ကရင်နီမှာ လူထုနဲ့ တော်လှန်ရေးတပ်တွေ
တသားတည်းရှိနေကြောင်းတွေ့ဆုံပွဲလုပ်ပြသ

ဒီဇင်ဘာလ ၄ ရက်

ကရင်နီပြည်နယ်မှာတော်လှန်ရေးတပ်ဖွဲ့တွေနဲ့လူထုတစ်သားတည်းရှိနေတဲ့အကြောင်းပြသဖို့အခမ်းအနားကို ပြုလုပ်ခဲ့တယ်လို့ ကရင်နီအမျိုးသားကာကွယ်ရေးတပ် KNDF တပ်ရင်း (၄)က ဒီဇင်ဘာ ၃ ရက်နေ့မှာထုတ်ပြန်ပါတယ်။

ဖရူဆိုမြို့နယ့်အနောက်ခြမ်းမှာ လွန်ခဲ့တဲ့ငါးရက်က (နိုဝင်ဘာ ၂၉ ရက်)မှာပြုလုပ်ခဲ့တဲ့ အခမ်းအနားကို KA၊ KNPDP၊ KNPLF တာဝန်ရှိသူတွေနဲ့ Iကရင်နီပြည် ကြားကာလအုပ်ချုပ်ရေးကောင်
စီ(IEC) မြို့ နယ်တာဝန်ရှိသူတွေ ပါဝင်ခဲ့တယ်လို့ ဖော်ပြပါတယ် ။

အခမ်းအနားမှာစစ်ကြောင်းချီတက်တာ၊အလံအ
လေးပြုတာ၊ သစ္စာအဓိဌာန်ရွတ်ဆိုတာ၊အာဇာနည်သူရဲကောင်းတွေကိုအလေးပြုတာနဲ့တက်ရောက်
လာတဲ့ တပ်ပေါင်းစု ကိုယ်စားလှယ်တွေက အမှာစကားပြောခဲ့ပါတယ်။

"တော်လှန်ရေးကို သစ္စာရှိဖို့၊ လူထုကိုသစ္စာရှိရှိကာကွယ်ပေးဖို့ နဲ့ လက်နက်ကိုင် ရတဲ့လုပ်ငန်းစဥ်က
ဒီဘက်ခေတ်မှာနောက်ဆုံးဖြစ်ဖို့ KNDF စစ်ရေးချုပ်ခွန်ရီးဒူးက ပြောတယ်"လို့အခမ်းအနားနဲ့ပတ်သက်လို့ KNDF ရဲဘော်တစ်ဦးက ပြောပါတယ်။

တွေဆုံမှုအခမ်းအနားမှာတိုင်းရင်းသားတွေကို ကိုယ်စားပြုတဲ့ (ကယာ၊ကယန်း၊ကယော၊မနော၊ပရဲ့၊ဂေဘား)အမျိုးသား အလံတွေကိုလည်း လွင့်ထူခဲ့ပါတယ်။

အဲဒါ့အပြင်အခမ်းနားကိုပြည်သူလူထု(၆၀၀)
ကျော်တက်‌ရောက်ခဲ့တယ်လို့ သိရပါတယ်။

လူထု‌နဲ့တွေ့ဆုံတဲ့အစီစဉ်ကို ပြုလုပ်ရတဲ့အဓိက ရည်ရွယ်ချက်က တော်လှန်ရေးတပ်ဖွဲ့တွေမှာ လူ
ထုနဲ့တစ်သားတည်းရှိနေတာနဲ့ကရင်နီဒေသမှာရှိတဲ့တော်လှန်ရေးအင်အားစုတွေ စည်းလုံးညီညွှတ်ရေးနဲ့ ပိုမိုကောင်းမွန်တဲ့ စနစ်ဖြစ်ဖို့လို့ KNDF တပ်ရင်း ၄ က အသိပေးပါတယ်။

အဲဒါ့အပြင် အရွေ့တစ်ခုကို သွားနိုင်ဖို့နဲ့ ပြည်သူ
လူထုတွေ မတရားဖိနှိပ်တာကို သိမြင် နားလည် သဘောပေါက်ပြီး တော်လှန်ရေး မှာ လူထုပါဝင်မှုနှုန်းမလျော့ကျပဲဆက်လက်ပံ့ပိုးဖေးမကူညီနိုင်ဖို့ ရည်ရွယ်လူထုနဲ့ တွေ့ဆုံပွဲတစ်ရပ်ကို ပြုလုပ်ရတာလို့ သိရပါတယ်။

စစ်ကောင်စီက ကရင်နီပြည်နယ်မယ်စဲ့၊ဖားဆောင်း နဲ့ ရှားတော မြို့နယ်ကလွဲလို့ ကျန်တဲ့မြို့နယ်တွေမှာ တွင် ရွေးကောက်ပွဲ ကျင်းပဖို့ကြေညာထားပါတယ်။

ဒါပေမယ့် စစ်တပ်လုပ်မယ့် ရွေးကောက်ပွဲကို အ
လုံးစုံကန့်ကွက်တာနဲ့ ကျင်းပခွင့်ပေးမှာမဟုတ်ကြောင်း ကရင်နီတော်လှန်ရေးအင်အားစုတွေက တုံ့ပြန်ထားပါတယ်။

ဓါတ်ပုံ-KNDF တပ်ရင်း(၄)
#LNO
#HlaingInfo

ကရင်နီမှာ လူထုနဲ့ ​တော်လှန်​ရေးတပ်​တွေ
တသားတည်းရှိ​​နေကြောင်းတွေ့ဆုံပွဲလုပ်ပြသ

ဒီဇင်ဘာလ ၄ ရက်

ကရင်နီပြည်နယ်မှာတော်လှန်ရေးတပ်ဖွဲ့​တွေနဲ့လူထုတစ်သားတည်းရှိနေတဲ့အကြောင်းပြသဖို့အခမ်းအနားကို ပြုလုပ်ခဲ့တယ်လို့ ကရင်နီအမျိုးသားကာကွယ်ရေးတပ် KNDF တပ်ရင်း (၄)က ဒီဇင်ဘာ ၃ ရက်​နေ့မှာထုတ်ပြန်ပါတယ်။

ဖရူဆိုမြို့နယ့်အနောက်ခြမ်းမှာ လွန်ခဲ့တဲ့ငါးရက်က (နိုဝင်ဘာ ၂၉ ရက်)မှာပြုလုပ်ခဲ့တဲ့ အခမ်းအနားကို KA၊ KNPDP၊ KNPLF တာဝန်ရှိသူတွေနဲ့ Iကရင်နီပြည် ကြားကာလအုပ်ချုပ်​ရေး​ကောင်
စီ(IEC) မြို့ နယ်တာဝန်ရှိသူတွေ ပါဝင်ခဲ့တယ်လို့ ​ဖော်ပြပါတယ် ။

အခမ်းအနားမှာစစ်ကြောင်းချီတက်တာ၊အလံအ
လေးပြုတာ၊ သစ္စာအဓိဌာန်ရွတ်ဆိုတာ၊အာဇာနည်သူရဲကောင်းတွေကိုအလေးပြုတာနဲ့တက်ရောက်
လာတဲ့  တပ်ပေါင်းစု ကိုယ်စားလှယ်တွေက အမှာစကားပြောခဲ့ပါတယ်။

"တော်လှန်ရေးကို သစ္စာရှိဖို့၊ လူထုကိုသစ္စာရှိရှိကာကွယ်ပေးဖို့ နဲ့ လက်နက်ကိုင် ရတဲ့လုပ်ငန်းစဥ်က
ဒီဘက်ခေတ်မှာနောက်ဆုံးဖြစ်ဖို့ KNDF စစ်ရေးချုပ်ခွန်ရီးဒူးက ပြောတယ်"လို့အခမ်းအနားနဲ့ပတ်သက်လို့ KNDF ရဲဘော်တစ်ဦးက ပြောပါတယ်။

တွေဆုံမှုအခမ်းအနားမှာတိုင်းရင်းသားတွေကို ကိုယ်စားပြုတဲ့ (ကယာ၊ကယန်း၊ကယော၊မနော၊ပရဲ့၊ဂေဘား)အမျိုးသား အလံတွေကိုလည်း လွင့်ထူခဲ့ပါတယ်။

အဲဒါ့အပြင်အခမ်းနားကိုပြည်သူလူထု(၆၀၀)
ကျော်တက်‌ရောက်ခဲ့တယ်လို့ သိရပါတယ်။

လူထု‌နဲ့တွေ့ဆုံတဲ့အစီစဉ်ကို ပြုလုပ်ရတဲ့အဓိက ရည်ရွယ်ချက်က တော်လှန်ရေးတပ်ဖွဲ့တွေမှာ လူ
ထုနဲ့တစ်သားတည်းရှိနေတာနဲ့ကရင်နီဒေသမှာရှိတဲ့တော်လှန်ရေးအင်အားစုတွေ စည်းလုံးညီညွှတ်ရေးနဲ့ ပိုမိုကောင်းမွန်​တဲ့ စနစ်ဖြစ်ဖို့လို့ KNDF တပ်ရင်း ၄ က အသိပေးပါတယ်။

အဲဒါ့အပြင် အရွေ့တစ်ခုကို သွားနိုင်ဖို့နဲ့ ပြည်သူ
လူထုတွေ မတရားဖိနှိပ်တာကို သိမြင် နားလည် သဘောပေါက်ပြီး တော်လှန်ရေး မှာ လူထုပါဝင်မှုနှုန်းမလျော့ကျပဲဆက်လက်ပံ့ပိုးဖေးမကူညီနိုင်ဖို့ ရည်ရွယ်လူထုနဲ့ တွေ့ဆုံပွဲတစ်ရပ်ကို ပြုလုပ်ရတာလို့ သိရပါတယ်။

စစ်ကောင်စီက ကရင်နီပြည်နယ်မယ်စဲ့၊ဖားဆောင်း နဲ့ ရှားတော မြို့နယ်ကလွဲလို့ ကျန်တဲ့မြို့နယ်တွေမှာ တွင် ရွေးကောက်ပွဲ ကျင်းပဖို့ကြေညာထားပါတယ်။

ဒါပေမယ့် စစ်တပ်လုပ်မယ့် ရွေးကောက်ပွဲကို အ
လုံးစုံကန့်ကွက်တာနဲ့ ကျင်းပခွင့်ပေးမှာမဟုတ်ကြောင်း ကရင်နီ​တော်လှန်​ရေးအင်အားစုတွေက တုံ့ပြန်ထားပါတယ်။

ဓါတ်ပုံ-KNDF တပ်ရင်း(၄)
#LNO
#Aungpwel

ကျားဖြန့်အဆောက်အအုံများကို ဖောက်ခွဲခြင်း၊ သက်သေခံ ကွန်ပျူတာနှင့် ဖုန်းများကို ဖျက်ဆီးခြင်းဖြင့် မင်းအောင်လှိုင်နှင့် စစ်တပ်က ဥပေဒ ချိုးဖောက်၊

▪️ကျားဖြန့်လုပ်ငန်းများမှ စစ်ဗိုလ်ချုပ်များက အကျိုးအမြတ်ရရှိနေ၍ သက်သေခံပစ္စည်းများ ဖျောက်ဖျက်ဟုဆို

ဒီဇင်ဘာလ ၄ ရက်

ကရင်ပြည်နယ်၊ မြ၀တီမြို့နယ်အတွင်းရှိ  ကျားဖြန့်အဆောက်အအုံများကို ဖောက်ခွဲခြင်း၊ သက်သေခံ ကွန်ပျူတာနှင့် ဖုန်းများကို ဖျက်ဆီးခြင်းဖြင့် မင်းအောင်လှိုင်ဦးဆောင်သော စစ်တပ်က ဥပဒေများကို ချိုးဖောက်နေကြောင်း ဉပဒေအထောက်ကူပြုကွန်ယက်မှ တရားလွှတ်တော်ရှေ့နေ  ဒေါ်ရီရီမင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။

