🗣 Հարցը եղել է Վենսի հետ հանդիպման օրակարգում․ Փաշինյանը՝ անդրադառնալով գերիների վերադարձի վերաբերյալ հարցին

📣 «Խնդրում եմ, այդ հարցի շուրջ հնարավորինս քիչ մանրամասներ ակնկալեք ինձնից, բայց հարցը եղել օրակարգում, քննարկվել է օրակարգում։ Ասեմ ավելին՝ չկա ուղիղ կամ անուղղակի վերաբերելի որևէ բանակցություն, որտեղ այս թեմային չեն անդրադառնում», - ասել է Փաշինյանը Առաջին Ալիքի եթերում:

📣 [Լեռնային Ղարաբաղի ռազմաքաղաքական ղեկավարների] դատավճիռներն, իհարկե, ինձ համար անձնապես և քաղաքական առումով շատ ցավալի և ծանր են, բայց մյուս կողմից մենք պետք է հասկանանք, որ կոնֆլիկտն ունի իներցիա, և հնարավոր չէ մի լծակի օգնությամբ կանգնեցնել։

📌 Հարցի լուծման մեր պատկերացումը նորից խաղաղությունն է, կոնֆլիկտի դեպքում խնդիրն անլուծելի է։ Օրինակ, եթե չլիներ խաղաղության բարելավող միջավայրը, Վագիֆ Խաչատրյանը չէր վերադառնա առնվազն հիմա կամ տեսանելի ապագայում։

🗣 Ես հասկանում եմ մեր էմոցիաները, հասկանում եմ, որ շատ դեպքերում մեզ քննադատում են, որ դուք արձագանք չունե՞ք, բա ինչու այս ատյան, այն ատյան [չեք դիմում], բայց կոնկրետ օրինակները մեզ բերում են այն համոզման, որ եթե մենք խաղաղության օրակարգի վրա ենք կենտրոնանում և ձևավորում ենք աշխատանքային գործընթացներ, դա բերում է հաջողության։

[ՀՀ վարչապետ Նիկոլ Փաշինյան]

❄️ Հայաստանի մի շարք տարածաշրջաններում ձյուն է տեղում։

❌ Գնդեվազ-Ջերմուկ ավտոճանապարհը փակ է բոլոր տեսակի տրանսպորտային միջոցների համար։

🚚 Տիգրանաշեն-Զանգակատուն, Ջերմուկի խաչմերուկից մինչև Կապան և Ջուջևան-Ոսկեպար-Բաղանիս ավտոճանապարհները, Մեղրիի և Վարդենյաց լեռնանցքները փակ են կցորդով տրանսպորտային միջոցների համար։

🌫 Մ-3-ի՝ Ապարանով անցնող հատվածը և Սպիտակի ոլորանները դժվարանցանելի են կցորդով տրանսպորտային միջոցների համար։

[«Ճանապարհային դեպարտամենտ» հիմնադրամ]

🗣 Ունենք ինֆորմացիա, որը ճշտման փուլում է, որ ՀԱԵ ձևաչափերով ՀՀ են մուտք գործում ստվերային գումարներ՝ քաղաքական նպատակով Հայաստանում օգտագործելու համար։ Այս մասին Հանրային հ/ը եթերում հայտարարել է Նիկոլ Փաշինյանը.

⛪ «Պատարագի խորանն օգտագործել քարոզների ժամանակ քաղաքական քարոզ անելու համար՝ սրբապղծություն է։ 2020 թվականից ի վեր գրեթե բոլոր եկեղեցիներում քարոզների ժամանակ հնչում են քաղաքական, ռադիկալ տեքստեր»,- նշել է Փաշինյանը։

🔸 Նա հավելել է, որ պետք է լինեն «եկեղեցու բարձրաստիճան ներկայացուցիչների բարեվարքության, ֆինանսական թափանցիկության, հաշվետվողականության մեխանիզմներ»։ |armenpress.am|

🇦🇲 🇷🇺 Ռուսաստանի շահերին վնասելը չի եղել, չկա և չի լինելու Հայաստանի օրակարգում, Հանրային հ/ը եթերում հայտարարել է Նիկոլ Փաշինյանը:

