များကို ရပ်ကွက်အုပ်ချုပ်ရေးအဖွဲ့က ဖမ်းဆီးပြီး စစ်မှုထမ်းရန် ခြိမ်းခြောက်ခြင်းနှင့် ငွေညှစ်ခြင်းများ ပြုလုပ်နေ

ဧပြီလ ၈ ရက်

ရန်ကုန်တိုင်းဒေသကြီး၊ တောင်ဥက္ကလာပမြို့နယ်တွင် အရပ်သားပြည်သူများကို ရပ်ကွက်အုပ်ချုပ်ရေးအဖွဲ့က အတင်းအဓမ္မ ဖမ်းဆီးခေါ်ဆောင်သွားပြီး စစ်မှုထမ်းရန် ခြိမ်းခြောက်ခြင်းနှင့် မိသားစုဝင်များထံမှ ငွေကြေးဖြင့် ပြန်လည်ရွေးခိုင်းခြင်းများ လုပ်ဆောင်နေကြောင်း RangoonScoutNetwork မှ သိရပါသည်။

ယမန်နေ့ ဧပြီလ ၇ ရက် ည ၁၀ နာရီခွဲခန့်တွင် တောင်ဥက္ကလာပမြို့နယ်၊ ၅ ရပ်ကွက်၊ ဗြဟ္မာစိုရ်လမ်း (၅/၇) ပေါ်၌ ကွမ်းယာထွက်ဝယ်သည့် လူငယ်တစ်ဦးကို ၅ ရပ်ကွက် အုပ်ချုပ်ရေးမှူးအဖွဲ့က ရုတ်တရက် ဖမ်းဆီးခေါ်ဆောင်သွားခဲ့ကြောင်း သိရသည်။ ၎င်းလူငယ်ကို ရပ်ကွက်ရုံးအတွင်း ချုပ်နှောင်ထားပြီး စစ်မှုထမ်းရန် အတင်းအဓမ္မ ခြိမ်းခြောက်မှုများ ပြုလုပ်နေသည်ဟု ဆိုပါသည်။

လတ်တလော သတင်းအချက်အလက်များအရ အဆိုပါ ၅ ရပ်ကွက်ရုံးအတွင်း၌ ဖမ်းဆီးခံထားရသူ လူငယ် ၆ ဦးခန့် ရှိနေပြီး အုပ်ချုပ်ရေးအဖွဲ့က ၎င်းတို့၏ မိသားစုဝင်များကို ဆက်သွယ်ကာ ငွေကြေးဖြင့် ပြန်လည်ရွေးယူရန် ပြောဆိုထားကြောင်း သိရသည်။ အကယ်၍ သတ်မှတ်ထားသည့် ငွေကြေးဖြင့် လာရောက် မရွေးယူနိုင်သူများကို စစ်တပ်အတွင်းသို့ ထည့်သွင်းရန် လုပ်ဆောင်နေကြောင်း ဒေသခံများထံမှ သိရှိရပါသည်။

ရန်ကုန်မြို့ရှိ ရပ်ကွက်အချို့တွင် ယခုကဲ့သို့ လမ်းပေါ်၌ သွားလာနေသူများကို ဖမ်းဆီးခြင်းနှင့် စစ်မှုထမ်းရန် အကြောင်းပြ၍ ငွေကြေးတောင်းခံမှုများ ရှိနေသည့်အတွက် ဒေသခံပြည်သူများအကြား စိုးရိမ်ထိတ်လန့်မှုများ မြင့်တက်လျက်ရှိပါသည်။

#HlaingInfo

ရော့ကတ်နည်းပညာသင်ယူနေတဲ့ မွန်တပ်ဖွဲ့ဟာ လက်တွေ့အနေနဲ့ အကြမ်းဖက်တပ်စခန်းတွေကို ၃ ကြိမ်ပစ်ခတ်

ဧပြီလ ၈ ရက်

မွန်ပြည်ကာကွယ်ရေးတပ်က ရော့ကတ်ထုတ်လုပ်ရေးနဲ့ ပစ်ခတ်တိုက်ခိုက်ရေး နည်းပညာကို သင်ယူခဲ့ပြီးနောက် လက်တွေ့အနေနဲ့ အကြမ်းဖက်တပ်စခန်းတွေကို ၃ကြိမ်တိုင်တိုင် ပစ်ခတ်တိုက်ခိုက်ခဲ့တယ်လို့ မွန်ပြည်ကာကွယ်ရေးတပ် (MSDF)က ဒီကနေ့မှာ ထုတ်ပြန်ပါတယ်။

ရော့ကတ်နည်းပညာ သင်ယူခဲ့တဲ့ မွန်ပြည်ကာကွယ်‌‌ရေးတပ်ဟာ ဒီနှစ် မတ်လအတွင်း အကြမ်းဖက်တပ်စခန်တွေကို ၃ ကြိမ် တိုင်တိုင် လက်တွေ့သွားရောက်ပစ်ခတ်ခဲ့ကာ တိုက်ခိုက်မှုတွေကိုလည်း အောင်မြင်စွာ လုပ်ဆောင်နိုင်ခဲ့တယ်လို့ ဆိုပါတယ်။

တပ်ဖွဲ့အနေနဲ့ Reapper GALON Column နဲ့ ပူးတွဲပြီး ရော့ကတ်ထုတ်လုပ်ရေးနဲ့ ပစ်ခတ်တိုက်ခိုက်ရေးတွေကို သွားရောက်သင်ယူခဲ့တယ်လို့ ထုတ်ပြန်ထားပါတယ်။