ကရင်ပြည်နယ်၊ မြ၀တီမြို့နယ်အတွင်းရှိ KK Park ၊ ရွှေကုက္ကိုလ် အပါအဝင် ကျားဖြန့်ဝင်းများမှ အဆောက်အအုံများကို စစ်တပ်က ဖောက်ခွဲခြင်း၊ သက် သေခံ ကွန်ပျူတာများနှင့် ဖုန်းများကို ဖျက်ဆီးခြင်းဖြင့် နိုင်ငံဖြတ်ကျော် ကျားဖြန့်ကွန်ရက်တစ်ခုလုံးကို  နှိမ်နင်းရေး အလွန်အရေးကြီးသော သက်သေခံ ပစ္စည်းများကို ဖျောက်ဖျက်နေခြင်းဖြစ်ကြောင်း၊ မင်းအောင်လှိုင်က ကျားဖြန့် သက်သေခံ ပစ္စည်းများကို ဖျောက်ဖျက်ခြင်းဖြင့် ၎င်းကိုယ်တိုင် လက်မှတ်ရေးထိုး၍ ထုတ်ပြန်ခဲ့သော ဉပဒေများကို ချိုးဖောက်နေကြောင်း၊  မင်းအောင်လှိုင်ကိုယ်တိုင် သက်သေခံပစ္စည်းများကို အဆောတလျင် ဖျက်ဆီးစေရန် ညွှန်ကြားခဲ့သည့်သဘောဖြစ်ကြောင်း၊ အမှန်တရားကို ပေါ်ပေါက်လိုသည့် ဆန္ဒ မရှိခြင်း၊ နောက်ကွယ်တွင် စစ်တပ်ခေါင်းဆောင်များ၊ BGF ခေါင်းဆောင်များ၏ အကျိုးအမြတ်များပါရှိနေခြင်း၊ အဂတိ လိုက်စားသည့် ကိစ္စများပါရှိခြင်း ကြောင့် ဖြစ်နိုင်ကြောင်း ၎င်းက သုံးသပ်ပြောဆိုသည်။

ကျားဖြန့် လုပ်ငန်းများအတွက် အီလက်ထရောနစ် သက်သေခံပစ္စည်းများဖြစ်သော ကွန်ပျူတာနှင့် လက်ကိုင်ဖုန်းများသည် ရာဇဝတ်မှု ကျူးလွန်ရာတွင် အသုံးပြုခဲ့သော အရေးကြီးပစ္စည်းများဖြစ်ကြောင်း၊ သက်သေခံပစ္စည်းများကို ဖော်ထုတ်ခြင်း၊ ရယူခြင်း၊ စီမံဆောက်ရွက်ခြင်း၊ ခွဲခြမ်းစိတ်ဖြာခြင်းနှင့် အစီရင်ခံခြင်းတို့ကို ဆောင်ရွက်နိုင်ရန် အမျိုးသားဒီဂျစ်တယ်ဓါတ်ခွဲခန်း သို့ ပေးပို့ကာ ရာဇဝတ်မှု ကျူးလွန်ခဲ့သည့် ရာဇဝတ်မှတ်တမ်းများကို ပြန်လည် စစ်ဆေးရမည်ဖြစ်ကြောင်း၊ တရားရုံးသို့ တရားစွဲဆိုတင်ပို့ ပြီးသက်သေခံချက်များ ရယူပြီး မှသာ တရားရုံး၏ ဆုံးဖြတ်ချက်အရ စီမံခန့်ခွဲရမည်ဖြစ်ကြောင်း ၎င်းက ရှင်းပြသည်။

ထို့ကြောင့် အကြမ်းဖက်စစ်တပ်နှင့် ရဲတပ်ဖွဲ့များ၊ BGF တပ်ဖွဲ့များသည် အွန်လိုင်းငွေလိမ်ဂိုဏ်းများ၏ အရေးကြီး သက်သေခံချက်များကို အမှန်တရားပေါ်ပေါက်ရေးနှင့် ၊ လိမ်လည်ခံရသူများ၏ နစ်နာမှု ကို မျက်ကွယ် ပြုကာမိမိတို့၏ အကျိုးစီးပွားကို ရှေ့ရှု၍ မင်းအောင်လှိုင် အကြမ်းဖက်၏ စေခိုင်းချက်များအရ သက်သေခံ ပစ္စည်း များကိုဖျောက် ဖျက် ဖျက်စီး ခဲ့ခြင်းမှာ သက်သေခံပစ္စည်းများ စီမံထိန်းသိမ်းရေး နှင့် စီမံခန့်ခွဲရေးဉပဒေ ပုဒ်မ -၃၇၊ ၃၈ ကို ဖောက်ဖျက်ကျူးလွန်ရာရောက်ကြောင်း ဉပဒေအထောက်ကူပြုကွန်ယက်မှ တရားလွှတ်တော်ရှေ့နေ  ဒေါ်ရီရီမင်းက ရန်ကုန်ခေတ်သစ်သတင်းဌာနထံသို့ ပြောဆိုသည်။

ရာဇသတ်ကြီးဉပ‌ဒေပုဒ်မ - ၂၀၁ တွင် ပြစ်မှုကျူးလွန်ပြီးဖြစ်ကြောင်း သိလျက်နှင့်ဖြစ်စေ၊ ယုံကြည်ရန် အကြောင်းရှိလျက်နှင့် ဖြစ်စေ၊ မည်သူမဆို၊ ပြစ်မှုကျူးလွန်သူအား ဉပဒေနှင့်အညီခံရမည့် ပြစ်ဒဏ်မှ ကာကွယ်ရန် အကြံဖြင့်၊ ထိုပြစ်မှုကျူးလွန်ခြင်းနှင့် စပ်လျဉ်းသော သက်သေခံ တခုခုကို ပျောက်ပျက်စေလျှင်၊ သို့တည်းမဟုတ် ထိုအကြံမျိုးဖြင့် ပင် ပြစ်မှုနှင့်စပ်လျဉ်း၍ မဟုတ်မမှန် မိမိသိသော၊ သို့တည်းမဟုတ် ယုံကြည်သော သတင်းကိုပေးလျှင် ထိုသူကို  သေဒဏ်ချမှတ်ခြင်းခံထိုက်သော ပြစ်မှုဖြစ်ပါက ခုနှစ် နှစ်အထိထောင်ဒဏ် တမျိုးမျိုးချမှတ်ရမည့် အပြင် ငွေဒဏ်လည်းချမှတ်နိုင်ကြောင်း ပြဋ္ဌာန်းထားသည်။

ဆက်လက်ဖတ်ရှုပါရန် - ⤵️⤵️

ကျားဖြန့် ကွန်ရက်ကြီး တစ်ခုရဲ့ ပိုင်ဆိုင်မှု ဒေါ်လာ သန်း ၃၀၀ ကျော်ကို သိမ်းယူထားကြောင်း ထိုင်းထုတ်ပြန်

ဒီဇင်ဘာလ ၄ ရက်

အရှေ့တောင်အာရှ အခြေစိုက် အွန်လိုင်း ငွေကြေး လိမ်လည်မှု (ကျားဖြန့်) ကွန်ရက်ကြီး တစ်ခုနဲ့ ဆက်စပ်တဲ့ ပိုင်ဆိုင်မှု တန်ဖိုး ဒေါ်လာ သန်း ၃၀၀ ကျော်လောက်ကို သိမ်းဆည်းရမိထားပြီး ဖြစ်တယ်လို့ ထိုင်းအစိုးရက ပြောပါတယ်။

ဒီဇင်ဘာ ၃ ရက်နေ့မှာ ဝန်ကြီးချုပ် အနုတင် ချန်ဗီရက်ကူက အဲဒီ သိမ်းဆည်းရမိမှုတွေ အကြောင်းကို ထုတ်ပြန်ခဲ့တာ ဖြစ်ပါတယ်။ အမေရိကန်၊ အာရှနဲ့ ဥရောပတို့မှာ ကျားဖြန့် နှိမ်နင်းရေး အားထုတ်မှုတွေကို အရှိန်အဟုန် မြှင့်တင်လာတဲ့ အချိန်မှာ ထိုင်းအစိုးရက ဒီသတင်းကို ကြေညာခဲ့တာပါ။

အထူးသဖြင့် အမေရိကန်ဟာ ကမ္ဘောဒီးယားနဲ့ အရှေ့တောင်အာရှ နိုင်ငံတချို့မှာ ဖြန့်ကျက်ထားတဲ့ ကျားဖြန့် လုပ်ငန်းတွေနဲ့ ဆက်စပ်နေတဲ့ Prince Holding Groupကို ပစ်မှတ်ထား ဖြိုခွင်းလာနေပါတယ်။ ကမ္ဘောဒီးယားနဲ့ ထိုင်းတို့ဟာ နယ်စပ် အငြင်းပွားမှုတွေအတွက် တင်းမာနေသလို အခုနှစ်လယ်မှာ နှစ်နိုင်ငံ ရက်ပိုင်းလောက် စစ်ရေးပဋိပက္ခ ဖြစ်ပွားခဲ့ပါတယ်။

Prince Holding Groupကို ထူထောင်သူ တရုတ်နွယ်ဖွား ချန်ကျိဟာ ကမ္ဘောဒီးယားမှာ ကျားဖြန့် လုပ်ငန်းဇုန်တွေ ထူထောင်ထားပြီး လိမ်လည်လှည့်စား လူမှောင်ခို ကူးထားတဲ့ နိုင်ငံခြားသား ဝန်ထမ်းတွေကို ငွေလိမ်တဲ့ အလုပ်တွေမှာ အဓမ္မ ခိုင်းစေနေတယ်လို့ အောက်တိုဘာလမှာ အမေရိကန် အာဏာပိုင်တွေက စွပ်စွဲ ပြောကြားခဲ့ပါတယ်။

သတင်းထောက်တွေနဲ့ တွေ့ဆုံချိန်မှာ အနုတင်က ထိုင်းရဲ့ စုံစမ်း စစ်ဆေးရေး အရာရှိတွေ ခြေရာခံ သိမ်းဆည်း ရမိခဲ့တဲ့ ဒေါ်လာ သန်း ၃၀၀ ဖိုး ပိုင်ဆိုင်မှုတွေဟာ ချန်၊ ကမ္ဘောဒီးယား အထက်လွှတ်တော် အမတ်တစ်ဦး၊ ထိုင်းနိုင်ငံသား နှစ်ဦးတို့နဲ့ ဆက်နွှယ် ပတ်သက်နေတယ်လို့ ပြောကြားခဲ့ပါတယ်။ တာဝန်ရှိသူတွေ အားလုံးဟာ တရားဥပဒေနဲ့အညီ စစ်ဆေး အရေးယူ ခံရဖို့လိုကြောင်းလည်း အနုတင်က ဆိုပါတယ်။

အဲဒီမတိုင်ခင် တစ်ရက်မှာ ထိုင်းရဲ့ အဂတိ တိုက်ဖျက်ရေးရုံးက မြေကွက်တွေ၊ ငွေသားတွေ၊ တန်ဖိုးကြီး အသုံးအဆောင်တွေ၊ လက်ဝတ်ရတနာတွေ အပါအဝင် ဒေါ်လာ ၁၂ သန်းနီးပါးလောက် တန်ဖိုးရှိတဲ့ ချန်ရဲ့ ပိုင်ဆိုင်မှုတွေကို လောလောလတ်လတ် သိမ်းဆည်း ရမိထားခဲ့ကြောင်း ထုတ်ပြန်ပါတယ်။ နောက်ပြီး ကမ္ဘောဒီးယား ဝန်ကြီးချုပ်ဟောင်း ဟွန်ဆန်းရဲ့ အမာခံ မဟာမိတ်ဖြစ်တဲ့ ကမ္ဘောဒီးယား အထက်လွှတ်တော်အမတ် ခုတ်အန်းနဲ့ ဆက်နွှယ်တဲ့ ပိုင်ဆိုင်မှု ဒေါ်လာ ၁၅ သန်းဖိုးလောက်ကိုလည်း သိမ်းဆည်း ရမိထားကြောင်း သိရပါတယ်။ 

ဒါတင်မကသေးဘဲ ကျားဖြန့်လုပ်ငန်းတွေနဲ့ ဆက်စပ်တဲ့ ထိုင်းနိုင်ငံသား နှစ်ဦးရဲ့ ပိုင်ဆိုင်မှု ဒေါ်လာ သန်း ၂၉၀ ဖိုးလောက်ကိုလည်း သိမ်းယူနိုင်ခဲ့ကြောင်း အနုတင်က ပြောပါတယ်။ အဲဒီ သိမ်းဆည်း ရမိမှုတွေဟာ ဘယ်ကာလ အပိုင်းအခြားမှာ လုပ်ဆောင်နိုင်ခဲ့တာလဲ ဆိုတာကိုတော့ သူက တိတိကျကျ မှတ်ချက် မပေးခဲ့ပါဘူး။

ဗြိတိန် အစိုးရကလည်း ချန်ရဲ့ ကွန်ရက်နဲ့ ဆက်နွှယ်တဲ့ လန်ဒန်က မြေရာပိုင်ဆိုင်မှုနဲ့ လုပ်ငန်းတွေ စုစုပေါင်း တန်ဖိုး ဒေါ်လာ သန်း ၁၃၀ ကျော်ဖိုးလောက်ကို ထိန်းသိမ်းထားပြီး ဖြစ်ပါတယ်။ ထိုင်ဝမ်၊ စင်ကာပူနဲ့ ဟောင်ကောင် အစိုးရတွေကလည်း ချန်နဲ့ ပတ်သက်တဲ့ ပိုင်ဆိုင်မှုတန်ဖိုး ဒေါ်လာ သန်း ၃၅၀ လောက်ကို ထိန်းချုပ်ထားပါတယ်။

