‼️ՀՀ ԱԱԾ-ում տվյալներ են ստացվել ս.թ. դեկտեմբերի 11-ին՝ ժամը 03:20-ի սահմաններում, Հայաստանի և Թուրքիայի պետական սահմանի Արարատի մարզի Ռանչպար բնակավայրի հատվածում ՀՀ պետական սահմանի ապօրինի հատման հավանական փորձի վերաբերյալ, որի ստուգման կապակցությամբ ներկայումս իրականացվում են անհրաժեշտ օպերատիվ-հետախուզական միջոցառումներ:

[ՀՀ ԱԱԾ]

Օրվա կարեւորը՝ #միվոյսով

🇦🇲🇫🇷 ՀՀ պաշտպանության նախարար Սուրեն Պապիկյանն ընդունել է ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիին:

🤝 Հանդիպման ընթացքում քննարկվել են պաշտպանության բնագավառում Հայաստան-Ֆրանսիա համագործակցության օրակարգային հարցերն ու առաջիկա անելիքները: Կարծիքներ են փոխանակվել տարածաշրջանային և միջազգային վերջին զարգացումների շուրջ: [ՀՀ ՊՆ]

🇦🇲🇷🇺 Նիկոլ Փաշինյանն աշխատանքային այցով մեկնել է Ռուսաստանի Դաշնություն:

🔸 Այսօր Մոսկվայում Փաշինյանի նախագահությամբ տեղի է ունենալու Եվրասիական միջկառավարական խորհրդի հերթական նիստը:

[Վարչապետի խոսնակ Նազելի Բաղդասարյան]

🇺🇸🇹🇷 ԱՄՆ պետքարտուղար Էնթոնի Բլինքենը երկօրյա այցով Թուրքիայում է՝ Սիրիայում կայունության հաստատման կարևորագույն խնդրի շուրջ բանակցությունների համար:

🇸🇾 Էրդողանն ասել է Բլինքենին, որ Թուրքիան իր ազգային անվտանգության համար Սիրիայում կանխարգելիչ միջոցներ կձեռնարկի բոլոր այն կազմակերպությունների դեմ, որոնց համարում է ահաբեկչական՝ հավելելով, որ Անկարան թույլ չի տա որևէ թուլություն «Իսլամական պետության» դեմ պայքարում։

🤝 Բլինքենը նշել է ԱՄՆ-ի և Թուրքիայի համատեղ շահագրգռվածությունը՝ աջակցելու Սիրիայում հաշվետու և ներառական կառավարության ձևավորման քաղաքական անցմանը: |armradio.am|

👮 Վաղ առավոտից Սննդամթերքի անվտանգությության տեսչական մարմնի աշխատակիցները ոստիկանների հետ Գումի շուկայի մսի կրպակների մոտ են, փակում են կրպակները սանիտարական նորմերի խախտումների, ոչ սպանդանոցային միս վաճառելու համար։

‼️ Տեղում քաշքշուկ է տեղի ունեցել, նախնական տվյալներով կան բերման ենթարկվածներ։ |azatutyun.am|

🇦🇲⚽️ ՈՒԵՖԱ-ն 37 500 եվրոյով տուգանել է Հայաստանի ֆուտբոլի ֆեդերացիային:

🔸 Ֆարերյան կղզիների դեմ խաղում ճայթուկների օգտագործման համար ՀՖՖ-ն տուգանվել է 20 000 եվրոյով և կարգադրել ազգային թիմի առաջիկա խաղում, որտեղ ՀՖՖ-ն կլինի հյուրընկալող կողմ, փակել մարզադաշտի ընդհանուր առմամբ 500 նստատեղ՝ հարավային և հարավարևելյան տրիբունաներում:  Որոշումը կգործի 2 տարվա փորձաշրջանով՝ բոլոր տնային հանդիպումների համար:

‼️ ՀՖՖ-ն տուգանվել է նաև 17.500 եվրոյով՝ հանդիպման ընթացքում բարձրացված պաստառների համար:

🇦🇲🇷🇺 Մոսկվայում Վլադիմիր Պուտինի և Նիկոլ Փաշինյանի միջև երկկողմ հանդիպում նախատեսված չէ:

[ՌԴ նախագահի խոսնակ Դմիտրի Պեսկով]

❗️Լարս տանող ճանապարհը փակվել է նաև մարդատար մեքենաների համար: Այս մասին «Սպուտնիկ Արմենիային» հայտնել է ՌԴ–ում ՀՀ մաքսային կցորդ Վահան Հակոբյանը։

❄️ Նրա խոսքով՝ պատճառը եղանակային պայմաններիի վատթարացումն է։

🚗 Ավելի վաղ Փրկարար ծառայությունից հայտնել էին, որ Լարսը փակ է բեռնատարների համար: Փակ է նաև Արագածոտնի «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:

🗣 Դադարեցնում եմ ՀՀ քննչական կոմիտեում իմ գործունեությունը. դիմումիս համաձայն ազատվել եմ ՀՀ քննչական կոմիտեի նախագահի մամուլի քարտուղարի պաշտոնից։

🔸 Այս մասին ֆեյսբուքյան իր էջում գրել է ՔԿ նախագահի մամուլի քարտուղար Գոռ Աբրահամյանը։

Օրվա կարեւորը՝ #միվոյսով

📌 Եվրասիական միջկառավարական խորհրդի հերթական նիստը նախատեսված է անցկացնել 2025թ. հունվարի 30-31-ը Ալմաթիում:

🗣 Այս մասին հայտնել է Ղազախստանի վարչապետ Օլժաս Բեկտենովը Մոսկվայում դեկտեմբերի 13-ին կայացած Եվրասիական միջկառավարական խորհրդի նիստում: |armenpress.am|

❌ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար. ՆԳՆ ՓԾ

🔸 Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը: Սպիտակի և Ստեփանավանի ոլորանները փակ են կցորդիչով բեռնատարների համար։

[Փրկարար ծառայություն]

🇬🇪 Վրաստանի խորհրդարանում մեկնարկել են երկրի վեցերորդ նախագահի ընտրությունները։ Առաջին անգամ նախագահն ընտրվում է ոչ թե ուղիղ ժողովրդական քվեարկությամբ, այլ 300 ընտրողներից բաղկացած ժողովով։ Ընդդիմությունը, որը բոյկոտում է խորհրդարանի աշխատանքը, չի մասնակցում ընտրություններին․ այն նույնպես չի ներկայացրել նախագահի իր թեկնածուին։

🔸 Վրաստանի նախագահի պաշտոնի միակ թեկնածուն իշխող «Վրացական երազանք-Ժողովրդավարական Վրաստան» կուսակցության թեկնածու, նախկին պատգամավոր, նախկին ֆուտբոլիստ Միխեիլ Կավելաշվիլին է։ Վրաստանի նախագահը կընտրվի հինգ տարով։

📌 Միաժամանակ, ընդդիմության ներկայացուցիչները, ինչպես նաև նրանց կողմնակիցները հավաքվել են Թբիլիսիում՝ Վրաստանի խորհրդարանի մոտ՝ բողոքելու երկրի նախագահական ընտրությունների դեմ։ |shantnews.am|