မွန်ပြည်ကာကွယ်ရေးတပ်က နိုင်ငံရေး၊ စစ်ရေး ဦးဆောင်ကော်မတီကို ခေါင်းဆောင်အသစ်များ နဲ့ ပြန်လည်ဖွဲ့စည်းခဲ့ပြီး ယခုနှစ်မှာ ‌မဟာမိတ်တွေနဲ့ ပူးပေါင်းကာ စစ်ရေး၊ နိုင်ငံရေး အရှိန်ကို မြှင့်တင်သွားမယ်လို့ ပြီးခဲ့တဲ့ ဖေဖော်ဝါရီ ၁၈ ရက်မှာလည်း ထုတ်ပြန်ခဲ့ပါ‌သေးတယ်။

#PVTV
#HlaingInfo

ရေဦးမြို့မဈေးထိပ်တွင် စစ်တပ် လှည့်ကင်းက အရပ်ဝတ် ဝတ်ဆင်ထားသော ခရိုင်ဒုရဲမှူး မင်းလွင်ကို ပစ်သတ်၊ ရဲနှင့် စစ်သားများကြား တင်းမာမှု ဖြစ်ပွားနေ

ဧပြီလ ၈ ရက်

စစ်ကိုင်းတိုင်း၊ ရေဦးမြို့မဈေးထိပ်တွင် စစ်တပ် လှည့်ကင်းက အရပ်ဝတ် ဝတ်ဆင်ထားသော ခရိုင်ဒုရဲမှူး မင်းလွင်ကို ပစ်သတ်ပြီးနောက် ရဲနှင့် စစ်သားများကြား တင်းမာမှု ဖြစ်ပွားနေကြောင်း ရေဦးအနောက်ခြမ်းဇုံ သတင်းတာဝန်ခံ ထူးခန့်ဇော် (အမေ့သား) က ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၇ ရက်နေ့ ညနေပိုင်းတွင် ရေဦးမြို့မဈေးထိပ်၌ ခရိုင်ဒုရဲမှူး မင်းလွင်သည် အရပ်ဝတ်ဖြင့် သွားလာနေစဉ် ကင်းလှည့်နေသော အကြမ်းဖက် စစ်သားများက ပစ်ခတ်ခဲ့ခြင်းဖြစ်ကြောင်း၊ ထို့ ပစ်ခတ်ခံရပြီးနောက် မင်းလွင်ကို ရေဦးမြို့မဆေးရုံကြီးသို့ ပို့ဆောင်ခဲ့ပြီး ဆေးကုသမှုခံယူနေစဥ် သေဆုံးခဲ့ခြင်းဖြစ်ကြောင်း သိရသည်။

ထိုသို့ ခရိုင်ဒုရဲမှူး မင်းလွင် ပစ်ခတ်ခံရပြီးနောက် ရေဦးမြို့ပေါ်တွင် အကြမ်းဖက် စစ်သားများနှင့် ရဲများအကြား တင်းမာမှုဖြစ်ပွားနေကြောင်း၊ မင်းလွင်ကို အကြမ်းဖက် စစ်သားများက မည်သည့် အတွက်ကြောင့် ပစ်ခတ်သတ်ဖြတ်သည်ကို အတည်ပြုနိုင်ခြင်းမရှိသေး‌ကြောင်း သိရှိရသည်။

"မနေ့က ညနေပိုင်းမှာ ခရိုင်ဒုရဲမှူး မင်းလွင်က အရပ်ဝတ်နဲ့ ရေဦးမြို့မစျေးထိပ်မှာ သွားလာနေတုန်း ကင်းပတ်ထွက်လာတဲ့ စစ်ခွေးတွေက ပစ်သတ်သွားတာ နေရာမှာတင် ပွဲချင်းပြီး သေတာမျိုးမဟုတ်ဘဲ ရေဦးမြို့မ ဆေးရုံကြီးမှာ ဆေးကုသမှုခံယူနေစဥ်အတွင်း သေဆုံးသွားတယ်လို့သိရတယ်။ ဘာကြောင့်ပစ်တာလဲ။ လူမှားပြီးပစ်တာလား။ သူတို့အချင်းချင်းပဲ ရန်ငြိုးရှိထားလို့ ရည်ရွယ်ချက်ရှိရှိပစ်သွားတာလားဆိုတာတော့ မသိရသေးဘူး။ ရဲခွေးတွေနဲ့ စစ်ခွေးတွေကြားမှာလဲ မင်းလွင်ကိစ္စနဲ့ ပက်သက်လို့ ဂယက်ရိုက်ပြီး မြို့ပေါ်မှာ မပြေလည်မှုတင်းမာမှုတွေရှိနေတယ်လို့ စုံစမ်းသိရတယ်" ဟု ရေဦးအနောက်ခြမ်းဇုံ သတင်းတာဝန်ခံ ထူးခန့်ဇော် (အမေ့သား) က ပြောဆိုသည်။

#KTM
#HlaingInfo

ရခိုင်တွင် နိုင်ငံခြားဖြစ် အရက်များကို အခွန် ၅၀ ရာခိုင်နှုန်း ကောက်ယူသဖြင့် အရက်ဈေးမြင့်တက်