အမေရိကန် တရားရေး ဝန်ကြီးဌာနက Prince Holding Groupကို အာရှရဲ့ အကြီးမားဆုံး နယ်စပ်ဖြတ်ကျော် ရာဇဝတ် ဂိုဏ်းတစ်ခုအဖြစ် သတ်မှတ်ထားပြီး ကုမ္ပဏီရဲ့ ကွန်ရက်နဲ့ ဆက်နွှယ်တဲ့ ဒစ်ဂျစ်တယ် ငွေကြေးယူနစ် bitcoin ဒေါ်လာ ၁၅ ဘီလီယံဖိုးလောက်ကို ထိန်းချုပ်ခဲ့ပါတယ်။ Prince Holding Groupကတော့ ချန်ဟာ ဘာအမှားအယွင်းမှ ကျူးလွန်မထားကြောင်း တုံ့ပြန် ဖြေရှင်းထားပါတယ်။

ကိုးကား: AFP
ဓာတ်ပုံ - Prince Holding Group's website
#LNO
#HlaingInfo

ကျွန်မတို့ နိုင်ငံက ဆင်းရဲတယ်။

ဆင်းရဲတဲ့ အခါကျတော့တစ်ယောက်နဲ့တစ်ယောက် ပြန်ကြည့်မှဖြစ်မယ်။

တစ်ယောက်ကိုတစ်ယောက် ကူမှဖြစ်မယ်။

တစ်ယောက်ကိုတစ်ယောက် အကျိုးပြုချင်တဲ့ စိတ်တွေကို မွေးမြူမှဖြစ်မယ်။

တစ်ယောက်ထဲ ကောင်းရင်ပြီးရော
ငါချမ်းသာဖို့ဆိုတဲ့ စိတ်တွေရှိလို့ကတော့ ကျွန်မတို့နိုင်ငံ တိုးတက်မှာမဟုတ်ပါဘူး ...။"


          ဒေါ်အောင်ဆန်းစုကြည် 

နေ့စဉ် 11:11 AM အချိန်တိုင်း
အမေစု၏ ဆိုဆုံးမစကားများကို 
https://t.me/infohlaing  မှ တင်ပေးလျှက်ရှိပါသည်။

#HlaingInfo

တောင်သူတွေထံမှ အခကြေးငွေ လာကောက်တဲ့ အကြမ်းဖက်စစ်တပ်ရဲ့ တပ်ကြပ်ကြီးတစ်ဦးကို PDF တွေ အရှင်ဖမ်းဆီး

ဒီဇင်ဘာလ ၄ ရက်

ပဲခူးတိုင်း၊ ရေတာရှည်မြို့နယ်၊ စစ်တောင်းမြစ် အနောက်ဘက်ခြမ်းမှာရှိတဲ့ တောင်သူတွေထံကနေ အခကြေးငွေလာကောက်တဲ့ အကြမ်းဖက်စစ်တပ်ရဲ့ တပ်ကြပ်ကြီးတစ်ဦးကို နိုဝင်ဘာ ၂၅ ရက် မနက် ၁၁ နာရီမှာ အရှင်ဖမ်းဆီးလိုက်တယ်လို့ ရေတာရှည်မြို့နယ်အခြေစိုက်တပ်ရင်း(၃၅၀၄) က ဒီနေ့မှာ ထုတ်ပြန်ပါယ်။

အကြမ်းဖက်စစ်အုပ်စုက တပ်ပိုင်မြေ အဖြစ် သိမ်းဆည်းထားတဲ့မြေယာတွေမှာ သီးစားစိုက်ပျိုး လုပ်ကိုင်နေတဲ့ တောင်သူတွေထံမှ အခကြေးငွေတွေ လာရောက်သိမ်းယူတဲ့ အကြမ်းဖက်စစ်တပ်ရဲ့ တောင်ပိုင်းတိုင်းစစ်ဌာနချုပ်မှ တပ်ကြပ်ကြီး မြင့်လွင်ကို အရှင်ဖမ်းဆီးခဲ့တာပါ။

အကြမ်းဖက် တပ်ကြပ်ကြီး မြင့်လွင်ကို သတင်းအရ ကင်းပုန်ဝပ်စောင့်ဆိုင်းနေပြီး တခွဲကျဲကျေးရွာ အရောက်မှာ လက်ပစ်ဗုံး (၃)လုံး၊ ကိုင်ဆောင်တဲ့ သက်သေခံကဒ်ပြား၊ ငွေသား (၁၂၀၀)ကျပ်၊ ဖုန်း (၂) လုံး၊ (Canter)၁၂ပေ ကားတစ်စီး နဲ့အတူ ဖမ်းဆီးရမိခဲ့တာ ဖြစ်ပါတယ်။

ဖမ်းဆီးရမိခဲ့တဲ့ အကြမ်းဖက်စစ်တပ်ရဲ့ တပ်ကြပ်ကြီး မြင့်လွင်ကို စစ်သုံ့ပန်း ဥပဒေ နဲ့အညီ ထိန်းသိမ်း ဆောင်ရွက်ထားတယ်လို့ ရေတာရှည်မြို့နယ်အခြေစိုက်တပ်ရင်း(၃၅၀၄) က အသိပေး ထားပါတယ်။


#PVTV
#HlaingInfo

အင်ဒိုးနီးရှားတွင် NUCC နှင့် NUG အနေဖြင့် အကြမ်းဖက်စစ်တပ်နှင့် တွေ့ဆုံဆွေးနွေးခြင်း လုံး၀မရှိဟု တရားဝင် သတင်းထုတ်ပြန်

▪️ လူမှုကွန်ရက်တွင် သတင်းများကို ပုံစံဖျက်၍ နိုင်ငံရေးလမ်းကြောင်းမှားစေရန် စနစ်တကျလုပ်ဆောင်နေမှုများ ပြည်သူများ သတိထားသင့်

ဒီဇင်ဘာလ ၄ ရက်

အမျိုးသားညီညွတ်ရေးအတိုင်ပင်ခံကောင်စီ(NUCC) နှင့် အမျိုးသားညီညွတ်ရေးအစိုးရ (NUG) အနေဖြင့် အကြမ်းဖက်စစ်တပ်နှင့် တွေ့ဆုံ ဆွေးနွေးခြင်း လုံး၀ မရှိကြောင်း တရားဝင် သတင်းထုတ်ပြန်သည်။

အမျိုးသားညီညွတ်ရေးအစိုးရ-NUG ၏ ပြည်ထောင်စုဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်က NUG အနေဖြင့် နိုင်ငံရေး ဦး တည်ချက် ၆ ချက်ကို တရားဝင် ကြေညာထားပြီးသားဖြစ်ကြောင်း၊ အဆိုပါ အမျိုးသားညီညွတ်ရေးအစိုးရ၏ မဟာဗျူဟာဦးတည်ချက် ၆ ချက်မှာ စစ်အာဏာသိမ်းမှုကိုဖယ်ရှားပြီး မြန်မာစစ်တပ်၏ နိုင်ငံရေးတွင်ပါဝင်နေခြင်းအား အဆုံး သတ်ရန်၊ လက်နက်ကိုင်တပ်ဖွဲ့များအား လုံး ဒီမိုကရေစီနည်းကျ ရွေးကောက်တင်မြှောက်ထားသည့် အရပ် သားအစိုးရ၏ စီမံအုပ်ချုပ်မှုအောက်၌ အပြည့်အဝထားရှိရန်၊ ၂၀၀၈ ဖွဲ့ စည်းပုံအခြေခံဥပဒေကို အပြီးတိုင်ဖျက်သိမ်းရန်နှင့် ယင်းကိုပြန်လည် အသက်သွင်းရန် ကြိုးပမ်းမှုမှန်သမျှ တိုက်ဖျက်ရန်၊၊ သက်ဆိုင်သူများအားလုံး လက်ခံနိုင်သော ဖက်ဒရယ်နှင့် ဒီမိုကရေစီစနစ်ကို အခြေခံသည့် ဖွဲ့စည်းပုံ အခြေခံဥပဒေ ပြဌာန်းရန်၊ ထွက်ပေါ်လာသော ဖက်ဒရယ်ဒီမိုကရေစီဖွဲ့စည်းပုံအခြေခံဥပဒေနှင့်အညီ ဖက်ဒရယ် ဒီမိုကရေစီ ပြည်ထောင်စုအသစ်အား တည်ဆောက်ရန်၊ ပဋိပက္ခအတွင်း “လိင်နှင့် ကျားမအပေါ် အခြေခံသော အကြမ်းဖက်မှုများအပါအဝင်” မတရား ကျူးလွန်ခံရသူများအတွက် တရားမျှတမှုရရှိရေးနှင့် အသွင်ကူးပြောင်းရေးကာလ တရားမျှတမှု ရရှိရေး လုပ်ငန်းစဉ်ကို ဖော်ဆောင်ရန် တို့ဖြစ်ကြောင်း၊ ယင်းသဘောထား ၆ ချက်ကို စစ်တပ်က သဘောမတူညီဘဲ မည်သည့်တွေ့ဆုံဆွေးနွေးမှုမှ ရှိမည်မဟုတ်ကြောင်း ပြောဆိုသည်။

"NUG အနေနဲ့ အင်ဒိုနီးရှားမှ မဟုတ်ဘူး အာဆီယံနိုင်ငံအချို့က ဦးစီးပြုလုပ်တဲ့ ဆွေးနွေးပွဲတွေမှာ တက်ရောက်ပြီး မြန်မာနိုင်ငံရဲ့ အခြေအနေမှန်ကို ကမ္ဘာကနားလည်ဖို့၊ NUG နဲ့ တော်လှန်ရေးအင်အားစုတွေရဲ့ ရပ်တည်ချက်နဲ့ သဘောထားတွေကို ကမ္ဘာက သိဖို့ တက်ရောက်ဆွေးနွေးခဲ့တာတွေရှိပါတယ်။ ဒီလို ဆွေးနွေးပွဲတွေမှာ ဘယ်တုန်းကမှ အကြမ်းဖက်စစ်တပ်တာဝန်ရှိသူတွေနဲ့ မျက်နှာချင်းဆိုင် တွေ့ဆုံဆွေးနွေးခဲ့တာမရှိသလို၊ တဆင့်ခံလည်း ဆွေးနွေးခဲ့တာမျိုး မရှိပါဘူး။ NUG အနေနဲ့ နိုင်ငံရေးဦးတည်ချက် (၆) ချက်ကို တရားဝင် ကြေညာထားပြီးဖြစ်သလို အဲဒီ့အချက်တွေကို အာမခံချက်မရှိပဲ တွေဆုံဆွေးနွေးမှုဆိုတာ ဖြစ်လာစရာ အကြောင်းမရှိပါဘူး" ဟု ဦးနေဘုန်းလတ်က ပြောဆိုသည်။

လတ်တလော လူမှုကွန်ရက်များတွင် သတင်းများကို နောက်ပြောင်သည့် ပုံစံဖြင့် TROLL နေသော လူမှုကွန်ရက်စာမျက်နှာများ ပေါ်ပေါက်လာပြီး ယင်းစာမျက်နှာတွင် သတင်းများကို ပုံစံဖျက်၍ နိုင်ငံရေးလမ်းကြောင်းမှားစေရန် လုပ်ဆောင်နေသဖြင့် ပြည်သူများအနေဖြင့် သတိပြု သတင်းစားသုံးကြရန် NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က သတိပေးပြောဆိုသည်။

အမျိုးသားညီညွတ်ရေးအတိုင်ပင်ခံကောင်စီ-NUCC လည်း ယမန်နေ့ ကြေညာချက်ထုတ်ပြန်ခဲ့ပြီး အင်ဒိုနီးရှားတွင် စစ်တပ်နှင့် လုံး၀ တွေ့ဆုံမှု မရှိကြောင်း ထုတ်ပြန်ပြောဆိုသည်။

