🇭🇺 Հունգարիայի պատմական ընտրությունների արդյունքները՝ թվերով

🗳 Քվեների գրեթե 99%-ի մշակումից հետո 199-տեղանոց խորհրդարանում մանդատների բաշխվածությունը հետևյալն է.

🔻 Պետեր Մադյարի ղեկավարությամբ «Տիսա» կուսակցություն՝ 138 տեղ (53.6%). սա կուսակցությանը տալիս է սահմանադրական մեծամասնություն:
🔻 Վիկտոր Օրբանի ղեկավարած դաշինք՝ 55 տեղ (37,8%). նախորդ գումարման խորհրդարանում ուներ 135 տեղ։
🔻 «Մեր հայրենիք» շարժում՝ 6 տեղ (5,8%):

🇦🇲 Նշենք, որ Օրբանն էր Հունգարիայի վարչապետը, երբ այդ երկիրը Ադրբեջանին արտահանձնեց հայ սպա Գուրգեն Մարգարյանին կացնահարած Ռամիլ Սաֆարովին, ինչի պատճառով Հայաստանը խզեց դիվանագիտական հարաբերությունները Հունգարիայի հետ։ Այդ հարաբերությունները վերականգնվել են միայն վերջերս:

🔸 Ստամբուլում նախատեսված են հանդիպումներ Ադրբեջանի և Վրաստանի խորհրդարանի նախագահների հետ:

🗣 Այս մասին ճեպազրույցի ժամանակ հայտնեց ԱԺ նախագահ Ալեն Սիմոնյանը:

🇦🇲🇫🇷 Նիկոլ Փաշինյանն ընդունել է Ֆրանսիայի՝ Եվրոպայի հարցերով լիազոր նախարար Բենժամեն Հադադին։

🔸 Անդրադարձ է կատարվել ՀՀ-ԵՄ համագործակցությանը, ինչպես նաև Եվրոպական քաղաքական համայնքի գագաթնաժողովի՝ Հայաստանում անցկացմանը վերաբերող հարցերի։

🔸 Մտքեր են փոխանակվել նաև տարածաշրջանային զարգացումների, խաղաղության և կայունության ապահովմանն ուղղված քայլերի շուրջ:

‼️ «Լուսավոր Հայաստան» կուսակցությունը կմասնակցի հունիսի 7-ի խորհրդարանական ընտրություններին։

🗣 Կուսակցության նախագահ Էդմոն Մարուքյանը հայտարարել է, որ շուրջ 6 ամիս իրենք ամեն ինչ արել են, որ ընդդիմությունն այս ընտրություններին մասնակցի մեկ ճակատով, սակայն դա չի ստացվել:

🏥 Գյումրիում տեղի ունեցած խոշոր ավտովթարից տուժած 28-ամյա կնոջ առողջական վիճակը շարունակում է մնալ ծայրահեղ ծանր։ Բժիշկների փոխանցմամբ՝ նրա գիտակցությունը մթագնած է, միացված է արհեստական շնչառական ապարատին։

👩‍⚕️ Կնոջ երեք երեխաներից երկուսի առողջական վիճակում արձանագրվել է աննշան դրական տեղաշարժ, սակայն բժիշկները նրանց վիճակը դեռևս գնահատում են ծանր։ Իսկ մեկ տարեկան փոքրիկի վիճակը շարունակում է մնալ ծայրահեղ ծանր։

[ՀՀ առողջապահության նախարարություն]|azatutyun.am|

🇮🇹 Իտալիան որոշել է կասեցնել Իսրայելի հետ պաշտպանական համաձայնագրի ավտոմատ երկարաձգումը՝ հաշվի առնելով ստեղծված իրավիճակը Մերձավոր Արևելքում։

🗣 «Մենք պետք է շարունակենք աշխատել խաղաղության բանակցությունները առաջ մղելու, իրավիճակը կայունացնելու ջանքերի և Հորմուզի նեղուցը վերաբացելու ուղղությամբ, որը կարևոր է մեզ համար, ակնհայտորեն, ոչ միայն վառելիքի, այլև պարարտանյութերի համար», - ասել է Իտալիայի վարչապետ Ջորջիա Մելոնին։