ဧပြီလ ၈ ရက်

ရခိုင်ပြည်နယ်ရှိ အာရက္ခတပ်တော် ထိန်းချုပ်ထားတဲ့ မြို့နယ်တွေမှာ သင်္ကြန်ကာလတွင်း အပါအဝင် ကာလတို နိုင်ငံခြားဖြစ် အရက်တွေကို ရောင်းချခွင့်ပြုထားချိန်မှာ အရက်တင်သွင်းခွန်ကို ၅၀ ရာခိုင်နှုန်း ကောက်ယူနေလို့ နိုင်ငံခြားဖြစ်အရက်တွေ ဈေးမြင့်တက်နေတယ်လို့ အရက်တင်သွင်းသူတွေက ပြောပါတယ်။

ရက္ခိုင့်အမျိုးသားအဖွဲ့ အဖွဲ့ချုပ်က ရခိုင်ပြည်နယ်အတွင်း သူတို့ထိန်းချုပ်မြို့နယ်တွေကို နိုင်ငံခြားဖြစ် အရက်တွေကို ဧပြီ ၂ ရက်မှ ၁၀ ရက်အထိ တင်သွင်းခွင့်ပြုထားတာဖြစ်ပြီး ရောင်းချခွင့်နဲ့ သောက်သုံးခွင့်ကို ဧပြီ ၂ ရက်မှ မေ ၃၀ ရက်အထိ ကာလတို ခွင့်ပြုထားတာလည်း ဖြစ်ပါတယ်။

အဲဒီလို ခွင့်ပြုလိုက်ပြီးနောက် ရခိုင်က ကုန်သည်တွေဟာ နိုင်ငံခြားဖြစ် အရက်တွေနဲ့ ဘီယာတွေကို တင်သွင်းမှု ပြုလုပ်ကြရာမှာ အခွန် ၅၀ ရာခိုင်နှုန်း ကောက်ခံလိုက်တဲ့အတွက် နိုင်ငံခြားဖြစ် အရက်နဲ့ ဘီယာတွေ ဈေးနှုန်းမြင့်တက်မှုနဲ့ ရင်ဆိုင်လာရတာလို့ နိုင်ငံခြားဖြစ် အရက်တင်သွင်းလာတဲ့ ရခိုင်ကုန်သည်တယောက်က ပြောပါတယ်။

“နိုင်ငံခြားဖြစ် အရက်နဲ့ ဘီယာက အခွန် ၅၀ ရာခိုင်နှုန်း ဆောင်ရတယ်။ အခွန် ၅၀ ရာခိုင်နှုန်းဆိုတော့ ပစ္စည်တန်ဖိုးရဲ့ တဝက်ဖြစ်သွားပြီ။ တခြား သယ်ယူစရိတ်တွေနဲ့ တွက်လိုက်ရင် နိုင်ငံခြားဖြစ် အရက်တွေနဲ့ ဘီယာတွေရဲ့ ဈေးက ပြည်မထက် ၂ ဆကျော်သွားပြီ။ ကုန်သည်တွေကတော့ ဘယ်သူမှ အရှုံးခံပြီး မရောင်းနိုင်ဘူး။ ဈေးတင်ပြီမှ ရောင်းကြရတော့မှာပဲ။ အစိုးရကတော့ အခွန် မြိုးမြိုးမြတ်မြတ် ရနိုင်ပေမဲ့ သောက်သုံးသူတွေအတွက်ကတော့ သာမန်လူတွေအဖို့ သောက်သုံးနိုင်ဖို့ဆိုတာ မလွယ်တော့ဘူး။”

ပြည်မဘက်က တင်သွင်းလာတဲ့ ဘီယာတဖာဟာ ကျပ်ငွေ ၁ သိန်းဝန်းကျင် ရှိပေမဲ့လည်း ရခိုင်ပြည်နယ်ကို ရောက်တဲ့အခါ အခွန်နဲ့ သယ်ယူစရိတ်တွေ တွက်ပြီးနောက် ဘီယာတဖာရဲ့ ရောင်းဈေးဟာ ၃ သိန်းခွဲအထိ ပေါက်ဈေးရှိနေပြီး နိုင်ငံခြားဖြစ် အရက်တွေရဲ့ ပေါက်ဈေးတွေဟာလည်း ရခိုင်ပြည်နယ်မှာ တသိန်းနဲ့အထက်မှာ ရှိနေတယ်လို့ ဆိုင်သည်တွေဆီက သိရပါတယ်။

နိုင်ငံခြားဖြစ် အရက်တွေကို ကာလတို သောက်သုံးခွင့်ပြုချိန်မှာ အခွန်စည်းကြပ်မှု ၅၀ ရာခိုင်နှုန်း တိုးမြှင့်ကောက်လိုက်တာဟာ အခြေခံလူတန်းစားတွေ သောက်သုံးနိုင်တဲ့ ပမာဏထက် ဈေးနှုန်းတွေ မြင့်တက်နေတယ်လို့ မြောက်ဦးမြို့ခံ လူငယ်တယောက်က ပြောပါတယ်။