"Office of Special Envoy on Myanmar Issue (အင်ဒိုနီးရှားနိုင်ငံ)၏ အင်ဒိုနီးရှားနိုင်ငံတွင် ပြုလုပ်မည့် အလုပ်ရုံဆွေးနွေးပွဲဖိတ်ကြားချက်ကို NUCC အနေဖြင့် ၂၀၂၅ ခုနှစ်၊ နိုဝင်ဘာလ ၄ ရက်နေ့ ရက်စွဲဖြင့် လက်ခံရရှိခဲ့ကြောင်း၊ အဆိုပါ ဖိတ်ကြားချက်ကို ရရှိပြီးနောက် အလုပ်ရုံဆွေးနွေးပွဲ၏ ရည်ရွယ်ချက်၊ အခြားပါဝင်မည့် အဖွဲ့အစည်းများ၊ လူပုဂ္ဂိုလ်များကို သေချာရှင်းလင်းစွာ သိရှိနိုင်ရန် NUCC အနေဖြင့် မေးမြန်းခဲ့ကြောင်း၊ Office of Special Envoy on Myanmar Issue (အင်ဒိုနီးရှားနိုင်ငံ)၏ NUCC သို့ ပြန်လည်ဖြေကြားချက်များအရ ဖိတ်ကြားမှုတွင်အကြမ်းဖက်စစ်အုပ်စုကိုယ်စားလှယ်များ လုံးဝမပါရှိကြောင်းသေချာမှသာ NUCC အတွင်းဆွေးနွေးဆုံးဖြတ်၍ ကိုယ်စားလှယ်စေလွှတ်ခဲ့ခြင်း ဖြစ်ကြောင်း၊ ၂၀၂၅ ခုနှစ်၊ နိုဝင်ဘာလ ၂၅ ရက်နေ့ မှ ၃၀ ရက်နေ့အထိ ပြုလုပ်ခဲ့သော “အင်ဒိုနီးရှားနိုင်ငံ၏ နိုင်ငံတည်ဆောက်ရေး ဆိုင်ရာ အတွေ့ အကြုံများကို မျှဝေခြင်း” အလုပ်ရုံဆွေးနွေးပွဲတွင် အခြားသော တော်လှန်ရေးအဖွဲ့အစည်းများမှ ကိုယ်စားလှယ်များနှင့်အတူ NUCC ကိုယ်စားလှယ် ၂ ဦးတက်ရောက်ခဲ့ပြီး အကြမ်းဖက်စစ်အုပ်စုကိုယ်စားလှယ်များနှင့် မည်သည့်နေရာ၊ မည်သည့်အခြေအနေတွင်မျှ တွေ့ဆုံခဲ့ခြင်း မရှိခဲ့ကြောင်း၊ NUCC အနေဖြင့် တော်လှန်ရေး အောင်မြင်မှုကို ရှေးရှု၍ ဖက်ဒရယ်ဒီမိုကရေစီ ပဋိညာဉ်ပါ ကတိကဝတ်များ နှင့်နိုင်ငံရေးလမ်းပြမြေပုံအတိုင်းသာ ဆက်လက် ကိုင်စွဲ ရပ်တည်သွားမည် ဖြစ်ကြောင်း အမျိုးသားညီညွတ်ရေးအတိုင်ပင်ခံကောင်စီ (NUCC)က ယမန်နေ့ ကြေညာသည်။

#KTM
#HlaingInfo

မြန်မာတွင် မိုင်းနင်းမိသည့် အမေရိကန် သတင်းထောက် အိန္ဒိယတွင် ဆေးကုသနေရ

ဒီဇင်ဘာ ၄ ရက်

ချင်းပြည်နယ် တီးတိန်မြို့နယ် ကနေဒီတောင်အနီး စစ်ဆင်ရေးဧရိယာအတွင်း ချင်းညီနောင်အဖွဲ့ဝင် PDF–Zoland စစ်ကြောင်းနှင့်အတူ လိုက်ပါလာသော အမေရိကန် သတင်းထောက် Collin Mayfield မှာ မိုင်းနင်းမိပြီး ခြေထောက် ဒဏ်ရာပြင်းထန်စွာ ရရှိသွားကြောင်း သိရသည်။

ဘယ်ဘက် ခြေထောက်နှင့် ခြေချောင်းအချို့ ဆုံးရှုံးသွားပြီး ညာဘက်ခြေထောက်နှင့် လက်များတွင်လည်း မိုင်းစများ ထိမှန်သွားသည်ဟု သိရသည်။

အမေရိကန်သတင်းထောက် ကောလင်း မေဖီးလ် (Collin Mayfield) မှာ နိုဝင်ဘာလ ၁၈ ရက်နေ့တွင် စစ်ရေးသတင်းရယူနေစဉ် မိုင်းနင်းမိခဲ့ခြင်းဖြစ်ပြီး ခြေထောက်ပြင်းထန်ဒဏ်ရာကြောင့် ဆေးကုသရန် အိန္ဒိယနိုင်ငံ မီဇိုရမ်ပြည်နယ် အိုင်ဇောလ်မြို့သို့ ရွှေ့ပြောင်းထားကြောင်း သိရသည်။

အမေရိကန် သတင်းထောက် ကောလင်းမေဖီးလ်ဟာ မြန်မာနိုင်ငံ၏ လက်ရှိဖြစ်ပွားနေသော ပြည်တွင်းစစ်အကြောင်း သတင်းယူရန် ချင်းပြည်နယ်သို့ သွားရောက်ခဲ့ခြင်းဖြစ်သည်။

ကောလင်းမေဖီးလ် သည် ရုရှား၏ ယူကရိန်းကျူးကျော်မှု၊ ဟေတီနိုင်ငံက ဂိုဏ်းအကြမ်းဖက်မှု၊ ဘိုကိုဟာရမ်၊ အစ္စလာမ္မစ်နိုင်ငံတော်အဖွဲ့၊ ယာဇီဒီလူမျိုးတုံးသတ်ဖြတ်မှုနှင့် အီရတ် အပါအဝင် ကမ္ဘာလုံးဆိုင်ရာ ပဋိပက္ခများကို သတင်းရယူခဲ့သူဖြစ်သည်။

မြန်မာနိုင်ငံ၏ ပြည်တွင်းစစ်အကြောင်း သတင်းရယူရေးအတွက် မကြာသေးမီက ချင်းပြည်နယ်သို့ သွားရောက်ပြီး တော်လှန်ရေးအဖွဲ့များ၏ ခုခံလှုပ်ရှားမှုများအား မှတ်တမ်းတင်နေသူလည်းဖြစ်သည်။

ကောလင်းမေဖီးလ် သည် The Chin Resistance ဟု အမည်ပေးထားသော အပိုင်းသုံးပိုင်းပါ မှတ်တမ်းရုပ်ရှင်စီးရီးတစ်ခုကို Qilo TV တွင် ထုတ်လွှင့်ပြသခဲ့ပြီး ယင်းစီးရီးတွင် ချင်းပြည်နယ်မှ ရှေ့တန်းစစ်ရေးအခြေအနေများလည်း ပါဝင်ခဲ့သည်။

Ref: EastMojo (အိန္ဒိယသတင်းဌာန)
#WN
#HlaingInfo

လောင်းလုံမြို့နယ် ပအဖရဲ့ အချုပ်ခန်းမှာ ထိန်းသိမ်းထားတဲ့ အချုပ်သားများကို ကျန်းမာရေးစောင့်ရှောက်မှုပေး

ဒီဇင်ဘာလ ၄ ရက်

တနင်္သာရီတိုင်း၊လောင်းလုံမြို့နယ် ပြည်သူ့အုပ်ချုပ်ရေးအဖွဲ့ရဲ့ အချုပ်ခန်းမှာ ထိမ်းသိန်းထားတဲ့ အချုပ်သားများအားလုံးကို ကျန်းမာရေး စောင့်ရှောက်မှု စနစ်တကျ ပေးခဲ့တယ်လို့ ပြည်သူ့ အုပ်ချုပ်ရေးအဖွဲ့-လောင်းလုံက မနေ့က ထုတ်ပြန်ပါတယ်။

မနေ့က ဒီဇင်ဘာ ၃ ရက်မှာ ပုံမှန်ကျန်းမာရေး စစ်ဆေးမှုကို အောင်မြင်စွာ ပြုလုပ်ခဲ့တယ်လို့ မှတ်တမ်း နဲ့တကွ ထုတ်ပြန် ထားပါတယ်။

ဒါအပြင် လောင်းလုံးမြို့နယ်မှာရှိတဲ့ စစ်ဘေးရှောင်ပြည်သူများအား စားနပ်ရိက္ခာများ ထောက်ပံ့ခြင်း ကို လောင်းလုံးမြို့နယ် ပြည်သူ့အုပ်ချုပ်ရေးအဖွဲ့၊ လောင်းလုံးမြို့နယ် သံမဏိလိပ်ပြာတပ်ဖွဲ့နဲ့ ခေတ်သစ်လူငယ်များ လူသားချင်းစာနာကူညီထောက်ပံ့ရေးအဖွဲ့တို့မှ ပူးပေါင်းဆောင်ရွက်တာတွေ လည်း ပြုလုပ်နေတယ်လို့ အသိပေးထားပါတယ်။

#PVTV
#HlaingInfo

ယာယီသမ္မတ(ဟောင်း) ဦးမြင့်ဆွေပိုင် မြေကွက် သားမက် ရောင်းစား၍ အမှုဖြစ်

ဒီဇင်ဘာလ ၄ ရက်

စစ်တပ် အာဏာသိမ်းရာတွင် အရေးပေါ်အခြေအနေ ကြေညာနိုင်ရေး လုပ်ဆောင်ပေးခဲ့သည့် ကွယ်လွန်သူ ယာယီသမ္မတ ဦးမြင့်ဆွေပိုင် မြေကွက်ကို သားမက်ဖြစ်သူက ရောင်းစားသဖြင့် လာရောက်ဖြေရှင်းရန် ဦးမြင့်ဆွေဇနီးဖြစ်သူ ဒေါ်ခင်သက်ဌေးက အများသိစေရန်ကြေညာချက်တစောင် ယနေ့ထုတ်သတင်းစာများတွင် ထည့်သွင်းဖော်ပြသည်။

ယာယီသမ္မတ ဦးမြင့်ဆွေပိုင် မြေကွက်မှာ မန္တလေးမြို့ မဟာအောင်မြေမြို့နယ် အကွက်အမှတ်(မ-၅၉)၊ ဦးပိုင်အမှတ် ၃၁၊ ဧရိယာ ၀ ဒသမ ၁၁၀၂ အကျယ်ရှိ မြေကွက်ဖြစ်ပြီး သမီး ခင်သက်ထားဆွေ၏ ယောကျ်ား တာယာမြင့်ဆွေက ရောင်းစားခဲ့ခြင်းဟု သိရသည်။

ယင်းမြေကွက်မှာ ယာယီသမ္မတ ဦးမြင့်ဆွေ အမည်ပေါက်ပိုင်ဆိုင်ပြီး တဦးတယောက်ကိုမျှ အမွေစားအမွေခံ ပေးကမ်းခြင်း၊ လွှဲပြောင်းပေးခြင်း မရှိဘဲ ဂရန်သက်တမ်းကုန်ဆုံးမှုကို သက်တမ်းတိုးဆောင်ရွက်နိုင်ရန်အတွက် ဦးတာယာမြင့်ဆွေကို ကိုယ်စားလှယ် လွှဲပြောင်းပေးခဲ့ခြင်းသာ ဖြစ်ကြောင်း၊ ကိုယ်စားလှယ်လွှဲစာ ရရှိထားသူ ဦးတာယာမြင့်ဆွေမှ ဒေါ်ခင်သက်ဌေး နှင့် သား ကျော်ဘုန်းမြင့်အပါ အခြားမိသားစုဝင်များ မသိအောင် ရောင်းစားခဲ့ခြင်းဟု သိရသည်။

ထိုသို့ ကိုယ်စားလှယ်လွှဲစာကို အသုံးပြု၍ မြေကွက် ရောင်းစားခဲ့သည့် ဦးတာယာမြင့်ဆွေနှင့် ပူးပေါင်း ပါဝင်ပတ်သက်သူများ ၇ ရက်အတွင်း လာရောက်ဖြေရှင်းရန်နှင့် ဖြေရှင်းခြင်းမရှိပါက တရားစွဲ အရေးယူဆောင်ရွက်သွားမည်ဟု ဆိုထားသည်။

#TIR
#HlaingInfo

ရွှေကုက္ကိုလ်ကျားဖြန့်ဆိုက်မှ အကြီးစားဖောက်ခွဲမှုကြောင့် မြဝတီမြို့ ဘောလုံးပွဲမှလူများ ထိတ်လန့်ထွက်ပြေးသဖြင့်ပွဲပျက်

ဒီဇင်ဘာလ ၄ ရက်

ကရင်ပြည်နယ်၊ မြ၀တီမြို့အနီးရှိ ရွှေကုက္ကိုလ်ကျားဖြန့်ဆိုက်တွင် ဒီဇင်ဘာ ၃ ရက်နေ့က စစ်ကော်မရှင်နှင့် BGF ပူးပေါင်း၍ ကျားဖြန့်အဆောက်အဦးများကို မိုင်းခွဲကာ ဖြိုချဖျက်ဆီးမှုများ ပြုလုပ်နေကြောင်း သိရသည်။