📌 Իտալիայի և Իսրայելի միջև պաշտպանական համաձայնագիրը, որը ենթադրում է ռազմական տեխնիկայի և տեխնոլոգիական հետազոտությունների փոխանակում, ստորագրվել է 2003 թվականին և վավերացվել երկու տարի անց։ Այնուհետև այն երկարաձգվել է յուրաքանչյուր հինգ տարին մեկ, իսկ վերջին երկարաձգումը պետք է ավարտվեր 2031 թվականին։ |armenpress.am|

🌡 Օդի ջերմաստիճանն ապրիլի 15-ի գիշերը կնվազի ևս 2-4 աստիճանով, 15-18-ի ցերեկային ժամերին աստիճանաբար կբարձրանա 8-12 աստիճանով։

☔️ Երևանում ապրիլի 15-ի գիշերը սպասվում են տեղումներ․ քաղաքի բարձրադիր հատվածներում ձնախառն անձրևի, ցածրադիր հատվածներում՝ անձրևի տեսքով։

❗️ Եղանակի պարզեցմամբ պայմանավորված՝ ապրիլի 15-ի լուսադեմին Արարատի մարզի առանձին հատվածներում, Արմավիրում և Երևանում օդում հնարավոր է 0-ին մոտ ջերմաստիճան, հողի մակերևույթին՝ -1․․․-4 աստիճան ցուրտ, իսկ Արագածոտնի և Կոտայքի նախալեռնային գոտիներում օդում հնարավոր է -1․․․-4 աստիճան ցուրտ:

[Հիդրոօդերևութաբանության և մոնիթորինգի կենտրոն]

🇦🇲🇪🇺 Արարատ Միրզոյանը հանդիպում է ունեցել ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։

📌 Ընդգծվել է ՀՀ քաղաքացիների համար շոշափելի արդյունքների ապահովմանն ուղղված ծրագրերի իրականացման շուրջ համաձայնությունը:

🗣 Միրզոյանը և Կալասը քննարկել են ժողովրդավարական դիմակայունության շարունակական ամրապնդմանն ուղղված նախաձեռնությունները, որոնք ՀՀ-ԵՄ արժեքահեն գործընկերության և ռազմավարական օրակարգի կարևոր մաս են կազմում։

[ՀՀ ԱԳՆ]

⚖️ Քիչ առաջ բերման է ենթարկվել «Ուժեղ Հայաստան» կուսակցության անդամ Գոհար Ղումաշյանը։

🗣 Այս մասին հայտնել է կուսակցության խորհրդի անդամ Գոհար Մելոյանը։

⚖️ Գոհար Ղումաշյանը բերման է ենթարկվել բարեգործության արգելքի խախտման հիմքով։

📌 Այս մասին հայտնեց Գոհար Մելոյանը՝ նշելով, որ իր գործընկերուհին 3 անչափահաս երեխաների մայր է, երեխաներից մեկը նորածին է՝ կրծքով կերակրվող:

🗣 «Ակնհայտ է, որ իրավական գործընթացի հետ գործ չունենք։ Մի պնդում կարող եմ անել՝ սրանք մեր հաջողված հանրահավաքի հետևանքներն են», - ասաց Մելոյանը:

‼️ ՀՀ հակակոռուպցիոն կոմիտեն բացահայտել է, որ բարեգործություն իրականացնելու օրենսդրական արգելքի պայմաններում «Ուժեղ Հայաստան» կուսակցության անդամը այլ անձի հետ ընտրողներին տրամադրել է գումար և խոստացել արտոնյալ ծառայություն։

📌 Հարուցվել է քրեական վարույթ, 2 անձ ձերբակալվել է։

[ՀՀ հակակոռուպցիոն կոմիտե]

‼️ Հաշվի առնելով մեղադրյալ Գոհար Ղումաշյանի օրինական վարքագիծն ապահովող և դրան խոչընդոտող բոլոր հնարավոր հանգամանքները, այդ թվում՝ վերջինիս անչափահաս երեխաներ ունենալը, որպես խափանման միջոց տնային կալանք կիրառելու վերաբերյալ միջնորդություն է ներկայացվելու դատարան։