“နိုင်ငံခြားဖြစ် အရက်တွေကို ကာလတို ရောင်းချ၊ သောက်သုံးခွင့်ပြုချိန်မှာ အခွန်စည်းကြပ်မှု ၅၀ ရာခိုင်နှုန်း ကောက်လိုက်တော့ ဈေးတွေက ထိုးတက်သွားတာ။ အစိုးရဘက်က အခွန်ငွေ ရနိုင်ပေမဲ့လည်း အဲဒီကောက်လိုက်တဲ့ အခွန်တွေကို စားသုံးသူတွေကပဲ ပေးကြရတာ။ အခုဈေးတွေအရ အခြေခံလူတန်းစားတွေ နိုင်ငံခြားအဖြစ် အရက်နဲ့ ဘီယာကို သောက်နိုင်တဲ့ အခြေအနေမှာ မရှိဘူး။”

လက်ရှိ ရခိုင်ပြည်နယ်က အာရက္ခတပ်တော် ထိန်းချုပ်မြို့နယ်တွေမှာ ဘီယာတဘူးကို ကျပ်ငွေ ၂၀,၀၀၀ ကနေ ၃၀,၀၀၀ အထိ ပေါက်ဈေးရှိနေသလို အရက်တွေမှာလည်း ၁ သိန်းနဲ့ အထက်မှာ ရှိနေကြတာ ဖြစ်ပါတယ်။

လက်ရှိ တင်သွင်းခွင့်ပြုလိုက်တဲ့ နိုင်ငံခြားဖြစ် အရက်တွေမှာ စစ်ကောင်စီရဲ့ ဦးပိုင်ကုမ္ပဏီထုတ် အရက်နဲ့ ဘီယာတွေကို တင်သွင်းခွင့် ပိတ်ပင်ထားတာလည်း ဖြစ်ပါတယ်။

လက်ရှိ ULA က သတ်မှတ်ထားတဲ့ အရက်ခွန်တွေနဲ့ ကန့်သတ်အရက်တွေကို စည်းကမ်းလိုက်နာမှု မရှိပါက အမည်ပျက်စာရင်းသွင်းပြီး ရောင်းချခွင့် လိုင်စင်တွေကို ပိတ်သိမ်းသွားမယ်လို့ ထုတ်ပြန်ချက်မှာ ပြောထားပါတယ်။

အာရက္ခတပ်တော် ထိန်းချုပ်ထားတဲ့ မြို့နယ်တွေမှာ ၂၀၂၄ ခုနှစ် ဒီဇင်ဘာလကတည်းက နိုင်ငံခြားဖြစ် အရက်တွေနဲ့ စစ်ကောင်စီထုတ် အရက်တွေကို တင်သွင်းခွင့်နဲ့ သောက်သုံးခွင့် ပိတ်ပင်ထားတာဖြစ်ပြီး ဒေသထွက် ဆန်အရက်တွေကိုသာ သောက်သုံးနေကြရတာလည်း ဖြစ်ပါတယ်။

Photo: BOLAY Liquor Store
#DVB
#HlaingInfo

ရွှေဘိုမြို့နယ် ငါးဆူးကုန်းကျေးရွာကို စစ်ကောင်စီက တိုက်ပွဲဖြစ်ပွားခြင်းမရှိဘဲ လေကြောင်းနှင့် လက်နက်ကြီးများဖြင့် ပစ်ခတ်တိုက်ခိုက်

ဧပြီလ ၈ ရက်

စစ်ကိုင်းတိုင်း၊ ရွှေဘိုမြို့နယ်အနောက်ခြမ်းရှိ ငါးဆူးကုန်းကျေးရွာကို အကြမ်းဖက်စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လေယာဉ်နှင့် လက်နက်ကြီးများဖြင့် ပစ်ခတ်တိုက်ခိုက်ခဲ့ရာ ပြည်သူများ၏နေအိမ်တဲများ ပျက်စီးခဲ့ကြောင်း ဒေသပြည်သူများက ရန်ကုန်ခေတ်သစ်သတင်းဌာနသို့ ပြောဆိုသည်။

ယနေ့ ဧပြီလ ၈ ရက်နေ့ နံနက် ၈ နာရီ ၁၅ မိနစ်ခန့်တွင် တံတားဦးလေတပ်မှ တက်လာသော ဂျက်ဖိုက်တာ (Jet Fighter) ၁ စီးဖြင့် ငါးဆူးကုန်းကျေးရွာအတွင်းသို့ ဗုံး ၂ လုံး ကျဲချတိုက်ခိုက်ခဲ့ခြင်းဖြစ်သည်။

ထို့ပြင် ရွှေဘိုမြို့အခြေစိုက် ခလရ ၄၂ တပ်ရင်းကလည်း ဟောင်ဝှစ်ဇာ (Howitzer) လက်နက်ကြီးများဖြင့် ကျေးရွာအတွင်းသို့ ပစ်ခတ်ခဲ့ကြောင်း သိရသည်။

ဒေသပြည်သူတစ်ဦးက "စစ်ခွေးတွေ တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာပါ။ ပြည်သူတွေ ထိခိုက်ဒဏ်ရာရတာမျိုးမရှိဘူး။ တဲတွေ ပျက်စီးသွားတယ်။ စစ်ခွေးတွေ လေကြောင်းက ဗုံး ၂ လုံးကျဲသွားတယ်။ ရွှေဘိုမြို့ ခလရ ၄၂ တပ်ရင်းကနေပြီးတော့ အဲဒီဆီကိုပဲ ဟောင်ဝှစ်ဇာနဲ့ လှမ်းပစ်တာ တိုက်ခိုက်ခဲ့တယ်။ လက်နက်ကြီး အလုံးအရေအတွက်ကတော့ မသိရသေးဘူး" ဟု ပြောဆိုသည်။