အဆိုပါ အကြီးစားမိုင်းဖောက်ခွဲမှုများကြောင့် မြ၀တီမြို့တွင်ကျင်းပနေသည့် ကရင်နှစ်သစ်ကူး ဖိတ်ခေါ်ဘောလုံးပြိုင်ပွဲမှ ကစားသမားများနှင့် ပွဲကြည့်ပရိတ်သတ်များ အထိတ်တလန့် ထွက်ပြေးကြသည့် အတွက် ဘောလုံးပွဲပျက်သွားခဲ့ကြောင်း သိရသည်။

ရုပ်သံ - ကွယ်စေး
#AYAT
#HlaingInfo

မင်းအောင်လှိုင် မန္တလေးရောက်နေချိန် မြို့ထဲမှာဆန္ဒပြသွားလို့ စစ်တပ် RPGထမ်းပြီးကင်းလှည့်

ဒီဇင်ဘာလ ၄ ရက်

မန္တလေးမြို့မှာ ဒီဇင်ဘာ ၃ ရက်မနက်မနက်ပိုင်းမှာ စစ်တပ်ရွေးကောက်ပွဲ ဆန့်ကျင်ကြောင်းဆန္ဒပြသွားသလိုဒီနေ့ အာဏာသိမ်းခေါင်းဆောင်ပါ ရောက်လာတာကြောင့် စစ်တပ်က မြို့တွင်းကို RPGထမ်းကာ ခြေလျင်ကင်းလှည့်ခဲ့တယ်လို့ မြို့ခံ တွေကပြောပါတယ်။

စစ်တပ်က ဒီဇင်ဘာလ၂ ရက်မှစ၍မန္တလေးမြို့မှာ လုံခြုံရေးအပြည့်ချထားတဲ့ ကြားက ဒီဇင်ဘာ ၃ရက် နေ့မနက်အစောပိုင်း မန္တလေး မြို့ရဲ့ အစည်ကားဆုံး နေရာ မန္တလေး ဈေးချိုမှာစစ်တပ်ရွေးကောက်ပွဲ ဆန့်ကျင်ကြောင်းဆန္ဒပြမှု ဖြစ်ခဲ့တာပါ။

"၃ရက် နေ့မနက်ပိုင်းက DSA ကျောင်းဆင်းပွဲကို ယာဉ်တန်းတက်သွားပြီးမှ ဆန္ဒပြပွဲဖြစ်တာ။အဲတာပြီး တော့ တိုးတိုးတိတ်တိတ် နဲ့ အရပ်ဝတ်ယူနီ
ဖောင်း ဝတ်တွေ အကုန်သုံးပြီး တမြို့လုံး ပတ်ရှာကြ သေးတယ်။သတင်းတွေက လိုင်းပေါ်ပြန့်ပြီး ထိန်းမရဖြစ်ကုန်တာ"လို့မြို့ခံတဦးကပြောပါတယ်။

လုံခြုံရေးမြှင့်ထားတဲ့ကြားမှာ စစ်အုပ်စုက ဆက်ဆက်ထိမခံတဲ့ ရွေးကောက်ပွဲဆန့်ကျင်ကြောင်းဆန္ဒပြသွားတာကြောင့်စစ်သားတွေက ဒေါသူ ပုန်ထပြီး ရိုင်းစိုင်းစွာဆဲဆိုကြိမ်းမောင်းနေတယ်လို့လည်း စုံစမ်းသိရပါတယ်။

အဲဒီနောက် အာဏာသိမ်းခေါင်း ဆောင်လာမယ့် ၃၈လမ်း(ဒေါ်အောင်ဆန်းစုကြည်လမ်း)၊နဲ့ ၇၈လမ်း ထောင့် စစ်ခေါင်းဆောင်မိသားစုပိုင်ခန်းမ ကိုထပ်တိုးအင်အား၁၀၀ ကျော်လုံခြုံ ရေးချခဲ့တယ်လို့ သိရပါတယ်။

ဒီဇင်ဘာ ၃ ရက်နေ့ ညပိုင်းမှာအဲဒီခန်းမပတ်ပတ်လည်ကို စစ်အုပ်စုကအင်အား၃၀ပါအဖွဲ့ တွေခွဲကာ RPG နဲ့ လက်နက်ကြီးတွေထမ်းပြီး ခြေလျင်ကင်းလှည့်တာ တွေပြုလုပ်ခဲ့တယ်လို့ မြို့ခံ တွေကပြောပါတယ်။

ရုံးဆင်းချိန်မှာ စစ်တပ်အများအပြားနဲ့ ကင်းလှည့်တာကိုတွေ့မြင်ရတာကြောင့် "မြို့ပေါ်ကိုစစ်ကြောင်းများထိုးတာလားဆိုပြီး လူတွေလန့်နေကြတာ”လို့ ဒီဇင်ဘာ၃ရက် ညနေပိုင်းမြင်းကွင်းကိုတွေ့ခဲ့တဲ့ မြို့ခံတစ်ဦးကပြောပါတယ်။

အာဏာသိမ်းပြီးနောက် စစ်ခေါင်ဆောင် မန္တလေး ကိုလာရောက်ခဲ့တဲ့ ခရီး စဉ်တွေမှာအခုတစ်ခေါက်ကတော့ လုံခြုံရေး အင်အားအများအပြား ချထားတာကို ပထမဆုံး အကြိမ် တွေ့ရတာလို့ မြိုခံ တွေဆီကသိရပါတယ်။

ဒီနေ့ မနက်ပိုင်းမှာဆိုရင် မန္တလေးမြို့ထဲမှာ အိမ်စီးကား နဲ့ အရပ်ဝတ် ကင်းပတ်နေတယ်လို့ သိရပါတယ်။

လမ်းမတန်း တွေမှာ တစ်နေရာကို စစ်သား ငါးဦးနှုန်းခန့် လုံခြုံရေးထားတာ တွေ့ရပါပြီး လမ်း၃၀ကနေ ၃၅လမ်းမအထိ ခြေလျင်ကင်းပတ်တာ တွေရှိနေပါတယ်။

ဒီဇင်ဘာလ ၅ ရက်နေ့မှာစစ်တပ်နည်းပညာတက္ကသိုလ်( DSTA) ကျောင်းဆင်းပွဲရှိသလို ဒီဇင်ဘာ ၄ရက်နေ့မှာ အာဏာသိမ်းခေါင်းဆောင်ဟာ ဘဏ်ခွဲဖွင့်ပွဲတစ်ခုသွားဖို့ရှိတယ်လို့ သတင်းရထားပါတယ်။

စစ်တပ်က လုံခြုံရေးအများအပြားချထားတာကြောင့် ဒေသခံပြည်သူတွေအနေနဲ့ လုံခြုံရေးအထူးဂရုပြုကြဖို့ ၊စစ်အုပ်စုက ဧည့်စာရင်းအတင်း အကြပ်စစ်တာတွေလည်းရှိနိုင်တယ်လို့မန္တလေးဒေသတွင်း စစ်ရေး ၊လုံခြုံရေးသတင်းတွေကို ဖော်ပြသတိပေးလေ့ရှိတဲ့ Voice Of Mandalay (VOMDY)ကလည်းသတိပေးထားပါတယ်။

(စစ်တပ်က မန္တလေးမြို့မှာ ဒီဇင်ဘာ ၃ ရက်က RPG ထမ်း၍ကင်းလှည့်စဥ်။ဓါတ်ပုံ-VOMDY)
#LNO
#HlaingInfo

စစ်တပ်ရွေးကောက်ပွဲမှာ ပါဝင်ဆောင်ရွက်ခြင်းမပြုဖို့ ရွှေကူ KPDF တိုက်တွန်း

ဒီဇင်ဘာလ ၄ ရက်

ပြည်သူတွေအနေနဲ့  စစ်ကောင်စီလုပ်မယ့် ရွေးကောက်ပွဲမှာ ပါဝင်ဆောင်ရွက်ခြင်းမပြုဖို့ ရွှေကူ KPDFက တိုက်တွန်းနှိုးဆော်ချက် ထုတ်ပြန်လိုက်ပါတယ်။

ရွေးကောက်ပွဲကြောင့် နောက်ဆက်တွဲဖြစ်ပေါ်လာမယ့် ကိစ္စရပ်တွေအပေါ် တစုံတရာ တာဝန်ယူမှာ မဟုတ်ဘူးလို့လည်း ဒီဇင်ဘာ ၃ရက်က ထုတ်ပြန်ခဲ့တာပါ။

ဒါ့အပြင် တော်လှန်ရေးကာလ လေးနှစ်ကျော်ပြီဖြစ်တဲ့အလျောက် အာဏာသိမ်းစစ်ကောင်စီရဲ့ ရွေးကောက်ပွဲ ကိစ္စတွေနဲပ မပတ်သက်ပြီး နောက်ဆက်တွဲဖြစ်လာမယ့် ကိစ္စတွေကို မသိရှိ နားမလည်ဟူသော အကြောင်းအရာတွေ လက်ခံ စဉ်းစားပေးမှာမဟုတ်ဘဲ ထိရောက်စွာ အရေးယူခြင်းခံရမှာ ဖြစ်ကြောင်းလည်း ဖော်ပြထားပါတယ်။

ရွှေကူ KPDFဟာ ကချင်လွတ်လပ်ရေးတပ်မတော်(KIA)နဲ့အတူ ပူးပေါင်းပြီး စစ်ကောင်စီကို တိုက်ခိုက်လျက်ရှပါတယ်။

စစ်ကောင်စီဟာ အခု ဒီဇင်ဘာလမှာ ရွေးကောက်ပွဲ ကျင်းပနိုင်ဖို့ ကြိုးပမ်းနေတဲ့အပေါ် တော်လှန်ရေး အင်အားစုတွေဘက်ကလည်း နည်းမျိုးစုံနဲ့ စစ်တပ်ရွေးကောက်ပွဲ မပူးပေါင်းဖို့ အသိအမှတ်မပြုဖို့ နှိုးဆော်တဲ့ လှုပ်ရှားမှုတွေ ဆက်တိုက်လုပ်ဆောင်လျက်ရှိပါတယ်။

စစ်ကောင်စီ ရွေးကောက်ပွဲဟာ စစ်အာဏာရှင်တွေ သက်ဆိုးရှည်စေဖို့ ကြိုးပမ်းနေတာ ဖြစ်သလို အာဏာသိမ်းစစ်တပ်က ပြည်သူအပေါ် ကျူးလွန်ခဲ့တဲ့ အကြမ်းဖက်မှုတွေကို ဖုံးကွယ်ဖို့ ကြိုးပမ်းနေတာဖြစ်ကြောင်း တော်လှန်ရေးအင်အားစုတွေက အသိပေးထားပါတယ်။

ဒါကြောင့် စစ်တပ် ရွေးကောက်ပွဲ ကို နည်းမျိုးစုံနဲ့ ဆန့်ကျင်ကြဖို့ တော်လှန်ရေးတပ်ဖွဲ့တွေက တိုက်တွန်းထားပါတယ်။

(စစ်ကိုင်းတိုင်း၊ကသာမြို့မှာ စစ်ကောင်စီရဲ့ရွေးကောက်ပွဲဆန့်ကျင်ရေး လှုပ်ရှားမှူကို  ကသာခရိုင် ၅/ကသာ လူထုသပိတ်စစ်ကြောင်းက ဦးဆောင်ပြီး K 5 တပ်ရင်းရဲဘော်တွေ ၊ကျေးရွာပကဖ တွေနဲ့အတူ ထီးချိုင့်မြို့နယ်က သံဃာတော်တွေနဲ့ ပြည်သူတွေ ဒီဇင်ဘာ ၃ရက်က ချီတက်ဆန္ဒပြနေစဉ်။ ဓာတ်ပုံ - ကသာခရိုင် ၅/ကသာ လူထုသပိတ်)
#LNO
#HlaingInfo

ပခုက္ကူတိုက်ပွဲအတွင်း စစ်သား ၁ ဦးကိုအရှင်ဖမ်းဆီး

ဒီဇင်ဘာလ ၄ ရက်

မကွေးတိုင်း၊ မြိုင်မြို့နယ်ကထွက်လာတဲ့ စစ်ကြောင်းကိုကြားဖြတ်တိုက်ခိုက်ချိန် စစ်ကော်မရှင် တပ်သား ၁ ဦးကိုဖမ်းမိပြီး လက်နက်ခဲယမ်းတချို့ကိုလည်း သိမ်းဆည်းရရှိခဲ့တယ်လို့ Earthquake People's Defence Force ဆီက သိရပါတယ်။