❗«Որևէ մեկը մեզ չի կարողանալու ներքաշել ՌԴ-ի դեմ գործելու տրամաբանության մեջ»,- ասել է Փաշինյանը՝ հավելելով, որ ջերմ հարաբերություններ ունի ՌԴ նախագահի և վարչապետի հետ:

📌 Նա նաև նշել է, որ Երևանը գործելու է Հայաստանի շահերին համապատասխան։ |azatutyun.am|

🇦🇲 🇦🇿 Հայաստանի տարածքից Ադրբեջանի զորքերի դուրսբերման վերաբերյալ հարցերը կլուծվեն, քանի որ կողմերը ստորագրել են իրավական բարձրագույն ուժ ունեցող փաստաթուղթ, հայտարարել է Նիկոլ Փաշինյանը։

📃 «[Օկուպացված տարածքների խնդրի] վերաբերյալ արդեն ունենք իրավական բարձրագույն ուժ ունեցող փաստաթուղթ երկու երկրներում, և սահմանազատման գործընթացում այդ խնդիրները կլուծվեն: Այդ հարցի շուրջ խաղաղության քայքայում չի լինելու:

🔸 Մենք հետևողականորեն գնալու ենք սահմանազատման ճանապարհով և Ալմաթիի հռչակագրի հիման վրա ճշգրիտ արձանագրելու ենք Հայաստանի ու Ադրբեջանի ինքնիշխան տարածքները»,- ասել է Փաշինյանը: |armenpress.am|

🇨🇦 Կանադայում՝ Թամբլեր Ռիջ քաղաքի միջնակարգ դպրոցում տեղի ունեցած հրաձգության հետևանքով 10 մարդ է զոհվել, առնվազն 25-ը վիրավոր է, որոնցից 2-ի վիճակը գնահատվում է ծանր:

🔸 Ենթադրյալ հարձակվողը ինքնասպան է եղել։ |azatutyun.am|

✅ ԱԺ-ն ամբողջությամբ ընդունեց զինծառայությունից խուսափած 27-37 տարեկան քաղաքացիներին քրեական պատասխանատվությունից ազատելու տարբերակների մասին օրենքի նախագիծը։

🗳 Ձայները բաշխվեցին հետևյալ կերպ՝ 86 կողմ, 0 դեմ, 5 ձեռնպահ:

🔍 Խուզարկություններ և ձերբակալություններ են տեղի ունենում Վաղարշապատում՝ ըստ ավագանու «Հաղթանակ» խմբակցության ղեկավար Սևակ Խաչատրյանի:

🗣 «Վաղ առավոտից բռնաճնշումներ են սկսվել ընդդիմադիր հայացքներ ունեցող տարբեր անձանց նկատմամբ: Մինչ այս պահը տեղի են ունենում խուզարկություններ և ձերբակալություններ: Մեր տեղեկություններով՝ այս պահին ձերբակալված է 5 անձ»,- գրել է Խաչատրյանը:

Փոփոխություններ՝ զինծառայողների ատեստավորման կարգում. ընդդիմությունը պնդում է՝ անհավասար պայմաններ են ստեղծվում

🔻 «Պաշտպան հայրենյաց» ծրագրով ծառայություն անցնող զինծառայողներն ատեստավորված են համարվելու ուսումնական փուլի ավարտին հանձնվող քննությունների արդյունքներով՝ պայմանով, որ նշանակվելու է ստացած զինվորական մասնագիտությանը համապատասխանող զինվորական պաշտոնի:

🔻 ՀՀ ռազմաուսումնական հաստատություններ ավարտած և համապատասխան սպայական պաշտոնին նշանակված զինծառայողներն ատեստավորված են համարվելու հաստատության ավարտական քննությունների արդյունքներով:

🔻 «Պաշտպան հայրենյաց» ծրագրով հնգամյա առաջին պայմանագրի ժամկետը լրանալուց հետո 2 կամ 5 տարով հերթական պայմանագիր կնքող զինծառայողների համար նախատեսվում է պայմանագրի ժամկետի ավարտից հետո պատվովճար ստանալու հնարավարություն՝ 2 տարվա դեպքում՝ 1.5 մլն, 5 տարվա դեպքում՝ 5 մլն դրամ:

✅ ԱԺ-ն առաջին ընթերցմամբ ընդունեց վերոնշյալ փոփոխությունները նախատեսող նախագիծը:

Ինչ է իրականում Ռուբեն Վարդանյանն ասել Բաքվի դատական ֆարսի ընթացքում. իր խոսքի բովանդակությունը Վարդանյանը փոխանցել է ընտանիքի հետ հեռախոսազրույցի ընթացքում:

🔸 «Դատին ասել ու երեք անգամ կրկնել եմ այն, ինչն ասելուց ինձ փորձում էին ընդհատել․ Արցախը եղել է, Արցախը կա և Արցախը կլինի հենց գոյաբանական առումով։ Այն, որ Արցախը եղել է, կա և կլինի։

🔸 Բենզինի գնացքների համար: Ասել ու կրկնում եմ․ պետք է հասկանանք, որ մեզ խաղաղության երկար ճանապարհ է սպասվում, ինչը հեշտ չէ։ [...]

🔸 Եթե մեկը ստորանալու է մյուսի առաջ, ոչինչ չի ստացվի, ոչ մի խաղաղություն չի լինի։ Հույս ունեմ, որ մենք սա կգիտակցենք ու կհասկանանք, որ ամեն ինչ կախված է միմիայն մեզնից, ինքնավերականգնվելու, ինքներս մեզ հարգելու մեր կարողությունից՝ չկորցնելով այն գիտակցումը, որ մենք իսկապես պետք է ապրենք խաղաղության մեջ մեր տարածաշրջանում»,- ասվում է հայտարարությունում, որը տարածել է Վարդանյանի ընտանիքը:

‼️ Որպես անհետ կորած որոնվող 19-ամյա Լիաննա Արաբյանը հայտնաբերվել է:

[ՆԳՆ ոստիկանություն]

⚖️ Դատարանը վերադարձրել է Մայր աթոռի դեմ կարգալույծ քահանաների 2 հայցադիմումները:

📌 Ըստ «Դատալեքսի»՝ հայցադիմումները հայցվորներին են վերադարձվել թերությունների պատճառով։ Առկա թերությունները վերացնելու համար եռօրյա ժամկետ է տրամադրվել։

🗳 Վաղարշապատի ավագանու՝ «Հաղթանակ» դաշինքի ցուցակում ընդգրկված անձինք և այլ աջակիցներ մի շարք անձանց ուղղորդել են քվեարկել դաշինքի օգտին:

⚖️ 7 անձի նկատմամբ հարուցվել է հանրային քրեական հետապնդում՝ Քր. օրենսգրքի 210-րդ հոդվածի 2-րդ մասի 6-րդ կետով (մի խումբ անձանց կողմից նախնական համաձայնությամբ ընտրական կամ հանրաքվեին մասնակցելու իրավունքի իրականացումը, ընտրական հանձնաժողովների աշխատանքներին կամ ընտրությանը կամ հանրաքվեին մասնակցող անձանց իրավունքների կամ պարտականությունների իրականացումը խոչընդոտելը):

👨‍⚖️ 6 անձ ձերբակավել է՝ կալանքը որպես խափանման միջոց կիրառելու նպատակով դատարան ներկայացնելու համար:

Ձայնագրությունը՝ Քննչական կոմիտե

📺 Առաջարկվում է արգելել օտարերկրյա հաղորդումներում «ՀՀ ներքաղաքական կյանքին միջամտության բովանդակության տարածելը», և հնարավորություն տալ Հեռուստատեսության և ռադիոյի հանձնաժողովին սանկցիաներ կիրառել ցանցային օպերատորների նկատմամբ, եթե արձանագրվեն առերևույթ խախտումներ:

💬 Ընդդիմադիր պատգամավոր Գեղամ Մանուկյանը ձևակերպումը համարում է «սուբյեկտիվ» և նշում, թե ինչպես է ՀՌՀ անդամը որոշելու՝ միջամտությո՞ւն են Թուրքիայի ԱԳ նախարար Հաքան Ֆիդանի կամ Սոլովյովի հայտարարությունները. «Արդյունքում՝ հասարակության մեջ անհանգստություն է, որ նախագիծն ընտրությունների ժամանակ ևս մի գործիք է տալու, որ իշխանությանը ոչ հաճո ՀԸ-ի, ռեպորտաժի վրա դրվի սահմանափակում»:

🗣 ԲՏԱ նախարարը չհամաձայնեց, որ ձևակերպումը սուբյեկտիվ է, և ներկայացրեց, թե ինչը կարող է համարվել միջամտություն, ինչը՝ ոչ՝ ըստ իրեն. «Միջամտություն չէ՝ փաստերի վրա հիմնված լրատվական հաղորդումը՝ առանց գնահատականների, ակադեմիական կամ վերլուծական քննարկումը, եթե չկա կոչ կամ քարոզ, միջազգային կազմակերպությունների պաշտոնական զեկույցների ներկայացումը, ՀՀ ներքին կյանքի մասին կարծիքներ, եթե դրանք արտադրվել կամ ղեկավարվել օտար պետության կողմից»:

🔗 Կարդալ ավելին

📌 Այսօր կայացել է Սամվել Կարապետյանի «Ուժեղ Հայաստան» կուսակցության համագումարը։ Սամվել Կարապետյանը միաձայն ընտրվել է կուսակցության նախագահ։

📣 Ինչպես հայտնում է «Մեր ձևով» շարժման մամուլի խոսնակ Մարիաննա Ղահրամանյանը, վաղը՝ փետրվարի 12-ին, կհայտարարվի կուսակցության վարչապետի թեկնածուի անունը։

❄️🌧 Փետրվարի 11-ի ցերեկը, 12-ին Երևանում և հանրապետության առանձին շրջաններում ժամանակ առ ժամանակ սպասվում են տեղումներ ձյան և ձնախառն անձրևի տեսքով, 14-ի ցերեկը սպասվում է անձրև։

🌡 Օդի ջերմաստիճանը փետրվարի 11-ի ցերեկը Լոռիում, Տավուշում և Սյունիքում կնվազի 4-6 աստիճանով, 13-16-ին աստիճանաբար կբարձրանա 4-6, Լոռիում, Տավուշում և Սյունիքում՝ 8-10 աստիճանով։

🧊 Փետրվարի 12-ի գիշերը և առավոտյան հանրապետության ավտոճանապարհներին սպասվում է մերկասառույց։ Փետրվարի 12-15-ին առավոտյան սպասվում է մառախուղ։

[«Հիդրոօդերևութաբանության և մոնիթորինգի կենտրոն»]

📣 Ամենայն Հայոց Կաթողիկոսը հանդիպել է միջազգային իրավաբան Ռոբերտ Ամստերդամին։

🗣 Քննարկվել են անազատության մեջ գտնվող եպիսկոպոսների և ազգային բարերար Սամվել Կարապետյանի նկատմամբ ընթացող իրավական գործընթացները։

[Մայր Աթոռ]

🎞 Հայաստանում YouTube-ի դրամայնացումը ամենայն հավանականությամբ ապրիլի վերջին կամ մայիսի սկզբին կակտիվացվի։

[ԲՏԱ նախարար Մխիթար Հայրապետյանը՝ ԱԺ-Կառավարություն հարցուպատասխանի ժամանակ]

#գիտարբուք Հրանտ Խաչատրյանի հետ. «Ինչ կարող է անել Հայաստանը արհեստական բանականության ոլորտում»

Ֆիզմաթ գիտությունների դոկտոր, YerevaNN լաբորատորիայի տնօրեն Հրանտ Խաչատրյանի հետ բանախոսության ընթացքում քննարկել ենք հետևյալ թեմաները․

- ինչ վիճակում է արհեստական բանականությունն աշխարհում,
- ծրագրավորման մեջ պրոդիկտիվության աննախադեպ աճը արհեստական բանականության շնորհիվ,
- ինչու է արհեստական բանականությունը հեշտությամբ համաձայնում քեզ հետ,
- արհեստական բանականությունը Հայաստանում․ որ ընկերությունները ինչ մոդելներ ու պրոդուկտեն են պատրաստում,
- արհեստական բանականությամբ զբաղվող համալսարանական խմբերը Հայաստանում․ դրոնների կառավարում AI մոդելլի միջոցով, նոր մոլեկուլների առաջարկում,
- հաշվողական ռեսուրսների հասանելիությունը Հայաստանում, և որ ոլորտներում կարող ենք չափելի արդյունք ստանալ,
- AI-ի ժամանակաշրջանում աշխատանք գտնելը, այն չկորցնելն ու նոր աշխատանքների առաջացումը,
- AI-ին բարևելն ու շնորհակալություն հայտնելը․ էներգախնայողության հարցն ու բնապահպանությունը։