အလားတူ လွန်ခဲ့သည့် ဧပြီလ ၆ ရက်နေ့ကလည်း မိတ္ထီလာနှင့် တံတားဦးလေတပ်တို့မှ တက်လာသည့် ဂျက်ဖိုက်တာ ၂ စီးက ရွှေဘိုမြို့နယ်၊ ဆင်အင်းကျေးရွာရှိ စစ်ဘေးရှောင်များ ခိုလှုံနေသော ဘုန်းကြီးကျောင်းကို ၇ ကြိမ်တိုင်တိုင် ဗုံးကျဲတိုက်ခိုက်ခဲ့ပြီး ထိုတိုက်ခိုက်မှုကြောင့် သံဃာတော် ၁ ပါး ပျံလွန်တော်မူခဲ့ကာ ပြည်သူ ၂ ဦး ထိခိုက်ဒဏ်ရာရရှိကာ ဘုန်းကြီးကျောင်းဆောင်များစွာ ပျက်စီးဆုံးရှုံးခဲ့ရသည်။

စစ်ကောင်စီသည် တိုက်ပွဲဖြစ်ပွားခြင်းမရှိသည့် အရပ်သားကျေးရွာများနှင့် ဘာသာရေးအဆောက်အအုံများကို ပစ်မှတ်ထားကာ လေကြောင်းတိုက်ခိုက်မှုများ အရှိန်မြှင့်လုပ် ဆောင်နေကြောင်း ဒေသတွင်းသတင်းရင်းမြစ်များထံမှ သိရှိရသည်။

ဓာတ်ပုံ- စစ်တပ်၏ မီးရှို့ဖျက်ဆီးမှုကြောင့် မီးလောင်ပျက်စီးနေသော ကျေးရွာနှင့် နေအိမ်များ။ (ပုံအဟောင်းကို အသုံးပြုထားပါသည်။)
#LNO
#HlaingInfo

အဝေးပြေးကားလက်မှတ်ခ ဈေးတက်ပေမယ့် ဧပြီ ၁၁ရက်အထိ လက်မှတ်တွေကုန်

ရန်ကုန်-မန္တလေး ကားလက်မှတ်ခ ကျပ်တစ်သိန်းနီးပါးရောက်လာ

ဧပြီလ ၇ ရက်

စက်သုံးဆီဈေးနဲ့အပြိုင် အဝေးပြေးကားလက်မှတ်ခတွေ ဈေးတက်နေပေမယ့် သင်္ကြန်ပိတ်ရက်စတင်မယ့် ဧပြီ ၁၁ရက်အထိ လက်မှတ်တွေ မရတော့ဘူးလို့ ယာဉ်လိုင်းတွေက ပြောပါတယ်။

သင်္ကြန်ကာလဆိုရင် ယာဉ်လိုင်းတွေ ဈေးတတ်လေ့ရှိပြီး ဒီနှစ်မှာ စက်သုံးဆီဈေးတွေ မြင့်တက်နေတာကြောင့် ကားခတွေ အဆမတန်မြင့်တက်နေတာပါ။

လက်ရှိမှာ ရန်ကုန်-မန္တလေး ခရီးစဉ်တစ်ကြောင်း အတွက် အထူးကားက ကိုးသောင်းကိုးထောင်ကျပ် ၊ ရိုးရိုးကားက ရှစ်သောင်းကျပ် နဲ့ ရောင်းချနေတာပါ။

ဒီဈေးနှုန်းတွေက စက်သုံးဆီဈေးတွေ မတက်ခင်အချိန်နဲ့ယှဉ်ရင် နှစ်ဆကျော်တက်လာတာပါ။ စက်သုံးဆီဈေးတွေ မတက်ခင် မတ်လဆန်းအထိ ရန်ကုန်-မန္တလေး ကားခက ‌သုံးသောင်း နဲ့ လေးသောင်းဝန်းကျင်ပဲရှိခဲ့တာပါ။

"အရင်က ဧရာဝတီကိုသွားတဲ့ အိမ်စီးကားလေး တွေ ကတစ်သောင်းခွဲ ၊ အခုက လေးသောင်းခွဲတဲ့။ ဒါတောင်လက်မှတ်မရှိတော့ဘူး" လို့ ပုသိမ်မြို့မှာ နေထိုင်သူတစ်ဦးက ပြောပါတယ်။

ရန်ကုန်-ပြည် ကားခတွေလည်း ခရီးစဉ်တစ်ကြောင်းကို ငါးသောင်းကျပ်သတ်မှတ်ထားတယ်လို့ အဝေးပြေးယာဉ်လိုင်းတစ်ခုက ပြောပါတယ်။ ဒီခရီးစဉ်ကလည်း အရင်ကဆို ကျပ် တစ်သောင်းခွဲပဲကျသင့်တာပါ။

အဝေးပြေးကားခတွေ မြင့်တက်လာရတာက အရှေ့အလယ်ပိုင်း က တိုက်ပွဲတွေကြောင့် စက်သုံးဆီဈေးတွေ အဆမတန်မြင့်တက်လာတာကြောင့်လို့ ယာဉ်လိုင်းတွေက ဆိုပါတယ်။

ဒါ့အပြင် စစ်တပ်ရဲ့ စီမံခန့်ခွဲမှု အလွဲအမှား‌တွေကြောင့် အဝေးပြေးယာဉ်လိုင်းတွေက ဆီအလုံအလောက်မရရှိတာတွေကြုံရတယ်လို့လည်း ဆိုပါတယ်။