မြိုင်မြို့ပေါ်ကနေထွက်လာတဲ့ အင်အား ၁၀၀ ဝန်းကျင်ပါ တပ်မ ၉၉ ကစစ်ကြောင်းကို ဒီဇင်ဘာ ၂ ရက်မနက် ၁၀ နာရီဝန်ကျင်က တကြိမ်၊ ညနေ ၅ နာရီဝန်းကျင်ကမှာ တကြိမ် ပခုက္ကူမြို့နယ်အစပ်မှာပဲ တိုက်ခိုက်ခဲ့တာလို့ ဆိုပါတယ်။

“ပခုက္ကူနဲ့ မြိုင်နယ်ထဲကို ထိုးနေတဲ့စစ်ကြောင်းပေါ့၊ တပ်မ ၉၉ စစ်ကြောင်းလို့ သိရပါတယ်။ ပခုက္ကူနဲ့ မြိုင်နယ်အစပ်မှာ ဒရုန်းနဲ့ ဗုံးသီးချတယ်။ လက်နက်ငယ်တွေနဲ့လည်း ပစ်ခတ်ခဲ့တယ်။ အရှင် ၁ ဦး ဖမ်းမိတယ်၊ ထိခိုက်ဒဏ်ရာရတာက ၂၀ ဝန်းကျင်ရှိတယ်” လို့ Earthquake People's Defence Force တာဝန်ရှိသူတဦးက ပြောပါတယ်။

စစ်ကော်မရှင်တပ်တွေထွက်ကျခဲ့တဲ့ RPG အဖူး၊ ၆၀ မမ ၂ ဖူးနဲ့ အသုံး အဆောင်ပစ္စည်းတချို့ကိုလည်း သိမ်းဆည်းရရှိခဲ့ပြီး ဖမ်းမိတဲ့တပ်သားကိုတော့ လက်ရှိမှာ စစ်ဆေးမေးမြန်းနေဆဲလို့ ဆိုပါတယ်။

ဒီတိုက်ခိုက်မှုကို Earthquake People's Defence Force၊ ပခုက္ကူခရိုင် Local တပ်ရင်း ၁ (PDLB)၊ MGY PDF၊ Kanma Underground Force (ကမ္မတပ်ပေါင်းစု) နဲ့ မြိုင်ပကဖတို့ပူးပေါင်းတိုက်ခိုက်ခဲ့တာဖြစ်ပြီး လက်ရှိမှာစစ်ကြောင်းက ပခုက္ကူအခြေစိုက် တပ်မ ၁၀၁ ထဲကိုရောက်ရှိနေတယ်လို့ သိရပါတယ်။

ပြီးခဲ့တဲ့ နိုဝင်ဘာ ၁၆ ရက်ကလည်း ပခုက္ကူမြို့နယ်၊ တင်းဂါတ်ရွာက ပျူစောထီးတွေကို Earthquake People's Defence Force ဝင်ရောက်တိုက်ခိုက်ခဲ့ပါသေးတယ်။

#MLAT
#HlaingInfo

အမေရိကန် အောက်လွှတ်တော်တွင် နိုင်ငံဖြတ်ကျော် ကျားဖြန့်ဂိုဏ်းများကို ဖြိုခွင်းနှိမ်နင်းရေး ဥပဒေကို အတည်ပြုလိုက်ပြီး မြန်မာစစ်တပ် အပါအဝင် အကျင့်ပျက်အစိုးရများ၏ ပါဝင်ပတ် သက်မှုကို စုံစမ်းစစ်ဆေးမည်

ဒီဇင်ဘာလ ၄ ရက်

အမေရိကန် အောက်လွှတ်တော်တွင် အမေရိကန်နိုင်ငံသားအများအပြားကို ပစ်မှတ်ထား လိမ်လည်နေသော နိုင်ငံဖြတ်ကျော်ကျားဖြန့်ဂိုဏ်းများကို ဖြိုခွင်းနှိမ်နင်းရေး ဥပဒေကို အတည်ပြု လိုက်ကြောင်း အမေရိကန်အောက်လွှတ်တော်က တရားဝင် သတင်းထုတ်ပြန်သည်။

ယနေ့ ဒီဇင်ဘာလ ၄ ရက်နေ့ (အမေရိကန်စံတော်ချိန် ဒီဇင်ဘာ ၃ ရက်နေ့) အမေရိကန်အောက်လွှတ်တော် နိုင်ငံခြားရေးရာကော်မတီက H.R. 5490 - ကျားဖြန့် နိုင်ငံခြားသားလိမ်လည်မှုဂိုဏ်းများကို ဖြိုခွဲရေးဥပဒေ ကို အတည်ပြုလိုက်ခြင်းဖြစ်ကြောင်း ၊ ယင်းဥပဒေကို အမေရိကန် အောက်လွှတ်တော်အမတ် ဂျက်ဖာဆင် ရှရီဗ် (ရီပတ်ဘလစ်ကန် - အင်ဒီယားနား) က တင်သွင်းခြင်းဖြစ်ပြီး အမေရိကန်နိုင်ငံသားများကို အစုလိုက်အပြုံလိုက် အွန်လိုင်းမှ လိမ်လည်မှုများ ကျူးလွန်နေသော နိုင်ငံဖြတ်ကျော် ကျားဖြန့် ရာဇဝတ်ဂိုဏ်းများကို ဖြိုခွဲရေး ဥပဒေကြမ်းကို ဒီမိုကရက်နှင့် ရီပတ်ဘလစ်ကန်ပါတီ ၂ ရပ်စလုံးက ထောက်ခံခဲ့ကြကြောင်း သိရှိရသည်။

၂၀၂၃ ခုနှစ်မှစ၍ အမေရိကန်နိုင်ငံသားများထံမှ ကျားဖြန့် လိမ်လည်ဂိုဏ်းများနှင့် ၎င်းတို့ကို ကာကွယ်ပေးနေသော အကျင့်ပျက်အစိုးရများ၏ လက်ချက်ဖြင့် ဒေါ်လာဘီလီယံပေါင်းများစွာ ဆုံးရှုံးခဲ့ရကြောင်း၊ H.R. 5490 ခေါ် နိုင်ငံခြားသားကျားဖြန့်လိမ်လည်မှုဂိုဏ်းများကို ဖြိုခွဲရေးဥပဒေ အရ နိုင်ငံဖြတ်ကျော် ရာဇဝတ်ဂိုဏ်းများကို ချေမှုန်းရေး အစိုးရအေဂျင်စီအချင်းချင်း လုပ်ငန်းအဖွဲ့တစ်ရပ်ကို ဖွဲ့စည်းပေးခြင်းဖြင့် အမေရိကန်နိုင်ငံသားများကို အွန်လိုင်းလိမ်လည်မှုများမှ ကာကွယ်ပေးမည်ဖြစ်ကြောင်း သိရှိရသည်။

အောက်လွှတ်တော်အမတ် ရှရီဗ်က “၂၀၂၄ ခုနှစ်မှာ အမေရိကန်တွေ ဒေါ်လာ ၁၇ ဘီလီယံလောက် လိမ်လည်ခံရတယ်လို့ FBI က သတင်းပို့ထားပြီး အင်ဒီယားနားပြည်နယ်ဟာ လူဦးရေအချိုးအစားအရ ဒုတိယအများဆုံး ပစ်မှတ်ထားခံရတဲ့ ပြည်နယ် ဖြစ်ပါတယ်။ ဒီလိုဖြစ်တာဟာ နေ့စဉ်နဲ့အမျှ နေထိုင်နေကြတဲ့ အမေရိကန်တွေ၊ ကျနော်ရဲ့ မဲဆန္ဒရှင်တွေနဲ့ လုပ်ဖော်ကိုင်ဖက်တွေအပေါ်မှာ သက်ရောက်မှုတွေ ရှိစေပါတယ်။ မိသားစုတွေဟာ သူတို့ရဲ့အိမ်တွေကို ဆုံးရှုံးကြရတယ်၊ အငြိမ်းစားယူထားသူတွေရဲ့ စုဆောင်းငွေတွေဟာ တစ်ညတည်း ပျောက်ကွယ်သွားပြီး ဘာမှ မကျန်တော့လောက်အောင် ဆုံးရှုံးကုန်ကြတယ်” ဟု ပြောကြားသည်။

အမေရိကန် အောက်လွှတ်တော် နိုင်ငံခြားရေးရာကော်မတီ ဥက္ကဋ္ဌ ဘရိုင်ယန် မက်စ်ကလည်း ကျားဖြန့်လိမ်လည်မှုစင်တာများမှာ အလွန်အမင်း ရှုပ်ထွေးလာကြောင်း ပြောဆိုသည်။

“အမှန်တရားကတော့ ဒီလိမ်လည်မှုတွေ၊ ကျားဖြန့် အဖွဲ့အစည်းတွေဟာ မယုံနိုင်လောက်အောင် ခေတ်မီပါတယ်။ သူတို့ဟာ ကြီးမားတဲ့ လုပ်ငန်းတွေပါ။ သူတို့ကို သူတို့ရဲ့ အကျင့်ပျက်အစိုးရတွေက ထောက်ခံထားပါတယ်။ ဘဝတစ်လျှောက်လုံး စုဆောင်းထားတဲ့ ငွေတွေကို လိမ်လည်ခံလိုက်ရတဲ့သူတစ်ယောက်ရဲ့ ဆုံးရှုံးမှုတွေကို စဉ်းစားကြည့်ပါ” ဟု ၎င်းက ဆိုသည်။

ကျားဖြန့်ရာဇဝတ်ဂိုဏ်းများက အမေရိကန်နိုင်ငံသားများကို သားကောင်အဖြစ် ပြုလုပ်ရုံသာမကဘဲ လူကုန်ကူးခံရသူ ရာပေါင်းများစွာကို အဓမ္မလုပ်အားပေးရန် အသုံးချနေကြောင်း၊ အလုပ်ကြော်ငြာ အတုများဖြင့် လှည့်စားခံရပြီးနောက် ဓားစာခံအဖြစ် ဖမ်းဆီးခံရကာ နှိပ်စက်ခံရခြင်း သို့မဟုတ် အသတ်ခံရမည့် အကြောက်တရားအောက်တွင် လူကုန်ကူးခံရသူများက အဓမ္မ လိမ်လည်မှု ပမာဏ အချို့ကို ပြည့်မီအောင် လုပ်ဆောင်ခိုင်းခံနေရကြောင်း အမေရိကန်က ထောက်ပြသည်။

ဆက်လက်ဖတ်ရှုပါရန် - ⤵️⤵️

မြဝတီမြို့ပေါ်တွင် BGF အချင်းချင်းပစ်ခတ်မှုဖြစ်ပြီးနောက် ထွက်ပြေးသည့် ကျားဖြန့်တရုတ်နိုင်ငံသား ၂ ဦး ကို ဖမ်းဆီး ရိုက်နှက် စစ်ဆေးရာမှ ၁ ဦး သေဆုံး

ဒီဇင်ဘာလ ၄ ရက်

ကရင်ပြည်နယ်၊ မြဝတီမြို့၊ အမှတ် ၄ ရပ်ကွက်တွင် BGF အချင်းချင်းပစ်ခတ်မှုဖြစ်ပြီး ထွက်ပြေးသည့် တရုတ်၂ ဦးကို BGF တပ်ဖွဲ့ဝင်များက ဖမ်းဆီးပြီး ရိုက်နှက်စစ်ဆေးရာ ၁ ဦး သေဆုံးသွားကြောင်း ကရင်စစ်ရေးသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

ဒီဇင်ဘာလ ၂ ရက် နံနက် ၁၁ နာရီခန့်အချိန် မြဝတီမြို့၊ အမှတ် ၄ ရပ်ကွက်တွင် အကြမ်းဖက်စစ်တပ် လက်အောက်ခံ BGF တပ်ဖွဲ့ဝင်များက ကျားဖြန့်လုပ်ကိုင်ရန် အငှားချထားသည့် အခြား BGF ၁ ဦး၏ နေအိမ်ကို လိုင်းကြေးလာရောက်ကောက်ယူခဲ့ကြောင်း၊ ထိုသို့ကောက်ယူမှုကြောင့် BGF အချင်းချင်းအပြန် အလှန်ပစ်ခတ်မှုဖြစ်ခဲ့ကြောင်း၊ ထိုသို့ ပစ်ခတ်မှုအတွင်း ကျားဖြန့်လုပ်ကိုင်နေသည့် တရုတ်နိုင်ငံသား ၂ ဦးက နေအိမ်မှ ထွက်ပြေး သွားကြောင်း၊ ယင်းတရုတ်နိုင်ငံသား ၂ ဦးကို ငွေလာကောက်သည့် BGF တပ်ဖွဲ့ဝင်များက လိုက်လံပစ်ခတ်ဖမ်းဆီးခဲ့ ကြောင်း၊ ထိုသို့ ပစ်ခတ်မှုကြောင့် ရပ်ကွက်နေပြည်သူများလည်း ကြောက်လန့်မှု ဖြစ်ခဲ့ပြီး ယင်း တ ရုတ်နိုင်ငံသား ၂ ဦးလည်းကို ရပ်ကွက်နေပြည်သူများကပင်ဖမ်းဆီးပြီး BGF တပ်ဖွဲ့ဝင်များလက်သို့ အပ်နှံပေးခဲ့ကြောင်း သိရသည်။

