🇪🇺🇵🇱 2025 թ. հունվարի 1-ին Եվրամիության խորհրդի վեցամսյա նախագահությունը Հունգարիայից անցավ Լեհաստանին։

📌 Պաշտոնական Վարշավան նախագահության կարգախոս է հռչակել՝ «Անվտանգություն, Եվրոպա», այս մասին հայտարարել է Լեհաստանի կառավարության Եվրոպական միության հարցերով նախարար Ադամ Շլապկան։

🗣 «Մենք պետք է պահպանենք հարաբերությունները Միացյալ Նահանգների հետ, բայց Եվրոպան պետք է դառնա անկախ, պետք է ոտքի կանգնի։ Ռուսաստանի հետ հարաբերություններում վախի և անորոշության դարաշրջանը պետք է ավարտվի», - հայտարարել է Լեհաստանի վարչապետ Դոնալդ Տուսկը։|azatutyun.am|

⛅️ Երևանում և Հանրապետության ողջ տարածքում հունվարի 1-ի ցերեկը, 2-6-ը սպասվում է առանց տեղումների եղանակ:
🌡 Օդի ջերմաստիճանն էապես չի փոխվի։
🌤 Հունվարին օդի ամսական միջին ջերմաստիճանը կանխատեսվում է նորմայից բարձր 3-5 աստիճանով, տեղումների քանակը` նորմայից պակաս։

[Հիդրոօդերևութաբանության և մոնիթորինգի կենտրոն]

🇭🇺 Հունգարիան զրկվեց Եվրամիության մոտ 1 միլիարդ եվրոյի ֆինանսական հատկացումից՝ կոռուպցիոն կասկածների պատճառով։

📝Ամիսներ առաջ հրապարակված զեկույցում Եվրահանձնաժողովը պնդել է, որ Հունգարիան չի համապատասխանում ԵՄ ժողովրդավարական չափանիշներին, մասնավորապես՝ քաղաքական ֆինանսների, շահերի բախման և ԶԼՄ-ների անկախության հարցերում:

📌 Վարչապետ Վիկտոր Օրբանը հայտարարել է, որ այդ գումարներն «իրենցն են»՝ խոստանալով պայքարել ֆինանսական փաթեթը ստանալու համար։|azatutyun.am|

🇧🇾 ԵԱՏՄ նախագահությունը հունվարի 1-ին Հայաստանից անցավ Բելառուսին։

🔸 2024-ի վերջին Բելառուսի վարչապետ Ռոման Գոլովչենկոն հայտարարեց, որ Մինսկը ողջ պատասխանատվությամբ կստանձնի այդ առաքելությունը և կանի հնարավորն՝ ասոցիացիայի հետագա զարգացման համար։

📌 Ավելի վաղ ՀՀ վարչապետ Նիկոլ Փաշինյանը հայտարարել էր, որ մայիսին Մինսկում կայանալիք Եվրասիական բարձրագույն տնտեսական խորհրդի նիստին կմասնակցի տեսակապի միջոցով։|azatutyun.am|

🇺🇸 Ամանորի գիշերը Նոր Օռլեանում տեղի ունեցած միջադեպը իշխանությունները ահաբեկչություն են որակել:

📌 Հայտնում են, որ զոհերի թիվը հասել է 15-ի, վիրավորվել է 30 մարդ:

🔸 ԱՄՆ հետաքննությունների դաշնային բյուրոն բացահայտել է հարձակում իրականացրած անձի ինքնությունը: |1lurer.am|

❌ Հանրային տրանսպորտում մետաղադրամով վճարել այլևս հնարավոր չէ. սարքերը հունվարի 1-ից կապարակնքված են:

✅ Հնարավոր է վճարել բացառապես էլեկտրոնային եղանակով՝ Tellcell Wallet-ով, վճարային տերմինալներով ձեռք բերված թղթային QR տոմսերով, ինչպես նաև բանկային քարտերով:

❌ Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
🚚 Վարդենյաց լեռնանցքը կցորդիչով բեռնատարների համար երթևեկելի է անվաշղթաների կիրառման դեպքում։
🚘🚛 Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար:

[ՆԳՆ փրկարար ծառայություն]

👮🏻‍♀️Հունվարի 2-ին պարեկները մոտեցել են Կոմիտասի պողոտա՝ ճանապարհատրանսպորտային պատահարն արձանագրելու։ 47-ամյա վարորդը, գտնվելով ոչ սթափ վիճակում, ներկայացրել է վարորդական իրավունքի երկու վկայական, որոնցից մեկը՝ կեղծ։ Արձանագրություն կազմելու նպատակով պարեկը վերցրել է վկայականները, ինչից հետո քաղաքացին պարեկների մեքենայի սրահ է նետել 20 հազար դրամ՝ վարորդական վկայականները վերադարձնելու և արձանագրություն չկազմելու համար:
🔍Կաշառք տալու և կեղծ վարորդական վկայական ներկայացնելու հիմնավոր կասկածով անձը ձերբակալվել է։

[ՆԳՆ ոստիկանություն]

🇦🇲🇺🇸 Սրտի ցավով տեղեկացանք Նոր Օռլեանում տեղի ունեցած ողբերգական իրադարձությունների մասին։ Դատապարտում ենք բռնության նման անիմաստ գործողությունները և մեր խորին ցավակցությունն ենք հայտնում զոհերին, նրանց մտերիմներին և ԱՄՆ կառավարությանը:

[ՀՀ ԱԳՆ]

🔥 Հրդեհ է բռնկվել Բագրատաշենի անցակետում գտնվող պահեստում։

📌 Ըստ նախնական տվյալների՝ պահեստում այրվում է պիրոտեխնիկա։

[ՆԳՆ փրկարար ծառայություն]