အရင်နှစ်တွေက သင်္ကြန်အကြိုကာလ အိမ်ပြန်သူတွေများရင် အဝေးပြေးယာဉ်လိုင်းတွေက ယာဉ်အစီးရေ တိုးချဲ့ပြေးဆွဲတာမျိုးတွေ ရှိပေမယ့် ဒီနှစ်တော့ အဲဒီလိုအခြေအနေမတွေ့ရပါဘူး။

အရင်နှစ်တွေဆိုရင် ‌ပိတ်ရက်ရှည်ကာလတိုင်း ပြည်သူတွေက မှောင်ခိုလက်မှတ်တွေကို ဈေးကြီးပေးဝယ်ယူပြီး ပြန်ကြရတာပါ။

ဒီနှစ်တော့ ပုံမှန်လက်မှတ်ခတွေက ဈေးကြီးနေတာကြောင့် မှောင်ခိုလက်မှတ်ရောင်းချသူတွေကို မတွေ့ရသလောက်နည်းနေပါတယ်။

"တချို့ဝန်ထမ်းတွေဆို ကားခကတင် သူတို့လစာလောက်ဖြစ်နေတော့ ဘယ်ပြန်နိုင်ကြမလဲ" လို့ ပြည်သူတစ်ဦးကဆိုပါတယ်။

(အောင်မင်္ဂလာအဝေးပြေးယာဉ်ရပ်နားကွင်း တွေ့ရစဉ်။ ဓာတ်ပုံ − PS)
#LNO
#HlaingInfo

ဒေသတွင်းရှိ အသက်ပြည့်တဲ့မရာလူမျိုးတိုင်းစစ်မှုထမ်းကြဖို့ မရာတပ်MDF ကြေညာ

ဧပြီလ ၈ ရက်

အာဏာသိမ်းစစ်ကောင်စီရဲ့ ထိုးစစ်ကိုခုခံနိုင်ဖို့ မရာဒေသတွင်းနေ အသက်ပြည်ပြီးသူ မရာလူမျိုးတိုင်း စစ်မှုထမ်းကြဖို့ မရာနယ်မြေအုပ်ချုပ်ရေးကောင်စီ/မရာလဲန်းကာကွယ်ရေးတပ်ဖွဲ့-MTC/MDFက ဒီကနေ့ ဧပြီ ၈ရက်မှာ သတင်းထုတ်ပြန်ပါတယ်။

အခုကာလဟာ စစ်ကောင်စီက အင်အားစုဆောင်းပြီး နိုင်ငံဒေသ အသီးသီးရှိ တော်လှန်ရေးတပ်များ ထိန်းချုပ်ရာ နယ်မြေများကို အပြင်းအထန် ထိုးစစ်ဆင်ပြီး နယ်မြေပြန်ထိန်းချုပ်ဖို့ ကြိုးပမ်းနေသလို တော်လှန်ရေး တပ်ဖွဲ့တွေကလည်း စစ်ကောင်စီရဲ့ ထိုးစစ် ခုခံနိုင်ဖို့ ပြင်ဆင်နေတဲ့ ကာလဖြစ်တဲ့ အခြေအနေမှာ MTC/MDFအနေနဲ့ စစ်ကောင်စီကို တွန်းလှန်နိုင်ရေး အပါအဝင် ရန်သူအမျိုးမျိုးရဲ့ ရန်က ကာကွယ်ရေးအင်အားဖြည့်တင်းဖို့ အရေးပေါ် လိုအပ်နေကြောင်း ဖော်ပြထားပါတယ်။

မရာပြည်သူ့ညီလာခံ သက်တမ်းဒုတိယအကြိမ် ဗဟိုကောင်စီ အစည်းအဝေးကလည်း မရာဒေသအတွင်းနေထိုင်ကြတဲ့ သတ်မှတ်ထားတဲ့ အသက်ပြည့်ပြီးသူ မရာလူမျိုးတိုင်း စစ်မှုထမ်းဖို့ ဆုံးဖြတ်ခဲ့ပြီးဖြစ်လို့ အခုလု MTC/MDFရဲ့ လုပ်ဆောင်မှုတွေဟာ ဗဟိုကောင်စီအစည်းအဝေးရဲ့ ဆုံးဖြတ်ချက်ကို အကောင် အထည်ဖော် ဆောင်ရွက်နေတာဖြစ်တယ်လို့ အသိပေးပါတယ်။ မရာပြည်သူ့ညီလာခံ သက်တမ်း ဒုတိယ အကြိမ် ပုံမှန်ဗဟိုကောင်စီအစည်းအဝေးကို ၂၀၂၅ ဒီဇင်ဘာ လက ကျင်းပခဲ့တာဖြစ်ပါတယ်။

ဒါကြောင့် မရာပြည်သူလူထုတရပ်လုံးအနေနဲ့ MTC/MDF ရဲ့ လုပ်ငန်းအကောင်အထည်ဖော်ဆောင်ရွက်မှုတွေကို ပူးပေါင်းပါဝင်ပေးကြဖို့ ထုတ်ပြန်ထားပါတယ်။