ဖမ်းဆီးရရှိသည့် တရုတ်နိုင်ငံသား ၂ ဦးကို အောင်ဇမ္ဗူလင်း ဟိုတယ်ဝင်းအတွင်းရှိ BGF စည်းကမ်း ထိန်းသိန်း ရေးရုံး၌ ရိုက်နှက်စစ်ဆေးခဲ့ရာမှ တရုတ်နိုင်ငံသား ၁ ဦးမှာ ဖမ်းဆီးနှိပ်စက်ခံရသည့် ဒဏ်ရာများဖြင့် သေဆုံးသွားကြောင်း သိရသည်။

“ကျားဖြန့် အငှားချပြီး ကျားဖြန့်လုပ်နေတဲ့ BGF အိမ်ကို လိုင်းကြေးလာကောက်တဲ့ BGF နဲ့ ငြိကြ တာ။ အိမ်ထဲနဲ့ အိမ်ပြင်ပစ်ကြတာ၊ တရုတ်တွေကပါဝင်ပစ်တော့ ရှုတ်ကုန်ရော၊ ပြီးတော့ အဲဒီအိမ်က တရုတ် ၂ ယောက်ထွက်ပြေးတယ်။ ရပ်ကွက်က ဝိုင်းဖမ်းပြီး BGF ကို ပေးတော့ အောင်ဇမ္ဗူလင်း ဟို တယ်ဝန်းထဲက တရုတ်တွေထားတဲ့ စစ်ကြောရေးရုံးထဲမှာ ထုစစ်တာကနေ လက်လွန်ပြီးသေတာ။ သေတာ တစ် ယောက်တည်းပဲ၊ BGF စည်းကမ်းထိန်းသိမ်းရေးရုံးမှာ ထုထောင်းစစ်ရင်းသေတာပါ”ဟု ဒေသ သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောကြားသည်။

#KTM
#HlaingInfo

ကျောက်ကြီးမြို့နယ်က ဆေးရုံကို စစ်ကောင်စီဗုံးကြဲလို့ CDMဆရာဝန်အပါအဝင် ၅ဦးသေဆုံးပြီး ၈ဦး ဒဏ်ရာရ

ဒီဇင်ဘာလ ၄ ရက်

ပဲခူးတိုင်း၊ ကျောက်ကြီးမြို့နယ်က ဆေးရုံနဲ့ ကျေးရွာထဲကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့လို့ CDM ဆရာဝန်တစ်ဦးအပါအဝင် ငါးဦးသေဆုံးပြီး အမျိုးသမီးတွေအပါအဝင် ရှစ်ဦး ဒဏ်ရာရခဲ့ပါတယ်။

ကျောက်ကြီးမြို့နယ်၊ညောင်ပင်သာရွာက ဆေးရုံကို မနေ့က(ဒီဇင်ဘာ ၃ရက်) နေ့ခင်း ၁၂နာရီခန့်မှာ စစ်ကောင်စီက စက်တပ်လေထီးနဲ့ ဗုံးကြဲတာလို့ဒေသခံတွေက ပြောပါတယ်။။

" လက်နက်ကြီးထိလို့ဆိုပြီးလူနာတွေ ကောက်ရတာ။ ပြီးမှပြန်ပြီးသိရတာက စက်တပ်လေထီးနဲ့ကြဲတာ။ ဆေးရုံတည့်တည့်ကိုရောဆေးရုံ ဘေး နေရာတွေကိုပါကြဲတာပါ"လို့ ထိခိုက်တဲ့သူတွေကို ကူညီခဲ့တဲ့သူတစ်ဦးက ပြောပါတယ်။

အဲဒီတိုက်ခိုက်မှုဖြစ်စဉ်ကြောင့် ဆေးရုံထဲမှာရှိနေတဲ့ CDM ဆရာဝန် ‌‌ဒေါက်တာဆန်းလွင်၊ ဆေးခန်းအကူ ကျန်းမာရေးဝန်ထမ်းတစ်ဦးနဲ့ ဆေးကုသမှုခံယူနေသူတစ်ဦး သေဆုံးတယ်လို့ ဆိုပါတယ်။

ကျေးရွာထဲကို ဗုံးကြဲတဲ့ဖြစ်စဉ်မှာတော့ ဒေသခံအမျိုးသားနှစ်ဦး သေဆုံးခဲ့တယ်လို့ သိရပါတယ်။ဒဏ်ရာရသူရှစ်ဦးကို တောင်ငူဆေးရုံကိုခေါ်လာခဲ့ပြီး စိုးရိမ်ရတဲ့လူနာတွေကိုခွဲစိတ်ကုသခဲ့ရတယ်လို့ အကူအညီပေးနေသူတွေက ပြောပါတယ်။

ကျောက်ကြီးမြို့နယ်ဟာ ကရင်အမျိုးသားအစည်းအရုံး တပ်မဟာ(၃) ထိန်းချုပ်ဒေသဖြစ်ပါတယ်။

မနေ့ကတိုက်ခိုက်မှုကြောင့် သေဆုံးတဲ့သူတွေအပြင် ဒဏ်ရာရသူတွေထဲမှာ ကိုယ်လက်အင်္ဂါပျက်စီးတဲ့အထိထိခိုက်သူ ငါးဦးရှိခဲ့တယ်လို့ သိရပါတယ်။

ဒဏ်ရာရတဲ့သူတွေတောင်ငူဆေးရုံမှာ ကုသနေလို့ ဆွေမျိုးတွေကသတင်းလာမေးတာကို စစ်ကောင်စီကာတားမြစ်ခဲ့တယ်လို့လည်း သတင်းရရှိပါတယ်။

ဒီဇင်ဘာ ၁ရက်ကလည်း KNU တပ်မဟာ(၂)ကို စစ်ကောင်စီက ဗုံးကြဲလို့ ကိုယ်ဝန်ဆောင်တစ်ဦး ဒဏ်ရာရခဲ့ပါတယ်။

ဒီဇင်ဘာ ၃ ရက်ဟာ အပြည်ပြည်ဆိုင်ရာ မသန်စွမ်းသူများနေ့ ဖြစ်ပါတယ်။အဲ့ဒီနေ့မှာ စစ်ကောင်စီက လေကြောင်းကနေ တိုက်ခိုက်တာ၊ ဗုံးကြဲတာတွေကြောင့် မန္တလေးတိုင်း၊ ဧရာဝတီတိုင်း၊ မကွေးတိုင်းနဲ့ စစ်ကိုင်းတိုင်းတွေမှာလည်း အရပ်သား ထိခိုက်သေဆုံးမှုတွေ ရှိခဲ့ပါတယ်။

အာဏာသိမ်းပြီးတဲ့‌နောက် အကြမ်းဖက်စစ်တပ်က လေကြောင်းတိုက်ခိုက်မှုအကြိမ် ၄၂၀၀ကျူးလွန်ခဲ့ပြီး သေဆုံးသူစုစုပေါင်း ၄,၄၇၀ အထိ ရှိနေဝာယ်လို့ အမျိုးသားညီညွတ်ရေးအစိုးရ၊ လူအခွင့်အရေးဝန်ကြီးဌာနက ဒီဇင်ဘာလ ၃ရက်မှာ ထုတ်ပြန်ထားပါတယ်။

(၂၀၂၄ နိုဝင်ဘာ ၂၆ရက်က ကျောက်ကြီးမြို့နယ်ရှိ ကေအဲန်ယူဆေးရုံကို စစ်ကောင်စီက ဒရုန်းနဲ့ ဗုံးကြဲတိုက်ခိုက်အပြီး တွေ့ရစဉ်။ ဓာတ်ပုံ - KNU)
#LNO
#HlaingInfo

ဂက်စ်ယိုစိမ့်ရာကမီးလောင်မှုဖြစ်ပြီး လက်ဖက်ရည်ဆိုင်နဲ့နေအိမ် ၂ လုံးပျက်စီး

ဒီဇင်ဘာလ ၄ ရက်

မန္တလေးတိုင်း၊ မဟာအောင်မြေမြို့နယ်၊ ရဲမွန်တောင် ရပ်ကွက်၊ ၅၈ လမ်း၊ ၄၃ နဲ့ သိပ္ပံလမ်းကြားရှိ ‘ပေါက်ကျိုင်း’လက်ဖက်ရည်ဆိုင် မီးလောင်ပြီး ဆိုင်ဝန်ထမ်း ၁ ဦးမီးလောင်ဒဏ်ရာရတယ်လို့ မီးလောင်မှုမှာကူညီလုပ်ဆောင်ပေးခဲ့သူတွေဆီက သိရပါတယ်။

ဒီဇင်ဘာ ၄ ရက် ဒီမနက် ၇ နာရီခန့်မှာ လက်ဖက်ရည်ဆိုင် စားဖိုဆောင်ကနေ မီးစလောင်ခဲ့ရာက ဆိုင်နဲ့ အနီးအနားနေအိမ်တွေပါ မီးကူးစက်လောင်ခဲ့တာလို့ ဆိုပါတယ်။

"စားဖိုဆောင် 40 kg ဂက်စ်အိုးက ခေါင်းပွင့်ထွက်ပြီး ဂက်စ်တွေယိုစိမ့်ပြီး အနီးက မီးဖိုကနေတဆင့် မီးလောင်မှုဖြစ်တာ။ မီးက ၁ နာရီလောက်ငြှိမ်းသတ်ရတယ်။ စိုးရိမ်ရတစ်ယောက်ဒဏ်ရာရတာ ရှိတယ်"လို့ မီးလောင်မှုကိုကူညီပေးခဲ့သူတဦးက ပြောပါတယ်။

မီးလောင်မှုကြောင့် အသက် ၁၆ နှစ်အရွယ် ဆိုင်ဝန်ထမ်း အောင်ငြိမ်းချမ်းမှာ မျက်နှာ၊ လည်ပင်း၊ လက်နဲ့ခြေထောက်တွေမှာ မီးလောင်ဒဏ်ရာစိုးရိမ်ရတာကြောင့် မန္တလေးပြည်သူ့ဆေးရုံကို ပို့ဆောင်ထားရတယ်လို့ ဆိုပါတယ်။

ဒါ့အပြင် လက်ဖက်ရည်ဆိုင်၊ အနီးအနားရှိ နေအိမ် ၂ လုံးမီးလောင်ပျက်စီးမှုရှိခဲ့ပြီး မန္တလေးမြို့ပေါ်ရှိ သန္ဓေမီးသတ်နဲ့ အရန်မီးသတ်အဖွဲ့ဝင်တွေ၊ အနီးအနားရှိ ဒေသခံတွေက ဝိုင်းဝန်းမီးငြှိမ်းသတ်ပေးခဲ့ရတယ်လို့ သိရပါတယ်။

နိုဝင်ဘာ ၁၈ ရက်ကလည်း အမရပူရမြို့နယ်၊ ဘုံအိုးကျေးရွာရှိ နေအိမ်တလုံးက ဆိတ်ခြံမှာ ခြင်မလာအောင် မီးမွှေးထားရာမှ မီးလောင်မှုဖြစ်ပြီး နေအိမ် ၈ လုံးမီးလောင်ပျက်စီးခဲ့တယ်လို့ သိရပါတယ်။

#MLAT
#HlaingInfo

အင်ဒိုနီးရှား ဆွေးနွေးပွဲ ရခိုင်ကိုယ်စားပြုတစ်ဖွဲ့ ပါဝင်ပြီး AA နှင့် ဆက်စပ်ကြောင်းဆို

▪️စစ်ကောင်စီတပ်နှင့် တွေ့ဆုံခဲ့ခြင်း မရှိဟုဆို

ဒီဇင်ဘာလ ၄  ရက်

အင်ဒိုနီးရှားနိုင်ငံမှ NUG, NUCC အပါအဝင် မြန်မာတော်လှန်ရေး အင်အားစုများအား သီးခြားခေါ်ယူတွေ့ဆုံပွဲတွင် ရခိုင်ပြည်ကိုယ်စားပြု အဖွဲ့တစ်ခုပါဝင်ပြီး အာရက္ခတပ်တော် AA နှင့် ဆက်စပ်မှု ရှိသည်ဟု သိရသည်။