⚖️ Հակակոռուպցիոն դատարանի վճռով նախատեսվում է Դավթաշեն համայնքի նախկին ղեկավար, 2012-2019թթ. ԱԺ նախկին պատգամավոր Արթուր Գևորգյանից և նրան փոխկապակցված անձից՝ Աննա Վլադիմիրի Գասպարյանից, որպես ապօրինի ծագում ունեցող գույք հօգուտ Հայաստանի բռնագանձել 668.194.872 դրամ:

[ԲԴԽ]

❗️ Հրդեհի հետևանքով տուժածները երեքն են: ՀՀ ԱՆ-ից news.am-ին հայտնել են, որ նրանցից 2-ի վիճակը միջին ծանրության է, մեկինը՝ բավարար։

👩‍🚒 ՆԳՆ փրկարար ծառայությունից հայտնում են, որ հրդեհը ժամը 16։18-ին մարվել է:

❗️Բագրատաշենի անցակետում գտնվող պահեստում բռնկված հրդեհը մարվել է։

[ ՆԳՆ Փրկարար ծառայություն]

🇦🇲🇪🇺🇦🇿 ԵՄ խորհուրդը՝ Լեհաստանի նախագահությամբ ձգտելու է Հայաստանի և Ադրբեջանի միջև հարաբերությունների կարգավորմանը և իրավիճակի կայունացմանը Հարավային Կովկասում։

«Սա հնարավորություն է տարածաշրջանին զարգացնել իր համագործակցությունը ԵՄ-ի հետ։ Այն նաև կաջակցի վրաց ժողովրդի՝ ԵՄ անդամակցության ձգտումներին», - նշված է ԵՄ խորհրդի Լեհաստանի նախագահության ընթացքում ծրագրված գործողությունների ցանկում։

❗️ՔՊ Վարչության նիստում կայացված որոշմամբ Փարաքար խոշորացված համայնքի նախնական ընտրություններին կմասնակցեն Արփինե Առաքելյանը, Լյուդվիգ Գյուլնազարյանը, Կարեն Երեմյանը, Մհեր Հարությունյանը, Արման Մնացականյանը, Գոռ Սարիբեկյանը:

📌 Նախնական ընտրություններում ամեշատ ձայներ ստացած թեկնածուն կնշանակվի Փարաքար խոշորացված համայնքի ղեկավարի պաշտոնակատար։

[Նիկոլ Փաշինյան]

🇬🇪 Վրաստանը այս տարվա նոյեմբեր-դեկտեմբերին երկրից արտաքսել է տարբեր երկրների 91 քաղաքացու։

🗣 «Արտաքսվածների թվում, որոնց նկատմամբ արտաքսման ընթացակարգ է հարուցվել Վրաստանի ՆԳՆ միգրացիոն վարչությունում, կան օտարերկրյա այն քաղաքացիներ, ովքեր մասնակցել են 2024 թվականի նոյեմբեր-դեկտեմբերին Թբիլիսիում տեղի ունեցած ակցիաներին և նրանց նկատմամբ տարբեր տեսակի պարտադրանքներ են սահմանվել. վարչական տույժեր դատարանի կողմից՝ ընդհանուր առմամբ 25 անձ: Նրանցից 10-ն արդեն լքել են Վրաստանի տարածքը»,- նշվում է Վրաստանի ՆԳՆ հաղորդագրության մեջ։ |1tv.ge|

❗️Ձերբակալել են ազգային հերոս, գեներալ-լեյտենանտ Տիրան Խաչատրյանին, լուրը հաստատել է նախկին բարձրաստիճան զինվորականի փաստաբան Վարազդատ Հարությունյանը:

📌 Քննչական կոմիտեի մամուլի խոսնակ Կիմա Ավդալյանը հայտնել է՝ քրեական վարույթը գաղտնի է, կատարվում են վարութային և դատավարական գործողություններ: |azatutyun.am|

❗️Տիրան Խաչատրյանին առաջադրված մեղադրանքը (ռազմական դրության ժամանակ զինվորական պաշտոնեական անփութություն), որը նա չի ընդունում, առնչվում է 44-օրյա պատերազմի որոշ հանգամանքների: Նախաքննական և ռազմական գաղտնիքի ներքո, այս փուլում չենք կարող ավել մանրամսներ հաղորդել, սակայն կրկնում ենք` Տիրան Խաչատրյանն իրեն առաջադրված մեղադրանքը չի ընդունում և նույն հանգամանքների վերաբերյալ քանիցս տվել է սպառիչ և հանգամանալից նախաքննական ցուցմունքներ ու որևէ կերպ չի խոչընդոտել նախաքննությանը:

🔸 Կալանքի վերաբերյալ միջնորդության նիստի ժամի և վայրի մասին կհաղորդենք իմանալուն պես: Խնդրում ենք այս փուլում բավարարվել պաշտպանական խմբի հայտարարություններով, որոնք պարբերաբար կլրացվեն ըստ անհրաժեշտության:

[Տիրան Խաչատրյանի պաշտպանական խումբ]

🇺🇸🇨🇳🇷🇺 Վաշինգտոնը հիմքեր ունի ենթադրելու, որ Չինաստանի իշխանությունները ժամանակին կապ են հաստատել Ռուսաստանի հետ` նպատակ ունենալով կանխել Մոսկվայի կողմից միջուկային զենքի կիրառումը: Այս մասին հայտարարել է ԱՄՆ պետքարտուղար Էնթոնի Բլինքենը։

🗣 «Նույնիսկ եթե հավանականությունը 5-ից հասնի 15 տոկոսի, երբ խոսքը միջուկային զենքի մասին է, չկա ավելի լուրջ բան», - ընդգծել է պետքարտուղարը։ |azatutyun.am|