MTC/MDFဟာ ချင်းညီနောင်အဖွဲ့ဝင် ဒေသကာကွယ်ရေးတပ်ဖွဲ့ဖြစ်ပြီး အာရက္ခတပ်တော်(AA)နဲ့ မဟာမိတ် ဆက်ဆံရေးတည်ဆောက်ထားတဲ့ အဖွဲ့ဖြစ်ပါတယ်။ မရာဒေသဟာ မတူပီ၊ပလက်၀ မြို့နယ်တွေက နယ်မြေတွေ ပါဝင်ပါတယ်။

ချင်းညီနောင်အဖွဲ့ဝင် ချင်းဒေသကာကွယ်ရေးတပ်တွေဟာ တပ်တည်ဆောက်ရေး အရှိန်မြှင့်လုပ်ဆောင်လျက်ရှိသကဲ့သို့ ချင်းတော်လှန်ရေးအင်အားစုတခုဖြစ်တဲ့ ချင်းပြည်ကောင်စီကလည်း တော်လှန်ရေးကာလဖြစ်လို့ အရွယ်ရောက်ပြီးသူတိုင်း ချင်းပြည်ကာကွယ်ရေးမှာ ပါဝင်ကြဖို့ တိုက်တွန်းထားပါတယ်။

ဒါ့အပြင် ချင်းပြည်ကောင်စီရဲ့အဖွဲ့ဝင် ကာကွယ်ရေးတပ်တွေက ချင်းပြည်ကောင်စီရဲ့ စစ်မှုထမ်းမူဝါဒကို အကောင်အထည်ဖော်လျက်ရှိပြီး ချင်းအမျိုးသားတာဝန် ထမ်းဆောင်နိုင်ရေး ပူးပေါင်းပါဝင်ကြဖို့ထုတ်ပြန်ထားပါတယ်။

(မရာနယ်မြေအုပ်ချုပ်ရေးကောင်စီ/မရာလဲန်းကာကွယ်ရေးတပ်ဖွဲ့-MTC/MDFက ရဲဘော်တွေကို တွေ့ရစဉ်။ ဓာတ်ပုံ − MDF)
#LNO
#HlaingInfo

ဓနုအမျိုးသားဖက်ဒရယ်ကောင်စီက ဖက်ဒရယ်ဒီမိုကရေစီပြည်ထောင်စုပေါ်ထွန်းရေးအတွက် တော်လှန်ရေး အင်အားစုများ၊ မဟာမိတ်အဖွဲ့အစည်းများ၊ လူမျိုးစုများနှင့် လက်တွဲ လုပ်ဆောင်မည်

ဧပြီလ ၈ ရက်

ဓနုအမျိုးသားဖက်ဒရယ်ကောင်စီက ဖက်ဒရယ်ဒီမိုကရေစီပြည်ထောင်စုပေါ်ထွန်းရေးအတွက် တော်လှန်ရေး အင်အားစုများ၊ မဟာမိတ်အဖွဲ့အစည်းများ၊ လူမျိုးစုများနှင့် လက်တွဲ လုပ်ဆောင်မည် ဖြစ်ကြောင်း ယနေ့ ဧပြီလ ၈ ရက်နေ့တွင် ထုတ်ပြန်လိုက်သည်။

ဓနုအမျိုးသားဖက်ဒရယ်ကောင်စီ (DNFC) သည် လူမျိုးစုတို့၏ ကိုယ်ပိုင်ပြဌာန်းခွင့် နှင့် ရိုးရာယဉ်ကျေးမှုတို့ကို ပျက်သုဉ်းစေသည့် စနစ်အမျိုးမျိုး နှင့် စစ်အာဏာရှင် စနစ်အပါအဝင် အာဏာရှင်စနစ်အမျိုးမျိုးကို နည်းလမ်းမျိုးစုံဖြင့် တော်လှန်သွားမည်ဖြစ်ကြောင်း၊ လူမျိုးစုအားလုံး နှင့် ပြည်ထောင်စုအရေးသည် ဓနုလူမျိုးစုတို့၏ အရေးဖြစ်သလို ဓနုလူမျိုးစုတို့၏ အရေး သည်လည်း လူမျိုးစုအားလုံး နှင့် ပြည်ထောင်စုအရေးအဖြစ် သန္နိဌာန်ချကာ တော်လှန်ရေးအင်အားစုများ၊ မဟာမိတ်အဖွဲ့အစည်းများ၊ အခြားသော လူမျိုးစုများနှင့် လက်တွဲ၍ အမျိုးသားတန်းတူရေး နှင့် ကိုယ်ပိုင် ပြဌာန်းခွင့်ကို အာမခံသည့် ဖက်ဒရယ်ဒီမိုကရေစီပြည်ထောင်စု ပေါ်ထွန်းရေးအတွက် တက်ကြွစွာ ပူးပေါင်း ဆောင်ရွက်မည်ဖြစ်ကြောင်း သိရသည်။