အင်ဒိုနီးရှားက ပြုလုပ်သည့် မြန်မာစစ်တပ်နှင့် တော်လှန်‌ရေးအင်အားများ သီးခြားတွေ့ဆုံပွဲကို နိုင်ငံတည်ဆောက်ရေး ခေါင်းစဉ်နှင့် မြန်မာ့အရေး အလွတ်သဘောဆွေးနွေးပွဲ ပြုလုပ်ခဲ့ကြောင်း သိရသည်။

အင်ဒိုနီးရှားနိုင်ငံ၏ Special Envoy on Myanmar ရုံးအဖွဲ့က မြန်မာတော်လှန်ရေးအင်အားစုများအား ဖိတ်ခေါပြီး နိုဝင်ဘာလ ၂၅ ရက်မှ ၃၀ ရက်အတွင်း ယော့ဂျာကာတာမြို့တွင် အလုပ်ရုံဆွေးနွေးပွဲပြုလုပ်ခဲ့ကြောင်း သိရသည်။

အင်ဒိုနီးရှား ဖိတ်ခေါ်သော မြန်မာတော်လှန်ရေးအင်အားစုများထဲတွင် ရခိုင်ကိုယ်စားပြု တက်ရောက်သည်ဆိုသော Arakan Heritage Foundation (AHF) အဖွဲ့ပါဝင်ပြီး ULA/AA ၏ ခွင့်ပြုချက်ဖြင့် တက်ရောက်ခြင်းဖြစ်ကြောင်း အမည်မဖော်လိုသည့် AHF အဖွဲ့ဝင်တစ်ဦးက ပြောသည်။

"AHF အဖွဲ့က ULA/AA နဲ့ ဆက်စပ်မှုရှိပါတယ်။ မလေးရှားမှာ ပြုလုပ်တဲ့ ပွဲတွေဆိုရင်လည်း ULA/AA ရဲ့ ခွင့်ပြုချက်နဲ့ တက်ဖြစ်တာရှိပါတယ်။ အခု အင်ဒိုနီးရှား တွေ့ဆုံပွဲမှာ AHF က တက်ရောက်တာလည်း ခွင့်ပြုချက်နဲ့ တက်တာ ဖြစ်နိုင်တယ်။ တက်တဲ့သူက ကျနော်တော့ မဟုတ်ဘူးပေါ့လေ" ဟု Western News ကို ပြောသည်။

AHF အဖွဲ့အား မည်သည့်ပုဂ္ဂိုလ်က တည်ထောင်ပြီး အင်ဒိုနီးရှားတွေ့ဆုံပွဲသို့ မည်သူ တက်ရောက်ခြင်းနှင့် ရခိုင်နှင့် ပတ်သက်၍ မည်သည့်အကြောင်းများ ဆွေးနွေးခဲ့သည်ကို Western News မှ မေးမြန်းရာတွင် ၎င်းက ထုတ်ဖော်ပြောကြား၍ မရဟု တုံ့ပြန်သည်။

"AHF မှာ ဘယ်သူတွေ ပါဝင်တယ်ဆိုတာ ထုတ်ဖော်ပြောကြားလို့ မရဘူး။ သိုသိုသိပ်သိပ် လုပ်နေတဲ့ အဖွဲ့ဖြစ်ပါတယ်။ အင်ဒိုနီးရှားတွေ့ဆုံပွဲမှာ ဘာတွေ ဆွေးနွေးခဲ့တယ်ဆိုတာလည်း ပြောကြားလို့မရပါဘူး။ သတင်းထုတ်ပြန်ဖို့ ပိတ်ထားတယ်" ဟု AHF အဖွဲ့ဝင်က ဆက်လက် ပြောကြားခဲ့သည်။

Western News မှ စုံစမ်းရသမျှ AHF အဖွဲ့သည် ပြည်တွင်းပြည်ပရှိ ရခိုင်တိုင်းရင်းသားများ၊ လူမှုရေးတက်ကြွလှုပ်ရှားသူများနှင့် နိုင်ငံရေးလှုပ်ရှားသူတို့ဖြင့် ဖွဲ့စည်းထားသော အဖွဲ့တစ်ခုဖြစ်ကြောင်း သိရသည်။

ULA/AA ၏ ခွင့်ပြုချက်ဖြင့် ရခိုင်ပြင်ပ ရေးရာနှင့် နိုင်ငံတကာ ဆက်ဆံရေးတို့တွင် AHF အဖွဲ့က လှုပ်ရှားမှုရှိကြောင်းလည်း သိရသည်။

AHF အဖွဲ့၏ ထိပ်ပိုင်းခေါင်းဆောင်များ အပါအဝင် ရခိုင်အတွက် မည်သည့် လုပ်ငန်းများ ဆောင်ရွက်သည်ကို Western News မှ ဆက်လက် စုံစမ်းနေဆဲဖြစ်သည်။

အင်ဒိုနီးရှားတွေ့ဆုံပွဲနှင့် ပတ်သက်၍ NUCC ၏ ထုတ်ပြန်ချက်တွင် အလုပ်ရုံဆွေးနွေးပွဲ၌ အင်ဒိုနီးရှား Special Envoy on Myanmar ရုံးအဖွဲ့မှ မျှဝေသော  "အင်ဒိုနီးရှားနိုင်ငံ၏ နိုင်ငံတည်ဆောက်ရေးဆိုင်ရာ အတွေ့အကြုံများ" ကို လေ့လာခဲ့ကြပြီး ပါဝင်တက်ရောက်သူများအကြား လေ့လာတွေ့ရှိမှုများအပေါ်  အမြင်များ ဖလှယ်ဆွေးနွေးခဲ့ကြခြင်းဖြစ်သည်ဟု ဆိုသည်။

အင်ဒိုနီးရှားသည် စစ်ကောင်စီ စစ်တပ်ကိုလည်း သီးခြားဖိတ်ကြားပြီး မြန်မာ့အရေးကို တွေ့ဆုံဆွေးနွေးခဲ့သည်။

အင်ဒိုနီးရှားနိုင်ငံက မြန်မာတော်လှန်ရေးအင်အားစုများနှင့် စစ်ကောင်စီအား ခေါ်ယူတွေ့ဆုံမှုမှာ အာဆီယံနှင့် သက်ဆိုင်ခြင်းမရှိဘဲ အင်ဒိုနီးရှား၏ သီးခြားအစီအစဉ်သာ ဖြစ်ပြီး ၂၀၂၄ အာဆီယံ အလှည့်ကျဥက္ကဋ္ဌ အင်ဒိုနီးရှားနိုင်ငံ၏ မြန်မာနိုင်ငံဆိုင်ရာအထူးကိုယ်စားလှယ်ရုံးမှ ဦးဆောင်ကျင်းပခြင်း ဖြစ်ကြောင်း သိရသည်။

တွေ့ဆုံပွဲကို တော်လှန်ရေးအင်အားစုဘက်မှ အမျိုးသားညီညွတ်ရေးအစိုးရ (NUG)၊ အမျိုးသားညီညွတ်ရေး အတိုင်ပင်ခံကောင်စီ (NUCC)၊ KNU (ကရင်အမျိုးအသားအစည်းအရုံး) ၊ CNF (ချင်းအမျိုးသားတပ်ဦး)၊ Arakan Heritage Foundation၊ CRPH၊ RCSS (ရှမ်းပြည် ပြန်လည်ထူထောင်ရေးကောင်စီ)၊ ဦးဟန်ညောင်ဝေ (EURO-BURMA OFFICE - EBO)၊ PNLO (ပအိုဝ်းအမျိုးသားလွတ်မြောက်ရေးအဖွဲ့ချုပ်)၊ PNFC ပအိုဝ်းအမျိုးသားဖက်ဒရယ်ကောင်စီ (PNFC) စသည့်အဖွဲ့များ ပါဝင်ကြောင်း သိရသည်။

ပုံစာ-  ၂၀၂၂ ခုနှစ်၊ အောက်တိုဘာလ ၂၇ ရက်နေ့က ဂျကာတာမြို့ရှိ ကျင်းပသည့် ကျင်းပသော အာဆီယံနိုင်ငံခြားရေးဝန်ကြီးများအစည်းအဝေးတွင် ကမ္ဘောဒီးယားနိုင်ငံခြားရေးဝန်ကြီး ပရက်ဆိုခွန်နှင့် အင်ဒိုနီးရှားနိုင်ငံခြားရေးဝန်ကြီး ရက်တို မာဆူဒီ (ညာဘက်)တို့ တွေ့ရစဉ်။ ဓါတ်ပုံ-AFP
#WN
#HlaingInfo

မိုးကုတ်မြို့ပြင်တွင် တိုက်ပွဲများ ဆက်လက်ဖြစ်ပွားနေပြီး စစ်တပ်က လေကြောင်းတိုက်ခိုက်မှုများ ဆက်တိုက် လုပ်ဆောင်

ဒီဇင်ဘာလ ၄ ရက်

အကြမ်းဖက်စစ်တပ်က ပြန်လည် သိမ်းပိုက်ထားသော မိုးကုတ်မြို့ပြင်တွင် တိုက်ပွဲများ ဆက်လက်ဖြစ်ပွားနေပြီး စစ်တပ်က လေကြောင်းတိုက်ခိုက်မှုများ လုပ်ဆောင်လာကြောင်း မိုးကုတ်ဒေသပြည်သူများနှင့် တော်လှန်ရေး သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ ဒီဇင်ဘာလ ၃ ရက်နေ့ ည ၈ နာရီ ၃၀ မိနစ်အချိန် မိုးကုတ်မြို့ပေါ်တွင် အထိုင်ချတပ်စွဲထားသော စစ်တပ်ကို တော်လှန်ရေးတပ်များက ဒရုန်းဖြင့် ဗုံးများ ကျဲချခဲ့ကြောင်း၊ မိုးကုတ်မြို့ဆေးရုံဝင်းနှင့် ကျောင်းကြီးဝင်းထဲသို့ ဒရုန်းဖြင့် ဗုံး ၃ လုံးကျဲချခဲ့ကြောင်း၊ စစ်တပ်ကလည်း လက်နက်ကြီးများဖြင့် မြို့ပြင်ဘက်သို့ ပစ်ခတ်ခဲ့ကြောင်း သိရှိရသည်။

ယနေ့ နံနက် ၀၀ နာရီ ၅ မိနစ်အချိန် စစ်တပ်က လေယာဉ်ဖြင့် မိုးကုတ်မြို့ပြင် အနောက်ဘက်ပိုင်း နေရာများကို ဗုံးများကျဲချသွားကြောင်း ၊ အဆိုပါ ဗုံးကျဲမှုကြောင့် ထိခိုက်ဒဏ်ရာရရှိသူမရှိကြောင်း မိုးကုတ်အခြေစိုက် တော်လှန်ရေး သတင်းရင်းမြစ်က ပြောဆိုသည်။

ယနေ့ နံနက်ပိုင်းတွင် မိုးကုတ်မြို့ အနောက်ပိုင်း ကျောက်ပုံကြက်နှစ်ဖဘက်တွင် တိုက်ပွဲများဖြစ်ပွားခဲ့ပြီး ပင့်ကူတောင်ပေါ်မှ စစ်တပ်က လက်နက်ကြီးဖြင့် ပစ်ခတ်ခဲ့ကြောင်း သိရှိရသည်။

"အခု အဓိက တိုက်ပွဲဖြစ်တာက မိုးကုတ်အနောက်ပိုင်းမြို့ပြင်ဘကပဲ။ အနောက်ပိုင်းကို စစ်တပ်က ဒီနေ့ မနက်အစောကြီး လေယာဉ်နဲ့ ဗုံးလာကျဲတာ တောထဲကျသွားတယ်လို့သိရတယ်။ အခုထက်ထိတော့ လက်နက်ကြီးသံတွေ ကြားနေရတုန်းပဲ။ တပ်ကလည်း ပတ်ပတ်လည် အ၀ိုင်းခံထားရသလိုဖြစ်တော့ လက်နက်ကြီးနဲ့ ရမ်းထုနေတာ" ဟု မိုးကုတ်ဒေသ တော်လှန်ရေး သတင်းရင်းမြစ်က ပြောဆိုသည်။

အကြမ်းဖက်စစ်ကောင်စီတပ်များမှာ နိုဝင်ဘာလ ၂၉ ရက်နေ့ မိုးကုတ်မြို့အတွင်းသို့ ဝင်ရောက်လာခဲ့ခြင်းဖြစ်ပြီး နိုဝင်ဘာလ ၃၀ ရက်နေ့မှစတင်၍ မိုးကုတ်မြို့ပြင်ရှိ တော်လှန်ရေးတပ်များနှင့် တိုက်ပွဲများ ဖြစ်ပွားနေခြင်းဖြစ်သည်။

#KTM
#HlaingInfo