[Հակակոռուպցիոն կոմիտեի խոսնակ Մարինա Օհանջանյան]

‼️ Դավիթ Մինասյանի կալանքը վերացվեց հսկող դատախազի որոշմամբ, հենց նոր Դավիթն ազատ արձակվեց Արմավիր ՔԿՀ-ից։

📌 Այս մասին գրել է նրա պաշտպան Լուսինե Մարտիրոսյանը։

🇫🇷 Հորմուզի նեղուցի անվտանգության միջազգային «պաշտպանական առաքելության» քննարկման համար տեսակոնֆերանսը տեղի կունենա ուրբաթ՝ ապրիլի 17-ին, հայտնել է Ֆրանսիայի նախագահի գրասենյակը։

🔸 Ֆրանսիայի նախագահի և Մեծ Բրիտանիայի վարչապետ Քիր Սթարմերի նախագահությամբ անցկացվելիք հանդիպումը կմիավորի այն երկրներին, որոնք պատրաստ են մասնակցել «Հորմուզի նեղուցում նավարկության ազատությունը վերականգնելու առաքելությանը։ |factor.am|

🇺🇸🇮🇱🇱🇧 Վաշինգտոնում սկսվել են Իսրայել-Լիբանան ուղիղ բանակցությունները:

📌 Բանակցություններին մասնակցում են ԱՄՆ պետքարտուղար Մարկո Ռուբիոն, ԱՄՆ-ում Իսրայելի դեսպան Եխիել Լեյտերը և ԱՄՆ-ում Լիբանանի դեսպան Նադա Համադեհ Մոավադը։

🇦🇲🇧🇪 Ապրիլի 14-ին Բրյուսելում ՀՀ ԱԳ նախարար Արարատ Միրզոյանը հանդիպում է ունեցել պաշտպանության և տիեզերքի հարցերով ԵՄ հանձնակատար Անդրիուս Կուբիլիուսի հետ։

📌 Զրուցակիցները մտքեր են փոխանակել վերջին շրջանում զարգացող անվտանգային ու պաշտպանական ոլորտում փոխգործակցության հեռանկարների շուրջ։

[ՀՀ ԱԳՆ]

❗️ Ձերբակալվել է «Ուժեղ Հայաստան» կուսակցության Վայքի գրասենյակի համակարգող Վերժինե Ստեփանյանը

📌 «Ինֆոքոմը» ՀՀ Քննչական կոմիտեից տեղեկացավ, որ Ստեփանյանի նկատմամբ հանրային քրեական հետապնդում է հարուցվել Քրեական օրենսգրքի 236-րդ հոդվածի 3-րդ մասով՝ հավաք անցկացնելուն կամ դրան մասնակցելուն խոչընդոտելը կամ հարկադրելը, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը, որը կատարվել է իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով:

❗️18-ամյա Դավիթ Մինասյանի նկատմամբ կիրառվել է բացակայելու արգելք խափանման միջոցը, հայտնել են Դատախազությունից։

🗣 Դատախազը քրեական վարույթի նյութերը՝ հաստատված մեղադրական եզրակացությամբ, այսօր հանձնել է իրավասու դատարան։ |news.am|

Օրվա կարեւորը՝ #միվոյսով

🔸 Փաստաբան Արմեն Ֆերոյանը Գոհար Ղումաշյանի գործը ապօրինի է որակում․

🗣 «Մենք գործ ունենք բացարձակ ապօրինի քրեական հետապնդման հետ, որն ակնհայտ քաղաքական հետապնդում է»,- լրագրողների հետ զրույցում ասել է Ֆերոյանը։ |pastinfo.am|

🇱🇧🇮🇱🇺🇸 Լիբանանի և Իսրայելի միջև շփումները նպատակ ունեն վերջ դնել «Հեզբոլլահի» ազդեցությանը, հայտարարել է ԱՄՆ պետքարտուղար Մարկո Ռուբիոն:

🔸 Նրա խոսքով՝ ներկայիս բանակցությունները վերաբերում են ոչ միայն հրադադարին, այլև ավելի լայն համաձայնագրերին, այդ թվում՝ Լիբանանում Իսրայելի ռազմական գործողությունների դադարեցմանը։ |tert.am|