ထိုပြင် ဒေသတွင်း လူမျိုးစုများ ငြိမ်းချမ်းစွာ အတူတကွယှဉ်တွဲနေထိုင်ရေး၊ ရေရှည်တည်တံ့သောငြိမ်းချမ်းရေး၊ အမျိုးသားတန်းတူညီမျှရေး၊ လူ့အခွင့်အရေးနှင့် လူမှုစီးပွားဘဝဖွံ့ဖြိုးတိုးတက်ရေးတို့ကို ရှေးရှုသော မူဝါဒ များကို ချမှတ်အကောင်အထည်ဖော်ဆောင်ရွက်သွားမည်ဖြစ်ပြီး ဓနုအမျိုးသားဖက်ဒရယ်ကောင်စီ (DNFC) သည် ဓနုလူထုတရပ်လုံးကို နိုင်ငံရေးအရ ကိုယ်စားပြုသည့် အဖွဲ့ အစည်းဖြစ်သည်နှင့်အညီ ပြည်တွင်းပြည်ပရှိ မိတ်ဖက်အဖွဲ့အစည်းများ၊ နိုင်ငံတကာအသိုက်အဝန်းများနှင့် သံတမန်နည်းလမ်းကျကျ ပူးပေါင်းဆောင်ရွက်သွားမည်ဖြစ်ပြီး၊ တရားမျှတပြီး ရေရှည်တည်တံ့ငြိမ်းချမ်း သော လူ့အဖွဲ့အစည်းဆီသို့ အစဉ်တစိုက် ချီတက်သွားမည်ဖြစ်ကြောင်း သိရှိရသည်။

မျက်မှောက်ကာလတွင် ဖြစ်ပေါ်နေသော နိုင်ငံရေးနှင့် လူမှုစီးပွားဆိုင်ရာ စိန်ခေါ်မှု အကြပ်အတည်းများကို စနစ်တကျ ရင်ဆိုင်ကျော်လွှားနိုင်ရန်နှင့် ဓနုလူမျိုးစုတရပ်လုံး၏ ရည်မှန်းချက်ဖြစ်သော အမျိုးသားတန်းတူ ညီမျှရေးနှင့် ကိုယ်ပိုင်ပြဌာန်းခွင့်ကို အာမခံသည့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးကို ဖော်ဆောင်နိုင်ရန်အတွက် ခိုင်မာသည့် နိုင်ငံရေးဦးဆောင်မှုယန္တရားတစ်ရပ် လိုအပ်လျက်ရှိကြောင်း ဓနုအမျိုးသားဖက်ဒရယ်ကောင်စီက ပြောဆိုထားသည်။

ထိုသို့သော လိုအပ်ချက်ကို ဖြည့်ဆည်းနိုင်ရန်အတွက် ဓနုလူငယ်အင်အားစုများ၏ ကမကထပြုမှုဖြင့် စတင်ခဲ့ကာ ဓနုတော်လှန်ရေး လက်နက်ကိုင်အင်အားစုများ၊ အရပ်ဘက်အဖွဲ့အစည်းများ၊ အမျိုးသမီးများ၊ လူငယ်များ၊ ပညာရှင်များ၊ CDM များ၊ ၈၈ မျိုးဆက်များ၊ စာပေနှင့်ယဉ်ကျေးမှု ဖွံ့ဖြိုးတိုးတက်ရေးအတွက် တက်ကြွလှုပ်ရှားသူများ နှင့် ပြည်တွင်းပြည်ပရှိ ဓနုအင်အားစုများ အားလုံးပါဝင်သည့် ဓနုအမျိုးသားအဆင့် ညှိနှိုင်းဆွေးနွေးပွဲဖိုရမ်များကို အဆင့်ဆင့် ကျင်းပပြုလုပ်ခဲ့ကြောင်း သိရသည်။

ထို ညှိနှိုင်းဆွေးနွေးပွဲဖိုရမ်များမှတစ်ဆင့် အားလုံးသဘောတူညီသော နိုင်ငံရေး ရည်မှန်းချက်များ၊ ရှေ့လုပ်ငန်းစဉ်များ နှင့် ကောင်စီ၏ ဖွဲ့စည်းပုံအခြေခံမူဘောင်များကို စနစ်တကျ ရေးဆွဲအတည်ပြုနိုင်ခဲ့ကြပါ သည်။ ယင်းအခြေခံမူ များပေါ်တွင် အခြေခံ၍ ကဏ္ဍစုံကိုယ်စားပြုမှုနှင့်အတူ ကောင်စီဝင် (၁၁) ဦး ပါဝင်သော ဓနုအမျိုးသားဖက်ဒရယ်ကောင်စီ (DNFC) ကို ၂၀၂၆ ခုနှစ်၊ ဇန်နဝါရီလ (၃၁) ရက်နေ့ တွင် အောင်မြင်စွာ ဖွဲ့စည်းတည်ထောင်လိုက်ပြီဖြစ်ကြောင်း တရားဝင် ကြေညာခဲ့သည်။

ဓနုအမျိုးသားဖက်ဒရယ်ကောင်စီ (DNFC) သည် ဓနုလူထုတရပ်လုံးကို နိုင်ငံရေးအရ ကိုယ်စားပြုသော စုပေါင်းခေါင်းဆောင်မှု ယန္တရားတစ်ခု ဖြစ်သည့်အားလျော်စွာ၊ အကြောင်းအမျိုးမျိုးကြောင့် ယခုအဆင့်တွင် မပါဝင်နိုင်သေးသော ဓနုအင်အားစုများ၊ အဖွဲ့အစည်းများနှင့် ပညာရှင်များအားလုံးကိုလည်း ဓနုအမျိုးသား ရေးဆိုင်ရာ ရည်မှန်းချက်များ ဖော်ဆောင်ရာတွင် အတူတကွ ပူးပေါင်းလက်တွဲဆောင်ရွက်သွားရန် ဓနုအမျိုးသားဖက်ဒရယ်ကောင်စီက ဖိတ်ခေါ်ထားသည်။

#KTM
#HlaingInfo